Oʻzbekiston Respublikasi Prezidentining
Farmoni
Fuqarolarning huquq va erkinliklarini taʼminlash hamda huquqiy xizmat koʻrsatishda adliya organlari va muassasalari faoliyati samaradorligini yanada oshirish chora-tadbirlari toʻgʻrisida
Soʻnggi yillarda amalga oshirilayotgan islohotlarni huquqiy jihatdan taʼminlash, fuqarolar va tadbirkorlik subyektlarining huquq va manfaatlariga daxldor boʻlgan qonunchilik hujjatlarining mazmun va mohiyatini tushuntirish, joylarda aholini tashvishga soluvchi huquqiy muammolarni hal etish, davlat xizmatlarining sifatini oshirish, oʻz faoliyati yuzasidan jamoatchilikka tizimli ravishda maʼlumotlar taqdim etish masalalarida adliya organlari va muassasalarining roli va masʼuliyati sezilarli ravishda oshmoqda.
Shu bilan birga, “Yangi Oʻzbekiston — xalqchil va insonparvar davlat” gʻoyasini roʻyobga chiqarish adliya organlari tizimida maʼmuriy islohotlarni yanada chuqurlashtirishni taqozo qilmoqda.
Davlat xizmatlarini koʻrsatish va intellektual mulkning huquqiy himoyasi sohasida yagona davlat siyosatini amalga oshirishda tizim imkoniyatlaridan oqilona foydalanish, ushbu sohalarda muvofiqlashgan faoliyatni taʼminlash hamda mavjud maʼmuriy tuzilmalarning yaxlit vertikal boshqaruvini shakllantirish zarurati yuzaga kelmoqda.
Mamlakatimizda adolat va huquq ustuvorligini mustahkamlash, aholiga professional xizmat qiladigan ixcham va samarali boshqaruvni yaratish, deklarativ xususiyatga ega vazifalarni bekor qilish, funksiyalarni amalga oshirishning tashkiliy-huquqiy mexanizmlarini aniq belgilash va takrorlanishlarning oldini olish orqali budjet mablagʻlarini tejash va ulardan oqilona foydalanish, shu jumladan aholining huquqiy muammolarini hal etishda adliya organlarining roli va masʼuliyatini yanada kuchaytirish maqsadida:
1. 2022-2023-yillarga moʻljallangan Yangi Oʻzbekiston maʼmuriy islohotlari dasturini ishlab chiqishni muvofiqlashtiruvchi respublika komissiyasining Davlat xizmatlari agentligi va uning hududiy boshqarmalari hamda Intellektual mulk agentligi va uning hududiy markazlarini vazifa, funksiya va vakolatlarini Adliya vazirligiga (keyingi oʻrinlarda — Vazirlik) oʻtkazgan holda qoʻshib olish toʻgʻrisidagi taklifiga rozilik berilsin.
2. Vazirlik zimmasiga quyidagi qoʻshimcha vazifalar yuklatilsin:
a) aholiga davlat xizmatlari koʻrsatish yoʻnalishida:
jismoniy va yuridik shaxslarga davlat xizmatlari koʻrsatish sohasida yagona davlat siyosatini amalga oshirish;
ortiqcha maʼmuriy tartib-taomillarni bartaraf etish hisobiga tezkor, qulay va sifatli davlat xizmatlari koʻrsatilishini taʼminlash;
davlat xizmatlari koʻrsatish sohasida, shu jumladan tegishli axborot tizimlari, resurslar va maʼlumotlar bazalarini joriy etish boʻyicha davlat organlari va boshqa tashkilotlar faoliyatini nazorat qilish va samaradorligini baholash;
b) intellektual mulkni huquqiy muhofaza va himoya qilish yoʻnalishida:
intellektual mulk sohasida yagona davlat siyosatini ishlab chiqish hamda ixtirolar, tovar belgilari, mualliflik huquqi va boshqa intellektual mulk obyektlariga boʻlgan huquqlarni himoya qilish;
ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish.
