1343-сон 02.07.2024. Oʻzbekiston Respublikasi Oliy Majlisi Qonunchilik palatasi deputatlari, xalq deputatlari viloyat, tuman va shahar Kengashlari deputatlari saylovida ovoz berishni tashkil etish va oʻtkazish tartibi toʻgʻrisidagi nizomni tasdiqlash haqida

OʻZBEKISTON RESPUBLIKASI MARKAZIY SAYLOV KOMISSIYASINING

QARORI

Oʻzbekiston Respublikasi Oliy Majlisi Qonunchilik palatasi deputatlari, xalq deputatlari viloyat, tuman va shahar Kengashlari deputatlari saylovida ovoz berishni tashkil etish va oʻtkazish tartibi toʻgʻrisidagi nizomni tasdiqlash haqida

Oʻzbekiston Respublikasining “Oʻzbekiston Respublikasining ayrim qonun hujjatlariga saylov va referendum oʻtkazish tartibini yanada takomillashtirishga qaratilgan oʻzgartirish va qoʻshimchalar kiritish toʻgʻrisida” 2023-yil 18-dekabrdagi OʻRQ-883-son Konstitutsiyaviy Qonuni hamda Oʻzbekiston Respublikasi Saylov kodeksining 14 va 16-moddalariga muvofiq, Oʻzbekiston Respublikasi Markaziy saylov komissiyasi qaror qiladi:

1. Oʻzbekiston Respublikasi Oliy Majlisi Qonunchilik palatasi deputatlari, xalq deputatlari viloyat, tuman va shahar Kengashlari deputatlari saylovida ovoz berishni tashkil etish va oʻtkazish tartibi toʻgʻrisidagi nizom ilovaga muvofiq tasdiqlansin.

2. Mazkur qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.

3. Mazkur qarorning ijrosini nazorat qilish Oʻzbekiston Respublikasi Markaziy saylov komissiyasi Raisining oʻrinbosari B. Kuchkarov zimmasiga yuklansin.

Rais Z. NIZAMXODJAYEV

Toshkent sh.,

2024-yil 2-iyul,

1343-son

Oʻzbekiston Respublikasi Markaziy saylov komissiyasining 2024-yil 2-iyuldagi 1343-son qaroriga
ILOVA

nizom

1-bob. Umumiy qoidalar

1. Ushbu Nizom Oʻzbekiston Respublikasining Saylov kodeksiga (bundan buyon matnda Saylov kodeksi deb yuritiladi) muvofiq Oʻzbekiston Respublikasi Oliy Majlisi Qonunchilik palatasi (bundan buyon matnda Qonunchilik palatasi deb yuritiladi) deputatlari, xalq deputatlari viloyat, tuman va shahar Kengashlari (bundan buyon matnda mahalliy Kengashlar deb yuritiladi) deputatlari saylovlarida saylov komissiyalari tomonidan ovoz berish binosini jihozlash, saylovchilarning roʻyxatlarini shakllantirish, saylov byulletenlari bilan taʼminlash, ovoz berishni tashkil etish va oʻtkazish hamda saylov natijalarini aniqlash tartibini belgilaydi.

2. Qonunchilik palatasi, mahalliy Kengashlar deputatlari saylovini tashkil etish va uni oʻtkazish quyidagi saylov komissiyalari tomonidan amalga oshiriladi:

Oʻzbekiston Respublikasi Markaziy saylov komissiyasi (bundan buyon matnda Markaziy saylov komissiyasi deb yuritiladi);

viloyatlar va Toshkent shahar hududiy saylov komissiyalari (bundan buyon matnda hududiy saylov komissiyasi deb yuritiladi);

tuman, shahar saylov komissiyalari;

xalq deputatlari viloyatlar va Toshkent shahar Kengashlariga saylov oʻtkazish boʻyicha okrug saylov komissiyalari (bundan buyon matnda okrug saylov komissiyasi deb yuritiladi);

uchastka saylov komissiyalari.

3. Saylov komissiyalari va ularning aʼzolari oʻz faoliyatini har qanday davlat organlaridan, jamoat birlashmalaridan va mansabdor shaxslardan mustaqil holda amalga oshiradi.

Saylov komissiyalarining faoliyatiga aralashishga yoʻl qoʻyilmaydi va bunday aralashuv qonunchilikka muvofiq javobgarlikka sabab boʻladi.

4. Saylov komissiyalari nomzodlarga, siyosiy partiyalarga saylov kampaniyasini oʻtkazish uchun teng shart-sharoitlarni, ovoz berishning va saylov yakunlarini chiqarishning halol boʻlishini taʼminlash yuzasidan zarur choralar koʻradi.

5. Qoraqalpogʻiston Respublikasi hududida ushbu Nizomda nazarda tutilgan Qonunchilik palatasi deputatlari sayloviga tayyorgarlik koʻrish va uni oʻtkazish bilan bogʻliq hududiy saylov komissiyasining vakolatlarini Qoraqalpogʻiston Respublikasi Markaziy saylov komissiyasi amalga oshiradi.

2-bob. Saylovga tayyorgarlik koʻrish boʻyicha tashkiliy chora-tadbirlar. Ovoz berish binosi va xonasini jihozlashga qoʻyiladigan talablar

6. Saylovga tayyorgarlik koʻrish qonun hujjatlariga muvofiq saylov komissiyalari tomonidan amalga oshiriladi.

Davlat organlari va jamoat birlashmalarining organlari, korxonalar, muassasalar, tashkilotlar, mansabdor shaxslar saylov komissiyalariga oʻz vakolatlarini amalga oshirishida koʻmaklashishi, ularning ishi uchun zarur maʼlumotlarni taqdim etishi shart.

7. Saylov uchastkalarida ovoz berishni tashkil etish va uni oʻtkazish uchun zarur boʻlgan binolar va jihozlarni davlat organlari, korxonalar, muassasalar, tashkilotlar saylov komissiyalari ixtiyoriga bepul berib turishi shart.

Lozim boʻlgan darajada jihozlangan ovoz berish binolari hamda xonalari tuman va shahar hokimliklari tomonidan saylov komissiyalariga saylovdan kamida oʻn bir kun oldin taqdim etilishi kerak.

8. Saylov komissiyalari ovoz berishni tashkil etish va uni oʻtkazish uchun ovoz berish binolarining yashirin ovoz berish kabinalari yoki xonalari va saylov qutilari, shuningdek boshqa jihozlar bilan mazkur Nizomning 1 — 3-ilovalariga muvofiq tayyorlab qoʻyilishini taʼminlaydi.

9. Ovoz berish binolari maxsus ajratilgan joylar boʻlib, ularda yashirin ovoz berish uchun yetarli miqdorda kabinalar yoki xonalar jihozlanishi, saylov byulletenlarini berish uchun joylar ajratilishi hamda saylov qutilari oʻrnatilishi kerak. Saylov qutilari ovoz beruvchilar ularning yoniga albatta yashirin ovoz berish kabinalari yoki xonalari orqali oʻtib keladigan qilib oʻrnatiladi. Ovoz berish binosida boshqa hech qanday siyosiy tadbirlar oʻtkazilishiga ruxsat etilmaydi. Binolarni jihozlash va ularda zarur tartibni saqlab turish masʼuliyati uchastka saylov komissiyasining zimmasida boʻladi.

10. Uchastka saylov komissiyalari joylashgan binolar hamda ovoz berish xonalari tegishli tarzda jihozlanishi va quyidagilarga ega boʻlishi kerak:

Oʻzbekiston Respublikasining Davlat bayrogʻi (binoning ustida va ichida);

Oʻzbekiston Respublikasining Davlat gerbi (binoning ichida);

saylov uchastkasining tartib raqami koʻrsatilgan peshlavha (4-ilova);

yorugʻ va keng ovoz berish xonasi;

qulflanadigan seyf yoki metall shkaf;

yozuv anjomlari bilan taʼminlangan va yorugʻ (zarurat boʻlganda chiroq oʻrnatiladi) yashirin ovoz berish kabinalari (1000 nafargacha saylovchi uchun kamida 2 ta, 2000 nafargacha saylovchi uchun kamida 3 ta, 3000 nafargacha saylovchi uchun kamida 4 ta);

zarurat boʻlsa, jismoniy imkoniyati cheklangan shaxslar uchun maxsus jihozlangan yashirin ovoz berish kabinalari;

statsionar saylov qutisi;

koʻchma saylov qutisi;

bir marotaba ishlatiladigan plastmassa plombalar (bundan buyon matnda plombalar deb yuritiladi) jami 9 dona (shundan, 4 tasi statsionar saylov qutisi uchun, 2 tasi koʻchma saylov qutisi uchun, 1 tasi qop uchun, 2 tasi zaxira uchun);

uchastka saylov komissiyasining muhri;

zarur mebellar, orgtexnika vositalari (kompyuter, printer, skaner, nusxa koʻchiruvchi uskuna, UPS), telefon, televizor;

ikkitadan kam boʻlmagan Saylov jarayonini boshqarish axborot tizimi (bundan buyon matnda SJBAT deb yuritiladi) talablariga javob beruvchi kompyuter va ularga kerakli boʻlgan moslamalar (UPS, printer, skaner va boshqalar) hamda uzluksiz internet aloqasi;

siyosiy partiyalardan, fuqarolarning oʻzini oʻzi boshqarish organlaridan, boshqa davlatlar va xalqaro tashkilotlardan kuzatuvchilar (bundan buyon matnda kuzatuvchilar deb yuritiladi) uchun alohida joylar;

yongʻinga qarshi vositalar.

Uchastka saylov komissiyasi joylashgan bino va unga olib boruvchi yoʻlaklar ozoda va taʼmirlangan, yoritish moslamalari oʻrnatilgan boʻlishi kerak.

11. Ovoz berish xonalarida saylov byulletenlarini berish joylari, yashirin ovoz berish kabinalari, saylov qutilari bir vaqtning oʻzida saylov komissiyasi aʼzolari hamda kuzatuvchilarga koʻrinib turishi lozim.

Uchastka saylov komissiyasining saylov byulletenlarini berishga masʼul aʼzolari orqasidagi devorlarda yoki stollarida alifbo tartibida yoxud saylovchilarning saylovchilar roʻyxatidagi tartib raqami koʻrsatilgan belgilar oʻrnatilgan boʻlishi kerak. (Masalan: A-G, D-Z yoki 1-500, 501-1000 va boshqalar).

3-bob. Fuqarolarning xabardorligini taʼminlash boʻyicha tashkiliy chora-tadbirlar

12. Saylov komissiyalari fuqarolarni oʻz ishi toʻgʻrisida, saylov okruglari, uchastkalari tuzilganligi haqida, saylov komissiyalarining tarkibi, ularning joylashgan yeri va ish vaqti toʻgʻrisida xabardor etadi, saylovchilarning roʻyxatlari, saylovda ishtirok etayotgan siyosiy partiyalarning roʻyxati bilan tanishtiradi, Qonunchilik palatasi deputatligiga, mahalliy Kengashlar deputatligiga nomzodlar toʻgʻrisidagi, shuningdek ovoz berish va saylov yakunlari haqidagi maʼlumotlarni maʼlum qiladi.

13. Saylovga tayyorgarlik koʻrish va uni oʻtkazishga taalluqli maʼlumotlar joylashtiriladigan stendlarda quyidagilar boʻlishi kerak:

saylov sanasiga bagʻishlangan plakat;

saylov uchastkasining xaritasi;

uchastka saylov komissiyasi aʼzolarining tarkibi, ish va navbatchilik jadvali haqidagi axborot (5-ilova);

bir mandatli saylov okruglari boʻyicha roʻyxatga olingan barcha nomzodlarning Markaziy saylov komissiyasi, hududiy, tuman, shahar saylov komissiyasi tomonidan chop etilgan tarjimai holi va dasturlarining asosiy yoʻnalishlari (6-ilova);

saylovda ishtirok etayotgan siyosiy partiyaning Markaziy saylov komissiyasi tomonidan nashr qilingan dasturi, Qonunchilik palatasi deputatligiga siyosiy partiyalar tomonidan koʻrsatilgan nomzodlar roʻyxati (bundan buyon matnda partiya roʻyxati deb yuritiladi);

uchastka saylov komissiyasida saylovchilar murojaati uchun Markaziy saylov komissiyasining ishonch telefoni yoki elektron manzili, hududiy, tuman, shahar, okrug saylov komissiyasi, tegishli tuman yoki shahar sudlari, ichki ishlar boʻlimi va prokuraturasining ishonch telefon raqamlari aks ettirilgan maʼlumotlar;

ovoz berish tartibi;

saylovchilar roʻyxati;

saylovga oid infografik koʻrinishdagi tushuntirish materiallari.

14. Stendlarda joylashtiriladigan materiallarda saylovoldi tashviqotiga oid nishon va alomatlar boʻlmasligi kerak.

15. Nomzodlarning chop etilgan axborot materiallari ularning familiyasi boʻyicha alifbo tartibida, saylovda ishtirok etayotgan siyosiy partiyalarning axborot materiallari esa ushbu partiyalarning saylovda ishtirok etishi uchun ijozat berilgan navbatiga muvofiq ketma-ketlikda joylashtiriladi.

16. Ovoz berish xonasiga olib boruvchi yoʻllarda saylov uchastkasining mazkur Nizomning 7-ilovasida belgilangan shakldagi koʻrsatkichlari koʻrinarli joylarga joylashtirilishi kerak.

17. Ovoz berish binosida yoki yashirin ovoz berish kabinalarida saylov byulletenining namunasi va uni toʻldirish tartibiga oid maʼlumotlar joylashtirilishi mumkin.

Ushbu maʼlumotlarda roʻyxatga olingan deputatlikka nomzodlarning familiyalari yoki siyosiy partiyalarning nomlari koʻrsatilmasligi kerak.

Nomzod saylovga qadar vafot etgan, saylov huquqidan mahrum boʻlgan yoxud nomzodlikdan chaqirib olingan taqdirda saylov komissiyasi tomonidan ushbu nomzodning chop etilgan tarjimai holi va dasturi koʻrsatilgan axborot materiallari binoda joylashtirilgan joylardan olib qoʻyiladi yoki usti oq qogʻoz bilan yelimlab yopiladi.

18. Stendlarda Oʻzbekiston Respublikasi Konstitutsiyasi, Saylov kodeksidan koʻchirmalar, shuningdek, Jinoyat kodeksi va Maʼmuriy javobgarlik toʻgʻrisidagi kodeksida nazarda tutilgan saylov toʻgʻrisidagi qonunchilikni buzganlik uchun javobgarlikni belgilovchi qoidalardan koʻchirmalar boʻlishi mumkin.

19. Ovoz berish binosida saylovga tayyorgarlik koʻrish va uni oʻtkazishga taalluqli maʼlumotlar uchastka saylov komissiyalari tomonidan saylovchilar erkin va qulay tanishishlari mumkin boʻlgan tarzda joylashtiriladi.

4-bob. Jismoniy imkoniyati cheklangan shaxslar uchun zarur shart-sharoitlar yaratish

20. Ovoz berish binolari jismoniy imkoniyati cheklangan shaxslarning kirishiga qulay, shu jumladan ovoz berish xonasi binoning birinchi qavatida boʻlishi, avtotransport vositalari toʻxtab turish joylarida nogironligi boʻlgan shaxslarga alohida joy ajratilishi lozim.

21. Uchastka saylov komissiyasi binosiga kirish joyida nogironlar aravachasiga moslashtirilgan nishab yoʻlaklari (panduslar) boʻlishi va ular belgilangan talablarga mos kelishi kerak.

Binoga kirishda nishab yoʻlaklarini oʻrnatish imkoni boʻlmasa, kirish joyida “yordamga chaqirish” tugmasi oʻrnatilishi lozim.

22. Ovoz berish xonalaridagi jihozlar (stollar, yashirin ovoz berish kabinalari va saylov qutilari), shuningdek axborot plakatlari foydalanish imkoniyati va ovoz berishning yashirinligini taʼminlash zaruriyatini hisobga olgan holda joylashtirilishi kerak.

Shuningdek, saylovchilar roʻyxatida koʻzi ojiz va zaif koʻruvchi saylovchilar mavjud boʻlgan saylov uchastkalari optik lupalar (kattalashtiruvchi oynalar), qoʻshimcha yoritkichlar, stul hamda Brayl alifbosi asosida tayyorlangan trafaretlar bilan jihozlanishi mumkin.

Koʻrishda nuqsoni boʻlgan saylovchilar uchun axborot stendlarida katta hajmdagi shriftlarda va (yoki) Brayl alifbosidagi materiallar joylashtirilishi mumkin.

23. Ovoz berish binolarida nogironligi boʻlgan saylovchilarning kirishi uchun sharoitlar yaratilmagan, shuningdek maxsus jihozlar bilan jihozlanmagan boʻlsa, tegishli saylov komissiyasi saylov kuniga oʻn besh kundan kechiktirmay tegishli mahalliy ijro etuvchi hokimiyat organlariga kamchiliklarni bartaraf etish boʻyicha zarur choralarni koʻrish toʻgʻrisida murojaat yuboradi.

Mahalliy ijro etuvchi hokimiyat organlari, shuningdek ularning mansabdor shaxslari saylov komissiyalaridan murojaat tushgan taqdirda, koʻpi bilan uch kunlik muddatda uni koʻrib chiqishi va darhol tegishli choralarni koʻrishlari shart. Saylov komissiyasining murojaatini koʻrib chiqishni rad etish va (yoki) muddatini buzish qonun hujjatlarida belgilangan javobgarlikka sabab boʻladi.

5-bob. Saylovchilarning roʻyxati

24. Saylovchilar roʻyxatlari SJBATda Saylovchilarning yagona elektron roʻyxati (bundan buyon matnda SYAER deb yuritiladi) asosida saylov uchastkalari kesimida avtomatik tarzda taqsimlanadi.

Har bir saylovchi saylovchilarning faqat bitta roʻyxatiga kiritilishi mumkin.

Saylov kuniga qadar yoki saylov kuni oʻn sakkiz yoshga toʻlgan, roʻyxat tuzilayotgan paytda mazkur saylov uchastkasi hududida doimiy yoki vaqtincha istiqomat qilayotgan Oʻzbekiston Respublikasining fuqarolari saylovchilar roʻyxatiga kiritiladi.

Saylovchilar roʻyxatiga har bir saylovchining familiyasi, ismi, otasining ismi, tugʻilgan sanasi va yashash joyi manzili kiritiladi.

Qonunga muvofiq hamda sudning qarori asosida saylovda ishtirok etish huquqidan mahrum etilgan fuqarolar saylovchilar roʻyxatiga kiritilmaydi.

25. Uchastka saylov komissiyasi kotibi SJBATga kirish huquqini olish uchun tuman, shahar saylov komissiyasiga murojaat qiladi. Tuman, shahar saylov komissiyasi kotibi SJBATga kirish huquqini uchastka saylov komissiyasi kotibiga taqdim etadi.

Uchastka saylov komissiyasi tuzilganidan soʻng, uch kun ichida komissiyaning kotibi SJBATga kirib taqsimlangan mazkur uchastka saylovchilarining dastlabki roʻyxatini yuklab oladi.

Uchastka saylov komissiyasi kotibi saylovchilar roʻyxatini tekshirib chiqadi, chop etadi va komissiya raisiga taqdim qiladi.

Uchastka saylov komissiyasining raisi komissiya aʼzolariga saylovchilar roʻyxatini unga kiritilgan saylovchilar toʻgʻrisidagi maʼlumotlarning toʻgʻriligini aniqlashtirish uchun taqsimlaydi.

26. Uchastka saylov komissiyasi aʼzolari saylov uchastkasi hududida yashovchi saylovchilar toʻgʻrisida maʼlumotlarni olganidan keyin, uchastka hududini uyma-uy aylanib chiqish orqali ushbu maʼlumotlarning toʻgʻriligiga aniqlik kiritadi.

