Oʻzbekiston Respublikasi Prezidentining 2007-yil 6-apreldagi “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida”gi PQ-616-sonli qaroriga muvofiq buyuraman:

1. Mehnat vazirligi tomonidan 1999-yil 29-noyabrda 2080/04-1-son bilan tasdiqlangan hamda Makroiqtisodiyot va statistika vazirligi bilan 1999-yil 29-noyabrda 3-01/42, Tovar ishlab chiqaruvchilar va tadbirkorlar palatasi bilan 1999-yil 7-dekabrda 972, Oʻzbekiston Kasaba uyushmalari Federatsiyasi bilan 1999-yil 16-dekabrda DJ-05/617 kelishilgan “Mehnat organlariga boʻsh ish joylari (vakant lavozimlar)ning mavjudligi toʻgʻrisidagi maʼlumotlarni va boʻshatilishi moʻljallanayotgan xodimlar haqidagi axborotni taqdim qilish tartibi toʻgʻrisida”gi nizomga (1999-yil 22-dekabr, roʻyxat raqami 858) ilovaga* muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiritilsin.