PQ-221-сон 26.04.2022. Intellektual mulk sohasini yanada rivojlantirishga oid qoʻshimcha chora-tadbirlar toʻgʻrisida

Oʻzbekiston Respublikasi Prezidentining

Qarori

Intellektual mulk sohasini yanada rivojlantirishga oid qoʻshimcha chora-tadbirlar toʻgʻrisida

Mamlakatda iqtisodiyot tarmoqlariga intellektual faoliyat natijalari va innovatsiyalarni joriy etish mexanizmlarini takomillashtirish, mintaqaviy brendlarni yaratish, kontrafakt mahsulotlar realizatsiyasining oldini olish, intellektual mulkning ishonchli huquqiy himoyasini taʼminlash borasida izchil chora-tadbirlar amalga oshirilmoqda.

Shu bilan birga, intellektual mulk obyektlarini huquqiy himoya qilish, sohada sodir etilayotgan huquqbuzarliklarga oʻz vaqtida chora koʻrish, mualliflarning va boshqa ijodkorlarning moddiy manfaatdorligini oshirish, xorijiy kompaniyalarning intellektual mulkka boʻlgan huquqlarini himoya qilish kabi yoʻnalishlarda bir qator masalalar dolzarbligicha qolmoqda.

Intellektual mulkni ishonchli himoya qilish, intellektual mulk sohasida davlat boshqaruvini yanada takomillashtirish, mamlakatning investitsiyaviy jozibadorligini oshirish hamda kontrafakt mahsulotlarga samarali qarshi kurashish, shuningdek, Yangi Oʻzbekistonning 2022 — 2026-yillarga moʻljallangan taraqqiyot strategiyasida belgilangan vazifalarni bajarish maqsadida:

1. Oʻzbekiston Respublikasi Prezidentining 2022-yil 17-martdagi “Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida”gi PF-89-son Farmoniga muvofiq, Intellektual mulk agentligi va uning hududiy markazlari ularning vazifa, funksiya va vakolatlari Adliya vazirligiga oʻtkazilgan holda qoʻshib olinganligi maʼlumot uchun qabul qilinsin.

2. Belgilab qoʻyilsinki:

a) Davlat bojxona qoʻmitasi tomonidan quyidagilar amalga oshiriladi:

Intellektual mulk obyektlarining bojxona reyestriga (keyingi oʻrinlarda — Reyestr) kiritilgan huquq egalariga tegishli tovar belgilari boʻyicha qonunchilik talablari buzilishi aniqlanganda, bu toʻgʻrisida xabar berish;

tashqi iqtisodiy faoliyat ishtirokchilari oʻrtasida intellektual mulk huquqlariga rioya etish boʻyicha targʻibot ishlarini olib borish;

b) quyidagi davlat organlari intellektual mulk huquqlarini himoya qilish boʻyicha texnik jihatdan tartibga solish hamda intellektual mulk sohasidagi qonunchilik talablariga qatʼiy rioya etilishini nazorat qiladi:

Texnik jihatdan tartibga solish agentligi mahsulotlarni sertifikatlashtirish, muvofiqlik sertifikatlari va belgilarini berish jarayonida;

Farmatsevtika tarmogʻini rivojlantirish agentligi dori vositalari, tibbiy buyumlar va tibbiy texnikalarni davlat roʻyxatidan oʻtkazish jarayonida.

3. Shunday tartib oʻrnatilsinki, unga koʻra 2022-yil 1-avgustdan boshlab quyidagi jarayonlardagi tekshirish va oʻrganishlar Adliya vazirligining “Sanoat mulki muhofazasi portali”dan foydalangan holda amalga oshiriladi:

a) sertifikatsiyalash bilan shugʻullanuvchi organlar tomonidan respublikada ishlab chiqarilayotgan, realizatsiya qilinayotgan mahsulotlarni sertifikatlashtirish jarayonida ularda qoʻllanilgan nom, qadoqlar va boshqa rekvizitlarda intellektual mulk obyektlariga (tovar belgisi, geografik koʻrsatkich, tovar kelib chiqqan joy nomi va sanoat namunasiga) boʻlgan huquqlarni oʻrganish va tekshirish;

b) Farmatsevtika tarmogʻini rivojlantirish agentligining dori vositalari, tibbiy buyumlar va tibbiy texnikani davlat roʻyxatidan oʻtkazish, sifat nazorati, standartlashtirish va sertifikatlashtirishni amalga oshiradigan ishchi organi tomonidan dori vositalari, tibbiy buyumlar va tibbiy texnikani davlat roʻyxatidan oʻtkazish hamda roʻyxatdan oʻtkazilganlik guvohnomasini berish jarayonida intellektual mulk obyektlariga (tovar belgisi va sanoat namunasiga) boʻlgan huquqlarga rioya etilganligini tekshirish va (yoki) oʻrganish.

Adliya vazirligi 2022-yil 1-iyungacha sertifikatsiyalash bilan shugʻullanuvchi barcha organlarni “Sanoat mulki muhofazasi portali”ga bepul ulanishini taʼminlasin.

4. Belgilansinki, 2022-yil 1-sentabrdan boshlab:

a) “Yagona darcha” bojxona axborot tizimi orqali intellektual mulk obyektlarini Reyestrga kiritish toʻgʻrisidagi arizalarni elektron tarzda yuborish va qabul qilish, ularni koʻrib chiqish bosqichlarini onlayn ravishda kuzatib borish hamda qabul qilingan qarorlar toʻgʻrisida ariza yuboruvchilarni xabardor qilish tartibi yoʻlga qoʻyiladi;

b) bojxona organlari tomonidan Reyestrga kiritilgan intellektual mulk obyektlari huquq egalarining qonuniy manfaatlarini quyidagi himoya qilish huquqi beriladi:

tashqi iqtisodiy faoliyat bojxona postlarida bojxona nazorati va rasmiylashtiruvi jarayonida intellektual mulk huquqlari buzilganligi alomati mavjud boʻlgan tovarlar aniqlanganda, bojxona organlari tomonidan huquq egasining “Yagona darcha” bojxona axborot tizimidagi shaxsiy kabinetiga ushbu holat toʻgʻrisida bir ish kunida elektron raqamli imzo bilan tasdiqlangan xabar yuborish;

xabar yuborilgandan boshlab bir ish kuni davomida huquq egalaridan tegishli shakldagi ariza kelib tushgan taqdirda, ularning huquqlarini himoya qilish boʻyicha qonunchilikda belgilangan tartibda choralar koʻrish. Bunda, ushbu muddat ichida huquq egalaridan tegishli shakldagi ariza bojxona organlariga kelib tushmagan taqdirda, tovarlar belgilangan tartibda chiqarib yuboriladi;

intellektual mulk huquqlari buzilganligi alomati tovarlarni bojxona rasmiylashtiruvida xavfni boshqarish tizimi natijalari asosida bojxona nazorati shakllarini qoʻllagan holda aniqlash, bundan bojxona organlarining tezkor-qidiruv faoliyati davomida aniqlangan holatlar mustasno;

v) Reyestrga kiritilgan huquq egalari ularning intellektual mulk obyektlariga boʻlgan huquqlarini himoya qilish boʻyicha choralar koʻrish toʻgʻrisida bojxona organlariga ariza bilan murojaat qilganda, ulardan taxmin qilinayotgan huquqbuzarlikni aniqlashda yordam beradigan, shu jumladan ishlab chiqaruvchi, tovar turishi mumkin boʻlgan joy va uni bojxona chegarasi orqali olib oʻtish sanasi, tashish xususiyatlari va oʻrovining koʻrinishi, tovar turgan joy yoki rejalashtirilayotgan yetkazish joyi toʻgʻrisidagi maʼlumotlarni talab qilish taqiqlanadi.

Davlat bojxona qoʻmitasi uch oy muddatda Oʻzbekiston Respublikasi Bojxona kodeksiga ushbu banddan kelib chiqadigan oʻzgartirish va qoʻshimchalar toʻgʻrisidagi qonun loyihasi Vazirlar Mahkamasiga kiritilishini taʼminlasin.

5. Adliya vazirligi 2023-yil 1-yanvarga qadar intellektual mulk obyektlarining oldi-sotdisiga qulay shart-sharoitlar yaratish uchun quyidagilar aks ettiriladigan “Intellektual mulk — barcha uchun” maxsus internet-auksion savdo platformasini ishlab chiqsin va ishga tushirsin:

auksion savdosiga taklif etilayotgan intellektual mulk obyektlari toʻgʻrisidagi maʼlumotlar;

auksion savdosiga taklif etilayotgan intellektual mulk obyektlarining boshlangʻich savdo narxi;

tuzilgan litsenziya shartnomalari toʻgʻrisidagi maʼlumotlar va boshqalar.

6. Axborotlashtirish va telekommunikatsiyalar sohasida nazorat boʻyicha davlat inspeksiyasi Axborot texnologiyalari va kommunikatsiyalarini rivojlantirish vazirligi bilan birgalikda 2022-yil 1-oktabrga qadar Axborot-kommunikatsiya texnologiyalarini rivojlantirish jamgʻarmasi mablagʻlari hisobidan Internetda mualliflik huquqi va turdosh huquqlarni buzgan veb-saytlar toʻgʻrisidagi maʼlumotlarni oʻz ichiga oluvchi “Mualliflik va turdosh huquqlar sohasidagi qonunbuzilishlar reyestri” axborot tizimini (keyingi oʻrinlarda — qonunbuzilishlar reyestri) ishlab chiqsin va ishga tushirsin.

Belgilansinki, veb-saytlar tomonidan mualliflik huquqi va turdosh huquqlar tizimli ravishda buzilishi belgilangan tartibda isbotlangan taqdirda, Axborotlashtirish va telekommunikatsiyalar sohasida nazorat boʻyicha davlat inspeksiyasi Adliya vazirligining xulosasi asosida mazkur veb-saytlar toʻgʻrisidagi maʼlumotlarni qonunbuzilishlar reyestriga kiritadi va uning koʻrsatmasiga muvofiq Axborot texnologiyalari va kommunikatsiyalarini rivojlantirish vazirligi ushbu veb-saytlar faoliyatini mualliflik huquqi va turdosh huquqlarni buzuvchi xatti-harakatlar bartaraf etilmaguniga qadar qonunchilikka muvofiq cheklaydi.

Adliya vazirligi hamda Axborotlashtirish va telekommunikatsiyalar sohasida nazorat boʻyicha davlat inspeksiyasi manfaatdor vazirlik va idoralar bilan birgalikda 2022-yil 1-sentabrga qadar qonunbuzilishlar reyestrini yuritish tartibini tasdiqlashga doir hukumat qarori loyihasini Vazirlar Mahkamasiga kiritsin.

7. 2022-yil 1-maydan boshlab Axborot va ommaviy kommunikatsiyalar agentligining fonogrammalar va audiovizual asarlarni tarqatishda (sotish, ijaraga berish va barchaning eʼtiboriga yetkazishda) mualliflik huquqlari himoyasini taʼminlash boʻyicha qonunchilikka rioya qilinishi ustidan davlat nazoratini amalga oshirish boʻyicha vakolatlari toʻliq Axborotlashtirish va telekommunikatsiyalar sohasida nazorat boʻyicha davlat inspeksiyasiga oʻtkazilsin.

