1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.02.00 Suvdan foydalanish va muhofaza qilishni boshqarish va nazorat qilish]
[TSZ:
1.Tabiiy resurslar / Suv va suvdan foydalanish]
O‘zbekiston Respublikasi Prezidentining
Qarori
Quyi bo‘g‘inda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari to‘g‘risida
Suv resurslaridan foydalanish samaradorligini oshirish, suvdan foydalanish madaniyatini yuksaltirish orqali aholi ongida shakllangan “suv — tekin” tushunchasidan voz kechish hamda suvni tejaydigan sug‘orish texnologiyalarini kengaytirilgan tartibda joriy etishni davom ettirish maqsadida:
[OKOZ:
1.01.00.00.00 Konstitutsiyaviy tuzum / 01.12.00.00 Qoraqalpog‘iston Respublikasi qonunchilik va ijro organlari / 01.12.05.00 Qoraqalpog‘iston Respublikasi Vazirlar Kengashi;
2.03.00.00.00 Fuqarolik qonunchiligi / 03.03.00.00 Yuridik shaxslar / 03.03.10.00 Notijorat tashkilotlari / 03.03.10.05 Muassasalar;
3.07.00.00.00 Moliya va kredit to‘g‘risidagi qonunchilik. Bank faoliyati / 07.05.00.00 Respublika budjeti / 07.05.11.00 Davlat budjetining kassa ijrosi]
1. Suv xo‘jaligi vazirligi, Iqtisodiyot va moliya vazirligi, O‘zbekiston fermer, dehqon xo‘jaliklari va tomorqa yer egalari kengashi hamda Qoraqalpog‘iston Respublikasi Vazirlar Kengashi va viloyatlar hokimliklarining:
suv xo‘jaligi tashkilotlari tomonidan qishloq xo‘jaligi mahsulotlari ishlab chiqaruvchilarga suv yetkazib berish xizmatlari uchun to‘lovlarni bekor qilish (2028-yil 1-yanvardan boshlab Do‘stlik tumanidagi qishloq xo‘jaligi mahsulotlari ishlab chiqaruvchilar bundan mustasno);
(1-bandning ikkinchi xatboshisi O‘zbekiston Respublikasi Prezidentining 2025-yil 14-oktabrdagi PQ-302-sonli qarori tahririda — Qonunchilik ma’lumotlari milliy bazasi, 15.10.2025-y., 07/25/302/0955-son)
Suv xo‘jaligi vazirligining tuman (Quvasoy shahar) irrigatsiya bo‘limlari hamda maxsus xizmatlari negizida “Suv yetkazib berish xizmati” davlat muassasalarini (keyingi o‘rinlarda — Suv yetkazib berish xizmatlari) tashkil etish;
suv resurslaridan foydalanganlik uchun soliqdan Davlat budjetiga tushgan tushumning 40 foizini Suv yetkazib berish xizmatlari faoliyatini moliyalashtirish, ularning balansidagi obyektlarni saqlash va texnik holatini yaxshilash xarajatlariga yo‘naltirish to‘g‘risidagi takliflariga rozilik berilsin.
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.02.00 Suvdan foydalanish va muhofaza qilishni boshqarish va nazorat qilish]
2. Suv xo‘jaligi vazirligi tuman (Quvasoy shahar) irrigatsiya bo‘limlaridagi mavjud boshqaruv xodimlarining shtat birliklari hisobidan Suv xo‘jaligi vazirligi markaziy apparatida Suv yetkazib berish xizmatlari faoliyatini muvofiqlashtirish boshqarmasini tashkil etish uchun 7 ta shtat birligi hamda Qoraqalpog‘iston Respublikasi Suv xo‘jaligi vazirligi hamda irrigatsiya tizimlari havza boshqarmalarida Suv yetkazib berish xizmatlari faoliyatini muvofiqlashtirish bo‘limlarini tashkil etish uchun 39 ta shtat birligi ajratilsin.
Bunda, Davlat budjeti parametrlarida tuman (Quvasoy shahar) irrigatsiya bo‘limlarini saqlash uchun ko‘zda tutilgan mablag‘lar tegishli tumanlarda Suv yetkazib berish xizmatlari faoliyatini moliyalashtirish uchun yo‘naltiriladi va mehnatga haq to‘lashning eng kam miqdoriga mutanosib ravishda indeksatsiya qilib boriladi.
[OKOZ:
1.07.00.00.00 Moliya va kredit to‘g‘risidagi qonunchilik. Bank faoliyati / 07.09.00.00 Soliq qonunchiligi / 07.09.02.00 Soliq sohasida boshqaruv;
2.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.04.00 Suv xo‘jaligi balanslari. Suvdan foydalanish uchun limitlar;
3.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.12.00 Gidrotexnik va suv xo‘jaligi inshootlari. Gidrotexnik inshootlar xavfsizligini ta’minlash]
3. Quyidagilar Suv yetkazib berish xizmatlarining asosiy vazifalari etib belgilansin:
belgilangan limitlar asosida iste’molchilarga suv yetkazib berish;
o‘ziga biriktirilgan hududda suvning hisobi va hisobotini yuritish;
sug‘orish tarmoqlari va ulardagi gidrotexnik inshootlarni soz holatda saqlash, ta’mirlash-tiklash tadbirlarini amalga oshirish;
suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;
iste’molchilar kesimida iste’mol qilingan suv hajmi to‘g‘risidagi ma’lumotlarni soliq organlariga taqdim etib borish;
suv iste’molchilarining buyurtmanomasi asosida boshqa suv xo‘jaligi xizmatlarini ko‘rsatish.
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.02.00 Suvdan foydalanish va muhofaza qilishni boshqarish va nazorat qilish]
4. Suv yetkazib berish xizmatlari rahbarlari tegishlicha Qoraqalpog‘iston Respublikasi suv xo‘jaligi vaziri hamda irrigatsiya tizimlari havza boshqarmalari boshliqlarining tavsiyalariga asosan O‘zbekiston Respublikasi suv xo‘jaligi vaziri tomonidan lavozimga tayinlanishi va lavozimdan ozod etilishi hamda amalga oshirilgan ishlar yuzasidan bir yilda ikki marta xalq deputatlari tuman Kengashlariga hisobot berib borishi belgilansin.
[OKOZ:
1.01.00.00.00 Konstitutsiyaviy tuzum / 01.12.00.00 Qoraqalpog‘iston Respublikasi qonunchilik va ijro organlari / 01.12.05.00 Qoraqalpog‘iston Respublikasi Vazirlar Kengashi;
2.01.00.00.00 Konstitutsiyaviy tuzum / 01.15.00.00 Mahalliy davlat hokimiyati organlari / 01.15.03.00 Mahalliy ijroiya organlari (Hokimliklar) (shuningdek, 02.04.00.00ga qarang);
3.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.02.00 Suvdan foydalanish va muhofaza qilishni boshqarish va nazorat qilish]
5. Suv yetkazib berish xizmatlarining moddiy-texnik bazasini mustahkamlash maqsadida:
Iqtisodiyot va moliya vazirligi — 2024-2025-yillarda bosqichma-bosqich zarur texnika uchun mablag‘lar ajratilishini;
Suv xo‘jaligi vazirligi — tuman (Quvasoy shahar) irrigatsiya bo‘limlari balansidagi mavjud bino va asosiy vositalar, shu jumladan texnikalar Suv yetkazib berish xizmatlari balansiga o‘tkazib berilishini;
Qoraqalpog‘iston Respublikasi Vazirlar Kengashi Raisi va viloyatlar hokimlari — ma’muriy binosi mavjud bo‘lmagan Suv yetkazib berish xizmatlari uchun zarur bino yoki joy ajratilishini ta’minlasin.
6. O‘zbekiston Respublikasining “Soliq va budjet siyosatining 2024-yilga mo‘ljallangan asosiy yo‘nalishlari qabul qilinganligi munosabati bilan O‘zbekiston Respublikasi ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonunining 4-moddasi 38-bandiga asosan qishloq xo‘jaligi yerlarini sug‘orish va baliqlarni yetishtirish (o‘stirish) uchun foydalaniladigan suv hajmi, shu jumladan dehqon xo‘jaliklari va qishloq xo‘jaligiga mo‘ljallangan yerlarga ega bo‘lgan jismoniy shaxslar uchun suv resurslaridan foydalanganlik uchun soliq (keyingi o‘rinlarda — suv solig‘i) stavkasi 1 kub metr suv uchun 100 so‘m etib belgilanganligi ma’lumot uchun qabul qilinsin.
LexUZ sharhi
Qarang: O‘zbekiston Respublikasi Soliq kodeksining XVII bo‘limi.
7. Shunday tartib o‘rnatilsinki, unga ko‘ra:
[OKOZ:
1.01.00.00.00 Konstitutsiyaviy tuzum / 01.15.00.00 Mahalliy davlat hokimiyati organlari / 01.15.01.00 Mahalliy davlat vakillik organlari (Xalq deputatlari kengashlari) / 01.15.01.01 Umumiy qoidalar. Mahalliy vakillik organlarini saylash tartibi;
2.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.02.00 Suvdan foydalanish va muhofaza qilishni boshqarish va nazorat qilish;
3.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.05.00 Suvdan foydalanish turlari / 11.05.05.03 Suvdan qishloq xo‘jaligi ehtiyojlari uchun foydalanish]
a) 2024-yildan boshlab:
Suv xo‘jaligi vazirligi Qishloq xo‘jaligi vazirligi bilan birgalikda har yili 25-martga qadar vegetatsiya davri uchun va 25-sentabrga qadar kuz-qish davri uchun suv manbalarining suvlilik darajasidan kelib chiqqan holda hududlar kesimida qishloq xo‘jaligi ekinlarini sug‘orish uchun suv olish limitlarini tasdiqlaydi;
Qoraqalpog‘iston Respublikasi Suv xo‘jaligi vazirligi va Qoraqalpog‘iston Respublikasi Qishloq xo‘jaligi vazirligi, irrigatsiya tizimlari havza boshqarmalari hamda hududiy qishloq xo‘jaligi boshqarmalari har yili 1-aprelga qadar vegetatsiya davri uchun va 1-oktabrga qadar kuz-qish davri uchun yakuniy iste’molchilar kesimida ekinlarni sug‘orish uchun suv olish limitlarini hududlar bo‘yicha tasdiqlangan limit doirasida ishlab chiqadi va tasdiqlash uchun xalq deputatlari tuman Kengashlariga kiritadi;
iste’mol qilingan suv miqdori hisobini yuritmagan (yuritishdan bosh tortgan) qishloq xo‘jaligi mahsulotlari ishlab chiqaruvchilari uchun suv solig‘i bazasi xalq deputatlari tuman Kengashlari tomonidan tasdiqlangan limitlarga nisbatan ikki barobar oshirilgan holda hisoblanadi;
[OKOZ:
1.07.00.00.00 Moliya va kredit to‘g‘risidagi qonunchilik. Bank faoliyati / 07.09.00.00 Soliq qonunchiligi / 07.09.03.00 Soliqlar va yig‘imlar;
2.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.05.00 Suvdan foydalanish turlari / 11.05.05.03 Suvdan qishloq xo‘jaligi ehtiyojlari uchun foydalanish]
b) 2025-yildan boshlab:
suvni tejaydigan sug‘orish texnologiyalari joriy qilinganda hamda sug‘orish uchun olingan suv hajmi suv o‘lchash uskunalari asosida aniqlanganda suv solig‘i stavkasiga 0,5 kamaytiruvchi koeffitsiyent qo‘llaniladi;
suvni tejaydigan sug‘orish texnologiyalari joriy qilinganda yoki sug‘orish uchun olingan suv hajmi suv o‘lchash uskunalari asosida aniqlanganda suv solig‘i stavkasiga 0,7 kamaytiruvchi koeffitsiyent qo‘llaniladi;
baliqchilik uchun olingan suv hajmi suv o‘lchash uskunalari asosida aniqlanganda suv solig‘i stavkasiga 0,7 kamaytiruvchi koeffitsiyent, qo‘llaniladi;
suvni tejaydigan sug‘orish texnologiyalari joriy qilinmaganda hamda sug‘orish uchun olingan suv hajmi suv o‘lchash uskunalari asosida aniqlanmaganda suv solig‘i stavkasiga 1,1 oshiruvchi koeffitsiyent qo‘llaniladi.