3. Adliya vazirligi faoliyati samaradorligini yanada oshirish hamda raqamlashtirish boʻyicha chora-tadbirlar dasturi 1-ilovaga muvofiq tasdiqlansin.
4. Belgilansinki:
a) yuridik xizmat koʻrsatish markazlari, tuman (shahar) davlat xizmatlari markazlari va ularning filiallari hamda FHDY organlari barcha huquq va vakolatlarini saqlagan holda tuman (shahar) adliya boʻlimlari tuzilmasiga va boʻysunuviga oʻtkaziladi;
b) Vazirlik:
Davlat xizmatlari agentligi hamda Intellektual mulk agentligining barcha huquqlari, majburiyatlari va shartnomalari boʻyicha huquqiy vorisi hisoblanadi;
jismoniy va yuridik shaxslarga davlat xizmatlari koʻrsatish hamda intellektual mulk (intellektual mulk obyektlariga boʻlgan huquqlarni muhofaza va himoya qilish) sohalarida yagona davlat siyosatini amalga oshiruvchi hamda Butunjahon intellektual mulk tashkiloti va intellektual mulk sohasidagi boshqa xalqaro tashkilotlarda Oʻzbekiston Respublikasini ifodalovchi vakolatli davlat boshqaruvi organi hisoblanadi;
v) Davlat xizmatlari agentligi hamda Intellektual mulk agentligining budjetdan tashqari jamgʻarmalari ularni shakllantirish manbalari va foydalanish yoʻnalishlarini saqlagan holda barcha qoldiq mablagʻlari bilan birgalikda Vazirlik tasarrufiga oʻtkaziladi.
Agentliklarning budjetdan tashqari jamgʻarmalari tegishli ravishda Vazirlikning Davlat xizmatlarini rivojlantirish jamgʻarmasi hamda Intellektual mulkni rivojlantirish jamgʻarmasi etib qayta nomlansin.
5. Vazirlik bir oy muddatda Davlat xizmatlari agentligi va Intellektual mulk agentligining bino-inshootlari, tovar-moddiy boyliklari, zarur axborot tizimlari va boshqa mol-mulklarini hamda tegishli hujjatlarini qabul qilib olishni taʼminlasin.
6. Oʻzbekiston Respublikasi Prezidentining 2018-yil 8-avgustdagi PF-5505-son Farmoni bilan tasdiqlangan Norma ijodkorligi faoliyatini takomillashtirish konsepsiyasidagi vazifalarni amalga oshirish hamda qonunchilik hujjatlarini qabul qilish tartibini takomillashtirish maqsadida 2022-yil 1-maydan boshlab quyidagi tartib oʻrnatilsin, unga muvofiq:
qonunchilikka muvofiq mahalliy ijro hokimiyati organlari qarorlarini qabul qilishda hududiy adliya organlari ijobiy xulosasi olinishi belgilangan hollarda, bunday xulosa olinmasdan tegishli qarorlarni qabul qilish (chiqarish)ga yoʻl qoʻyilmaydi;
Oldingi tahrirga qarang.
Vazirlik tomonidan vazirliklar, idoralar va mahalliy ijro hokimiyati organlarining norma ijodkorligi faoliyati monitoring qilinadi hamda uning natijasi boʻyicha har yarim yilda Oʻzbekiston Respublikasi Prezidenti Administratsiyasiga axborot kiritib boriladi.
(6-bandning uchinchi xatboshisi Oʻzbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik maʼlumotlari milliy bazasi, 25.05.2024-y., 06/24/80/0364-son)
7. Shunday tartib oʻrnatilsinki, unga koʻra 2023-yil 1-apreldan boshlab:
mualliflik huquqi obyektlarining elektron nazorat nusxalari majburiy tartibda mualliflik huquqi obyektlarining yagona bazasida (keyingi oʻrinlarda — Yagona baza) saqlanadi;
“Intellektual mulk markazi” davlat muassasasi Yagona bazani yuritish, texnik taʼminlash hamda mualliflik huquqi obyektlarining elektron nazorat nusxalarini Yagona bazaga kiritish jarayonini muvofiqlashtirish boʻyicha masʼul — operator etib belgilanadi;
obyektning elektron nazorat nusxalari Yagona bazaga mualliflik huquqi obyektlarini saqlash faoliyatini amalga oshiruvchilar (depozitariylar) tomonidan joylashtiriladi;
mualliflik huquqi obyektlarini saqlash faoliyatini amalga oshiruvchilar (depozitariylar) tomonidan obyektning elektron nazorat nusxalari Yagona bazaga kiritilgandan soʻng, uning saqlovga qabul qilinganligi toʻgʻrisida hujjat taqdim qilinadi.