Hokimliklar, tegishli idoralar, shu jumladan mahalla fuqarolar yigʻinlari, profilaktika inspektorlari saylovchilarning roʻyxatlarini aniqlashtirish ishlariga koʻmaklashadi, shuningdek, uchastka saylov komissiyasi soʻroviga asosan mazkur saylov uchastkasi hududida istiqomat qilayotgan saylovchilar haqidagi maʼlumotlarni 24 soat ichida taqdim etishlari shart.

Uchastka saylov komissiyasi saylovchilar roʻyxatini aniqlashtirishda ishtirok etish uchun jamoatchilik vakillarini va volontyorlarni jalb qilishi mumkin. Tuman va shahar hokimliklari saylovchilarning roʻyxatlarini aniqlashtirish ishlariga koʻmaklashadi.

Uchastka saylov komissiyasi aʼzolari va ularga koʻmaklashuvchilar uyma-uy aylanib chiqish vaqtida saylovchilarning saylov kuni ushbu saylov uchastkasi hududida boʻlish-boʻlmasligiga, saylovchilarning roʻyxatidagi ushbu saylovchilarga oid maʼlumotlarda xato-kamchiliklar bor-yoʻqligiga aniqlik kiritadi.

Saylov uchastkasi hududida vaqtincha istiqomat qilayotgan fuqarolar borligi aniqlansa, biroq ular ushbu saylov uchastkasida saylovchilar roʻyxatiga kiritilmagan boʻlsa hamda oʻzaro suhbat chogʻida ularning saylov kuni ushbu saylov uchastkasi hududida boʻlishi aniqlansa, mazkur Nizomning 8-ilovasiga muvofiq ushbu saylovchilarning alohida roʻyxatlari tuziladi.

Saylovchi saylovchilar roʻyxati bilan tanishish jarayonida oʻzi haqidagi maʼlumotlar xato kiritilgan yoki oʻzi istiqomat qilayotgan hududdan boshqa hududda joylashgan saylov uchastkasidagi saylovchilar roʻyxatiga kiritilganligini aniqlagan taqdirda, bevosita oʻzi istiqomat qilib turgan hududdagi saylov uchastkasiga borib ham murojaat qilishi mumkin. Bunday hollarda uchastka saylov komissiyasi ushbu saylovchini yuqorida qayd etilgan alohida roʻyxatga kiritadi.

Shundan soʻng, alohida roʻyxati shakllantirilgan saylovchilar haqidagi maʼlumotlar asosida SJBATda belgilangan shakldagi elektron soʻrovnoma toʻldiriladi va saylovchilar roʻyxatiga oʻzgartirish kiritish uchun tegishincha respublika, viloyat yoki tuman, shahar ishchi guruhiga (bundan buyon matnda ishchi guruhi deb yuritiladi) avtomatik tarzda yuboriladi.

Ishchi guruh elektron soʻrovnomani koʻrib chiqadi va SJBATdagi saylovchilar roʻyxatiga oʻrnatilgan tartibda tegishli oʻzgartirish kiritadi.

Elektron soʻrovnomaga binoan saylov uchastkasi oʻzgartirilgan yoki oʻzi murojaat qilmagan saylovchini boshqa saylov uchastkasiga oʻtkazilishiga yoʻl qoʻyilmaydi.

Elektron soʻrovnoma rad etilgan hollarda uchastka saylov komissiyasi saylovchiga uning murojaati rad etilganligi toʻgʻrisida asoslantirilgan javob berishi shart.

27. Saylovchining oʻz xohishiga koʻra qilgan murojaatiga muvofiq quyidagilar saylovchilar roʻyxatiga oʻzgartirish va tuzatishlar kiritish uchun asos boʻlishi mumkin:

saylovchining tegishli saylov uchastkasi hududida doimiy yoki vaqtincha istiqomat qilishi;

yoshi oʻn sakkizga toʻlganligini tasdiqlovchi hujjat;

fuqaro familiyasi, ismi va otasining ismi oʻzgarganligi;

saylovchilar roʻyxatida mavjud boʻlgan boshqa noaniqliklar yoki xatolar;

sudning fuqaroni saylovda ishtirok etish huquqidan mahrum etish toʻgʻrisidagi qarori bekor qilinganligini tasdiqlovchi hujjat.

28. Harbiy qismlardagi harbiy xizmatchi-saylovchilarning, shuningdek harbiy xizmatchilarning harbiy qismlar joylashgan hududlarda yashovchi oila aʼzolari va boshqa saylovchilarning roʻyxati harbiy qismlarning komandirlari taqdim etadigan maʼlumotlar asosida tuziladi.

Harbiy qismlardan tashqarida istiqomat qiluvchi harbiy xizmatchilar yashash joylari boʻyicha umumiy asoslarda saylovchilar roʻyxatiga kiritiladi.

Sanatoriylarda va dam olish uylarida, kasalxonalarda va boshqa statsionar davolash muassasalarida, qamoqda saqlash va ozodlikdan mahrum etish joylarida tuzilgan saylov uchastkalari boʻyicha saylovchilar roʻyxatlari mazkur muassasalar rahbarlari tomonidan taqdim etilgan maʼlumotlar asosida uchastka saylov komissiyasi tomonidan tuziladi. Bunda, ushbu roʻyxatga kiritilgan saylovchi saylov kunida roʻyxatga kiritilgan saylov uchastkasi joylashgan muassasada boʻlishi aniqlansa, mazkur uchastka saylov komissiyasi saylovchilar roʻyxatiga oʻzgartirish kiritish uchun tegishli ishchi guruhga, agarda saylovga besh kundan kam vaqt qolgan boʻlsa, ushbu muassasadagi roʻyxatga kiritilgan saylovchilar doimiy yoki vaqtincha yashash joyidagi uchastka saylov komissiyasiga axborot yetkazish choralarini koʻrishi lozim.

Xabardor qilingan ishchi guruhi saylovchilar roʻyxatiga tegishli oʻzgartirish kiritish choralarini koʻradi. Agarda saylovga besh kundan kam vaqt qolgan boʻlsa, uchastka saylov komissiyasi oʻz saylov uchastkasidagi saylovchilar roʻyxatiga ushbu saylovchi boshqa saylov uchastkasida saylovchilar roʻyxatiga kiritilganligi haqida yozuv kiritadi hamda uni yakuniy bayonnomada saylov uchastkasidagi saylovchilarning umumiy soniga kiritmaydi.

29. Saylovchilar roʻyxatini aniqlashtirish ishlari olib borilayotgan vaqtda saylovchilarga muddatidan oldin ovoz berishni amalga oshirish imkoniyati va boshqa huquqlar tushuntiriladi.

30. Saylovchilarning roʻyxatlari saylovga oʻn besh kun qolganida uchastka saylov komissiyasi kotibi tomonidan SJBATdan yuklab olinadi, chop qilinadi, uchastka saylov komissiyasi raisi va kotibi tomonidan imzolanadi, uchastka saylov komissiyasi muhri bilan tasdiqlanadi. Shundan keyin uchastka saylov komissiyasi binosida saylovchilar roʻyxati hamma tanishib chiqishi uchun qulay boʻlgan holda mazkur Nizomning 9-ilovasiga muvofiq shaklda taqdim etiladi. Ushbu roʻyxatda saylovchilarning faqat familiyasi, ismi, otasining ismi va tugʻilgan yili koʻrsatiladi.

Uchastka saylov komissiyasi saylovchilarning roʻyxatlari hamma tanishib chiqishi uchun taqdim etilganidan keyin ham aniqlangan xato-kamchiliklarni bartaraf etish maqsadida saylovga besh kun qolguniga qadar saylovchilarning roʻyxatlariga oʻzgartirish kiritish uchun ishchi guruhlarga elektron soʻrovnoma yuborishi mumkin.

Ishchi guruhlar elektron soʻrovnomani shu kunning oʻzida koʻrib chiqib, belgilangan tartibda hal etadi.

Sanatoriylarda va dam olish uylarida, kasalxonalarda va boshqa statsionar davolash muassasalarida, olis va borish qiyin boʻlgan hududlardagi fuqarolar turgan joylarda, qamoqda saqlash va ozodlikdan mahrum etish joylarida tuzilgan uchastkalarda saylovchilarning yakuniy roʻyxati saylovga uch kun qolganida hamma tanishib chiqishi uchun taqdim etiladi. Ushbu roʻyxatda saylovchilarning faqat familiyasi, ismi, otasining ismi va tugʻilgan yili koʻrsatiladi.

31. Uchastka saylov komissiyasi saylovchilar roʻyxati bilan tanishish joyi va vaqti toʻgʻrisida saylovchilarni xabardor etadi.

32. Saylovchilarning roʻyxatlariga oʻzgartirishlar kiritish saylovga besh kun qolganida toʻxtatiladi.

Uchastka saylov komissiyasi kotibi saylovga uch kun qolganida oʻz hududidagi saylovchilarning oxirgi roʻyxatini SJBATdan yuklab oladi, chop etadi va uchastka saylov komissiyasi raisiga taqdim qiladi. Ushbu roʻyxat uchastka saylov komissiyasi raisi va kotibi tomonidan imzolanadi, uchastka saylov komissiyasi muhri bilan tasdiqlanadi hamda saylov kuni ushbu roʻyxatdan foydalaniladi.

Bunda saylovchilar roʻyxatida saylovchilarning familiyalari ovoz berishni tashkil etish uchun qulay boʻlgan tartibda koʻrsatiladi.

33. Har bir fuqaro saylovchilar roʻyxatidagi xato yoki noaniqlik toʻgʻrisida uchastka saylov komissiyasiga shikoyat qilishi mumkin. Uchastka saylov komissiyasi 24 soat ichida murojaatni tekshirishi va xatoni yoki noaniqlikni bartaraf etishi yoxud murojaat qiluvchiga uning murojaati rad etilganligi toʻgʻrisida asoslantirilgan javob berishi shart.

6-bob. Saylov byulleteni

34. Tuman, shahar saylov komissiyasi saylovga qirq kun qolguniga qadar mutasaddi davlat organlaridan tegishli tuman (shahar) hududida istiqomat qilayotgan aholining koʻpchiligi soʻzlashadigan tillar toʻgʻrisidagi maʼlumotlarni soʻrab oladi.

Mutasaddi davlat organlari uch ish kunida soʻralgan maʼlumotlarni tuman, shahar saylov komissiyasiga taqdim etadi.

Tuman, shahar saylov komissiyasi mutasaddi davlat organlari taqdim etgan aholining koʻpchiligi soʻzlashadigan tillar toʻgʻrisidagi maʼlumotlarni:

umumlashtirish uchun hududiy saylov komissiyasiga taqdim etadi;

tegishli tuman, shahar boʻyicha tahlil qilish orqali tegishli hudud aholisining koʻpchiligi soʻzlashadigan tillarda xalq deputatlari tuman, shahar Kengashi sayloviga doir saylov byulletenlarini tayyorlashga ehtiyojni aniqlaydi.

35. Hududiy saylov komissiyasi tuman, shahar saylov komissiyasi taqdim etgan aholining koʻpchiligi soʻzlashadigan tillar toʻgʻrisidagi maʼlumotlarni tahlil qilish orqali tegishli hudud aholisining koʻpchiligi soʻzlashadigan tillarda saylov byulletenlarini tayyorlashga ehtiyojni aniqlaydi hamda saylovga oʻttiz besh kun qolguniga qadar davlat tilida va boshqa tillarda chop etish zarur boʻladigan saylov byulletenlarining miqdori toʻgʻrisidagi maʼlumotlarni Markaziy saylov komissiyasiga taqdim etadi.

Ushbu maʼlumotlardan tegishli mahalliy Kengashlar sayloviga doir saylov byulletenlarini chop etishda ham foydalanilishi mumkin.

36. Qonunchilik palatasi deputatlari sayloviga doir saylov byulletenining shakli va matni Markaziy saylov komissiyasi tomonidan tasdiqlanadi.

Xalq deputatlari viloyat, Toshkent shahar Kengashi sayloviga doir saylov byulletenining shakli va matni Markaziy saylov komissiyasi tomonidan tasdiqlangan namunaga muvofiq hududiy saylov komissiyasi tomonidan tasdiqlanadi.

Xalq deputatlari tuman, shahar Kengashi sayloviga doir saylov byulletenining shakli va matni Markaziy saylov komissiyasi tomonidan tasdiqlangan namunaga muvofiq tegishli tuman, shahar saylov komissiyasi tomonidan tasdiqlanadi.

37. Saylov byulletenlari davlat tilida chop etiladi. Shuningdek tegishli hududiy, tuman, shahar saylov komissiyasining qaroriga binoan tegishli hudud aholisining koʻpchiligi soʻzlashadigan tillarda ham chop etilishi mumkin.

Bunda hududiy, tuman, shahar saylov komissiyalari saylov uchastkalari chegaralarida istiqomat qilayotgan aholining milliy mansubligi toʻgʻrisidagi maʼlumotlarni hisobga olgan holda saylov byulletenlarini tegishli tillar boʻyicha uchastkalarga taqsimlaydi.

38. Markaziy saylov komissiyasining qaroriga binoan Qonunchilik palatasi deputatlari sayloviga doir saylov byulletenlari saylovga kamida yigirma kun qolganida chop etiladi.

Qonunchilik palatasi deputatlari sayloviga doir saylov byulletenlari quyidagi tartibda yetkazib beriladi:

a) Markaziy saylov komissiyasi tomonidan Qoraqalpogʻiston Respublikasi Markaziy saylov komissiyasi va hududiy saylov komissiyalariga Davlat feldyegerlik xizmati orqali yetkazib beriladi. Bir mandatli va yagona saylov okrugi boʻyicha saylov byulletenlarini Qoraqalpogʻiston Respublikasi Markaziy saylov komissiyasi va hududiy saylov komissiyalariga yetkazilganligi haqidagi yukxati alohida-alohida rasmiylashtiriladi.

Bunda Qoraqalpogʻiston Respublikasi, tegishli viloyat, Toshkent shahar hududi boʻyicha saylovchilar roʻyxatiga kiritilgan saylovchilar umumiy sonining:

10 foizi miqdoridagi saylov byulletenlari muddatidan oldin ovoz berish boshlanishiga kamida besh kun qolganida;

90,5 foizi saylovga kamida besh kun qolganida yetkazib beriladi;

b) Markaziy saylov komissiyasi tomonidan yetkazib berilgan saylov byulletenlarini Qoraqalpogʻiston Respublikasi Markaziy saylov komissiyasi va hududiy saylov komissiyalari tomonidan tuman, shahar saylov komissiyalariga yetkazib beriladi.

Bu haqda mazkur Nizomning 10a va 10b-ilovasiga muvofiq dalolatnoma tuziladi. Bir mandatli va yagona saylov okruglari boʻyicha saylov byulletenlari alohida-alohida rasmiylashtiriladi.

Bunda tegishli tuman, shahar boʻyicha saylovchilar roʻyxatiga kiritilgan saylovchilar umumiy sonining:

10 foizi miqdoridagi saylov byulletenlari muddatidan oldin ovoz berish boshlanishiga kamida toʻrt kun qolganida;

90,5 foizi saylovga kamida toʻrt kun qolganida yetkazib beriladi;

v) Uchastka saylov komissiyalari saylov byulletenlarini tuman, shahar saylov komissiyalaridan oladi. Bu haqda mazkur Nizomning 11a va 11b-ilovasiga muvofiq dalolatnoma tuziladi.

Bunda tegishli saylov uchastkasi boʻyicha saylovchilar roʻyxatiga kiritilgan saylovchilar umumiy sonining:

10 foizi miqdoridagi saylov byulletenlari muddatidan oldin ovoz berish boshlanishiga kamida uch kun qolganida;

90,5 foizi saylovga kamida uch kun qolganida beriladi.

39. Hududiy saylov komissiyasining qaroriga binoan xalq deputatlari viloyat, Toshkent shahar Kengashi sayloviga doir saylov byulletenlari saylovga kamida yigirma kun qolganida chop etiladi.

Xalq deputatlari viloyat, Toshkent shahar Kengashi sayloviga doir saylov byulletenlari quyidagi tartibda yetkazib beriladi:

a) hududiy saylov komissiyasi tomonidan okrug saylov komissiyasi bilan hamkorlikda tuman, shahar saylov komissiyalariga yetkazib beriladi. Bu haqda mazkur Nizomning 12-ilovasiga muvofiq dalolatnoma tuziladi.

Bunda tegishli tuman, shahar hududi boʻyicha saylovchilar roʻyxatiga kiritilgan saylovchilar umumiy sonining:

10 foizi miqdoridagi saylov byulletenlari muddatidan oldin ovoz berish boshlanishiga kamida toʻrt kun qolganida;

90,5 foizi saylovga kamida toʻrt kun qolganida yetkazib beriladi;

b) Uchastka saylov komissiyalari saylov byulletenlarini tuman, shahar saylov komissiyalaridan oladi. Bu haqda mazkur Nizomning 13-ilovasiga muvofiq dalolatnoma tuziladi.

Bunda tegishli saylov uchastkasi boʻyicha saylovchilar roʻyxatiga kiritilgan saylovchilar umumiy sonining:

10 foizi miqdoridagi saylov byulletenlari muddatidan oldin ovoz berish boshlanishiga kamida uch kun qolganida;

90,5 foizi saylovga kamida uch kun qolganida beriladi.

40. Tuman, shahar saylov komissiyasining qaroriga binoan xalq deputatlari tuman, shahar Kengashi sayloviga doir saylov byulletenlari saylovga kamida yigirma kun qolganida chop etiladi.

Uchastka saylov komissiyalari saylov byulletenlarini tuman, shahar saylov komissiyalaridan oladi. Bu haqda mazkur Nizomning 14-ilovasiga muvofiq dalolatnoma tuziladi.

Bunda tegishli saylov uchastkasi boʻyicha saylovchilar roʻyxatiga kiritilgan saylovchilar umumiy sonining:

10 foizi miqdoridagi saylov byulletenlari muddatidan oldin ovoz berish boshlanishiga kamida uch kun qolganida;

90,5 foizi saylovga kamida uch kun qolganida beriladi.

41. Saylov byulletenlarini Brayl alifbosi asosida toʻldirish uchun trafaretlar tayyorlanishi mumkin.

42. Uchastka saylov komissiyasi oladigan saylov byulletenlarining soni saylov uchastkasi boʻyicha roʻyxatlarga kiritilgan saylovchilar soniga nisbatan yarim foizdan ortiqroq boʻlishi mumkin emas.

43. Saylov byulleteni oʻng tomonining yuqori burchagiga uchastka saylov komissiyasining ikki aʼzosi imzo qoʻyadi, imzolar uchastka saylov komissiyasining muhri bilan tasdiqlanadi.

Uchastka saylov komissiyasi tomonidan tasdiqlanmagan saylov byulletenlari ovozlarni sanab chiqishda hisobga olinmaydi.

Nomzod saylovga qadar vafot etgan, saylov huquqidan mahrum boʻlgan yoxud nomzodlikdan chaqirib olingan taqdirda chop etilgan saylov byulletenlaridan ushbu nomzodning familiyasi, ismi va otasining ismi yozilgan satr oʻchiriladi.

Mazkur harakat tegishli saylov komissiyasining qaroriga asosan saylov kuniga qadar yoki ovoz berish boshlanguniga qadar amalga oshiriladi.

7-bob. Muddatidan oldin ovoz berish

44. Saylov kuni oʻz yashash joyida boʻlish imkoniyatiga ega boʻlmagan saylovchi muddatidan oldin ovoz berish huquqiga ega.

45. Muddatidan oldin ovoz berish saylovga oʻn kun qolganida boshlanadi va saylovga uch kun qolganida tugallanadi.

46. Muddatidan oldin ovoz berishni oʻtkazish vaqti Markaziy saylov komissiyasi tomonidan belgilanadi va saylovchilarning, kuzatuvchilarning eʼtiboriga ommaviy axborot vositalari orqali yetkaziladi.

47. Uchastka saylov komissiyalari saylov uchastkasidagi saylovchilar umumiy sonining oʻn foizi miqdorida saylov byulletenlarini hamda konvertlarni tuman, shahar saylov komissiyasidan muddatidan oldin ovoz berish boshlanishiga kamida uch kun qolganida oladilar.

48. Muddatidan oldin ovoz berishni amalga oshirish uchun saylovchi tegishli uchastka saylov komissiyasining aʼzosiga oʻz shaxsini tasdiqlovchi hujjatni koʻrsatadi hamda saylov kunida boʻla olmasligining sabablari (taʼtil, xizmat safari, xorijga chiqish va hokazo) koʻrsatilgan ariza asosida tegishli uchastka saylov komissiyasidan saylov byulletenini va konvertni oladi.

Uchastka saylov komissiyasi saylovchidan saylov kunida boʻla olmasligining sabablarini tasdiqlovchi qoʻshimcha hujjatlarni talab qilishi taqiqlanadi.

49. Saylovchi saylov byulletenini olganligi haqida tegishli uchastka saylov komissiyasining kamida ikki nafar aʼzosi hozirligida mazkur Nizomning 15-ilovasiga muvofiq shakldagi saylovchilar roʻyxati koʻchirmasiga imzo qoʻyadi.

Uchastka saylov komissiyasi aʼzosi muddatidan oldin ovoz bergan saylovchini SJBATdagi saylovchilar roʻyxatida muddatidan oldin ovoz bergan saylovchi sifatida belgilashi shart.

50. Saylov byulleteni maxsus jihozlangan yashirin ovoz berish kabinasida yoki xonasida saylovchi tomonidan mustaqil qaror qabul qilishi orqali oʻzi yoqlab ovoz berayotgan nomzodning familiyasi, siyosiy partiyaning nomi roʻparasida, oʻng tomonda joylashgan boʻsh kvadratga “+” yoki “✓” yoxud “x” belgisini qoʻyib toʻldiriladi.

Saylovchi toʻldirilgan saylov byulletenini konvertga soladi va yelimlab yopadi.

51. Saylovchi toʻldirilgan saylov byulletenini yopiq konvertda uchastka saylov komissiyasi aʼzosiga topshiradi.

Uchastka saylov komissiyasining ikki nafar aʼzosi saylovchi hozirligida konvertning yopiqligini tekshiradi va konvertning yelimlangan joyiga uchastka saylov komissiyasining ikki nafar aʼzosining imzolari qoʻyilib, ular komissiyaning muhri bilan tasdiqlanadi.

Konvert saylov kuni ovoz berish tugaguniga qadar uchastka saylov komissiyasining seyfida saqlanadi.

8-bob. Uchastka saylov komissiyasining saylov kuni ovoz berish boshlanishidan oldingi harakatlari. Ovoz berish tartibi

52. Uchastka saylov komissiyasi aʼzolari saylov kuni ovoz berish binosiga soat 7:00 dan boshlab soat 7:30 gacha kelishlari lozim.

Saylov kuni ovoz berish binosi uchastka saylov komissiyasi aʼzolarining kamida uchdan ikki qismi hozir boʻlganda ochiladi.

Bunda, saylovchilar, kuzatuvchilar va ommaviy axborot vositalari vakillari hozir boʻlishlari mumkin.

53. Uchastka saylov komissiyasi soat 7:30 dan — 8:00 ga qadar quyidagilarni amalga oshiradi:

uchastka saylov komissiyasi raisi yoki rais oʻrinbosari tomonidan komissiya aʼzolarining ovoz berish kunidagi vazifalari 16a va 16b-ilovadagi vazifalar taqsimotiga muvofiq belgilanadi;

uchastka saylov komissiyasining raisi komissiyaning aʼzolari bilan birgalikda saylov qutilarining boʻshligini tekshiradi va ularni plombalar bilan plombalaydi, plombalar raqami koʻrsatilgan holda mazkur Nizomning 17-ilovasiga muvofiq shaklda dalolatnoma tuziladi;

komissiyaning ikki aʼzosi tomonidan imzolangan, muhr bilan tasdiqlangan holda tayyorlab qoʻyilgan saylov byulletenlari mazkur Nizomning 18-ilovasiga muvofiq shakldagi dalolatnoma asosida uchastka saylov komissiyasining raisi tomonidan saylov byulletenlarini saylovchilarga berishga masʼul etib belgilangan komissiya aʼzolariga topshiriladi. Saylovchilarga tartibli ravishda byulletenlarni berish maqsadida, masʼul uchastka saylov komissiyasi aʼzolariga saylovchilar roʻyxati alifbo ketma-ketligida taqsimlab beriladi.

54. Saylov kuni saylov uchastkasida soat 8:00 da Oʻzbekiston Respublikasining Davlat madhiyasi yangraydi.

Shundan keyin uchastka saylov komissiyasining raisi ovoz berish boshlanganligini eʼlon qiladi.

55. Uchastka saylov komissiyasi raisi tomonidan saylov uchastkasidagi saylovchilar soni, tuman, shahar saylov komissiyasidan olingan saylov byulletenlarning soni, shuningdek, muddatidan oldin ovoz berganlar soni maʼlum qilinadi. Ushbu maʼlumotlar yakuniy bayonnomaga kiritiladi.

56. Uchastka saylov komissiyasi raisining oʻrinbosari kuzatuvchilarni, ommaviy axborot vositalari vakillarini tegishli saylov komissiyasi tomonidan berilgan mandati va shaxsini tasdiqlovchi hujjati asosida roʻyxatga oladi. Shundan soʻng, ovoz berish xonasining ular uchun ajratilgan joyida oʻz vakolatlarini toʻlaqonli hamda toʻsqinliksiz amalga oshirishi uchun sharoit yaratib beradi.

57. Uchastka saylov komissiyasining raisi yoki rais oʻrinbosari tomonidan ovoz berish boshlanganligi haqida aloqa vositalari orqali tuman, shahar saylov komissiyasiga xabar beriladi.

58. Uchastka saylov komissiyasi tomonidan saylovchilarga taqdim etilgan saylov byulletenlari sonining hisobi har soatda yuritib boriladi. Saylov byulletenlari sonining hisobi toʻgʻrisidagi maʼlumotlar tegishli saylov komissiyalariga berib turiladi.

59. Uchastka saylov komissiyasi raisi ovoz berishni tashkil etish va oʻtkazishni muvofiqlashtirib boradi hamda nazorat qiladi, zarurat boʻlganda komissiya aʼzolariga yordam koʻrsatadi, ular vaqtinchalik yoʻq boʻlgan hollarda ularni boshqa aʼzolar bilan almashtiradi.

60. Har bir saylovchi shaxsan ovoz beradi, boshqa kishilar uchun ovoz berishga yoʻl qoʻyilmaydi.

Uchastka saylov komissiyasi uchastkadagi roʻyxat boʻyicha ovoz berishda ishtirok etuvchi har bir saylovchiga tegishli saylov uchun bir donadan ortiq saylov byulleteni berilmasligini taʼminlaydi. Buzib qoʻyilgan saylov byulleteni saylovchining iltimosiga koʻra yangisiga almashtirib berilganligi bundan mustasno.

61. Ovoz berish saylov kuni soat 8:00 dan 20:00 gacha oʻtkaziladi.

62. Saylovchi saylov kuni ovoz berish binosiga kelgach, uchastka saylov komissiyasining aʼzosiga oʻz shaxsini tasdiqlovchi hujjatni taqdim etadi (pasport, identifikatsiya ID-karta, yangi namunadagi milliy haydovchilik guvohnomasi, fuqarolik pasportini yoʻqotgan fuqarolarga ichki ishlar organlari tomonidan berilgan vaqtinchalik maʼlumotnoma, harbiy xizmatchilar uchun harbiy guvohnoma).

Uchastka saylov komissiyasining aʼzosi saylovchining shaxsini tasdiqlovchi hujjati asosida uning saylovchilar roʻyxatida mavjud yoki mavjud emasligini tekshiradi. Saylovchining saylovchilar roʻyxatida mavjudligini aniqlasa, unga saylovchilar roʻyxatidagi tartib raqamini aytadi hamda saylovchilar roʻyxatiga imzo qoʻyib, saylov byulletenini olishi mumkinligini tushuntiradi.

63. Saylovchining saylovchilar roʻyxatidagi maʼlumotlari tekshirilishi natijasida saylovchi mazkur saylov uchastkasining saylovchilari roʻyxatida mavjud emasligi aniqlansa, saylovchi shaxsini, fuqaroligi va yashash joyini (ushbu saylov uchastkasi hududida doimiy yashash joyi yoki vaqtincha turgan joyi boʻyicha roʻyxatga olinganligini) tasdiqlovchi hujjat asosida uchastka saylov komissiyasi raisiga mazkur Nizomning 19-ilovasidagi namunaga muvofiq ariza bilan yozma shaklda murojaat qiladi.

Saylovchining arizasi qabul qilib olingach, uchastka saylov komissiyasi raisi saylovchining doimiy yoki vaqtincha roʻyxatga olingan yashash joyidan kelib chiqib, uni ushbu saylov uchastkasining saylovchilar roʻyxatiga kiritish yoki kiritmaslik masalasini hal etadi.

Bunda, saylovchini saylovchilar roʻyxati ilovasiga kiritish masalasi quyidagi harakatlar ketma-ketligida hal etiladi:

1-harakat: uchastka saylov komissiyasi raisining koʻrsatmasiga asosan komissiya kotibi saylovchining saylov uchastkasini SJBATdan izlab topadi;

2-harakat: komissiya kotibi izlab topilgan saylov uchastkasidagi komissiya raisi bilan aloqa vositasi (telefon) orqali bogʻlanib, saylovchining ovoz bergan yoki bermaganligini aniqlaydi. Ovoz bermaganlik fakti aniqlanganidan soʻng, saylovchining ushbu saylov uchastkasida saylovchilar roʻyxati ilovasi asosida ovoz berayotganligi haqida maʼlum qiladi. Rais bilan bogʻlanish imkoniyati boʻlmagan taqdirda, mazkur harakatlarni amalga oshirishda yordam berish uchun tegishli ishchi guruhga murojaat qiladi;

3-harakat: komissiya kotibi komissiya raisini xabardor qilgan holda saylovchini mazkur Nizomning 20-ilovasiga muvofiq saylovchilar roʻyxati ilovasiga kiritadi va unga ovoz berish uchun saylov byulletenini imzo qoʻydirib topshiradi.

Saylov uchastkasida saylovchilar roʻyxatining ilovasi komissiya raisining koʻrsatmasiga asosan faqat komissiya kotibi tomonidan yuritiladi. Komissiyaning boshqa aʼzolari tomonidan saylovchilar roʻyxatining ilovasi yuritilishiga yoʻl qoʻyilmaydi.

Quyidagi hollarda saylovchini saylovchilar roʻyxati ilovasiga kiritish rad etiladi:

saylovchi boshqa saylov uchastkasida ovoz bergan boʻlsa;

saylovchi doimiy yoki vaqtincha roʻyxatga olinmagan yashash joyi boʻyicha uchastka saylov komissiyasiga murojaat qilgan boʻlsa.

Bunda, uchastka saylov komissiyasi raisi saylovchining doimiy yoki vaqtinchalik yashash joyi boʻyicha boshqa saylov uchastkasida ovoz berishi kerakligini tushuntiradi hamda tegishli arizada rad etish asosiga belgi qoʻyadi.

Saylov uchastkasidagi saylovchilar roʻyxatiga kiritilgan saylovchining boshqa saylov uchastkasida ovoz berayotganligi haqida maʼlumot olgan (2-harakatni amalga oshirish jarayonida) uchastka saylov komissiyasining raisi saylovchilar roʻyxatiga ushbu saylovchi boshqa saylov uchastkasida ovoz berganligi haqida maʼlumot kiritadi. Yakuniy bayonnomani toʻldirish vaqtida ushbu saylovchi uchastkadagi saylovchilarning umumiy soniga qoʻshilmaydi.

64. Saylovchining saylovchilar roʻyxatidagi maʼlumotlari tekshirilishi natijasida saylovchi turgan joyida ovoz berish uchun murojaat qilganligi aniqlansa, uchastka saylov komissiyasining aʼzosi bu haqda uchastka saylov komissiyasi raisiga xabar beradi. Ovoz berish oʻtkazilayotgan vaqtda turgan joyida ovoz berish uchun murojaat qilgan saylovchilarning roʻyxati doimiy tarzda yuritiladi hamda muvofiqlashtirib boriladi.

65. Saylovchilar roʻyxatidagi maʼlumotlari tekshirilgan saylovchi saylov byulletenini berishga masʼul uchastka saylov komissiyasining aʼzosiga oʻz shaxsini tasdiqlovchi hujjatni koʻrsatadi hamda unga saylovchilar roʻyxatidagi tartib raqamini aytib, saylovchilar roʻyxatiga imzo qoʻyadi. Shundan keyin unga tegishli saylov uchun bir donadan saylov byulleteni beriladi.

Uchastka saylov komissiyasi aʼzosi boshqa shaxs uchun ovoz bermoqchi boʻlgan saylovchiga saylov byulletenini berishi taqiqlanadi.

Saylovchining iltimosiga binoan saylov byulletenini toʻldirish uchun Brayl alifbosi asosida tayyorlangan trafaret beriladi.

66. Saylovchi saylov byulletenini olgach, uni yashirin ovoz berish kabinasida yoki xonasida toʻldiradi.

Bunda saylovchi oʻzi yoqlab ovoz berayotgan nomzodning familiyasi, siyosiy partiyaning nomi roʻparasida oʻng tomonda joylashgan boʻsh kvadratga “+” yoki “✓“ yoxud “x” belgisini qoʻyadi.

Buzib qoʻyilgan saylov byulleteni saylovchining iltimosiga koʻra yangisiga almashtirilishi mumkin.

Ovoz berish vaqtida buzib qoʻyilgan saylov byulletenlarining orqa tomonida tegishli belgi qoʻyiladi va har bir saylov turiga qarab alohida saqlanadi.

Ovoz beruvchi tomonidan byulletenni toʻldirish vaqtida xatoga yoʻl qoʻyilgan va uning oʻrniga yangi saylov byulleteni berilgan, bu haqda saylovchilar roʻyxatida hamda bekor qilingan buzilgan saylov byulletenining orqa tomonida tegishli belgi qoʻyilgan saylov byulleteni buzilgan hisoblanadi.

Saylov byulletenini toʻldirilgan holatda yoki uni toʻldirish jarayonini suratga yoxud videoga olish, olingan tasvirlarni tarqatish, shu jumladan ijtimoiy tarmoqlarga joylashtirish taqiqlanadi.

67. Saylov byulletenini toʻldirish chogʻida yashirin ovoz berish kabinasi yoki xonasida ovoz beruvchi shaxsdan boshqa shaxslarning hozir boʻlishi taqiqlanadi.

68. Saylov byulletenini mustaqil ravishda toʻldirish imkoniyatiga ega boʻlmagan saylovchi oʻz xohishiga koʻra yashirin ovoz berish kabinasiga yoki xonasiga boshqa shaxsni taklif qilishga haqli, bundan saylov komissiyasi tarkibiga kiradigan shaxslar, kuzatuvchilar va ommaviy axborot vositalari vakillari mustasno.

69. Toʻldirilgan saylov byulletenini ovoz beruvchi saylov qutisiga tashlaydi.

70. Saylov kuni ovoz berish vaqtida uchastka saylov komissiyasi binosida quyidagilar hozir boʻlishi mumkin:

tegishli uchastka saylov komissiyasi aʼzolari;

yuqori turuvchi saylov komissiyasi aʼzolari;

kuzatuvchilar;

ommaviy axborot vositalari vakillari;

uchastkadagi saylovchilar roʻyxati boʻyicha ovoz berishda ishtirok etuvchi saylovchilar.

Ovoz berish vaqtida uchastka saylov komissiyasi binosida hozir boʻlishga ruxsat etilgan shaxslardan tashqari boshqa shaxslarning boʻlishiga ruxsat etilmaydi. Binoda ushbu zarur tartibni saqlab turish masʼuliyati uchastka saylov komissiyasi raisining zimmasida boʻladi.

Uchastka saylov komissiyasi binosida hozir boʻlishga ruxsat etilgan shaxslar (saylovchilardan tashqari) tegishli komissiyalar tomonidan berilgan maqomini tasdiqlovchi mandat (guvohnomasi)ni boshqalarga koʻrinadigan holda taqqan boʻlishlari shart.

Uchastka saylov komissiyasi raisining oʻrinbosari ovoz berib boʻlgan saylovchini binodan chiqarib yuborish choralarini koʻradi.

71. Kuzatuvchilar, siyosiy partiyalarning vakolatli vakillari va akkreditatsiyadan oʻtgan ommaviy axborot vositalari vakillari harbiy qismlarda tuzilgan saylov uchastkalariga borishi haqida kamida uch kun oldin uchastka saylov komissiyasini xabardor qilishi kerak.

Ushbu uchastka saylov komissiyasining raisi, oʻz navbatida, harbiy qismlarning maʼmuriyatiga mazkur bandning birinchi xatboshisida koʻrsatilgan shaxslar haqidagi maʼlumotlarni (ularning familiyasi, ismi, otasining ismi, tugʻilgan yili, saylovda kim sifatida ishtirok etishi) ushbu muassasaga toʻsiqsiz kirib-chiqishlari uchun taqdim etadi.

Harbiy qismlarning maʼmuriyati ularning kirib chiqishi va xavfsizligini taʼminlash, ichki tartib-qoidalariga rioya etishi uchun masʼul hisoblanadi.

72. Uchastka saylov komissiyasi raisi ovoz berish binosida tinchlik saqlanishi va tartibga rioya qilinishini taʼminlash, ovoz berish va ularni sanab chiqishda gʻayriqonuniy toʻsqinliklar vujudga kelganida ichki ishlar yoki Milliy gvardiya xodimlariga murojaat qilishi mumkin.

Bunda, ichki ishlar yoki Milliy gvardiya xodimlari zudlik bilan voqea joyiga yetib kelishlari lozim.

Ichki ishlar va Milliy gvardiya xodimlari tomonidan saylov uchastkasi hududidagi tartibsizlik, gʻayriqonuniy xatti-harakatlar bartaraf etilganidan soʻng, uchastka saylov komissiyasi raisi koʻrsatmasi asosida saylov uchastkasi binosini tark etishlari va saylov jarayoniga xalaqit bermaydigan joyga joylashishlari shart.

9-bob. Saylovchining turgan joyida ovoz berishini tashkil etish

73. Ayrim saylovchilar sogʻligʻining holatiga yoki boshqa sabablarga koʻra ovoz berish binosiga kela olmagan hollarda, tegishli uchastka saylov komissiyasi ovoz berishni ushbu saylovchilarning saylov kuni yoki saylov kuniga qadar qilgan yozma yoki ogʻzaki iltimosiga binoan ular turgan joyida tashkil etadi.

Bunda uchastka saylov komissiyasi aʼzosi qaydlov daftariga saylovchining familiyasi, ismi, otasining ismi, yashash joyi, murojaat qilingan vaqti haqida tegishli yozuv kiritadi va ushbu maʼlumotlar uchastka saylov komissiyasi aʼzosining imzosi bilan tasdiqlanadi.

74. Uchastka saylov komissiyasi tomonidan saylovchi turgan joyida ovoz berishni tashkil etish saylov kunidagi ish hajmi va vaziyatdan kelib chiqqan holda amalga oshiriladi.

Saylovchilarning murojaatlari boʻyicha ular turgan joyga koʻchma saylov qutisi bilan boradigan uchastka saylov komissiyasining aʼzolari murojaatlar sonidan kam boʻlmagan miqdordagi byulletenlarni imzo chekib oladilar. Saylovchilar murojaatlarining soni, shuningdek ishlatilgan va qaytarilgan saylov byulletenlarining soni mazkur Nizomning 21-ilovasiga muvofiq shaklda alohida dalolatnomada qayd etiladi.

75. Uchastka saylov komissiyasining kamida ikki nafar aʼzosi koʻchma saylov qutisi bilan saylovchining turgan joyiga yuboriladi, ular saylovchining xohish-irodasi sir saqlanishiga rioya etilgan holda ovoz berish amalga oshirilishini taʼminlaydi. Bunda kuzatuvchilar va ommaviy axborot vositalari vakillari hozir boʻlishi mumkin.

76. Turgan joyida ovoz berishni amalga oshirish uchun saylovchi tegishli uchastka saylov komissiyasining aʼzosiga oʻz shaxsini tasdiqlovchi hujjatni koʻrsatadi hamda mazkur Nizomning 22-ilovasiga muvofiq shakldagi saylovchilar roʻyxati koʻchirmasiga imzo qoʻyadi. Shundan keyin unga tegishli saylov uchun bir donadan saylov byulleteni beriladi.

77. Saylovchi yashirin ovoz berib boʻlganidan soʻng, saylovchilar roʻyxatining tegishli joyiga (saylovchining familiyasi roʻparasiga) “turgan joyida ovoz berdi” yozuvi kiritiladi.

10-bob. Qamoqda saqlash va ozodlikdan mahrum etish joylarida ovoz berishni tashkil etish va oʻtkazishning oʻziga xos xususiyatlari

78. Qamoqda saqlash joylarida ushlab turilgan hamda qamoqqa olingan shuningdek, jinoyat sodir etganligi uchun sudning hukmi bilan ozodlikdan mahrum etish joylarida saqlanayotgan shaxslar ovoz berish huquqiga egadirlar.

79. Qamoqda saqlash va ozodlikdan mahrum etish joylaridagi ovoz berish binosini jihozlash va unda zarur tartibni saqlab turish masʼuliyati muassasa maʼmuriyati va uchastka saylov komissiyasi zimmasida boʻladi.

80. Qamoqda saqlash joylarida ushlab turilgan hamda qamoqqa olingan shuningdek, jinoyat sodir etganligi uchun sudning hukmi bilan ozodlikdan mahrum etish joylarida saqlanayotgan shaxslar qamoqda saqlash va ozodlikdan mahrum etish joylarida tuzilgan saylov uchastkalaridagi saylovchilar roʻyxatiga kiritiladi.

Sud tomonidan ogʻir va oʻta ogʻir jinoyatlar sodir etganlik uchun sudning hukmiga koʻra ozodlikdan mahrum etish joylarida saqlanayotgan shaxslar saylovda ishtirok etish huquqidan faqat qonunga muvofiq hamda sudning qarori asosida mahrum etilishi mumkin. Boshqa har qanday hollarda fuqarolarning saylov huquqlarini toʻgʻridan-toʻgʻri yoki bilvosita cheklashga yoʻl qoʻyilmaydi.

81. Qamoqda saqlash va ozodlikdan mahrum etish joylarida tuzilgan saylov uchastkalaridagi saylovchilar haqidagi maʼlumotlarni Oʻzbekiston Respublikasi Ichki ishlar vazirligi markazlashgan tartibda saylovga kamida bir oy qolgunga qadar Oʻzbekiston Respublikasi Adliya vazirligi huzuridagi Personallashtirish agentligiga (bundan buyon matnda Personallashtirish agentligi deb yuritiladi) SYAERga tuzatishlar kiritish uchun yuboradi.

Agarda mazkur muassasalarda tuzilgan saylov uchastkalaridagi saylovchilar roʻyxatida oʻzgarishlar amalga oshirilsa, saylovga kamida besh kun qolgunga qadar ushbu maʼlumotlar ham Personallashtirish agentligiga yetkazib berish choralari koʻriladi.

82. Manzil-koloniyalarida saylov uchastkalari tuzilmagan holatlarda, ular biriktirilgan uchastka saylov komissiyalariga muassasadagi saylovchilar haqidagi maʼlumotlar ushbu muassasa rahbari tomonidan saylovga kamida yetti kun qolganda taqdim etiladi.

83. Qamoqda saqlash va ozodlikdan mahrum etish joylarida ushbu muassasalarning ichki tartib qoidalari va rejimini inobatga olgan holda, saylovga uch kun qolganida fuqarolarga saylovchilar roʻyxati bilan tanishish imkoniyati taʼminlanadi.

Qamoqda saqlash va ozodlikdan mahrum etish joylarining maʼmuriyati mazkur maʼlumotlarning haqqoniyligi va toʻliqligi uchun masʼuldir.

84. Kuzatuvchilar, siyosiy partiyalarning vakolatli vakillari va akkreditatsiyadan oʻtgan ommaviy axborot vositalari vakillari qamoqda saqlash va ozodlikdan mahrum etish joylarida tuzilgan saylov uchastkalariga borishi haqida kamida uch kun oldin uchastka saylov komissiyasini xabardor qilishi kerak.

85. Uchastka saylov komissiyasi, oʻz navbatida, qamoqda saqlash va ozodlikdan mahrum etish joylarining maʼmuriyatiga mazkur Nizomning 84-bandida koʻrsatilgan shaxslar haqidagi maʼlumotlarni (ularning familiyasi, ismi, otasining ismi, tugʻilgan yili, saylovda kim sifatida ishtirok etishi) ushbu muassasaga toʻsiqsiz kirib-chiqishlari uchun taqdim etadi.

Qamoqda saqlash va ozodlikdan mahrum etish joylarining maʼmuriyati ularning kirib chiqishi va xavfsizligini taʼminlash, ichki tartib-qoidalariga rioya etishi uchun masʼul hisoblanadi.

86. Qamoqda saqlash va ozodlikdan mahrum etish joylarining ichki-tartib qoidalari va rejimidan kelib chiqib, saylovchilar ovoz berish xonasiga kichik guruhlarga boʻlingan holda olib kelinadi.

87. Saylov uchastkasi tuzilmagan manzil-koloniyalarida biriktirilgan uchastka saylov komissiyasi tomonidan saylovchilarga turgan joyida ovoz berish tashkil etiladi.

Biriktirilgan uchastka saylov komissiyasi mazkur saylovchilarni saylovchilar roʻyxati ilovasiga kiritadi.

11-bob. Oʻzbekiston Respublikasining chet davlatlardagi diplomatik va boshqa vakolatxonalari huzurida tuzilgan saylov uchastkalarida ovoz berishni tashkil etish va oʻtkazishning oʻziga xos xususiyatlari

88. Oʻzbekiston Respublikasining chet davlatlardagi diplomatik va boshqa vakolatxonalari, konsullik muassasalari (bundan buyon matnda diplomatik vakolatxona deb yuritiladi) huzuridagi uchastka saylov komissiyalari (bundan buyon matnda xorijdagi uchastka saylov komissiyasi deb yuritiladi) shakllantirilgandan soʻng, ularga Markaziy saylov komissiyasi Oʻzbekiston Respublikasi Tashqi ishlar vazirligi (bundan buyon matnda Tashqi ishlar vazirligi deb yuritiladi) orqali ovoz berishni tashkil etish uchun zarur boʻlgan saylovga oid hujjatlarni, xususan, saylov byulletenlari, saylov qutilari, yashirin ovoz berish kabinalari, xorijdagi uchastka saylov komissiyasining muhri, plombalar va boshqalarni yetkazib berish hamda topshirishni tashkil etadi.

89. Diplomatik vakolatxonalar huzurida tuzilgan saylov uchastkalari (bundan buyon matnda xorijdagi saylov uchastkasi deb yuritiladi) boʻyicha saylovchilarning roʻyxatlari diplomatik vakolatxonalar rahbarlari tomonidan taqdim etilgan maʼlumotlar asosida tuziladi.

Shuningdek, xorijda vaqtincha yoki doimiy yashayotgan fuqarolar, ularning murojaatlariga asosan xorijdagi saylov uchastkalaridagi saylovchilar roʻyxatiga kiritiladi.

90. Chet davlatlarda turgan fuqarolar oʻzini saylovchilar roʻyxatiga kiritish toʻgʻrisida saylovga kamida oʻn besh kun qolguniga qadar xorijdagi uchastka saylov komissiyalariga yozma shaklda yoki Tashqi ishlar vazirligining rasmiy veb-sayti orqali elektron shaklda murojaat qilishi mumkin.

91. Saylovchilar roʻyxatiga kiritish toʻgʻrisidagi murojaatda fuqaro qoʻyidagi maʼlumotlarni koʻrsatishi lozim:

familiya, ismi, otasining ismi;

jismoniy shaxsning shaxsiy identifikatsiya raqami;

tugʻilgan sanasi;

Oʻzbekiston Respublikasidagi oxirgi doimiy yashash joyi (agar mavjud boʻlsa);

chet davlatdagi yashash joyi;

bogʻlanish uchun telefon raqamlari.

Murojaatga Oʻzbekiston Respublikasi fuqarosi pasportining (nobiometrik, biometrik, xorijga chiqish va diplomatik), fotosurati boʻlgan va manzili (agar mavjud boʻlsa) koʻrsatilgan varaqlari nusxasi ilova qilinadi.

Saylovchilar roʻyxatiga kiritish toʻgʻrisida Tashqi ishlar vazirligining rasmiy veb-sayti orqali murojaat qilinganda saylovchilar elektron shaklda koʻrsatilgan maʼlumotlarni kiritadi.

92. Xorijdagi uchastka saylov komissiyasi aʼzosi fuqaroning saylovchilar roʻyxatiga kiritish toʻgʻrisidagi murojaatida koʻrsatilgan shaxsga doir maʼlumotlarni tekshiradi va fuqaroning maʼlumotlari boʻyicha roʻyxatga tegishli oʻzgartirishlarni kiritadi.

Fuqaro mazkur Nizomning 91-bandida nazarda tutilgan maʼlumotlarni toʻliq taqdim etmagan taqdirda, xorijdagi uchastka saylov komissiyasi fuqaroga maʼlumotlarni toʻldirish imkonini beradi. Agar fuqaro ushbu maʼlumotlarni toʻliq taqdim etmasa, xorijdagi uchastka saylov komissiyasi fuqaroni saylovchilar roʻyxatiga kiritilmaganligi haqida xabardor qilish choralarini koʻradi.

93. Xorijdagi uchastka saylov komissiyalari saylovchilar roʻyxatiga qoʻshimcha kiritilgan fuqarolar haqidagi maʼlumotlarni Tashqi ishlar vazirligiga taqdim etadi.

Tashqi ishlar vazirligi oʻz navbatida saylovchilar roʻyxatiga qoʻshimcha kiritilgan saylovchilar haqidagi maʼlumotlarni umumlashtirilgan holda Personallashtirish agentligiga SYAERga tegishli tuzatishlar kiritish uchun taqdim qiladi.

94. Tashqi ishlar vazirligi Personallashtirish agentligiga xorijdagi saylov uchastkasining saylovchilari roʻyxatiga qoʻshimcha kiritilgan saylovchilar haqidagi maʼlumotlarni, yaʼni elektron shaklda jismoniy shaxsning shaxsiy identifikatsiya raqamini (u mavjud boʻlmaganda — fuqaro pasportining seriyasi va raqamini, shuningdek saylovchining tugʻilgan sanasi (yyyy.oo.kk), jinsi, millati), familiyasi, ismi va otasining ismini (davlat tilida, lotin yozuvida), fuqaroning chet davlatdagi yashash joyi toʻgʻrisidagi maʼlumotlarni yuboradi.

95. Xorijdagi uchastka saylov komissiyasi roʻyxat bilan tanishish usullari, joyi va vaqti toʻgʻrisida saylovchilarni xabardor etadi.

96. Xorijdagi uchastka saylov komissiyasi saylovdan oʻn besh kun oldin oʻz hududidagi saylovchilarning roʻyxatini chop etadi va saylovchilar tanishib chiqishi uchun taqdim etadi.

97. Fuqarolarga Tashqi ishlar vazirligi va diplomatik vakolatxonalarning rasmiy veb-saytlari va binolarida ularning ichki tartib qoidalari va rejimini inobatga olgan holda saylovchilar roʻyxati bilan tanishish imkoniyati taʼminlanadi.

98. Saylovga tayyorgarlik koʻrish hamda uni oʻtkazishga doir barcha tadbirlarda, shuningdek saylov kuni ovoz berish xonalarida va ovozlarni sanab chiqishda kuzatuvchilar, ommaviy axborot vositalari vakillari ishtirok etish huquqiga ega.

99. Xorijdagi uchastka saylov komissiyasi diplomatik vakolatxonaning maʼmuriyatiga mazkur Nizomning 98-bandida koʻrsatilgan shaxslar haqidagi maʼlumotlarni (ularning familiyasi, ismi, otasining ismi, tugʻilgan yili, saylovda kim sifatida ishtirok etishi) taqdim etadi.

100. Xorijdagi uchastka saylov komissiyasi saylovchilarni ommaviy axborot vositalari yoki boshqa yoʻllar bilan (mahalliy sharoitni inobatga olgan holda):

saylov kampaniyasi boshlangani;

saylovlarga tayyorgarlik koʻrish va uni oʻtkazish;

muddatidan oldin ovoz berish kunlari va saylov kuni;

xorijdagi saylov uchastkasi;

Oʻzbekiston Respublikasi hududidan tashqarida yashayotgan fuqarolarni tegishli xorijdagi saylov uchastkasi saylovchilar roʻyxatiga kiritish tartibi va muddatlari;

saylovda ishtirok etayotgan siyosiy partiyaning dasturi va partiya roʻyxati;

Oʻzbekiston Respublikasining saylov qonunchiligi haqida xabardor qiladi.

101. Xorijdagi saylov uchastkalaridagi saylovchilar soni haqida Tashqi ishlar vazirligi tomonidan taqdim etilgan maʼlumotlar asosida Markaziy saylov komissiyasi Qonunchilik palatasi deputatlari sayloviga doir yagona saylov okrugi boʻyicha saylov byulletenlarining tayyorlanishi va yetkazib berilishini taʼminlaydi.

Saylov byulletenlarining topshirilgani hamda qabul qilingani toʻgʻrisida tegishli hududiy saylov komissiyasi raisi va Tashqi ishlar vazirligining masʼul xodimi tomonidan tegishli dalolatnoma tuziladi va imzolanadi.

Markaziy saylov komissiyasi Tashqi ishlar vazirligi orqali xorijdagi uchastka saylov komissiyalariga saylov byulletenlarini muddatidan oldin ovoz berish kuniga qadar saylovchilar roʻyxatining umumiy sonidan kelib chiqqan holda 100,5 foizda yetkazib beradi.

102. Xorijdagi uchastka saylov komissiyalari saylovchilar soni koʻpligini inobatga olgan holda va saylov kuni ovoz berish binosida navbatlarning oldini olish maqsadida fuqarolarga muddatidan oldin ovoz berishni taklif qilishi mumkin.

103. Oʻzbekiston Respublikasining xalqaro shartnomalariga va chet davlatlarning vakolatli davlat hokimiyati organlari bilan kelishuvlarga muvofiq chet davlatlarning Oʻzbekiston Respublikasi fuqarolari (saylovchilar) zich joylashgan hududlarida muddatidan oldin ovoz berish saylovchilarning turgan joyida oʻtkazilishi mumkin.

Xorijdagi uchastka saylov komissiyasi saylovchilarning turgan joyida ovoz berish vaqti hamda joyi toʻgʻrisida qaror qabul qiladi va bu haqda saylovchilarni, kuzatuvchilarni ommaviy axborot vositalari yoki boshqa manbalar orqali xabardor etadi.

104. Saylovchilarning turgan joyida muddatidan oldin ovoz berish koʻchma saylov qutilari va kabinalaridan foydalanilgan holda oʻtkaziladi.

Xorijdagi uchastka saylov komissiyasi koʻchma saylov qutilari va kabinalarining zaruriy soni haqida Tashqi ishlar vazirligiga saylovga kamida oʻn besh kun qolguniga qadar maʼlum qiladi.

Tashqi ishlar vazirligi zarur boʻlgan koʻchma saylov qutilari va kabinalarining soni haqidagi umumlashtirilgan maʼlumotni Markaziy saylov komissiyasiga taqdim etadi.

Markaziy saylov komissiyasi Tashqi ishlar vazirligi yordamida xorijdagi uchastka saylov komissiyalarini muddatidan oldin ovoz berish boshlanguniga qadar zarur koʻchma saylov qutilari va kabinalari bilan taʼminlaydi.

105. Saylovchilarning turgan joyida muddatidan oldin ovoz berish xorijdagi uchastka saylov komissiyasining kamida ikki nafar aʼzosi hozirligida oʻtkaziladi.

Bunda, oldindan plombalangan koʻchma saylov qutisi, koʻchma saylov kabinasi, maxsus qoplar, plombalar, belgilangan shakldagi saylov byulletenlari, saylovchilar roʻyxati koʻchirmasi yoki saylovchilar roʻyxati, shuningdek saylovchi tomonidan saylov byulleteni toʻldirilishi uchun ruchka boʻlishi lozim.

106. Saylovchi xorijdagi uchastka saylov komissiyasining aʼzosiga oʻz shaxsini tasdiqlovchi hujjatni (pasport — nobiometrik, biometrik, xorijga chiqish va diplomatik, identifikatsiya ID-kartasi, harbiy guvohnoma, Oʻzbekiston Respublikasiga qaytish guvohnomasi) koʻrsatadi hamda saylovchilar roʻyxatiga yoki saylovchilar roʻyxati koʻchirmasiga imzo qoʻyadi. Shundan keyin unga saylov byulleteni beriladi.

Saylovchi oʻzi yoqlab ovoz berayotgan siyosiy partiyaning nomi roʻparasida, oʻng tomonda joylashgan boʻsh kvadratga “+” yoki “✓“ yoxud “x” belgisini qoʻyadi.

Saylovchi toʻldirilgan saylov byulletenini koʻchma saylov qutisiga tashlaydi.

107. Tegishli hududda saylovchilarning turgan joyida ovoz berish tugaganidan keyin, xorijdagi uchastka saylov komissiyasi aʼzolari koʻchma saylov qutisini ochadi, uning ichidagi saylov byulletenlarini sanamasdan maxsus qopga joylaydi, qopni plomba bilan plombalaydi va bu haqda mazkur Nizomning 23-ilovasiga muvofiq shakldagi dalolatnomani rasmiylashtiradi.

Dalolatnomada saylovchilarning turgan joyida ovoz berish oʻtkazilgan kun va joy, saylov byulletenini olgan saylovchilar soni, xorijdagi uchastka saylov komissiyasi aʼzolari va ovoz berish jarayonida ishtirok etuvchi boshqa shaxslarning familiyasi, ismi va otasining ismi koʻrsatilgan holda imzolanadi.

Mazkur dalolatnomaga saylovchilar roʻyxati yoki saylovchilar roʻyxati koʻchirmasi ilova qilinadi.

108. Saylov byulletenlari solingan qop plombalangan holda dalolatnoma bilan birga xorijdagi saylov uchastkasiga olib boriladi va saylov kuni ovozlarni sanab chiqish jarayoni boshlanguniga qadar saqlanadi.

Saylov byulletenlari solingan qop(lar) va dalolatnoma(lar)ni saqlash xorijdagi uchastka saylov komissiyasi kotibi tomonidan taʼminlanadi.

109. Xorijdagi uchastka saylov komissiyalari saylov kuni ovoz berish jarayonini ushbu komissiya joylashgan hududdagi mahalliy vaqt bilan soat 8:00 dan 20:00 ga qadar amalga oshiradi.

110. Xorijdagi uchastka saylov komissiyalari ovoz berishni diplomatik vakolatxonalardagi ichki tartib-qoidalari, rejimi va ularning boshqa oʻziga xos xususiyatlarini inobatga olgan holda tashkil etadi.

111. Fuqarolar diplomatik vakolatxona ichki-tartib qoidalari va rejimidan kelib chiqqan holda, ovoz berish xonasiga kiritiladi.

112. Xorijdagi saylov uchastkalarida saylov qutilarini mahalliy vaqt bilan soat 20:00 dan oldin ochish va ovozlarni sanab chiqishga yoʻl qoʻyilmaydi.

113. Xorijdagi uchastka saylov komissiyasi tomonidan ovozlarni sanab chiqish natijalari toʻgʻrisidagi bayonnomaning koʻchirma nusxasi axborot-kommunikatsiya texnologiyalaridan foydalangan holda darhol tegishli hududiy saylov komissiyasiga taqdim etiladi.

Bayonnomaning asl nusxasini pochta aloqa vositalaridan foydalangan holda, Tashqi ishlar vazirligi orqali hududiy saylov komissiyasiga yetkazib berish taʼminlanadi.

114. Markaziy saylov komissiyasi xorijdagi uchastka saylov komissiyalari tomonidan bayonnoma nusxalarini tegishli hududiy saylov komissiyalariga yetkazib berilishi ustidan nazoratni amalga oshiradi.

115. Xorijdagi uchastka saylov komissiyasining saylovni oʻtkazish bilan bogʻliq barcha hujjatlari, jumladan saylov byulletenlari diplomatik vakolatxonalarga topshiriladi.

Diplomatik vakolatxonalar saylovga oid hujjatlarni tegishli hududiy saylov komissiyasiga yetkazilishini taʼminlaydi.

12-bob. Ovozlarni sanab chiqish. Uchastka saylov komissiyalari tomonidan ovoz berish natijalarini aniqlash

116. Uchastka saylov komissiyasining raisi yoki rais oʻrinbosari soat 20:00 da ovoz berish tugaganligini eʼlon qiladi.

Saylov uchastkasi binosida hozir boʻlgan saylovchilarga ovoz berish uchun imkoniyat beriladi (agar saylovchilar bor boʻlsa).

117. Diplomatik vakolatxonalar huzurida, harbiy qismlarda, sanatoriylarda, dam olish uylarida, kasalxonalar va boshqa statsionar davolash muassasalarida, olis va borish qiyin boʻlgan hududlardagi fuqarolar turgan joylarda, qamoqda saqlash va ozodlikdan mahrum etish joylarida tuzilgan saylov uchastkalarida roʻyxatga kiritilgan barcha fuqarolar ovoz berib boʻlgan boʻlsa, uchastka saylov komissiyasi ovoz berish tugaganligini istalgan vaqtda eʼlon qilishi mumkin. Bunda, soat 20:00 gacha ovoz berish tugagan boʻlsa, saylov qutilarining byulleten tashlanadigan qismiga oq qogʻoz yelimlanadi va uchastka saylov komissiyasining muhri bilan muhrlanadi.

Oʻzbekiston Respublikasi hududida joylashgan saylov uchastkalarida saylov qutilarini soat 20:00 dan oldin ochish va ovozlarni sanab chiqishga yoʻl qoʻyilmaydi.

118. Saylovchilarning ovozlarini sanab chiqish uchastka saylov komissiyasi aʼzolari tomonidan saylov qutilarida mavjud boʻlgan saylov byulletenlari boʻyicha amalga oshiriladi. Saylovchilarning ovozlarini sanab chiqish faqatgina ovoz berish binosida oʻtkaziladi.

119. Uchastka saylov komissiyalari tomonidan ovozlarni sanab chiqish, ovozlarni sanab chiqish natijalari toʻgʻrisidagi bayonnomalarni toʻldirish jarayonida quyidagilar hozir boʻlishlari mumkin:

kuzatuvchilar;

siyosiy partiyalarning vakolatli vakillari;

ommaviy axborot vositalari vakillari.

Mazkur jarayonda uchastka saylov komissiyasi binosida hozir boʻlishga ruxsat etilgan shaxslardan tashqari boshqa shaxslarning boʻlishi taqiqlanadi.

120. Qonunchilik palatasi va mahalliy Kengashlar deputatlari saylovi boʻyicha saylov uchastkasida ovozlarni sanab chiqish natijalari tegishincha mazkur Nizomning 24, 25, 26 yoki 27-ilovalariga muvofiq shakldagi uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasi bilan rasmiylashtiriladi.

121. Qonunchilik palatasi va mahalliy Kengashlar deputatlari saylovi bir vaqtda oʻtkazilayotgan boʻlsa, uchastka saylov komissiyasining ovoz berish tugaganidan keyingi ovoz berish natijalarini aniqlash boʻyicha harakatlari:

1-navbatda: Qonunchilik palatasi deputatlari saylovi boʻyicha (avval bir mandatli, keyin yagona saylov okrugi boʻyicha);

2-navbatda: xalq deputatlari viloyat, Toshkent shahar Kengashi deputatlari saylovi boʻyicha;

3-navbatda: xalq deputatlari tuman, shahar Kengashi deputatlari saylovi boʻyicha amalga oshiriladi.

122. Uchastka saylov komissiyasi aʼzolari ovoz berish tugaganidan soʻng, qonunchilikda belgilangan harakatlar ketma-ketligida quyidagi vazifalarni amalga oshiradi:

1-harakat: foydalanilmagan va buzilgan saylov byulletenlari sanab chiqiladi va yuqori chap burchagini kesish yoʻli bilan bekor qilinadi, bu haqda yakuniy bayonnomaga tegishli yozuv kiritiladi.

Uchastka saylov komissiyasining raisi yoki rais oʻrinbosari foydalanilmagan va buzib qoʻyilib bekor qilingan saylov byulletenlarini bogʻlam qilib oʻrab, ustiga “Foydalanilmagan va buzib qoʻyilib bekor qilingan saylov byulletenlari” deb yozib, yoniga ularning sonini, qaysi saylovga oidligini, saylov okrugining nomi va tartib raqamini yozadi.

2-harakat: saylovchilar roʻyxati (saylovchilar roʻyxati ilovasi) boʻyicha uchastkadagi saylovchilarning umumiy soni aniqlanadi, boshqa saylov uchastkasida ovoz berganligi haqida maʼlumot kiritilganlar umumiy sondan chiqariladi.

Shundan soʻng, komissiya raisi tomonidan birinchi navbatda saylovchilar roʻyxati boʻyicha aniqlangan saylovchilar soni, ikkinchi navbatda saylovchilar roʻyxatining ilovasiga kiritilgan saylovchilar soni eʼlon qilinadi. Ushbu maʼlumotlar umumlashtirilgan holda yakuniy bayonnomaga kiritiladi;

3-harakat: saylovchilar roʻyxati (saylovchilar roʻyxati ilovasi, saylovchilar roʻyxatidan koʻchirma)ning har bir varagʻiga saylov byulleteni olganligi toʻgʻrisida imzo qoʻygan saylovchilarning imzolari sanaladi va shu varaqning pastki oʻng tomoniga ushbu maʼlumotlar kiritiladi;

maʼlumotlar kiritilganidan keyin saylovchilar roʻyxati (saylovchilar roʻyxati ilovasi, saylovchilar roʻyxatidan koʻchirma)ning har bir varagʻi ushbu maʼlumotlarni kiritgan komissiya aʼzosi tomonidan imzolanadi va barcha varaqlardagi raqamlar umumlashtiriladi va aniqlangan maʼlumotlar saylovchilar roʻyxatining oxirgi varagʻiga kiritiladi, rais imzosi va uchastka saylov komissiyasining muhri bilan tasdiqlanadi. Shundan soʻng, ushbu maʼlumotlar yakuniy bayonnomaga kiritiladi.

4-harakat: saylov qutilarini ochishdan oldin uchastka saylov komissiyasining aʼzolari hozirligida komissiyaning seyfida saqlanayotgan muddatidan oldin ovoz berish byulletenlari solingan yopiq konvertlar saylov qutisiga hammaning eʼtiboriga havola qilingan holda alohida-alohida tashlanadi;

5-harakat: saylov qutilaridagi plombalarning raqamlari plombalash dalolatnomasi bilan solishtiriladi. Diplomatik vakolatxonalar huzurida tuzilgan saylov uchastkalarida maxsus qop(lar)dagi plombada mavjud raqamlar tegishli dalolatnomadagi raqamlar bilan ham solishtiriladi;

6-harakat: ovozlarni sanashni boshlashdan oldin stollar birlashtiriladi, ushbu stollar ustidagi barcha yozuv ashyolari (ruchka, qalam va boshqa vositalar) hammaning eʼtiboriga havola qilingan holda chetga olib qoʻyiladi;

7-harakat: statsionar va koʻchma saylov qutilari (xorijdagi saylov uchastkalarida maxsus qoplar ham) ochiladi. Byulletenlar stol ustiga toʻkiladi. Konvertlar ochiladi va alohida saqlanadi.

Agar Qonunchilik palatasi va mahalliy Kengashlar deputatlari saylovi bir vaqtda oʻtkazilayotgan boʻlsa, Qonunchilik palatasi (bir mandatli va yagona saylov okrugi), tegishli xalq deputatlari viloyat, Toshkent shahar, tuman, shahar Kengashi sayloviga doir saylov byulletenlari alohida-alohida ajratib olinadi. Undan keyin tegishli saylovda ovoz berishda ishtirok etgan saylovchilar (saylov qutilaridagi saylov byulletenlari (xorijdagi saylov uchastkasida maxsus qop(lar)dagi ham) soni aniqlanadi hamda ushbu maʼlumotlar yakuniy bayonnomaga kiritiladi.

8-harakat: uchastka saylov komissiyasining aʼzolari har bir nomzodni va siyosiy partiyani yoqlab berilgan ovozlar boʻyicha saylov byulletenlarini oʻqib eshittirgan va namoyish etgan holda alohida-alohida bogʻlamlarga ajratadi;

saylov byulletenining haqiqiyligi shubha tugʻdirganda, masala uchastka saylov komissiyasi tomonidan ovozga qoʻyish orqali hal etiladi;

9-harakat: har bir nomzodni va siyosiy partiyani yoqlab berilgan ovozlar alohida-alohida sanab chiqiladi, har bir nomzodni va siyosiy partiyani yoqlab berilgan ovozlar soni aniqlanadi hamda yakuniy bayonnomaga kiritiladi;

har bir nomzodni va siyosiy partiyani yoqlab berilgan saylov byulletenlari alohida-alohida bogʻlam qilib oʻraladi. Bogʻlamda har bir nomzodning familiyasi, ismi va otasining ismi yozilib, uni yoqlab berilgan ovozlar soni, qaysi saylovga oidligi va saylov okrugining nomi hamda tartib raqami koʻrsatiladi. Shuningdek, Qonunchilik palatasiga yagona saylov okrugi boʻyicha oʻtkazilgan saylovda har bir siyosiy partiyaning nomi yozilib, ovozlar soni koʻrsatiladi;

10-harakat: quyidagi saylov byulletenlari ovozlarni sanab chiqishda haqiqiy emas deb topiladi:

belgilanmagan shakldagi (hajmi, rangi, qogʻoz sifati, bosmaxona shrifti va hokazolar boʻyicha farqlanuvchi) saylov byulletenlari;

uchastka saylov komissiyasi tomonidan tasdiqlanmagan saylov byulletenlari;

saylovga qadar vafot etgan, saylov huquqidan mahrum boʻlgan yoxud nomzodlikdan chaqirib olingan nomzodga yoqlab ovoz berilgan saylov byulletenlari;

ovoz berish vaqtida bittadan ortiq kvadratga “+” yoki “✓“ yoxud “x” belgisi qoʻyilgan yoki bitta ham kvadratga bunday belgilar qoʻyilmagan saylov byulletenlari.

Saylov byulletenlariga qoʻshimcha ravishda yozib qoʻyilgan fuqarolarning familiyalari yoki yozuvlar boʻyicha berilgan ovozlar hisobga olinmaydi va ushbu saylov byulletenlari ham haqiqiy emas deb topiladi.

Haqiqiy emas deb topilgan byulletenlar sanab chiqiladi, alohida bogʻlam qilib oʻraladi va ularning soni yakuniy bayonnomaga kiritiladi.

Bogʻlamda “Haqiqiy emas deb topilgan byulletenlar” deb yozilib, ularning soni, qaysi saylovga oidligi, saylov okrugining nomi va tartib raqami koʻrsatiladi.

Agar Qonunchilik palatasi va mahalliy Kengashlarga saylovlar bir vaqtda oʻtkazilsa, unda yuqoridagi har bir harakat barcha darajadagi saylovlar boʻyicha amalga oshirilgach, keyingi harakatga oʻtiladi.

123. Zarur harakatlar amalga oshirilganidan keyin komissiya yakuniy majlis oʻtkazadi. Unda ovoz berish va ovozlarni sanab chiqish vaqtida yoʻl qoʻyilgan qonunbuzilishlar haqidagi shikoyat yoki arizalar koʻrib chiqiladi.

124. Ovozlarni sanab chiqish natijalari toʻgʻrisida bayonnoma tuzishdan oldin komissiya raisi hozir boʻlganlar eʼtiboriga ovoz berish kunida va ovozlarni sanab chiqish tugagunicha komissiyaga kelib tushgan shikoyatlar (arizalar) va ular boʻyicha qabul qilingan qarorlar haqidagi axborotni yetkazadi. Tegishli bayonnomaga ilova qilinadigan dalolatnomalar va boshqa hujjatlarni koʻrsatib oʻtadi. Komissiya faoliyati boʻyicha eʼtirozlar, shikoyatlar bor-yoʻqligini aniqlaydi, zarurat boʻlsa, komissiya ushbu eʼtiroz yoki shikoyatlarni koʻrib chiqadi va qaror qabul qiladi.

125. Uchastka saylov komissiyasi saylov uchastkasida ovozlarni sanab chiqish natijalari haqidagi bayonnomani tasdiqlash toʻgʻrisida qaror qabul qiladi. Shundan keyin komissiya raisi, rais oʻrinbosari, kotibi va boshqa aʼzolari tomonidan ovozlarni sanab chiqish natijalari haqidagi bayonnoma ikkita nusxada toʻldiriladi, imzolanadi va uchastka saylov komissiyasi muhri bilan tasdiqlanadi.

Uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomaga biron-bir tarzda oʻzgartirishlar kiritishga yoʻl qoʻyilmaydi.

Agar uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasini toʻldirish vaqtida komissiyaning ayrim aʼzolari hozir boʻlmasalar, bu haqda majlis bayonnomasida ularning hozir boʻlmaganliklari sabablari koʻrsatib oʻtiladi.

Shundan soʻng, uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasi uchastka saylov komissiyasining raisi yoki rais oʻrinbosari tomonidan oʻqib eshittiriladi hamda mazkur bayonnomaning koʻchirma nusxasi hamma tanishib chiqishi uchun uchastka saylov komissiyasi binosiga kamida qirq sakkiz soat muddatga darhol osib qoʻyiladi.

Ovozlarni sanab chiqish jarayonida ishtirok etayotgan siyosiy partiyaning vakolatli vakili, kuzatuvchilar uchastka saylov komissiyasi bayonnomasining tasdiqlangan koʻchirma nusxasini soʻrab olishga haqli.

126. Uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasini imzolash vaqtida bayonnoma mazmuni yuzasidan norozi boʻlgan komissiya aʼzosi oʻzining alohida fikrini bayonnomaga ilova qilishga haqli.

127. Uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasining koʻchirma nusxasi axborot-kommunikatsiya texnologiyalaridan foydalangan holda darhol Qonunchilik palatasi deputatlari saylovida hududiy saylov komissiyasiga, xalq deputatlari viloyat, Toshkent shahar Kengashi deputatlari saylovida okrug saylov komissiyasiga, xalq deputatlari tuman, shahar Kengashi deputatlari saylovida esa tegishli tuman, shahar saylov komissiyasiga taqdim etiladi.

128. Hududiy, tuman, shahar va okrug saylov komissiyasi axborot-kommunikatsiya texnologiyalari orqali olingan uchastka saylov komissiyasining bayonnomasi toʻgʻri yoki notoʻgʻri toʻldirilganligini tekshiradi.

129. Uchastka saylov komissiyasining bayonnomasida aks ettirilgan, ovozlarni sanab chiqish chogʻida nomuvofiqliklar aniqlangan taqdirda, hududiy, tuman, shahar yoki okrug saylov komissiyasi uchastka saylov komissiyasiga oʻz majlisida ushbu nomuvofiqliklarni bartaraf etishini tushuntiradi.

Uchastka saylov komissiyasi oʻz majlisida aniqlangan nomuvofiqliklarni qayta koʻrib chiqib bartaraf qiladi. Avvalgi bayonnomani asoslari koʻrsatilgan holda bekor qilish toʻgʻrisida qaror qabul qiladi hamda yangi qaror bilan tuzatilgan bayonnoma tasdiqlanadi.

Hamma tanishib chiqishi uchun osib qoʻyilgan bayonnoma yangisi bilan almashtiriladi va yangidan toʻldirilgan bayonnoma mazkur Nizomning 125-bandida belgilangan tartibda tegishincha hududiy, tuman, shahar yoki okrug saylov komissiyasiga taqdim etiladi.

Tegishli saylov komissiyasi uchastka saylov komissiyasining bayonnomasi toʻgʻri toʻldirilganligini tasdiqlagandan soʻng, bayonnomalarning birinchi asl nusxasi ichki ishlar organlari xodimlari kuzatuvida, komissiya raisi tomonidan Qonunchilik palatasi deputatlari saylovi boʻyicha tegishli hududiy saylov komissiyasiga, rais oʻrinbosari tomonidan xalq deputatlari viloyat, Toshkent shahar Kengashi deputatlari saylovi boʻyicha okrug saylov komissiyasiga, komissiya kotibi tomonidan xalq deputatlari tuman, shahar Kengashi deputatlari saylovi boʻyicha tuman, shahar saylov komissiyasiga olib borib topshiriladi.

130. Hududiy, tuman, shahar va okrug saylov komissiyasi tomonidan uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasi qabul qilinganidan soʻng, uchastka saylov komissiyasi raisining oʻrinbosari va kotibi ajratilgan holda tayyorlab qoʻyilgan “Foydalanilmagan va buzib qoʻyilib bekor qilingan saylov byulletenlari”, “Haqiqiy emas deb topilgan saylov byulletenlari” hamda har bir nomzod va siyosiy partiya boʻyicha alohida-alohida bogʻlam qilib oʻralgan saylov byulletenlarini maxsus qopga joylashtiradi.

Saylov byulletenlari joylashtirilgach, saylovchilar roʻyxati va ovozlarni sanab chiqish boʻyicha bayonnomaning ikkinchi nusxasi va unga ilova qilingan hujjatlar ham qopga joylashtiriladi.

Qopda saylov uchastkasining raqami va ichidagi hujjatlar roʻyxati koʻrsatiladi. Qop plombalanadi va qopni plombalanganligi haqida dalolatnoma tuziladi hamda vaqtincha saqlash uchun komissiya raisining xonasiga joylashtiriladi. Saylov byulletenlari solingan qop tegishlicha arxivga topshirilgunga qadar komissiya raisining xonasi ichki ishlar yoki milliy gvardiya xodimlari tomonidan qoʻriqlanadi.

Saylov byulletenlari joylashtirilgan qop faqat sudning qaroriga binoan ochilishi mumkin.

131. Uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi qaroridan norozi boʻlgan nomzodlar yoxud siyosiy partiyalarning vakolatli vakillari ovozlarni qayta sanab chiqilishini soʻrab tegishli sudga murojaat qilish huquqiga ega.

13-bob. Okrug (hudud) boʻyicha saylov natijalarini va siyosiy partiyalarga berilgan ovozlarni aniqlash

132. Hududiy saylov komissiyasi Qonunchilik palatasi deputatlari saylovi, okrug saylov komissiyasi xalq deputatlari viloyat, Toshkent shahar Kengashi deputatlari saylovi, tuman, shahar saylov komissiyasi xalq deputatlari tuman, shahar Kengashi deputatlari saylovi boʻyicha uchastka saylov komissiyalaridan saylov uchastkasida ovozlarni sanab chiqish natijalari toʻgʻrisidagi bayonnomalarni soat 20:00 dan keyin qabul qilishni boshlaydi.

133. Hududiy, tuman, shahar va okrug saylov komissiyasi uchastka saylov komissiyasining bayonnomasidagi tegishli raqamlarni bir mandatli saylov okruglari boʻyicha darhol mazkur Nizomning 28-ilovasiga muvofiq har bir saylov okrugi boʻyicha natijalarni jamlab borish jadvaliga kiritadi.

Hududiy saylov komissiyasi yagona saylov okrugi boʻyicha siyosiy partiyalarga berilgan ovozlar umumlashtirilgan uchastka saylov komissiyasining bayonnomasidagi tegishli raqamlarni mazkur Nizomning 28a-ilovasiga muvofiq tegishli hudud boʻyicha natijalarni jamlab borish jadvaliga kiritadi.

134. Hududiy, tuman, shahar va okrug saylov komissiyasi tomonidan uchastka saylov komissiyalaridan ovozlarni sanab chiqish natijalari toʻgʻrisidagi bayonnomalarni qabul qilib olish hamda okrug (hudud) boʻyicha saylov natijalarini aniqlash jarayonida siyosiy partiyalarning vakolatli vakillari, ommaviy axborot vositalari vakillari, kuzatuvchilar hozir boʻlishlari mumkin.

Mazkur jarayonda hududiy, tuman, shahar va okrug saylov komissiyasi binosida hozir boʻlishga ruxsat etilgan shaxslardan boshqa shaxslarning ishtirok etishi taʼqiqlanadi.

135. Okrug boʻyicha saylov natijalari faqat uchastka saylov komissiyalarining taqdim etgan bayonnomalari asosida aniqlanadi. Hududiy, tuman, shahar va okrug saylov komissiyasi:

okrug boʻyicha saylov uchastkalari sonini;

okrug boʻyicha saylovchilar roʻyxatiga kiritilgan saylovchilarning umumiy sonini;

tegishli saylov okrugi boʻyicha topshirilgan saylov byulletenlari sonini;

foydalanilmagan va buzib qoʻyilib bekor qilingan saylov byulletenlarining umumiy sonini;

saylov byulletenlarini olgan saylovchilarning sonini;

ovoz berishda ishtirok etgan (shu jumladan muddatidan oldin ovoz bergan) saylovchilarning umumiy sonini;

har bir nomzodni yoqlab berilgan ovozlarning sonini;

haqiqiy emas deb topilgan saylov byulletenlari sonini aniqlaydi.

136. Qonunchilik palatasiga yagona saylov okrugi boʻyicha oʻtkazilgan saylovda tegishli hudud boʻyicha ovoz berish natijalari faqat uchastka saylov komissiyalarining taqdim etgan bayonnomalari asosida hududiy saylov komissiyasi tomonidan aniqlanadi. Hududiy saylov komissiyasi:

tegishli hudud boʻyicha saylov uchastkalari sonini;

tegishli hudud boʻyicha saylovchilar roʻyxatiga kiritilgan saylovchilarning umumiy sonini;

hududiy saylov komissiyasi olgan saylov byulletenlari sonini;

foydalanilmagan va buzib qoʻyilib bekor qilingan saylov byulletenlarining umumiy sonini;

saylov byulletenlarini olgan saylovchilarning sonini;

ovoz berishda ishtirok etgan (shu jumladan muddatidan oldin ovoz bergan) saylovchilarning umumiy sonini;

har bir siyosiy partiyani yoqlab berilgan ovozlarning sonini;

haqiqiy emas deb topilgan saylov byulletenlari sonini aniqlaydi.

137. Qonunchilik palatasi deputatlari saylovida hududiy saylov komissiyasi majlisida taalluqligiga koʻra har bir saylov okrugi boʻyicha saylov natijalari va hudud boʻyicha ovoz berish natijalari aniqlanadi hamda mazkur Nizomning 29 va 30-ilovalariga muvofiq shaklda tuziladigan bayonnomada aks ettiriladi.

Bayonnoma komissiya raisi, rais oʻrinbosari, kotibi va boshqa aʼzolari tomonidan imzolanadi hamda Markaziy saylov komissiyasiga taqdim etiladi.

Okrug (hudud) boʻyicha saylov natijalari toʻgʻrisidagi bayonnomani imzolash vaqtida bayonnoma mazmuni yuzasidan norozi boʻlgan komissiya aʼzosi oʻzining alohida fikrini bayonnomaga ilova qilishga haqli.

Mazkur bayonnomaning koʻchirma nusxasi hamma tanishib chiqishi uchun hududiy saylov komissiyasi binosiga kamida qirq sakkiz soat muddatga darhol osib qoʻyiladi.

Markaziy saylov komissiyasi Qonunchilik palatasi deputatlari saylovida saylov yakunlariga koʻra okrug (hudud) boʻyicha dastlabki va yakuniy saylov natijalarini oʻz veb-saytida eʼlon qiladi.

138. Xalq deputatlari viloyat, Toshkent shahar Kengashi deputatlari saylovida okrug saylov komissiyasi majlisida okrug boʻyicha saylov natijalari aniqlanadi hamda mazkur Nizomning 31-ilovasiga muvofiq shaklda tuziladigan bayonnomada aks ettiriladi.

Bayonnoma komissiya raisi, rais oʻrinbosari, kotibi va boshqa aʼzolari tomonidan imzolanadi hamda Qonunchilik palatasi va mahalliy Kengashlar deputatlari saylovi bir vaqtda oʻtkazilayotgan boʻlsa, saylov oʻtkazilgan kunning ertasiga hududiy saylov komissiyasiga taqdim etiladi.

Okrug boʻyicha saylov natijalari toʻgʻrisidagi bayonnomani imzolash vaqtida bayonnoma mazmuni yuzasidan norozi boʻlgan komissiya aʼzosi oʻzining alohida fikrini bayonnomaga ilova qilishga haqli.

Mazkur bayonnomaning koʻchirma nusxasi hamma tanishib chiqishi uchun okrug saylov komissiyasi binosiga kamida qirq sakkiz soat muddatga darhol osib qoʻyiladi.

Hududiy saylov komissiyasi xalq deputatlari viloyat, Toshkent shahar Kengashiga saylov yakunlariga koʻra okrug boʻyicha dastlabki va yakuniy saylov natijalarini oʻz veb-saytida eʼlon qiladi.

139. Xalq deputatlari tuman, shahar Kengashi deputatlari saylovi natijalari tuman, shahar saylov komissiyasi majlisida har bir saylov okrugi boʻyicha saylov natijalari aniqlanadi hamda mazkur Nizomning 32-ilovasiga muvofiq shaklda tuziladigan bayonnomada aks ettiriladi.

Bayonnoma komissiya raisi, rais oʻrinbosari, kotibi va boshqa aʼzolari tomonidan imzolanadi.

Mazkur bayonnomaning koʻchirma nusxasi hamma tanishib chiqishi uchun tuman, shahar saylov komissiyasi binosiga kamida qirq sakkiz soat muddatga darhol osib qoʻyiladi.

Tuman, shahar saylov komissiyasi xalq deputatlari tuman, shahar Kengashiga saylov yakunlariga koʻra har bir saylov okrugi boʻyicha dastlabki va yakuniy saylov natijalarini oʻz veb-saytida eʼlon qiladi.

14-bob. Saylov natijalarini aniqlash tartibi

140. Markaziy saylov komissiyasi Qonunchilik palatasiga, hududiy saylov komissiyasi xalq deputatlari viloyat, Toshkent shahar Kengashiga, tuman, shahar saylov komissiyasi xalq deputatlari tuman, shahar Kengashiga oʻtkazilgan saylov yakunlarini chiqaradi.

Markaziy saylov komissiyasi hududiy saylov komissiyalarining kelib tushgan bayonnomalari asosida, hududiy saylov komissiyasi okrug saylov komissiyalarining kelib tushgan bayonnomalari asosida, tuman, shahar saylov komissiyasi esa kelib tushgan uchastka saylov komissiyalarining bayonnomalari asosida:

tegishliligiga koʻra Oʻzbekiston Respublikasi boʻyicha yoki viloyat, tuman, shahar boʻyicha saylovchilarning umumiy sonini;

saylov byulletenlarini olgan saylovchilarning umumiy sonini;

ovoz berishda ishtirok etgan saylovchilarning umumiy sonini;

har bir nomzodni va siyosiy partiyani yoqlab berilgan ovozlar sonini;

haqiqiy emas deb topilgan saylov byulletenlari sonini aniqlaydi.

Saylovda:

bir mandatli saylov okruglari boʻyicha ovoz berishda ishtirok etgan saylovchilarning boshqa nomzodlarga nisbatan koʻproq ovozini olgan nomzod saylangan deb hisoblanadi;

Qonunchilik palatasiga saylovda yagona saylov okrugi boʻyicha ovoz berishda ishtirok etgan saylovchilarning kamida yetti foiz ovozini olgan siyosiy partiyalar belgilangan tartibda mandatga ega boʻladi.

141. Saylov, agar unda saylovchilar roʻyxatiga kiritilgan saylovchilarning oʻttiz uch foizidan kami ishtirok etgan boʻlsa, oʻtmagan deb topiladi. Shuningdek, Qonunchilik palatasiga yagona saylov okrugi boʻyicha oʻtkazilgan saylovda ishtirok etgan siyosiy partiyalarning hech biri ovoz berishda ishtirok etgan saylovchilarning kamida yetti foiz ovozini toʻplamagan boʻlsa, yagona saylov okrugi boʻyicha saylov oʻtmagan deb topiladi.

142. Saylov davomida yoʻl qoʻyilgan, ovoz berish yakunlariga taʼsir qilgan qoidabuzarliklar sababli saylov umuman yoki ayrim saylov okruglari (hududlari) boʻyicha yoxud ayrim saylov uchastkalari boʻyicha haqiqiy emas deb topilishi mumkin.

143. Qonunchilik palatasiga saylovni haqiqiy emas deb topish toʻgʻrisidagi qaror Markaziy saylov komissiyasi tomonidan qabul qilinadi va saylov yakunlari eʼlon qilingan kundan eʼtiboran besh kun ichida bu qaror ustidan Oʻzbekiston Respublikasi Oliy sudiga shikoyat qilinishi mumkin.

144. Xalq deputatlari viloyat, Toshkent shahar Kengashiga oʻtkazilgan saylovni haqiqiy emas deb topish toʻgʻrisidagi qaror hududiy saylov komissiyasi tomonidan qabul qilinadi va saylov yakunlari eʼlon qilingan kundan eʼtiboran besh kun ichida bu qaror ustidan sudga shikoyat qilinishi mumkin.

145. Xalq deputatlari tuman, shahar Kengashiga oʻtkazilgan saylovni haqiqiy emas deb topish toʻgʻrisidagi qaror tuman, shahar saylov komissiyasi tomonidan qabul qilinadi va saylov yakunlari eʼlon qilingan kundan eʼtiboran besh kun ichida bu qaror ustidan sudga shikoyat qilinishi mumkin.

146. Ayrim saylov uchastkalari boʻyicha saylov haqiqiy emas deb topilgan taqdirda, shunday uchastkalar boʻyicha ovoz berish natijalari, agar bu natijalarsiz ham saylov umuman boʻlib oʻtgan deb topilishi mumkin boʻlsa, tegishli saylov komissiyasining qaroriga binoan saylovning umumiy natijalaridan chiqarib tashlanadi.

Tegishli saylov komissiyasi saylov yakunlari boʻyicha bayonnoma tuzadi va qaror qabul qiladi.

147. Qonunchilik palatasiga oʻtkazilgan saylov yakunlariga koʻra Markaziy saylov komissiyasining qarori saylovdan keyin oʻn kundan kechiktirmay qabul qilinadi, Markaziy saylov komissiyasining rasmiy veb-saytida va boshqa manbalarda eʼlon qilinadi (hammaga maʼlum qilinadi).

Mahalliy Kengashga oʻtkazilgan saylov yakunlari toʻgʻrisidagi qaror tegishli hududiy, tuman, shahar saylov komissiyasi tomonidan saylovdan keyin oʻn kundan kechiktirmay qabul qilinadi va matbuotda eʼlon qilinadi, shuningdek ommaviy axborot vositalarida hammaga maʼlum qilinadi.

15-bob. Yakuniy qoidalar

148. Saylov toʻgʻrisidagi qonunchilikni buzganlikda aybdor shaxslar belgilangan tartibda javobgar boʻladi.

Saylov kuni va ovoz berish boshlanishidan bir kun oldin jamoatchilik fikri soʻrovlari natijalarini, saylov natijalari prognozlarini, oʻtkazilayotgan saylov bilan bogʻliq boshqa tadqiqotlarni eʼlon qilish (hammaga maʼlum qilish), shu jumladan axborot tarmoqlariga, shuningdek Internet jahon axborot tarmogʻiga joylashtirish taqiqlanadi.

149. Qonunchilik palatasi va mahalliy Kengashlar sayloviga tayyorgarlik koʻrish va uni oʻtkazish jarayonidagi huquqbuzarliklar boʻyicha ish yuritish qonunchilikda belgilangan tartibda amalga oshiriladi.

150. Jamoat tartibini saqlash, saylov oʻtkaziladigan binolar va joylarni qoʻriqlash, shuningdek saylov natijalariga doir hujjatlarni tashish chogʻida uchastka saylov komissiyalari aʼzolarini kuzatib borish tegishli vakolatli organlarning zimmasiga yuklatiladi.

Milliy gvardiya qoʻriqlash boʻlinmalari yoki ichki ishlar xodimlari saylov byulletenlari olingan kundan boshlab saylov byulletenlari hamda boshqa hujjatlar saqlanadigan binolarning (xonalar) qoʻriqlanishini taʼminlaydi.

151. Qonunchilik palatasi deputatlarining muddatidan ilgari belgilangan sayloviga, shuningdek, bir mandatli saylov okruglari boʻyicha boʻshab qolgan oʻrinlarga Qonunchilik palatasi hamda mahalliy Kengashlar deputatlari sayloviga tayyorgarlik koʻrish va uni oʻtkazishga oid ushbu Nizomda koʻrsatilgan tadbirlarni amalga oshirish muddatlari Markaziy saylov komissiyasi tomonidan belgilanadi.

STATSIONAR SAYLOV QUTILARINING NAMUNASI

YASHIRIN OVOZ BERISH KABINALARI

SAYLOV UCHASTKASI PESHLAVHASI

Izoh: Ushbu peshlavha oʻrnatiladigan ovoz berish binosining katta yoki kichikligini inobatga olgan holda, peshlavhaning belgilangan oʻlchami binoga proporsional ravishda kattalashtirilishi yoki kichiklashtirilishi mumkin.

SAYLOVGA OID MAʼLUMOTLAR STENDI

SAYLOVGA OID AXBOROT STENDI

SAYLOV UCHASTKASI KOʻRSATKICHI

Alohida roʻyxat

(Ushbu roʻyxatga saylov uchastkasi hududida vaqtincha istiqomat qilayotgan, biroq ushbu saylov uchastkasida saylovchilar roʻyxatiga kiritilmaganligi aniqlangan saylovchilar haqidagi maʼlumotlar kiritiladi va ushbu roʻyxat asosida elektron soʻrovnoma toʻldiriladi)

Saylovchining shaxsiy maʼlumotlari:

T/r	Familiyasi, ismi, otasining ismi	Tugʻilgan yili, oyi va kuni	Pasport (yoki ID-karta) seriyasi va raqami	Yashash joyi	Telefon raqami
1.
2.
3.
4.
5.
...

	Uchastka saylov komissiyasi raisi		____________________	________________________________________________________
			imzo	F.I.O.
	Uchastka saylov komissiyasi kotibi		____________________	________________________________________________________
			imzo	F.I.O.

* Ushbu roʻyxat asosida komissiya raisi yoki kotibi tomonidan SJBATda belgilangan shakldagi elektron soʻrovnoma toʻldiriladi va saylovchining Saylovchilarning yagona elektron roʻyxatiga oʻzgartirish kiritish uchun tegishincha respublika, viloyat yoki tuman ishchi guruhiga avtomatik tarzda yuboriladi.

OʻZBEKISTON RESPUBLIKASI OLIY MAJLISINING QONUNCHILIK PALATASI, XALQ DEPUTATLARI VILOYAT, TUMAN VA SHAHAR KENGASHLARI DEPUTATLARI SAYLOVI

SAYLOVCHILAR ROʻYXATI

20__y. “____” ______________

(saylov sanasi)

___________ SAYLOV UCHASTKASI

T/r	Familiyasi, ismi, otasining ismi	Tugʻilgan yili*	T/r	Familiyasi, ismi, otasining ismi	Tugʻilgan yili*
1.			26.
2.			27.
3.			28.
4.			29.
5.			30.
6.			31.
7.			32.
8.			33.
9.			34.
10.			35.
11.			36.
12.			37.
13.			38.
14.			39.
15.			40.
16.			41.
17.			42.
18.			43.
19.			44.
20.			45.
21.			46.
22.			47.
23.			48.
24.			49.
25.			50.

*Saylov kuni 18 yoshga toʻlgan saylovchilarning tugʻilgan kuni va oyi koʻrsatilsin.

T/r	Familiyasi, ismi, otasining ismi	Tugʻilgan yili*	T/r	Familiyasi, ismi, otasining ismi	Tugʻilgan yili*
51.			79.
52.			80.
53.			81.
54.			82.
55.			83.
56.			84.
57.			85.
58.			86.
59.			87.
60.			88.
61.			89.
62.			90.
63.			91.
64.			92.
65.			93.
66.			94.
67.			95.
68.			96.
69.			97.
70.			98.
71.			99.
72.			100.
73.			101.
74.			102.
75.			103.
76.			104.
77.			105.
78.			106.

Uchastka saylov komissiyasi raisi	imzo	F.I.O
Uchastka saylov komissiyasi kotibi	imzo	F.I.O
	muhr

OʻZBEKISTON RESPUBLIKASI OLIY MAJLISINING QONUNCHILIK

PALATASI, XALQ DEPUTATLARI VILOYAT, TUMAN VA SHAHAR

KENGASHLARI SAYLOVI

SAYLOVCHILAR ROʻYXATIDAN KOʻCHIRMA

(muddatidan oldin ovoz bergan saylovchilar boʻyicha)

20__y. “___”_______________

(saylov sanasi)

_______ SAYLOV UCHASTKASI

T/r	Familiyasi, ismi, otasining ismi	Tugʻilgan yili*	Turar joyi	Saylovchining saylov byulletenini olganligi haqidagi imzosi
				Qonunchilik palatasi deputati saylovi boʻyicha		Viloyat, Toshkent shahar Kengashi deputati saylovi boʻyicha	Tuman, shahar Kengashi deputati saylovi boʻyicha
				Bir mandatli saylov okrugi boʻyicha	Yagona saylov okrugi boʻyicha		Tuman, shahar Kengashi deputati saylovi boʻyicha
1	2	3	4	5	6	7	8

* Saylov kuni 18 yoshga toʻlgan saylovchilarning tugʻilgan kuni va oyi koʻrsatilsin.

Izoh: Mazkur roʻyxatga saylovchilar toʻgʻrisidagi maʼlumotlar yozuv ruchkasi orqali kiritilishi mumkin.

Saylov kuni ovoz berishni tashkil etish va oʻtkazishda uchastka saylov komissiyasi aʼzolari tomonidan amalga oshiriladigan

VAZIFALAR TAQSIMOTI

USK aʼzolari

Saylov kuni bajaradigan asosiy vazifalari

Rais

Komissiya aʼzolari oʻrtasida vazifalarni taqsimlaydi.

Saylov uchastkasi oʻrnatilgan tartibda jihozlanganligini, jihozlar belgilangan tartibda joylashtirilganligini koʻzdan kechiradi.

Statsionar va koʻchma saylov qutilarining boʻshligini tekshirgan holda, belgilangan tartibda plombalanishi va dalolatnoma tuzilishini tashkil qiladi.

Saylovchilarga tartibli ravishda byulletenlarni berish maqsadida, masʼul komissiyasi aʼzolariga saylovchilar roʻyxatini alifbo ketma-ketligida taqsimlab beradi.

Saylov byulletenlarini dalolatnoma asosida saylovchilarga berishga masʼul etib belgilangan komissiya aʼzolariga topshiradi.

Soat 8:00 da Oʻzbekiston Respublikasining Davlat madhiyasi ijro etilishini tashkillashtiradi.

Ovoz berish boshlanganligini eʼlon qiladi.

Saylov uchastkasidagi saylovchilar sonini, tuman, shahar saylov komissiyasidan olingan saylov byulletenlarning sonini, muddatidan oldin ovoz berganlar sonini maʼlum qiladi hamda ushbu maʼlumotlarni yakuniy bayonnomaga kiritadi.

Ovoz berish boshlanganligi haqida aloqa vositalari orqali tuman, shahar saylov komissiyasiga xabar beradi.

Ovoz berish jarayoni saylov uchastkasi hududida saylov qonunchiligiga muvofiq amalga oshirilayotganligini nazorat qiladi.

Zarurat boʻlganda komissiya aʼzolariga yordam koʻrsatadi, ular vaqtinchalik yoʻq boʻlgan hollarda ularni boshqa aʼzolar bilan almashtiradi.

Saylov uchastkasida ovoz berish tashkil etish va oʻtkazishni muvofiqlashtirib boradi.

Saylovchilarning saylovchilar roʻyxati ilovasiga kiritish haqidagi arizasini qabul qiladi, oʻrganib chiqadi va tegishli qaror qabul qiladi.

Jamoat tartibini saqlashda saylov uchastkasiga biriktirilgan ichki ishlar yoki Milliy gvardiya xodimi bilan hamkorlikda ish olib boradi.

Saylovga tayyorgarlik koʻrish va uni oʻtkazish jarayonida huquqbuzarliklar aniqlangan taqdirda, bu haqida yuqori turuvchi saylov komissiyasini yoki huquqni muhofaza qiluvchi organlarni xabardor qiladi.

Soat 20:00 da ovoz berish tugaganligini eʼlon qiladi.

Rais oʻrinbosari

Mahalliy va xorijiy kuzatuvchilar, OAV vakillarini roʻyxatga olinishini tashkillashtiradi.

Saylovchilar navbatma-navbat tartib bilan saylov byulletenlarini olishini, ovoz berishini tashkil etadi va doimiy nazorat qilib boradi.

Ovoz berishda ishtirok etuvchi har bir saylovchiga tegishli saylov uchun bir donadan saylov byulleteni berilishini nazorat qiladi.

Boshqa shaxs uchun ovoz bermoqchi boʻlgan saylovchiga saylov byulleteni berilmasligini nazorat qiladi.

Saylov byulletenini toʻldirilgan holatda yoki uni toʻldirish jarayonini suratga yoxud videoga olinmasligini nazorat qiladi.

Saylov byulletenini toʻldirish chogʻida yashirin ovoz berish kabinasida saylovchidan boshqa shaxslarning hozir boʻlishiga yoʻl qoʻymaydi.

Ovoz berib boʻlgan saylovchini binodan chiqarib yuborish choralarini koʻradi.

Kotib

Saylovchilarga taqdim etilgan saylov byulletenlari sonining hisobini har soatda yuritib boradi.

Tuman, shahar saylov komissiyasiga har soatda saylovchilarning ishtiroki yuzasidan axborot beradi.

Rais koʻrsatmasiga asosan saylovchilar roʻyxatining ilovasini Nizomda belgilangan tartibda yuritadi.

Turgan joyida ovoz berishni tashkil etish toʻgʻrisida murojaat qilgan saylovchilarni qaydlov daftariga kiritadi.

4-aʼzo (Saylovchilarning saylov uchastkasiga navbat bilan kirishini nazorat qiluvchi)

Saylov uchastkasining kirish joyida turadi va saylovchilarning navbat bilan kirishini taʼminlaydi.

Saylovchilarning shaxsini tasdiqlovchi hujjatlari bor yoʻqligini tekshiradi.

Shaxsini tasdiqlovchi hujjatlari bor boʻlsa SJBATga masʼul boʻlgan komissiya aʼzosiga yoʻnaltiradi.

Shaxsini tasdiqlovchi hujjatlari saylovchining yonida yoʻq boʻlsa, ovoz berish jarayonida ishtirok etish uchun saylov qonunchiligiga muvofiq shaxsini tasdiqlovchi hujjatlarni taqdim etishi shart ekanligini tushuntiradi va saylovchidan shaxsini tasdiqlovchi hujjatlarini olib kelishini iltimos qiladi.

Nogironlar aravachasidan foydalanayotgan saylovchilarning saylov uchastkasiga kirishiga koʻmaklashadi.

Ushbu aʼzo kirish joyida (eshik oldida) turadi va ovoz berish xonasida, shu jumladan saylovchilarga saylov byulletenlari berishda saylovchilarning toʻplanib qolmasligi uchun ularning ovoz berish xonasiga tartibli ravishda navbat bilan kirishni taʼminlaydi.

5, 6-aʼzo

(SJBATga masʼul)

Saylovchidan shaxsini tasdiqlovchi hujjatni taqdim etishini soʻraydi.

SJBATdan yuklab olingan saylovchilar roʻyxatidan (elektron fayldan) kompyuter yordamida saylovchining ismi-sharifini qidirib topadi.

Saylovchi saylovchilar roʻyxatida bor boʻlsa, muddatidan oldin ovoz bergan yoki bermaganligini yoxud turgan joyida ovoz berish uchun murojaat qilgan yoki qilmaganligini tekshiradi.

Shundan soʻng, saylovchi roʻyxatda bor boʻlsa, muddatidan oldin ovoz bermagan boʻlsa yoki turgan joyida ovoz berish uchun murojaat qilmagan boʻlsa saylovchiga saylovchilar roʻyxati boʻyicha tartib raqamini maʼlum qiladi (qogʻozga yozib beradi) va unga navbatini kutishini iltimos qiladi.

Agar saylovchi saylovchilar roʻyxatiga kirmay qolgan boʻlsa, komissiya raisiga murojaat qilishi lozimligini tushuntiradi.

Ushbu aʼzo kirish joyi va saylov byulletenlarini berish joyi oʻrtasida joylashtiriladi, u stol, stul va kompyuter bilan taʼminlanadi.

7-aʼzo

(Saylov qutisiga saylov byulletenlarini tashlash jarayonini nazorat qilishga masʼul)

Saylovchi yashirin ovoz berish kabinasida ovoz berib boʻlganidan soʻng saylov byulletenini saylov qutisiga (buklangan holda) tashlashini nazorat qilib turadi.

Agarda saylovchi saylov byulletenini tashlamasdan chiqib ketmoqchi boʻlsa uni toʻxtatadi va saylov byulletenlarini saylov qutisiga tashlashi lozimligini tushuntiradi.

Saylov byulletenini toʻldirilgan holatda yoki uni toʻldirish jarayonini suratga yoxud videoga olinmasligini nazorat qiladi.

Ushbu aʼzo saylov qutisining yonida turadi (oʻtiradi).

8, 9, 10, 11-aʼzo

(Saylovchilarga saylov byulletenlarini berishga masʼullar)

Saylovchining shaxsini tasdiqlovchi hujjati asosida uning shaxsan kelganligini aniqlaydi va tartib raqami asosida uni saylovchilar roʻyxatidan izlab topadi.

Saylovchiga saylovchilar roʻyxatiga imzo qoʻydirgan holda har bir saylov turi boʻyicha bir donadan saylov byulletenini taqdim etadi hamda yashirin ovoz berish kabinasiga yoʻnaltiradi.

Komissiya raisining koʻrsatmasiga asosan, ish hajmi va vaziyatdan kelib chiqqan holda saylovchining turgan joyida ovoz berishini tashkil etadi.

(Boshqa shaxs uchun ovoz bermoqchi boʻlgan saylovchiga saylov byulletenini berish taqiqlanadi.

Buzib qoʻyilgan saylov byulleteni saylovchining iltimosiga koʻra yangisiga almashtirilishi mumkin.

Ovoz berish vaqtida buzib qoʻyilgan saylov byulletenlarining orqa tomonida tegishli belgi qoʻyiladi va har bir saylov turiga qarab alohida saqlanadi.)

Izoh: Uchastka saylov komissiyasi aʼzolarining soni 11 nafardan koʻp yoki kam boʻlgan hollarda komissiya aʼzolari oʻrtasidagi vazifalar taqsimotini komissiya raisi muvofiqlashtiradi.

Ovozlarni sanab chiqishda uchastka saylov komissiyasi aʼzolari tomonidan amalga oshiriladigan

VAZIFALAR TAQSIMOTI

USK aʼzolari

Saylov kuni bajaradigan asosiy vazifalari

Umumiy rioya qilinishi lozim boʻlgan qoidalar.

Saylovchilarning ovozlarini sanab chiqish faqatgina ovoz berish binosida oʻtkaziladi.

Saylov qutilarini soat 20:00 dan oldin ochish va ovozlarni sanab chiqishga yoʻl qoʻyilmaydi.

Saylovchilarning ovozlarini sanab chiqish uchastka saylov komissiyasi aʼzolari tomonidan saylov qutilarida mavjud boʻlgan saylov byulletenlari boʻyicha amalga oshiriladi.

Uchastka saylov komissiyalari tomonidan ovozlarni sanab chiqish, ovozlarni sanab chiqish natijalari toʻgʻrisidagi bayonnomalarni toʻldirish jarayonida quyidagilar hozir boʻlishlari mumkin:

kuzatuvchilar;

siyosiy partiyalarning vakolatli vakillari;

ommaviy axborot vositalari vakillari.

Mazkur jarayonda uchastka saylov komissiyasi binosida hozir boʻlishga ruxsat etilgan shaxslardan tashqari boshqa shaxslarning boʻlishi taqiqlanadi.

Rais

Soat 20:00 da ovoz berish tugaganligini eʼlon qiladi.

Saylov uchastkasi binosida hozir boʻlgan saylovchilarga ovoz berish uchun imkoniyat yaratadi (agar saylovchilar bor boʻlsa).

Uchastka saylov komissiyasi aʼzolari tomonidan ovozlarni sanash jarayonini qonunchilikda belgilangan harakatlar ketma-ketligida amalga oshirilishini tashkil etadi.

1-harakat: SJBATga masʼul boʻlgan 5- va 6- aʼzoga foydalanilmagan va buzilgan saylov byulletenlarini sanab chiqish boʻyicha topshiriq beradi hamda nazorat qiladi.

Kotibga foydalanilmagan va buzilgan saylov byulletenlari sonini yakuniy bayonnomaga kiritilishi boʻyicha topshiriq beradi.

Barcha darajadagi saylovlar boʻyicha ushbu harakatlarni ketma-ket amalga oshirilishini tashkillashtiradi.

2-harakat: Rais oʻrinbosariga saylovchilar roʻyxati (saylovchilar roʻyxati ilovasi) boʻyicha uchastkadagi saylovchilarning umumiy sonini aniqlash boʻyicha topshiriq beradi.

Rais oʻrinbosaridan olgan maʼlumotlarni:

avval, saylovchilar roʻyxati boʻyicha aniqlangan saylovchilar sonini, keyin saylovchilar roʻyxatining ilovasiga kiritilgan saylovchilar sonini eʼlon qiladi.

Kotibga ushbu maʼlumotlarni umumlashtirgan holda yakuniy bayonnomaga kiritish boʻyicha topshiriq beradi.

Barcha darajadagi saylovlar boʻyicha ushbu harakatlarni ketma-ket amalga oshirilishini tashkillashtiradi.

3-harakat: Saylovchilarga saylov byulletenlarini berishga masʼul boʻlgan 8, 9, 10, 11-aʼzolarga saylovchilar roʻyxati (saylovchilar roʻyxati ilovasi, saylovchilar roʻyxatidan koʻchirma)ning har bir varagʻiga saylov byulleteni olganligi toʻgʻrisida imzo qoʻygan saylovchilarning imzolari sanalishi va shu varaqning pastki oʻng tomoniga ushbu maʼlumotlarni kiritish va imzolash boʻyicha topshiriq beradi.

Saylovchilarga saylov byulletenlarini berishga masʼul boʻlgan 8, 9, 10, 11-aʼzolar tomonidan taqdim etilgan maʼlumotlarni:

birinchi navbatda, asosiy saylovchilar roʻyxatining barcha sahifalari boʻyicha umumiy maʼlumotlarni eʼlon qiladi;

ikkinchi navbatda, saylovchilar roʻyxati ilovasining sahifalari boʻyicha umumiy maʼlumotlarni eʼlon qiladi;

uchinchi navbatda, saylovchilar roʻyxati koʻchirmasining sahifalari boʻyicha umumiy maʼlumotlarni eʼlon qiladi;

toʻrtinchi navbatda, saylovchilar roʻyxati (saylovchilar roʻyxati ilovasi, saylovchilar roʻyxatidan koʻchirma)ning barcha sahifalari boʻyicha yakuniy maʼlumotlarni umumlashtiradi, saylovchilar roʻyxatining oxirgi varagʻiga kiritadi va eʼlon qiladi. Saylovchilar roʻyxatining oxirgi varagʻiga imzo qoʻyadi va uchastka saylov komissiyasining muhri bilan tasdiqlaydi.

Shundan soʻng, kotibga ushbu maʼlumotlarni yakuniy bayonnomaga kiritish boʻyicha topshiriq beradi.

Barcha darajadagi saylovlar boʻyicha ushbu harakatlarni ketma-ket amalga oshirilishini tashkillashtiradi.

4-harakat: Rais oʻrinbosariga uchastka saylov komissiyaning seyfida saqlanayotgan muddatidan oldin ovoz berish byulletenlari solingan yopiq konvertlarni olib kelish va saylov qutisiga tashlash boʻyicha topshiriq beradi.

5-harakat: Rais oʻrinbosariga saylov qutilaridagi plombalarning raqamlarini plombalash dalolatnomasi bilan solishtirish boʻyicha topshiriq beradi.

6-harakat: Saylovchilarga saylov byulletenlarini berishga masʼul boʻlgan 8, 9, 10, 11-aʼzolarga ovozlarni sanashni boshlash uchun stollarni birlashtirish, ushbu stollar ustidagi barcha yozuv ashyolari (ruchka, qalam va boshqa vositalar) hammaning eʼtiboriga havola qilingan holda chetga olib qoʻyish boʻyicha topshiriq beradi.

Saylov qutisiga saylov byulletenlarini tashlash jarayonini nazorat qilishga masʼul boʻlgan 7-aʼzoga hamda saylovchilarga saylov byulletenlarini berishga masʼul boʻlgan 8, 9, 10, 11-aʼzolarga:

statsionar va koʻchma saylov qutilarini ochish va byulletenlarni stol ustiga toʻkish boʻyicha topshiriq beradi.

Qonunchilik palatasi va mahalliy Kengashlar deputatlari saylovi bir vaqtda oʻtkazilayotganda:

7-harakat: Qonunchilik palatasiga (avval bir mandatli, keyin yagona saylov okrugi boʻyicha), tegishli xalq deputatlari viloyat, Toshkent shahar, tuman, shahar Kengashi sayloviga doir saylov byulletenlarini alohida-alohida ajratib olish, sanash va tegishli saylovda ovoz berishda ishtirok etgan saylovchilar (saylov qutilaridagi saylov byulletenlari) sonini aniqlash boʻyicha topshiriq beradi.

komissiya aʼzolari taqdim etgan maʼlumotlar boʻyicha saylovda ovoz berishda ishtirok etgan saylovchilar (saylov qutilaridagi saylov byulletenlari) sonini aniqlaydi va Kotibga ushbu maʼlumotlarni yakuniy bayonnomaga kiritish boʻyicha topshiriq beradi.

8-harakat: har bir nomzodni yoki siyosiy partiyani yoqlab berilgan ovozlar boʻyicha saylov byulletenlarini oʻqib eshittirgan va namoyish etgan holda alohida-alohida bogʻlamlarga ajratish boʻyicha topshiriq beradi.

Barcha darajadagi saylovlar boʻyicha ushbu harakatlarni ketma-ket amalga oshirilishini tashkillashtiradi.

9-harakat: har bir nomzodni yoki siyosiy partiyani yoqlab berilgan ovozlarni alohida-alohida sanab chiqish, har bir nomzodni yoki siyosiy partiyani yoqlab berilgan ovozlar sonini aniqlash boʻyicha topshiriq beradi.

komissiya aʼzolari taqdim etgan maʼlumotlarni eʼlon qiladi va Kotibga ushbu raqamlarni yakuniy bayonnomaga kiritish boʻyicha topshiriq beradi.

10-harakat: Har bir nomzodni va siyosiy partiyani yoqlab berilgan saylov byulletenlarini alohida-alohida bogʻlam qilib oʻrash, agarda, haqiqiy emas deb topilgan (agar shunday byulletenlar mavjud boʻlsa) saylov byulletenlarini, sanab chiqish, alohida bogʻlam qilib oʻrash, har bir oʻram ustiga sonini, qaysi saylovga oidligini, saylov okrugining nomini hamda tartib raqamini yozish boʻyicha topshiriq beradi.

ZARUR HARAKATLAR AMALGA OSHIRILGANIDAN KEYIN KOMISSIYA YAKUNIY MAJLIS OʻTKAZADI.

Ovozlarni sanab chiqish natijalari toʻgʻrisida bayonnoma tuzishdan oldin hozir boʻlganlar eʼtiboriga ovoz berish kunida va ovozlarni sanab chiqish tugagunicha komissiyaga kelib tushgan shikoyatlar (arizalar) va ular boʻyicha qabul qilingan qarorlar haqidagi axborot beradi.

Tegishli bayonnomaga ilova qilinadigan dalolatnomalar va boshqa hujjatlarni koʻrsatib oʻtadi.

Komissiya faoliyati boʻyicha eʼtirozlar, shikoyatlar bor-yoʻqligini aniqlaydi, zarurat boʻlsa, komissiya ushbu eʼtiroz yoki shikoyatlarni koʻrib chiqadi va qaror qabul qiladi.

Uchastka saylov komissiyasi saylov uchastkasida ovozlarni sanab chiqish natijalari haqidagi bayonnomani tasdiqlash toʻgʻrisida qaror qabul qiladi.

Shundan keyin saylov uchastkasida ovozlarni sanab chiqish natijalari haqidagi bayonnoma (ikkita nusxada) toʻldiriladi, bayonnoma uchastka saylov komissiyasining barcha aʼzolari tomonidan imzolanadi va uchastka saylov komissiyasi muhri bilan tasdiqlanadi.

Barcha darajadagi saylovlar boʻyicha ushbu harakatlarni ketma-ket amalga oshirilishini tashkillashtiradi.

Uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasiga biron-bir tarzda oʻzgartirishlar kiritishga yoʻl qoʻyilmaydi.

Shundan soʻng uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasini oʻqib eshittiradi.

Rais oʻrinbosari va Kotibga uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasining koʻchirma nusxasini axborot-kommunikatsiya texnologiyalaridan foydalangan holda darhol Qonunchilik palatasi deputatlari saylovida hududiy saylov komissiyasiga, xalq deputatlari viloyat, Toshkent shahar Kengashi deputatlari saylovida okrug saylov komissiyasiga, xalq deputatlari tuman, shahar Kengashi deputatlari saylovida esa tegishli tuman, shahar saylov komissiyasiga taqdim etish hamda bayonnomaning koʻchirma nusxasini hamma tanishib chiqishi uchun uchastka saylov komissiyasi binosiga darhol osib qoʻyish boʻyicha topshiriq beradi.

Tegishli saylov komissiyasidan bayonnomaning koʻchirma nusxasi tekshirilishini va ulardan javob kelishini kutadi.

Hududiy, tuman, shahar va okrug saylov komissiyasi axborot-kommunikatsiya texnologiyalari orqali olingan uchastka saylov komissiyasining bayonnomasi toʻgʻri yoki notoʻgʻri toʻldirilganligini tekshiradi.

Uchastka saylov komissiyasining bayonnomasida aks ettirilgan maʼlumotlarda nomuvofiqliklar aniqlangan taqdirda, hududiy, tuman, shahar yoki okrug saylov komissiyasi uchastka saylov komissiyasiga oʻz majlisida ushbu nomuvofiqliklarni bartaraf etishini tushuntiradi.

Agar bayonnomada nomuvofiqliklar aniqlangan taqdirda, komissiya raisi komissiya majlisini yigʻadi va aniqlangan nomuvofiqliklarni qayta koʻrib chiqib bartaraf qiladi. Avvalgi bayonnomani asoslari koʻrsatilgan holda bekor qilish toʻgʻrisida qaror qabul qiladi hamda yangi qaror bilan tuzatilgan bayonnoma tasdiqlanadi.

Shundan soʻng uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasini oʻqib eshittiradi.

Rais oʻrinbosari va kotibga ajratilgan holda tayyorlab qoʻyilgan “Foydalanilmagan va buzib qoʻyilib bekor qilingan saylov byulletenlari”, “Haqiqiy emas deb topilgan saylov byulletenlari” hamda har bir nomzod va siyosiy partiya boʻyicha alohida-alohida bogʻlam qilib oʻralgan saylov byulletenlarini hamda boshqa hujjatlarni maxsus qopga joylashtirish boʻyicha topshiriq beradi.

Saylov byulletenlari solingan qop tegishlicha arxivga topshirilgunga qadar komissiya raisining xonasida saqlanadi hamda ushbu xona (bino) ichki ishlar yoki milliy gvardiya xodimlari tomonidan qoʻriqlanadi.

Rais oʻrinbosari va kotibga hamma tanishib chiqishi uchun osib qoʻyilgan bayonnomani yangisi bilan almashtirish va yangidan toʻldirilgan bayonnomaning koʻchirma nusxasini axborot-kommunikatsiya texnologiyalaridan foydalangan holda tegishincha hududiy, tuman, shahar yoki okrug saylov komissiyasiga taqdim etish boʻyicha topshiriq beradi.

Tegishli saylov komissiyasi uchastka saylov komissiyasining bayonnomasi toʻgʻri toʻldirilganligini tasdiqlagandan soʻng, Qonunchilik palatasi deputatlari saylovi boʻyicha yakuniy bayonnomaning birinchi asl nusxasini ichki ishlar organlari xodimlari kuzatuvida tegishli hududiy saylov komissiyasiga olib borib topshiradi.

Rais oʻrinbosari

Rais topshirigʻiga asosan saylovchilar roʻyxati (saylovchilar roʻyxati ilovasi) boʻyicha uchastkadagi saylovchilarning umumiy sonini aniqlaydi, bunda boshqa saylov uchastkasida ovoz berganligi haqida maʼlumot kiritilganlar (yaʼni boshqa saylov uchastkasida ovoz berganlarning) sonini umumiy saylovchilar sonidan chiqaradi va ushbu maʼlumotlarni raisga taqdim etadi.

Rais topshirigʻiga asosan uchastka saylov komissiyasining aʼzolari hozirligida komissiyaning seyfida saqlanayotgan muddatidan oldin ovoz berish byulletenlari solingan yopiq konvertlarni olib keladi va saylov qutisiga hammaning eʼtiboriga havola qilingan holda alohida-alohida tashlaydi.

Rais topshirigʻiga asosan Statsionar saylov qutisidagi plombalarning raqamlarini ovoz chiqarib, plombalash dalolatnomasidagi plombalarning raqamlari bilan solishtiradi. Koʻchma saylov qutidagi plombalarning raqamlarini ovoz chiqarib plombalash dalolatnomasidagi plombalarning raqamlari bilan solishtiradi.

Rais topshirigʻiga asosan ajratilgan holda tayyorlab qoʻyilgan “Foydalanilmagan va buzib qoʻyilib bekor qilingan saylov byulletenlari”, “Haqiqiy emas deb topilgan saylov byulletenlari” hamda har bir nomzod va siyosiy partiya boʻyicha alohida-alohida bogʻlam qilib oʻralgan saylov byulletenlarini maxsus qopga joylashtiradi.

Saylov byulletenlari joylashtirilgach, saylovchilar roʻyxati va ovozlarni sanab chiqish boʻyicha bayonnomaning ikkinchi nusxasi va unga ilova qilingan hujjatlar ham qopga joylashtiriladi.

Qopga saylov uchastkasining raqami va ichidagi hujjatlar roʻyxati koʻrsatilgan maʼlumot ham solinadi.

Qopni plombalaydi va qopni plombalanganligi haqida dalolatnoma tuzadi hamda vaqtincha saqlash uchun komissiya raisining xonasiga joylashtiradi.

Tegishli saylov komissiyasi uchastka saylov komissiyasining bayonnomasi toʻgʻri toʻldirilganligini tasdiqlagandan soʻng, xalq deputatlari viloyat, Toshkent shahar Kengashi deputatlari saylovi boʻyicha yakuniy bayonnomaning birinchi asl nusxasini ichki ishlar organlari xodimlari kuzatuvida okrug saylov komissiyasiga olib borib topshiradi.

Kotib

Rais eʼlon qilgan quyidagi maʼlumotlarni yakuniy bayonnomaga kiritib boradi:

Birinchi, Foydalanilmagan va buzib qoʻyilib bekor qilingan saylov byulletenlarining umumiy sonini;

Ikkinchi, Saylov byulletenlari olgan saylovchilar sonini;

Uchinchi, Saylov uchastkasidagi saylovchilarning umumiy sonini;

Toʻrtinchi, Saylov qutilaridagi saylov byulletenlari soni (ovoz berishda ishtirok etgan saylovchilar) sonini;

Beshinchi, Har bir nomzodni (har bir siyosiy partiyani) yoqlab berilgan ovozlar sonini;

Oltinchi, Haqiqiy emas deb topilgan saylov byulletenlari soni;

Rais topshirigʻiga asosan:

a) ovozlarni sanab chiqish natijalari haqidagi bayonnomani (ikkita nusxada) toʻldiradi.

b) Rais oʻrinbosari bilan birgalikda: uchastka saylov komissiyasining saylov uchastkasida ovozlarni sanab chiqish natijalari toʻgʻrisidagi bayonnomasining koʻchirma nusxasini axborot-kommunikatsiya texnologiyalaridan foydalangan holda darhol Qonunchilik palatasi deputatlari saylovida hududiy saylov komissiyasiga, xalq deputatlari viloyat, Toshkent shahar Kengashi deputatlari saylovida okrug saylov komissiyasiga, xalq deputatlari tuman, shahar Kengashi deputatlari saylovida esa tegishli tuman, shahar saylov komissiyasiga taqdim etadi;

v) bayonnomaning koʻchirma nusxasini hamma tanishib chiqishi uchun uchastka saylov komissiyasi binosiga kamida 48 soat muddatga darhol osib qoʻyyadi;

g) ajratilgan holda tayyorlab qoʻyilgan “Foydalanilmagan va buzib qoʻyilib bekor qilingan saylov byulletenlari”, “Haqiqiy emas deb topilgan saylov byulletenlari” hamda har bir nomzod va siyosiy partiya boʻyicha alohida-alohida bogʻlam qilib oʻralgan saylov byulletenlarini, shuningdek saylovchilar roʻyxati va ovozlarni sanab chiqish boʻyicha bayonnomaning ikkinchi nusxasi va unga ilova qilingan hujjatlarni, saylov uchastkasining raqami va ichidagi hujjatlar roʻyxati koʻrsatilgan maʼlumot maxsus qopga joylashtiradi;

d) Qopni plombalaydi va qopni plombalanganligi haqida dalolatnoma tuzadi hamda vaqtincha saqlash uchun komissiya raisining xonasiga joylashtiradi;

Tegishli saylov komissiyasi uchastka saylov komissiyasining bayonnomasi toʻgʻri toʻldirilganligini tasdiqlagandan soʻng, xalq deputatlari tuman, shahar Kengashi deputatlari saylovi boʻyicha yakuniy bayonnomaning birinchi asl nusxasini ichki ishlar organlari xodimlari kuzatuvida tuman, shahar saylov komissiyasiga olib borib topshiradi.

4-aʼzo (Saylovchilarning saylov uchastkasiga navbat bilan kirishini nazorat qiluvchi)

Saylov uchastkasining kirish joyida turadi, soat 20:00 da ovoz berish tugaganligi eʼlon qilinganidan, shuningdek saylov uchastkasi binosida hozir boʻlgan saylovchilar ovoz berib boʻlib, binodan chiqib ketganidan soʻng eshikni bekitadi va hech kimni kiritmaydi.

Uchastka saylov komissiyalari tomonidan ovozlarni sanab chiqish, ovozlarni sanab chiqish natijalari toʻgʻrisidagi bayonnomalarni toʻldirish jarayonida hozir boʻlgan kuzatuvchilar, siyosiy partiyalarning vakolatli vakillari yoki ommaviy axborot vositalari vakillari oʻzlari uchun ajratilgan joylarda boʻlishini, uchastka saylov komissiyasining ovozlarni sanab chiqish, ovozlarni sanab chiqish natijalari toʻgʻrisidagi bayonnomalarni toʻldirish jarayoniga xalaqit bermasliklarini nazorat qilib turadi.

5, 6-aʼzo

(SJBATga masʼul)

Rais topshirigʻiga asosan foydalanilmagan va buzilgan saylov byulletenlarini sanab chiqadi, sonlarni umumlashtiradi va yuqori chap burchagini kesish yoʻli bilan bekor qiladi hamda ularning sonini raisga maʼlum qiladi.

Foydalanilmagan va buzib qoʻyilib bekor qilingan saylov byulletenlarini bogʻlam qilib oʻraydi, ustiga “Foydalanilmagan va buzib qoʻyilib bekor qilingan saylov byulletenlari” deb yozadi, yoniga ularning sonini, qaysi saylovga oidligini, saylov okrugining nomi va tartib raqamini yozadi.

Saylov qutisiga saylov byulletenlarini tashlash jarayonini nazorat qilishga masʼul boʻlgan 7-aʼzo

hamda saylovchilarga saylov byulletenlarini berishga masʼul boʻlgan 8, 9, 10, 11-aʼzolar

Rais topshirigʻiga asosan:

Birinchi, saylovchilar roʻyxati, saylovchilar roʻyxati ilovasi, saylovchilar roʻyxatidan koʻchirmaning har bir varagʻiga saylov byulleteni olganligi toʻgʻrisida imzo qoʻygan saylovchilarning imzolarini sanaydi va shu varaqning pastki oʻng tomoniga ushbu maʼlumotlarni kiritadi. (Eslatma: ushbu maʼlumotlar kiritilganidan keyin saylovchilar roʻyxati, saylovchilar roʻyxati ilovasi, saylovchilar roʻyxatidan koʻchirmaning har bir varagʻi ushbu maʼlumotlarni kiritgan komissiya aʼzosi tomonidan imzolanadi va barcha varaqlardagi raqamlar alohida-alohida qilib umumlashtiriladi. Umulashtirilgan maʼlumotlar raisga taqim etiladi).

Ikkinchi, ovozlarni sanashni boshlash uchun stollarni birlashtiradi, ushbu stollar ustidagi barcha yozuv ashyolarini (ruchka, qalam va boshqa vositalarni) hammaning eʼtiboriga havola qilgan holda chetga olib qoʻyadi.

Uchinchi, avval statsionar, keyin koʻchma saylov qutilarini ochadi va saylov qutisi ichidagi byulletenlarni stol ustiga toʻkadi.

Toʻrtinchi, Qonunchilik palatasi (avval bir mandatli, keyin yagona saylov okrugi boʻyicha), tegishli xalq deputatlari viloyat, Toshkent shahar, tuman, shahar Kengashi sayloviga doir saylov byulletenlarini alohida-alohida toʻplamlarga ajratadi. Shundan soʻng, alohida-alohida toʻplam qilib ajratilgan saylov byulletenlarini sanash jarayoni boshlanadi.

Bunda:

Birinchi navbatda, Qonunchilik palatasiga bir mandatli saylov okrugi sayloviga doir saylov byulletenlarini sanab chiqadi va aniqlangan sonni Raisga taqdim etadi;

Ikkinchi navbatda, Qonunchilik palatasi yagona saylov okrugi sayloviga doir (siyosiy partiyalarga berilgan ovozlar) sanab chiqadi va aniqlangan sonni Raisga taqdim etadi.

Uchinchi navbatda, xalq deputatlari viloyat, Toshkent shahar Kengashi sayloviga doir saylov byulletenlarini sanab chiqadi va aniqlangan sonni Raisga taqdim etadi.

Toʻrtinchi navbatda, xalq deputatlari tuman, shahar Kengashi sayloviga doir saylov byulletenlarini sanab chiqadi va aniqlangan sonni Raisga taqdim etadi.

Rais topshirigʻiga asosan har bir nomzodni va siyosiy partiyani yoqlab berilgan ovozlar boʻyicha saylov byulletenlarini oʻqib eshittirgan va namoyish etgan holda alohida-alohida bogʻlamlarga ajratadi.

Bunda:

Birinchi navbatda, Qonunchilik palatasiga bir mandatli saylov okrugi boʻyicha har bir nomzodni yoqlab berilgan ovozlar boʻyicha saylov byulletenlarini oʻqib eshittirgan va namoyish etgan holda alohida-alohida bogʻlamlarga ajratadi, sanab chiqadi va aniqlangan sonni Raisga taqdim etadi;

Ikkinchi navbatda, Qonunchilik palatasi yagona saylov okrugi boʻyicha siyosiy partiyalarni yoqlab berilgan ovozlar boʻyicha saylov byulletenlarini oʻqib eshittirgan va namoyish etgan holda alohida-alohida bogʻlamlarga ajratadi, sanab chiqadi va aniqlangan sonni Raisga taqdim etadi;

Uchinchi navbatda, xalq deputatlari viloyat, Toshkent shahar Kengashi saylovi boʻyicha har bir nomzodni yoqlab berilgan ovozlar boʻyicha saylov byulletenlarini oʻqib eshittirgan va namoyish etgan holda alohida-alohida bogʻlamlarga ajratadi, sanab chiqadi va aniqlangan sonni Raisga taqdim etadi;

Toʻrtinchi navbatda, xalq deputatlari tuman, shahar Kengashi saylovi boʻyicha har bir nomzodni yoqlab berilgan ovozlar boʻyicha saylov byulletenlarini oʻqib eshittirgan va namoyish etgan holda alohida-alohida bogʻlamlarga ajratadi, sanab chiqadi va aniqlangan sonni Raisga taqdim etadi;

Saylov byulletenining haqiqiyligi shubha tugʻdirganda, ushbu masala uchastka saylov komissiyasi tomonidan ovozga qoʻyish orqali hal etiladi.

Rais topshirigʻiga asosan har bir nomzodni va siyosiy partiyani yoqlab berilgan saylov byulletenlarini alohida-alohida bogʻlam qilib oʻraydi. Bogʻlamda har bir nomzodning familiyasi, ismi va otasining ismini yozadi, uni yoqlab berilgan ovozlar sonini, qaysi saylovga oidligini va saylov okrugining nomini hamda tartib raqamini koʻrsatadi. Shuningdek, Qonunchilik palatasiga yagona saylov okrugi boʻyicha oʻtkazilgan saylovda har bir siyosiy partiyaning nomini yozib, ovozlar sonini koʻrsatadi.

Haqiqiy emas deb topilgan saylov byulletenlari bor boʻlsa, ularni alohida bogʻlam qilib oʻraydi. Bogʻlamda “Haqiqiy emas deb topilgan byulletenlar” deb yoziladi, ularning sonini, qaysi saylovga oidligini, saylov okrugining nomini va tartib raqamini yozadi.

Barcha darajadagi saylovlar boʻyicha ushbu harakatlarni ketma-ket amalga oshiradi.

Izoh: Uchastka saylov komissiyasi aʼzolarining soni 11 nafardan koʻp yoki kam boʻlgan hollarda komissiya aʼzolari oʻrtasidagi vazifalar taqsimotini komissiya raisi muvofiqlashtiradi.

Ovozlarni sanab chiqishda uchastka saylov komissiyasi aʼzolari tomonidan amalga oshiriladigan vazifalar taqsimotiga

ILOVA

OʻZBEKISTON RESPUBLIKASI OLIY MAJLISINING QONUNCHILIK PALATASI,

XALQ DEPUTATLARI VILOYAT, TUMAN VA SHAHAR KENGASHLARI SAYLOVI

SAYLOVCHILAR ROʻYXATI ILOVASI

20__y. “___”_______________

(saylov sanasi)

___________ SAYLOV UCHASTKASI

T/r	Familiyasi, ismi, otasining ismi	Yashash joyi (yashash joyini tasdiqlovchi hujjatga asosan)	SYAERdagi asosiy saylovchilar roʻyxatiga kiritilgan saylov uchastkasining tartib raqami, tuman yoki shahar, viloyat (saylov uchastkasi telefon raqami)	Saylovchining saylov byulletenini olganligi haqidagi imzosi
				Qonunchilik palatasi deputati saylovi boʻyicha		Viloyat, Toshkent shahar Kengashi deputati saylovi boʻyicha	Tuman, shahar Kengashi deputati saylovi boʻyicha
				Bir mandatli saylov okrugi boʻyicha	Yagona saylov okrugi boʻyicha		Tuman, shahar Kengashi deputati saylovi boʻyicha
1	2	3	4	5	6	7	8

Izoh: Ushbu ilova Oʻzbekiston Respublikasi Oliy Majlisi Qonunchilik palatasi deputatlari, xalq deputatlari viloyat, tuman va shahar Kengashlari deputatlari saylovida ovoz berishni tashkil etish va oʻtkazish tartibi toʻgʻrisidagi nizom talablariga qatʼiy amal qilgan holda toʻliq toʻldirilishi shart.

Ushbu ilova komissiya raisining koʻrsatmasiga asosan faqat uchastka saylov komissiyasi kotibi tomonidan toʻldiriladi. Komissiyaning boshqa aʼzolari tomonidan toʻldirilishi taqiqlanadi.

Ushbu talabga amal qilmaslik, saylov toʻgʻrisidagi qonunchilik hujjatlarini buzganlik uchun javobgarlikka sabab boʻladi.

Uchastka saylov komissiyasi raisi	imzo	F.I.O

OʻZBEKISTON RESPUBLIKASI OLIY MAJLISINING QONUNCHILIK

PALATASI, XALQ DEPUTATLARI VILOYAT, TUMAN VA SHAHAR

KENGASHLARI SAYLOVI

SAYLOVCHILAR ROʻYXATIDAN KOʻCHIRMA

(turgan joyida ovoz bergan saylovchilar boʻyicha)

20__y. “___” _______________

(saylov sanasi)

___________ SAYLOV UCHASTKASI

T/r	Familiyasi, ismi, otasining ismi	Tugʻilgan yili*	Turar joyi	Saylovchining saylov byulletenini olganligi haqidagi imzosi
				Qonunchilik palatasi deputati saylovi boʻyicha		Viloyat, Toshkent shahar Kengashi deputati saylovi boʻyicha	Tuman, shahar Kengashi deputati saylovi boʻyicha
				Bir mandatli saylov okrugi boʻyicha	Yagona saylov okrugi boʻyicha		Tuman, shahar Kengashi deputati saylovi boʻyicha
1	2	3	4	5	6	7	8