(7-band “b” kichik bandining beshinchi xatboshisi O‘zbekiston Respublikasi Prezidentining 2024-yil 25-dekabrdagi PQ-455-sonli qarori tahririda — Qonunchilik ma’lumotlari milliy bazasi, 30.12.2024-y., 07/24/455/1092-son. Kuchga kirish sanasi — 2025-yil 1-yanvar)
LexUZ sharhi
Qarang: Vazirlar Mahkamasining 2024-yil 19-avgustdagi 515-sonli “Yer maydonlarini yangidan o‘zlashtirish va qishloq xo‘jaligida qayta foydalanishga kiritishda davlat tomonidan amalga oshiriladigan chora-tadbirlar hamda mazkur tadbirlarni moliyalashtirish tartibi to‘g‘risidagi nizomni tasdiqlash haqida”gi qarori.
8. Quyidagilar:
O‘zbekiston Respublikasi Prezidentining 2023-yil 12-dekabrdagi “Qishloq xo‘jaligida erkin bozor munosabatlarini yanada rivojlantirishning qo‘shimcha chora-tadbirlari to‘g‘risida”gi PF-205-son Farmonida “Agrobank” ATB ustav kapitalini oshirish uchun 2,6 trillion so‘m mablag‘ yo‘naltirish hamda oilaviy tadbirkorlikni rivojlantirish dasturlari doirasida ajratilgan kreditlardan 2024-yilda qaytgan mablag‘larni suvni tejaydigan sug‘orish texnologiyalarini joriy etish bo‘yicha loyihalarni amalga oshirishga yo‘naltirish belgilanganligi;
“Agrobank” ATB tomonidan suvni tejaydigan sug‘orish texnologiyalarini joriy qilish bo‘yicha shaffof onlayn kredit ajratish imkonini beruvchi “suvkredit.uz” elektron tizimi (keyingi o‘rinlarda — “suvkredit.uz” tizimi) ishlab chiqilganligi hamda 2024-yil 1-fevralga qadar to‘liq ishga tushirilishi ma’lumot uchun qabul qilinsin.
[OKOZ:
1.03.00.00.00 Fuqarolik qonunchiligi / 03.11.00.00 Majburiyatlarning alohida turlari / 03.11.13.00 Kredit (shuningdek, 07.22.00.00, 07.23.00.00 larga qarang);
2.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.05.00 Suvdan foydalanish turlari / 11.05.05.03 Suvdan qishloq xo‘jaligi ehtiyojlari uchun foydalanish]
9. Suv xo‘jaligi vazirligi (R. Qarshiyev) Qishloq xo‘jaligi vazirligi (A. Nazarov), Iqtisodiyot va moliya vazirligi (A. Boboyev), O‘zbekiston fermer, dehqon xo‘jaliklari va tomorqa yer egalari kengashi (F. Suyunov) bilan birgalikda “suvkredit.uz” tizimida quyidagi funksiyalar inobatga olinishi bo‘yicha “Agrobank” ATBga ko‘maklashsin:
kredit rasmiylashtirish jarayonining shaffofligi, ya’ni barcha bosqichlarni onlayn kuzatib borish imkoniyati yaratilishi;
kreditlar asosida joriy qilinadigan suvni tejaydigan sug‘orish texnologiyalari faqat ishchi loyihalar asosida qurilishi;
pudrat tashkilotlar tomonidan har bir loyiha bo‘yicha kamida 2 yillik kafolat muddati berilishi hamda 5 yil davomida servis xizmatlari ko‘rsatilishi;
kredit oluvchilar tomonidan pudrat tashkilotlarning faoliyatini baholab borish hamda reyting tizimi yuritilishi;
kredit oluvchi qishloq xo‘jaligi mahsulotlari ishlab chiqaruvchilarini suvni tejaydigan sug‘orish texnologiyalaridan samarali foydalanishga o‘qitish orqali servis va konsultativ xizmatlar ko‘rsatilishi.
[OKOZ:
1.03.00.00.00 Fuqarolik qonunchiligi / 03.11.00.00 Majburiyatlarning alohida turlari / 03.11.13.00 Kredit (shuningdek, 07.22.00.00, 07.23.00.00 larga qarang);
2.07.00.00.00 Moliya va kredit to‘g‘risidagi qonunchilik. Bank faoliyati / 07.05.00.00 Respublika budjeti / 07.05.11.00 Davlat budjetining kassa ijrosi;
3.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.05.00 Suvdan foydalanish turlari / 11.05.05.03 Suvdan qishloq xo‘jaligi ehtiyojlari uchun foydalanish]
10. Belgilansinki, 2024-yildan boshlab:
suvni tejaydigan sug‘orish texnologiyalarini joriy etish bo‘yicha loyihalarni amalga oshirish uchun qishloq xo‘jaligi mahsulotlari ishlab chiqaruvchilariga “suvkredit.uz” platformasi orqali 5 yil muddatga, shundan 2 yillik imtiyozli davr bilan yillik 14 foiz stavkada kreditlar ajratiladi;
kreditlar ta’minoti 120 foiz sug‘urta kompaniyalarining kredit qaytmaslik xataridan sug‘urta polisi asosida amalga oshiriladi;
(10-bandning uchinchi xatboshisi O‘zbekiston Respublikasi Prezidentining 2026-yil 5-fevraldagi PQ-47-sonli qarori tahririda — Qonunchilik ma’lumotlari milliy bazasi, 06.02.2026-y., 07/26/47/0115-son)
suvni tejaydigan sug‘orish texnologiyalarini joriy etish bo‘yicha xarajatlarning bir qismini qoplash uchun subsidiyalar qishloq xo‘jaligi mahsulotlari ishlab chiqaruvchilariga ushbu texnologiyalar joriy qilingan yilning o‘zida to‘liq miqdorda ajratiladi.
(10-bandning beshinchi xatboshisi O‘zbekiston Respublikasi Prezidentining 2025-yil 26-dekabrdagi PQ-388-sonli qaroriga asosan chiqarilgan — Qonunchilik ma’lumotlari milliy bazasi, 29.12.2025-y., 07/25/388/1235-son)
[OKOZ:
1.03.00.00.00 Fuqarolik qonunchiligi / 03.11.00.00 Majburiyatlarning alohida turlari / 03.11.13.00 Kredit (shuningdek, 07.22.00.00, 07.23.00.00 larga qarang);
2.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.05.00 Suvdan foydalanish turlari / 11.05.05.03 Suvdan qishloq xo‘jaligi ehtiyojlari uchun foydalanish]
11. Qishloq xo‘jaligi vazirligi, Suv xo‘jaligi vazirligi hamda Iqtisodiyot va moliya vazirligining:
LexUZ sharhi
Qarang: Vazirlar Mahkamasining 2018-yil 3-maydagi 320-son qarori bilan tasdiqlangan Qishloq xo‘jaligi mahsulotlari yetishtiruvchilarning nasos agregatlari va sug‘orish quduqlari iste’mol qiladigan elektr energiyasi qiymatini qoplash uchun O‘zbekiston Respublikasi Davlat budjetidan subsidiyalar ajratish tartibi to‘g‘risida nizomi.
tijorat banklarining kredit mablag‘lari hisobiga joriy qilingan suvni tejaydigan sug‘orish texnologiyalari bo‘yicha ajratiladigan subsidiyalarni, birinchi navbatda, qishloq xo‘jaligi mahsulotlari ishlab chiqaruvchilarining tijorat banklarida ochilgan qonunchilik hujjatlariga muvofiq undiruvga yo‘l qo‘yilmaydigan maxsus maqsadli hisobvaraqlari (keyingi o‘rinlarda — maxsus maqsadli hisobvaraqlar) orqali kreditni so‘ndirish uchun yo‘naltirish;
Qishloq xo‘jaligi vazirligi Suv xo‘jaligi vazirligi va tijorat banklari bilan birgalikda maxsus maqsadli hisobvaraqlar ochiladigan qishloq xo‘jaligi mahsulotlari ishlab chiqaruvchilarining ro‘yxatini shakllantirishi hamda Soliq qo‘mitasi va Markaziy bank bilan kelishilgan holda Vazirlar Mahkamasiga kiritishi;
maxsus maqsadli hisobvaraqlarni ochish Vazirlar Mahkamasining ruxsati asosida amalga oshirilishi to‘g‘risidagi takliflariga rozilik berilsin.
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.05.00 Suvdan foydalanish turlari / 11.05.05.03 Suvdan qishloq xo‘jaligi ehtiyojlari uchun foydalanish]
12. Belgilansinki, sug‘oriladigan yerlarda yangi bog‘lar, uzumzorlar va boshqa ko‘p yillik daraxtzorlar hamda yengil tipdagi issiqxonalarni tashkil etishda xulosalar Qishloq xo‘jaligi vazirligi tomonidan faqat suvni tejaydigan sug‘orish texnologiyalarini joriy qilish sharti bilan beriladi.
Bosh prokuratura (J. Xatamov), Agrosanoat majmui ustidan nazorat qilish inspeksiyasi (A. Vaxabov) mazkur bandda belgilangan talabning ijrosi ustidan qat’iy nazorat o‘rnatsin.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.02.00 Vazirlar Mahkamasi vakolatlari;
2.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.02.00 Suvdan foydalanish va muhofaza qilishni boshqarish va nazorat qilish]
13. Suv xo‘jaligi vazirligi, Iqtisodiyot va moliya vazirligi, Soliq qo‘mitasi 2024-yil 1-fevralga qadar quyidagilarni nazarda tutuvchi “Suv yetkazib berish xizmati” davlat muassasalarining faoliyatini tashkil qilish to‘g‘risidagi nizom loyihasini Vazirlar Mahkamasiga kiritsin:
Suv yetkazib berish xizmatlarining faoliyati tegishliligi bo‘yicha Qoraqalpog‘iston Respublikasi Suv xo‘jaligi vazirligi va irrigatsiya tizimlari havza boshqarmalari tomonidan muvofiqlashtirilishi;
Suv yetkazib berish xizmatlari faoliyatini tashkil etish uchun tegishli tuman budjetlaridan mablag‘lar alohida shaxsiy g‘azna hisobvaraqlariga xarajatlar tasnifining bir satrida ajratilishi va Suv yetkazib berish xizmatining budjetdan tashqari mablag‘lari bo‘yicha shaxsiy g‘azna hisobvarag‘iga o‘tkazilishi;
Suv yetkazib berish xizmatlari tuzilmasi va shtat birliklari soni, tizim uchun belgilangan normativlardan qat’i nazar, Suv xo‘jaligi vazirligi tomonidan Iqtisodiyot va moliya vazirligi bilan kelishilgan holda tasdiqlanishi;
Suv yetkazib berish xizmatlariga ajratilgan mablag‘lardan foydalanish tartibi, shu jumladan, xodimlarning mehnatiga haq to‘lash miqdori va ular faoliyatining samaradorlik mezonlariga asoslangan rag‘batlantirish tartibi Suv xo‘jaligi vazirligi tomonidan Iqtisodiyot va moliya vazirligi bilan kelishilgan holda tasdiqlanishi;
tuman (Quvasoy shahar) uchun olingan suv hajmi hamda yakuniy iste’molchilarga yetkazilgan suv hajmi orasidagi farqqa (suv yo‘qotishlari) qarab Suv yetkazib berish xizmatlari xodimlarini rag‘batlantirish mexanizmi.