8. Vazirlik:
2022-yil 1-iyulga qadar mualliflik huquqi obyektlarining elektron nazorat nusxalarini Yagona bazada saqlash tartibi toʻgʻrisidagi nizom loyihasini ishlab chiqib, Vazirlar Mahkamasiga kiritsin;
2023-yil 1-yanvarga qadar Yagona baza ishlab chiqilib, joriy etilishini taʼminlasin.
9. Vazirlik va uning hududiy boʻlinmalariga oʻzlariga yuklatilgan vazifalarni samarali amalga oshirish uchun quyidagi qoʻshimcha vakolatlar berilsin:
davlat xizmatlari koʻrsatish sohasidagi qonunchilik hujjatlarini buzganlik uchun davlat organlari va boshqa tashkilotlar mansabdor shaxslariga nisbatan maʼmuriy jazo qoʻllash;
intellektual mulk sohasidagi huquqbuzarliklar uchun yuridik shaxslarga jarima qoʻllash;
davlat organlari va davlat ishtirokidagi tashkilotlarda yuzaga kelgan mehnat nizosini koʻrish haqidagi ariza bilan sudga murojaat qilish.
Oldingi tahrirga qarang.
(10-band Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
(11-band Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
12. Vazirlik tuzilmasida:
a) boshqaruv xodimlarining cheklangan soni va mehnatga haq toʻlash fondi doirasida:
Xalqaro-huquqiy hamkorlik boshqarmasi, Xalqaro va xorijiy tashkilotlarda Oʻzbekiston Respublikasining manfaatlarini huquqiy himoya qilish boshqarmasi hamda Xalqaro reyting va indekslar bilan ishlash boshqarmasidan iborat Xalqaro-huquqiy hamkorlik departamenti;
Ijtimoiy-iqtisodiy sohada huquqni qoʻllash amaliyotini oʻrganish boshqarmasi hamda Fuqarolik-huquqiy munosabatlarni rivojlantirish boshqarmasi negizida Huquqni qoʻllash amaliyotini oʻrganish boshqarmasi;
Yuridik xizmatlarning faoliyatini muvofiqlashtirish boshqarmasi hamda huquqiy xizmat koʻrsatishni davlat tomonidan tartibga solish boshqarmasi negizida Huquqiy xizmat koʻrsatishni tartibga solish boshqarmasi;
Qonun hujjatlarini tahlil qilish va tizimlashtirish boshqarmasi hamda Tartibga solish taʼsirini baholash boshqarmasi negizida Qonunchilikni tizimlashtirish va tartibga solish taʼsirini baholash boshqarmasi tashkil etilsin;
b) Davlat xizmatlari agentligi hamda Intellektual mulk agentligi qoʻshib olinishi munosabati bilan boʻshayotgan shtat birliklari doirasida:
Davlat xizmatlari departamenti;
Intellektual mulk departamenti tashkil etilsin.
13. Belgilab qoʻyilsinki, Vazirlikning yangi tashkil etilayotgan tarkibiy tuzilmalari shtatlari birinchi navbatda Vazirlikka qoʻshilayotgan Davlat xizmatlari agentligi hamda Intellektual mulk agentligi tizimi xodimlari hisobidan toʻldiriladi.
Vazirlik ikki oy muddatda ishlab chiqarish va mehnatni tashkil etishdagi oʻzgarishlardan kelib chiqib, tuman (shahar) adliya boʻlimlari va davlat xizmatlari markazlari rahbarlarini lavozimidan ozod qilish hamda ushbu lavozimni ichki tanlov asosida yuksak malaka va yuqori professional tayyorgarlikka ega boshqaruv kadrlari bilan toʻldirishni taʼminlasin.
