|
Hujjat kuchini yo‘qotgan " " 20.03.2019
|
Oʻzbekiston Respublikasi Vazirlar Mahkamasining
qarori
Bojxona ombori, erkin ombor va boj olinmaydigan savdo doʻkoni faoliyatini litsenziyalash toʻgʻrisidagi nizomlarni tasdiqlash haqida
LexUZ sharhiMazkur qaror Oʻzbekiston Respublikasi Vazirlar Mahkamasining 2018-yil 18-dekabrdagi 1028-sonli “Bojxona ombori, erkin ombor va boj olinmaydigan savdo doʻkoni faoliyatini litsenziyalash toʻgʻrisidagi nizomlarni tasdiqlash haqida”gi qaroriga asosan 2019-yil 20-martidan oʻz kuchini yoʻqotadi.
“Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunini bajarish yuzasidan Oʻzbekiston Respublikasi Vazirlar Mahkamasi qaror qiladi:
1. Quyidagilar:
Bojxona ombori faoliyatini litsenziyalash toʻgʻrisidagi nizom 1-ilovaga muvofiq;
Erkin ombor faoliyatini litsenziyalash toʻgʻrisidagi nizom 2-ilovaga muvofiq;
Boj olinmaydigan savdo doʻkoni faoliyatini litsenziyalash toʻgʻrisidagi nizom 3-ilovaga muvofiq tasdiqlansin.
2. Oʻzbekiston Respublikasi Davlat bojxona qoʻmitasi ikki hafta muddatda:
litsenziyalar berish toʻgʻrisidagi xulosalarni tayyorlash boʻyicha tegishli ekspert komissiyalari tarkibini va ular toʻgʻrisidagi nizomlarni tasdiqlasin;
Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda idoraviy normativ-huquqiy hujjatlarni mazkur qarorga muvofiqlashtirsin.
3. Oʻzbekiston Respublikasi Vazirlar Mahkamasining “Bojxona yigʻimlari stavkalari toʻgʻrisida” 1999-yil 30-apreldagi 204-son qaroriga ilovaning 12—14, 18—21-bandlari oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.
Oʻzbekiston Respublikasining Bosh vaziri Oʻ. Sultonov
Toshkent sh.,
2003-yil 20-noyabr,
523-son
Bojxona ombori faoliyatini litsenziyalash toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasi Davlat bojxona kodeksining 54—59, 65, 69, 70—72-moddalariga va “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga muvofiq ishlab chiqilgan va bojxona ombori faoliyatini litsenziyalash tartibini belgilaydi.
LexUZ sharhi2. Bojxona ombori – maxsus jihozlangan va belgilangan joy boʻlib, binolarning hududini va (yoki) ochiq maydonchalarni oʻz ichiga oladi hamda tovarlarni vaqtincha saqlash va (yoki) bojxona ombori rejimlarida bojxona nazorati ostida saqlashga moʻljallangan.
3. Bojxona omborida:
Oʻzbekiston Respublikasiga olib kelish va Oʻzbekiston Respublikasidan olib chiqish taqiqlangan tovarlarni saqlashga ruxsat berilmaydi, bojxona organlari tomonidan olib qoʻyilgan va bojxona organlari tomonidan taʼsis etilgan bojxona omboriga joylashtirilgan tovarlar bundan mustasno;
Oʻzbekiston Respublikasi hududida aylanishi va sotilishi taqiqlangan tovarlarni saqlashga ruxsat berilmaydi.
4. Bojxona omborining normal faoliyat koʻrsatishini taʼminlash uchun foydalaniladigan tovarlar (masalan, ortish-tushirish texnikasi, sovutish uskunasi, kompyuter texnikasi, maxsus kiyim-bosh va hokazolar) bojxona rejimi ostida joylashtirilmaydi.
5. Bojxona omborida va unga tutashib ketgan hududda tovarlar bilan ishlab chiqarish operatsiyalari va boshqa tijorat operatsiyalari amalga oshirilishiga yoʻl qoʻyilmaydi, tegishli bojxona rejimida nazarda tutilgan operatsiyalar bundan mustasno.
6. Bojxona ombori ochiq yoki yopiq turda boʻlishi mumkin.
Ochiq turdagi bojxona ombori — har qanday shaxslar foydalanishi mumkin boʻlgan bojxona ombori.
Yopiq turdagi bojxona ombori — muayyan shaxslarning, qoidaga koʻra, ombor egasining tovarlarini saqlashga yoki muayyan tovarlarni, shu jumladan aylanishi cheklangan tovarlarni saqlash uchun moʻljallangan bojxona ombori. Bunday shaxslar va tovarlar bojxona omborini taʼsis etishda bojxona organi bilan kelishuv boʻyicha bojxona ombori egasi tomonidan belgilanishi mumkin.
Ochiq va yopiq turdagi bojxona omborlaridan saqlashning alohida shart-sharoitlarini talab etuvchi yoki boshqa tovarlarga zarar yetkazishi mumkin boʻlgan tovarlarning ayrim turlarini saqlash uchun foydalanilishi mumkin (ixtisoslashtirilgan bojxona omborlari).
Oʻzbekiston Respublikasi bojxona organlari tomonidan taʼsis etiladigan bojxona omborlari ochiq turdagi bojxona omborlari hisoblanadi.
7. Bojxona omborida saqlanayotgan tovarlarning bojxona rasmiylashtiruvi ariza berilgan bojxona rejimlariga muvofiq tegishli bojxona rejimlari uchun Oʻzbekiston Respublikasi qonun hujjatlarida belgilangan tartibda amalga oshiriladi.
Bojxona omborida saqlashni nazarda tutmaydigan oʻzgacha bojxona rejimi ostida ariza berilgan tovarlarni bojxona omboridan amalda olib chiqish tanlangan bojxona rejimiga muvofiq bunday tovarlar chiqarilishi paytdan boshlab uch kundan kechikmay amalga oshirilishi kerak.
8. Bojxona ombori faoliyatini amalga oshirishga litsenziya (keyingi oʻrinlarda litsenziya deb ataladi) Oʻzbekiston Respublikasi Davlat bojxona qoʻmitasi tomonidan (keyingi oʻrinlarda litsenziyalovchi organ deb ataladi) ombor hududi, shuningdek, bojxona ombori sifatida foydalanish moʻljallanayotgan ombor va qoʻshimcha xonalar egaligida boʻlgan Oʻzbekiston Respublikasi yuridik shaxsiga egasi, bojxona ombori hududi va xonasi ushbu Nizom talablari va shartlariga muvofiq boʻlishi sharti bilan beriladi.
(8-band Oʻzbekiston Respublikasi Vazirlar Mahkamasining 2018-yil 18-iyuldagi 553-sonli qarori tahririda — Qonun hujjatlari maʼlumotlari milliy bazasi, 19.07.2018-y., 09/18/553/1538-son)
9. Agar bojxona ombori bojxona organi tomonidan taʼsis etilsa, litsenziya olish talab qilinmaydi. Bunday bojxona omborini taʼsis etish va unda tovarlarni saqlash tartibi mazkur Nizomda belgilangan talablar va shartlarga muvofiq Oʻzbekiston Respublikasi Davlat bojxona qoʻmitasi tomonidan belgilanadi.
10. Bojxona ombori faoliyatini amalga oshirishga namunaviy (oddiy) litsenziya beriladi.
11. Litsenziyani yoki u boʻyicha huquqlarni boshqa shaxslarga berish taqiqlanadi.
II. Bojxona ombori joylashgan joyga, uning jihozlanishiga va asbob-uskunalariga qoʻyiladigan talablar
12. Bojxona ombori hududi bojxona nazorati zonasi hisoblanadi.
Bojxona ombori hududiga mazkur Nizomning 21-bandida belgilangan tartibda qoʻriqlanadigan va belgilangan tovarlarni bojxona nazorati ostida yetkazib berishni tugallash uchun zarur boʻlgan vaqtda tovarlarni tashiyotgan transport vositalari toʻxtab turishi uchun jihozlangan hudud tutashib ketishi kerak. Koʻrsatib oʻtilgan hudud shuningdek bojxona nazorati zonasi ham hisoblanadi. Bojxona nazorati ostidagi tovarlarni tashiydigan transport vositalari bojxona nazoratining koʻrsatib oʻtilgan zonasiga sutkaning istalgan vaqtida kirishi mumkin.
Bojxona omborlari imkoni boricha transport uzellari va transport magistrallarining yaqinida joylashtirilishi kerak.
13. Bojxona ombori sifatida foydalanish moʻljallangan binolar va (yoki) ochiq maydonchalar saqlanayotgan tovarlar va transport vositalariga nisbatan bojxona nazorati amalga oshirilishi, ularning saqlanishi taʼminlanadigan tarzda joylashtirilishi, jihozlanishi va asbob-uskunalar bilan taʼminlanishi kerak hamda quyidagilarni istisno etishi lozim:
bojxona ombori hududiga va tovarlarga begona shaxslarning (ombor xodimlari boʻlmagan, tovarlarga nisbatan vakolatlarga ega boʻlmagan shaxslarning) yaqinlashishi;
tovarlarning bojxona nazoratidan tashqariga tushirilishi va olib qoʻyilishi.
Bojxona ombori binosi eshigi ikkita qulf bilan qulflanishi, ulardan biri bojxona organi ixtiyorida boʻlishi kerak.
Agar binoning yoki inshootning bir qismi bojxona ombori hisoblansa, unga borish yoʻllaridagi asbob-uskunalar va jihozlar hamda tutashib ketadigan tushirish maydonchalari bojxona nazorati ostidagi tovarlarga begona shaxslarning yaqinlashishini istisno etishi kerak.
14. Bojxona ombori hududi va binolari maydoni mazkur Nizomda nazarda tutilgan talablar hisobga olingan holda bojxona omborining normal faoliyat koʻrsatishi uchun yetarli boʻlishi kerak.
15. Bojxona ombori binolari:
er ustidagi imoratlarda yoki inshootlarda joylashtirilishi;
Oʻzbekiston Respublikasi qonun hujjatlarida belgilangan texnik, sanitariya, yongʻinga qarshi va boshqa talablarga javob berishi;
qoʻriqlash va yongʻin nazorati signalizatsiyalari bilan jihozlangan boʻlishi;
yongʻinni oʻchirishning yongʻin xavfsizligining tegishli talablariga muvofiq boʻlgan tizimi va vositalariga ega boʻlishi kerak.
16. Tez buziladigan tovarlar bojxona omborida bunday tovarlardan oʻz vazifasiga koʻra foydalanish imkonini beruvchi ularning sifati saqlanib qolishi muddati doirasida, biroq tanlangan bojxona rejimiga muvofiq belgilangan muddatdan ortiq boʻlmagan muddatda saqlanishi mumkin.
17. Boshqa tovarlarga zarar yetkazishi mumkin boʻlgan yoki alohida shart-sharoitlarda saqlanishi talab etiladigan tovarlar omborlarda yoki bojxona omborining bir qismi hisoblangan va bunday tovarlarni saqlash uchun maxsus moslashtirilgan alohida binolarda Oʻzbekiston Respublikasi qonun hujjatlariga muvofiq belgilangan majburiy talablarga rioya qilingan holda saqlanishi kerak.
18. Bojxona omborining egasi:
bojxona omborining umumiy maydonini, yaʼni faqat vaqtincha saqlash bojxona rejimi va bojxona omborining bojxona rejimi ostida joylashtirilgan tovarlarni va ularga nisbatan bojxona ombori va vaqtincha saqlashning bojxona rejimi boshqa rejimga oʻzgartirilgan tovarlarni saqlash uchun bevosita moʻljallangan va foydalaniladigan maydonni;
tovarlarni tashuvchi transport vositalariga tovarlar ortiladigan va tushiriladigan uchastkada bojxona omboriga tutashib ketadigan bojxona ombori va/yoki tutashib ketadigan bojxona ombori atrofida joylashgan hududni (keyingi oʻrinlarda “bojxona omboriga bevosita tutashib ketgan hudud” deb yuritiladi);
bojxona omborida tovarni saqlash moʻljallangan tovarlar nomenklaturasini belgilaydi.
19. Bitta yuk bojxona deklaratsiyasi boʻyicha bojxona omboriga joylashtirilgan tovarlarni yoki bitta yuk bojxona deklaratsiyasi boʻyicha boshqacha bojxona rejimi ostida joylashtirishga ariza berilgan tovarlarni (bojxona omboridan tovarlarni chiqarishda) saqlash uchun bojxona ombori egasi tomonidan bojxona ombori maydonining bir qismi maxsus ajratiladi va belgilanadi (keyingi oʻrinlarda “ombor oʻrni” deb yuritiladi).
20. Bojxona ombori hududi va binosi mazkur Nizomning 22-bandiga muvofiq:
vaqtincha saqlashning bojxona rejimi ostida joylashtirilgan tovarlarni;
bojxona omborining bojxona rejimi ostida joylashtirilgan tovarlarni;
ularga nisbatan vaqtincha saqlash va bojxona omborining bojxona rejimi tugallangan va bojxona omboridan olib chiqish moʻljallangan tovarlarni;
eksportning bojxona rejimiga muvofiq olib chiqish moʻljallangan tovarlarni saqlash uchun maxsus ajratilgan, toʻsib qoʻyilgan va tegishli ravishda belgilangan maydonlarga (zonalarga) ega boʻlishi kerak.
Zonalar tovarni bir zonadan boshqa zonaga oʻtkazishga toʻsqinlik qiluvchi yaxlit yoki toʻrsimon toʻsiqlar bilan ajratilishi, bunday zonalarga kirish esa (eshiklar, darvoza) mustaqil (alohida) boʻlishi mumkin. Bojxona omborini zonalarga ajratish usuli va ushbu zonalarga kirish alohidaligi mustaqilligi toʻgʻrisidagi qarorni litsenziyalovchi organ bojxona omborida saqlashga moʻljallangan tovarlar nomenklaturasidan kelib chiqib qabul qiladi.
21. Bojxona omboriga bevosita tutashib ketgan va bojxona nazorati zonasi hisoblangan hudud quyidagi talablarga muvofiq boʻlishi kerak:
bojxona omboriga tutashib ketgan butun hudud perimetri boʻyicha maxsus belgilangan (toʻsilgan);
ichkarisida bojxona omborining bir qismi hisoblanmagan oʻzga imoratlar va inshootlarga ega boʻlmasligi;
koʻp yuk koʻtaradigan transportning manyovr qilishi imkoniyatini taʼminlashi;
eshik oʻrni tomonidan bojxona ombori imoratiga bevosita tutashib ketgan boʻlishi;
oʻzbek, rus va ingliz tillarida “bojxona nazorati zonasi” degan belgi qoʻyilgan boʻlishi kerak.
22. Bojxona ombori va bojxona nazorati zonasi hisoblangan, bojxona omboriga bevosita tutashib ketgan hudud:
umumiy perimetr boʻyicha bir-biridan ajratilmagan;
yaxlit toʻsiqlar bilan aylantirib toʻsilgan va barcha chiqish (kirish) va/yoki chiqish (kirish)ning joylarida oʻzbek, rus va ingliz tillarida “bojxona ombori” belgisi qoʻyilgan holda nazorat-oʻtkazish punktlariga ega boʻlishi kerak.
23. Bojxona ombori doimiy ravishda soz, ishlash holatida va uning normal faoliyat koʻrsatish uchun yetarlicha boʻlgan va quyidagilarni oʻz ichiga oluvchi jihozlarga:
ortish-tushirish va transport vositalariga;
ombor asbob-uskunalariga;
aniqligi va oʻlchash chegaralari bojxona omborida saqlash moʻljallanayotgan tovarlarning xususiyatiga muvofiq boʻlgan tovarlarning ogʻirligini tortish vositalariga;
aloqa vositalariga (shu jumladan telefon, faks);
tashkiliy texnikaga;
mebelga;
agar bu uning normal faoliyat koʻrsatishi uchun zarur boʻlsa, asbob-uskunalarning boshqa turlariga ega boʻlishi kerak.
24. Bojxona omboriga joylashtirilgan tovarlar ustidan bojxona nazoratini taʼminlash uchun litsenziyalovchi organ saqlashga moʻljallanayotgan tovarlarning xususiyatini, shuningdek bojxona omborini taʼsis etish uchun moʻljallanayotgan binoning (binolarning yoki boshqa joyning) joylashishini hisobga olgan holda bojxona ombori va unga bevosita tutashib ketgan hududning joylashishi, ajratilishi yoki jihozlanishiga aniq talablar qoʻyishga haqlidir.
Litsenziyalovchi organning qaroriga koʻra korxonalar hududidagi va egasi ishlab chiqarish faoliyatini amalga oshiruvchi shaxslar boʻlgan yopiq turdagi bojxona omborlarini jihozlash va ularni asbob-uskunalar bilan taʼminlashga nisbatan mazkur Nizomda nazarda tutilgan ayrim talablar qoʻllanilmasligi mumkin.
