Oʻzbekiston Respublikasining “Isteʼmolchilarning huquqlarini himoya qilish toʻgʻrisida” va “Reklama toʻgʻrisida”gi qonunlariga asosan va Oʻzbekiston Respublikasi Prezidentining 2005-yil 2-maydagi PQ-66-son qarori bilan tasdiqlangan Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi toʻgʻrisidagi nizomga muvofiq buyuraman:

1. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining “Teatr-konsert tadbirlarini oʻtkazishda fonogrammadan foydalanish toʻgʻrisida maʼlumotni taqdim etish qoidalarini tasdiqlash haqida”gi 2002-yil 29-oktabrdagi 322-son buyrugʻiga (roʻyxat raqami 1188, 2002-yil 16-noyabr, Oʻzbekiston Respublikasi vazirliklari, davlat qoʻmitalari, idoralarining meʼyoriy hujjatlari axborotnomasi, 2002-yil 22-son) ilovaga* muvofiq oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Adliya vazirligi tomonidan davlat roʻyxatiga olingan kundan boshlab oʻn kun oʻtgach kuchga kiritilsin.