[OKOZ:
1.01.00.00.00 Konstitutsiyaviy tuzum / 01.12.00.00 Qoraqalpog‘iston Respublikasi qonunchilik va ijro organlari / 01.12.05.00 Qoraqalpog‘iston Respublikasi Vazirlar Kengashi;
2.01.00.00.00 Konstitutsiyaviy tuzum / 01.15.00.00 Mahalliy davlat hokimiyati organlari / 01.15.03.00 Mahalliy ijroiya organlari (Hokimliklar) (shuningdek, 02.04.00.00ga qarang);
3.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.02.00 Vazirlar Mahkamasi vakolatlari;
4.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.02.00 Suvdan foydalanish va muhofaza qilishni boshqarish va nazorat qilish]
14. Suv xo‘jaligi vazirligi (Sh. Xamrayev), Qishloq xo‘jaligi vazirligi (A. Nazarov), Kadastr agentligi (F. Pulatov), Iqtisodiyot va moliya vazirligi huzuridagi Davlat moliyaviy nazorati inspeksiyasi (L. Umurzoqov), Adliya vazirligi (Sh. Rabiyev), Qoraqalpog‘iston Respublikasi Vazirlar Kengashi Raisi va viloyatlar hokimlari 2024-yil 1-iyulga qadar barcha sug‘orish tarmoqlarining xatlovdan o‘tkazilishini tashkil qilsin hamda ularning tegishliligi bo‘yicha balansga berilishi va kadastr hujjatlari rasmiylashtirilishi, shuningdek, raqamli texnologiyalar asosida har bir sug‘orish tarmog‘ini klassifikatsiyalash va identifikatsiyalash yuzasidan Vazirlar Mahkamasiga taklif kiritsin, bunda:
har bir tuman (Quvasoy shahar) hokimi o‘z hududidagi sug‘orish tarmoqlarini xatlovdan o‘tkazishga mas’ul etib belgilansin;
tuman (Quvasoy shahar) adliya bo‘limlari sug‘orish tarmoqlarini tegishliligi bo‘yicha biriktirish jarayonini huquqiy jihatdan ta’minlasin.
[OKOZ:
1.01.00.00.00 Konstitutsiyaviy tuzum / 01.10.00.00 O‘zbekiston Respublikasi Prezidenti / 01.10.03.00 O‘zbekiston Respublikasi Prezidenti Administratsiyasi]
15. Iqtisodiyot va moliya vazirligi (A. Boboyev) Soliq qo‘mitasi (Sh. Kudbiyev), Suv xo‘jaligi vazirligi (Sh. Xamrayev) va Qishloq xo‘jaligi vazirligi (A. Nazarov) bilan birgalikda 2025-yil yakuniga qadar 2027 — 2029-yillarda lazerli tekislanmagan sug‘oriladigan maydonlarga nisbatan yer va suv solig‘i stavkalarini bosqichma-bosqich bir yarim barobardan to‘rt barobargacha oshirish yuzasidan O‘zbekiston Respublikasi Prezidenti Administratsiyasiga taklif kiritsin.
Bunda, Iqtisodiyot va moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi tomonidan yer tekislagich agregatlarni sotib olish xarajatlarining 30 foizini qoplab berish mexanizmi davom ettirilishi ma’lumot uchun qabul qilinsin.
16. Quyi bo‘g‘inda suv resurslarini boshqarish tizimini takomillashtirish bo‘yicha “yo‘l xaritasi” 1-ilovaga muvofiq tasdiqlansin.
[OKOZ:
1.21.00.00.00 O‘zgartirish va qo‘shimchalar kiritish bo‘yicha kompleks tusdagi hujjatlar / 21.02.00.00 O‘zbekiston Respublikasi Prezidentining farmon va qarorlari]
17. O‘zbekiston Respublikasi Prezidentining va O‘zbekiston Respublikasi Hukumatining ayrim qarorlariga 2-ilovaga muvofiq o‘zgartirish va qo‘shimchalar kiritilsin.
18. Mazkur qaror ijrosini samarali tashkil qilishga mas’ul va shaxsiy javobgar etib suv xo‘jaligi vaziri Sh.R. Xamrayev belgilansin.
Qaror ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish Bosh vazir o‘rinbosari J.A. Xodjayev zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2024-yil 5-yanvar,
PQ-5-son
O‘zbekiston Respublikasi Prezidentining 2024-yil 5-yanvardagi PQ-5-son qaroriga 1-ILOVA
Quyi bo‘g‘inda suv resurslarini boshqarish tizimini takomillashtirish bo‘yicha
Suvni tejaydigan sug‘orish texnologiyalarini bosqichma-bosqich joriy qilishrejasini ishlab chiqish, bunda quyidagilarga e’tibor qaratish:
suvni tejaydigan sug‘orish texnologiyalari suv hamda elektr ta’minoti ishonchli bo‘lgan maydonlarda joriy etilishiga;
suvni tejaydigan sug‘orish texnologiyalari bitta sug‘orish tarmog‘iga bog‘langan maydonni to‘liq qamrab olgandan so‘ng boshqasiga o‘tish, ya’ni “bir kanal — bir tizim” tamoyili asosida joylashtirilishiga;
suvni tejaydigan sug‘orish texnologiyalari joriy qilinishi rejalashtirilgan maydonlarda faoliyat ko‘rsatayotgan qishloq xo‘jaligi mahsulotlari ishlab chiqaruvchilarini ushbu texnologiyalardan foydalanish bo‘yicha o‘qitishga;
suvni tejaydigan sug‘orish texnologiyalari ishchi loyihalar asosida joriy etilishiga.
2024-yil 1-fevral
Qoraqalpog‘iston Respublikasi Vazirlar Kengashi Raisi va viloyatlar hokimlari,
Suv xo‘jaligi vazirligi
(R. Qarshiyev),
Qishloq xo‘jaligi vazirligi
(A. Nazarov),
“Hududiy elektr tarmoqlari” AJ
(U. Mustafoyev)
2.
2024-yildan boshlab Qoraqalpog‘iston Respublikasi va Xorazm viloyatida suvni tejaydigan sug‘orish texnologiyalarini joriy qilish bo‘yicha loyihalarga tijorat banklari tomonidan milliy valyutada ajratiladigan kreditlar bo‘yicha foiz stavkasining 10 foizdan oshadigan qismi to‘lab beriladigan qishloq xo‘jaligi ishlab chiqaruvchilarining ro‘yxatini Qishloq xo‘jaligi vazirligiga kiritib borish.
Har oyda
“Agrobank” ATB
(E. Kaxorov),
Qishloq xo‘jaligi vazirligi (A. Qosimov)
3.
Suv yetkazib berish xizmatlarini joylashtirish uchun:
1. Zarur bino yoki joy ajratilishi yuzasidan Qoraqalpog‘iston Respublikasi Vazirlar Kengashi Raisi va viloyatlar hokimlariga taklif kiritish.
2024-yil 15-yanvar
Suv xo‘jaligi vazirligi
(Sh. Xamrayev)
2. Suv xo‘jaligi vazirligining takliflariga asosan bino yoki joylarning ajratilishini ta’minlash.
2024-yil 1-fevral
Qoraqalpog‘iston Respublikasi Vazirlar Kengashi va viloyat hokimliklari
4.
Suv xo‘jaligi vazirligi va “Agrobank” ATBning so‘rovnomalariga asosan “Suvchilar maktabi” loyihasi doirasida tashkil etiladigan o‘quv kurslarida fermer va klasterlarning rahbar xodimlari ishtirokini ta’minlash.
2024-yil fevraldan boshlab
Qoraqalpog‘iston Respublikasi Vazirlar Kengashi, viloyat va tuman hokimliklari
5.
O‘rnatiladigan suvni tejaydigan sug‘orish tizimlarining elektr tarmog‘iga qisqa muddatlarda ulanishini hamda sug‘orish mavsumida elektr tarmog‘iga ulangan suvni tejaydigan sug‘orish tizimlari nasos agregatlarini sug‘orish grafigiga mos ravishda elektr energiyasi bilan uzluksiz ta’minlab borish.
Doimiy
Energetika vazirligi,
(J. Mirzamahmudov)
“Hududiy elektr tarmoqlari” AJ
(U. Mustafoyev)
6.
Qishloq xo‘jaligi yerlarini sug‘orish va baliqlarni yetishtirish (o‘stirish) uchun foydalaniladigan suv hajmi, shu jumladan dehqon xo‘jaliklari va qishloq xo‘jaligiga mo‘ljallangan yerlarga ega bo‘lgan jismoniy shaxslarga suv resurslaridan foydalanganligi uchun soliqni hisoblash tartibini ishlab chiqish va Vazirlar Mahkamasiga kiritish.
2024-yil 1-iyul
Suv xo‘jaligi vazirligi
(Sh. Xamrayev),
Soliq qo‘mitasi
(Sh. Kudbiyev),
Iqtisodiyot va moliya vazirligi
(A. Xaydarov)
7.
Qishloq xo‘jaligi va baliqchilik yo‘nalishida foydalaniladigan suv hajmini aniqlash uchun o‘rnatiladigan suv o‘lchash uskunalariga qo‘yiladigan talablar hamda ulardan foydalanish tartibini ishlab chiqish va Vazirlar Mahkamasiga kiritish.
2024-yil 1-aprel
Suv xo‘jaligi vazirligi
(Sh. Xamrayev),
O‘zbekiston texnik jihatdan tartibga solish agentligi
(D. Sattarov)
8.
Xalq deputatlari tuman Kengashlari tomonidan tasdiqlangan qishloq xo‘jaligi ekinlarini sug‘orish uchun iste’molchilar kesimidagi suv olish limitlari hamda suvni tejaydigan sug‘orish texnologiyalari va suv o‘lchash uskunalari orqali foydalanilgan suv hajmi to‘g‘risidagi ma’lumotlarni “Suv hisobi” axborot tizimiga kiritib borish.
2025-yildan doimiy
Suv xo‘jaligi vazirligi
(Sh. Xamrayev),
Qishloq xo‘jaligi vazirligi
(Q. Yuldashev)
9.
Mazkur qarordan kelib chiqib, O‘zbekiston Respublikasi Soliq kodeksiga tegishli qo‘shimcha va o‘zgartirishlar kiritish bo‘yicha qonun loyihasini ishlab chiqish va Vazirlar Mahkamasiga kiritish.
2024-yil 1-dekabr
Iqtisodiyot va moliya vazirligi
(A. Xaydarov),
Soliq qo‘mitasi
(Sh. Kudbiyev)
10.
Ilmiy xodimlar hamda xorijiy ekspertlarni jalb qilgan holda viloyatlararo va transchegaraviy ahamiyatga ega bo‘lgan daryolar, magistral kanallar (tizimlar), yirik va alohida muhim suv obyektlarida suvning yagona onlayn hisobi yuritilishini yo‘lga qo‘yish bo‘yicha chora-tadbirlarni amalga oshirish. Bunda:
Suv xo‘jaligi vazirligi
(Sh. Xamrayev),
Ekologiya, atrof-muhitni muhofaza qilish va iqlim o‘zgarishi vazirligi
(A. Abduhakimov),
“O‘zbekgidroenergo” AJ
(A. Sanginov),
Iqtisodiyot va moliya vazirligi
(I. Norqulov),
Raqamli texnologiyalar vazirligi
(Sh. Shermatov)
real vaqt rejimida suv sathi va oqim tezligini o‘lchash qurilmalari o‘rnatiladigan yirik suv xo‘jaligi inshootlari, suv olish va o‘tkazish nuqtalari hamda gidropostlar ro‘yxatini shakllantirish;
2024-yil 1-mart
tanlab olingan obyekt va nuqtalarda suv o‘lchash qurilmalarini o‘rnatish imkoniyatlari va o‘rnatish samaradorligini tahlil qilish, tahlillar asosida shakllantirilgan takliflarni Vazirlar Mahkamasiga kiritish;
2024-yil 1-may
2024-yilda suv o‘lchash qurilmalarini o‘rnatish uchun talab etiladigan mablag‘larni Suv xo‘jaligi vazirligiga respublika budjetidan ajratilgan mablag‘lar doirasida moliyalashtirish.
loyihachilar, pudratchilar, fermer va klasterlar rahbar xodimlarining bir haftalik malaka oshirish kurslarini tashkil qilish;
har bir hududda tajriba maydonlarini tashkil qilish;
har bir loyihani joyida o‘rganadigan muhandis-irrigatorlarni tayyorlash va suvni tejaydigan sug‘orish texnologiyalarini joriy qilish jarayoniga jalb qilish.
2024-yil fevraldan boshlab
Suv xo‘jaligi vazirligi
(R. Qarshiyev),
Qishloq xo‘jaligi vazirligi
(A. Nazarov),
“Agrobank” ATB
(E. Kaxorov),
“TIQXMMI” milliy tadqiqot universiteti
(B. Mirzayev)
12.
Qishloq xo‘jaligida suv iste’molchilarining suvdan foydalanish madaniyatini oshirishga undovchi materiallar (o‘quv dasturlari, tarqatma materiallar, videoroliklar, ijtimoiy reklama va boshqa) ishlab chiqish hamda ta’lim tashkilotlarining ta’lim jarayonlarida qo‘llash va ommaviy axborot vositalarida keng yoritishni ko‘zda tutuvchi dastur ishlab chiqish hamda Vazirlar Mahkamasiga kiritish.
2024-yil 1-oktabr
“TIQXMMI” milliy tadqiqot universiteti
(B. Mirzayev),
Suv xo‘jaligi vazirligi
(Sh. Xamrayev),
Agrobank ATB
(R. Mamatqulov)
13.
Ichki sug‘orish tarmoqlarini saqlash va suvni tejaydigan sug‘orish texnologiyalarini joriy etish hamda ulardan samarali foydalanishni ta’minlash borasida mahalliy davlat hokimiyati organlarining vakolatlarini kengaytirish yuzasidan qonunchilik hujjatlariga tegishli o‘zgartirish va qo‘shimchalar kiritishni nazarda tutuvchi qonun loyihasini Vazirlar Mahkamasiga kiritish.
2024-yil mart
Suv xo‘jaligi vazirligi
(Sh. Xamrayev),
Adliya vazirligi
(A. Karimov)
14.
Mazkur qarorda belgilangan norma va mexanizmlarni davlat idoralari va yakuniy suv iste’molchilariga yetkazish bo‘yicha targ‘ibot tadbirlarini o‘tkazish, bunda:
qaror mazmunini yetkazish bo‘yicha OAVda intervyular hamda joylarda o‘qitishlarni tashkil qilish;
suv hisob-kitobi va suv solig‘iga oid barcha normalarni batafsil tushuntirish bo‘yicha tarqatma material hamda qisqa videoroliklar tayyorlash va ijtimoiy tarmoqlarga joylashtirish;
“Suvkredit.uz” elektron tizimida ishlash ko‘nikmalarini shakllantirish bo‘yicha amaliy o‘quv kurslarini tashkil qilish.
2024-yil 10-yanvardan boshlab
Suv xo‘jaligi vazirligi
(Sh. Xamrayev),
Qishloq xo‘jaligi vazirligi
(A. Nazarov),
“TIQXMMI” milliy tadqiqot universiteti
(B. Mirzayev),
“Agrobank” ATB
(E. Kaxorov)
15.
Farg‘ona viloyati qishloq xo‘jaligida sarflangan suv miqdorini kosmik texnologiyalar orqali hisoblash bo‘yicha pilot loyihani amalga oshirish hamda ushbu tajribani boshqa hududlarda joriy etish bo‘yicha Vazirlar Mahkamasiga taklif kiritish.
2024-yil 1-oktabr
Kosmik tadqiqotlar va texnologiyalar agentligi
(Sh. Kadirov),
Suv xo‘jaligi vazirligi
(Sh. Xamrayev),
Qishloq xo‘jaligi vazirligi
(A. Nazarov)
16.
Qishloq xo‘jaligida suvni tejashda gidrogellardan foydalanishning yo‘nalishlari va samaradorligini o‘rganib chiqib, hududlarning tuproq-iqlim sharoitida gidrogellardan foydalanishning maqsadga muvofiqligi bo‘yicha Vazirlar Mahkamasiga taklif kiritish.
2024-yil 1-oktabr
Qishloq xo‘jaligi vazirligi
(A. Nazarov),
Suv xo‘jaligi vazirligi
(R. Qarshiyev)
17.
Qonunchilik hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritish.
2024-yil 1-mart
Suv xo‘jaligi vazirligi
(Sh. Xamrayev)
(1-ilova O‘zbekiston Respublikasi Prezidentining 2024-yil 25-dekabrdagi PQ-455-sonli qarori tahririda — Qonunchilik ma’lumotlari milliy bazasi, 30.12.2024-y., 07/24/455/1092-son. Kuchga kirish sanasi — 2025-yil 1-yanvar)
O‘zbekiston Respublikasi Prezidentining 2024-yil 5-yanvardagi PQ-5-son qaroriga 2-ILOVA
O‘zbekiston Respublikasi Prezidenti va O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. O‘zbekiston Respublikasi Prezidentining 2022-yil 1-martdagi “Qishloq xo‘jaligida suvni tejaydigan texnologiyalarni joriy etishni yanada takomillashtirish chora-tadbirlari to‘g‘risida”gi PQ-144-son qarorida:
“4. 2022-yildan boshlab qishloq xo‘jaligi mahsulotlari ishlab chiqaruvchilariga suvni tejaydigan sug‘orish texnologiyalarini joriy etish bo‘yicha xarajatlarning bir qismini qoplash uchun subsidiyalar mazkur qarorning 2-ilovasiga muvofiq hisob-kitob qilingandan so‘ng ajratiladi”;
b) 2-ilovaning III bo‘limidagi 3.1, 3.2 va 3.3-jadvallar quyidagi tahrirda bayon etilsin:
“3.1-jadval. Tomchilatib sug‘orish tizimlarining sifatlilik darajasini belgilovchi koeffitsiyentni hisoblash
T/r
Tizimning tarkibiy qismlari va sifat ko‘rsatkichlari
Ko‘rsatkich
1.
Hovuz-tindirgich
*
1.1.
beton yoki temir-beton qoplamali
0,15
1.2.
geomembrana qoplamali (qalinligi ≥1 mm)
0,1
1.3.
bir mavsumli plyonka bilan qoplangan
0,05
1.4.
tuproq o‘zanli (qoplamasiz)
0,02
2.
Nasos stansiyasi
0,15
3.
Filtrlash qurilmasi
*
3.1.
gidrotsiklonli, tozalanishi avtomatlashtirilgan qumli, diskli yoki setkali filtr va o‘g‘it berish moslamasi
0,35
3.2.
diskli yoki setkali, tozalanishi avtomatlashtirilgan qumli filtr va o‘g‘it berish moslamasi
0,25
3.3.
gidrotsiklonli, diskli yoki setkali filtr va o‘g‘it berish moslamasi
0,15
4.
Bosh (magistral) quvurlar
*
4.1.
qalin devorli (qalinligi >5,3 mm yoki bosimga chidamliligi >6,0 atmosfera)
0,3
4.2.
o‘rtacha qalin devorli (qalinligi 3,4 — 5,2 mm yoki bosimga chidamliligi 4,0 — 5,9 atmosfera)
0,25
4.3.
yupqa devorli (qalinligi 2,7 — 3,3 mm gacha yoki bosimga chidamliligi 2,5 — 3,9 atmosfera)
0,2
5.
Tarqatuvchi quvurlar(mevali ekinlar va uzumdan tashqari)
*
5.1.
qalin devorli (qalinligi >2,7 mm yoki bosimga chidamliligi >2,4 atmosfera)
0,3
5.2.
o‘rtacha qalin devorli (qalinligi 1,4 — 2,6 mm yoki bosimga chidamliligi 1,9 — 2,4 atmosfera)
0,25
5.3.
yupqa devorli (qalinligi 0,75 — 1,3 mm yoki bosimga chidamliligi 1,2 — 1,8 atmosfera)
0,2
6.
Tarqatuvchi quvurlar (mevali ekinlar va uzum uchun)
*
6.1.
qalin devorli (qalinligi ≥3,1 mm)
0,25
6.2.
o‘rtacha qalin devorli (qalinligi 2,8 — 3,1 mm)
0,2
6.3.
yupqa devorli (qalinligi 0,75 — 2,7 mm)
0,15
7.
Tomizg‘ichli sug‘orish shlanglari (mevali ekinlar va uzumdan tashqari)
*
7.1.
qalin devorli (qalinligi ≥0,3 mm)
0,4
7.2.
o‘rtacha qalin devorli (qalinligi 0,15 — 0,29 mm)
0,35
7.3.
yupqa devorli (qalinligi ≤0,14 mm)
0,3
7.4.
tuproqosti sug‘orishga mo‘ljallangan shlanglar
0,5
8.
Tomizgichli sug‘orish shlanglari (mevali ekinlar va uzum uchun)
*
8.1.
qalin devorli (qalinligi >0,7 mm)
0,4
8.2.
o‘rta devorli (qalinligi 0,3 — 0,7 mm)
0,35
8.3.
yupqa devorli (qalinligi <0,3 mm)
0,3
9.
Tizimning avtomatlashtirilgan boshqaruvi
0,15
10.
Tomizg‘ichli shlang tarqatuvchi va yig‘ishtiruvchi uskuna
0,05
11.
Suv hisoblagich
0,1
JAMI
**
* mazkur qismdagi ko‘rsatkichlarning bittasi tanlanadi;
** mevali ekinlar va uzumdan tashqari ekin turlari uchun: 1, 2, 3, 4, 5, 7, 9, 10, 11 satrlardagi ko‘rsatkichlar qo‘shib aks ettiriladi;
mevali ekinlar va uzum uchun: 1, 2, 3, 4, 6, 8, 9, 11 satrlardagi ko‘rsatkichlar qo‘shilib aks ettiriladi.
3.2-jadval. Yomg‘irlatib sug‘orish tizimlarining sifatlilik darajasini belgilovchi koeffitsiyentni hisoblash
T/r
Tizimning tarkibiy qismlari va sifat ko‘rsatkichlari
Ko‘rsatkich
1.
Hovuz-tindirgich
*
1.1.
beton yoki temir-beton qoplamali
0,15
1.2.
geomembrana qoplamali (qalinligi ≥ 1 mm)
0,1
1.3.
bir mavsumli plyonka bilan qoplangan
0,05
1.4.
tuproq o‘zanli
0,02
2.
Nasos stansiyasi
0,15
3.
Filtrlash qurilmasi
*
3.1.
gidrotsiklonli, tozalanishi avtomatlashtirilgan qumli, diskli yoki setkali filtr va o‘g‘it berish moslamasi
0,35
3.2.
diskli yoki setkali, tozalanishi avtomatlashtirilgan qumli filtr va o‘g‘it berish moslamasi
0,25
3.3.
gidrotsiklonli, diskli yoki setkali filtr va o‘g‘it berish moslamasi
0,15
4.
Suv tarqatuvchi tizimlar
*
4.1.
keng qamrovli sug‘orish tizimi
0,8
4.2.
“sprinkler” tizimi
0,8
4.3.
mobil sug‘orish tizimi
0,7
5.
Tizimning avtomatlashtirilgan boshqaruvi
0,15
6.
Suv hisoblagich
0,1
JAMI
**
* mazkur qismdagi ko‘rsatkichlarning bittasi tanlanadi;
2. O‘zbekiston Respublikasi Prezidentining 2022-yil 30-maydagi “Qoraqalpog‘iston Respublikasining shimoliy tumanlarida tadbirkorlikni rivojlantirishning qo‘shimcha chora-tadbirlari to‘g‘risida”gi PQ-264-son qaroriga 1-ilovaning 4-pozitsiyasi chiqarib tashlansin.
3. O‘zbekiston Respublikasi Prezidentining 2023-yil 1-apreldagi “Suv resurslaridan foydalanish samaradorligini oshirish bo‘yicha kechiktirib bo‘lmaydigan chora-tadbirlar to‘g‘risida”gi PQ-107-son qarorining 5-bandi ikkinchi xatboshisidagi “2024” raqami “2028” raqami bilan almashtirilsin.
4. O‘zbekiston Respublikasi Prezidentining 2023-yil 11-sentabrdagi “O‘zbekiston — 2030” strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida”gi PQ-300-son qaroriga 3b-ilovaning 2-pozitsiyasi “Ijro muddati” ustunidagi “2023-yil noyabr” so‘zlari “2024-yil aprel” so‘zlari bilan almashtirilsin.
5. Vazirlar Mahkamasining 2018-yil 3-maydagi “Fermer xo‘jaliklarining nasos agregatlari va sug‘orish quduqlari iste’mol qiladigan elektr energiyasi qiymatini qoplash uchun o‘zbekiston Respublikasi Davlat budjetidan subsidiyalar ajratish chora-tadbirlari to‘g‘risida”gi 320-son qarorida:
“1. Belgilansinki, 2024-yil 1-yanvardan boshlab qishloq xo‘jaligi korxonalari tasarrufidagi elektr energiyasi iste’molini hisobga olish uskunalari bilan ta’minlangan nasos agregatlari va sug‘orish quduqlarining paxta xom ashyosi va g‘alla yetishtirish uchun iste’mol qilgan elektr energiyasi qiymati Qishloq xo‘jaligi vazirligi tomonidan Davlat budjeti mablag‘lari hisobidan qoplab beriladi”;
b) 2-banddagi “Fermer xo‘jaliklarining” so‘zlari “Qishloq xo‘jaligi mahsulotlari yetishtiruvchilarning” so‘zlari bilan almashtirilsin;
“3. Qoraqalpog‘iston Respublikasi Vazirlar Kengashi, viloyatlar hokimliklari:
har yilning 1-aprel holatiga qishloq xo‘jaligi mahsulotlari yetishtiruvchilarining nasos agregatlari va sug‘orish quduqlari texnik holatini, ularga biriktirilgan sug‘oriladigan yer maydonlarini, jumladan paxta xom ashyosi va g‘alla yetishtiriladigan yerlarni xatlovdan o‘tkazsinlar hamda tegishli dalolatnomalarni rasmiylashtirsinlar;
har yil 10-iyulga qadar kelgusi yilda paxta xom ashyosi va g‘alla yetishtiruvchi qishloq xo‘jaligi korxonalarining nasos agregatlari va sug‘orish quduqlari iste’mol qiladigan elektr energiyasi prognoz qiymatini Davlat budjetidan qoplash bo‘yicha asoslangan talabnomalarni Qishloq xo‘jaligi vazirligiga taqdim qilib borsin”;
Qishloq xo‘jaligi vazirligi tomonidan paxta xom ashyosi va g‘alla yetishtiruvchilarning nasos agregatlari va sug‘orish quduqlari iste’mol qiladigan elektr energiyasi qiymatini Davlat budjetidan qoplash bo‘yicha taqdim qilingan talabnomalarga asosan zarur bo‘lgan mablag‘larni kelgusi yillar uchun Davlat budjeti parametrlarini shakllantirishda e’tiborga olsin;
paxta xom ashyosi va g‘alla yetishtiruvchilarning nasos agregatlari va sug‘orish quduqlari iste’mol qiladigan elektr energiyasi qiymatini qoplash uchun Davlat budjetidan ajratilgan mablag‘larning maqsadli foydalanilishi ustidan nazorat o‘rnatsin”;
“6. 2023-yilda paxta xom ashyosi va g‘alla yetishtirishda nasos agregatlari va sug‘orish quduqlari iste’mol qilgan elektr energiyasi qiymatining 50 foizini qoplab berish uchun subsidiyalar Qoraqalpog‘iston Respublikasi Suv xo‘jaligi vazirligi, Irrigatsiya tizimlari havza boshqarmalari, Nasos stansiyalari va energetika boshqarmasi hamda “Hududiy elektr tarmoqlari” AJ bilan birgalikda ekin maydonlarini sug‘orishga sarflangan suv miqdori uchun iste’mol qilingan elektr energiyasi qiymati bo‘yicha hisob-kitoblariga asosan, istisno tariqasida, Qishloq xo‘jaligi vazirligi tomonidan 2024-yilda ajratib berilsin.
Paxta xom ashyosi va g‘alla yetishtirishda sug‘orish ishlariga sarflangan elektr energiyasi miqdori qishloq xo‘jaligi ekinlarini gidromodul rayonlashtirish va sug‘orish rejimidan kelib chiqib aniqlanadi. Bunda, qiymati qoplab beriladigan elektr energiyasi miqdori haqiqatda sarflangan elektr energiyasi miqdorining 50 foizidan oshib ketmasligi lozim”.
“7. “Hududiy elektr tarmoqlari” aksiyadorlik jamiyati paxta xom ashyosi va g‘alla yetishtiruvchilarning nasos agregatlari va sug‘orish quduqlarini shartnoma asosida o‘z vaqtida elektr energiyasi bilan ta’minlasin”;
“Vazirlar Mahkamasining 2018-yil 3-maydagi 320-son qaroriga ILOVA
Qishloq xo‘jaligi mahsulotlari yetishtiruvchilarning nasos agregatlari va sug‘orish quduqlari iste’mol qiladigan elektr energiyasi qiymatini qoplash uchun O‘zbekiston Respublikasi Davlat budjetidan subsidiyalar ajratish tartibi to‘g‘risida
NIZOM
I bob. Umumiy qoidalar
1. Ushbu Nizom nasos agregatlari va sug‘orish quduqlarining elektr energiyasi iste’molini hisobga olish uskunasini o‘rnatgan va uni belgilangan tartibda tuman elektr tarmoqlari tashkilotidan ro‘yxatdan o‘tkazgan iste’molchilarga nisbatan tatbiq etiladi.
Davlat-xususiy sheriklik asosida xususiy sektor boshqaruviga berilgan davlat suv xo‘jaligi tizimidagi nasos stansiyalari va sug‘orish quduqlari, shuningdek iste’molchilarning paxta va g‘alla maydonlarida sho‘r yuvish, nam va yaxob suv berish tadbirlari, boshqa ekinlar hamda g‘alladan bo‘shagan yerlarga takroriy ekinlarni sug‘orish uchun iste’mol qilingan elektr energiyasi qiymati ularning o‘z mablag‘lari hisobidan qoplanadi.
2. Mazkur Nizomda quyidagi asosiy tushunchalar qo‘llaniladi:
iste’molchilar — paxta va g‘alla ekin maydonlarini nasos agregatlari va sug‘orish quduqlari orqali sug‘oradigan qishloq xo‘jaligi mahsulotlarini yetishtiruvchilar;
subsidiya — paxta xom ashyosi va g‘alla yetishtiruvchilarning nasos agregatlari va sug‘orish quduqlari iste’mol qiladigan elektr energiyasi qiymatini qoplash uchun O‘zbekiston Respublikasi Davlat budjetidan ajratiladigan moliyaviy yordam;
tuman ishchi guruhi — iste’molchilarga subsidiya ajratishda ko‘maklashuvchi tuman (Quvasoy shahar) ishchi guruhlari;
subsidiyalanadigan elektr energiyasi miqdori — tuman ishchi guruhining xulosasiga asosan Davlat budjetidan qoplab beriladigan iste’molchining nasos agregati va sug‘orish qudug‘i iste’mol qiladigan elektr energiyasi miqdori.
“Agro-subsidiya” YAAT — qishloq xo‘jaligi ishlab chiqaruvchilariga subsidiya ajratish bo‘yicha materiallarni to‘plash, ko‘rib chiqish va vakolatli organlar va tashkilotlar bilan kelishishning yagona axborot tizimi.
3. Subsidiyalar iste’molchilarga:
paxta xom ashyosi va g‘alla ekinlarini mavjud tomchilatib, yomg‘irlatib yoki diskret sug‘orish tizimlaridan (keyingi o‘rinlarda — suvni tejaydigan sug‘orish texnologiyasi) foydalangan holda sug‘orishda iste’mol qilingan elektr energiyasi qiymatining 100 foizi;
paxta va g‘alla maydonlarini suvni tejaydigan sug‘orish texnologiyasidan foydalanmagan holda sug‘orishda iste’mol qilingan elektr energiyasi qiymatining 50 foizi miqdorida ajratiladi.
Iste’molchilarga subsidiya ajratish bo‘yicha materiallarni jamlash, ko‘rib chiqish hamda vakolatli organlar va tashkilotlar bilan kelishish “Agro-subsidiya” YAAT orqali amalga oshiriladi.
4. Iste’molchilarga elektr energiyasi yetkazib berish bo‘yicha shartnomalarni tuzish, ularni ro‘yxatdan o‘tkazish va monitoringini olib borish O‘zbekiston Respublikasi Prezidentining 2017-yil 29-maydagi “Elektr energiyasi va tabiiy gaz yetkazib berish hamda iste’mol qilish sohasida to‘lov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari to‘g‘risida”gi PF-5059-son Farmoniga, Vazirlar Mahkamasining 2003-yil 4-sentabrdagi “Qishloq xo‘jaligi ishlab chiqarishida shartnomaviy munosabatlarni takomillashtirish va majburiyatlar bajarilishi uchun tomonlarning javobgarligini oshirish chora-tadbirlari to‘g‘risida”gi 383-son hamda 2018-yil 12-yanvardagi “Elektr energiyasi va tabiiy gazdan foydalanish tartibini takomillashtirishga doir qo‘shimcha chora-tadbirlar to‘g‘risida”gi 22-son qarorlariga asosan tartibga solinadi.
II bob. Subsidiya uchun talabnomalarni rasmiylashtirish
5. Har bir tumanda (Quvasoy shahrida) tuman (Quvasoy shahar) hokimligi (keyingi o‘rinlarda — tuman hokimligi) tomonidan Iste’molchilarning paxta va g‘alla maydonlarini sug‘orish uchun nasos agregatlari va sug‘orish quduqlari sarflagan elektr energiya xarajatlarini qoplash uchun subsidiya ajratishga ko‘maklashuvchi tuman (Quvasoy shahar) ishchi guruhi (keyingi o‘rinlarda — tuman ishchi guruhi) 1-ilovaga muvofiq namunaviy tarkibda tuziladi.
Tuman qishloq xo‘jaligi bo‘limi tuman ishchi guruhining ishchi organi hisoblanadi.
6. Tuman ishchi guruhi kelgusi yil uchun har kalendar yilning 1-iyuliga qadar (2024-yil uchun 10-fevralga qadar) iste’molchilarning paxta va g‘alla maydonlarini sug‘orishda sarflanadigan elektr energiyasi qiymatini davlat budjetidan qoplash bo‘yicha tuman manzilli ro‘yxatlarini ekin turi, yer maydonlari va kontur raqamlari, suv manbai, o‘rnatilgan nasos agregatlarining parametrlari (rusumi, quvvati, suv so‘rish quvurlari va bosimli quvurlar uzunligi hamda diametri, suvni ko‘tarish balandligi va boshqalar), joriy qilingan yoki joriy qilinishi rejalashtirilgan zamonaviy suvni tejaydigan sug‘orish texnologiyasi turi va maydoni, iste’mol qilinadigan elektr energiyasi miqdori bo‘yicha tuman manzilli ro‘yxatlarini shakllantiradi, ishchi guruhining barcha a’zolari tomonidan imzolanadi va tuman ishchi guruhining rahbari tomonidan tasdiqlanadi.
Bunda, keyingi yilda sug‘orish ishlari uchun iste’molchining nasos agregati va sug‘orish qudug‘i chiqarib beradigan suvning oyma-oy miqdori tuman qishloq xo‘jaligi bo‘limi tomonidan “Suv yetkazib berish xizmati” DM bilan kelishilgan holda tegishli gidromodulli rayonlashtirish va sug‘orish rejimi bo‘yicha hisob-kitob qilingan limitda belgilangan hajmda olinadi.
Manzilli ro‘yxatlar to‘g‘ri shakllantirilganligiga tuman ishchi guruhi rahbarining o‘rinbosari mas’ul hisoblanadi.
7. Tasdiqlangan tuman manzilli ro‘yxatlari Qoraqalpog‘iston Respublikasi Vazirlar Kengashi Raisi va viloyatlar hokimlarining qishloq va suv xo‘jaligi masalalari bo‘yicha o‘rinbosarlari tomonidan umumlashtirilib, har kalendar yilning 10-iyuliga (2024-yil uchun 1-martga) qadar Qishloq xo‘jaligi vazirligiga yuboriladi.
8. Qishloq xo‘jaligi vazirligi manzilli ro‘yxatlarni Suv xo‘jaligi vazirligi va Energetika vazirligi bilan kelishadi hamda zarur bo‘lgan mablag‘larni kelgusi yil budjet parametrlarini shakllantirishda inobatga olish uchun har kalendar yilning 20-iyuliga qadar Iqtisodiyot va moliya vazirligiga taqdim etadi.
9. Iste’molchilarning asoslangan takliflari bo‘yicha tuman manzilli ro‘yxatlariga tuman hokimi tomonidan tegishlicha Qoraqalpog‘iston Respublikasi Vazirlar Kengashi va viloyatlar hokimliklari bilan kelishilgan holda o‘zgartirish va qo‘shimchalar kiritilishi mumkin.
10. Manzilli ro‘yxatni ishlab chiqish va subsidiya miqdorini hisoblashda quyidagi formulalardan foydalanish mumkin:
Wee= Qed× tna/ηna (1)
bunda:
Wee — iste’molchining nasos agregati va sug‘orish qudug‘i iste’mol qiladigan elektr energiyasi miqdori, kVt;
Qed — nasos agregati yoki sug‘orish qudug‘i elektr dvigatelining quvvati, kVt /soat;
tna — nasos agregati yoki sug‘orish qudug‘ining ishlash davomiyligi, soat;
ηna — nasos agregati yoki sug‘orish qudug‘ining foydali ish koeffitsiyenti.
Nasos agregati yoki sug‘orish qudug‘ining ishlash davomiyligi quyidagi formula bilan hisoblanadi:
tna = Wsuv br / Qna (2)
bunda:
Qna — nasos agregati yoki sug‘orish qudug‘ining suv sarfi, kub m/soat.
Wsuv br — iste’molchining nasos agregati va sug‘orish qudug‘iga biriktirilgan paxta va boshoqli don ekinlarini sug‘orishga sarflangan jami suv hajmi (suvning sug‘orish tarmog‘ida yo‘qolishlarini hisobga olingan holda), kub m.
Wsuv br = Wsuv / ηst (3)
bunda:
ηst — iste’molchining nasos agregati va sug‘orish qudug‘i chiqargan suvni ekin maydonigacha yetkazuvchi sug‘orish tarmog‘ining foydali ish koeffitsiyenti;
Wsuv — iste’molchining nasos agregati va sug‘orish qudug‘iga biriktirilgan paxta va boshoqli don ekinlarini sug‘orishga sarflangan suv hajmi.
Wsuv = ωpaxta×qpaxta+ωdon×qdon (4)
bunda:
ωpaxta — paxta maydoni, ga;
ωdon — boshoqli don ekin maydoni, ga;
q paxta — g‘o‘zani sug‘orish me’yori, kub m/ga;
qdon — boshoqli don ekinlarini sug‘orish me’yori, kub m/ga.
III bob. Iste’molchilarning nasos agregatlari va sug‘orish quduqlari iste’mol qilgan elektr energiyasi qiymatini qoplash tartibi
11. Iste’molchilarning paxta xom ashyosi va g‘alla yetishtirishda nasos agregatlari va sug‘orish quduqlari iste’mol qilgan elektr energiyasining qiymatini qoplash “Agro-subsidiya” YAAT orqali amalga oshiriladi.
12. Iste’molchilarning nasos agregatlari va sug‘orish quduqlari iste’mol qilgan elektr energiyasi qiymati tuman elektr tarmoqlari korxonasi bilan iste’molchi o‘rtasida belgilangan tartibda tuzilgan va ro‘yxatdan o‘tkazilgan shartnoma asosida oyma-oy hisob-kitob qilib boriladi.
LexUZ sharhi
Qarang: Vazirlar Mahkamasining 2024-yil 31-maydagi 319-son qarori bilan tasdiqlangan Elektr energiyasidan foydalanish qoidalari.
13. Tuman manzilli ro‘yxatlariga kiritilgan iste’molchilar o‘zlarining hisobida bo‘lgan nasos agregatlari va sug‘orish quduqlari iste’mol qilgan elektr energiyasi xarajatlari Davlat budjetidan qoplanishi yuzasidan tuman ishchi guruhiga “Agro-subsidiya” YAAT orqali 2-ilovaga muvofiq har kalendar yilning 5-dekabriga qadar elektron shaklda ariza bilan murojaat qiladi.
Arizaga tuman elektr tarmoqlari tashkilotlari bilan tuzilgan shartnoma hamda o‘rnatilgan elektr hisoblagich (yoki qiyoslov va metrologik ko‘rik) haqidagi ma’lumotlar ilova qilinadi.
Iste’molchilardan boshqa hujjatlarni taqdim qilishni talab qilish taqiqlanadi.
14. Tuman ishchi guruhi ariza tushgan kundan e’tiboran uch ish kunida:
iste’molchilarning tasdiqlangan tuman manzilli ro‘yxatlarida borligini;
ekin turi, umumiy maydoni va sug‘orish turlarini;
elektr energiyasi iste’molini hisobga olish uskunasi belgilangan talablarga mosligini hamda uning ko‘rsatkichlari sug‘orish uchun talab etiladigan va haqiqatda foydalanilgan suv miqdoriga mosligini joyiga chiqqan holda o‘rganadi.
15. O‘rganish natijasiga ko‘ra tuman ishchi guruhi iste’molchilarning nasos agregatlari va sug‘orish quduqlari paxta va g‘alla maydonlariga bergan suv miqdorini hamda iste’mol qilingan elektr energiyasini hisob-kitob qiladi va “Agro-subsidiya” YAAT orqali subsidiya ajratilishi maqsadga muvofiqligi yuzasidan 3-ilovaga muvofiq xulosaga elektron imzo qo‘yadi.
Tuman ishchi guruhi a’zolari tomonidan imzolangan xulosa tuman hokimi tomonidan elektron imzo bilan tasdiqlanadi.
Bunda, tuman ishchi guruhi a’zolari iste’molchilarning nasos agregatlari va sug‘orish quduqlari iste’mol qilgan elektr energiyasi xarajatlarini qoplash bo‘yicha xulosalarni rasmiylashtirishda quyidagilarga shaxsan mas’ul hisoblanadi:
tuman hokimi — ishchi guruh tomonidan iste’molchilarning subsidiya ajratish to‘g‘risidagi rasmiylashtirilgan hujjatlarining haqqoniyligiga;
tuman hokimining qishloq va suv xo‘jaligi masalalari bo‘yicha o‘rinbosari — arizalar belgilangan muddatda joyida to‘liq o‘rganilishiga va rasmiylashtirilishiga, shuningdek kelgusi yil uchun manzilli ro‘yxatlar shakllantirilishiga;
tuman qishloq xo‘jaligi bo‘limi boshlig‘i — iste’molchilarning ekin turi, sug‘orilgan maydoni va sug‘orish turiga, shuningdek zamonaviy suvni tejaydigan sug‘orish texnologiyalari joriy qilingan maydonlarning o‘lchamiga va ishchi organ vazifasini bajarishga;
“Suv yetkazib berish xizmati” DM rahbari — nasos agregatining suv chiqarish qobiliyatiga, joriy qilingan suvni tejaydigan sug‘orish texnologiyalarining turiga hamda sug‘orish uchun amalda sarflangan suv miqdorini aniqlashga;
tuman elektr tarmoqlari korxonasi boshlig‘i — elektr energiyasi iste’molini hisobga olish uskunasi o‘rnatilganiga, uning ko‘rsatkichlari haqqoniyligiga hamda ishchi guruhga taqdim etilgan hujjatlar arxivini shakllantirishga;
xizmat ko‘rsatuvchi tijorat bankining tuman filiali boshqaruvchisi — iste’molchilarning tijorat bankidagi hisobvarag‘i va STIR raqami to‘g‘ri kiritilishiga;
tuman fermer, dehqon xo‘jaliklari va tomorqa yer egalari kengashi raisi — iste’molchilarga tegishli hujjatlarni rasmiylashtirishga hamda ularning huquqini himoya qilishga shaxsan mas’ul hisoblanadi.
16. Tuman ishchi guruhi tomonidan rasmiylashtirilgan xulosalar ko‘rib chiqish uchun “Agro-subsidiya” YAAT orqali belgilangan tartibda Qishloq xo‘jaligi vazirligiga yuboriladi.
17. Qishloq xo‘jaligi vazirligi:
paxta xom ashyosi va g‘alla yetishtirishda nasos agregatlari va sug‘orish quduqlari iste’mol qilgan elektr energiyasining xarajatlari qoplab beriladigan iste’molchilarning ro‘yxatini ular kelib tushgan kundan boshlab uch ish kunida Suv xo‘jaligi vazirligi va Energetika vazirligi bilan kelishadi;
yakuniy kelishilgan ro‘yxatlarga muvofiq iste’molchilarning nasos agregatlari va sug‘orish quduqlari iste’mol qilgan elektr energiyasining qiymatini iste’molchilarning arizada ko‘rsatilgan tijorat banklaridagi hisob raqamlariga o‘tkazib beradi.
18. Energetika vazirligi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi iste’molchilarning elektr energiyasidan to‘g‘ri va maqsadli foydalanishi, Suv xo‘jaligi vazirligi huzuridagi Suv xo‘jaligi obyektlari xavfsizligini va suvdan foydalanishni nazorat qilish inspeksiyasi iste’molchilarning suv resurslaridan to‘g‘ri foydalanishi yuzasidan doimiy monitoring olib boradi.
19. Iste’molchining nasos agregatlari va sug‘orish qudug‘idan o‘zaro kelishuvga ko‘ra boshqa fermer, dehqon xo‘jaliklari va tomorqa yer egalariga tegishli qishloq xo‘jaligi ekin maydonlarini sug‘orish uchun foydalanilishi mumkin.
Bunda, qishloq xo‘jaligi ekinlarini sug‘orish uchun (paxta xom ashyosi va g‘alla bundan mustasno) sarflangan elektr energiyasi xarajatlari iste’molchilarning o‘z mablag‘i hisobidan qoplanadi.
IV bob. Yakuniy qoidalar
20. Elektr ta’minoti shartnomasi majburiyatlarini bajarish jarayonida yuzaga keladigan barcha kelishmovchilik va nizolar muzokara o‘tkazish orqali hal qilinadi. Kelishmovchiliklarni muzokara o‘tkazish orqali hal qilishning iloji bo‘lmaganda, ular sud tartibida hal qilinadi.
21. O‘zbekiston Respublikasi qishloq xo‘jaligini rivojlantirishning 2020 — 2030-yillarga mo‘ljallangan strategiyasini amalga oshirish bo‘yicha muvofiqlashtiruvchi kengash huzuridagi Agrar va oziq-ovqat sohalarini subsidiyalash bo‘yicha texnik ishchi guruh tomonidan ushbu subsidiyaning samaradorlik ko‘rsatkichi baholanadi. Bunda:
subsidiyani ajratish natijasida subsidiya ajratilgan subyektlarning mahsulot yetishtirish hajmi oshganda, subsidiyaning samaradorlik ko‘rsatkichi “ijobiy”;
subsidiya oluvchi subyekt tomonidan olingan subsidiyadan foydalanilmayotganligi yoki undan samarasiz foydalanayotganligi, shuningdek, subsidiyalardan boshqa maqsadlarda foydalanilganligi aniqlanganda, subsidiyaning samaradorlik ko‘rsatkichi “salbiy” deb baholanadi.
22. Ushbu Nizom talablari buzilishida aybdor bo‘lgan shaxslar qonunchilikka muvofiq javob beradilar.
Qishloq xo‘jaligi mahsulotlari yetishtiruvchilarning nasos agregatlari va sug‘orish quduqlari iste’mol qiladigan elektr energiyasi qiymatini qoplash uchun O‘zbekiston Respublikasi Davlat budjetidan subsidiyalar ajratish tartibi to‘g‘risida nizomga 1-ILOVA
Iste’molchilarning ekin maydonlarini sug‘orish uchun nasos agregatlari iste’mol qilgan elektr energiyasi qiymatini qoplash uchun subsidiya ajratishga ko‘maklashuvchi tuman ishchi guruhi
NAMUNAVIY TARKIBI
1.
Tuman hokimi, Ishchi guruh rahbari
2.
Tuman hokimining qishloq va suv xo‘jaligi masalalari bo‘yicha o‘rinbosari, Ishchi guruh rahbarining o‘rinbosari
3.
“Suv yetkazib berish xizmati” DM rahbari
4.
Tuman fermer, dehqon xo‘jaliklari va tomorqa yer egalari kengashi raisi
5.
Xizmat ko‘rsatuvchi tijorat banki rahbari
6.
Tuman elektr tarmoqlari korxonasi boshlig‘i
7.
Tuman qishloq xo‘jaligi bo‘limi boshlig‘i, Ishchi guruh kotibi.
Qishloq xo‘jaligi mahsulotlari yetishtiruvchilarning nasos agregatlari va sug‘orish quduqlari iste’mol qiladigan elektr energiyasi qiymatini qoplash uchun O‘zbekiston Respublikasi Davlat budjetidan subsidiyalar ajratish tartibi to‘g‘risida nizomga 2-ILOVA
Iste’molchilarning ekin maydonlarini sug‘orish uchun nasos agregatlari iste’mol qilgan elektr energiyasi qiymatini qoplash uchun subsidiya ajratishga ko‘maklashuvchi tuman ishchi guruhiga “______________” rahbari ____________ tomonidan
ARIZA
____________ hududida faoliyat ko‘rsatayotgan “____________” fermer xo‘jaligi (MCHJ) tomonidan 20___ yil jami ___ gektar yer uchastkasida, jumladan, ___ raqamli konturda ____ gektar, ___ raqamli konturda ___gektar, ___ raqamli konturda _____ gektar ekin maydonida paxta/boshoqli don yetishtirish uchun nasos agregati/sug‘orish qudug‘i o‘rnatilgan.
1. Nasos agregati/sug‘orish qudug‘i soni _____.
2. Suvni tejaydigan sug‘orish texnologiyasi joriy qilingan maydon _________, jumladan, ___ raqamli konturda ____ gektar, ___ raqamli konturda ___gektar. 3. Texnik holati soz/nosoz.
4. Hisobot yili. 5. Hisobot oyi. 6. Hisobot oyi boshiga elektr energiyasi iste’molini hisobga olish uskunasi ko‘rsatkichi. 7. Hisobot oyi yakuniga elektr energiyasi iste’molini hisobga olish uskunasi ko‘rsatkichi. 8. Nasos agregati va sug‘orish qudug‘i iste’mol qiladigan elektr energiyasi miqdori. Paxta xom ashyosi va boshoqli don yetishtirishda nasos agregatlari va sug‘orish quduqlari iste’mol qilgan elektr energiyasining qiymatini qoplash uchun subsidiya ajratishga ko‘maklashuvchi __________ tumani ishchi guruhining xulosasini berishingizni so‘rayman.
Xizmat ko‘rsatuvchi tijorat banki “______________”. Hisobraqam: ______________ Sana: ______________
Tuman elektr tarmoqlari tashkilotlari bilan tuzilgan shartnoma ilova qilinadi.
“______________” fermer xo‘jaligi rahbari
________________
(imzo)
Qishloq xo‘jaligi mahsulotlari yetishtiruvchilarning nasos agregatlari va sug‘orish quduqlari iste’mol qiladigan elektr energiyasi qiymatini qoplash uchun O‘zbekiston Respublikasi Davlat budjetidan subsidiyalar ajratish tartibi to‘g‘risida nizomga 3-ILOVA
Paxta xom ashyosi va boshoqli don yetishtiruvchilarining nasos agregatlari va sug‘orish quduqlari iste’mol qiladigan elektr energiyasi qiymatini qoplashga subsidiya ajratish yuzasidan
XULOSA
Ushbu xulosa ________________________ _______________ tumani ishchi guruhi a’zolari tomonidan O‘zbekiston Respublikasi Vazirlar Mahkamasining 2018-yil 3-maydagi 320-son qarori talablariga muvofiq “_______________” ___________ murojaatini joyida o‘rganib chiqish yakuni bo‘yicha rasmiylashtirildi.
1. Xulosa rasmiylashtirilgan sana Hisobot yili Hisobot oyi
2. Qishloq xo‘jaligi mahsulotini yetishtiruvchi to‘g‘risida umumiy ma’lumotlar Nomi Hudud/tuman nomi STIR Bank hisobraqami Xizmat ko‘rsatuvchi bank nomi/MFO raqami
3. Jami ekin maydoni shundan paxta xom ashyosi (kontur raqami va gektar) va boshoqli don (kontur raqami va gektar) ekilgan maydon jami paxta xomashyosi ekilgan maydon shundan suvni tejaydigan sug‘orish tizimlaridan foydalanilgan maydon jami boshoqli don ekilgan maydon shundan suvni tejaydigan sug‘orish tizimlaridan foydalanilgan maydon.
4. Nasos agregatlari va sug‘orish quduqlari soni
5. Nasos agregatlari va sug‘orish quduqlarining texnik parametrlari Rusumi, nomi Quvvati, kVt
suv so‘rish quvuri uzunligi,
metr
suv so‘rish quvuri diametri,
mm
bosimli quvur uzunligi,
metr
bosimli quvur diametri,
mm
suvni ko‘tarish balandligi,
metr
6. Nasos agregati yoki sug‘orish qudug‘ining ishlash davomiyligi, soat Nasos agregati yoki sug‘orish qudug‘ining suv sarfi, kub m/soat Ekinlarini sug‘orishga sarflangan jami suv hajmi, kub metr shundan paxta xom ashyosi va boshoqli don uchun, kub metr shundan paxta xom ashyosi uchun, kub metr suvni tejaydigan sug‘orish tizimlari ishlatilgan holda, kub metr suvni tejaydigan sug‘orish tizimlari ishlatilmagan holda, kub metr shundan boshoqli don uchun, kub metr suvni tejaydigan sug‘orish tizimlari ishlatilgan holda, kub metr suvni tejaydigan sug‘orish tizimlari ishlatilmagan holda, kub metr Hisobot oyi boshiga elektr energiyasi iste’molini hisobga olish uskunasi ko‘rsatkichi, kVt Hisobot oyi yakuniga elektr energiyasi iste’molini hisobga olish uskunasi ko‘rsatkichi, kVt Nasos agregati va sug‘orish qudug‘i iste’mol qiladigan elektr energiyasi miqdori, kVt shundan paxta xom ashyosi va boshoqli don uchun, kVt shundan paxta xom ashyosi uchun, kVt suvni tejaydigan sug‘orish tizimlari ishlatilgan holda, kVt suvni tejaydigan sug‘orish tizimlari ishlatilmagan holda, kVt shundan boshoqli don uchun, kVt suvni tejaydigan sug‘orish tizimlari ishlatilgan holda, kVt suvni tejaydigan sug‘orish tizimlari ishlatilmagan holda, kVt
7. Subsidiyalanadigan elektr energiya miqdori, kVt
8. Ajratilishi lozim bo‘lgan subsidiya miqdori, mln so‘m”.
6. Vazirlar Mahkamasining 2019-yil 26-noyabrdagi 952-son qarori bilan tasdiqlangan Qishloq xo‘jaligini mexanizatsiyalashni davlat tomonidan qo‘llab-quvvatlash tartibi to‘g‘risidagi nizomning 10-bandida:
7. Vazirlar Mahkamasining 2021-yil 23-fevraldagi 95-son qarori bilan tasdiqlangan Qishloq xo‘jaligi ishlab chiqaruvchilarining suvni tejaydigan sug‘orish texnologiyalarini joriy etish bo‘yicha xarajatlarining bir qismini qoplash va berilgan subsidiyani qaytarish tartibi to‘g‘risidagi nizomda:
a) 14-banddagi “3” raqami “4” raqami bilan almashtirilsin;
b) 15-banddagi “(ushbu Nizomga 4-ilova)” so‘zlari chiqarib tashlansin;
“231. Suvni tejaydigan sug‘orish texnologiyalarini 2023-yilda joriy qilgan va belgilangan subsidiya mablag‘larining 50 foizini olgan talabgorlarga 2024-yilda tizimlarning ishlatilishiga qarab subsidiyaning qolgan 50 foizi tuman ishchi guruhlarining “Agro-subsidiya” YAAT orqali yuborgan xulosasiga asosan tegishlicha Qishloq xo‘jaligi vazirligi hamda Suv xo‘jaligi vazirligi tomonidan ajratib beriladi”;
j) quyidagi mazmundagi 31-bob bilan to‘ldirilsin:
“31-bob. Tijorat banklari tomonidan suvni tejaydigan sug‘orish texnologiyalarini joriy etish bo‘yicha loyihalarni amalga oshirish uchun ajratilgan kredit mablag‘lari foiz stavkasining bir qismini qoplash tartibi
233. Qoraqalpog‘iston Respublikasi va Xorazm viloyatida suvni tejaydigan sug‘orish texnologiyalarini joriy etish maqsadida talabgorlarga (keyingi o‘rinlarda — qarz oluvchi) milliy valyutada ajratilgan kreditlar bo‘yicha foiz stavkasining 10 foizdan oshadigan, lekin 14 foizdan ko‘p bo‘lmagan qismini qoplash uchun kompensatsiya (keyingi o‘rinlarda — kompensatsiya) 2024-yildan boshlab Iqtisodiyot va moliya vazirligi hisobidan to‘lanadi.
Bunda, kompensatsiya xarajatlari O‘zbekiston Respublikasining respublika budjetidan ajratilgan mablag‘lar hisobidan qoplanadi.
234. Kompensatsiya qarz oluvchiga xizmat ko‘rsatuvchi tijorat bankining murojaatiga asosan Iqtisodiyot va moliya vazirligi bilan tuziladigan bitimga muvofiq tijorat bankining hisobvarag‘iga o‘tkazib beriladi.
Bunda, kredit shartnomasining to‘lov jadvaliga muvofiq tijorat banki tomonidan tasdiqlangan kompensatsiya ajratish uchun buyurtma Iqtisodiyot va moliya vazirligiga taqdim etiladi.
Kredit shartnomasining shartlari o‘zgargan hollarda ilgari tasdiqlangan va hisoblangan kompensatsiya miqdori oshirilmaydi hamda kompensatsiya muddati uzaytirilmaydi.
235. Kompensatsiya ajratish bo‘yicha buyurtmalar quyidagi hollarda taqdim etilmaydi:
kredit foiz stavkasi 14 foizdan ko‘p bo‘lganda;
kreditni qaytarish muddati besh yildan ko‘p bo‘lganda;
kredit xorijiy valyutada ajratilganda;
kredit avvalgi yillarda joriy etilgan suvni tejaydigan sug‘orish texnologiyalari uchun ajratilganda.
Taqdim etilgan hujjatlarning to‘liqligi va haqqoniyligi yuzasidan mas’uliyat tijorat banki rahbarlari zimmasiga yuklanadi.
236. Suvni tejaydigan sug‘orish texnologiyalarini joriy qilish bo‘yicha loyihalarni kredit mablag‘lari hisobiga amalga oshirayotgan, biroq tijorat banklari tomonidan reyestrga kiritilmay qolgan talabgorlarda yuzaga kelgan qarzdorlik tijorat banklarining o‘z mablag‘lari hisobidan qoplanadi.
Agar talabgorlarning kredit to‘lovlarini qaytarish grafiklaridagi o‘zgarishlar inobatga olinmasligi natijasida ortiqcha kompensatsiya to‘lovlari yuzaga kelsa, ushbu mablag‘lar tijorat bankining o‘z mablag‘lari hisobidan Iqtisodiyot va moliya vazirligiga qaytarib to‘lab beriladi.
237. Tijorat banklari tuman ishchi guruhlari bilan birgalikda ajratilgan kreditlardan maqsadli foydalanilishini va ularning samaradorligini monitoring qilib boradi hamda kreditlarning o‘z vaqtida qaytarilishi bo‘yicha tegishli choralarni ko‘radi.
238. Tijorat banklariga ajratilgan kompensatsiyadan maqsadli foydalanishni, to‘lovlarning va hisob-kitoblarning o‘z vaqtida amalga oshirilishini nazorat qilish belgilangan tartibda O‘zbekiston Respublikasi Iqtisodiyot va moliya vazirligi huzuridagi Davlat moliyaviy nazorati inspeksiyasi tomonidan amalga oshiriladi”;
“loyihani amalga oshirish uchun soha bo‘yicha oliy ma’lumotli mutaxassislar, jumladan, loyihachi, muhandis va agronom bilan ta’minlanganlik darajasi (loyiha amalga oshiriladigan har bir hudud uchun 2 nafar loyihachi, 2 nafar agronom va 6 nafar muhandis)”;
oltinchi xatboshidagi “sohaga aloqador oliy” so‘zlaridan keyin “ta’lim muassasalari” so‘zlari bilan to‘ldirilsin;
sakkizinchi xatboshidagi “hujjatlarning to‘g‘riligiga” so‘zlaridan keyin “quruvchi-pudrat” so‘zlari bilan to‘ldirilsin;
“29. Quruvchi-pudrat tashkilotlari reytingi natijalari quyidagi toifalarga bo‘linadi:
T/r
Ishonchlilik darajasi
Umumiy ballar
1.
Mahalliy ishlab chiqarish yo‘lga qo‘yilganligi*
15
2.
Ishlab chiqarish korxonasi maxsus laboratoriya bilan jihozlanganligi
15
3.
Oliy ta’lim muassasalari va ilmiy-tadqiqot institutlari bilan o‘zaro hamkorlik yo‘lga qo‘yilganligi
5
4.
Soha bo‘yicha faoliyat olib borayotgan olim va ilmiy xodimlarning loyiha-smeta hujjatlarini ishlab chiqishda ishtiroki mavjudligi**
10
5.
Hududlarda savdo shoxobchasi tashkil etilganligi
10
6.
Hududlarda servis-xizmat ko‘rsatish markazining amalda faoliyat olib borayotganligi***
15
7.
Oliy ma’lumotli loyihachi, muhandis, agronom xodimlar bilan ta’minlanganligi hamda ularning “Suvchilar maktabi”da malaka oshirganligi
15
8.
Texnologiyadan foydalanish bo‘yicha buyurtmachilar tomonidan e’tirozlar mavjud emasligi
15
* Suv xo‘jaligi vazirligi tomonidan ishchi guruh tashkil etish orqali mahalliy ishlab chiqarish korxonalari monitoring qilib boriladi, ishlab chiqarilayotgan mahsulotlarda korxona nomi, texnik ko‘rsatkichlari va ishlab chiqarish sanasi ko‘rsatilganligi o‘rganiladi.
** Oliy ta’lim muassasalari va ilmiy-tadqiqot institutlari xodimlari loyiha hujjatlarining hududni tuproq va iqlim sharoitiga hamda ekin turiga mosligi, shuningdek joriy qilinishi rejalashtirilgan texnologiyaning amalda ishlash jarayoni va uning natijadorligi yuzasidan Suv xo‘jaligi vazirligiga asoslangan xulosalar taqdim etib boradi hamda xulosalarning to‘g‘riligiga shaxsan mas’ul hisoblanadi.
*** Suv xo‘jaligi vazirligi tomonidan joylarda tashkil etilgan servis-xizmat ko‘rsatish markazlarining amalda faoliyat olib borayotganligi mavsum davomida o‘rganib boriladi”;
“loyiha amalga oshirilgan hududda buyurtmachilar tomonidan “Tomchi-reestr” YAER orqali texnologiyadan foydalanish bo‘yicha shikoyatlar va arizalar yuborilib, ushbu kamchiliklar besh kun muddatda bartaraf etilmaganda (kamchiliklar o‘z vaqtidan kechikib bartaraf etilsa korxona 3 oy muddatga reyestrdan chetlatiladi)”;
“taqdim etilgan hujjatlarda xato va kamchiliklar borligi, shuningdek hujjatlarning qalbakiligi aniqlanganda”;
m) 1-ilovaning matni quyidagi tahrirda bayon etilsin:
“Suvni tejaydigan sug‘orish texnologiyalarini joriy etishga sarflangan xarajatlarning bir qismini qoplash uchun subsidiya ajratishga ko‘maklashuvchi tuman ishchi guruhining
NAMUNAVIY TARKIBI
1. Tuman hokimi, Ishchi guruh rahbari
2. Tuman hokimining qishloq va suv xo‘jaligi masalalari bo‘yicha o‘rinbosari, Ishchi guruh rahbarining o‘rinbosari
3. Tuman qishloq xo‘jaligi bo‘limi boshlig‘i
4. “Suv yetkazib berish xizmati” DM rahbari
5. Xizmat ko‘rsatuvchi tijorat bankining tuman filiali boshqaruvchisi
6. Tuman fermer, dehqon xo‘jaliklari va tomorqa yer egalari kengashi raisi”.
8. Vazirlar Mahkamasining 2021-yil 4-iyundagi “O‘zbekiston Respublikasi hududiga import qilishda bojxona boji va qo‘shilgan qiymat solig‘idan ozod etiladigan o‘xshashi respublikada ishlab chiqarilmaydigan yangi texnologik asbob-uskunalar ro‘yxatini tasdiqlash to‘g‘risida”gi 352-son qaroriga 1-ilovada:
1421-pozitsiyadagi “Xalqaro moliya institutlari va xorijiy hukumatlar moliya tashkilotlaridan O‘zbekiston Respublikasi kafolati ostida jalb etilgan mablag‘lar hisobidan olib kiriladigan qishloq xo‘jaligi yoki bog‘dorchilik uchun yomg‘irlatib sug‘orish qurilmalari (statsionar pirali yomg‘irlatib sug‘orish tizimlari)” so‘zlari “Qishloq xo‘jaligi yoki bog‘dorchilik uchun yomg‘irlatib sug‘orish texnologiyasining Center Pivot va mobil sug‘orish tizimlari (statsionar pirali yoki ko‘chma yomg‘irlatib sug‘orish tizimlari) so‘zlari bilan almashtirilsin;
1431-pozitsiyadagi “Xalqaro moliya institutlari va xorijiy hukumatlar moliya tashkilotlaridan O‘zbekiston Respublikasi kafolati ostida jalb etilgan mablag‘lar hisobidan olib kiriladigan qishloq xo‘jaligi yoki bog‘dorchilik uchun sug‘orish qurilmalari (statsionar pirali yomg‘irlatib sug‘orish tizimlari) butlovchi va ehtiyot qismlari” so‘zlari “Qishloq xo‘jaligi yoki bog‘dorchilik uchun yomg‘irlatib sug‘orish texnologiyasining Center Pivot va mobil sug‘orish tizimlari (statsionar pirali yoki ko‘chma yomg‘irlatib sug‘orish tizimlari) butlovchi va ehtiyot qismlari” so‘zlari bilan almashtirilsin.
9. Vazirlar Mahkamasining 2023-yil 14-avgustdagi “Qashqadaryo viloyatining Kasbi tumanida qishloq xo‘jaligida suv hisobini yuritish tizimini raqamlashtirish chora-tadbirlari to‘g‘risida”gi 371-son qarorida:
a) 1-banddagi “2024” raqami “2028” raqami bilan almashtirilsin;
LexUZ sharhi