14. Adliya vaziriga:
Vazirlik markaziy apparati, adliya organlari va muassasalarining tuzilmasiga xodimlarning belgilangan umumiy soni doirasida oʻzgartirishlar kiritish;
zarur hollarda Oʻzbekiston Respublikasi Prezidenti Administratsiyasi bilan kelishgan holda, Vazirlikning budjetdan tashqari mablagʻlari hisobidan davlat xizmatlari markazlari va ularning filiallariga qoʻshimcha shtat birliklarini joriy qilish;
davlat organlari va boshqa tashkilotlar, ilmiy va taʼlim muassasalari, xalqaro tashkilotlar, xorijiy kompaniyalarning yuqori malakali mutaxassislarini, shuningdek, ekspertlarni maslahatchi sifatida jalb qilish;
malakali xorijiy mutaxassislarni ishga qabul qilish va ularga ish haqini milliy valyutada yoki xorijdagi hisobvaraqlariga oʻtkazgan holda chet el valyutasida toʻlash huquqi berilsin.
15. Vazirlikning quyidagi takliflariga rozilik berilsin:
“Oʻzbekiston Respublikasi Adliya vazirligi huzuridagi Intellektual mulk agentligi qoshidagi Intellektual mulk konsultativ markazi” davlat unitar korxonasini Oʻzbekiston Respublikasi Adliya vazirligi huzuridagi “Intellektual mulk markazi” davlat muassasasi sifatida qayta tashkil etish;
Davlat xizmatlari agentligi huzuridagi “Davlat xizmatlarini rivojlantirish ilmiy-amaliy markazi” davlat muassasasini Adliya vazirligi huzuridagi “Davlat xizmatlarini rivojlantirish markazi” davlat muassasasi etib qayta nomlash.
Belgilansinki, “Intellektual mulk markazi” davlat muassasasi intellektual mulk obyektlarini roʻyxatdan oʻtkazish bilan bogʻliq ishlarni, shu jumladan ularni roʻyxatdan oʻtkazishga doir talabnomalarning davlat ekspertizasini va ular yuzasidan tegishli maʼlumotlar markaziy saqlovini amalga oshiruvchi maxsus vakolatli tashkilot hisoblanadi.
16. Oʻzbekiston Respublikasi Prezidenti va Hukumatining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
17. Oʻzbekiston Respublikasi Prezidentining ayrim hujjatlari 3-ilovaga muvofiq oʻz kuchini yoʻqotgan deb hisoblansin.
18. Vazirlik:
bir oy muddatda Moliya vazirligi bilan birgalikda mazkur Farmonga muvofiq Vazirlikning xarajatlar smetasi va shtatlar jadvaliga oʻzgartirish va qoʻshimchalar kiritsin;
uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflar kiritsin.
19. Mazkur Farmonning ijrosini samarali tashkil qilishga masʼul va shaxsiy javobgar etib adliya vaziri R.Q. Davletov belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidenti maslahatchisi B.D. Islamov zimmasiga yuklansin.
Amalga oshirilgan chora-tadbirlarning natijadorligi toʻgʻrisida 2022-yil 1-sentabrga qadar Oʻzbekiston Respublikasi Prezidentiga axborot kiritilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 17-mart,
PF-89-son
Oʻzbekiston Respublikasi Prezidentining 2022-yil 17-martdagi PF-89-son Farmoniga
1-ILOVA
1-ILOVA
Oʻzbekiston Respublikasi Adliya vazirligi faoliyati samaradorligini yanada oshirish hamda raqamlashtirish boʻyicha chora-tadbirlar
DASTURI
Oldingi tahrirga qarang.