8. Quyidagilar:

2022 — 2026-yillarda Oʻzbekiston Respublikasida intellektual mulk sohasini rivojlantirish strategiyasi (keyingi oʻrinlarda — Strategiya) 1-ilovaga muvofiq;

2022 — 2026-yillarda Oʻzbekiston Respublikasida intellektual mulk sohasini rivojlantirish strategiyasini 2022-2023-yillarda amalga oshirish boʻyicha “yoʻl xaritasi” 2-ilovaga muvofiq;

2022 — 2026-yillarda Oʻzbekiston Respublikasida intellektual mulk sohasini rivojlantirishning maqsadli koʻrsatkichlari (indikatorlari) 3-ilovaga muvofiq tasdiqlansin.

Adliya vazirligi 2023-yildan boshlab har yili 1-dekabrga qadar joriy yil uchun belgilangan vazifalarning bajarilishini chuqur tahlil qilgan holda, mazkur Strategiyani amalga oshirish yuzasidan kelgusi yilga moʻljallangan chora-tadbirlar dasturini ishlab chiqib, Vazirlar Mahkamasiga tasdiqlash uchun kiritib borsin.

9. Belgilab qoʻyilsinki, 2022-yil 1-noyabrdan boshlab intellektual mulk huquqlarini buzgan holda ishlab chiqarilayotgan, sotilayotgan va tarqatilayotgan mahsulotlarni ishlab chiqaruvchi, sotuvchi va tarqatuvchilarga huquqiy taʼsir choralarini qoʻllashda idoralararo axborot almashinuvi Adliya vazirligining “IP-Protection” axborot portali (keyingi oʻrinlarda — Portal) orqali amalga oshiriladi.

Adliya vazirligi 2022-yil 1-iyunga qadar Portalning elektron shaklda real vaqt rejimida ishlashini hamda unga manfaatdor davlat organlari va tashkilotlari bepul asosda ulanishini taʼminlasin.

10. Portaldan toʻlaqonli foydalanish uchun davlat organlari hamkorligining shunday tartibi oʻrnatilsinki, unga koʻra:

Bosh prokuratura huzuridagi Iqtisodiy jinoyatlarga qarshi kurashish departamenti ishlab chiqaruvchisi nomaʼlum boʻlgan qalbaki yoki kontrafakt mahsulotlarga qarshi kurashishda bu turdagi mahsulotlarni ishlab chiqaruvchilar va tayyorlovchilar toʻgʻrisidagi maʼlumotlarni Adliya vazirligi, tegishli davlat organlari va tashkilotlarining soʻrovlariga asosan Portal orqali oʻn ish kunida taqdim etadi;

Ichki ishlar vazirligi, Axborot texnologiyalari va kommunikatsiyalarini rivojlantirish vazirligi oʻz vakolatlari doirasida Internet va ijtimoiy tarmoqlarda intellektual mulk huquqlarini buzayotgan shaxslar toʻgʻrisidagi maʼlumotlarni Adliya vazirligi, tegishli davlat organlari va tashkilotlarining soʻrovlariga asosan Oʻzbekiston Respublikasining “Shaxsga doir maʼlumotlar toʻgʻrisida”gi Qonuni talablariga rioya qilgan holda Portal orqali oʻn ish kunida taqdim etadi;

Davlat bojxona qoʻmitasi Reyestrga kiritilgan intellektual mulk obyektlari va bojxona organlari tomonidan intellektual mulk obyektlariga boʻlgan huquqlarning buzilganlik belgilari mavjud boʻlgan tovarlarni chiqarib yuborish toʻxtatib turilgan holatlar toʻgʻrisida har chorakda Adliya vazirligiga Portal orqali umumlashtirilgan maʼlumot taqdim etadi;

Oldingi tahrirga qarang.

Raqobatni rivojlantirish va isteʼmolchilar huquqlarini himoya qilish qoʻmitasi intellektual mulk obyektlaridan foydalangan holda sodir etilgan nohalol raqobat holatlari boʻyicha koʻrilgan ishlar va qabul qilingan qarorlar boʻyicha har chorakda Adliya vazirligiga Portal orqali axborot taqdim etadi.

(10-bandning beshinchi xatboshisi Oʻzbekiston Respublikasi Prezidentining 2023-yil 6-iyuldagi PF-108-sonli Farmoni tahririda — Qonunchilik maʼlumotlari milliy bazasi, 07.07.2023-y., 06/23/108/0460-son)

11. Adliya vazirligi Portalga taqdim qilingan maʼlumotlarni doimiy tahlil qilish va har yarim yilda manfaatdor vazirlik va idoralar bilan birgalikda intellektual mulk obyektlaridan qonunga xilof ravishda foydalanish holatlari koʻrsatkichlari boʻyicha statistik maʼlumotlarni ommaviy axborot vositalari orqali keng jamoatchilikka yetkazib borish amaliyotini yoʻlga qoʻysin.

12. Oliy sudga intellektual mulk obyektlarining sud orqali huquqiy himoyasini taʼminlash maqsadida barcha instansiya sudlari tomonidan intellektual mulk sohasiga doir ishlarni bir xil yondashuv asosida koʻrib chiqish uchun yagona sud amaliyoti boʻyicha Oliy sud Plenumi qarorini qabul qilish tavsiya etilsin.

13. Quyidagilar:

Intellektual mulkni huquqiy himoya qilish boʻyicha joriy etilayotgan yangi mexanizmlarni masʼul davlat organlari va tashkilotlari xodimlariga oʻrgatish boʻyicha oʻquv mashgʻulotlarni oʻtkazish grafigi 4-ilovaga muvofiq;

Intellektual mulkni roʻyxatga olish va uni fuqarolik muomalasiga kiritishni xoʻjalik yurituvchi subyektlar xodimlariga oʻrgatish boʻyicha oʻquv mashgʻulotlarni oʻtkazish grafigi 5-ilovaga muvofiq;

Oliy taʼlim va ilmiy-tadqiqot muassasalari xodimlarining intellektual mulk sohasidagi malakasini oshirish yuzasidan oʻtkaziladigan oʻquv mashgʻulotlari grafigi 6-ilovaga muvofiq tasdiqlansin.

Adliya vazirligi va Savdo-sanoat palatasi tegishli vazirlik va idoralar bilan birgalikda oʻquv mashgʻulotlari grafiklarga muvofiq oʻtkazilishini taʼminlasin.

14. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 7-ilovaga muvofiq oʻzgartirishlar va qoʻshimcha kiritilsin.

15. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlari 8-ilovaga muvofiq oʻz kuchini yoʻqotgan deb topilsin.

16. Adliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirishlar va qoʻshimcha toʻgʻrisida Vazirlar Mahkamasiga takliflar kiritsin.

17. Mazkur qarorning ijrosini samarali tashkil qilishga masʼul va shaxsiy javobgar etib adliya vaziri R.Q. Davletov belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.

Amalga oshirilgan chora-tadbirlarning natijadorligi toʻgʻrisida 2023-yil 1-yanvarga qadar Oʻzbekiston Respublikasi Prezidentiga axborot kiritilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 26-aprel,

PQ-221-son

Oʻzbekiston Respublikasi Prezidentining 2022-yil 26-apreldagi PQ-221-son qaroriga
1-ILOVA

2022 — 2026-yillarda Oʻzbekiston Respublikasida intellektual mulk sohasini rivojlantirish

STRATEGIYASI

1-bob. Umumiy qoidalar

Intellektual faoliyat natijalarini qoʻllash orqali iqtisodiyot tarmoqlari, ijtimoiy va boshqa sohalarga zamonaviy axborot-innovatsion texnologiyalarni tezkor joriy qilish Oʻzbekiston Respublikasini jadal rivojlantirishning muhim shartlaridan biri sanaladi.

Jamiyat va davlat hayotining barcha sohalari shiddat bilan rivojlanayotgan bir paytda mamlakatimizning jahon bozorida mustahkam oʻrin egallashi va rivojlangan davlatlar darajasiga erishishi yoʻlida dadil qadamlar tashlash uchun islohotlarni zamonaviy innovatsion gʻoyalar, ixtirolar va mashhur mintaqaviy brendlar yaratilishiga asoslangan holda amalga oshirish talab etiladi.

Shu bilan birga, oʻtkazilgan tahlillar intellektual faoliyatni rivojlantirish, ilgʻor intellektual faoliyat natijalarini qoʻllash orqali ishlab chiqarish jarayonlarini modernizatsiya qilish, intellektual mulkni huquqiy himoya qilish, davlat organlari va tashkilotlarining ushbu yoʻnalishdagi oʻzaro hamkorlikdagi faoliyatini zamon talablariga moslashtirish, intellektual mulk obyektlari qoʻllangan mahsulotlar hajmini oshirish hamda ichki va tashqi bozorlarda oʻz nomiga (brendiga) ega boʻlgan raqobatbardosh mahsulotlar turlarini kengaytirish borasidagi ishlar lozim darajada olib borilmayotganini koʻrsatdi. Xususan:

intellektual mulk obyektlarini ishlab chiqarish jarayonlariga jalb qilish koʻrsatkichlari juda past;

aholi va tadbirkorlik subyektlari intellektual mulk sohasi boʻyicha yetarli bilim va koʻnikmalarga ega emas;

xoʻjalik yurituvchi subyektlar oʻz faoliyatiga intellektual faoliyat natijalarini joriy qilishdan manfaatdor emas;

ixtirochilar va novatorlar uchun qulay shart-sharoitlar yaratilmagan;

intellektual mulk obyektlarining huquqiy himoyasini taʼminlash uchun masʼul vazirlik va idoralar oʻrtasidagi oʻzaro hamkorlik lozim darajada yoʻlga qoʻyilmagan, ilmiy-tadqiqot muassasalari va laboratoriyalarining intellektual mulk sohasi bilan bogʻliq faoliyati yetarli darajada muvofiqlashtirilmagan;

ilmiy ishlanmalarni fuqarolik muomalasiga kiritish koʻrsatkichlari past;

“IP Management” (intellektual mulkni boshqarish) sohasida intellektual mulk obyektlarini rivojlantirish va ularning transferi bilan faol shugʻullanuvchi yuqori malakali mutaxassislar yetishmaydi;

intellektual mulkni huquqiy himoya qilish lozim darajada emas, ushbu sohada, ayniqsa, davlat organlari va tashkilotlarida malakali mutaxassislar yetishmaydi;

taʼlim tashkilotlarida insonlarning intellektual faoliyat natijalariga hurmat hissini shakllantirishga qaratilgan amaliy tadbirlar oʻtkazilmaydi;

taʼlim jarayonlarida oʻzgalarning intellektual mulk obyektlaridan toʻgʻri foydalanishga oʻrgatish, koʻchirmachilikning (plagiat) oldini olishga qaratilgan chora-tadbirlar yetarlicha amalga oshirilmagan;

kontrafakt mahsulotlar realizatsiyasiga qarshi kurashish bilan bogʻliq ishlar, shuningdek, Oʻzbekiston Respublikasi hududidan olib chiqiladigan va uning hududiga olib kiriladigan tovarlar boʻyicha intellektual mulkni huquqiy himoya qilish lozim darajada tashkil qilinmagan.

