Hujjat kuchini yo‘qotgan " " 21.04.2016
O‘zbekiston Respublikasi Davlat bojxona qo‘mitasining
Qarori
“BOJ OLINMAYDIGAN SAVDO DO‘KONI” BOJXONA REJIMI TO‘G‘RISIDAGI NIZOMNI TASDIQLASh HAQIDA
[O‘zbekiston Respublikasi Adliya vazirligi tomonidan 2004-yil 27-fevralda 1317-son bilan davlat ro‘yxatidan o‘tkazildi]
 LexUZ sharhi
Mazkur qaror O‘zbekiston Respublikasi Davlat bojxona qo‘mitasining 2016-yil 29-fevraldagi 01-02/15-08-sonli “O‘zbekiston Respublikasi Davlat bojxona qo‘mitasi tomonidan qabul qilingan ayrim normativ-huquqiy hujjatlarni o‘z kuchini yo‘qotgan deb topish to‘g‘risida”gi qaroriga (ro‘yxat raqami 2774, 06.04.2016-y.) asosan o‘z kuchini yo‘qotgan.
O‘zbekiston Respublikasi Bojxona kodeksining 29-moddasi va O‘zbekiston Respublikasi Vazirlar Mahkamasining 2003-yil 20-noyabrdagi “Bojxona ombori, erkin ombor va boj olinmaydigan savdo do‘koni faoliyatini litsenziyalash to‘g‘risidagi nizomlarni tasdiqlash haqida”gi 523-sonli qaroriga asosan O‘zbekiston Respublikasi Davlat bojxona qo‘mitasi qaror qiladi:
1. “Boj olinmaydigan savdo do‘koni” bojxona rejimi to‘g‘risidagi nizom ilovaga muvofiq tasdiqlansin.
2. Mazkur qaror O‘zbekiston Respublikasi Adliya vazirligida davlat ro‘yxatiga olinganidan so‘ng o‘n kun muddat o‘tgach kuchga kiritilsin.
3. Ushbu qaror kuchga kirishi bilan “Boj olinmaydigan savdo do‘koni” bojxona rejimi to‘g‘risidagi nizom o‘z kuchini yo‘qotgan deb hisoblansin (1997-y., 10-may, ro‘yxat raqami 719-son).
4. Mazkur qarorning ijrosini nazorat qilish rais o‘rinbosari S. Nasirov zimmasiga yuklansin.
Davlat bojxona qo‘mitasi raisi B. PARPIYEV
Toshkent sh.,
2004-yil 20-yanvar,
01-02/12-4-son
Davlat bojxona qo‘mitasining
2004-yil 20-yanvardagi 01-02/12-4-sonli qarori bilan
TASDIQLANGAN
Boj olinmaydigan savdo do‘koni bojxona rejimi to‘g‘risidagi
NIZOM
Ushbu Nizom O‘zbekiston Respublikasi Bojxona kodeksining 29-moddasi va O‘zbekiston Respublikasi Vazirlar Mahkamasining 2003-yil 20-noyabrdagi “Bojxona ombori, erkin ombor va boj olinmaydigan savdo do‘koni faoliyatini litsenziyalash to‘g‘risidagi nizomlarni tasdiqlash haqida”gi 523-sonli qaroriga muvofiq ishlab chiqilgan.
I. Umumiy qoidalar
1. Boj olinmaydigan savdo do‘koni shunday rejimki, bunda tovarlar bojxona hududining bojxona organlari, O‘zbekiston Respublikasi Bojxona kodeksiga muvofiq belgilangan joylarda boj, soliqlar va iqtisodiy siyosat choralari qo‘llanmasdan bojxona nazorati ostida turadi hamda sotuvga chiqariladi.
2. Boj olinmaydigan savdo do‘koni rejimiga bojxona hududiga olib kirish hamda undan olib chiqish va O‘zbekiston Respublikasi hududida sotilishi taqiqlangan tovarlar joylashtirilishi mumkin emas.
3. O‘zbekiston Respublikasi hududida sotilishi cheklangan tovarlar qonun hujjatlarida belgilangan tartibda boj olinmaydigan savdo do‘koni rejimida sotilishi mumkin.
4. Boj olinmaydigan savdo do‘koni rejimiga joylashtirilgan tovarlar boj olinmaydigan maxsus savdo do‘konlarida sotiladi.
41. Boj olinmaydigan savdo do‘koni ikki turga bo‘linadi:
a) O‘zbekiston Respublikasi Davlat chegarasini kesib o‘tadigan jismoniy shaxslar uchun boj olinmaydigan savdo do‘koni — O‘zbekiston Respublikasining bojxona hududiga kirib kelayotgan va O‘zbekiston Respublikasi bojxona hududi doirasidan chiqib ketayotgan jismoniy shaxslar tomonidan O‘zbekiston Respublikasi bojxona hududiga olib kelingan xorijiy tovarlarni yoki O‘zbekiston Respublikasi hududidan chiqadigan tovarlarni erkin almashtiriladigan valyutada sotish, shu jumladan joyning o‘zida iste’mol qilish uchun chakana sotish uchun mo‘ljallangan;
b) O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘koni — xorijiy davlatlarning diplomatik vakolatxonalari va konsullik muassasalariga, xalqaro tashkilotlar va ularga tenglashtirilgan ushbu tashkilotlarning vakolatxonalariga, xorijiy xodimlariga, shuningdek ular bilan birga yashaydigan va O‘zbekiston Respublikasi fuqarolari hisoblanmaydigan, O‘zbekiston Respublikasi Tashqi ishlar vazirligida belgilangan tartibda akkreditatsiya qilingan ularning oila a’zolariga O‘zbekiston Respublikasi bojxona hududiga olib kelingan xorijiy tovarlarni shaxsiy foydalanish uchun erkin almashtiriladigan valyutaga sotishga mo‘ljallangan.