|
Tadbirlarning nomlanishi |
Amalga oshirish shakli |
Kutilayotgan natija |
Amalga oshirish muddati |
Masʼul ijrochilar |
|
|
1. Yagona davlat huquqiy siyosati sifatini takomillashtirish, huquq ijodkorligi faoliyatini muvofiqlashtirish |
|||||
|
1. |
Idoraviy normativ-huquqiy hujjatlarni tayyorlash va qabul qilish qoidalariga (roʻyxat raqami 2565, 2014-yil 28-fevral) idoraviy normativ-huquqiy hujjatlarni qabul qilish, ularni huquqiy ekspertiza va davlat roʻyxatidan oʻtkazish jarayonlarini yanada soddalashtirishga qaratilgan oʻzgartirish va qoʻshimchalar kiritish. |
Idoraviy normativ-huquqiy hujjat |
Idoraviy normativ-huquqiy hujjatlarni davlat roʻyxatidan oʻtkazishni rad etishga sabab boʻlayotgan tizimli muammolarni bartaraf etish hamda amaldagi qonunchilik hujjatlarini oʻzaro muvofiqlashtirish. |
2022-yil iyun |
Adliya vazirligi |
|
2. |
1990 — 2016-yillar oraligʻida qabul qilingan Oʻzbekiston Respublikasi hukumatining qarorlarini xatlovdan oʻtkazish, xatlov natijasida eskirgan va oʻz ahamiyatini yoʻqotgan normalarni bekor qilish boʻyicha takliflar ishlab chiqish. |
Normativ-huquqiy hujjat loyihasi |
Milliy qonunchilik bazasini ortiqcha normativ-huquqiy hujjatlardan holi etish, uning tizimliligini taʼminlash, huquqni qoʻllash amaliyotida yuridik taʼsir kuchiga ega boʻlmagan hujjatlarni bekor qilish. |
2022-yil iyun |
Adliya vazirligi |
|
3. |
Normativ-huquqiy hujjatlar va ularning loyihalarini tartibga solish taʼsirini baholash tartibi doirasida xarajatlarni avtomatlashtirilgan tarzda tahlil qiluvchi elektron dasturni ishlab chiqish. |
Tashkiliy-texnik tadbirlar |
Normativ-huquqiy hujjatning tartibga solish taʼsirini baholashda shaffoflik va tizimlilikni taʼminlash hamda xodimlarning vaqti va resurslarini tejash. |
2022 — 2026-yillar |
Adliya vazirligi, manfaatdor vazirlik va idoralar |
|
4. |
Ijtimoiy taʼminot va ijtimoiy sugʻurta, moliya va kredit, tadbirkorlik va xoʻjalik faoliyati, tashqi iqtisodiy faoliyat va bojxona ishi sohalariga oid amaldagi normativ-huquqiy hujjatlarning korrupsiyaga qarshi ekspertizadan oʻtkazilishini tashkil etish. Ekspertiza natijasiga koʻra Vazirlar Mahkamasiga qonunchilik hujjatlarini takomillashtirish boʻyicha takliflar kiritish. |
Normativ-huquqiy hujjat loyihasi |
Qonunchilik hujjatlarini takomillashtirish orqali ijtimoiy himoya tizimi mustahkamlanishi va tadbirkorlik faoliyati yanada rivojlanishiga, shuningdek, mamlakat investitsion jozibadorligini yanada oshirishga erishish. |
2022-yil davomida |
Adliya vazirligi, manfaatdor vazirlik va idoralar |
|
5. |
Xoʻjalik yurituvchi subyektlar faoliyatiga cheklovlar, qoʻshimcha talablar, majburiyatlar yoxud xarajatlar joriy qilish, shuningdek, har qanday turdagi imtiyoz, kafolat, preferensiyalarni belgilashni nazarda tutuvchi amaldagi normativ-huquqiy hujjatlarning masʼul vazirlik va idoralar tomonidan tartibga solish taʼsirini baholashdan oʻtkazilishini taʼminlash. Baholash natijasiga koʻra Vazirlar Mahkamasiga qonunchilik hujjatlarini takomillashtirish boʻyicha takliflar kiritish. |