25. Bojxona omborida va bojxona nazorati zonalari hisoblangan bojxona omboriga bevosita tutashib ketuvchi hududda har qanday turdagi chiqindilar yoki boshqa maishiy axlat toʻplanishi mumkin emas.
26. Bojxona organi xodimlari uchun bojxona nazoratini va bojxona rasmiylashtiruvini amalga oshirish uchun zarur boʻlgan jihozlangan binolar, aloqa vositalari ajratilishi kerak.
27. Bojxona omborini taʼsis etish va uning faoliyat koʻrsatishi Oʻzbekiston Respublikasining atrof tabiiy muhitni muhofaza qilish toʻgʻrisidagi qonun hujjatlari talablariga rioya qilingan holda amalga oshirilishi kerak.
28. Bojxona omborini asbob-uskunalar bilan qoʻshimcha ravishda taʼminlash (qoʻshimcha ravishda jihozlash), tartibni saqlash hamda qoʻriqlash va oʻtkazish rejimini taʼminlash litsenziyalovchi organ bilan kelishgan holda bojxona omborining egasi tomonidan va uning hisobiga amalga oshiriladi.
29. Mazkur Nizomning 22—24-bandlarida belgilangan talablar bojxona omborini taʼsis etish uchun berilgan arizani koʻrib chiqish bosqichida bojxona organi tomonidan belgilanishi va bojxona omboridan foydalanish tartib-qoidasida aks ettirilishi kerak.
III. Bojxona omborining egasiga qoʻyiladigan talablar
30. Oʻzbekiston Respublikasining yuridik shaxsi yoki Oʻzbekiston Respublikasining bojxona organi bojxona omborining egasi boʻlishi mumkin.
31. Bojxona omborining egasi quyidagilarga majburdir:
vaqtincha saqlashning bojxona rejimi va bojxona omborining bojxona rejimi shartlariga muvofiq bojxona nazorati ostida tovarlar saqlanishini tartibga soluvchi qonun hujjatlariga rioya qilish;
berilgan litsenziya shartlariga, shu jumladan uning bojxona omborini jihozlash va uni asbob-uskunalar bilan taʼminlash talablariga oid qismiga rioya qilish;
bojxona ombori sifatida foydalanish uchun moʻljallangan va belgilangan talablarga javob beradigan binolar va (yoki) ochiq maydonchalarga egalik qilish (oʻz mulkida boʻlishi yoki xoʻjalik yuritishida, operativ boshqaruvida boʻlishi va ijaraga olgan boʻlishi). Agar xonalarga va (yoki) ochiq maydonchalarga egalik qilish ijara shartnomasi asosida amalga oshirilsa, u holda bunday shartnomaning amal qilish muddati litsenziya berish toʻgʻrisida ariza berilgan sanadan boshlab bir yildan kam boʻlmasligi kerak;
(31-bandning toʻrtinchi xatboshisi Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qarori tahririda — OʻR QHT, 2015-y., 1-son, 9-modda)
Oʻzbekiston Respublikasi Bojxona kodeksining 111-moddasiga muvofiq bojxona toʻlovlari toʻlanishini taʼminlash;
LexUZ sharhimazkur Nizomning II boʻlimida belgilangan talablarga rioya etilishini taʼminlash;
bojxona omboriga joylashtirilgan tovarlarni faqat bojxona ombori hududida va ombor binolarida saqlash;
bojxona omboriga joylashtiriladigan tovarlardan saqlashdan boshqa maqsadlarda foydalanilishi imkoniyatini istisno etish va koʻrsatib oʻtilgan tovarlar bilan ariza berilgan bojxona rejimiga muvofiq operatsiyalar sodir etilishini taʼminlash;
bojxona nazoratini amalga oshirishda bojxona organlari xodimlariga yordam berish;
bojxona omboriga tushuvchi va bojxona omboridan olib chiqiladigan tovarlar hisobini yuritish (shu jumladan avtomatlashtirilgan hisobini yuritish) va ushbu tovarlar toʻgʻrisida Oʻzbekiston Respublikasi Davlat bojxona qoʻmitasi tomonidan belgilangan tartibda bojxona organlariga hisobot taqdim etish;
bojxona organining talabi boʻyicha bojxona omboridagi tovarlarni bojxona organining mansabdor shaxsi ishtirokida xatlovdan oʻtkazish;
sanitariya qoidalariga, omborga joylashtirish normalariga, tovarlarning yonma-yon qoʻyilishi qoidalariga va saqlash rejimiga, davlat standartlarining majburiy talablariga rioya qilish, Oʻzbekiston Respublikasining bojxona ishi sohasidagi munosabatlarni tartibga soluvchi qonun hujjatlarida belgilangan boshqa talablar va shartlarni bajarish;
vaqtincha saqlashning bojxona rejimi va bojxona omborining bojxona rejimi amal qilishi tugallangandan keyin ahamiyatli boʻlishi mumkin boʻlgan bojxona omborida saqlanayotgan tovarlar bilan yuz bergan oʻzgarishlar toʻgʻrisida bojxona organiga imkoni boricha qisqa muddatlarda maʼlum qilish;
bojxona omborida saqlanayotgan tovarlar bilan amalga oshirilishi moʻljallanayotgan operatsiyalar toʻgʻrisida bojxona organini barvaqt xabardor qilish va bojxona organining yozma ruxsatnomasisiz bunday operatsiyalar sodir etilishiga yoʻl qoʻymaslik;
bojxona omborida saqlanayotgan isteʼmol tovarlariga maxsus marka yopishtirish uchun shart-sharoitlar yaratish va koʻrsatib oʻtilgan tovarlarni ombordan faqat ularga mana shunday marka yopishtirilgan taqdirda chiqarish;
mazkur Nizomning 77-bandida belgilangan hollarda bojxona toʻlovlari toʻlash;
bojxona ombori hududini va binolarini hamda bojxona omboriga bevosita tutashib ketuvchi hududni ijaraga olish muddati tamom boʻlishidan ikki oy oldin litsenziyalovchi organni, agar binolar va (yoki) ochiq maydonchalarga egalik qilish uning asosida amalga oshirilsa, ijara shartnomasi uzaytirilganligi toʻgʻrisida tegishli hujjatlarni taqdim etgan holda, xabardor qilish;
bojxona organini taʼsis hujjatlariga oʻzgartirish va qoʻshimchalar kiritilganligi, bojxona omboriga kirishga ruxsati boʻlgan oʻz xodimlari roʻyxatiga oʻzgartirish va qoʻshimchalar kiritilganligi toʻgʻrisida oʻz vaqtida xabardor qilish;
litsenziya bekor qilingan yoki uning amal qilishi toʻxtatilgan taqdirda, yoxud bojxona ombori tugatilgan taqdirda bu haqda litsenziyalovchi organni xabardor qilish, tovarlarning saqlanishini taʼminlash, bojxona ombori tugatilishi tartib-qoidasini bajarish va Oʻzbekiston Respublikasi Bojxona kodeksining 59-moddasida belgilangan muddatlarda omborda saqlanayotgan tovarlar chiqarilishi chora-tadbirlarini koʻrish;
LexUZ sharhiOʻzbekiston Respublikasi bojxona organlarining qonuniy talablarini bajarish, shu jumladan bojxona organlari mansabdor shaxslarining tovarlar saqlanayotgan bojxona omboriga kirishini taʼminlash;
bojxona nazorati va bojxona rasmiylashtiruvini amalga oshirish uchun bojxona omboridagi jihozlangan binolar va aloqa vositalarini bojxona organlari xodimlariga bepul taqdim etish.
32. Bojxona omborining egasi bojxona organini bojxona ombori ochilishi muddati toʻgʻrisida oldindan xabardor qiladi. Tovarlarning bojxona rasmiylashtiruvi va ularning keyinchalik bojxona omboriga joylashtirilishiga bunday bildirishnoma olingandan keyin yoʻl qoʻyiladi.
33. Vaqtinchalik saqlash ombori egasining tovarlarni saqlash uchun joylashtiruvchi shaxslar bilan munosabatlari shartnoma asosida quriladi.
34. Davlat bojxona qoʻmitasining normativ-huquqiy hujjatlari bilan bojxona ombori egasining tarkibiy boʻlinma faoliyatini amalga oshirishiga qoʻyiladigan talablar va uning tartibi nazarda tutilishi mumkin, litsenziya talablari va shartlari tarkibiy boʻlinmaga ham tatbiq etiladi.
IV. Bojxona ombori faoliyatini amalga oshirishga litsenziya olish uchun zarur hujjatlar
35. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:
yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami koʻrsatilgan litsenziya berish toʻgʻrisidagi ariza;
LexUZ sharhiOldingi tahrirga qarang.
(35-bandning uchinchi xatboshiOʻzbekiston Respublikasi Vazirlar Mahkamasining 2016-yil 20-iyundagi 211-sonli qaroriga asosan oʻz kuchini yoʻqotgan — OʻR QHT, 2016-y., 25-son, 308-modda)
Oldingi tahrirga qarang.
(35-bandning toʻrtinchi xatboshisi Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qaroriga asosan chiqarilgan — OʻR QHT, 2015-y., 1-son, 9-modda)
bojxona omborining turi toʻgʻrisidagi maʼlumotlar (yopiq turdagi ombor uchun shuningdek bunday turdagi ombor tanlanishining zarurligi va maqsadga muvofiqligi asoslanishi kerak);
ariza beruvchining egaligida boʻlgan va bojxona ombori sifatida foydalanish uchun moʻljallangan binolar va (yoki) ochiq maydonchalar, ular joylashgan joy, ularning jihozlanishi, asbob-uskunalar bilan taʼminlanishi va moddiy-texnik jihozlanishi toʻgʻrisidagi maʼlumotlar;
avtomobil va temir yoʻllar koʻrsatilgan holda bojxona ombori uchun moʻljallangan hudud va binolarning tarhi va chizmasi;
talabgorning bojxona omboriga kirishga ruxsat berilgan xodimlaridan boʻlgan shaxslarning roʻyxati (familiyasi, ismi va otasining ismi hamda lavozimi koʻrsatilgan holda);
davlat yongʻin nazorati organlarining bojxona ombori hududi va binolarining yongʻin xavfsizligi talablariga muvofiqligi toʻgʻrisidagi xulosasi;
davlat sanitariya nazorati organlarining bojxona ombori hududi va binolarining ariza berilgan tovarlarni, shu jumladan oziq-ovqat tovarlarini — litsenziat bunday tovarlarni saqlash niyatida boʻlsa — saqlash uchun zarur shart-sharoitlarga muvofiqligi toʻgʻrisidagi xulosasi;
bojxona omborida saqlash moʻljallanayotgan tovarlar roʻyxati;
Oʻzbekiston Respublikasi Bojxona kodeksining 111-moddasiga muvofiq bojxona toʻlovlari toʻlash taʼminlanganligini tasdiqlovchi hujjat;
LexUZ sharhiOldingi tahrirga qarang.
(35-bandning oʻn uchinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan chiqarilgan — OʻR QHT, 2014-y., 31-son, 380-modda)
Bojxona ombori sifatida foydalanish moʻljallangan har bir hududiy alohida binoga va (yoki) har bir hududiy alohida ochiq maydonchaga alohida ariza taqdim etiladi.
Litsenziya talabgoridan ushbu Nizomda nazarda tutilmagan hujjatlarni taqdim etishni talab qilishga yoʻl qoʻyilmaydi.
Litsenziyalovchi organ litsenziya berish uchun boshqa vakolatli organlarda mavjud boʻlgan zarur hujjatlar va axborotlarni belgilangan tartibda oʻzaro axborot hamkorligi yoʻli bilan, shu jumladan elektron tarzda mustaqil ravishda oladi, ushbu bandda nazarda tutilgan hujjatlar va axborotlar bundan mustasno;
(35-band Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qaroriga asosan xatboshi bilan toʻldirilgan — OʻR QHT, 2015-y., 1-son, 9-modda)
36. Hujjatlar litsenziyalovchi organga litsenziya talabgori tomonidan bevosita yoxud ularning olinganligi toʻgʻrisidagi bildirishnoma bilan pochta aloqasi vositasi orqali yetkazib beriladi.
LexUZ sharhi37. Hujjatlar litsenziyalovchi organning masʼul shaxsi tomonidan roʻyxat boʻyicha qabul qilinadi, roʻyxatning nusxasi hujjatlar qabul qilib olingan sana toʻgʻrisida belgi qoʻyilgan holda ariza beruvchiga yuboriladi (topshiriladi).
38. Ishonchli boʻlmagan yoki buzilgan maʼlumotlar taqdim etilganligi uchun litsenziya talabgori qonun hujjatlariga muvofiq javob beradi.
V. Arizani koʻrib chiqish va litsenziya berish yoki litsenziya berishni rad etish toʻgʻrisida qaror qabul qilish
39. Litsenziya berish mazkur Nizomga ilova qilinayotgan sxemaga muvofiq amalga oshiriladi.
40. Litsenziya berish toʻgʻrisidagi ariza koʻrib chiqilganligi uchun yigʻim undirilmaydi.
(40-band Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
41. Litsenziya berish yoki litsenziya berishni rad etish toʻgʻrisidagi qaror barcha zarur hujjatlar bilan birgalikda litsenziya talabgorining arizasi olingan kundan boshlab oʻttiz kundan ortiq boʻlmagan muddatda qabul qilinadi.
42. Litsenziya berish, litsenziyalarning amal qilish muddatini uzaytirish toʻgʻrisidagi hujjatlarni koʻrib chiqish, ular boʻyicha xulosalar tayyorlash uchun litsenziyalovchi organda ekspert komissiyasi tashkil etiladi. Ekspert komissiyasining tarkibi va u toʻgʻrisidagi nizom litsenziyalovchi organ tomonidan tasdiqlanadi.
43. Litsenziya talabgorining arizasi barcha zarur hujjatlar bilan birgalikda ular qabul qilingan kunda koʻrib chiqish uchun ekspert komissiyasiga kiritiladi.
Ekspert komissiyasi yigirma kundan ortiq boʻlmagan muddatda taqdim etilgan hujjatlarni koʻrib chiqadi va ular boʻyicha litsenziya berish yoki litsenziya berishni rad etish toʻgʻrisida ekspert xulosasi tayyorlaydi.
44. Litsenziyalovchi organ besh kun muddatda ekspert komissiyasi xulosasi asosida litsenziya berish yoki litsenziya berishni rad etish toʻgʻrisida qaror qabul qiladi.
Litsenziyalovchi organ litsenziya talabgorini qabul qilingan qaror toʻgʻrisida tegishli qaror qabul qilingandan keyin uch kun mobaynida xabardor qiladi.
Litsenziya berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari va davlat boji toʻlash muddati koʻrsatilgan holda yozma shaklda yuboriladi (topshiriladi).
LexUZ sharhi45. Litsenziya maxsus blankada rasmiylashtiriladi va unda quyidagilar boʻlishi kerak:
bojxona ombori egasining nomi, uning tashkiliy-huquqiy shakli va joylashgan joyi koʻrsatilishi kerak;
bojxona ombori sifatida foydalaniladigan binolar va (yoki) ochiq maydonchalarga egalik huquqi toʻgʻrisidagi maʼlumotlar;
bojxona toʻlovlari miqdorlari va ularni toʻlashni taʼminlash shakli toʻgʻrisidagi maʼlumotlar;
bojxona omborining turi;
bojxona ombori joylashgan joy;
bojxona nazoratini amalga oshirish uchun zarur boʻlgan va Oʻzbekiston Respublikasi qonun hujjatlarida belgilanadigan boshqa maʼlumotlar.
Blankalar namunasi Oʻzbekiston Respublikasi Vazirlar Mahkamasining 2000-yil 20-dekabrdagi 488-son qaroriga muvofiq Oʻzbekiston Respublikasi Davlat bojxona qoʻmitasi tomonidan tasdiqlanadi.
Litsenziyalar blankalari qatʼiy hisobot beriladigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziya blankalari litsenziyalovchi organning buyurtmasi boʻyicha “Davlat belgisi” davlat-ishlab chiqarish birlashmasida bosmaxona usulida tayyorlanadi.
46. Litsenziyalar litsenziya talabgori tomonidan davlat boji toʻlanganini tasdiqlovchi hujjat taqdim etilgandan keyin uch kun muddatda rasmiylashtiriladi va beriladi.
47. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etmasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.
48. Litsenziya berish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.
Boshqa asoslar boʻyicha, shu jumladan litsenziya berish maqsadga muvofiq emasligi sababi bilan litsenziya berish rad etilishiga yoʻl qoʻyilmaydi.
49. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
(49-band Oʻzbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — OʻR QHT, 2012-y., 6-son, 57-modda)
LexUZ sharhi50. Litsenziya berishni rad etish uchun asos boʻlgan sabablar litsenziya talabgori tomonidan bartaraf etilgan taqdirda, hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.
Bunda takroran taqdim etilgan hujjatlar ekspert komissiyasining koʻrib chiqishi uchun ular qabul qilgan kunda kiritiladi.
Ekspert komissiyasi olti kundan ortiq boʻlmagan muddatda taqdim etilgan hujjatlarni takroran koʻrib chiqadi va ular boʻyicha litsenziya berish yoki litsenziya berishni rad etish toʻgʻrisida ekspert xulosasi tayyorlaydi.
Litsenziyalovchi organ toʻrt kun muddatda ekspert komissiyasining xulosasi asosida litsenziya berish yoki litsenziya berishni rad etish toʻgʻrisida qaror qabul qiladi.
51. Litsenziya talabgorining arizasi qayta koʻrib chiqilganligi uchun yigʻim undirilmaydi.
Litsenziya talabgorining arizasini qayta koʻrib chiqishda ilgari litsenziya berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi;
Litsenziya berishni rad etish toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
(51-band Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — OʻR QHT, 2012-y., 44-son, 507-modda)
VI. Litsenziyani qayta rasmiylashtirish, uning amal qilish muddatini uzaytirish, dublikat berish
52. Litsenziat oʻzgartirilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyxatdan oʻtkazilgandan keyin bir oy muddatda litsenziyalovchi organga koʻrsatib oʻtilgan maʼlumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.
(52-band Oʻzbekiston Respublikasi Vazirlar Mahkamasining 2018-yil 29-oktabrdagi 884-sonli qarori tahririda — Qonun hujjatlari maʼlumotlari milliy bazasi, 30.10.2018-y., 09/18/884/2128-son)
Yangidan vujudga kelgan yuridik shaxsni davlat roʻyxatidan oʻtkazish sanasida bojxona ombori faoliyatini amalga oshirish huquqini beruvchi litsenziyaga ega boʻlgan litsenziatlar qoʻshib yuborilgan taqdirda, litsenziyani ushbu bandning birinchi xatboshida nazarda tutilgan tartibda qayta rasmiylashtirishga yoʻl qoʻyiladi.
(52-band Oʻzbekiston Respublikasi Vazirlar Mahkamasining 2018-yil 29-oktabrdagi 884-sonli qaroriga asosan xatboshi bilan toʻldirilgan — Qonun hujjatlari maʼlumotlari milliy bazasi, 30.10.2018-y., 09/18/884/2128-son)
53. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.
54. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyani qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.
Qayta rasmiylashtirilgan litsenziyaning asl nusxasi litsenziyalovchi organ tomonidan litsenziatga oldingi litsenziyaning asl nusxasi olib qoʻyilgan holda beriladi. Eski nusxa litsenziya berish toʻgʻrisidagi arizaga tikib qoʻyiladi va litsenziyalovchi organda saqlanadi.
Litsenziyalarni qayta rasmiylashtirishda yigʻim undirilmaydi.
(54-bandning uchinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
55. Litsenziyaning amal qilish muddatini uzaytirish litsenziatning arizasiga koʻra amalga oshiriladi. Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati oʻtgunga qadar ikki oydan kechikmay berilishi kerak. Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.
56. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra dublikat berilishi mumkin.
Litsenziya dublikatini berishda yigʻim undirilmaydi.
(56-bandning ikkinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
VII. Litsenziya talablari va shartlariga rioya etilishini nazorat qilish
57. Litsenziat tomonidan litsenziya talablari va shartlariga rioya etilishi qonun hujjatlarida belgilangan tartibda litsenziyalovchi organ tomonidan nazorat qilinadi.
58. Litsenziya talablari va shartlariga rioya etilishi ustidan nazoratni amalga oshirishda litsenziyalovchi organ oʻz vakolatlari doirasida:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi holatlar mavjud boʻlgan taqdirda litsenziatning ularga rioya etishini qonunda belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur axborotni soʻrash va olish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini koʻrsatgan holda dalolatnomalar (maʼlumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
Oldingi tahrirga qarang.
litsenziyaning amal qilishini toʻxtatib turish, toʻxtatish yoki litsenziyani bekor qilish toʻgʻrisida qonun hujjatlarida belgilangan tartibda qaror chiqarish yoki sudga murojaat qilish.
(58-bandning yettinchi xatboshisi Oʻzbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — Oʻzbekiston Respublikasi Qonun hujjatlari toʻplami, 2006-y., 46-47-son, 458-modda)
59. Litsenziya talablari va shartlariga rioya etilishini tekshirish chogʻida litsenziyalovchi organning mansabdor shaxslari tomonidan ikki nusxada dalolatnoma tuziladi, uning bir nusxasi litsenziatda qoladi.
VIII. Litsenziyaning amal qilishini toʻxtatib turish, toʻxtatish, litsenziyani bekor qilish
60. Litsenziyaning amal qilishini toʻxtatib turish, toʻxtatish va litsenziyani bekor qilish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 22—24-moddalarida nazarda tutilgan hollarda va tartibda Komissiya qaroriga koʻra amalga oshiriladi.
61. Litsenziyaning amal qilish muddati toʻxtatib turilishi yoki bojxona omborining tugatilishi toʻgʻrisida qaror qabul qilingan sanadan boshlab bojxona omboriga tovarlarning yangi turkumlarini joylashtirishga yoʻl qoʻyilmaydi.
62. Bojxona omborini tugatish toʻgʻrisida qaror qabul qilgan sanadan boshlab bojxona omborining bojxona rejimi ostida joylashtirilgan va bunday omborda saqlanayotgan tovarlar vaqtincha saqlanayotgan tovarlar sifatida qaraladi.
Tugatilayotgan bojxona omborida tovarlar va transport vositalarining vaqtincha saqlash rejimida boʻlishining umumiy muddati ikki oydan ortiq boʻlishi mumkin emas.
63. Bojxona omborining egasi litsenziyalovchi organning litsenziyaning amal qilishi toʻxtatilishi yoki uning bekor qilinishi toʻgʻrisidagi qarori olingan sanadan boshlab uch kun muddatda litsenziyalovchi organga litsenziyaning bekor qilinishi yoki amal qilishining toʻxtatilishi kunida tugatilayotgan bojxona omborida saqlanayotgan tovarlar toʻgʻrisida toʻliq hisobot taqdim etadi.
64. Litsenziyalovchi organ litsenziyaning amal qilishini toʻxtatish yoki uni bekor qilish toʻgʻrisida qaror qabul qilingan sanadan boshlab yetti kun muddatdan kechikmay tugatilayotgan bojxona omborida saqlanayotgan tovarlarni xatlovdan oʻtkazadi.
65. Bojxona ombori tugatilgan taqdirda bojxona omborining bojxona rejimi ostida joylashtirilgan va bojxona omboridagi tovarlar tovarni bojxona omboriga joylashtirgan shaxs, yoxud uning vakolatli shaxsi tomonidan tanlangan bojxona rejimiga muvofiq:
litsenziya bekor qilinganda — tovarlar omborlarga joylashtirilgan sanadan boshlab;
boshqa hollarda — tugatish toʻgʻrisida qaror qabul qilingan sanadan boshlab takroran bojxona rasmiylashtiruvidan oʻtishi kerak.
66. Litsenziya bekor qilinganligi munosabati bilan bojxona ombori tugatilgan taqdirda uning egasi tovarlar saqlash uchun joylashtirilgan sanadan boshlab tovarlar tugatilayotgan bojxona omborida boʻlgan butun davr uchun Oʻzbekiston Respublikasi bojxona organlari tomonidan taʼsis etilgan omborlar uchun belgilangan miqdorlarda tovarlar saqlanganligi uchun yigʻim toʻlaydi.
67. Tovarlarni vaqtincha saqlash Oʻzbekiston Respublikasining bojxona toʻgʻrisidagi qonun hujjatlariga muvofiq amalga oshiriladi.
Vaqtincha saqlanayotgan tovarlar hisobi tovarlar ularga muvofiq bojxona omborining bojxona rejimi ostida joylashtirilgan bojxona yuk deklaratsiyalaridan foydalanilgan holda amalga oshiriladi.
68. Litsenziyalovchi organning litsenziyaning amal qilishini toʻxtatib turish, toʻxtatish va litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishi toʻxtatib turilishi, toʻxtatilishi va litsenziyaning bekor qilinishi asossiz ekanligi sud tomonidan eʼtirof etilgan taqdirda, litsenziyalovchi organ litsenziat oldida litsenziat koʻrgan zarar miqdorida javob beradi.
IX. Litsenziyalar reyestri
69. Litsenziyalovchi organ bojxona omborlari egalari reyestrini yuritadi.
Litsenziyalar reyestrida litsenziatlar toʻgʻrisidagi quyidagi asosiy maʼlumotlar koʻrsatilishi kerak:
nomi, tashkiliy-huquqiy shakli, pochta manzili;
litsenziyalarning berilgan sanasi va tartib raqami;
litsenziyalarning amal qilish muddati;
litsenziyalarni qayta rasmiylashtirish, ularning amal qilishini toʻxtatib turish va tiklashning asoslari va sanasi;
litsenziyalarning amal qilishini toʻxtatish asoslari va sanasi;
litsenziyalarni bekor qilishning asoslari va sanasi;
dublikat berish asoslari va sanasi.
Egasi bojxona organlari hisoblangan bojxona omborlari Bojxona omborlari egalari reyestriga kiritilmaydi.
70. Oʻzbekiston Respublikasi Davlat bojxona qoʻmitasi olti oyda kamida bir marta bojxona organlarining rasmiy nashrlarida Bojxona omborlari egalari reyestri, egasi bojxona organlari hisoblangan bojxona omborlari roʻyxati, shuningdek Reyestrga va roʻyxatga kiritilayotgan oʻzgartirishlar eʼlon qilinishini taʼminlaydi.
71. Litsenziyalarning reyestrlarida mavjud boʻlgan maʼlumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.
(71-band Oʻzbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — OʻR QHT, 2012-y., 6-son, 57-modda)
Oldingi tahrirga qarang.
(72-band Oʻzbekiston Respublikasi Vazirlar Mahkamasining 2012-yil 1-fevraldagi 26-sonli qaroriga asosan oʻz kuchini yoʻqotgan — OʻR QHT, 2012-y., 6-son, 57-modda)
X. Davlat bojini toʻlash tartibi
73. Litsenziya berilganligi va uning amal qilish muddati uzaytirilganligi uchun eng kam oylik ish haqining besh baravari miqdorida davlat boji undiriladi va u davlat budjetiga oʻtkaziladi.
Oldingi tahrirga qarang.
(74-band Oʻzbekiston Respublikasi Vazirlar Mahkamasining 2006-yil 22-maydagi 92-son qaroriga muvofiq oʻz kuchini yoʻqotgan — Oʻzbekiston Respublikasi Qonun hujjatlari toʻplami, 2006-y., 20-21-son, 181-modda)
XI. Bojxona ombori egasining javobgarligi. Bojxona toʻlovlari toʻlanishini taʼminlash
75. Bojxona omborida tovarlar saqlanishi talablari va shartlariga rioya etilishi uchun bojxona omborining egasi tovar bojxona omborida saqlash uchun qabul qilib olingan paytdan boshlab javob beradi, bu omborxona hujjati (ombor guvohnomasi, tovarlarni qabul qilish-topshirish dalolatnomasi va hokazolar) rasmiylashtirilishi bilan tasdiqlanadi.
76. Oʻzbekiston Respublikasi Bojxona kodeksining 58-moddasiga muvofiq bojxona omborida saqlanayotgan tovarlarga nisbatan bojxona bojlari, soliqlar va boshqa bojxona toʻlovlari toʻlanishi uchun bojxona omborining egasi yoxud tovarlarni saqlash uchun bojxona omboriga joylashtirgan shaxs javob beradi.
LexUZ sharhi77. Bojxona ombori egasi tomonidan bojxona toʻlovlari toʻlanishini taʼminlash belgilangan talablarga muvofiq boʻlishi va quyidagi hollarda bojxona toʻlovlari toʻlanishi taʼminlanishini nazarda tutishi kerak:
bojxona organining ruxsatisiz berish yoki bojxona omborida saqlanayotgan tovarlarning yoʻqolishi;
litsenziyaning amal qilish muddati tamom boʻlgandan keyin, egasining xohishiga koʻra yoxud litsenziya bekor qilingach yoki litsenziyaning amal qilishi toʻxtatilgach bojxona omborining tugatilishi;
bojxona toʻlovlari toʻlanishi uchun bojxona ombori egasi javob beradigan, bojxona haqidagi qonun hujjatlarida nazarda tutiladigan boshqa hollarda.
78. Agar bojxona ombori sifatida ochiq maydoncha yoki bojxona ombori sifatida ariza beriladigan binoning hajmi (boshqa joy) haqida ariza berilsa, bojxona omborini taʼsis etish paytida bojxona toʻlovlari toʻlanishini taʼminlash summasi maydonchadan kelib chiqib hisoblab chiqiladi va 1 kv. m maydon uchun 5 eng kam oylik ish haqi miqdorida yoki 1 kub. m bino hajmi uchun 1 eng kam ish haqi miqdorida tegishlicha, biroq eng kam oylik ish haqining 2000 baravaridan kam boʻlmagan miqdor hisobida hisoblab chiqiladi.
Oldingi tahrirga qarang.
(78-bandning ikkinchi — beshinchi xatboshlari Oʻzbekiston Respublikasi Vazirlar Mahkamasining 2016-yil 20-iyundagi 211-sonli qaroriga asosan oʻz kuchini yoʻqotgan — OʻR QHT, 2016-y., 25-son, 308-modda)
79. Bojxona omborining egasi, agar tovarlar yengib boʻlmas kuch taʼsiri oqibatida yoki saqlash va sotishning normal sharoitlarida tabiiy kamayish tufayli yoʻq qilingan yoki qaytarib boʻlmaydigan tarzda qoʻldan ketgan taqdirdagina bojxona bojlari, soliqlar toʻlanishi uchun javob bermaydi.
Bojxona ombori faoliyatini litsenziyalash
sxemasi
Erkin ombor faoliyatini litsenziyalash toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasi Davlat bojxona kodeksining 54—59, 65, 69, 70—72-moddalariga va “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga muvofiq ishlab chiqilgan va erkin ombor faoliyatini litsenziyalash tartibini belgilaydi.
LexUZ sharhi2. Erkin ombor — maxsus jihozlangan va belgilangan joy boʻlib, binolarning hududini va (yoki) ochiq maydonchalarni oʻz ichiga oladi hamda tovarlarni erkin ombor rejimida bojxona nazorati ostida saqlashga moʻljallangan.
3. Oʻzbekiston Respublikasidan olib chiqish va Oʻzbekiston Respublikasiga olib kirish taqiqlangan tovarlarni erkin omborda saqlashga ruxsat berilmaydi.
4. Erkin omborning normal faoliyat koʻrsatishini taʼminlash uchun foydalaniladigan tovarlar (masalan, ortish-tushirish texnikasi, sovutish uskunasi, kompyuter texnikasi, maxsus kiyim-bosh va hokazolar) bojxona rejimi ostida joylashtirilmaydi.
5. Erkin omborlarda tovarlar bilan ishlab chiqarish operatsiyalari va boshqa tijorat operatsiyalari amalga oshirilishiga yoʻl qoʻyiladi, ularni chakana sotish bundan mustasno.
6. Erkin omborda saqlanayotgan tovarlarning bojxona rasmiylashtiruvi ariza berilgan bojxona rejimlariga muvofiq tegishli bojxona rejimlari uchun Oʻzbekiston Respublikasi qonun hujjatlarida belgilangan tartibda amalga oshiriladi.
Erkin omborda saqlashni nazarda tutmaydigan oʻzgacha bojxona rejimi ostida ariza berilgan tovarlarni erkin ombordan amalda olib chiqish tanlangan bojxona rejimiga muvofiq bunday tovarlar chiqarilishi paytidan boshlab uch kundan kechikmay amalga oshirilishi kerak.
7. Erkin ombor faoliyatini amalga oshirish uchun litsenziya (keyingi oʻrinlarda “litsenziya” deb yuritiladi) Oʻzbekiston Respublikasi Davlat bojxona qoʻmitasi (keyingi oʻrinlarda “litsenziyalovchi organ” deb yuritiladi) tomonidan erkin omborning egasi, hududi va binolari mazkur Nizom talablari va shartlariga muvofiq boʻlishi va ularni qondirishi sharti bilan egaligida ombor hududi, shuningdek erkin ombor sifatida foydalanish moʻljallanayotgan ombor va yordamchi binolar boʻlgan Oʻzbekiston Respublikasining yuridik shaxsiga besh yilga beriladi.
