“Auditorlik faoliyati toʻgʻrisida”gi Oʻzbekiston Respublikasining Qonuniga, Oʻzbekiston Respublikasi Prezidentining 2007-yil 4-apreldagi PQ-615-sonli “Auditorlik tashkilotlari faoliyatini yanada takomillashtirish hamda ular koʻrsatayotgan xizmatlar sifati uchun javobgarlikni oshirish toʻgʻrisida”gi qarori (Oʻzbekiston Respublikasi qonun hujjatlari toʻplami, 2007-y., 15-son, 155-modda) ga muvofiq Oʻzbekiston Respublikasi Davlat mulkini boshqarish davlat qoʻmitasi va Oʻzbekiston Respublikasi Moliya vazirligi qaror qiladi:

1. Oʻzbekiston Respublikasi Davlat mulki qoʻmitasi va Oʻzbekiston Respublikasi Moliya vazirligining 2007-yil 12-fevraldagi 01/12-18/03 va 20-sonli qarori bilan tasdiqlangan “Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga auditorlik tashkilotlarini kiritish tartibi toʻgʻrisidagi Nizom”ga (roʻyxat raqami 1668, 28-mart 2007-y. ––– Oʻzbekiston Respublikasi qonun hujjatlari toʻplami, 2007-y., 13-son, 128-modda) ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilganidan soʻng oʻn kundan keyin kuchga kiradi.

1. 1-band quyidagi tahrirda bayon etilsin:

“1. Ustav kapitalida davlat aksiyalari paketi (ulushlari) 50 foizdan ortiq boʻlgan korxonalarda tashqi auditni oʻtkazadigan auditorlik tashkilotlari roʻyxatiga (keyingi oʻrinlarda — Roʻyxat) auditorlik tashkilotlarini kiritish uchun tanlov mazkur Nizom bilan belgilangan talablarga javob beruvchi va barcha xoʻjalik yurituvchi subyektlarda auditorlik tekshiruvini oʻtkazish yoki tashabbus tarzdagi va banklar, sugʻurta tashkilotlari va ustav kapitali 500 mln. soʻmdan yuqori boʻlgan ochiq aksiyadorlik jamiyatlaridan tashqari xoʻjalik yurituvchi subyektlarda majburiy auditorlik tekshiruvini oʻtkazish boʻyicha auditorlik faoliyatini amalga oshirish uchun litsenziyaga ega boʻlgan auditorlik tashkilotlarining arizalari asosida amalga oshiriladi.”.

2. 12-band quyidagi tahrirda bayon etilsin:

“12. Tanlovda ishtirok etish uchun auditorlik tashkilotiga quyiladigan talablar:

a) barcha xoʻjalik yurituvchi subyektlarda auditorlik tekshiruvini oʻtkazish yoki tashabbus tarzdagi va banklar, sugʻurta tashkilotlari va ustav kapitali 500 mln. soʻmdan yuqori boʻlgan ochiq aksiyadorlik jamiyatlaridan tashqari xoʻjalik yurituvchi subyektlarda majburiy auditorlik tekshiruvini oʻtkazish boʻyicha auditorlik faoliyatini amalga oshirish uchun litsenziyaning mavjudligi;

b) auditorlik tashkiloti rahbari va shtatdagi auditorlarda amalda boʻlgan auditorlik sertifikatlarining (ariza berilgan paytda) mavjudligi;

v) auditorlik faoliyati sohasida kamida 2 yillik tajribaga ega boʻlishi, shu jumladan, aksiyadorlik jamiyatlarini tekshirish boʻyicha;

g) auditorlik tashkilotida qimmatli qogʻozlar bozori sohasida malakaga ega boʻlgan kamida bitta mutaxassisning mavjudligi (malaka mazkur ixtisoslik boʻyicha maʼlumotga ega boʻlishi yoki qimmatli qogʻozlar bozori mutaxassisi malaka attestatining mavjudligi yoki ushbu sohada ish tajribasiga ega boʻlishi bilan tasdiqlanadi);

d) fuqarolik javobgarligi sugʻurta polisining mavjudligi;

e) Oʻzbekiston Respublikasi moliya vazirining 2006-yil 21-avgustdagi 76-sonli buyrugʻi bilan tasdiqlangan 4-sonli auditorlik faoliyatining milliy standarti “Auditorlik tashkilotlarining ichki standartlariga qoʻyiladigan talablar”ga (2006-yil 25-sentabr, roʻyxat raqami 1624 — Oʻzbekiston Respublikasi qonun hujjatlari toʻplami, 2006-y., 39-son, 392-modda) muvofiq ichki standartlarning mavjudligi”.

3. 13-band quyidagi tahrirda bayon etilsin:

“13. Tanlovda ishtirok etish uchun auditorlik tashkiloti ishonchli tasdiqlangan holda quyidagi hujjatlarni taqdim etadi:

a) barcha xoʻjalik yurituvchi subyektlarda auditorlik tekshiruvini oʻtkazish yoki tashabbus tarzdagi va banklar, sugʻurta tashkilotlari va ustav kapitali 500 mln. soʻmdan yuqori boʻlgan ochiq aksiyadorlik jamiyatlaridan tashqari xoʻjalik yurituvchi subyektlarda majburiy auditorlik tekshiruvini oʻtkazish boʻyicha auditorlik faoliyatini amalga oshirish uchun litsenziyaning nusxasi;

b) auditorlik tashkiloti rahbari va shtatdagi auditorlarning auditorlik sertifikatlarining nusxalari;

v) aksiyadorlik jamiyatlarini tekshirish boʻyicha ish tajribasiga ega ekanligini tasdiqlovchi kamida 2 ta auditorlik xulosalarning nusxalari;

g) qimmatli qogʻozlar bozori sohasida malakaga ega ekanligini tasdiqlovchi maʼlumoti toʻgʻrisida diplom yoki qimmatli qogʻozlar bozori mutaxassisi malaka attestati yoki mehnat daftarchasidan nusxalar;

d) fuqarolik javobgarligi sugʻurta polisining nusxasi;

e) ichki standartlar nusxalari”.

3. Mazkur oʻzgartirishlar Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi bilan kelishilgan.