Normativ-huquqiy hujjatlarni tartibga solish taʼsirini baholashdan oʻtkazish rejasi |
Xoʻjalik yurituvchi subyektlarning huquqlari taʼminlanishi orqali ularning ishlab chiqarish va xizmat koʻrsatish hajmini oshirish. |
2022-yil davomida |
Adliya vazirligi, manfaatdor vazirlik va idoralar |
|
6. |
Idoraviy normativ-huquqiy hujjatlarni huquqiy ekspertizadan oʻtkazish jarayonini avtomatlashtirish. |
Tashkiliy-texnik tadbirlar |
Normativ-huquqiy hujjatlar matnlarini avtomatlashtirilgan tahlil qilish, oʻzini oʻzi oʻrganish mexanizmidan foydalanish orqali normativ-huquqiy hujjatlarni tasniflash va tizimlashtirish muammolarini hal qilish, xarajatlarni kamaytirish va ish samaradorligini oshirish imkoniyatini yaratish. |
2022-2023-yillar |
Adliya vazirligi, Axborot texnologiyalari vazirligi |
|
7. |
“Legal-Tech” huquqiy tarmogʻini joriy etish tizimini “sunʼiy intellekt” mexanizmlaridan foydalangan holda takomillashtirish. |
Tashkiliy-texnik tadbirlar |
Hujjatlar loyihalarini tayyorlash uchun sarflanadigan resurslar va vaqtni tejash, tayyorlanadigan loyihalar sifatini oshirish hamda loyihalarni tayyorlash jarayonini avtomatlashtirish. |
2022-yil dekabr |
Adliya vazirligi, Innovatsion rivojlanish vazirligi |
|
8. |
Yuridik xizmat koʻrsatish markazlari, tuman (shahar) davlat xizmatlari markazlari va ularning filiallari hamda FHDY organlari oʻz ishini tuman (shahar) adliya boʻlimlari tarkibida davom ettirishi munosabati bilan ularni yagona maʼmuriy binoga joylashtirish. |
Dastur |
Tuman (shahar) miqyosidagi alohida faoliyat koʻrsatuvchi 4 ta tuzilma 1 ta tuzilmaga aylantiriladi va yagona maʼmuriy binoga joylashtiriladi, ortib qolinadigan maʼmuriy binolar belgilangan tartibda xususiy sektorga realizatsiya qilinadi. |
2022-yil 1-iyul |
Adliya vazirligi, Davlat aktivlarini boshqarish agentligi |
|
2. Huquqni qoʻllash amaliyoti va davlat boshqaruvi tizimi samaradorligini kompleks tahlil qilish |
|||||
|
9. |
“E-SNARTNOMA” yagona elektron portalini yaratish. |
Normativ-huquqiy hujjat loyihasi |
“E-SNARTNOMA” yagona elektron portalini joriy qilish orqali shartnomalarni yagona platforma orqali tayyorlash va ular bilan ishlash jarayonini soddalashtirish, uni boshqarish va nazorat qilish imkoniyatini yaratish. |
2022 — 2026-yillar |
Adliya vazirligi, Moliya vazirligi, Davlat soliq qoʻmitasi, vazirlik va idoralar |
|
10. |
Yuridik xizmat koʻrsatish markazlari tomonidan kelgusida xizmat koʻrsatiladigan tashkilotlar sonini oshirish. |
Normativ-huquqiy hujjat loyihasi |
Kelgusida bosqichma-bosqich tuman va shahar darajasidagi davlat organlariga malakali yuridik xizmat koʻrsatilishini kengaytirish orqali qonun ustuvorligini taʼminlash. |
2022-yil dekabr |
Adliya vazirligi |
|
11. |
Mahalliy davlat hokimiyati organlarining qarorlarini ishlab chiqish, kelishish va roʻyxatdan oʻtkazishning yagona elektron — “E-qaror” tizimi funksional imkoniyatlarini kengaytirish. |
Tashkiliy chora-tadbirlar |
Hokimliklarning faoliyatida qonun ustuvorligini yanada taʼminlash. |
2022-yil oktabr |
Adliya vazirligi |
|
12. |