Qayd etilgan kamchiliklar mamlakatimizda intellektual mulk sohasining jadal rivojlanishiga, jahon bozorlarida Oʻzbekiston nomini ifoda qiluvchi mahsulotlar eksporti hajmining ortishiga, xorijiy investitsiyalarni jalb etishga, iqtisodiyotning oʻsishiga hamda davlat va jamiyat hayotining boshqa sohalarini rivojlantirishga toʻsqinlik qilmoqda.

Shu munosabat bilan 2022 — 2026-yillarda Oʻzbekiston Respublikasida intellektual mulk sohasini rivojlantirish strategiyasi (keyingi oʻrinlarda — Strategiya) qabul qilinishi alohida ahamiyat kasb etmoqda.

2-bob. Strategiyaning maqsad va vazifalari

1. Mamlakatda “Intellektual mulkning samarali huquqiy muhofazasidan — kuchli huquqiy himoyasi sari” tamoyili asosida intellektual mulkni jamiyat va davlatning ijtimoiy-iqtisodiy hayotini rivojlantiruvchi asosiy drayverga aylantirish orqali Oʻzbekistonni ilmiy-texnikaviy va ixtirochilik jihatdan taraqqiy etgan davlatlar qatoriga kiritish hamda mintaqaviy brendlarni hududlarni har tomonlama rivojlantiruvchi vosita sifatida yuzaga chiqarish Strategiyaning bosh maqsadi hisoblanadi.

2. Bosh maqsadga erishishda Strategiyaning asosiy vazifalari quyidagilardan iborat:

intellektual mulk sohasi boʻyicha qonunchilikda mavjud boʻshliq va ziddiyatlarni bartaraf qilish, ilgʻor jahon tajribasi asosida uni doimiy takomillashtirib borish;

respublikada amalga oshirilayotgan maʼmuriy islohotlar doirasida intellektual mulk sohasidagi davlat boshqaruvi tizimini masʼul vazirlik va idoralar faoliyatidagi bir-birini takrorlovchi vazifa va funksiyalarni bartaraf qilish orqali takomillashtirish;

intellektual mulk obyektlarini huquqiy muhofaza qilish jarayonlarini zamonaviy tendensiyalarni inobatga olgan holda muntazam takomillashtirib borish va intellektual mulk obyektlari yaratilishini qoʻllab-quvvatlash;

kontrafakt mahsulotlar realizatsiyasiga qarshi kurashish bilan bogʻliq ishlar, shuningdek, Oʻzbekiston Respublikasi hududidan olib chiqiladigan va uning hududiga olib kiriladigan tovarlar boʻyicha intellektual mulk obyektlariga boʻlgan huquqlarni samarali himoya qilish mexanizmlarini yaratish;

intellektual mulk obyektlarining taʼsirchan huquqiy mexanizm bilan himoya qilinishini taʼminlash;

intellektual mulk sohasini byurokratiyadan holi qilish maqsadida zamonaviy axborot-kommunikatsiya texnologiyalarini joriy qilish orqali toʻliq raqamlashtirish;

fuqarolar va tadbirkorlik subyektlarining intellektual mulkka boʻlgan munosabatini oʻzgartirish va huquqiy madaniyatini yuksaltirish boʻyicha innovatsion usullarni qoʻllagan holda manzilli targʻibot tadbirlarini muntazam oʻtkazib borish;

intellektual mulk sohasi boʻyicha global integratsiya jarayonlarida faol ishtirok etish.

3-bob. Strategiyaning asosiy yoʻnalishlari

3.1. Intellektual mulk sohasida davlat boshqaruvini takomillashtirish

1. Intellektual mulk obyektlarini ishonchli huquqiy himoya qilish maqsadida soha boʻyicha davlat organlari va tashkilotlari oʻrtasidagi idoralararo hamkorlikni yanada takomillashtirish.

2. Intellektual mulk sohasidagi nizolarni sudga qadar hal qilish tartiblarini keng joriy qilish.

3. Intellektual mulk obyektlariga boʻlgan huquqlarni himoya qilish boʻyicha maxsus vakolatli organlar faoliyati boʻyicha ilgʻor xalqaro tajribani oʻrganish.

3.2. Intellektual mulk sohasidagi qonunchilikni takomillashtirish

1. Intellektual mulk obyektlariga boʻlgan huquqlarni ishonchli huquqiy himoya qilish maqsadida kuchli qonunchilik bazasini shakllantirish.

2. Globallashuv va zamonaviy axborot-kommunikatsiya texnologiyalari imkoniyatlarini hisobga olgan holda, Internet makonida intellektual faoliyat natijalari hamda fuqarolik muomalasi ishtirokchilarining, tovarlar, ishlar va xizmatlarning oʻziga xosliklarini aks ettiruvchi jihatlardan qonunga xilof ravishda foydalanishning oldini olishga qaratilgan real choralarni koʻrish.

3. Intellektual mulk obyektlariga boʻlgan huquq egalarining oʻz huquqlarini himoya qilish va tiklash orqali foyda koʻrishini taʼminlash mexanizmini ishlab chiqish.

4. Intellektual mulk huquqining savdo aspektlari boʻyicha bitim va Oʻzbekiston Respublikasining intellektual mulk sohasiga oid qonunchiligini qiyosiy tahlil qilish.

5. Bojxona qonunchiligiga “ex officio” tartibini kiritish masalasini oʻrganish.

3.3. Intellektual mulk obyektlarini yaratish va roʻyxatdan oʻtkazish jarayonlarini yanada takomillashtirish

1. Hududlarda mintaqaviy brendlar yaratilishini qoʻllab-quvvatlash va jahonda “Made in Uzbekistan” brendini butun dunyoda tanitish choralarini koʻrish.

2. Intellektual faoliyat natijalarini roʻyxatdan oʻtkazish jarayonlarini soddalashtirish.

3. Mamlakatda davlat va jamiyatga yuqori foyda keltiradigan ixtirolar yaratilishi uchun qulay shart-sharoitlar yaratish.

4. Intellektual mulk obyektlarini roʻyxatdan oʻtkazish boʻyicha davlat xizmatlarini koʻrsatish jarayonlarini tartibga soluvchi maʼmuriy reglamentlarni ishlab chiqish.

3.4. Intellektual mulk obyektlariga boʻlgan huquqlarni himoya qilish tizimini takomillashtirish

1. Butunjahon intellektual mulk tashkiloti (BIMT) koʻmagida respublikada mualliflik huquqini Internetda himoya qilish boʻyicha “WIPO Alert” onlayn platformasidan keng foydalanishni yoʻlga qoʻyish.

2. Intellektual mulk sohasida professional yuridik yordam koʻrsatuvchi patent vakillari faoliyatini yanada jonlantirish.

3. Mulkiy huquqlarni jamoaviy asosda boshqaruvchi tashkilotlar faoliyatini tahliliy oʻrganish, ularni mualliflik huquqi va turdosh huquqlarni tom maʼnoda himoya qiluvchi tashkilotlarga aylantirish choralarini koʻrish.

4. Tegishli vazirlik va idoralar bilan birgalikda barcha kuch va vositalarni intellektual mulk sohasidagi huquqbuzarliklarni aniqlash va ularning oldini olishga jalb qilish orqali sohada kuchli huquqiy himoyani taʼminlash.

5. Davlat organlari va tashkilotlari faoliyatida litsenziyalangan dasturiy taʼminot vositalaridan foydalanish istiqbollarini ilgʻor xorijiy tajriba asosida tahliliy oʻrganish.

6. Mualliflik huquqlarini himoya qilish, shu jumladan koʻchirmachilikka (plagiatga) qarshi ayovsiz kurashish maqsadida zarur chora-tadbirlarni amalga oshirish.

3.5. Intellektual mulk bilan bogʻliq munosabatlarga axborot-kommunikatsiya texnologiyalarini tatbiq etish va takomillashtirish

1. Intellektual mulk obyektlaridan foydalanganlik uchun toʻlanadigan mualliflik haqi miqdorini hisoblab beruvchi kalkulyator modulini ishlab chiqish.

2. Intellektual mulk obyektlari sifatida roʻyxatdan oʻtkazilgan farmakologik faol taʼsir koʻrsatuvchi moddalar va dori vositalari reyestrini tuzish.

3. Adliya vazirligining maxsus axborot tizimlaridan foydalanish imkoniyatlarini kengaytirish.

4. Intellektual mulk obyektlarini davlat roʻyxatidan oʻtkazish bilan bogʻliq jarayonlarning har bir bosqichi toʻgʻrisida talabnoma beruvchilarni xabardor qilishning yangi mexanizmini joriy etish.

5. Intellektual mulk obyektlarini davlat roʻyxatidan oʻtkazish jarayonlarini raqamlashtirish orqali talabnoma beruvchilarni ortiqcha byurokratik toʻsiqlardan xalos qilish.

3.6. Jamiyatda intellektual mulkka boʻlgan hurmat hissini shakllantirish va aholining huquqiy madaniyatini oshirish

1. Tadbirkorlik subyektlari faoliyatida intellektual mulk obyektlaridan keng foydalanishni qoʻllab-quvvatlash, shu jumladan ularning faoliyatida intellektual mulkni qoʻllashda yuzaga kelayotgan muammolarni bartaraf qilish boʻyicha doimiy fikr almashinuvini yoʻlga qoʻyish.

2. Umumiy oʻrta taʼlim va kasb-hunar maktablari oʻquvchi-talabalarida intellektual faoliyat natijalarini hurmat qilish hamda ixtirochilik va novatorlik xislatlarini shakllantirish maqsadida intellektual mulk sohasiga oid fan dasturlarini takomillashtirish.

3. Intellektual mulk sohasida yangi avlod darsliklari va oʻquv qoʻllanmalari turkumini yaratish, shu jumladan sohaga oid xorijiy adabiyotlarni oʻzbek tiliga tarjima qilish.

4. Intellektual mulk sohasi boʻyicha qonunchilik hujjatlaridan xorijliklar ham foydalanishini taʼminlash maqsadida ularning ingliz tiliga tarjima qilinishini taʼminlash.

5. Intellektual mulk sohasining dolzarb masalalari boʻyicha xalqaro ekspertlar ishtirokida soha xodimlari uchun xorijiy amaliyot, seminar va oʻquv kurslarini tashkil etish.

6. Intellektual mulk sohasida amalga oshirilayotgan islohotlar, intellektual mulk obyektlari huquq egalarining huquqlari va qonuniy manfaatlarini himoya qilish sohasidagi ijobiy oʻzgarishlar toʻgʻrisida xalqaro hamjamiyatni xabardor qilib borish.

7. Taʼlim va amaliyot oʻrtasidagi uzviy bogʻliqlikni taʼminlash maqsadida oliy taʼlim tashkilotlarining (yengil sanoat, farmatsevtika, qishloq xoʻjaligi va boshqa yoʻnalishlar) talabalari uchun Adliya vazirligi huzuridagi “Intellektual mulk markazi” davlat muassasasida amaliyot oʻtash tartibini joriy etish.

8. Aholi va tadbirkorlik subyektlari uchun toʻlov-shartnoma asosida oʻz intellektual mulk obyektlarini yuqori daromad keltiruvchi vositaga aylantirishga koʻmaklashuvchi “IP Management” (Intellektual mulkni boshqarish) oʻquv kurslarini tashkil qilish.