(41-band O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) bilan kiritilgan — O‘R QHT, 2011-y., 3-son, 31-modda)
5. O‘zbekiston Respublikasi Davlat chegarasini kesib o‘tadigan jismoniy shaxslar uchun boj olinmaydigan savdo do‘konlari yo‘lovchilarning xalqaro yo‘nalishlari uchun ochilgan aeroportlarda, portlarda, jismoniy shaxslar chegarani kesib o‘tishlari uchun mo‘ljallangan O‘zbekiston Respublikasining davlat chegaralari orqali o‘tkazish punktlarida ta’sis etilishi mumkin.
O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘konlari Toshkent shahrida va davlat bojxona xizmati organlari tomonidan belgilanadigan joylarda ochilishi va faoliyat ko‘rsatishi mumkin.
(5-band O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) tahririda — O‘R QHT, 2011-y., 3-son, 31-modda)
6. Boj olinmaydigan savdo do‘koni hududi (savdo zallari, yordamchi binolar va ombor) bojxona nazorati zonasi hisoblanadi.
7. Agar bojxona to‘lovlari to‘lanishi lozim bo‘lsa, ularning to‘lanishi uchun javobgarlik boj olinmaydigan savdo do‘konining egasi zimmasiga tushadi.
II. Boj olinmaydigan savdo do‘koniga tovarlarning kelib tushishi va tovarlarni boj olinmaydigan savdo do‘koni bojxona rejimida joylashtirish
8. Boj olinmaydigan savdo do‘koni bojxona rejimida joylashtirilgan tovarlarni bojxona rasmiylashtiruvidan o‘tkazish joyi boj olinmaydigan savdo do‘koni joylashgan bojxona organining faoliyat hududida bo‘lishi mumkin.
9. Tovarlar boj olinmaydigan savdo do‘koni omboriga bojxona organining vakolatli mansabdor shaxsi ishtirokida yoki uning xabardorligi ostida joylashtiriladi.
10. Tovarlarni boj olinmaydigan savdo do‘koni bojxona rejimiga joylashtirish 1-ilovaga muvofiq bojxona yuk deklaratsiyasini to‘ldirish orqali amalga oshiriladi.
11. Bojxona yuk deklaratsiyasi bilan bir vaqtda yuk va tovar ishlab chiqarish hujjatlari (yukxatlar, konosamentlar, spetsifikatsiyalar, fakturalar) taqdim etiladi.
12. Sertifikatlanishi lozim bo‘lgan tovarlarni boj olinmaydigan savdo do‘koni bojxona rejimida joylashtirganda, ularni O‘zbekiston Respublikasining bojxona hududiga olib kirganda tegishli sertifikatni taqdim etish talab qilinadi.
13. Tovarlarni boj olinmaydigan savdo do‘koni bojxona rejimida joylashtirganda bojxona rasmiylashtiruvlari uchun bojxona yig‘imlari belgilangan tartibda undiriladi.
14. Boj olinmaydigan savdo do‘koni bojxona rejimiga ma’lum qilinmagan tovarlarni saqlash va sotish uchun boj olinmaydigan savdo do‘konining savdo zallari, yordamchi binolari va omboridan foydalanishga yo‘l qo‘yilmaydi.
III. Boj olinmaydigan savdo do‘konida tovarlarni sotish
15. O‘zbekiston Respublikasi Davlat chegarasini kesib o‘tadigan jismoniy shaxslar uchun boj olinmaydigan savdo do‘konlarida tovarlarni sotish faqat xaridorning shaxsini tasdiqlaydigan hujjat taqdim etilgandan keyin amalga oshiriladi. Bunda fiskal xotiraga ega bo‘lgan nazorat-kassa mashinalari Davlat reyestriga kiritilgan fiskal xotirali nazorat-kassa mashinasining tovar sotilganligini tasdiqlaydigan chekida quyidagi ma’lumotlar bo‘lishi kerak:
kassa cheki raqami;
reysning raqami va xaridorning samolyotdagi joyi raqami;
xarid qilingan vaqt va sana;
sotiladigan tovarning nomi, narxi va miqdori;
sotuvchi tomonidan olingan xorijiy valyuta summasi;
nazorat-kassa mashinasining zavod raqami;
fiskal rejim belgisi;
boj olinmaydigan savdo do‘konining nomi;
soliq to‘lovchi — boj olinmaydigan savdo do‘koni egasining identifikatsiya raqami.
O‘zbekiston Respublikasi Tashqi ishlar vazirligida akkreditatsiya qilingan xorijiy jismoniy shaxslar uchun boj olinmaydigan savdo do‘konida tovarlarni sotish faqat O‘zbekiston Respublikasi Tashqi ishlar vazirligida belgilangan tartibda berilgan akkreditatsiya kartochkasi taqdim etilganidan keyin amalga oshiriladi. Bunda fiskal xotiraga ega bo‘lgan nazorat-kassa mashinalari Davlat reyestriga kiritilgan fiskal xotirali nazorat-kassa mashinasining tovar sotilganligini tasdiqlaydigan chekida quyidagi ma’lumotlar bo‘lishi kerak:
kassa cheki raqami;
boj olinmaydigan savdo do‘koni egasi — nomi va pochta manzili;
O‘zbekiston Respublikasi Tashqi ishlar vazirligida berilgan akkreditatsiya kartochkasining toifasi, raqami, xodimning yoki uning oila a’zosining familiyasi, ismi va otasining ismi, lavozimi, kartochka kim tomonidan berilganligi va uning amal qilish muddati ko‘rsatilishi kerak;
xarid qilingan vaqt va sana;
tovarning nomi, miqdori, bittasining qiymati, umumiy qiymati;
nazorat-kassa mashinasining zavod raqami;
fiskal rejim belgisi;
soliq to‘lovchi — boj olinmaydigan savdo do‘koni egasining identifikatsiya raqami.
(15-band O‘zbekiston Respublikasi Davlat bojxona qo‘mitasining 2012-yil 10-yanvardagi 01-05/12-2-sonli qarori (ro‘yxat raqami 1317-2, 30.01.2012-y.) tahririda — O‘R QHT, 2012-y., 5-son, 49-modda)
151. Xorijiy davlatlarning diplomatik vakolatxonalari va konsullik muassasalari, xalqaro tashkilotlarning vakolatxonalari va ularga tenglashtirilgan vakolatxonalar boj olinmaydigan savdo do‘konlaridan ushbu Nizomga 2-ilovaga muvofiq shakl bo‘yicha ikki nusxada tuziladigan buyurtmanomalar asosida O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun tovarlarni sotib olishlari mumkin.
Buyurtmanomaning bir nusxasi boj olinmaydigan savdo do‘konida saqlanadi, ikkinchi nusxasi xaridorga qaytariladi.
Buyurtmanomada quyidagi ma’lumotlar bo‘lishi kerak:
xorijiy davlatning diplomatik vakolatxonasi yoki konsullik muassasasining, xalqaro tashkilot vakolatxonasining va unga tenglashtirilgan vakolatxonaning nomi;
xorijiy davlatning diplomatik vakolatxonasi yoki konsullik muassasasining, xalqaro tashkilot vakolatxonasi va unga tenglashtirilgan vakolatxonaning xaridni amalga oshirish vakolati berilgan shaxsining familiyasi, ismi, otasining ismi, toifasi, shuningdek akkreditatsiya kartochkasi raqami;
tovarning nomi, miqdori, bittasining qiymati, umumiy qiymati;
buyurtmanoma tuzilgan sana;
xorijiy davlatning diplomatik vakolatxonasi yoki konsullik muassasasi, xalqaro tashkilot vakolatxonasi va unga tenglashtirilgan vakolatxona boshlig‘ining familiyasi, ismi, otasining ismi, imzosi;
tovarlarni sotib olish maqsadi.
(151-band O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) bilan kiritilgan — O‘R QHT, 2011-y., 3-son, 31-modda)
16. Boj olinmaydigan savdo do‘konida tovarlar erkin muomaladagi valyutada naqd pulga yoki bank plastik va kredit kartochkalari yoki xorijiy valyutadagi bank o‘tkazmalari bo‘yicha sotiladi.
(16-band O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) tahririda — O‘R QHT, 2011-y., 3-son, 31-modda)
17. Quyidagilar boj olinmaydigan savdo do‘koni bojxona rejimida sotilishiga yo‘l qo‘yilmaydi:
a) O‘zbekiston Respublikasining bojxona hududiga olib kelish va undan olib chiqish taqiqlangan tovarlar, shu jumladan olib chiqilishiga litsenziya talab etiladigan tovarlar, rangli va qora metallardan tayyorlangan yuksak darajada qayta ishlangan tayyor buyumlar bundan mustasno;
Oldingi tahrirga qarang.
(17-bandning “b” kichik bandi O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) bilan chiqarilgan — O‘R QHT, 2011-y., 3-son, 31-modda)
v) chakana sotish uchun o‘ralgan dori-darmon vositalari (shu jumladan, provitaminlar, vitaminlar, gormonlar va antibiotiklar), agar ular vrachning retseptisiz (tayinlashuvisiz) sotilishi mumkin bo‘lmasa;
g) davlat asillik tamg‘asiga ega bo‘lmagan qimmatbaho metallar va toshlardan yasalgan buyumlar;
(17-bandning “g” kichik bandi O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) tahririda — O‘R QHT, 2011-y., 3-son, 31-modda)
d) O‘zbekiston Respublikasi hududida aylanishi va sotilishi taqiqlangan tovarlar;
e) boshqa davlat organlarining nazoratidan o‘tishi kerak bo‘lgan tovarlar, ushbu organlarning ruxsatnomasi mavjud bo‘lmagan taqdirda;
yo) jismoniy shaxslarning shaxsiy foydalanishi yoki iste’mol qilishi uchun mo‘ljallanmagan tovarlar;
j) vazni og‘ir tovarlar (20 kilogrammdan ortiq og‘irlikda) va o‘lchami katta tovarlar (uzunligi, kengligi va balandligi o‘lchamlari jami 200 santimetrdan ortiq bo‘lganda).
O‘zbekiston Respublikasi Davlat chegarasini kesib o‘tmaydigan jismoniy shaxslarga va O‘zbekiston Respublikasi Tashqi ishlar vazirligida akkreditatsiya qilinmagan xorijiy shaxslarga boj olinmaydigan savdo do‘konlarida tovarlar sotishga (sotib olishga) ruxsat berilmaydi.
(17-band O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qaroriga (ro‘yxat raqami 1317-1, 21.01.2011-y.) muvofiq xatboshi bilan to‘ldirilgan — O‘R QHT, 2011-y., 3-son, 31-modda)
18. Boj olinmaydigan savdo do‘konida namunalar bo‘yicha, oldindan buyurtma berish orqali (O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘konlaridan tashqari), uyga olib borib berish bilan, to‘lov muddatini uzaytirish bilan, shuningdek, qo‘shimcha xizmatlarni ko‘rsatish bilan sotishga yo‘l qo‘yilmaydi (sotishdan oldingi tayyorgarlik, qadoqlashdan, namoyish qilishdan, qayta o‘rab berishdan va shunga o‘xshash ishlardan tashqari).
(18-band O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) tahririda — O‘R QHT, 2011-y., 3-son, 31-modda)
19. Tovarlarni boj olinmaydigan savdo do‘konining yordamchi binolaridan va omboridan sotishga yo‘l qo‘yilmaydi.
20. Boj olinmaydigan savdo do‘koni bojxona rejimida joylashtirilgan tovarlar bilan ularning saqlanishini ta’minlash uchun zarur operatsiyalarni, shuningdek, tovarlarni sotishga tayyorlash bo‘yicha operatsiyalarni (o‘ramlarni ochish, idishlardan bo‘shatib olish va h.k.) amalga oshirishi mumkin.
21. Tovarlar saqlanishini ta’minlash operatsiyalari boj olinmaydigan savdo do‘konining omborida, tovarlarni sotishga tayyorlash operatsiyalari esa boj olinmaydigan savdo do‘konining ombori yoki yordamchi binolarida amalga oshiriladi. Mazkur operatsiyalar bojxona nazorati ostida amalga oshiriladi.
22. Boj olinmaydigan savdo do‘konida sotiladigan tovarlar bojxona organi bilan kelishib olingan maxsus markirovkaga ega bo‘lishi va chakana sotish uchun oldindan qadoqlangan bo‘lishi kerak.
23. Bojxona organi boj olinmaydigan savdo do‘konidan sotib olingan tovarlarning haqiqatda olib o‘tilishi ustidan nazoratni amalga oshiradi.
(23-band O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) tahririda — O‘R QHT, 2011-y., 3-son, 31-modda)
24. O‘zbekiston Respublikasi Davlat chegarasini kesib o‘tadigan jismoniy shaxslar, shuningdek O‘zbekiston Respublikasi Tashqi ishlar vazirligida akkreditatsiya qilingan xorijiy shaxslarning boj olinmaydigan savdo do‘konidan sotib olgan tovarlarni almashtirish va ayirboshlash O‘zbekiston Respublikasining qonun hujjatlarida belgilangan tartibda amalga oshiriladi.
Bunda, agar yangi tovar O‘zbekiston Respublikasidan tashqariga olib chiqib ketilmayotgan bo‘lsa, bunday tovar import boji va soliqlarga tortiladi, ularni undirish esa bojxona organlari zimmasiga yuklatiladi, O‘zbekiston tovarlari bundan mustasno.
Tovarlarni bojsiz olib kirishning normasi hamda aksiz solig‘i va qo‘shilgan qiymat solig‘i solinmaydigan tovarlarni olib kirish normasi jismoniy shaxs tomonidan O‘zbekiston Respublikasi tashqarisidan olib kiriladigan va uning tomonidan O‘zbekiston Respublikasi bojxona hududiga kirishda boj olinmaydigan savdo do‘konlaridan sotib olingan tovarlarning jamiga nisbatan qo‘llaniladi.
O‘zbekiston Respublikasi Tashqi ishlar vazirligida akkreditatsiya qilingan xorijiy jismoniy shaxslarga, shuningdek xorijiy davlatlarning diplomatik vakolatxonalari va konsullik muassasalariga, xalqaro tashkilotlarning vakolatxonalariga va ularga tenglashtirilgan vakolatxonalarga O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘konlaridan aksiz to‘lanadigan tovarlarni mazkur Nizomning 3 va 4-ilovalarida ko‘rsatib o‘tilgan miqdorlarda xarid qilishga ruxsat beriladi.
(24-band O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) tahririda — O‘R QHT, 2011-y., 3-son, 31-modda)
25. Boj olinmaydigan savdo do‘koni bojxona rejimida joylashtirilgan tovarlarni bunday tovarlarni sotib olish huquqiga ega bo‘lmagan shaxslarga sotish yoki boshqacha tarzda begonalashtirishda yoxud ana shunday tovarlardan ularning bojxona rejimiga muvofiq bo‘lmagan holda foydalanganda, shuningdek, tovarlar yo‘qolganda yoki yetishmaganda boj olinmaydigan savdo do‘konining egasi erkin muomalaga chiqarish yoki eksport bojxona rejimiga ko‘ra to‘lanishi lozim bo‘ladigan bojxona to‘lovlarini to‘lashi kerak, lekin tovarlar falokatlar yoki yengib bo‘lmas kuchlarning xatti-harakatlari oqibatida yo‘q bo‘lib ketgan, qaytarib bo‘lmaydigan darajada yo‘qolgan yoxud kamomad tabiiy ishdan chiqish natijasida yuz bergan yoki tashish va saqlashning normal sharoitida kamayib ketgan hollar bundan mustasno.
IV. Boj olinmaydigan savdo do‘koni bojxona rejimiga joylashtirilgan tovarlar hisobi
26. Boj olinmaydigan savdo do‘koni bojxona rejimidagi tovarlar do‘kon egasi va bojxona organi tomonidan albatta hisobga olinishi kerak.
27. Boj olinmaydigan savdo do‘konining egasi boj olinmaydigan savdo do‘koniga joylashtiriladigan tovarlar hisobini hisobga olish daftarini yuritish orqali (shu jumladan, avtomatlashtirilgan tarzda) olib boradi va bojxona organiga ushbu tovarlar harakati to‘g‘risida har chorakda mazkur Nizomning 5-ilovasiga muvofiq shaklda boj olinmaydigan savdo do‘konidagi tovarlar harakati bo‘yicha hisobot taqdim etadi.
(27-bandning birinchi xatboshisi O‘zbekiston Respublikasi Davlat bojxona qo‘mitasining 2012-yil 24-avgustdagi 01-02/12-25-sonli qarori (ro‘yxat raqami 1317-3, 27.09.2012-y.) tahririda — O‘R QHT, 2012-y., 39-son, 458-modda)
Hisobga olish daftarlari va elektron baza ma’lumotlari kalendar yillari bo‘yicha yuritiladi. Bunday daftarlar oldindan tikib qo‘yilgan, raqamlangan, broshyura holiga keltirilgan va boj olinmaydigan savdo do‘koni faoliyat yuritayotgan hududda bojxona organi boshlig‘ining yoxud bojxona organi boshlig‘i o‘rinbosarining imzosi bilan tasdiqlangan bo‘lishi kerak.
Oxirgi yozuv kiritilganidan keyin hisobga olish daftari taqdim qilingan hisobotlar bilan solishtirish uchun bojxona organiga beriladi. Solishtirib bo‘linganidan keyin hisobga olish daftari boj olinmaydigan savdo do‘konining egasiga qaytariladi va u yerda kamida uch yil saqlanadi. Hisobga olish daftari solishtirib bo‘linganidan keyin unga qo‘shimcha yozuvlar yoki tuzatishlar kiritilishiga yo‘l qo‘yilmaydi.
(27-bandning uchinchi xatboshisi O‘zbekiston Respublikasi Davlat bojxona qo‘mitasining 2012-yil 24-avgustdagi 01-02/12-25-sonli qarori (ro‘yxat raqami 1317-3, 27.09.2012-y.) tahririda — O‘R QHT, 2012-y., 39-son, 458-modda)
Hisobga olish daftarining shakli boj olinmaydigan savdo do‘koni faoliyatini amalga oshirish uchun zarur bo‘ladigan ma’lumotlar asosida boj olinmaydigan savdo do‘koni egasi tomonidan belgilanadi. Bunda hisobga olish daftarining shaklida mazkur Nizomning 5-ilovasida keltirilgan Boj olinmaydigan savdo do‘konidagi tovarlar harakati bo‘yicha hisobot shaklida mavjud barcha ma’lumotlar bo‘lishi kerak.
(27-bandning to‘rtinchi xatboshisi O‘zbekiston Respublikasi Davlat bojxona qo‘mitasining 2012-yil 24-avgustdagi 01-02/12-25-sonli qarori (ro‘yxat raqami 1317-3, 27.09.2012-y.) tahririda — O‘R QHT, 2012-y., 39-son, 458-modda)
28. Bojxona organi bojxona yuk deklaratsiyasidan va avtomatlashtirilgan hisobga olish tizimidan foydalangan holda tovarlarni hisob-kitob qiladi.
29. Bojxona organi boj olinmaydigan savdo do‘konining savdo zallarida, yordamchi binolarida va omborida turgan tovarlarni inventarizatsiyadan o‘tkazishga haqlidir.
V. Boj olinmaydigan savdo do‘konining egasi bilan bojxona organi o‘rtasidagi o‘zaro munosabatlar
30. Boj olinmaydigan savdo do‘koni egasi bojxona organi bilan kelishgan holda boj olinmaydigan savdo do‘konini ishlatish qoidalarini tasdiqlaydi.
(30-band O‘zbekiston Respublikasi Davlat bojxona qo‘mitasining 2012-yil 24-avgustdagi 01-02/12-25-sonli qarori (ro‘yxat raqami 1317-3, 27.09.2012-y.) tahririda — O‘R QHT, 2012-y., 39-son, 458-modda)
31. Qoidalarda quyidagilar qayd etiladi:
(31-bandning birinchi xatboshisi O‘zbekiston Respublikasi Davlat bojxona qo‘mitasining 2012-yil 24-avgustdagi 01-02/12-25-sonli qarori (ro‘yxat raqami 1317-3, 27.09.2012-y.) tahririda — O‘R QHT, 2012-y., 39-son, 458-modda)
bojxona organining boj olinmaydigan savdo do‘konining savdo zallarini, yordamchi binolarini va omborini jihozlash;
do‘konning ish rejimi;
boj olinmaydigan savdo do‘konida sotiladigan tovarlarni markirovkalash usuli va shakli;
Oldingi tahrirga qarang.
(31-bandning beshinchi xatboshisi O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) bilan chiqarilgan — O‘R QHT, 2011-y., 3-son, 31-modda)
tovarlarni hisobga olish daftarining shakli;
(31-bandning beshinchi xatboshisi O‘zbekiston Respublikasi Davlat bojxona qo‘mitasining 2012-yil 24-avgustdagi 01-02/12-25-sonli qarori (ro‘yxat raqami 1317-3, 27.09.2012-y.) tahririda — O‘R QHT, 2012-y., 39-son, 458-modda)
Oldingi tahrirga qarang.
(31-bandning oltinchi xatboshisi O‘zbekiston Respublikasi Davlat bojxona qo‘mitasining 2012-yil 24-avgustdagi 01-02/12-25-sonli qaroriga (ro‘yxat raqami 1317-3, 27.09.2012-y.) asosan chiqarilgan — O‘R QHT, 2012-y., 39-son, 458-modda)
32. Mazkur tadbirlar ushbu Nizomga va O‘zbekiston Respublikasining qonun hujjatlariga zid bo‘lishi mumkin emas.
VI. Yakunlovchi qoidalar
33. Do‘kon egasi sanitariya qoidalariga, omborga joylashtirish normalariga, tovarlarning yonma-yon qo‘yilishi qoidalariga va saqlash rejimiga, davlat standartlarining majburiy talablariga rioya etishi, savdo sohasidagi munosabatlarni tartibga solib turuvchi O‘zbekiston Respublikasining qonun hujjatlarida belgilangan boshqa talablar va shartlarni bajarilishi uchun javobgardirlar.
Boj olinmaydigan savdo do‘koni bojxona rejimi to‘g‘risidagi nizomga
1-ILOVA
“Boj olinmaydigan savdo do‘koni” bojxona rejimiga joylashtiriladigan tovarlarni deklaratsiyalashda va ushbu rejim faoliyatining nihoyasiga yetkazilishida BYuDni to‘ldirish tartibi
I. Boj olinmaydigan savdo do‘koni bojxona rejimida joylashtiriladigan tovarlarni deklaratsiyalash vaqtida BYuDni to‘ldirish tartibi.
1. Deklarant tomonidan BYuD asosiy varag‘ining quyidagi ustunlari va qo‘shimcha varaqlarning tegishli ustunlari to‘ldiriladi:
1, 2, 3, 5, 6, 9, 14, 15, 15a, 16, 18, 19, 20, 21, 22, 23, 24, 25, 28, 29, 30, 31, 32, 33, 34, 35, 37, 38, 41, 42, 44, 46, 47, 54, A,V
3, 5, 6, 14, 15, 15a, 16, 18, 19, 21, 22, 23, 24, 25, 29, 31, 33, 34, 35, 36, 37, 38, 41, 42, 44, 46, 47, 54, A, V ustunlar O‘zbekiston Respublikasi Davlat bojxona qo‘mitasi tomonidan 1999-yilning 24-sentabrida tasdiqlangan “Bojxona yuk deklaratsiyasini to‘ldirish tartibi to‘g‘risida”gi Yo‘riqnomaning (keyingi o‘rinlarda — Yo‘riqnoma) (1999-yil 3-noyabr, ro‘yxat raqami 834-son) uchinchi yoki oltinchi bo‘limlariga muvofiq to‘ldiriladi.
1, 2, 9, 28, 30-ustunlarni to‘ldirish quyidagi o‘ziga xos jihatlarga ega:
1-ustun “Deklaratsiya turi”
Boj olinmaydigan savdo do‘koni bojxona rejimida joylashtiriladigan tovarlarni deklaratsiyalash ustunining birinchi bo‘linmasi quyidagicha ko‘rsatiladi:
O‘zbekiston Respublikasi bojxona hududiga olib kirilgan va ushbu hududga olib kirilib, biron bir bojxona rejimiga rasmiylashtirilgan (“erkin muomalaga chiqarish” bojxona rejimidan tashqari — IM40) tovarlarga nisbatan;
O‘zbekiston tovarlariga nisbatan — “EK”.
Ikkinchi bo‘linmasida bojxona rejimining asosiy kodi ko‘rsatiladi — “72”.
Ustunning uchinchi bo‘limi to‘ldirilmaydi.
2-ustun “Yuk jo‘natuvchi — eksportyor”
O‘zbekiston Respublikasi bojxona hududiga olib kirilgan va ushbu hududga olib kirilib, biron bir bojxona rejimiga rasmiylashtirilgan tovarlarga nisbatan, Yo‘riqnomaning 3-bo‘limiga muvofiq to‘ldiriladi.
Boj olinmaydigan savdo do‘koni bojxona rejimiga O‘zbekiston tovarlarini joylashtirishda BYuDda korxonaning, tashkilotning va muassasaning nomi va manzili yoki shaxsning ism-sharifi, xamda jismoniy shaxsning pasportidagi ma’lumotlar ko‘rsatiladi. Qolgan ma’lumotlar Yo‘riqnomaning 2-bo‘limiga muvofiq to‘ldiriladi.
9-ustun “Moliyaviy boshqarish bo‘yicha javobgar shaxs”
Ushbu ustunda BYuDlarni to‘ldirish bo‘yicha Yo‘riqnomaga muvofiq boj olinmaydigan savdo do‘koni egasi to‘g‘risida ma’lumotlar ko‘rsatiladi.
28-ustun “Moliyaviy va bank to‘g‘risidagi ma’lumotlar”
Ushbu ustunda (har bir rekvizitlar yangi qatordan boshlanishi va har birining oldidan tartib bo‘yicha raqam qo‘yilishi lozim).
1 — Boj olinmaydigan savdo do‘koni egasining hisob raqami ochilgan bankning qisqacha nomlanishi va OKPO kodi, so‘mdagi hisob raqami.
2 — Boj olinmaydigan savdo do‘koni egasining hisob raqami ochilgan bankning qisqacha nomlanishi va OKPO kodi, xorijiy valyutadagi hisob raqami.
30-ustun “Tovarlarni ko‘rikdan o‘tkazish joyi”
Ushbu ustunda Boj olinmaydigan savdo do‘koni faoliyati uchun olingan litsenziya raqami ko‘rsatiladi.
Boj olinmaydigan savdo do‘koni” bojxona rejimi to‘g‘risidagi nizomga
2-ILOVA
Boj olinmaydigan savdo do‘konlarida tovarlarni sotib olishga
BUYuRTMANOMA
‎ ‎ ‎ ‎ ‎
‎___________________________________________________________________
‎___________________________________________________________________

(xorijiy davlatning diplomatik vakolatxonasi yoki konsullik muassasasi, xalqaro tashkilot vakolatxonasining va unga tenglashtirilgan vakolatxonaning nomi)

‎___________________________________________________________________
‎___________________________________________________________________
_____________________________________ vakolatini beraman

‎(xorijiy davlatning diplomatik vakolatxonasi yoki konsullik muassasasi, xalqaro tashkilot vakolatxonasi va unga tenglashtirilgan vakolatxonaning xaridni amalga oshirish vakolati berilgan shaxsining familiyasi, ismi, otasining ismi, toifasi, shuningdek akkreditatsiya kartochkasi raqami)

‎ ‎
Quyidagi tovarlarni ‎‎________________________________________
‎‎‎

‎‎(tovarlarni sotib olishning maqsadi)

‎‎sotib olish uchun: ‎ ‎ ‎
T/r‎ Tovarning nomi‎ Miqdori‎ Bittasining qiymati‎ Umumiy qiymati‎
1.‎ ‎ ‎ ‎ ‎

2.‎

 ‎ ‎ ‎ ‎

3.‎

 ‎ ‎ ‎ ‎

4.‎

 ‎ ‎ ‎ ‎


‎‎‎______________________


‎________________________________________‎‎

(buyurtmanoma tuzilgan sana)

(xorijiy davlatning diplomatik vakolatxonasi yoki konsullik muassasasi, xalqaro tashkilot vakolat- xonasi va unga tenglashtirilgan vakolatxona boshlig‘ining familiyasi, ismi, otasining ismi, imzosi).‎‎

(2-ilova O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) bilan kiritilgan — O‘R QHT, 2011-y., 3-son, 31-modda)
“Boj olinmaydigan savdo do‘koni” bojxona rejimi to‘g‘risidagi nizomga
3-ILOVA
Xorijiy jismoniy shaxslar tomonidan O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘konlaridan aksiz to‘lanadigan tovarlarni xarid qilishning cheklangan
NORMALARI*
Tovar guruhining raqami‎ Tovarning nomi ‎ TIF TN bo‘yicha tovar kodi‎ Aksiz to‘lanadigan tovarlarni xarid qilish normasi‎
1‎ 2‎ 3‎ 4‎
18‎ tarkibida kakao bo‘lgan shokolad va boshqa tayyor oziq-ovqat mahsulotlari‎ 1806 20,
‎1806 90 ‎		 5 kg‎
22 solod (shirinmiya) pivosi‎ 2203 00‎ 3 l‎
vino‎ 2204 10,
‎2204 21,
‎2204 29,
‎2205 ‎		 3 l‎
spirt konsentratsiyasi 80% hajmdan kam bo‘lgan denaturlanmagan etil spirti; spirtli damlamalar, likyorlar va boshqa spirtli ichimliklar‎ 2208‎ 3 l‎
24 sigaralar, sigarillalar‎ 2402 10 000 0‎ 10 pachka‎
tamaki yoki uning o‘rnini bosuvchilardan tayyorlangan sigaretalar‎ 2402 20,
‎2402 90 000 0 ‎		 50 pachka‎
33‎ parfyumeriya, kosmetika yoki pardoz vositalari‎ 3303 00,
‎3304,
‎3307 20 ‎		 har bir nomdagi tovardan 1 dona, lekin 3 donadan ko‘p bo‘lmagan miqdorda‎
71 qimmatbaho metallardan yoki qimmatbaho metallar qoplangan metallardan yasalgan zargarlik buyumlari va ularning qismlari‎ 7113‎ umumiy vazni 20 grammdan ortiq bo‘lmagan 2 dona buyum ‎
zargarlar yasagan tilla yoki kumush buyumlar va ularning qismlari‎ 7114‎ umumiy vazni 20 grammdan ortiq bo‘lmagan 2 dona buyum ‎
tabiiy yoki yetishtirilgan marvariddan yasalgan buyumlar‎ 7116‎ umumiy vazni 20 grammdan ortiq bo‘lmagan 2 dona buyum‎
jo‘n taqinchoqlar‎ 7117‎ 0,5 kg dan ortiq bo‘lmagan miqdorda‎
* Izoh: aksiz to‘lanadigan tovarlarni xarid qilishning cheklangan normalari xorijiy davlatning diplomatik vakolatxonasi va konsullik muassasasi, xalqaro tashkilot va unga tenglashtirilgan tashkilot vakolatxonasining bir xodimiga va u bilan birga yashaydigan, O‘zbekiston Respublikasi fuqarosi hisoblanmaydigan, uning oilasining voyaga yetgan, O‘zbekiston Respublikasi Tashqi ishlar vazirligida akkreditatsiya qilingan har bir a’zosiga 1 (bir) oylik muddatga belgilanadi. Aksiz to‘lanadigan tovarlarni xarid qilishning cheklangan normalaridan foydalanilmaganda yoki to‘liq foydalanilmaganda uning qoldig‘i qo‘shilmaydi va keyingi davrlarga ko‘chirilmaydi.
(3-ilova O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) bilan kiritilgan — O‘R QHT, 2011-y., 3-son, 31-modda)
“Boj olinmaydigan savdo do‘koni” bojxona rejimi to‘g‘risidagi nizomga
 4-ILOVA
Xorijiy davlatlarning diplomatik vakolatxonalari va konsullik muassasalari, xalqaro tashkilotlarning vakolatxonalari va ularga tenglashtirilgan vakolatxonalar tomonidan O‘zbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘konlaridan aksiz to‘lanadigan tovarlarni xarid qilishning cheklangan
NORMALARI*
Tovar guruhining raqami‎ Tovarning nomi ‎ TIF TN bo‘yicha tovar kodi‎ Aksiz to‘lanadigan tovarlarni xarid qilish normasi‎
1‎ 2‎ 3‎ 4‎
18‎ tarkibida kakao bo‘lgan shokolad va boshqa tayyor oziq-ovqat mahsulotlari‎ 1806 20,
‎1806 90 ‎		 5 kg‎
22 solod (shirinmiya) pivosi‎ 2203 00‎ 3 l‎
vino‎ 2204 10,
‎2204 21,
‎2204 29,
‎2205 ‎		 3 l‎
spirt konsentratsiyasi 80% hajmdan kam bo‘lgan denaturlanmagan etil spirti; spirtli damlamalar, likyorlar va boshqa spirtli ichimliklar‎ 2208‎ 3 l‎
24 sigaralar, sigarillalar‎ 2402 10 000 0‎ 10 pachka‎
tamaki yoki uning o‘rnini bosuvchilardan tayyorlangan sigaretalar‎ 2402 20,
‎2402 90 000 0 ‎		 50 pachka‎
* Izoh: aksiz to‘lanadigan tovarlarni xarid qilishning cheklangan normalari O‘zbekiston Respublikasi Tashqi ishlar vazirligida akkreditatsiya qilingan bir xorijiy davlatning diplomatik vakolatxonasi va konsullik muassasasi, xalqaro tashkilot va unga tenglashtirilgan tashkilot vakolatxonasiga 1 (bir) oylik muddatga belgilanadi. Aksiz to‘lanadigan tovarlarni xarid qilishning cheklangan normalaridan foydalanilmaganda yoki to‘liq foydalanilmaganda uning qoldig‘i qo‘shilmaydi va keyingi davrlarga ko‘chirilmaydi.
Alohida hollarda, tadbirlar o‘tkazish davrida xorijiy davlatning diplomatik vakolatxonasi va konsullik muassasasi, xalqaro tashkilot va unga tenglashtirilgan tashkilot vakolatxonasining yozma murojaatiga muvofiq Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo do‘koni joylashgan zonada faoliyat ko‘rsatayotgan bojxona organi tovarlarni xarid qilish miqdorini murojaatnomada ko‘rsatilgan miqdorgacha ko‘paytirishi mumkin.
(4-ilova O‘zbekiston Respublikasi Davlat bojxona qo‘mitasining 2010-yil 22-dekabrdagi 01-02/12-30-sonli qarori (ro‘yxat raqami 1317-1, 21.01.2011-y.) bilan kiritilgan — O‘R QHT, 2011-y., 3-son, 31-modda)
“Boj olinmaydigan savdo do‘koni” bojxona rejimi to‘g‘risidagi nizomga
5-ILOVA
Boj olinmaydigan savdo do‘konidagi tovarlar harakati bo‘yicha
HISOBOT
‎‏T.r
‎

‎‏Bojxona yuk deklaratsiyasi raqami

Tovar nomi

Boj olinmaydigan savdo do‘konidan chiqarilgan tovarlarning

Izoh

do‘kondan chiqarish sanasi

vazni (kg)

qo‘shimcha o‘lchov birligidagi miqdori (litr, dona)

qiymati
‎ ‎ ‎ ‎ ‎ ‎ ‎ ‎
(5-ilova O‘zbekiston Respublikasi Davlat bojxona qo‘mitasining 2012-yil 24-avgustdagi 01-02/12-25-sonli qarori (ro‘yxat raqami 1317-3, 27.09.2012-y.) tahririda — O‘R QHT, 2012-y., 39-son, 458-modda)
(O‘zbekiston Respublikasi qonun hujjatlari to‘plami, 2004-y., 8-son, 102-modda; 2011-y., 3-son, 31-modda; 2012-y., 5-son, 49-modda, 39-son, 458-modda)