O‘zbekiston Respublikasi Vazirlar Mahkamasining “Xorijiy investitsiyalar ishtirokidagi korxonalarga beriladigan imtiyozlarning rag‘batlantiruvchi rolini oshirishga doir qo‘shimcha chora-tadbirlar to‘g‘risida” 2006-yil 1-maydagi 74-son qaroriga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining 1-ilovaga muvofiq ayrim qarorlariga o‘zgartirishlar kiritilsin.
2. O‘zbekiston Respublikasi Hukumatining 2-ilovaga muvofiq ba’zi qarorlari o‘z kuchini yo‘qotgan deb hisoblansin.
1. Vazirlar Mahkamasining “O‘zqishloqxo‘jalikmashlizing” aksiyadorlik lizing kompaniyasini tashkil etish to‘g‘risida” 1999-yil 30-oktabrdagi 486-son qarorining 6-bandi quyidagi tahrirda bayon qilinsin:
“6. O‘zbekiston Respublikasi Vazirlar Mahkamasining “O‘zKeysagrolizing” O‘zbekiston—Amerika qo‘shma lizing kompaniyasini tashkil etish to‘g‘risida” 1997-yil 27-fevraldagi 111-son qarorining 4-bandi “O‘zqishloqxo‘jalikmashlizing” lizing kompaniyasiga tatbiq etilsin”.
2. Vazirlar Mahkamasining “Bursel-Bog‘ot tekstil” O‘zbekiston—Turkiya qo‘shma korxonasi faoliyatini tashkil etish to‘g‘risida” 2003-yil 27-oktabrdagi 466-son qarorining 7-bandidan “shuningdek mahsulot ishlab chiqarishning texnologiya jarayonida foydalaniladigan sarflash materiallari” so‘zlari chiqarib tashlansin.
3. Vazirlar Mahkamasining “Vimm-Bill-Dann” kompaniyasi ishtirokidagi korxonalarni qo‘llab-quvvatlash chora-tadbirlari to‘g‘risida” 2005-yil 7-yanvardagi 8-son qarori 4-bandining uchinchi xatboshi chiqarib tashlansin.
4. Vazirlar Mahkamasining “O‘zbekiston Respublikasi Prezidentining “To‘g‘ridan-to‘g‘ri xususiy xorijiy investitsiyalarni jalb etishni rag‘batlantirish borasidagi qo‘shimcha chora-tadbirlar to‘g‘risida”gi Farmonini amalga oshirish chora-tadbirlari haqida” 2005-yil 2-avgustdagi 180-son qaroriga 2-ilovaning 2-bandi quyidagi mazmundagi xatboshi bilan to‘ldirilsin:
“Bunda soliqlar, bojxona to‘lovlari va boshqa majburiy to‘lovlar bo‘yicha qo‘shimcha imtiyozlar xorijiy investorlar tomonidan tashkil etilgan xorijiy investitsiyalar ishtirokidagi korxonalarga faqat aniq belgilangan muddatga beriladi va muddatsiz tusda bo‘lishi mumkin emas”.
1. Vazirlar Mahkamasining “Zarafshon-Nyumont” O‘zbekiston—Amerika qo‘shma korxonasining samarali faoliyat ko‘rsatishini ta’minlash va unga Hukumat kafolatlari berish chora-tadbirlari to‘g‘risida” 1992-yil 27-martdagi 151-son qarorining 3-bandi.
2. Vazirlar Mahkamasining “O‘zbekiston davlat qishloq xo‘jaligi va avtomobil mashinasozligi konserni va “DEU korporeyshn” kompaniyasi tomonidan Toshkentdagi “ZENIT” zavodi negizida “O‘zDEU elektroniks” qo‘shma korxonasi tashkil etilishi to‘g‘risida” 1992-yil 10-noyabrdagi 514-son qarorining 5-bandi.
3. Vazirlar Mahkamasining “Sog‘lom avlod uchun” hukumatga qarashli bo‘lmagan Xalqaro xayriya jamg‘armasi korxonalari, birlashmalari, tashkilotlariga imtiyozli soliq solish to‘g‘risida” 1994-yil 8-fevraldagi 61-son qarorining 1-bandi.
4. Vazirlar Mahkamasining “Amantaytau Goldfilds” qo‘shma korxonasini tashkil etish va uning samarali faoliyat ko‘rsatishini ta’minlash masalalari to‘g‘risida” 1994-yil 22-sentabrdagi 477-son qarorining 5—7-bandlari.
5. Vazirlar Mahkamasining “O‘z-Teksako” qo‘shma korxonasini tashkil etish to‘g‘risida” 1996-yil 23-dekabrdagi 455-son qaroriga ilovaning 1-bandi.
6. Vazirlar Mahkamasining “O‘zKeysagrolizing” O‘zbekiston—Amerika qo‘shma lizing kompaniyasini tashkil etish to‘g‘risida” 1997-yil 27-fevraldagi 111-son qarori 4-bandining oltinchi va yettinchi xatboshi, 5 va 7-bandlari.
7. Vazirlar Mahkamasining “Sahro oltini” O‘zbekiston—Kanada qo‘shma korxonasini tashkil etish to‘g‘risida” 1997-yil 26-maydagi 255-son qarori.
8. Vazirlar Mahkamasining “Angren Gold Kompani” qo‘shma korxonasini tashkil etish va uning faoliyati shartlari to‘g‘risida” 1997-yil 19-avgustdagi 407-son qarorining 4, 6-bandlari.
9. Vazirlar Mahkamasining “O‘zKeysservis” O‘zbekiston—Amerika qo‘shma korxonasini tashkil etish to‘g‘risida” 1997-yil 4-sentabrdagi 423-son qarorining 5-bandi.
10. Vazirlar Mahkamasining “Amantaytau Goldfilds” qo‘shma korxonasi faoliyatini tashkil etishga doir qo‘shimcha chora-tadbirlar to‘g‘risida” 2000-yil 11-iyuldagi 266-son qarorining 6 va 7-bandlari.
11. Vazirlar Mahkamasining “Ichki bozorni bolalar oziq-ovqat mahsulotlari bilan to‘ldirishga doir qo‘shimcha chora-tadbirlar to‘g‘risida” 2003-yil 9-yanvardagi 11-son qarorining 1-bandi.
12. Vazirlar Mahkamasining “HALOL Establishment Ltd” xorijiy korxonasiga soliq va bojxona imtiyozlari berish to‘g‘risida” 2003-yil 6-fevraldagi 69-son qarori.
13. Vazirlar Mahkamasining “O‘zbekiston Respublikasi Vazirlar Mahkamasining “AVLOD Establishment Ltd” xorijiy korxonasiga soliq va bojxona imtiyozlari berish to‘g‘risida” 2003-yil 6-fevraldagi 69-son qaroriga o‘zgartirishlar kiritish haqida 2004-yil 12-martdagi 122-son qarori.