9. Keng jamoatchilikka intellektual mulk sohasi boʻyicha maʼlumotlarni yetkazuvchi jurnalistlar uchun toʻlov-shartnoma asosida oʻquv kurslarni tashkillashtirish.

3.7. Intellektual mulk sohasidagi xalqaro standartlarni implementatsiya qilish va xalqaro hamkorlikni rivojlantirish

1. Oʻzbekiston Respublikasining BIMT tomonidan boshqariladigan intellektual mulk sohasiga oid universal xalqaro shartnomalarga qoʻshilishi masalasini oʻrganish.

2. Intellektual mulk sohasi boʻyicha xalqaro va milliy ekspertlar muloqot maydonini yaratish maqsadida “XXI asrda intellektual mulk” xalqaro forumini oʻtkazish.

3. Oʻzbekiston Respublikasidagi xalqaro tashkilotlarning vakolatxonalari, boshqa davlatlarning intellektual mulk boʻyicha idoralari, xalqaro tashkilotlar bilan hamkorlikni, shuningdek, qoʻshma loyihalarni amalga oshirish orqali xorijiy donorlar bilan aloqalarni faollashtirish.

4. Mahalliy tadbirkorlik subyektlarining BIMT maxsus dasturlarida ishtirok etishini taʼminlash orqali ularda intellektual mulkdan foydalanish koʻnikmalarini oshirish.

Oʻzbekiston Respublikasi Prezidentining 2022-yil 26-apreldagi PQ-221-son qaroriga
2-ILOVA

2022 — 2026-yillarda Oʻzbekiston Respublikasida intellektual mulk sohasini rivojlantirish strategiyasini 2022-2023-yillarda amalga oshirish boʻyicha

“YOʻL XARITASI”

Oldingi tahrirga qarang.