Oldingi tahrirga qarang.
(7-bandning ikkinchi xatboshisi Oʻzbekiston Respublikasi Vazirlar Mahkamasining 2006-yil 22-maydagi 92-son qaroriga muvofiq oʻz kuchini yoʻqotgan — Oʻzbekiston Respublikasi Qonun hujjatlari toʻplami, 2006-y., 20-21-son, 181-modda)
8. Erkin ombor faoliyatini amalga oshirishga namunaviy (oddiy) litsenziya beriladi.
9. Litsenziyani yoki u boʻyicha huquqlarni boshqa shaxslarga berish taqiqlanadi.
II. Erkin ombor joylashgan joyga, uning jihozlanishiga va asbob-uskunalariga qoʻyiladigan talablar
10. Erkin ombor hududi bojxona nazorati zonasi hisoblanadi.
Erkin ombor hududiga mazkur Nizomning 18-bandida belgilangan tartibda qoʻriqlanadigan va belgilangan tovarlarni bojxona nazorati ostida yetkazib berishni tugallash uchun zarur boʻlgan vaqtda tovarlarni tashiyotgan transport vositalari toʻxtab turishi uchun jihozlangan hudud tutashib ketishi kerak. Koʻrsatib oʻtilgan hudud, shuningdek, bojxona nazorati zonasi ham hisoblanadi. Bojxona nazorati ostidagi tovarlarni tashiydigan transport vositalari bojxona nazoratining koʻrsatib oʻtilgan zonasiga sutkaning istalgan vaqtida kirishi mumkin.
Erkin omborlar imkoni boricha transport uzellari va transport magistrallarining yaqinida joylashishi kerak.
11. Erkin ombor sifatida foydalanish moʻljallangan binolar va (yoki) ochiq maydonchalar saqlanayotgan tovarlar va transport vositalariga nisbatan bojxona nazorati amalga oshirilishi, ularning saqlanishi taʼminlanadigan tarzda joylashtirilishi, jihozlanishi va asbob-uskunalar bilan taʼminlanishi kerak hamda quyidagilarni istisno etishi lozim:
erkin ombor hududiga va tovarlarga begona shaxslarning (ombor xodimlari boʻlmagan, tovarlarga nisbatan vakolatlarga ega boʻlmagan shaxslarning) yaqinlashishi,
tovarlarning bojxona nazoratidan tashqariga tushirilishi va olib qoʻyilishi.
Erkin ombor binosi eshigi ikkita qulf bilan qulflanishi, ulardan biri bojxona organi ixtiyorida boʻlishi kerak.
Agar binoning yoki inshootning bir qismi erkin ombor hisoblansa, unga borish yoʻllarining asbob-uskunalari va jihozlariga hamda tutashib ketadigan tushirish maydonchalari bojxona nazorati ostidagi tovarlarga begona shaxslarning yaqinlashishini istisno etishi kerak.
12. Erkin ombor hududi va binolari maydoni mazkur Nizomda nazarda tutilgan talablar hisobga olingan holda erkin omborning normal faoliyat koʻrsatishi uchun yetarli boʻlishi kerak.
13. Erkin ombor binolari:
er ustidagi imoratlarda yoki inshootlarda joylashtirilishi;
Oʻzbekiston Respublikasi qonun hujjatlarida belgilangan texnik, sanitariya, yongʻinga qarshi va boshqa talablarga javob berishi;
qoʻriqlash va yongʻin nazorati signalizatsiyalari bilan jihozlangan boʻlishi;
yongʻin xavfsizligining tegishli talablariga muvofiq yongʻinni oʻchirish tizimi va vositalariga ega boʻlishi kerak.
14. Boshqa tovarlarga zarar yetkazishi mumkin boʻlgan yoki alohida shart-sharoitlarda saqlanishi talab etiladigan tovarlar omborlarda yoki erkin omborning bir qismi hisoblangan va bunday tovarlarni saqlash uchun maxsus moslashtirilgan alohida binolarda Oʻzbekiston Respublikasi qonun hujjatlariga muvofiq belgilangan majburiy talablarga rioya qilingan holda saqlanishi kerak.
15. Erkin omborning egasi:
erkin omborning umumiy maydonini, yaʼni faqat vaqtincha saqlash bojxona rejimi va erkin omborning bojxona rejimi ostida joylashtirilgan tovarlarni va ularga nisbatan erkin omborning bojxona rejimi boshqa rejimga oʻzgartirilgan tovarlarni saqlash uchun bevosita moʻljallangan va foydalaniladigan maydonni;
tovarlarni tashuvchi transport vositalariga tovarlar ortiladigan va tushiriladigan uchastkada erkin omborga tutashib ketadigan erkin ombor va/yoki tutashib ketadigan erkin ombor atrofida joylashgan hududni (keyingi oʻrinlarda “erkin omborga bevosita tutashib ketgan hudud” deb yuritiladi);
bojxona omborida tovarni saqlash moʻljallangan tovarlar nomenklaturasini belgilaydi.
16. Bitta yuk bojxona deklaratsiyasi boʻyicha erkin omborga joylashtirilgan tovarlarni yoki bitta yuk bojxona deklaratsiyasi boʻyicha boshqacha bojxona rejimi ostida joylashtirishga ariza berilgan tovarlarni (erkin ombordan tovarlarni chiqarishda) saqlash uchun erkin ombor egasi tomonidan erkin ombor maydonining bir qismi maxsus ajratiladi va belgilanadi (keyingi oʻrinlarda “ombor oʻrni” deb yuritiladi).
17. Erkin ombor hududi va binosi mazkur Nizomning 19-bandiga muvofiq:
ularga nisbatan erkin omborning bojxona rejimi tugallangan va erkin ombordan olib chiqish moʻljallangan tovarlarni;
eksportning bojxona rejimiga muvofiq olib chiqish moʻljallangan tovarlarni saqlash uchun maxsus ajratilgan, toʻsib qoʻyilgan va tegishli ravishda belgilangan maydonlarga (zonalarga) ega boʻlishi kerak.
Zonalar tovarni bir zonadan boshqa zonaga oʻtkazishga toʻsqinlik qiluvchi yaxlit yoki toʻrsimon toʻsiqlar bilan ajratilishi, bunday zonalarga kirish esa (eshiklar, darvoza) mustaqil (alohida) boʻlishi mumkin. Erkin omborni zonalarga ajratish usuli va ushbu zonalarga kirish alohidaligi, mustaqilligi toʻgʻrisidagi qarorni litsenziyalovchi organ erkin omborda saqlashga moʻljallangan tovarlar nomenklaturasidan kelib chiqib qabul qiladi.
18. Erkin omborga bevosita tutashib ketgan va bojxona nazorati zonasi hisoblangan hudud quyidagi talablarga muvofiq boʻlishi kerak:
bojxona omboriga tutashib ketgan butun hudud perimetri boʻyicha maxsus belgilangan (toʻsilgan);
ichkarisida erkin omborning bir qismi hisoblanmagan oʻzga imoratlar va inshootlarga ega boʻlmasligi;
koʻp yuk koʻtaradigan transportning manyovr qilishi imkoniyatini taʼminlashi;
eshik oʻrni tomonidan erkin ombor imoratiga bevosita tutashib ketgan boʻlishi;
oʻzbek, rus va ingliz tillarida “bojxona nazorati zonasi” degan belgi qoʻyilgan boʻlishi kerak.
19. Erkin ombor va bojxona nazorati zonasi hisoblangan, erkin omborga bevosita tutashib ketgan hudud:
umumiy perimetr boʻyicha bir-biridan ajratilmagan;
yaxlit toʻsiqlar bilan aylantirib toʻsilgan va barcha chiqish (kirish) va/yoki chiqish (kirish)ning joylarida oʻzbek, rus va ingliz tillarida “erkin ombor” belgisi qoʻyilgan holda nazorat-oʻtkazish punktlariga ega boʻlishi kerak.
20. Erkin ombor doimiy ravishda soz, ishlash holatida va uning normal faoliyat koʻrsatish uchun yetarlicha boʻlgan va quyidagilarni oʻz ichiga oluvchi jihozlarga:
ortish-tushirish va transport vositalariga;
ombor asbob-uskunalariga;
aniqligi va oʻlchash chegaralari erkin omborda saqlash moʻljallanayotgan tovarlarning xususiyatiga muvofiq boʻlgan tovarlarning ogʻirligini tortish vositalariga;
aloqa vositalariga (shu jumladan telefon, faks);
tashkiliy texnikaga;
mebelga;
agar bu uning normal faoliyat koʻrsatishi uchun zarur boʻlsa, asbob-uskunalarning boshqa turlariga ega boʻlishi kerak.
21. Erkin omborga joylashtirilgan tovarlar ustidan bojxona nazoratini taʼminlash uchun litsenziyalovchi organ saqlashga moʻljallanayotgan tovarlarning xususiyatini, shuningdek erkin omborni taʼsis etish uchun moʻljallanayotgan binoning (binolarning yoki boshqa joyning) joylashishini hisobga olgan holda erkin ombor va unga bevosita tutashib ketgan hududning joylashishi, ajratilishi yoki jihozlanishiga aniq talablar qoʻyishga haqlidir.
22. Erkin omborda va bojxona nazorati zonalari hisoblangan erkin omborga bevosita tutashib ketuvchi hududda har qanday turdagi chiqindilar yoki boshqa maishiy axlat toʻplanishi mumkin emas.
23. Bojxona organi xodimlari uchun bojxona nazoratini va bojxona rasmiylashtiruvini amalga oshirish uchun zarur boʻlgan jihozlangan binolar, aloqa vositalari ajratilishi kerak.
24. Erkin omborni taʼsis etish va uning faoliyat koʻrsatishi Oʻzbekiston Respublikasining atrof tabiiy muhitni muhofaza qilish toʻgʻrisidagi qonun hujjatlari talablariga rioya qilingan holda amalga oshirilishi kerak.
25. Erkin omborni asbob-uskunalar bilan qoʻshimcha ravishda taʼminlash (qoʻshimcha ravishda jihozlash), tartibni saqlash hamda qoʻriqlash va oʻtkazish rejimini taʼminlash litsenziyalovchi organ bilan kelishgan holda erkin omborning egasi tomonidan va uning hisobiga amalga oshiriladi.
26. Mazkur Nizomning 19—21-bandlarida belgilangan talablar erkin omborni taʼsis etish uchun berilgan arizani koʻrib chiqish bosqichida bojxona organi tomonidan belgilanishi va erkin ombordan foydalanish tartib-qoidasida aks ettirilishi kerak.
III. Erkin omborning egasiga qoʻyiladigan talablar
27. Oʻzbekiston Respublikasining yuridik shaxsi erkin omborning egasi boʻlishi mumkin.
28. Erkin omborning egasi quyidagilarga majburdir:
erkin omborning bojxona rejimi shartlariga muvofiq bojxona nazorati ostida tovarlar saqlanishini tartibga soluvchi qonun hujjatlariga rioya qilish;
berilgan litsenziya shartlariga, shu jumladan uning erkin omborni jihozlash va uni asbob-uskunalar bilan taʼminlash talablariga oid qismiga rioya qilish;
erkin ombor sifatida foydalanish uchun moʻljallangan va belgilangan talablarga javob beradigan binolar va (yoki) ochiq maydonchalarga egalik qilish (oʻz mulkida boʻlishi yoki xoʻjalik yuritishida, operativ boshqaruvida boʻlishi va ijaraga olgan boʻlishi). Agar xonalarga va (yoki) ochiq maydonchalarga egalik qilish ijara shartnomasi asosida amalga oshirilsa, u holda bunday shartnomaning amal qilish muddati litsenziya berish toʻgʻrisida ariza berilgan sanadan boshlab bir yildan kam boʻlmasligi kerak;
(28-bandning toʻrtinchi xatboshisi Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qarori tahririda — OʻR QHT, 2015-y., 1-son, 9-modda)
Oʻzbekiston Respublikasi Bojxona kodeksining 111-moddasiga muvofiq bojxona toʻlovlari toʻlanishini taʼminlash;
LexUZ sharhimazkur Nizomning 3-boʻlimida belgilangan talablarga rioya etilishini taʼminlash;
erkin omborga joylashtirilgan tovarlarni faqat erkin ombor hududida va ombor binolarida saqlash;
erkin omborga joylashtiriladigan tovarlardan erkin ombor bojxona rejimiga muvofiq koʻrsatib oʻtilgan tovarlarni saqlash va ular bilan operatsiyalar sodir etishdan boshqa maqsadlarda foydalanilishi imkoniyatini istisno etish;
bojxona nazoratini amalga oshirishda bojxona organlari xodimlariga yordam berish;
erkin omborga tushuvchi va erkin ombordan olib chiqiluvchi tovarlar hisobini yuritish (shu jumladan avtomatlashtirilgan hisobini yuritish) va Oʻzbekiston Respublikasi Davlat bojxona qoʻmitasi tomonidan belgilangan tartibda bojxona organlariga ushbu tovarlar toʻgʻrisida hisobot taqdim etish;
bojxona organining talabi boʻyicha erkin ombordagi tovarlarni bojxona organining mansabdor shaxsi ishtirokida xatlovdan oʻtkazish;
sanitariya qoidalariga, omborga joylashtirish normalariga, tovarlarning yonma-yon qoʻyilishi qoidalariga va saqlash rejimiga, davlat standartlarining majburiy talablariga rioya qilish, Oʻzbekiston Respublikasining bojxona ishi sohasidagi munosabatlarni tartibga soluvchi qonun hujjatlarida belgilangan boshqa talablar va shartlarni bajarish;
erkin bojxona zonasi va erkin omborning bojxona rejimi amal qilishi tugallangandan keyin ahamiyatli boʻlishi mumkin boʻlgan erkin omborda saqlanayotgan tovarlar bilan yuz bergan oʻzgarishlar toʻgʻrisida bojxona organiga imkoni boricha qisqa muddatlarda maʼlum qilish;
erkin omborda saqlanayotgan tovarlar bilan amalga oshirilishi moʻljallanayotgan operatsiyalar toʻgʻrisida bojxona organini barvaqt xabardor qilish va bojxona organining yozma ruxsatnomasisiz bunday operatsiyalar sodir etilishiga yoʻl qoʻymaslik;
mazkur Nizomning 73-bandida nazarda tutilgan hollarda bojxona bojlari toʻlovlari toʻlash;
erkin ombor hududini va binolarini hamda erkin omborga bevosita tutashib ketuvchi hududni ijaraga olish muddati tamom boʻlishidan ikki oy oldin bojxona organini, agar binolarni va (yoki) ochiq maydonchalarga egalik qilish uning asosida amalga oshirilsa, ijara shartnomasi uzaytirilganligi toʻgʻrisida tegishli hujjatlarni taqdim etgan holda, xabardor qilish;
bojxona organini taʼsis hujjatlariga oʻzgartirish va qoʻshimchalar kiritilganligi, erkin omborga kirishga ruxsati boʻlgan oʻz xodimlari roʻyxatiga oʻzgartirish va qoʻshimchalar kiritish toʻgʻrisida oʻz vaqtida xabardor qilish;
litsenziya bekor qilingan yoki uning amal qilishi toʻxtatilgan taqdirda, yoxud erkin ombor tugatilgan taqdirda bu haqda litsenziyalovchi organni xabardor qilish, tovarlarning saqlanishini taʼminlash, erkin ombor tugatilishi tartib-qoidasini bajarish va Oʻzbekiston Respublikasi Bojxona kodeksining 59-moddasida belgilangan muddatlarda omborda saqlanayotgan tovarlar chiqarilishi chora-tadbirlarini koʻrish;
LexUZ sharhiOʻzbekiston Respublikasi bojxona organlarining qonuniy talablarini bajarish, shu jumladan bojxona organlari mansabdor shaxslarining tovarlar saqlanayotgan erkin omborga kirishini taʼminlash;
bojxona nazorati va bojxona rasmiylashtiruvini amalga oshirish uchun erkin ombordagi jihozlangan binolar, asbob-uskunalar va aloqa vositalarini bojxona organlari xodimlariga bepul taqdim etish.
29. Erkin omborning egasi bojxona organini erkin ombor ochilishi muddati toʻgʻrisida oldindan xabardor qiladi. Tovarlarning bojxona rasmiylashtiruvi va ularning keyinchalik erkin omborga joylashtirilishiga bunday bildirishnoma olingandan keyin yoʻl qoʻyiladi.
30. Vaqtinchalik saqlash ombori egasining tovarlarni saqlash uchun joylashtiruvchi shaxslar bilan munosabatlari shartnoma asosida quriladi.