Huquqni qoʻllash amaliyotida takliflarni aniqlash va ishlab chiqish uchun jamoatchilik fikrini oʻrganish uslubiyotini ishlab chiqish va tasdiqlash. |
Adliya vaziri buyrugʻi |
Qonunchilik hujjatlarini takomillashtirishda keng jamoatchilik fikrini inobatga olish va huquqiy muammolarni aniqlashning samarali mexanizmini yaratish. |
2022-yil oktabr |
Adliya vazirligi |
|
13. |
“Mahalliy davlat hokimiyati toʻgʻrisida”gi Qonunga quyidagilarni nazarda tutuvchi qoʻshimchalar kiritish: yangi deputatlik nazorat shakli — “kengash soʻrovi”ni joriy etish orqali mahalliy Kengashlarning hududlarni ijtimoiy-iqtisodiy rivojlantirishdagi rolini oshirish; Kengashlarga yuklatilgan va turli hujjatlarda nazarda tutilgan 20 dan ortiq vazifalarni bir hujjatda jamlash. |
Normativ-huquqiy hujjat loyihasi |
Mahalliy davlat hokimiyati organlari faoliyati samaradorligini oshirish hamda joylarda amalga oshirilayotgan islohotlar ustidan xalq deputatlari mahalliy Kengashlari nazoratining huquqiy asoslarini takomillashtirish. |
2022-yil dekabr |
Adliya vazirligi |
|
3. Maʼmuriy tartib-taomillar hamda davlat xizmatlarini koʻrsatish sohasida yagona davlat siyosatini amalga oshirish |
|||||
|
14. |
“SMART JUSTICE — AQLLI ADLIYA” veb-portali va mobil ilovasini yaratish. |
Tashkiliy-texnik tadbirlar |
Oʻzbekiston Respublikasi Adliya vazirligi, adliya organlari va muassasalari tomonidan hozirgi kunda koʻrsatilayotgan 50 dan ortiq elektron davlat xizmatlarini yagona portalga jamlash va uning mobil ilovasini ishlab chiqish, yagona nuqtadan yuridik va jismoniy shaxslarga xizmat koʻrsatish hamda fuqarolarning davlat xizmatlarini elektron shaklda olish jarayonidan qoniqish darajasi oshirish. |
2022-2023-yillar |
Adliya vazirligi, Axborot texnologiyalari vazirligi |
|
15. |
“Litsenziya” axborot tizimini takomillashtirish. Mazkur axborot tizimi orqali koʻrsatilayotgan davlat xizmatlari sonini 100 taga yetkazish. |
Normativ-huquqiy hujjat loyihasi |
Xizmatdan foydalanuvchilarga qulay sharoitlar yaratish, davlat xizmatlaridan foydalanishda ortiqcha tartib-taomillar va muddatlarni qisqartirish. |
2022-yil iyun |
Adliya vazirligi, Axborot texnologiyalari vazirligi |
|
16. |
Davlat xizmatlari markazlari orqali koʻrsatiladigan davlat xizmatlari sonini oshirish. |
Normativ-huquqiy hujjat loyihasi |
Aholiga tezkor va sifatli xizmatlar koʻrsatilishini taʼminlash. |
2022-yil davomida |
Adliya vazirligi |
|
17. |
Davlat xizmatlarini koʻrsatish axborot tizimi (dxa.gov.uz) va Yagona interaktiv davlat xizmatlari portalida (YIDXP) muddat buzilishi bilan bogʻliq boʻlmagan qonun buzilishi holatlarini har bir xizmatlar, sohalar va idoralar kesimida avtomatik ravishda aniqlash tizimini takomillashtirish. |
Tashkiliy-texnik tadbirlar. |
Davlat xizmatlarini koʻrsatishdagi qonunbuzilishlarni tizimli tahlil qilish, ularni bartaraf qilish choralarini koʻrish hamda aybdorlarni avtomatik ravishda aniqlash orqali qonunbuzilish holatlari bartaraf qilinishiga erishish. |
2022-2023-yillar |
Adliya vazirligi |
|
18. |