T/r	Tadbirlarning nomlanishi	Amalga oshirish shakli	Amalga oshirish muddati	Masʼul ijrochilar
I. Intellektual mulk sohasida davlat boshqaruvini takomillashtirish
1.	Butunjahon intellektual mulk tashkilotining (BIMT) Arbitraj va vositachilik markazi faoliyatini va uni Oʻzbekistonda joriy qilishning maqsadga muvofiqligini oʻrganish.	Axborot-tahliliy maʼlumotnoma	2022-yil sentabr	Adliya vazirligi (R. Davletov), manfaatdor vazirlik va idoralar
2.	Rivojlangan xorijiy davlatlarning intellektual mulk obyektlariga boʻlgan huquqlarni himoya qilish boʻyicha maxsus vakolatli organlari (AQSH Milliy intellektual mulk huquqlarini muvofiqlashtirish markazi, Buyuk Britaniya Intellektual mulk sohasidagi jinoyatlarga qarshi kurashish boʻyicha politsiyasi, Avstraliya federal politsiyasi va boshqalar) faoliyatini oʻrganish. Oʻrganish yakunlari boʻyicha respublikada intellektual mulkni huquqiy himoya qilish boʻyicha davlat organlari va tashkilotlari faoliyatini tanqidiy qayta koʻrib chiqish orqali uni takomillashtirish boʻyicha takliflar tayyorlash.	Axborot-tahliliy maʼlumotnoma	2023-yil may	Adliya vazirligi (R. Davletov)
3.	Ilgʻor xorijiy mamlakatlardagi sud orqali intellektual mulk obyektlari bilan bogʻliq nizolarni hal qilish mexanizmlarini oʻrganish.	Axborot-tahliliy maʼlumotnoma	2023-yil oktabr	Oliy sud (K. Kamilov), Adliya vazirligi (R. Davletov), Bosh prokuratura (N. Yoʻldoshev)
4.	Intellektual mulkka boʻlgan huquqlarga rioya etilishini taʼminlash boʻyicha yangi vazifa yuklanayotgan davlat organlari va tashkilotlari tomonidan Adliya vazirligining “Sanoat mulki muhofazasi” portali davlat axborot tizimidan foydalanish, shu jumladan mazkur portal orqali intellektual mulk huquqlariga rioya etilganligini oʻrganish boʻyicha seminarlar tashkil etish va uslubiy tavsiyalar ishlab chiqish.	Seminarlar Uslubiy tavsiyalar	2022-yil may — sentabr	Adliya vazirligi (R. Davletov)
II. Intellektual mulk sohasidagi qonunchilikni takomillashtirish
5.	Qonun hujjatlariga intellektual mulk obyektlariga boʻlgan huquqlarni ishonchli huquqiy himoya qilish mexanizmlarini nazarda tutuvchi quyidagi oʻzgartirish va qoʻshimchalarni kiritish: Oʻzbekiston Respublikasining Maʼmuriy javobgarlik toʻgʻrisidagi kodeksiga — geografik koʻrsatkichlarga boʻlgan huquqlarning buzilishi uchun javobgarlikni belgilashga oid normalarni kiritish; Oʻzbekiston Respublikasining “Ixtirolar, foydali modellar va sanoat namunalari toʻgʻrisida”, “Tovar belgilari, xizmat koʻrsatish belgilari va tovarlarning kelib chiqqan joy nomlari toʻgʻrisida”, “Firma nomlari toʻgʻrisida” va “Seleksiya yutuqlari toʻgʻrisida”gi qonunlariga — intellektual mulk obyektlari egalariga zarar yetkazilishi faktidan qatʼi nazar, huquqbuzarlikning xususiyati va huquqbuzarning aybi darajasini hisobga olgan holda, zarar qoplanishi oʻrniga bazaviy hisoblash miqdorining yigirma baravaridan ming baravarigacha miqdorda tovon undirish tartibini joriy etish.	Qonun loyihasi	2023-yil avgust	Adliya vazirligi (R. Davletov), Oliy sud (K. Kamilov), Bosh prokuratura (N. Yoʻldoshev), Monopoliyaga qarshi kurashish qoʻmitasi (Sh. Sharaxmetov), Davlat bojxona qoʻmitasi (A. Mavlonov), Davlat soliq qoʻmitasi (Sh. Kudbiyev)
6.	Intellektual mulk obyektlaridan va ular toʻgʻrisidagi maʼlumotlardan veb-saytlar, ijtimoiy tarmoqlar va boshqa axborot resurslarida noqonuniy foydalanishning oldini olish hamda axborot-kommunikatsiya muhitida intellektual mulk obyektlariga boʻlgan huquqlarning samarali himoyasini taʼminlash maqsadida amaldagi qonunchilik hujjatlariga oʻzgartirish va qoʻshimchalar kiritish.	Qonun loyihasi	2023-yil aprel	Adliya vazirligi (R. Davletov), Oliy sud (K. Kamilov), Axborotlashtirish va telekommunikatsiyalar sohasida nazorat boʻyicha davlat inspeksiyasi (A. Abdullayev), Axborot va ommaviy kommunikatsiyalar agentligi (A. Xodjayev), Axborot texnologiyalari va kommunikatsiyalarini rivojlantirish vazirligi (Sh. Shermatov), Monopoliyaga qarshi kurashish qoʻmitasi (Sh. Sharaxmetov)
7.	Oʻzbekiston Respublikasi intellektual mulk tizimini Jahon savdo tashkilotining (JST) Intellektual mulk huquqining savdo aspektlari boʻyicha bitim (TRIPS) normalari va tamoyillariga muvofiqligini tahlil qilish.	Axborot-tahliliy maʼlumotnoma	2022-yil davomida	Adliya vazirligi (R. Davletov), Investitsiyalar va tashqi savdo vazirligi (L. Qudratov), Tashqi ishlar vazirligi (V. Norov), Davlat bojxona qoʻmitasi (A. Mavlonov)
8.	Jahon savdo tashkilotining intellektual mulk boʻyicha xalqaro shartnomalari normalaridan kelib chiqqan holda, bojxona qonunchiligiga “ex officio” tartibini kiritish masalasini oʻrganish. Oʻrganish yakuniga koʻra, qonunchilikka tegishli oʻzgartirish va qoʻshimchalar kiritish boʻyicha normativ-huquqiy hujjat loyihasini ishlab chiqish va Vazirlar Mahkamasiga kiritish.	Qonun loyihasi	2022-yil avgust	Davlat bojxona qoʻmitasi (A. Mavlonov), Investitsiyalar va tashqi savdo vazirligi (L. Qudratov), Adliya vazirligi (R. Davletov)
9.	JST tizimidagi Nizolarni hal etish organining intellektual mulk sohasiga oid masalalarni hal qilish amaliyotini (pretsedentlarni) oʻrganish va natijasi boʻyicha Vazirlar Mahkamasiga axborot kiritish.	Axborot-tahliliy maʼlumotnoma	2022-yil dekabr	Adliya vazirligi (R. Davletov), Investitsiyalar va tashqi savdo vazirligi (L. Qudratov), Davlat bojxona qoʻmitasi (A. Mavlonov)
III. Intellektual mulk obyektlarini yaratish va roʻyxatdan oʻtkazish jarayonlarini yanada takomillashtirish
10.	Hududlarda mintaqaviy brendlar yaratilishini qoʻllab-quvvatlash orqli mahalliy mahsulotlarni “Made in Uzbekistan” brendi ostida jahon bozorlariga eksport qilish hajmini koʻpaytirish. Bunda, quyidagilarga alohida eʼtibor qaratiladi: mahalliy davlat hokimiyati organlari tomonidan oʻz hududlaridagi istiqbolli tovar kelib chiqqan joy nomlari va geografik koʻrsatkichlarini aniqlash hamda ularning belgilangan tartibda milliy va xalqaro roʻyxatdan oʻtkazilishini taʼminlash; xorijda yuqori nufuzga erishgan geografik koʻrsatkichli mahsulotlarni tayyorlovchi va ishlab chiqaruvchi mahalliy tadbirkorlik subyektlarining savdo uylarini ochish; “Made in Uzbekistan” brendi ostidagi tovar kelib chiqqan joy nomi va geografik koʻrsatkichli mahalliy mahsulotlarni tashqi bozorlarga olib chiqish maqsadida taqdimotlar va reklama kampaniyalarini oʻtkazish; yuqoridagi tadbirlar amalga oshirilishi bilan bogʻliq xarajatlarni Investitsiyalar va tashqi savdo vazirligi huzuridagi Eksportni ragʻbatlantirish agentligiga Davlat budjetidan ajratilgan mablagʻlar hisobidan toʻliq qoplash.	Kompleks chora-tadbirlar	2022-2023-yillar	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar va tashqi savdo vazirligi (L. Qudratov)
11.	Intellektual mulk obyektlarini roʻyxatdan oʻtkazish va muhofaza hujjatlarini berish boʻyicha talabnomalarni topshirish va koʻrib chiqish, intellektual mulk obyektlariga boʻlgan huquqlarni roʻyxatdan oʻtkazish va foydalanishga berish boʻyicha shartnomalarni roʻyxatdan oʻtkazish hamda tegishli muhofaza hujjatlarining amal qilishini uzaytirishga doir davlat xizmatlarini koʻrsatish boʻyicha maʼmuriy reglamentlarni ishlab chiqish va tasdiqlash.	Vazirlar Mahkamasi qarori loyihasi	2022-2023-yillar	Adliya vazirligi (R. Davletov), Innovatsion rivojlanish vazirligi (I. Abduraxmonov), manfaatdor vazirlik va idoralar
12.	Ixtirolar, foydali modellar va sanoat namunalarini roʻyxatdan oʻtkazish tartiblarini soddalashtirish.	Normativ-huquqiy hujjat loyihasi	2023-yil dekabr	Adliya vazirligi (R. Davletov)
13.	Respublikada ixtirochilikni qoʻllab-quvvatlash va ixtirochilar uchun zarur shart-sharoitlar yaratish maqsadida ularga nisbatan soliq imtiyozlarini joriy qilish istiqbollarini tahlil qilish. Bunda, jismoniy va yuridik shaxslar tomonidan ixtirolarni realizatsiya qilish jarayonida olingan daromadlarni soliq hisoblash bazasidan chiqarish boʻyicha ilgʻor xorijiy tajribani oʻrganish.	Axborot-tahliliy maʼlumotnoma	2023-yil may	Adliya vazirligi (R.Davletov), manfaatdor vazirlik va idoralar
IV. Intellektual mulk obyektlariga boʻlgan huquqlarni himoya qilish tizimini takomillashtirish
14.	Patent vakillari faoliyatini yanada jonlantirish yuzasidan zarur chora-tadbirlarni amalga oshirish. Bunda quyidagilar nazarda tutiladi: patent vakillari oʻrtasida soʻrovnoma oʻtkazish orqali ularning faoliyatida mavjud muammolarni oʻrganish; patent vakillari faoliyatini muvofiqlashtirish hamda har tomonlama qoʻllab-quvvatlash maqsadida Patent vakillari assotsiatsiyasini tashkil qilish; intellektual mulk sohasiga doir nizolarni sudgacha hal qilish jarayonlarida patent vakillarining faol ishtirokini taʼminlash; patent vakillari tomonidan professional yuridik yordam koʻrsatilishi va ularning oʻz kasbiga vijdonan yondashishini taʼminlash uchun “Patent vakillarining odob-axloq kodeksi”ni ishlab chiqish.	Kompleks chora-tadbirlar	2023-yil mart	Adliya vazirligi (R. Davletov), manfaatdor vazirlik va idoralar
15.	Mulkiy huquqlarni jamoaviy asosda boshqaruvchi tashkilotlar faoliyatini yanada jonlantirish, jumladan ularni mualliflik huquqi va turdosh huquqlarni samarali himoya qiluvchi tashkilotlarga aylantirish boʻyicha zarur chora-tadbirlarni amalga oshirish.	Tashkiliy chora-tadbirlar	2023-yil aprel	Adliya vazirligi (R. Davletov), Madaniyat vazirligi (O. Nazarbekov), manfaatdor vazirlik va idoralar
16.	Nashriyotlar tomonidan mualliflik huquqi va turdosh huquqlarga rioya etilishini taʼminlash hamda isteʼmolchilarga faqat asl noshirlik mahsulotlari yetkazilishini yoʻlga qoʻyish maqsadida ilgʻor xorijiy tajriba asosida har bir nashriyot tomonidan chop etiladigan noshirlik mahsuloti maxsus himoyalangan QR-kod bilan chop etilishini amaliyotga joriy qilish istiqbollarini oʻrganish. Oʻrganish yakuniga koʻra, ushbu tartibni joriy qilish yuzasidan takliflarni Vazirlar Mahkamasiga kiritish.	Vazirlar Mahkamasi qarori loyihasi	2022-yil dekabr	Axborot va ommaviy kommunikatsiyalar agentligi (A. Xodjayev), Adliya vazirligi (R. Davletov), Savdo-sanoat palatasi (D. Vahobov), Tadbirkorlik subyektlarining huquqlari va qonuniy manfaatlari himoya qilish boʻyicha vakil (D. Kasimov)
17.	Mualliflik huquqi va turdosh huquqlarni himoya qilish tizimini kompleks takomillashtirish boʻyicha ilgʻor xorijiy tajribani oʻrganish va takliflar tayyorlash. Bunda, quyidagilar nazarda tutiladi: ijrochilar tomonidan boshqa shaxslarga tegishli boʻlgan mualliflik huquqi va turdosh huquqlar obyektlaridan qonunga xilof ravishda foydalanganlik uchun qoʻllaniladigan samarali huquqiy taʼsir choralari, shu jumladan tegishli litsenziyani toʻxtatish yoki bekor qilish; mualliflik huquqi va turdosh huquqlar obyektlaridan qonunga xilof ravishda foydalanishdan olingan daromaddan huquqi buzilgan shaxslarni ragʻbatlantirish; toʻy, tomosha va boshqa koʻngilochar tadbirlarda mualliflik huquqi va turdosh huquqlar buzilishining profilaktikasini kuchaytirish va boshqalar.	Normativ-huquqiy hujjat loyihasi	2023-yil iyul	Adliya vazirligi (R. Davletov), Madaniyat vazirligi (O. Nazarbekov), manfaatdor vazirlik va idoralar
18.	BIMT koʻmagida Adliya vazirligi hamda Axborotlashtirish va telekommunikatsiyalar sohasida nazorat boʻyicha davlat inspeksiyasi faoliyatida “WIPO Alert” onlayn platformasidan foydalanishni yoʻlga qoʻyish. Bunda, quyidagilar nazarda tutiladi: BIMT tomonidan yuritiladigan “WIPO Alert” maxsus himoyalangan onlayn platformasiga qonunchilikka muvofiq “mualliflik huquqini buzgan” deb topilgan veb-saytlar toʻgʻrisidagi maʼlumotlarni kiritish; boshqa davlatlar tomonidan “WIPO Alert” maxsus himoyalangan onlayn platformasiga kiritilgan qaroqchi saytlar toʻgʻrisidagi maʼlumotlarni mahalliy reklama agentliklari va tadbirkorlarga yetkazish.	Tashkiliy chora-tadbirlar	2023-yil avgust	Adliya vazirligi (R. Davletov), Axborotlashtirish va telekommunikatsiyalar sohasida nazorat boʻyicha davlat inspeksiyasi (A. Abdullayev)