IV. Litsenziya olish uchun zarur hujjatlar
31. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:
yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami koʻrsatilgan litsenziya berish toʻgʻrisidagi ariza;
LexUZ sharhiOldingi tahrirga qarang.
(31-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 20-iyundagi 211-sonli qaroriga asosan chiqarilgan — OʻR QHT, 2016-y., 25-son, 308-modda)
Oldingi tahrirga qarang.
(31-bandning toʻrtinchi xatboshisi Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qaroriga asosan chiqarilgan — OʻR QHT, 2015-y., 1-son, 9-modda)
ariza beruvchining egaligida boʻlgan va erkin ombor sifatida foydalanish uchun moʻljallangan binolar va (yoki) ochiq maydonchalar, ular joylashgan joy, ularning jihozlanishi, asbob-uskunalar bilan taʼminlanishi va moddiy-texnik jihozlanishi toʻgʻrisidagi maʼlumotlar;
avtomobil va temir yoʻllar koʻrsatilgan holda erkin ombor uchun moʻljallangan hudud va binolarning tarhi va chizmasi;
talabgorning erkin omborga kirishga ruxsat berilgan xodimlaridan boʻlgan shaxslarning roʻyxati (familiyasi, ismi va otasining ismi hamda lavozimi koʻrsatilgan holda);
davlat yongʻin nazorati organlarining erkin ombor hududi va binolarning yongʻin xavfsizligi talablariga muvofiqligi toʻgʻrisidagi xulosasi;
davlat sanitariya nazorati organlarining erkin ombor hududi va binolarining ariza berilgan tovarlarni, shu jumladan oziq-ovqat tovarlarini — litsenziat bunday tovarlarni saqlash niyatida boʻlsa — saqlash uchun zarur shart-sharoitlarga muvofiqligi toʻgʻrisidagi xulosasi;
erkin omborda saqlash moʻljallanayotgan tovarlar roʻyxati;
Oʻzbekiston Respublikasi Bojxona kodeksining 111-moddasiga muvofiq bojxona toʻlovlari toʻlash taʼminlanganligini tasdiqlovchi hujjat;
LexUZ sharhiOldingi tahrirga qarang.
(31-bandning oʻn ikkinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan chiqarilgan — OʻR QHT, 2014-y., 31-son, 380-modda)
Erkin ombor sifatida foydalanish moʻljallangan har bir hududiy alohida binoga va (yoki) har bir hududiy alohida ochiq maydonchaga alohida ariza taqdim etiladi.
Litsenziya talabgoridan ushbu Nizomda nazarda tutilmagan hujjatlarni taqdim etishni talab qilishga yoʻl qoʻyilmaydi.
Litsenziyalovchi organ litsenziya berish uchun boshqa vakolatli organlarda mavjud boʻlgan zarur hujjatlar va axborotlarni belgilangan tartibda oʻzaro axborot hamkorligi yoʻli bilan, shu jumladan elektron tarzda mustaqil ravishda oladi, ushbu bandda nazarda tutilgan hujjatlar va axborotlar bundan mustasno;
(31-band Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qaroriga asosan xatboshi bilan toʻldirilgan — OʻR QHT, 2015-y., 1-son, 9-modda)
32. Hujjatlar litsenziyalovchi organga litsenziya talabgori tomonidan bevosita yoxud ularning olinganligi toʻgʻrisidagi bildirishnoma bilan pochta aloqasi vositasi orqali yetkazib beriladi.
LexUZ sharhi33. Hujjatlar litsenziyalovchi organning masʼul shaxsi tomonidan roʻyxat boʻyicha qabul qilinadi, roʻyxatning nusxasi hujjatlar qabul qilib olingan sana toʻgʻrisida belgi qoʻyilgan holda ariza beruvchiga yuboriladi (topshiriladi).
34. Ishonchli boʻlmagan yoki buzilgan maʼlumotlar taqdim etilganligi uchun litsenziya talabgori qonun hujjatlariga muvofiq javob beradi.
V. Arizani koʻrib chiqish va litsenziya berish yoki litsenziya berishni rad etish toʻgʻrisida qaror qabul qilish
35. Litsenziya berish mazkur Nizomga ilova qilinayotgan sxemaga muvofiq amalga oshiriladi.
36. Litsenziya talabgorining litsenziya berish toʻgʻrisidagi arizasi koʻrib chiqilganligi uchun yigʻim undirilmaydi.
(36-band Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
37. Litsenziya berish yoki litsenziya berishni rad etish toʻgʻrisidagi qaror barcha zarur hujjatlar bilan birgalikda litsenziya talabgorining arizasi olingan kundan boshlab oʻttiz kundan ortiq boʻlmagan muddatda qabul qilinadi.
38. Litsenziya berish, litsenziyalarning amal qilish muddatini uzaytirish toʻgʻrisidagi hujjatlarni koʻrib chiqish, ular boʻyicha xulosalar tayyorlash uchun litsenziyalovchi organda ekspert komissiyasi tashkil etiladi. Ekspert komissiyasining tarkibi va u toʻgʻrisidagi nizom litsenziyalovchi organ tomonidan tasdiqlanadi.
39. Litsenziya talabgorining arizasi barcha zarur hujjatlar bilan birgalikda ular qabul qilingan kunda koʻrib chiqish uchun ekspert komissiyasiga kiritiladi.
Ekspert komissiyasi yigirma kundan ortiq boʻlmagan muddatda taqdim etilgan hujjatlarni koʻrib chiqadi va ular boʻyicha litsenziya berish yoki litsenziya berishni rad etish toʻgʻrisida ekspert xulosasi tayyorlaydi.
40. Litsenziyalovchi organ uch kun muddatda ekspert komissiyasi xulosasi asosida litsenziya berish yoki litsenziya berishni rad etish toʻgʻrisida qaror qabul qiladi.
Litsenziyalovchi organ litsenziya talabgorini qabul qilingan qaror toʻgʻrisida tegishli qaror qabul qilingandan keyin uch kun mobaynida xabardor qiladi.
Litsenziya berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat boji toʻlash muddati koʻrsatilgan holda yozma shaklda yuboriladi (topshiriladi).
LexUZ sharhi41. Litsenziya maxsus blankada rasmiylashtiriladi va unda quyidagilar boʻlishi kerak:
erkin ombor egasining nomi, uning tashkiliy-huquqiy shakli va joylashgan joyi koʻrsatilishi kerak;
erkin ombor sifatida foydalaniladigan binolar va (yoki) ochiq maydonchalarga egalik huquqi toʻgʻrisidagi maʼlumotlar;
bojxona toʻlovlari miqdorlari va ularni toʻlashni taʼminlash shakli toʻgʻrisidagi maʼlumotlar;
erkin ombor joylashgan joy;
bojxona nazoratini amalga oshirish uchun zarur boʻlgan va Oʻzbekiston Respublikasi qonun hujjatlarida belgilanadigan boshqa maʼlumotlar.
Blankalar namunasi Oʻzbekiston Respublikasi Vazirlar Mahkamasining 2000-yil 20-dekabrdagi 488-son qaroriga muvofiq Oʻzbekiston Respublikasi Davlat bojxona qoʻmitasi tomonidan tasdiqlanadi.
Litsenziyalar blankalari qatʼiy hisobot beriladigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziya blankalari litsenziyalovchi organning buyurtmasi boʻyicha “Davlat belgisi” davlat-ishlab chiqarish birlashmasida bosmaxona usulida tayyorlanadi.
42. Litsenziyalar litsenziya talabgori tomonidan davlat boji toʻlanganini tasdiqlovchi hujjat taqdim etilgandan keyin uch kun muddatda rasmiylashtiriladi va beriladi.
43. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etmasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.
44. Litsenziya berish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.
Boshqa asoslar boʻyicha, shu jumladan litsenziya berish maqsadga muvofiq emasligi sababi bilan litsenziya berish rad etilishiga yoʻl qoʻyilmaydi.
45. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
(45-band Oʻzbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — OʻR QHT, 2012-y., 6-son, 57-modda)
LexUZ sharhi46. Litsenziya berishni rad etish uchun asos boʻlgan sabablar litsenziya talabgori tomonidan bartaraf etilgan taqdirda, hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.
Bunda takroran taqdim etilgan hujjatlar ekspert komissiyasining koʻrib chiqishi uchun ular qabul qilgan kunda kiritiladi.
Ekspert komissiyasi olti kundan ortiq boʻlmagan muddatda taqdim etilgan hujjatlarni takroran koʻrib chiqadi va ular boʻyicha litsenziya berish yoki litsenziya berishni rad etish toʻgʻrisida ekspert xulosasi tayyorlaydi.
Litsenziyalovchi organ uch kun muddatda ekspert komissiyasining xulosasi asosida litsenziya berish yoki litsenziya berishni rad etish toʻgʻrisida qaror qabul qiladi.
47. Litsenziya talabgorining arizasi qayta koʻrib chiqilganligi uchun yigʻim undirilmaydi.
Litsenziya talabgorining arizasini qayta koʻrib chiqishda ilgari litsenziya berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi;
Litsenziya berishni rad etish toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
(47-band Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — OʻR QHT, 2012-y., 44-son, 507-modda)
VI. Litsenziyani qayta rasmiylashtirish, uning amal qilish muddatini uzaytirish, dublikat berish
48. Litsenziat oʻzgartirilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyxatdan oʻtkazilgandan keyin bir oy muddatda litsenziyalovchi organga koʻrsatib oʻtilgan maʼlumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.
(48-band Oʻzbekiston Respublikasi Vazirlar Mahkamasining 2018-yil 29-oktabrdagi 884-sonli qarori tahririda — Qonun hujjatlari maʼlumotlari milliy bazasi, 30.10.2018-y., 09/18/884/2128-son)
Yangidan vujudga kelgan yuridik shaxsni davlat roʻyxatidan oʻtkazish sanasida erkin ombor faoliyatini amalga oshirish huquqini beruvchi litsenziyaga ega boʻlgan litsenziatlar qoʻshib yuborilgan taqdirda, litsenziyani ushbu bandning birinchi xatboshida nazarda tutilgan tartibda qayta rasmiylashtirishga yoʻl qoʻyiladi.
(48-band Oʻzbekiston Respublikasi Vazirlar Mahkamasining 2018-yil 29-oktabrdagi 884-sonli qaroriga asosan xatboshi bilan toʻldirilgan — Qonun hujjatlari maʼlumotlari milliy bazasi, 30.10.2018-y., 09/18/884/2128-son)
49. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.
50. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyani qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.
Qayta rasmiylashtirilgan litsenziyaning asl nusxasi litsenziyalovchi organ tomonidan erkin omborning egasiga oldingi litsenziyaning asl nusxasi olib qoʻyilgan holda beriladi. Eski nusxa litsenziya berish toʻgʻrisidagi arizaga tikib qoʻyiladi va litsenziyalovchi organda saqlanadi.
Litsenziyalarni qayta rasmiylashtirishda yigʻim undirilmaydi.
(50-bandning uchinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
51. Litsenziyaning amal qilish muddatini uzaytirish litsenziatning arizasiga koʻra amalga oshiriladi. Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati oʻtgunga qadar ikki oydan kechikmay berilishi kerak. Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.
52. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra dublikat berilishi mumkin.
Litsenziya dublikatini berishda yigʻim undirilmaydi.
(52-bandning ikkinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
VII. Litsenziya talablari va shartlariga rioya etilishini nazorat qilish
53. Litsenziat tomonidan litsenziya talablari va shartlariga rioya etilishi qonun hujjatlarida belgilangan tartibda litsenziyalovchi organ tomonidan nazorat qilinadi.
54. Litsenziya talablari va shartlariga rioya etilishi ustidan nazoratni amalga oshirishda litsenziyalovchi organ oʻz vakolatlari doirasida:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi holatlar mavjud boʻlgan taqdirda litsenziatning ularga rioya etishini qonunda belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur axborotni soʻrash va olish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini koʻrsatgan holda dalolatnomalar (maʼlumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
Oldingi tahrirga qarang.
litsenziyaning amal qilishini toʻxtatib turish, toʻxtatish yoki litsenziyani bekor qilish toʻgʻrisida qonun hujjatlarida belgilangan tartibda qaror chiqarish yoki sudga murojaat qilish.
(54-bandning yettinchi xatboshisi Oʻzbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — Oʻzbekiston Respublikasi Qonun hujjatlari toʻplami, 2006-y., 46-47-son, 458-modda)
55. Litsenziya talablari va shartlariga rioya etilishini tekshirish chogʻida litsenziyalovchi organning mansabdor shaxslari tomonidan ikki nusxada dalolatnoma tuziladi, uning bir nusxasi litsenziatda qoladi.
VIII. Litsenziyaning amal qilishini toʻxtatib turish, toʻxtatish, litsenziyani bekor qilish
56. Litsenziyaning amal qilishini toʻxtatib turish, toʻxtatish va litsenziyani bekor qilish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 22—24-moddalarida nazarda tutilgan hollarda va tartibda Komissiya qaroriga koʻra amalga oshiriladi.
57. Litsenziyaning amal qilish muddati toʻxtatib turilishi yoki erkin omborning tugatilishi toʻgʻrisida qaror qabul qilingan sanadan boshlab erkin omborga tovarlarning yangi turkumlarini joylashtirishga yoʻl qoʻyilmaydi.
58. Erkin omborni tugatish toʻgʻrisida qaror qabul qilgan sanadan boshlab erkin omborning bojxona rejimi ostida joylashtirilgan va bunday omborda saqlanayotgan tovarlar vaqtincha saqlanayotgan tovarlar sifatida qaraladi.
Tugatilayotgan erkin omborda tovarlar va transport vositalarining vaqtincha saqlash rejimida boʻlishining umumiy muddati ikki oydan ortiq boʻlishi mumkin emas.
59. Erkin omborning egasi litsenziyalovchi organning litsenziyaning amal qilishi toʻxtatilishi yoki uning bekor qilinishi toʻgʻrisidagi qarori olingan sanadan boshlab uch kun muddatda litsenziyalovchi organga Oʻzbekiston Respublikasi Davlat bojxona qoʻmitasi tomonidan belgilanadigan shakl boʻyicha u faoliyat koʻrsatishining butun davri uchun tugatilayotgan erkin omborda saqlanayotgan tovarlar toʻgʻrisida toʻliq hisobot taqdim etadi.
60. Litsenziyalovchi organ litsenziyaning amal qilishini toʻxtatish yoki uni bekor qilish toʻgʻrisida qaror qabul qilingan sanadan boshlab yetti kun muddatdan kechikmay tugatilayotgan erkin omborda saqlanayotgan tovarlarni xatlovdan oʻtkazadi.
61. Erkin ombor tugatilgan taqdirda erkin omborning bojxona rejimi ostida joylashtirilgan va erkin ombordagi tovarlar tovarni erkin omborga joylashtirgan shaxs, yoxud uning vakolatli shaxsi tomonidan tanlangan bojxona rejimiga muvofiq:
litsenziya bekor qilinganda — tovarlar omborlarga joylashtirilgan sanadan boshlab;
boshqa hollarda — tugatish toʻgʻrisida qaror qabul qilingan sanadan boshlab takroran bojxona rasmiylashtiruvidan oʻtishi kerak.
62. Litsenziya bekor qilinganligi munosabati bilan erkin ombor tugatilgan taqdirda uning egasi tovarlar saqlash uchun joylashtirilgan sanadan boshlab tovarlar tugatilayotgan erkin omborda boʻlgan butun davr uchun omborlar uchun belgilangan miqdorlarda tovarlar saqlanganligi uchun yigʻim toʻlaydi.
63. Tovarlarni vaqtincha saqlash Oʻzbekiston Respublikasining bojxona toʻgʻrisidagi qonun hujjatlariga muvofiq amalga oshiriladi.
Vaqtincha saqlanayotgan tovarlar hisobi tovarlar ularga muvofiq erkin omborning bojxona rejimi ostida joylashtirilgan bojxona yuk deklaratsiyalaridan foydalanilgan holda amalga oshiriladi.
64. Litsenziyalovchi organning litsenziyaning amal qilishini toʻxtatib turish, toʻxtatish va litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishi toʻxtatib turilishi, toʻxtatilishi va litsenziyaning bekor qilinishi asossiz ekanligi sud tomonidan eʼtirof etilgan taqdirda, litsenziyalovchi organ litsenziat oldida litsenziat koʻrgan zarar miqdorida javob beradi.
IX. Litsenziyalar reyestri
65. Litsenziyalovchi organ bojxona omborlari egalari reyestrini yuritadi.
Litsenziyalar reyestrida litsenziatlar toʻgʻrisidagi quyidagi asosiy maʼlumotlar koʻrsatilishi kerak:
nomi, tashkiliy-huquqiy shakli, pochta manzili;
litsenziyalarning berilgan sanasi va tartib raqami;
litsenziyalarning amal qilish muddati;
litsenziyalarni qayta rasmiylashtirish, ularning amal qilishini toʻxtatib turish va tiklashning asoslari va sanasi;
litsenziyalarning amal qilishini toʻxtatish asoslari va sanasi;
litsenziyalarni bekor qilishning asoslari va sanasi;
dublikat berish asoslari va sanasi.
Egasi bojxona organlari hisoblangan bojxona omborlari Bojxona omborlari egalari reyestriga kiritilmaydi.
66. Oʻzbekiston Respublikasi Davlat bojxona qoʻmitasi olti oyda kamida bir marta bojxona organlarining rasmiy nashrlarida Bojxona omborlari egalari reyestri, egasi bojxona organlari hisoblangan bojxona omborlari roʻyxati, shuningdek Reyestrga va roʻyxatga kiritilayotgan oʻzgartirishlar eʼlon qilinishini taʼminlaydi.
67. Litsenziyalarning reyestrlarida mavjud boʻlgan maʼlumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.
(67-band Oʻzbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — OʻR QHT, 2012-y., 6-son, 57-modda)
Oldingi tahrirga qarang.
(68-band Oʻzbekiston Respublikasi Vazirlar Mahkamasining 2012-yil 1-fevraldagi 26-sonli qaroriga asosan oʻz kuchini yoʻqotgan — OʻR QHT, 2012-y., 6-son, 57-modda)
X. Davlat bojini toʻlash tartibi
69. Litsenziya berilganligi va uning amal qilish muddati uzaytirilganligi uchun eng kam oylik ish haqining besh baravari miqdorida davlat boji undiriladi va u davlat budjetiga oʻtkaziladi.
Oldingi tahrirga qarang.
(70-band Oʻzbekiston Respublikasi Vazirlar Mahkamasining 2006-yil 22-maydagi 92-son qaroriga muvofiq oʻz kuchini yoʻqotgan — Oʻzbekiston Respublikasi Qonun hujjatlari toʻplami, 2006-y., 20-21-son, 181-modda)
XI. Erkin ombor egasining javobgarligi. Bojxona toʻlovlari toʻlanishini taʼminlash
71. Erkin omborda tovarlar saqlanishi talablari va shartlariga rioya etilishi uchun erkin omborning egasi tovar erkin omborda saqlash uchun qabul qilib olingan paytdan boshlab javob beradi, bu omborxona hujjati (ombor guvohnomasi, tovarlarni qabul qilish-topshirish dalolatnomasi va hokazolar) rasmiylashtirilishi bilan tasdiqlanadi.
72. Oʻzbekiston Respublikasi Bojxona kodeksining 58-moddasiga muvofiq erkin omborning bojxona rejimi ostida joylashtirilgan va erkin omborda saqlanayotgan tovarlarga nisbatan bojxona bojlari, soliqlar toʻlanishi va boshqa bojxona toʻlovlari toʻlanishi uchun erkin omborning egasi yoxud tovarlarni saqlash uchun bojxona omboriga joylashtirgan shaxs javob beradi.
LexUZ sharhi73. Erkin ombor egasi tomonidan bojxona toʻlovlari toʻlanishini taʼminlash belgilangan talablarga muvofiq boʻlishi va quyidagi hollarda bojxona toʻlovlari toʻlanishi taʼminlanishini nazarda tutishi kerak:
bojxona organining ruxsatisiz berish yoki erkin omborda saqlanayotgan tovarlarning yoʻqolishi;
litsenziyaning amal qilish muddati tamom boʻlgandan keyin, egasining xohishiga koʻra yoxud litsenziya bekor qilingach yoki litsenziyaning amal qilishi toʻxtatilgach erkin omborning tugatilishi;
bojxona toʻlovlari toʻlanishi uchun erkin ombor egasi javob beradigan, bojxona haqidagi qonun hujjatlarida nazarda tutiladigan boshqa hollarda belgilangan talablarga muvofiq boʻlishi.
74. Agar erkin ombor sifatida ochiq maydoncha yoki erkin ombor sifatida ariza beriladigan binoning hajmi (boshqa joy) haqida ariza berilsa, erkin omborni taʼsis etish paytida bojxona toʻlovlari toʻlanishini taʼminlash summasi maydonchadan kelib chiqib hisoblab chiqiladi va 1 kv m maydon uchun 5 eng kam oylik ish haqi miqdorida yoki 1 kub m bino hajmi uchun 1 eng kam ish haqi miqdorida tegishlicha, biroq eng kam oylik ish haqining 2000 baravaridan kam boʻlmagan miqdor hisobida hisoblab chiqiladi.
Oldingi tahrirga qarang.
(74-bandning ikkinchi xatboshisi Oʻzbekiston Respublikasi Vazirlar Mahkamasining 2016-yil 20-iyundagi 211-sonli qaroriga asosan chiqarilgan — OʻR QHT, 2016-y., 25-son, 308-modda)
Oldingi tahrirga qarang.
(74-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 20-iyundagi 211-sonli qaroriga asosan chiqarilgan — OʻR QHT, 2016-y., 25-son, 308-modda)
75. Erkin omborning egasi, agar tovarlar yengib boʻlmas kuch taʼsiri oqibatida yoki saqlash va sotishning normal sharoitlarida tabiiy kamayish tufayli yoʻq qilingan yoki qaytarib boʻlmaydigan tarzda qoʻldan ketgan taqdirdagina bojxona bojlari, soliqlar toʻlanishi uchun javob bermaydi.
Erkin ombor faoliyatini litsenziyalash
sxemasi
Boj olinmaydigan savdo doʻkoni faoliyatini litsenziyalash toʻgʻrisida
NIZOM
I. Umumiy qoidalar
1. Ushbu Nizom Oʻzbekiston Respublikasi Davlat bojxona kodeksining 29-moddasiga va “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonuniga muvofiq ishlab chiqilgan va boj olinmaydigan savdo doʻkoni faoliyatini litsenziyalash tartibini belgilaydi.
LexUZ sharhi2. Boj olinmaydigan savdo doʻkoni ikki turga boʻlinadi:
a) Oʻzbekiston Respublikasi Davlat chegarasini kesib oʻtadigan jismoniy shaxslar uchun boj olinmaydigan savdo doʻkoni — Oʻzbekiston Respublikasining bojxona hududiga kirib kelayotgan va Oʻzbekiston Respublikasi bojxona hududi doirasidan chiqib ketayotgan jismoniy shaxslar tomonidan Oʻzbekiston Respublikasi bojxona hududiga olib kelingan xorijiy tovarlarni yoki Oʻzbekiston Respublikasi hududidan chiqadigan tovarlarni erkin almashtiriladigan valyutada sotish, shu jumladan joyning oʻzida isteʼmol qilish uchun chakana sotish uchun moʻljallangan;
LexUZ sharhib) Oʻzbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo doʻkoni — xorijiy davlatlarning diplomatik vakolatxonalari va konsullik muassasalariga, xalqaro tashkilotlar va ularga tenglashtirilgan ushbu tashkilotlarning vakolatxonalariga, xorijiy xodimlariga, shuningdek ular bilan birga yashaydigan va Oʻzbekiston Respublikasi fuqarolari hisoblanmaydigan, Oʻzbekiston Respublikasi Tashqi ishlar vazirligida belgilangan tartibda akkreditatsiya qilingan ularning oila aʼzolariga Oʻzbekiston Respublikasi bojxona hududiga olib kelingan xorijiy tovarlarni erkin almashtiriladigan valyutaga sotishga (shaxsiy foydalanishga) moʻljallangan.
LexUZ sharhiRespublikaga jismoniy shaxslar tomonidan bojxona toʻlovlari solinmaydigan tovarlarni olib kirishning cheklangan normalari jismoniy shaxs tomonidan Oʻzbekiston Respublikasi tashqarisidan ushbu shaxs tomonidan olib kiriladigan va uning tomonidan Oʻzbekiston Respublikasining bojxona hududiga kirishda boj olinmaydigan savdo doʻkonlaridan sotib olingan tovarlarning jamiga nisbatan qoʻllaniladi.
(2-bandning “b” kichik bandi ikkinchi xatboshisi Oʻzbekiston Respublikasi Vazirlar Mahkamasining 2018-yil 26-martdagi 235-sonli qarori tahririda — Qonun hujjatlari maʼlumotlari milliy bazasi, 27.03.2018-y., 09/18/235/0452-son)
Oʻzbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo doʻkonlarida aksiz ostidagi tovarlarni xarid qilishning cheklangan normalari Oʻzbekiston Respublikasi Moliya vazirligi bilan kelishgan holda Davlat bojxona qoʻmitasi tomonidan belgilanadi.
(2-band Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
3. Oʻzbekiston Respublikasining davlat chegarasini kesib oʻtadigan jismoniy shaxslar uchun Boj olinmaydigan savdo doʻkoni xalqaro aloqa uchun ochilgan aeroportlarda, portlarda va jismoniy shaxslar tomonidan chegarani kesib oʻtishga moʻljallangan Oʻzbekiston Respublikasi davlat chegarasi orqali oʻtkazishning boshqa manzillarida ochilishi va faoliyat koʻrsatishi mumkin.
Oʻzbekiston Respublikasining davlat chegarasini kesib oʻtadigan jismoniy shaxslar uchun Boj olinmaydigan savdo doʻkonini ochish Oʻzbekiston Respublikasining Davlat chegarasi orqali oʻtkazish manzillarida rejim belgilanishi tartibiga muvofiq va Oʻzbekiston Respublikasi Davlat xavfsizlik xizmati Chegara qoʻshinlari bilan kelishgan holda amalga oshiriladi.
(3-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 20-sentabrdagi 748-sonli qarori tahririda — Qonun hujjatlari maʼlumotlari milliy bazasi, 21.09.2018-y., 09/18/748/2024-son)
Oʻzbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo doʻkonlari Toshkent shahrida va davlat bojxona xizmati organlari tomonidan belgilanadigan joylarda ochilishi va faoliyat koʻrsatishi mumkin.
(3-band Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
4. Boj olinmaydigan savdo doʻkonida tovarlarni sotish boj olinmaydigan savdo doʻkonining bojxona rejimi shartlari va talablariga muvofiq bojxona nazorati ostida amalga oshiriladi.
Boj olinmaydigan savdo doʻkoni faoliyat koʻrsatishini taʼminlash uchun foydalaniladigan tovarlar boj olinmaydigan savdo doʻkonida bojxona rejimi ostida joylashtirilishi mumkin emas.
LexUZ sharhi5. Oʻzbekiston Respublikasi hududida sotilishi cheklangan tovarlar boj olinmaydigan savdo doʻkoni rejimida qonun hujjatlarida belgilangan tartibda sotilishi mumkin.
Oʻzbekiston Respublikasi Davlat chegarasini kesib oʻtadigan jismoniy shaxslar uchun boj olinmaydigan savdo doʻkonlarida tovarlarni sotish faqat xaridorning shaxsini tasdiqlaydigan hujjat taqdim etilgandan keyin amalga oshiriladi. Bunda Nazorat-kassa mashinalari davlat reyestriga kiritilgan fiskal xotirali nazorat-kassa mashinasining tovar sotilganligini tasdiqlaydigan chekida quyidagi maʼlumotlar boʻlishi kerak:
kassa cheki raqami;
reysning raqami va xaridorning samolyotdagi joyi raqami (havoda tashishda);
xarid qilingan vaqt va sana;
sotiladigan tovarning nomi, narxi va miqdori;
sotuvchi tomonidan olingan xorijiy valyuta summasi;
kassa apparati raqami;
boj olinmaydigan savdo doʻkonining nomi;
soliq toʻlovchining — boj olinmaydigan savdo doʻkoni egasining soliq toʻlovchining individual raqami.
LexUZ sharhiOʻzbekiston Respublikasi Tashqi ishlar vazirligida akkreditatsiya qilingan xorijiy jismoniy shaxslar uchun boj olinmaydigan savdo doʻkonida tovarlarni sotish faqat Oʻzbekiston Respublikasi Tashqi ishlar vazirligida belgilangan tartibda berilgan akkreditatsiya kartochkasi taqdim etilganidan keyin amalga oshiriladi. Bunda Nazorat-kassa mashinalari davlat reyestriga kiritilgan fiskal xotirali nazorat-kassa mashinasining tovar sotilganligini tasdiqlaydigan chekida quyidagi maʼlumotlar boʻlishi kerak:
kassa cheki raqami;
boj olinmaydigan savdo doʻkoni egasi — yuridik shaxsning nomi, uning yuridik manzili;
Oʻzbekiston Respublikasi Tashqi ishlar vazirligida berilgan akkreditatsiya kartochkasining toifasi, raqami, xodimning yoki uning oila aʼzosining familiyasi, ismi va otasining ismi, lavozimi, kartochka kim tomonidan berilganligi va uning amal qilish muddati koʻrsatilishi kerak;
xarid qilingan vaqt va sana;
tovarning nomi, miqdori, bittasining qiymati, umumiy qiymati;
kassa apparati raqami;
soliq toʻlovchining — boj olinmaydigan savdo doʻkoni egasining soliq toʻlovchining individual raqami.
(5-band Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
51. Xorijiy davlatlarning diplomatik vakolatxonalari va konsullik muassasalari, xalqaro tashkilotlarning vakolatxonalari va ularga tenglashtirilgan vakolatxonalar boj olinmaydigan savdo doʻkonlaridan ushbu Nizomga 1-ilovaga muvofiq shakl boʻyicha ikki nusxada tuziladigan buyurtmanomalar asosida Oʻzbekiston Respublikasi Tashqi ishlar vazirligida akkreditatsiya qilingan xorijiy shaxslar uchun tovarlarni sotib olishlari mumkin.
Buyurtmanomaning bir nusxasi boj olinmaydigan savdo doʻkonida saqlanadi, ikkinchi nusxasi xaridorga qaytariladi.
Buyurtmanomada quyidagi maʼlumotlar boʻlishi kerak:
xorijiy davlatning diplomatik vakolatxonasi yoki konsullik muassasasining, xalqaro tashkilot vakolatxonasining va unga tenglashtirilgan vakolatxonaning nomi;
xorijiy davlatning diplomatik vakolatxonasi yoki konsullik muassasasining, xalqaro tashkilot vakolatxonasi va unga tenglashtirilgan vakolatxonaning xaridni amalga oshirish vakolati berilgan shaxsining familiyasi, ismi, otasining ismi, toifasi, shuningdek akkreditatsiya kartochkasi raqami;
tovarning nomi, miqdori, bittasining qiymati, umumiy qiymati;
buyurtmanoma tuzilgan sana;
xorijiy davlatning diplomatik vakolatxonasi yoki konsullik muassasasi, xalqaro tashkilot vakolatxonasi va unga tenglashtirilgan vakolatxona boshligʻining familiyasi, ismi, otasining ismi, imzosi;
tovarlarni sotib olish maqsadi.
(51-band Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori bilan kiritilgan — OʻR QHT, 2010-y., 47-son, 425-modda)
6. Boj olinmaydigan savdo doʻkonida:
Oʻzbekiston Respublikasining bojxona hududiga olib kelish va undan olib chiqish taqiqlangan tovarlar, shu jumladan olib chiqilishiga litsenziya talab etiladigan tovarlar, rangli va qora metallardan tayyorlangan yuksak darajada qayta ishlangan tayyor buyumlar bundan mustasno;
Oldingi tahrirga qarang.
(6-bandning uchinchi xatboshi Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori bilan chiqarilgan — OʻR QHT, 2010-y., 47-son, 425-modda)
chakana sotish uchun oʻralgan dori-darmon vositalari (shu jumladan provitaminlar, vitaminlar, gormonlar va antibiotiklar), agar ular vrachning retseptisiz (tayinlashuvisiz) sotilishi mumkin boʻlmasa;
davlat asillik tamgʻasiga ega boʻlmagan qimmatbaho metallar va toshlardan yasalgan;
(6-bandning toʻrtinchi xatboshisi Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
Oʻzbekiston Respublikasi hududida aylanishi va sotilishi taqiqlangan tovarlar;
boshqa davlat organlarining nazoratidan oʻtishi kerak boʻlgan tovarlar, ushbu organlarning ruxsatnomasi mavjud boʻlmagan taqdirda;
jismoniy shaxslarning shaxsiy foydalanish yoki isteʼmol qilishi uchun moʻljallanmagan tovarlar;
vazni ogʻir tovarlar (20 kilogrammdan ortiq ogʻirlikda) va oʻlchami katta tovarlar (uzunligi, kengligi va balandligi oʻlchamlari jami 200 santimetrdan ortiq boʻlganda) sotilishiga ruxsat berilmaydi.
Oʻzbekiston Respublikasi Davlat chegarasini kesib oʻtmaydigan jismoniy shaxslarga va Oʻzbekiston Respublikasi Tashqi ishlar vazirligida akkreditatsiya qilinmagan xorijiy shaxslarga boj olinmaydigan savdo doʻkonlarida tovarlar sotishga (sotib olishga) ruxsat berilmaydi.
(6-band Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qaroriga muvofiq toʻqqizinchi xatboshi bilan toʻldirilgan — OʻR QHT, 2010-y., 47-son, 425-modda)
7. Boj olinmaydigan savdo doʻkoni faoliyatini amalga oshirishga litsenziya, keyingi oʻrinlarda “litsenziya” deb yuritiladi, (mulk huquqi bilan yoki boshqa ashyoviy huquq bilan) egaligida boj olinmaydigan savdo doʻkoni sifatida foydalanish moʻljallangan va mazkur Nizom talablariga muvofiq boʻlgan savdo zallari, yordamchi binolar va ombor boʻlgan Oʻzbekiston Respublikasining yuridik shaxsiga Oʻzbekiston Respublikasi Davlat bojxona qoʻmitasi (keyingi oʻrinlarda “litsenziyalovchi organ” deb yuritiladi) tomonidan besh yilga beriladi.
(7-band Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qarori tahririda — OʻR QHT, 2015-y., 1-son, 9-modda)
Oldingi tahrirga qarang.
(7-bandning ikkinchi xatboshisi Oʻzbekiston Respublikasi Vazirlar Mahkamasining 2006-yil 22-maydagi 92-son qaroriga muvofiq oʻz kuchini yoʻqotgan — Oʻzbekiston Respublikasi Qonun hujjatlari toʻplami, 2006-y., 20-21-son, 181-modda)
8. Boj olinmaydigan savdo doʻkoni faoliyatini amalga oshirishga namunaviy (oddiy) litsenziya beriladi.
9. Litsenziyani yoki u boʻyicha huquqlarni boshqa shaxslarga berish taqiqlanadi.
II. Boj olinmaydigan savdo doʻkoni joylashgan joyga, uning jihozlanishiga va asbob-uskunalariga qoʻyiladigan talablar
10. Boj olinmaydigan savdo doʻkoni hududi savdo zallari hududini, yordamchi binolar va doʻkon omborini oʻz ichiga oladi hamda bojxona nazorati zonasi hisoblanadi.
11. Boj olinmaydigan savdo doʻkonining savdo zali, yordamchi binosi va ombori:
tovarlar faqat boj olinmaydigan savdo doʻkonining savdo zallarida sotilishini hamda ularga nisbatan bojxona nazorati oʻtkazish imkoniyatini taʼminlaydigan tarzda jihozlanishi;
mazkur Nizomda nazarda tutilgan talablar hisobga olingan holda boj olinmaydigan savdo doʻkonining normal faoliyat koʻrsatishi uchun yetarli boʻlgan maydonga ega boʻlishi;
bir-biriga bevosita yaqin joyga joylashtirilishi (bojxona nazorati zonasida) kerak.
(11-bandning toʻrtinchi xatboshisi Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
12. Agar boj olinmaydigan savdo doʻkonining savdo zallari, yordamchi binolari va ombori mazkur Nizomning 11-bandi talablariga rioya qilinganda bir-biridan yiroqda (500 metrdan ortiq) joylashgan boʻlsa, tovarlarni ombordan savdo zallari va yordamchi binolarga olib oʻtish Oʻzbekiston Respublikasi Bojxona kodeksining 61-moddasi 5-qismida belgilangan hollarda bojxona kuzatuvida amalga oshirilishi mumkin. Bojxona kuzatuvi uchun bojxona yigʻimlari belgilangan miqdorda undiriladi.
Tovarlarning bir boj olinmaydigan savdo doʻkonidan boshqa boj olinmaydigan savdo doʻkoniga koʻchirilishi faqat tovarlarning bir bojxona omboridan boshqa bojxona omboriga koʻchirilishi uchun nazarda tutilgan tartibda davlat bojxona xizmati organining ruxsati bilan amalga oshiriladi.
(12-band Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qaroriga muvofiq ikkinchi xatboshi bilan toʻldirilgan — OʻR QHT, 2010-y., 47-son, 425-modda)
LexUZ sharhi13. Oʻzbekiston Respublikasi Davlat chegarasi orqali oʻtkazish manzillaridan tashqarida joylashgan boj olinmaydigan savdo doʻkoni ombori qonun hujjatlarida bojxona omborlari uchun nazarda tutilgan tartibga tatbiqan jihozlanishi kerak.
14. Boj olinmaydigan savdo doʻkonining savdo zallari tovarlar saqlanishi taʼminlanadigan va quyidagilarni:
Oʻzbekiston Respublikasi Davlat chegarasini kesib oʻtadigan jismoniy shaxslar uchun boj olinmaydigan savdo doʻkonidan sotib olingan tovarlar Oʻzbekiston Respublikasi bojxona hududida qoldirilishini, shu jumladan ushbu hududda qolayotgan jismoniy shaxslarga berish yoʻli bilan qoldirilishini;
(14-bandning ikkinchi xatboshisi Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
tovarlarning bojxona nazoratidan tashqari tushishi va olib qoʻyilishini;
tovarlarga begona shaxslarning yaqinlashishini istisno etadigan tarzda joylashtirilishi va jihozlanishi kerak.
15. Oʻzbekiston Respublikasi Davlat chegarasini kesib oʻtadigan jismoniy shaxslar uchun boj olinmaydigan savdo doʻkonining savdo zallari bojxona nazorati zonasida joylashtirilishi kerak (pasport nazorati liniyasi tashqarisida bojxona nazorati liniyasigacha alohida — Oʻzbekiston Respublikasi hududiga kirib keladigan jismoniy shaxslar uchun, shuningdek pasport nazorati liniyasi tashqarisida — Oʻzbekiston Respublikasi hududidan chiqib ketayotgan jismoniy shaxslar uchun).
Koʻrsatib oʻtilgan boj olinmaydigan savdo doʻkonining savdo zallari Oʻzbekiston Respublikasi Davlat chegarasini kesib oʻtmaydigan jismoniy shaxslarning ushbu zallarga kirishini istisno etadigan tarzda joylashtirilishi kerak.
Oʻzbekiston Respublikasi Tashqi ishlar vazirligida akkreditatsiya qilingan xorijiy shaxslar uchun boj olinmaydigan savdo doʻkonining savdo zallari boj olinmaydigan savdo doʻkoni joylashgan bojxona organi faoliyati zonasida boʻlishi kerak.
(15-band Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
16. Boj olinmaydigan savdo doʻkonining savdo zali binosi, yordamchi binosi va ombori Oʻzbekiston Respublikasi qonun hujjatlarida belgilangan texnik, sanitariya, yongʻinga qarshi talablarga va boshqa talablarga javob berishi kerak.
III. Boj olinmaydigan savdo doʻkonining egasiga qoʻyiladigan talablar
17. Boj olinmaydigan savdo doʻkonining egasi quyidagilarga majburdir:
bojxona haqidagi qonun hujjatlariga rioya qilish;
berilgan litsenziya shartlariga hamda mazkur Nizomning II boʻlimida belgilangan boj olinmaydigan savdo doʻkonini jihozlash va asbob-uskunalar bilan taʼminlash talablariga rioya qilish;
boj olinmaydigan savdo doʻkoniga sotish uchun tushuvchi tovarlardan boshqa maqsadlarda foydalanish imkoniyatini istisno etish;
boj olinmaydigan savdo doʻkoniga joylashtirilgan tovarlarni faqat yordamchi binolarda va boj olinmaydigan savdo doʻkonining omborlarda saqlash;
boj olinmaydigan savdo doʻkoniga tushuvchi va boj olinmaydigan savdo doʻkonidan olib chiqiladigan tovarlar hisobini yuritish, shu jumladan avtomatlashtirilgan hisobini yuritish va ushbu tovarlar toʻgʻrisida litsenziyalovchi organ tomonidan belgilangan tartibda bojxona organlariga hisobot taqdim etish;
bojxona organining talabi boʻyicha bojxona omboridagi tovarlarni bojxona organining mansabdor shaxsi ishtirokida xatlovdan oʻtkazish;
bojxona nazoratini amalga oshirishda bojxona organlari xodimlariga yordam berish;
sanitariya qoidalariga, omborga joylashtirish normalariga, tovarlarning yonma-yon qoʻyilishi qoidalariga va saqlash rejimiga, davlat standartlarining majburiy talablariga rioya qilish, mazkur Nizomda belgilangan talablarni hisobga olgan holda Oʻzbekiston Respublikasining savdo sohasidagi munosabatlarni tartibga soluvchi qonun hujjatlarida belgilangan boshqa talablar va shartlarni bajarish;
naqd xorijiy valyuta va xorijiy valyutadagi bank plastik va kredit kartochkalari yoki xorijiy valyutadagi bank oʻtkazmalari toʻlov hujjatlari bilan ishlashga tatbiqan kassa operatsiyalari yuritishning amaldagi tartibi talablariga, shuningdek Oʻzbekiston Respublikasi qonun hujjatlarida belgilangan valyuta operatsiyalarini amalga oshirishning boshqa qoidalariga rioya qilish;
(17-bandning oʻninchi xatboshisi Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
LexUZ sharhifaoliyatning tegishli turiga roʻyxatdan oʻtkazish yoki ruxsat berish hujjatlariga ega boʻlish, basharti ularni olish majburiyligi Oʻzbekiston Respublikasi qonun hujjatlarida, joylardagi davlat hokimiyati organlarining normativ huquqiy hujjatlarida nazarda tutilgan boʻlsa;
boj olinmaydigan savdo doʻkoni omborida tovarlarni maxsus markalash va boj olinmaydigan savdo doʻkonining savdo zallarida tovarlarni faqat ular mana shu tarzda markalangan taqdirda sotish;
mazkur Nizomning 18-bandida belgilangan hollarda bojxona bojlari, soliqlar va yigʻimlar toʻlash;
boj olinmaydigan savdo doʻkoni yopilgan taqdirda bu haqda litsenziyalovchi organni xabardor qilish;
taʼsis hujjatlariga oʻzgartirish va qoʻshimchalar kiritilganligi, bojxona omboriga kirish huquqiga ega boʻlgan oʻz xodimlari roʻyxatiga oʻzgartirish va qoʻshimchalar kiritilganligi toʻgʻrisida litsenziyalovchi organni oʻz vaqtida xabardor qilish:
bojxona organlarining qonuniy talablarini bajarish.
18. Boj olinmaydigan savdo doʻkoni egasi bojxona organini boj olinmaydigan savdo doʻkonini ochish sanasi toʻgʻrisida oldindan xabardor qiladi. Boj olinmaydigan savdo doʻkonining bojxona rejimiga muvofiq tovarlarning bojxona rasmiylashtiruviga mana shunday bildirishnoma olingandan keyin yoʻl qoʻyiladi.
LexUZ sharhi19. Boj olinmaydigan savdo doʻkonining egasi:
boj olinmaydigan savdo doʻkonining bojxona rejimi ostida joylashtirilgan tovarlar yoʻqotilgan taqdirda yoxud ulardan boj olinmaydigan savdo doʻkonida Oʻzbekiston Respublikasi bojxona hududiga kirib kelayotgan va Oʻzbekiston Respublikasi bojxona hududidan chiqib ketayotgan jismoniy shaxslarga, shuningdek Oʻzbekiston Respublikasi Tashqi ishlar vazirligida akkreditatsiya qilinmagan xorijiy shaxslarga chakanalab sotilgandan boshqa maqsadlarda foydalanilganda bunday tovarlarga nisbatan qonun hujjatlarida belgilangan talablar va shakllarga muvofiq bojxona bojlari toʻlanishi uchun;
(19-bandning ikkinchi xatboshisi Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
boj olinmaydigan savdo doʻkonining bojxona rejimi ostida joylashtirilmagan tovarlar sotilishi uchun belgilangan tartibda javob beradi.
LexUZ sharhi20. Boj olinmaydigan savdo doʻkoni egasi, agar tovarlar yengib boʻlmas kuch taʼsiri oqibatida yoki saqlash va sotishning normal sharoitlarida tabiiy kamayish tufayli yoʻq qilingan yoki qaytarib boʻlmaydigan tarzda qoʻldan ketgan taqdirdagina bojxona bojlari, soliqlar toʻlanishi uchun javob bermaydi.
21. Bojxona nazorati va bojxona rasmiylashtiruvini amalga oshirish uchun, zarurat boʻlganda, boj olinmaydigan savdo doʻkoni egasi bojxona organining mansabdor shaxslariga boj olinmaydigan savdo doʻkonida bino va aloqa vositalari beradi.
IV. Boj olinmaydigan savdo doʻkoni faoliyatini amalga oshirishga litsenziya olish uchun zarur hujjatlar
22. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:
yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami koʻrsatilgan litsenziya berish toʻgʻrisidagi ariza;
LexUZ sharhiOldingi tahrirga qarang.
(22-bandning uchinchi xatboshisi Oʻzbekiston Respublikasi Vazirlar Mahkamasining 2016-yil 20-iyundagi 211-sonli qaroriga asosan chiqarilgan — OʻR QHT, 2016-y., 25-son, 308-modda)
ariza beruvchining egaligida boʻlgan va boj olinmaydigan savdo doʻkoni sifatida foydalanish uchun moʻljallangan savdo zallari, yordamchi binolar va omborlar, ular joylashgan joy, ularning jihozlanishi, asbob-uskunalar bilan taʼminlanishi va moddiy-texnik jihozlanishi toʻgʻrisidagi maʼlumotlar;
boj olinmaydigan savdo doʻkoniga kirish huquqiga ega boʻlgan shaxslar roʻyxati (familiyasi, ismi va otasining ismi hamda lavozimi koʻrsatilgan holda);
boj olinmaydigan savdo doʻkonining savdo zali, yordamchi binosi va omborining tarhi va chizmasi;
Oldingi tahrirga qarang.
(22-bandning yettinchi xatboshisi Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qaroriga asosan chiqarilgan — OʻR QHT, 2015-y., 1-son, 9-modda)
davlat yongʻin nazorati organlarining boj olinmaydigan savdo doʻkoni savdo zali, yordamchi binosi va omborining yongʻin xavfsizligi talablariga muvofiqligi toʻgʻrisidagi xulosasi;
davlat sanitariya nazorati organlarining boj olinmaydigan savdo doʻkoni savdo zali, yordamchi binosi va omborining tovarlarni saqlash uchun zarur shart-sharoitlarga muvofiqligi toʻgʻrisidagi xulosasi;
boj olinmaydigan savdo doʻkonida sotish moʻljallanayotgan tovarlar roʻyxati va boj olinmaydigan savdo doʻkonida uning yordamchi binolari va omborida turishi mumkin boʻlgan barcha tovarlarning maksimal qiymati;
boj olinmaydigan savdo doʻkonida uning yordamchi binolari va omborlarida erkin aylanishga chiqarish rejimida turgan barcha tovarlar bir vaqtda bojxona rasmiylashtiruvidan oʻtkazilganda toʻlanishi mumkin boʻlgan bojxona toʻlovlari summasiga bojxona toʻlovlari toʻlanishini taʼminlashni tasdiqlaydigan hujjat;
LexUZ sharhiOldingi tahrirga qarang.
(22-bandning oʻn ikkinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan chiqarilgan — OʻR QHT, 2014-y., 31-son, 380-modda)
Litsenziya talabgoridan ushbu Nizomda nazarda tutilmagan hujjatlarni taqdim etishni talab qilishga yoʻl qoʻyilmaydi.
Litsenziyalovchi organ litsenziya berish uchun boshqa vakolatli organlarda mavjud boʻlgan zarur hujjatlar va axborotlarni belgilangan tartibda oʻzaro axborot hamkorligi yoʻli bilan, shu jumladan elektron tarzda mustaqil ravishda oladi, ushbu bandda nazarda tutilgan hujjatlar va axborotlar bundan mustasno.
(22-band Oʻzbekiston Respublikasi Vazirlar Mahkamasining 2014-yil 31-dekabrdagi 377-sonli qaroriga asosan xatboshi bilan toʻldirilgan — OʻR QHT, 2015-y., 1-son, 9-modda)
23. Hujjatlar litsenziyalovchi organga litsenziya talabgori tomonidan bevosita yoxud ularning olinganligi toʻgʻrisidagi bildirishnoma bilan pochta aloqasi vositasi orqali yetkazib beriladi.
LexUZ sharhi24. Hujjatlar litsenziyalovchi organning masʼul shaxsi tomonidan roʻyxat boʻyicha qabul qilinadi, roʻyxatning nusxasi hujjatlar qabul qilib olingan sana toʻgʻrisida belgi qoʻyilgan holda ariza beruvchiga yuboriladi (topshiriladi).
25. Ishonchli boʻlmagan yoki buzilgan maʼlumotlar taqdim etilganligi uchun litsenziya talabgori qonun hujjatlariga muvofiq javob beradi.
V. Arizani koʻrib chiqish va litsenziya berish yoki litsenziya berishni rad etish toʻgʻrisida qaror qabul qilish
26. Litsenziya berish mazkur Nizomga 2-ilovadagi sxemaga binoan amalga oshiriladi.
(26-band Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
27. Litsenziya talabgorining litsenziya berish toʻgʻrisidagi arizasi koʻrib chiqilganligi uchun yigʻim undirilmaydi.
(27-band Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
28. Litsenziya berish yoki litsenziya berishni rad etish toʻgʻrisidagi qaror barcha zarur hujjatlar bilan birgalikda litsenziya talabgorining arizasi olingan kundan boshlab oʻttiz kundan ortiq boʻlmagan muddatda qabul qilinadi.
29. Litsenziya berish, litsenziyalarning amal qilish muddatini uzaytirish toʻgʻrisidagi hujjatlarni koʻrib chiqish, ular boʻyicha xulosalar tayyorlash uchun litsenziyalovchi organda ekspert komissiyasi tashkil etiladi. Ekspert komissiyasining tarkibi va u toʻgʻrisidagi nizom litsenziyalovchi organ tomonidan tasdiqlanadi.
30. Litsenziya talabgorining arizasi barcha zarur hujjatlar bilan birgalikda ular qabul qilingan kunda koʻrib chiqish uchun ekspert komissiyasiga kiritiladi.
Ekspert komissiyasi yigirma kundan ortiq boʻlmagan muddatda taqdim etilgan hujjatlarni koʻrib chiqadi va ular boʻyicha litsenziya berish yoki litsenziya berishni rad etish toʻgʻrisida ekspert xulosasi tayyorlaydi.
31. Litsenziyalovchi organ besh kun muddatda ekspert komissiyasi xulosasi asosida litsenziya berish yoki litsenziya berishni rad etish toʻgʻrisida qaror qabul qiladi.
Litsenziyalovchi organ litsenziya talabgorini qabul qilingan qaror toʻgʻrisida tegishli qaror qabul qilingandan keyin uch kun mobaynida xabardor qiladi.
Litsenziya berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari va davlat boji toʻlash muddati koʻrsatilgan holda yozma shaklda yuboriladi (topshiriladi).
LexUZ sharhi32. Litsenziya maxsus blankada rasmiylashtiriladi va unda quyidagilar boʻlishi kerak:
boj olinmaydigan savdo doʻkoni egasining nomi, uning tashkiliy-huquqiy shakli va joylashgan joyi koʻrsatilishi kerak;
boj olinmaydigan savdo doʻkonining savdo zali, yordamchi binosi va omboriga egalik huquqi toʻgʻrisidagi maʼlumotlar;
bojxona toʻlovlari miqdorlari va ularni toʻlashni taʼminlash shakli toʻgʻrisidagi maʼlumotlar;
boj olinmaydigan savdo doʻkonining savdo zali, yordamchi binosi va ombori joylashgan joy;
bojxona nazoratini amalga oshirish uchun zarur boʻlgan va Oʻzbekiston Respublikasi Davlat bojxona qoʻmitasi tomonidan belgilanadigan boshqa maʼlumotlar.
33. Litsenziyalar blankalari namunasi Oʻzbekiston Respublikasi Vazirlar Mahkamasining 2000-yil 20-dekabrdagi 488-son qaroriga muvofiq litsenziyalovchi organ tomonidan tasdiqlanadi.
Litsenziyalar blankalari qatʼiy hisobot beriladigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziya blankalari litsenziyalovchi organning buyurtmasi boʻyicha “Davlat belgisi” davlat-ishlab chiqarish birlashmasida bosmaxona usulida tayyorlanadi.
34. Litsenziyalar litsenziya talabgori tomonidan davlat boji toʻlanganini tasdiqlovchi hujjat taqdim etilgandan keyin uch kun muddatda rasmiylashtiriladi va beriladi.
35. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etmasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.
36. Litsenziya berish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.
Boshqa asoslar boʻyicha, shu jumladan litsenziya berish maqsadga muvofiq emasligi sababi bilan litsenziya berish rad etilishiga yoʻl qoʻyilmaydi.
37. Litsenziya talabgori litsenziyalovchi organning litsenziya berishni rad etish toʻgʻrisidagi qarori, shuningdek litsenziyalovchi organning mansabdor shaxsi xatti-harakati (harakatsizligi) ustidan qonun hujjatlarida belgilangan tartibda shikoyat qilish huquqiga egadir.
38. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
(38-band Oʻzbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — OʻR QHT, 2012-y., 6-son, 57-modda)
LexUZ sharhi39. Litsenziya berishni rad etish uchun asos boʻlgan sabablar litsenziya talabgori tomonidan bartaraf etilgan taqdirda, hujjatlarni takroran koʻrib chiqish litsenziyalovchi organ tomonidan litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.
Bunda takroran taqdim etilgan hujjatlar ekspert komissiyasining koʻrib chiqishi uchun ular qabul qilgan kunda kiritiladi.
Ekspert komissiyasi olti kundan ortiq boʻlmagan muddatda taqdim etilgan hujjatlarni takroran koʻrib chiqadi va ular boʻyicha litsenziya berish yoki litsenziya berishni rad etish toʻgʻrisida ekspert xulosasi tayyorlaydi.
Litsenziyalovchi organ toʻrt kun muddatda ekspert komissiyasining xulosasi asosida litsenziya berish yoki litsenziya berishni rad etish toʻgʻrisida qaror qabul qiladi.
40. Litsenziya talabgorining arizasi qayta koʻrib chiqilganligi uchun yigʻim undirilmaydi.
Litsenziya talabgorining arizasini qayta koʻrib chiqishda ilgari litsenziya berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi;
Litsenziya berishni rad etish toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
(40-band Oʻzbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — OʻR QHT, 2012-y., 44-son, 507-modda)
VI. Litsenziyani qayta rasmiylashtirish, uning amal qilish muddatini uzaytirish, dublikat berish
41. Litsenziat oʻzgartirilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyxatdan oʻtkazilgandan keyin bir oy muddatda litsenziyalovchi organga koʻrsatib oʻtilgan maʼlumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.
(41-band Oʻzbekiston Respublikasi Vazirlar Mahkamasining 2018-yil 29-oktabrdagi 884-sonli qarori tahririda — Qonun hujjatlari maʼlumotlari milliy bazasi, 30.10.2018-y., 09/18/884/2128-son)
Yangidan vujudga kelgan yuridik shaxsni davlat roʻyxatidan oʻtkazish sanasida boj olinmaydigan savdo doʻkoni faoliyatini amalga oshirish huquqini beruvchi litsenziyaga ega boʻlgan litsenziatlar qoʻshib yuborilgan taqdirda, litsenziyani ushbu bandning birinchi xatboshida nazarda tutilgan tartibda qayta rasmiylashtirishga yoʻl qoʻyiladi.
(41-band Oʻzbekiston Respublikasi Vazirlar Mahkamasining 2018-yil 29-oktabrdagi 884-sonli qaroriga asosan xatboshi bilan toʻldirilgan — Qonun hujjatlari maʼlumotlari milliy bazasi, 30.10.2018-y., 09/18/884/2128-son)
42. Litsenziat litsenziya qayta rasmiylashtirilgunga qadar unda koʻrsatilgan faoliyatni ilgari berilgan litsenziya asosida amalga oshiradi.
43. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyani qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.
Qayta rasmiylashtirilgan litsenziyaning asl nusxasi litsenziyalovchi organ tomonidan litsenziatga oldingi litsenziyaning asl nusxasi olib qoʻyilgan holda beriladi. Eski nusxa litsenziya berish toʻgʻrisidagi arizaga tikib qoʻyiladi va litsenziyalovchi organda saqlanadi.
Litsenziyalarni qayta rasmiylashtirishda yigʻim undirilmaydi.
(43-bandning uchinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
44. Litsenziyaning amal qilish muddatini uzaytirish litsenziatning arizasiga koʻra amalga oshiriladi. Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati oʻtgunga qadar ikki oydan kechikmay berilishi kerak. Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.
45. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra dublikat berilishi mumkin.
Litsenziya dublikatini berishda yigʻim undirilmaydi.
(45-bandning ikkinchi xatboshisi Oʻzbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — OʻR QHT, 2014-y., 31-son, 380-modda)
VII. Litsenziya talablari va shartlariga rioya etilishini nazorat qilish
46. Litsenziat tomonidan litsenziya talablari va shartlariga rioya etilishi qonun hujjatlarida belgilangan tartibda litsenziyalovchi organ tomonidan nazorat qilinadi.
47. Litsenziya talablari va shartlariga rioya etilishi ustidan nazoratni amalga oshirishda litsenziyalovchi organ oʻz vakolatlari doirasida:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi holatlar mavjud boʻlgan taqdirda litsenziatning ularga rioya etishini qonunda belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur axborotni soʻrash va olish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini koʻrsatgan holda dalolatnomalar (maʼlumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
Oldingi tahrirga qarang.
litsenziyaning amal qilishini toʻxtatib turish, toʻxtatish yoki litsenziyani bekor qilish toʻgʻrisida qonun hujjatlarida belgilangan tartibda qaror chiqarish yoki sudga murojaat qilish.
(47-bandning yettinchi xatboshisi Oʻzbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — Oʻzbekiston Respublikasi Qonun hujjatlari toʻplami, 2006-y., 46-47-son, 458-modda)
48. Litsenziya talablari va shartlariga rioya etilishini tekshirish chogʻida litsenziyalovchi organning tekshiruvchi xodimlari tomonidan ikki nusxada dalolatnoma tuziladi, uning bir nusxasi litsenziatga beriladi, ikkinchi nusxasi litsenziyalovchi organda qoladi.
VIII. Litsenziyaning amal qilishini toʻxtatib turish, toʻxtatish, litsenziyani bekor qilish
49. Litsenziyaning amal qilishini toʻxtatib turish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 22-moddasida nazarda tutilgan hollarda va tartibda amalga oshiriladi.
Litsenziyalovchi organning litsenziyaning amal qilishini toʻxtatib turish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishini toʻxtatib turish asossiz ekanligi sud tomonidan eʼtirof etilgan taqdirda, litsenziyalovchi organ litsenziat oldida litsenziat koʻrgan zarar miqdorida javob beradi.
(49-bandning birinchi xatboshisi Oʻzbekiston Respublikasi Vazirlar Mahkamasining 2006-yil 10-noyabrdagi 235-son qarori tahririda — Oʻzbekiston Respublikasi Qonun hujjatlari toʻplami, 2006-y., 46-47-son, 458-modda)
50. Litsenziyaning amal qilishini toʻxtatish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 23-moddasida nazarda tutilgan hollarda va tartibda amalga oshiriladi.
(50-bandning birinchi xatboshisi Oʻzbekiston Respublikasi Vazirlar Mahkamasining 2006-yil 10-noyabrdagi 235-sonli qarori tahririda — OʻR QHT, 2006-y., 46-47-son, 458-modda)
Litsenziyalovchi organning litsenziyaning amal qilishini toʻxtatish toʻgʻrisidagi qarori yuzasidan sudga shikoyat qilinishi mumkin. Litsenziyaning amal qilishini toʻxtatish asossiz ekanligi sud tomonidan eʼtirof etilgan taqdirda, litsenziyalovchi organ litsenziat oldida litsenziat koʻrgan zarar miqdorida javob beradi.
51. Litsenziyani bekor qilish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 24-moddasida nazarda tutilgan hollarda va tartibda amalga oshiriladi.
(51-bandning birinchi xatboshisi Oʻzbekiston Respublikasi Vazirlar Mahkamasining 2006-yil 10-noyabrdagi 235-sonli qarori tahririda — OʻR QHT, 2006-y., 46-47-son, 458-modda)
Litsenziyalovchi organning litsenziyani bekor qilish toʻgʻrisidagi qarori yuzasidan sudga shikoyat qilinishi mumkin. Litsenziyaning bekor qilinishi asossiz ekanligi sud tomonidan eʼtirof etilgan taqdirda, litsenziyalovchi organ litsenziat oldida litsenziat koʻrgan zarar miqdorida javob beradi.
IX. Litsenziyalar reyestri
52. Litsenziyalovchi organ berilgan litsenziyalar reyestrini yuritadi.
53. Litsenziyalar reyestrida litsenziatlar toʻgʻrisidagi quyidagi asosiy maʼlumotlar koʻrsatilishi kerak:
yuridik shaxsning nomi, tashkiliy-huquqiy shakli, pochta manzili, telefoni;
litsenziyalarning berilgan sanasi va tartib raqami;
litsenziyalarning amal qilish muddati;
litsenziyalarni qayta rasmiylashtirish, ularning amal qilishini toʻxtatib turish va tiklashning asoslari va sanasi;
litsenziyalarning amal qilishini toʻxtatish asoslari va sanasi;
litsenziyalarni bekor qilishning asoslari va sanasi;
dublikat berish asoslari va sanasi.
54. Litsenziyalarning reyestrlarida mavjud boʻlgan maʼlumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.
(54-band Oʻzbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — OʻR QHT, 2012-y., 6-son, 57-modda)
X. Davlat bojini toʻlash tartibi
55. Litsenziya berilganligi yoki uning amal qilish muddati uzaytirilganligi uchun eng kam oylik ish haqining besh baravari miqdorida davlat boji undiriladi.
Oldingi tahrirga qarang.
(56-band Oʻzbekiston Respublikasi Vazirlar Mahkamasining 2006-yil 22-maydagi 92-son qaroriga muvofiq oʻz kuchini yoʻqotgan — Oʻzbekiston Respublikasi Qonun hujjatlari toʻplami, 2006-y., 20-21-son, 181-modda)
Boj olinmaydigan savdo doʻkoni faoliyatini litsenziyalash toʻgʻrisidagi nizomga
1-ILOVA
1-ILOVA
Boj olinmaydigan savdo doʻkonlarida tovarlarni sotib olishga
BUYuRTMANOMA
| ________________________________________________________________ |
|
(xorijiy davlatning diplomatik vakolatxonasi yoki konsullik muassasasi, xalqaro tashkilot |
| ________________________________________________________________ |
|
vakolatxonasining va unga tenglashtirilgan vakolatxonaning nomi) |
| ________________________________________________________________ |
| ______________________________________________vakolatini beraman |
|
(xorijiy davlatning diplomatik vakolatxonasi yoki konsullik muassasasi, xalqaro tashkilot vakolatxonasi va unga tenglashtirilgan vakolatxonaning xaridni amalga oshirish vakolati berilgan shaxsining familiyasi, ismi, otasining ismi, toifasi, shuningdek akkreditatsiya kartochkasi raqami) |
| Quyidagi tovarlarni ______________________________ sotib olish uchun |
|
(tovarlarni sotib olishning maqsadi) |
|
T/r |
Tovarning nomi |
Miqdori |
Bittasining qiymati |
Umumiy qiymati |
| 1. | | | | |
| 2. | | | | |
| 3. | | | | |
| 4. | | | | |
|
__________________ |
____________________________________________ | |||
| (buyurtmanoma tuzilgan sana) |
xorijiy davlatning diplomatik yoki konsullik muassasasi, xalqaro tashkilot vakolatxonasi va unga tenglashtirilgan vakolatxona boshligʻining familiyasi, ismi, otasining ismi, imzosi). | |||
(1-ilova Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori bilan kiritilgan — OʻR QHT, 2010-y., 47-son, 425-modda)
Boj olinmaydigan savdo doʻkoni faoliyatini litsenziyalash toʻgʻrisidagi nizomga
2-ILOVA
2-ILOVA
(nizomga ilova grifi Oʻzbekiston Respublikasi Vazirlar Mahkamasining 2010-yil 19-noyabrdagi 253-sonli qarori tahririda — OʻR QHT, 2010-y., 47-son, 425-modda)
Boj olinmaydigan savdo doʻkoni faoliyatini litsenziyalash
sxemasi
(Oʻzbekiston Respublikasi qonun hujjatlari toʻplami, 2003-y., 22-son, 224-modda; 2006-y., 20-21-son, 181-modda, 46-47-son, 458-modda; 2010-y., 47-son, 425-modda; 2012-y., 6-son, 57-modda, 44-son, 507-modda; 2014-y., 31-son, 380-modda; 2015-y., 1-son, 9-modda; 2016-y., 25-son, 308-modda; Qonun hujjatlari maʼlumotlari milliy bazasi, 27.03.2018-y., 09/18/235/0452-son, 19.07.2018-y., 09/18/553/1538-son, 21.09.2018-y., 09/18/748/2024-son, 30.10.2018-y., 09/18/884/2128-son)
