LexUZ sharhi
Mazkur qaror O‘zbekiston Respublikasi Moliya vazirligi, Davlat soliq qo‘mitasining 2013-yil 29-maydagi 54, 2013-29-sonli “O‘zbekiston Respublikasi Prezidentining 2008-yil 21 maydagi “Sug‘urta xizmatlari bozorini yanada isloh qilish va rivojlantirishga oid qo‘shimcha chora-tadbirlar to‘g‘risida”gi PQ-872-son qarori bilan berilgan soliq imtiyozlarini qo‘llash tartibi to‘g‘risidagi nizomni tasdiqlash haqida”gi qarorni o‘z kuchini yo‘qotgan deb topish to‘g‘risida”gi qaroriga (ro‘yxat raqami 1838-1, 07.06.2013-y.) asosan o‘z kuchini yo‘qotgan.
O‘zbekiston Respublikasi “Davlat soliq xizmati to‘g‘risida”gi Qonunining 7-moddasi va O‘zbekiston Respublikasi Prezidentining 2008-yil 21 maydagi “Sug‘urta xizmatlari bozorini yanada isloh qilish va rivojlantirishga oid qo‘shimcha chora-tadbirlar to‘g‘risida”gi PQ-872-son qaroriga (O‘zbekiston Respublikasi qonun hujjatlari to‘plami, 2008-y., 20-21-son, 172-modda) muvofiq qaror qilamiz:
1. Ilova qilinayotgan O‘zbekiston Respublikasi Prezidentining 2008-yil 21 maydagi “Sug‘urta xizmatlari bozorini yanada isloh qilish va rivojlantirishga oid qo‘shimcha chora-tadbirlar to‘g‘risida”gi PQ-872-son qarori bilan berilgan soliq imtiyozlarini qo‘llash tartibi to‘g‘risidagi nizom tasdiqlansin.
2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgach kuchga kiradi.
Moliya vazirligi va Davlat soliq qo‘mitasining 2008-yil 30-iyundagi 69, 2008-30-son qarori bilan
TASDIQLANGAN
TASDIQLANGAN
Mazkur Nizom, O‘zbekiston Respublikasi “Davlat soliq xizmati to‘g‘risida”gi Qonunining 7-moddasi va O‘zbekiston Respublikasi Prezidentining 2008-yil 21 maydagi “Sug‘urta xizmatlari bozorini yanada isloh qilish va rivojlantirishga oid qo‘shimcha chora-tadbirlar to‘g‘risida”gi PQ-872-son qaroriga (O‘zbekiston Respublikasi qonun hujjatlari to‘plami, 2008-y., 20-21-son, 172-modda) muvofiq, ko‘rsatib o‘tilgan qaror bilan berilgan soliq imtiyozlarini qo‘llash tartibini belgilaydi.
1. O‘zbekiston Respublikasi Prezidentining 2008-yil 21 maydagi “Sug‘urta xizmatlari bozorini yanada isloh qilish va rivojlantirishga oid qo‘shimcha chora-tadbirlar to‘g‘risida”gi PQ-872-son qaroriga muvofiq 2008-yil 1-iyundan 2011-yilning 1-iyunigacha (keyingi o‘rinlarda matnda — imtiyoz davri deb yuritiladi):
yuridik va jismoniy shaxslarning sug‘urtalovchilar aksiyalari bo‘yicha dividendlar ko‘rinishida olingan daromadlari yuridik shaxslardan olinadigan foyda solig‘i va jismoniy shaxslardan olinadigan daromad solig‘ini to‘lashdan ozod qilinadilar;
sug‘urtalovchilarning dividendlar va foizlar ko‘rinishida olingan daromadlari yuridik shaxslardan olinadigan foyda solig‘ini to‘lashdan ozod qilinadi va soliqdan bo‘shagan mablag‘lar respublika hududlarida, birinchi navbatda, qishloq joylarida hududiy bo‘linmalarni, keng tarmoqli agentlik tizimini tashkil qilish, shuningdek, ularning moddiy-texnik bazasini rivojlantirishga maqsadli yo‘naltiriladi.
2. Ushbu Nizomning 1-bandida ko‘rsatilgan imtiyozlar imtiyoz davrida hisoblangan va olingan yuqorida sanab o‘tilgan daromadlarga tatbiq etiladi.
Bunda, mazkur daromadlar yuridik (jumladan sug‘urtalovchida) va jismoniy shaxsda — daromad oluvchida ham soliqqa tortilmaydi.
4. Yuridik shaxslarga berilgan imtiyozlarni rasmiylashtirish va buxgalterlik hisobida aks ettirish tartibi, Yuridik shaxslarga soliqlar, bojxona va majburiy to‘lovlarni budjetga to‘lash bo‘yicha berilgan imtiyozlarni rasmiylashtirish va buxgalterlik hisobida aks ettirish tartibi to‘g‘risidagi nizom (2005-yil 2-aprel, ro‘yxat raqami 1463 — O‘zbekiston Respublikasi qonun hujjatlari to‘plami, 2005-y., 14-son, 105-modda) bilan tartibga solinadi.
dividendlar Yuridik shaxslardan olinadigan foyda solig‘i hisob-kitobining 070-satrida aks ettiriladi;
dividendlar Soliq agentlari tomonidan dividendlar va foizlar ko‘rinishidagi daromadlardan to‘lov manbaida ushlab qolinadigan yuridik shaxslardan olinadigan foyda solig‘i hisob-kitobi 0303-satrining tegishli kichik satrida aks ettiriladi;
foizlar Soliq agentlari tomonidan dividendlar va foizlar ko‘rinishidagi daromadlardan to‘lov manbaida ushlab qolinadigan yuridik shaxslardan olinadigan foyda solig‘i hisob-kitobi 0903-satrining tegishli kichik satrida aks ettiriladi.
6. Ushbu Nizom 5-bandining “a” kichik bandida ko‘rsatib o‘tilgan satrlar Daromad summasi va ushlab qolingan yuridik shaxslardan olinadigan foyda solig‘ining jami summasi to‘g‘risida ma’lumotnoma mavjud bo‘lgan taqdirda to‘ldiriladi. Bunda, yuridik shaxslar Yuridik shaxslardan olinadigan foyda solig‘i hisob-kitobiga bu ma’lumotnomaning nusxalarini ilova qiladi.
a) to‘langan daromadlar hisobini yuritish hamda Jami daromad summasi va to‘lov manbaidan ushlab qolingan yuridik shaxslardan olinadigan foyda solig‘ining umumiy summasi to‘g‘risida ma’lumotnomani taqdim etish;
b) daromad olayotgan yuridik shaxslarga ularning talabiga ko‘ra Daromad summasi va ushlab qolingan yuridik shaxslardan olinadigan foyda solig‘ining jami summasi to‘g‘risida ma’lumotnomani yuborish.
8. Yuridik shaxslar berilgan soliq imtiyozlarini hisobga olgan holda qonun hujjatlariga muvofiq soliqlarni to‘g‘ri hisoblanishiga va soliqlarning o‘z vaqtida to‘lanishiga javobgarlar.
9. Ushbu Nizomning to‘g‘ri qo‘llanishi ustidan nazorat davlat soliq xizmati organlari tomonidan amalga oshiriladi.