19.	Davlat organlari va tashkilotlari faoliyatida litsenziyalangan dasturiy taʼminot vositalaridan foydalanish istiqbollarini ilgʻor xorijiy tajriba asosida tahliliy oʻrganish va oʻrganish yakunlari boʻyicha takliflar ishlab chiqib, Vazirlar Mahkamasiga kiritish.	Axborot-tahliliy maʼlumotnoma	2023-yil mart	Axborot texnologiyalari va kommunikatsiyalarini rivojlantirish vazirligi (Sh. Shermatov), Axborotlashtirish va telekommunikatsiyalar sohasida nazorat boʻyicha davlat inspeksiyasi (A. Abdullayev), Moliya vazirligi (T. Ishmetov), manfaatdor vazirlik va idoralar
20.	Huquqni muhofaza qiluvchi organlar, boshqa davlat organlari va tashkilotlari bilan hamkorlikda intellektual mulk sohasidagi huquqbuzarliklarni aniqlash va ularning oldini olish boʻyicha qoʻshma harakatlar rejasini ishlab chiqish.	Tashkiliy chora-tadbirlar	2022-yil iyul	Adliya vazirligi (R. Davletov), Davlat soliq qoʻmitasi (Sh. Kudbiyev) Davlat bojxona qoʻmitasi (A. Mavlonov), Monopoliyaga qarshi kurashish qoʻmitasi (Sh. Sharaxmetov)
21.	Mualliflik huquqlarini himoya qilish, shu jumladan koʻchirmachilikka (plagiatga) qarshi ayovsiz kurashish maqsadida zaruriy chora-tadbirlarni amalga oshirish. Bunda, quyidagilarga alohida eʼtibor qaratiladi: taʼlim tizimining barcha boʻgʻinlari va bosqichlarida yosh avlodni oʻzganing intellektual faoliyati natijalariga hurmat bilan qarash ruhida tarbiyalash; taʼlim jarayonida oʻquvchi-talabalarning topshiriqlarni bir-biridan koʻchirishining (plagiatning) oldini olishga qaratilgan zamonaviy yondashuvlarni amaliyotga joriy qilish; oʻquvchi-talabalarning nazorat ishlari, bitiruv ishlari, ilmiy va boshqa ishlar boʻyicha koʻchirmachilikni (plagiatni) aniqlashga qaratilgan dastur yordamida muntazam tekshirish tartibini joriy qilish; ilmiy ishlar va dissertatsiyalarni himoya qilishda va undan oldingi barcha bosqichlarda koʻchirmachilikka (plagiatga) qarshi ekspertizadan oʻtkazish tartiblarini takomillashtirish; koʻchirmachilikka (plagiatga) yoʻl qoʻygan shaxslarga nisbatan bunday xatti-harakatlarni takrorlamasliklari uchun taʼsirchan choralar koʻrish.	Normativ-huquqiy hujjat loyihasi	2022-yil sentabr	Taʼlim sifatini nazorat qilish davlat inspeksiyasi (U. Tashkenboyev), Oliy attestatsiya komissiyasi (A. Yusupov), Xalq taʼlimi vazirligi (B. Saidov), Oliy va oʻrta maxsus taʼlim vazirligi (A. Toshkulov), Innovatsion rivojlanish vazirligi (I. Abduraxmonov)
V. Intellektual mulk bilan bogʻliq munosabatlarga axborot-kommunikatsiya texnologiyalarini tatbiq etish va takomillashtirish
22.	Mualliflar, ijodkorlar va turdosh huquq subyektlariga yangi asarlar, ijrolar, fonogrammalar, koʻrsatuvlar va eshittirishlar yaratishi uchun qulay shart-sharoitlar yaratish maqsadida Adliya vazirligi rasmiy veb-saytida mualliflar, ijodkorlar va turdosh huquq subyektlarining asarlari va mahsulotlaridan foydalanganlik uchun toʻlanadigan mualliflik haqini hisoblab beruvchi maxsus kalkulyator modulini ishga tushirish.	Tashkiliy-texnik chora-tadbirlar	2022-yil may	Adliya vazirligi (R. Davletov), Axborot va ommaviy kommunikatsiyalar agentligi (A. Xodjayev), Axborot texnologiyalari va kommunikatsiyalarini rivojlantirish vazirligi (Sh. Shermatov)
23.	Ixtiro, foydali model, sanoat namunasi va tovar belgilari sifatida roʻyxatdan oʻtkazilgan farmakologik faol taʼsir koʻrsatuvchi moddalar va dori vositalari reyestrini tuzish.	Tashkiliy-texnik chora-tadbirlar	2022-yil noyabr	Farmatsevtika sohasini rivojlantirish agentligi (S. Qariyev), Adliya vazirligi (R. Davletov), manfaatdor vazirlik va idoralar
24.	Zamonaviy axborot-kommunikatsiya texnologiyalaridan foydalangan holda Adliya vazirligining “Sanoat mulki muhofazasi” portalidan foydalanish imkoniyatlarini kengaytirish. Bunda, “Sanoat mulki muhofazasi” portali quyidagilarni inobatga olgan holda takomillashtiriladi: alohida boʻlim yaratish orqali Adliya vazirligi tomonidan roʻyxatdan oʻtkazilgan intellektual mulk obyektlaridan foydalanish toʻgʻrisidagi litsenziya shartnomalari toʻgʻrisida onlayn tarzda elektron maʼlumot berish imkoniyatini yoʻlga qoʻyish; roʻyxatdan oʻtkazilgan barcha intellektual mulk obyektlari toʻgʻrisidagi muhofaza hujjatlarini onlayn tarzda olish imkonini yaratish.	Tashkiliy-texnik chora-tadbirlar	2023-yil yanvar	Adliya vazirligi (R. Davletov)
25.	Intellektual mulk obyektlarini roʻyxatdan oʻtkazish bilan bogʻliq jarayonlarni toʻliq 24/7 rejimida elektron shaklga oʻtkazish. Bunda, jumladan quyidagilar nazarda tutiladi: hujjatlarni onlayn qabul qilish; talabnomalarni koʻrib chiqish jarayonining har bir bosqichi toʻgʻrisida talabnoma beruvchilarni SMS orqali xabardor qilish; roʻyxatdan oʻtkazish jarayonlari bilan bogʻliq yozishmalarni elektron raqamli imzo yoki QR-kod (matritsali shtrixli kod) orqali imzolagan holda yuborish; muhofaza hujjatlarini berish.	Tashkiliy-texnik chora-tadbirlar	2023-yil oktabr	Adliya vazirligi (R. Davletov)
VI. Jamiyatda intellektual mulkka nisbatan hurmat hissini shakllantirish va aholining huquqiy madaniyatini oshirish
26.	Tadbirkorlar oʻrtasida intellektual mulk obyektlaridan foydalanish jarayonida yuzaga kelayotgan muammolar va ularni hal etish yuzasidan takliflar boʻyicha soʻrovnomalar oʻtkazish, xorijiy investorlarni jalb etgan holda, tadbirkorlik faoliyatida intellektual mulkdan foydalanishning dolzarb masalalari boʻyicha matbuot anjumanlari oʻtkazish. Matbuot anjumanlarining natijalari asosida intellektual mulk obyektlari egasi boʻlgan tadbirkorlar, xorijiy investorlarning huquqlari va qonuniy manfaatlarini ishonchli himoya qilishni taʼminlash boʻyicha chora-tadbirlarni amalga oshirish, shuningdek, qonunchilikni takomillashtirish boʻyicha takliflar tayyorlash.	Kompleks chora-tadbirlar	2022-2023-yillar	Adliya vazirligi (R. Davletov), Savdo-sanoat palatasi (D. Vahobov)
27.	Yosh avlodda oʻzganing intellektual faoliyati natijalarini hurmat qilish hissini hamda ixtirochilik va novatorlik koʻnikmalarini shakllantirish maqsadida umumiy oʻrta taʼlim maktablarida intellektual mulk sohasi boʻyicha taʼlim berilishini yoʻlga qoʻyish. Bunda, “Oʻzbekiston davlati va huquqi asoslari”, “Davlat va huquq asoslari”, “Iqtisodiy bilim asoslari” va “Tadbirkorlik asoslari” fan dasturlarida nafaqat mualliflik huquqi, balki sanoat mulki obyektlari toʻgʻrisida bilimlar berish uchun tegishli fan dasturlarini takomillashtirish.	Kompleks chora-tadbirlar	2023-yil sentabr	Xalq taʼlimi vazirligi (B. Saidov), Taʼlim sifatini nazorat qilish davlat inspeksiyasi (U. Tashkenbayev), Adliya vazirligi (R. Davletov), manfaatdor vazirlik va idoralar
28.	Intellektual mulk sohasida yangi avlod darsliklari va oʻquv qoʻllanmalari turkumini xorijiy olimlar va mutaxassislarni jalb etgan holda tayyorlash hamda sohaga oid xorijiy adabiyotlarning oʻzbek tiliga tarjima qilinishini taʼminlash.	Kompleks chora-tadbirlar	2023-yil dekabr	Oliy va oʻrta maxsus taʼlim vazirligi (A. Toshkulov), Xalq taʼlimi vazirligi (B. Saidov), Axborot va ommaviy kommunikatsiyalar agentligi (A. Xodjayev), Adliya vazirligi (R. Davletov), tizimida oliy taʼlim tashkilotlari boʻlgan vazirlik va idoralar
29.	Fuqarolar va tadbirkorlik subyektlarining huquq va qonuniy manfaatlariga daxl qiluvchi, shuningdek, chet el investorlari uchun muhim ahamiyatga ega intellektual mulk sohasidagi normativ-huquqiy hujjatlarning ingliz tiliga tarjima qilinishini jadallashtirish.	Tashkiliy chora-tadbirlar	2023 oktabr	Adliya vazirligi (R. Davletov), Investitsiyalar va tashqi savdo vazirligi (L. Qudratov), Savdo-sanoat palatasi (D. Vahobov), manfaatdor vazirlik va idoralar
30.	Intellektual mulk sohasining dolzarb masalalari boʻyicha xalqaro ekspertlar ishtirokida adliya organlari va muassasalari xodimlari uchun xorijiy amaliyot, seminar va oʻquv kurslarini tashkil etish.	Tashkiliy chora-tadbirlar	2022-2023-yillar	Adliya vazirligi (R. Davletov), Tashqi ishlar vazirligi (V. Norov)
31.	Oʻzbekiston Respublikasining xorijdagi diplomatik vakolatxonalari va konsullik muassasalari koʻmagida intellektual mulk sohasida amalga oshirilayotgan islohotlar, intellektual mulk obyektlari huquq egalarining huquqlari va qonuniy manfaatlarini himoya qilish sohasidagi ijobiy oʻzgarishlar toʻgʻrisida xalqaro hamjamiyatning xabardorlik darajasini oshirish.	Tashkiliy chora-tadbirlar	2023-yil yanvar	Adliya vazirligi (R. Davletov), Tashqi ishlar vazirligi (V. Norov), Axborot va ommaviy kommunikatsiyalar agentligi (A. Xodjayev), Davlat bojxona qoʻmitasi (A. Mavlonov)
32.	Oʻqishdan boʻsh vaqtlarda yoshlarning intellektual mulk sohasi boʻyicha bilim va koʻnikmalarini oshirish maqsadida oliy taʼlim tashkilotlarining (yengil sanoat, farmatsevtika, qishloq xoʻjaligi va boshqa yoʻnalishlar) talabalari uchun Adliya vazirligi huzuridagi “Intellektual mulk markazi” davlat muassasasida amaliyot oʻtash tartibini joriy etish.	Chora-tadbirlar rejasi	2022/2023 oʻquv yilidan boshlab (reja-jadvalga muvofiq)	Adliya vazirligi (R. Davletov), Oliy va oʻrta maxsus taʼlim vazirligi (A. Toshkulov), manfaatdor oliy taʼlim tashkilotlari
33.	Yuristlar malakasini oshirish markazida toʻlov-shartnoma asosidaoliy taʼlim va ilmiy-tadqiqot tashkilotlari, aholi va tadbirkorlik subyektlari uchun “IP Managment” (Intellektual mulkni boshqarish) oʻquv kurslarini tashkil qilish. Mazkur oʻquv kurslarida oliy taʼlim va ilmiy-tadqiqot tashkilotlari mutaxassislari, aholi va tadbirkorlik subyektlarida oʻz intellektual mulk obyektlarini rivojlantirish (milliy va xalqaro muhofaza qilish, brending, rebrending, reklama va boshqalar), ularni fuqarolik muomalasiga kiritish orqali foyda olish toʻgʻrisidagi bilim va koʻnikmalarini shakllantirishga alohida eʼtibor qaratiladi.	Normativ-huquqiy hujjat loyihasi	2023-yil oktabr	Adliya vazirligi (R. Davletov), Savdo-sanoat palatasi (D. Vahobov), manfaatdor vazirlik va idoralar
34.	Intellektual mulkni huquqiy himoya qilishga ixtisoslashgan jurnalistlarning malakasini oshirish uchun toʻlov-shartnoma asosidaoʻquv kurslarni tashkillashtirish.	Tashkiliy chora-tadbirlar	2023-yil oktabr	Axborot va ommaviy kommunikatsiyalar agentligi (A. Xodjayev), Oʻzbekiston jurnalistika va ommaviy kommunikatsiyalar universiteti (Sh. Qudratxoʻja), Adliya vazirligi (R. Davletov)
VII. Intellektual mulk sohasidagi xalqaro standartlarni implementatsiya qilish va xalqaro hamkorlikni rivojlantirish
35.	Oʻzbekiston Respublikasining intellektual mulk sohasidagi xalqaro shartnomalarga qoʻshilishi masalalarini oʻrganish. Xususan: 1) Tovar kelib chiqqan joy nomlari va geografik koʻrsatkichlar toʻgʻrisidagi Lissabon bitimining Jeneva akti (2015-yil 20-may, Jeneva); 2) Audiovizual ijrolar boʻyicha Pekin shartnomasi (2012-yil 24-iyun, Pekin).	Axborot-tahliliy maʼlumotnoma	2023-yil noyabr	Adliya vazirligi (R. Davletov), Tashqi ishlar vazirligi (V. Norov), Madaniyat vazirligi (O. Nazarbekov), OʻzMTRK (A. Xadjayev), manfaatdor vazirlik va idoralar
36.	Jahonda intellektual mulk sohasida amalga oshirilayotgan islohotlar va bu sohadagi zamonaviy tendensiyalar toʻgʻrisida oʻzaro fikr almashish hamda ilgʻor xorijiy tajribani oʻrganish uchun muloqot maydonini yaratish maqsadida “XXI asrda intellektual mulk” xalqaro forumini oʻtkazish.	Tashkiliy chora-tadbirlar	2023-yil iyul	Adliya vazirligi (R. Davletov), Monopoliyaga qarshi kurashish qoʻmitasi (Sh. Sharaxmetov), Davlat bojxona qoʻmitasi (A. Mavlonov), manfaatdor vazirlik va idoralar
37.	Oʻzbekiston Respublikasidagi xalqaro tashkilotlar vakolatxonalari, boshqa davlatlarning intellektual mulk boʻyicha idoralari, xalqaro tashkilotlar bilan hamkorlikni, shuningdek, qoʻshma loyihalarni amalga oshirish orqali xorijiy donorlar bilan aloqalarni faollashtirish.	Hamkorlik dasturi	2022-yil oktabr	Adliya vazirligi (R. Davletov), Tashqi ishlar vazirligi (V. Norov), Investitsiyalar va tashqi savdo vazirligi (L. Qudratov)
38.	BIMT bilan hamkorlikda respublikada faoliyat yurituvchi oʻrta va kichik tadbirkorlik subyektlarining “WIPO IP Diagnostics” (BIMT intellektual mulk diagnostikasi) tizimida keng ishtirok etishini taʼminlash.	Tashkiliy chora-tadbirlar	2023-yil sentabr	Adliya vazirligi (R. Davletov), Tashqi ishlar vazirligi (V. Norov), Savdo-sanoat palatasi (D. Vahobov)

(2-ilova Oʻzbekiston Respublikasi Prezidentining 2022-yil 22-avgustdagi PF-194-sonli Farmoni tahririda — Qonunchilik maʼlumotlari milliy bazasi, 23.08.2022-y., 06/22/194/0766-son)

Oʻzbekiston Respublikasi Prezidentining 2022-yil 26-apreldagi PQ-221-son qaroriga
3-ILOVA

2022 — 2026-yillarda Oʻzbekiston Respublikasida intellektual mulk sohasini rivojlantirishning maqsadli koʻrsatkichlari (indikatorlari)

Oldingi tahrirga qarang.

T/r	Maqsadli koʻrsatkichlar	Oʻlchov birligi	Yillik koʻrsatkichlar
T/r	Maqsadli koʻrsatkichlar	Oʻlchov birligi	Joriy holat	2022-yil	2023-yil	2024-yil	2025-yil	2026-yil
Intellektual mulk obyektlarini roʻyxatdan oʻtkazish faoliyatini jonlantirish
1.	Ekspertizadan oʻtkazilgan ixtirolar, foydali modellar, sanoat namunalari, tovar belgilari, seleksiya yutuqlari, EHM uchun dasturlar, maʼlumotlar bazalariga doir talabnomalar soni.	ta	6400	6600	6800	7000	7200	7400
2.	Roʻyxatdan oʻtkazilgan ixtirolar, foydali modellar, sanoat namunalari, seleksiya yutuqlari, tovar belgilari, EHM uchun dasturlar, maʼlumotlar bazalari soni.	ta	3900	4100	4300	4500	4700	4900
4.	Intellektual mulk obyektlarini xalqaro roʻyxatdan oʻtkazish tartib va bosqichlari boʻyicha jismoniy va yuridik shaxslarga batafsil maʼlumot beruvchi uslubiy qoʻllanmalar tayyorlash.	soha boʻyicha	4	15	20	25	30	35
Intellektual mulk obyektlariga boʻlgan huquqlarni himoya qilish va kontrafakt mahsulotlar realizatsiyasiga qarshi kurashish
5.	Intellektual mulk obyektlariga boʻlgan huquqlar buzilishining oldini olish maqsadida bozorlar, savdo majmualari va koʻchma savdo obyektlarida oʻtkazilgan profilaktika tadbirlari soni.	ta	180	350	400	450	500	550
6.	Savdo maskanlarida aniqlangan kontrafakt mahsulotlar boʻyicha sohalar kesimida tayyorlangan keng jamoatchilikka yetkazilgan kontrafakt mahsulotlar katalogi soni.	tiraj	1000	2000	3000	4000	5000	6000
7.	Kontrafakt mahsulotlar, asl mahsulotlardan ularni farqlash, ularning zararlari toʻgʻrisida tayyorlangan va ommaviy axborot vositalarida eʼlon qilingan ijtimoiy roliklar soni.	ta	4	10	15	20	25	30
Jamiyatda intellektual mulkka nisbatan hurmat hissini shakllantirish va aholining huquqiy madaniyatini oshirish
8.	Intellektual mulk sohasiga, shu jumladan intellektual mulkni yaratish, uni roʻyxatdan oʻtkazish va huquqiy himoya qilish yoʻnalishlaridagi oliy taʼlim tashkilotlari talabalarini stajirovka va kasb oʻrganishini yoʻlga qoʻyish	nafar	-	10	20	30	40	50
9.	Adliya vazirligining intellektual mulk obyektlarini huquqiy muhofaza va himoya qilish bilan bogʻliq faoliyati toʻgʻrisida ommaviy axborot vositalarida, shu jumladan elektron ommaviy axborot vositalarida eʼlon qilingan materiallar soni.	ta	50	250	350	450	550	650
10.	Fuqarolarda intellektual mulkka nisbatan hurmat hissini uygʻotish maqsadida tayyorlangan va tarqatilgan materiallar soni.	ta	100	2000	3000	4000	5000	5500
11.	Adliya vazirligi va hududiy adliya organlarida oʻtkazilgan “ochiq eshiklar kuni” tadbirlari soni.	ta	4	14	14	14	14	14
Intellektual mulk sohasidagi xalqaro standartlarni implementatsiya qilish va xalqaro hamkorlikni rivojlantirish
12.	Adliya vazirligi bilan intellektual mulk sohasi boʻyicha xorijiy mamlakatlarning tegishli organlari va xalqaro tashkilotlar oʻrtasida tuzilgan xalqaro hujjatlar soni (ikki tomonlama shartnomalar, memorandumlar, hamkorlik chora-tadbirlari va boshqalar).	ta	1	2	5	7	9	10
13.	Ilgʻor tajriba bilan tanishish hamda malaka oshirish maqsadida xorijda amaliyot oʻtagan Adliya vazirligi xodimlari soni (onlayn yoki oflayn shaklda).	nafar	-	10	20	30	40	50
14.	Xorijiy auditoriyani mamlakatda olib borilayotgan islohotlardan xabardor qilish maqsadida xalqaro bosma va elektron nashrlarda eʼlon qilingan materiallar soni	ta	-	3	5	7	9	12

Izoh:

3 va 10-bandlardagi maqsadli koʻrsatkichlar yildan-yilga qoʻshilib boriladi (oʻsib boruvchi).

(3-ilova Oʻzbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik maʼlumotlari milliy bazasi, 25.05.2024-y., 06/24/80/0364-son)

Oʻzbekiston Respublikasi Prezidentining 2022-yil 26-apreldagi PQ-221-son qaroriga
4-ILOVA

Intellektual mulkni huquqiy himoya qilish boʻyicha joriy etilayotgan yangi mexanizmlarni masʼul davlat organlari va tashkilotlari xodimlariga oʻrgatish boʻyicha oʻquv mashgʻulotlarni oʻtkazish

GRAFIGI

T/r	Masʼullar*	Oʻquv mashgʻulotlarini oʻtkazish joyi	Oʻquv mashgʻulotlarini oʻtkazish muddati**
I. Davlat organlarining markaziy apparati xodimlarini oʻqitish
1.	T. Abdusattarov, A. Mavlonov, Sh. Sharaxmetov, S. Qariyev, D. Raximov, D. Sattorov	Adliya vazirligi	2022-yil 5 — 7-may
		Davlat bojxona qoʻmitasi	2022-yil 10 — 12-may
		Monopoliyaga qarshi kurashish qoʻmitasi	2022-yil 17 — 19-may
		Farmatsevtika tarmogʻini rivojlantirish agentligi	2022-yil 24-25-may
		Iqtisodiy jinoyatlarga qarshi kurashish departamenti	2022-yil 26 — 27-may
		Oʻzbekiston texnik jihatdan tartibga solish agentligi	2022-yil 1-2-iyun
II. Davlat tashkilotlarining hududiy boʻlinmalari hamda mahalliy hokimliklarning xodimlarini oʻqitish
2.	1-guruh E. Kanyazov, I. Muxtorov, F. Karabayev, U. Muxamedov, U. Egamov, J. Shukurov	Andijon viloyati	2022-yil 5 — 7-may
3.		Buxoro viloyati	2022-yil 10 — 12-may
4.		Fargʻona viloyati	2022-yil 17 — 19-may
5.		Jizzax viloyati	2022-yil 24-25-may
6.		Xorazm viloyati	2022-yil 26 — 27-may
7.		Namangan viloyati	2022-yil 1 — 3-iyul
8.		Toshkent shahri	2022-yil 8 — 10-iyul
9.	2-guruh B. Sagdullayev, O. Ibragimov, B. Ummatov, Sh. Alirizayev, J. Eshmuradov, A. Abdukayumov	Navoiy viloyati	2022-yil 3 — 5-may
10.		Qashqadaryo viloyati	2022-yil 10 — 12-may
11.		Samarqand viloyati	2022-yil 17 — 19-may
12.		Sirdaryo viloyati	2022-yil 24-25-may
13.		Surxondaryo viloyati	2022-yil 26-27-may
14.		Toshkent viloyati	2022-yil 1 — 3-iyul
15.		Qoraqalpogʻiston Respublikasi	2022-yil 8 — 10-iyul

* Oʻquv mashgʻulotlarini oʻtkazish uchun Adliya vazirligi, Davlat bojxona qoʻmitasi, Monopoliyaga qarshi kurashish qoʻmitasi, Farmatsevtika tarmogʻini rivojlantirish agentligi, Iqtisodiy jinoyatlarga qarshi kurashish departamenti hamda Oʻzbekiston texnik jihatdan tartibga solish agentliklari masʼul hisoblanadi.

** Reja-jadvalda belgilangan oʻquv mashgʻulotlarini oʻtkazish muddatlari masʼullar tomonidan zaruratga koʻra oʻzgartirilishi mumkin.

Oʻzbekiston Respublikasi Prezidentining 2022-yil 26-apreldagi PQ-221-son qaroriga
5-ILOVA

Intellektual mulkni roʻyxatga olish va uni fuqarolik muomalasiga kiritishni xoʻjalik yurituvchi subyektlar xodimlariga oʻrgatish boʻyicha oʻquv mashgʻulotlarni oʻtkazish

GRAFIGI

T/r	Oʻquv mashgʻulotlarini oʻtkazish joyi*	Oʻquv mashgʻulotlarini oʻtkazish muddati	Masʼul ijrochilar
1.	“Oʻztoʻqimachiliksanoat” uyushmasi	2022-yil 14-iyun	Adliya vazirligi, Savdo-sanoat palatasi
2.	“Oʻzeltexsanoat” uyushmasi	2022-yil 16-iyun
3.	“Navoiy kon-metallurgiya kombinati” aksiyadorlik jamiyati	2022-yil 21-iyun
4.	“Olmaliq kon-metallurgiya kombinati” aksiyadorlik jamiyati	2022-yil 23-iyun
5.	“Oʻzkimyosanoat” aksiyadorlik jamiyati	2022-yil 28-iyun
6.	“Oʻzcharmsanoat” uyushmasi	2022-yil 30-iyun
7.	“Oʻzbekiston Respublikasi tovar-xom ashyo birjasi” aksiyadorlik jamiyati	2022-yil 5-iyul
8.	“Oʻzbekiston kabel televideniyasi” masʼuliyati cheklangan jamiyati	2022-yil 7-iyul
9.	“Dori vositalari, tibbiy buyumlar va tibbiy texnika ekspertizasi va standartlashtirish davlat markazi” davlat unitar korxonasi	2022-yil 12-iyul

* Tegishli xoʻjalik yurituvchi subyektlarning hududiy boʻlinmalari uchun oʻquv mashgʻulotlari bevosita ular faoliyat yurituvchi hududlarda oʻtkaziladi.

Oʻzbekiston Respublikasi Prezidentining 2022-yil 26-apreldagi PQ-221-son qaroriga
6-ILOVA

Oliy taʼlim va ilmiy-tadqiqot muassasalari xodimlarining intellektual mulk sohasidagi malakasini oshirish yuzasidan oʻtkaziladigan oʻquv mashgʻulotlari

GRAFIGI

T/r	Oʻquv mashgʻulotlarini oʻtkazish joyi*	Oʻquv mashgʻulotlarini oʻtkazish muddati	Masʼul ijrochilar
I. Oliy taʼlim muassasalari
1.	Andijon mashinasozlik instituti	2022-yil iyun — iyul	Adliya vazirligi, Innovatsion rivojlanish vazirligi, Oliy va oʻrta maxsus taʼlim vazirligi
2.	Buxoro muhandislik-texnologiya instituti
3.	Jizzax politexnika instituti
4.	Fargʻona politexnika instituti
5.	Namangan muhandislik-texnologiya instituti
6.	Navoiy davlat konchilik va texnologiyalar universiteti
7.	Milliy rassomchilik va dizayn instituti
8.	Toshkent davlat texnika universiteti	2022-yil avgust
9.	Toshkent toʻqimachilik va yengil sanoat instituti
10.	Toshkent kimyo-texnologiya instituti
11.	“Toshkent irrigatsiya va qishloq xoʻjaligi mexanizatsiyalash muhandislari instituti” Milliy tadqiqot universiteti
12.	Toshkent davlat agrar universiteti
13.	Toshkent tibbiyot akademiyasi
14.	Toshkent farmatsevtika instituti
15.	Samarqand davlat tibbiyot universiteti
II. Ilmiy-tadqiqot muassasalari
16.	Oʻzbekiston Fanlar akademiyasi Oʻsimlik moddalar kimyosi instituti	2022-yil avgust — sentabr	Adliya vazirligi, Innovatsion rivojlanish vazirligi, Fanlar akademiyasi
17.	Oʻzbekiston Fanlar akademiyasi Genetika va oʻsimliklar eksperimental biologiyasi instituti
18.	Oʻzbekiston Fanlar akademiyasi Genomika va bioinformatika markazi
19.	Oʻzbekiston Fanlar akademiyasi Bioorganik kimyo instituti
20.	Oʻzbekiston Fanlar akademiyasi Yadro fizikasi instituti
21.	Oʻzbekiston Fanlar akademiyasi Ion-plazma va lazer texnologiyalari instituti
22.	Oʻzbekiston Fanlar akademiyasi Qoraqalpogʻiston tabiiy fanlar ilmiy-tekshirish instituti
23.	Qorakoʻlchilik va choʻl ekologiyasi ilmiy-tadqiqot instituti

* Oʻquv mashgʻulotlari bevosita tegishli oliy taʼlim va ilmiy-tadqiqot muassasalarida oʻtkaziladi.

Oʻzbekiston Respublikasi Prezidentining 2022-yil 26-apreldagi PQ-221-son qaroriga
7-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha

1. Oʻzbekiston Respublikasi Prezidentining 2008-yil 15-iyuldagi “Innovatsion loyihalar va texnologiyalarni ishlab chiqarishga tatbiq etishni ragʻbatlantirish borasidagi qoʻshimcha chora-tadbirlar toʻgʻrisida”gi PQ-916-son qaroriga 1-ilovaning rus tilidagi matni 4-pozitsiyasi “Otvetstvennie ispolniteli” ustunidagi “Agentstvo po intellektualnoy sobstvennosti Respubliki Uzbekistan” soʻzlari “Minyust” soʻzi bilan almashtirilsin.

2. Oʻzbekiston Respublikasi Prezidentining 2018-yil 21-noyabrdagi PQ-4024-son qarori bilan tasdiqlangan Oʻzbekiston Respublikasi Axborotlashtirish va telekommunikatsiyalar sohasida nazorat boʻyicha davlat inspeksiyasi toʻgʻrisidagi nizomning 10-bandi 3-kichik bandi toʻrtinchi xatboshisidagi “Intellektual mulk agentligiga” soʻzlari “Adliya vazirligiga” soʻzlari bilan almashtirilsin.

3. Oʻzbekiston Respublikasi Prezidentining 2019-yil 2-fevraldagi PQ-4151-son qarori bilan tasdiqlangan Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi toʻgʻrisidagi nizomning 12-bandi 2-kichik bandining oʻn ikkinchi xatboshisi quyidagi tahrirda bayon etilsin:

“kitob nashr etishda, elektron va audio kitoblar yaratishda mualliflik huquqlari buzilishini oldini olish yuzasidan choralar koʻradi, nashriyotlar, elektron va audio kitoblar yaratish faoliyatini amalga oshiruvchi subyektlar faoliyatida qonunbuzarliklarni aniqlash va bartaraf etish, respublika hududida noshirlik-matbaa faoliyati sohasida kontrafakt mahsulotlar tayyorlanishi, nashr qilinishi va sotilishini bartaraf qilish borasida huquqni muhofaza qiluvchi, bojxona, soliq va boshqa davlat organlari bilan oʻzaro hamkorlik qiladi”.

4. Oʻzbekiston Respublikasi Prezidentining 2019-yil 8-fevraldagi “Intellektual mulk sohasida davlat boshqaruvini takomillashtirish chora-tadbirlari toʻgʻrisida”gi PQ-4168-son qarori 3-bandining ikkinchi — toʻrtinchi xatboshilaridagi tegishli kelishikdagi “Agentlik” soʻzi tegishli kelishikdagi “Adliya vazirligi” soʻzlari bilan almashtirilsin.

5. Oʻzbekiston Respublikasi Prezidentining 2019-yil 13-dekabrdagi “Islom Karimov nomidagi Toshkent davlat texnika universiteti huzuridagi Oʻzbekiston-Yaponiya yoshlar innovatsiya markazi faoliyatini yanada takomillashtirish chora-tadbirlari toʻgʻrisida”gi PQ-4550-son qarorining 9-bandi uchinchi xatboshisidagi va 13-banddagi “huzuridagi Intellektual mulk agentligi” soʻzlari chiqarib tashlansin.

6. Oʻzbekiston Respublikasi Prezidentining 2021-yil 28-yanvardagi “Intellektual mulk obyektlarini muhofaza qilish tizimini takomillashtirish chora-tadbirlari toʻgʻrisida”gi PQ-4965-son qarorida:

a) 2-banddagi “Adliya vazirligi huzuridagi Intellektual mulk agentligi (keyingi oʻrinlarda — Agentlik)” soʻzlari “Adliya vazirligi (keyingi oʻrinlarda — Vazirlik)” soʻzlari bilan almashtirilsin;

b) 4-bandda:

ikkinchi xatboshidagi “Agentlikning budjetdan tashqari” soʻzlari “Adliya vazirligining Intellektual mulkni rivojlantirish jamgʻarmasi” soʻzlari bilan almashtirilsin;

oltinchi xatboshidagi “Agentlik” soʻzi “Vazirlik” soʻzi bilan almashtirilsin;

v) 6-bandda:

ikkinchi va uchinchi xatboshilaridagi “Agentlik” soʻzi “Vazirlik” soʻzi bilan almashtirilsin;

toʻrtinchi xatboshidagi “Agentlikning budjetdan tashqari” soʻzlari “Adliya vazirligining Intellektual mulkni rivojlantirish jamgʻarmasi” soʻzlari bilan almashtirilsin;

g) 1-ilovada:

11, 17, 19 va 20-pozitsiyalarning “Masʼul ijrochilar” ustunidagi “Intellektual mulk agentligi (T. Abdusattarov)” soʻzlari “Adliya vazirligi (R. Davletov)” soʻzlari bilan almashtirilsin;

18-pozitsiya “Masʼul ijrochilar” ustunidan “Intellektual mulk agentligi (T. Abdusattarov)” soʻzlari chiqarib tashlansin;

d) 2-ilovada:

1, 6, 10, 14 — 17 va 19 pozitsiyalar “Masʼul ijrochilar” ustunidagi “Intellektual mulk agentligi (T. Abdusattarov)” soʻzlari “Adliya vazirligi (R. Davletov)” soʻzlari bilan almashtirilsin;

7 va 8-pozitsiyalar “Masʼul ijrochilar” ustunidan “Intellektual mulk agentligi (T. Abdusattarov)” soʻzlari chiqarib tashlansin.

7. Oʻzbekiston Respublikasi Prezidentining 2021-yil 1-apreldagi PQ-5047-son qarori bilan tasdiqlangan Ilm-fanni moliyalashtirish va innovatsiyalarni qoʻllab-quvvatlash jamgʻarmasi toʻgʻrisida nizomda:

a) 4-bandning ikkinchi xatboshisidagi “Adliya vazirligi huzuridagi Intellektual mulk agentligiga” soʻzlari “Adliya vazirligiga” soʻzlari bilan almashtirilsin;

b) 5-band quyidagi tahrirda bayon etilsin:

“5. Mazkur Nizomning 4-bandida koʻrsatilgan Oʻzbekiston Respublikasi Adliya vazirligining chet el valyutasidagi mablagʻlari Vazirlik tomonidan Jamgʻarmaning hisobvaraqlariga har oyda valyutaning har bir turi boʻyicha alohida hisobot oyidan keyingi oyning 10-kunigacha oʻtkaziladi”.

8. Vazirlar Mahkamasining 2018-yil 23-martdagi 213-son qarori bilan tasdiqlangan Dori vositalari, tibbiy buyumlar va tibbiy texnikani davlat roʻyxatidan oʻtkazish hamda roʻyxatdan oʻtkazilganlik guvohnomasi berish tartibi toʻgʻrisidagi nizomning 22-bandida:

quyidagi mazmundagi oltinchi xatboshi bilan toʻldirilsin:

“dori vositalari, tibbiy buyumlar va tibbiy texnikalarga nisbatan intellektual mulk obyektlariga boʻlgan huquqlarning buzilganligi”;

oltinchi xatboshi yettinchi xatboshi deb hisoblansin.

Oʻzbekiston Respublikasi Prezidentining 2022-yil 26-apreldagi PQ-221-son qaroriga
8-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

ROʻYXATI

1. Oʻzbekiston Respublikasi Prezidentining 2019-yil 1-iyuldagi “Oʻzbekiston Respublikasi Adliya vazirligi huzuridagi Intellektual mulk agentligi faoliyatini tashkil etish chora-tadbirlari toʻgʻrisida”gi PQ-4380-son qarorining 7-bandi va qarorga 2-ilovaning 2-bandi.

2. Vazirlar Mahkamasining 2019-yil 20-iyuldagi “Oʻzbekiston Respublikasi Adliya vazirligi huzuridagi Intellektual mulk agentligi toʻgʻrisidagi nizomni tasdiqlash haqida”gi 609-son qarori.

3. Vazirlar Mahkamasining 2021-yil 28-iyuldagi “Vazirliklar, davlat qoʻmitalari, davlat boshqaruvining boshqa organlari va xoʻjalik birlashmalari rahbarlari oʻrinbosarlarining faoliyati samaradorligini hamda maqsadli vazifalarga erishishlarini baholashning asosiy mezonlarini tasdiqlash toʻgʻrisida”gi 467-son qaroriga 5-ilovaning XI va XIII-boʻlimlari.

4. Vazirlar Mahkamasining 2022-yil 25-fevraldagi “Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizomni tasdiqlash haqida”gi 88-son qaroriga 3-ilovaning 23-bandi.

(Qonunchilik maʼlumotlari milliy bazasi, 26.04.2022-y., 07/22/221/0357-son, 23.08.2022-y., 06/22/194/0766-son; 07.07.2023-y., 06/23/108/0460-son; 25.05.2024-y., 06/24/80/0364-son)