O‘zbekiston Respublikasi Prezidentining 2005-yil 21-iyuldagi, PF-3631-sonli “Tashqi iqtisodiy va savdo aloqalari, xorijiy investitsiyalarni jalb etish sohasida boshqaruv tizimini takomillashtirish to‘g‘risida”gi Farmoni, O‘zbekiston Respublikasi Prezidentining 2005-yil 26-iyuldagi PQ-136 sonli “O‘zbekiston Respublikasi Tashqi iqtisodiy aloqalar, investitsiyalar va savdo vazirligi faoliyatini tashkil etish to‘g‘risida”gi qarori va 2006-yil 22-iyundagi PQ-386-sonli “2006—2008-yillar uchun mahalliy xom-ashyo asosida tayyor mahsulotlar, butlovchi qismlar va materiallar ishlab chiqarishni mahalliylashtirish dasturi to‘g‘risida”gi qarorlariga muvofiq, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Moliya vazirligi, Davlat bojxona qo‘mitasi va Davlat soliq qo‘mitasi qaror qiladi:

1. Tashqi iqtisodiy aloqalar agentligi, Iqtisodiyot vazirligi, Moliya vazirligi, Davlat bojxona qo‘mitasi, Davlat soliq qo‘mitasi tomonidan 2004-yil 6-fevraldagi EG-01/12-368, 19, 29, 01-02/8-11 va 2004-18-son bilan tasdiqlangan (2004-yil 16-fevral, ro‘yxat raqami 1311) O‘zbekiston Respublikasida ishlab chiqarilmaydigan, chetdan olib kelinadigan texnologiya asbob-uskunalari, ehtiyot qismlar, materiallar va komponentlarni mahalliylashtiriladigan mahsulotlar ishlab chiqarishda texnologiya jarayonida foydalaniladigan toifaga kiritish to‘g‘risida xulosalar berish tartibi haqidagi nizomni tasdiqlash to‘g‘risidagi qarorga (O‘zbekiston Respublikasi Qonun hujjatlari to‘plami, 2004-yil 7-son) ilovaga* muvofiq o‘zgartirishlar kiritilsin.

2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab 10 kun o‘tganidan so‘ng kuchga kiradi.