Mobil identifikatsiya tizimini (MOBIL ERI, FACE ID, DIGITAL ID, SMART ID) ishlab chiqish va ularni rivojlantirish, shuningdek, jismoniy shaxslar uchun jismoniy shaxsning shaxsiy identifikatsiya raqamidan va yuridik shaxslar uchun soliq toʻlovchi identifikatsiya raqamidan yagona login sifatida foydalanish tartibini joriy etish. |
Normativ-huquqiy hujjat loyihasi |
Davlat xizmatlaridan foydalanishda qulay va ortiqcha byurokratiyadan holi boʻlgan tizim yaratish hamda foydalanuvchilarning vaqtini tejash. |
2022-yil iyun |
Adliya vazirligi, Axborot texnologiyalari vazirligi |
|
19. |
Adliya organlari va muassasalarining veb-saytlarida yoki xizmat koʻrsatish uchun tashkil qilingan maxsus sayt (portal)da koʻrsatilayotgan xizmatlarni isteʼmolchilar tomonidan istalgan vaqtda doimiy va tizimli baholash, izohlar va takliflar taqdim qilib borish imkoniyatini beruvchi platforma yaratish. |
Tashkiliy-texnik tadbirlar |
Adliya organlari va muassasalari tomonidan koʻrsatilayotgan xizmatlar sifati oshadi hamda doimiy baholanish natijasida xizmat koʻrsatishda qonunbuzilish holatlari kamayadi. |
2022-2023-yillar |
Adliya vazirligi |
|
20. |
Nikohni qayd etish va nikohdan ajralishni qayd etish boʻyicha xizmatlarni Davlat xizmatlari markazlari, tugʻilishni qayd etishni kompleks tarzda tibbiyot muassasalari orqali FXDYO organida qayd etish tizimini joriy etish. |
Normativ-huquqiy hujjat loyihasi |
Xizmatdan foydalanuvchilarga qulay sharoitlar yaratish, davlat xizmatlaridan foydalanishda ortiqcha tartib-taomillar va muddatlarning qisqartirish. |
2022-yil iyun |
Adliya vazirligi |
|
21. |
Jismoniy va yuridik shaxslarni muhandislik kommunikatsiya tarmoqlariga ulashda ularga bir vaqtning oʻzida abonentning shaxsiy raqamini taqdim etishni yoʻlga qoʻyish. |
Normativ-huquqiy hujjat loyihasi |
Yangi ulangan isteʼmolchilarga qulaylik yaratish va ortiqcha byurokratik toʻsiqlarning oldini olish. |
2022-yil iyun |
Adliya vazirligi |
|
22. |
Jismoniy va yuridik shaxslarni muhandislik tarmoqlariga ulashda xizmat natijasi boʻlgan hujjatlarni (texnik shartlar, taʼminot shartnomasi kabilar) hamda loyiha-smeta hujjatlarini kelishishda sanitariya-epidemiologiya va yongʻinga qarshi nazorat xizmatlari hamda ekologiya va atrof-muhitni muhofaza qilish organlari tomonidan beriladigan xulosalarni QR-kod qoʻygan holda rasmiylashtirishni yoʻlga qoʻyish. |
Normativ-huquqiy hujjat loyihasi |
Davlat xizmatlarini koʻrsatishda yagona yondashuv boʻlishiga erishish hamda ariza beruvchilarning ortiqcha ovoragarchiliklarining oldini olish. |
2022-yil iyun |
Adliya vazirligi |
|
23. |
Nogironligi boʻlgan 18 yoshgacha bolalarga va odamning immunitet tanqisligi virusini keltirib chiqaradigan kasallikka (OIV infeksiyasiga) chalingan 18 yoshgacha boʻlgan shaxslarga hamda 18 yoshdan katta bolalikdan nogironligi boʻlgan shaxslarga nafaqani tayinlash boʻyicha davlat xizmatlarining kompozit tartibda koʻrsatilishini joriy etish. |
Normativ-huquqiy hujjat loyihasi |
Davlat xizmatlaridan foydalanishda qulay va ortiqcha byurokratiyadan holi boʻlgan tizim yaratish hamda foydalanuvchilar vaqtini tejash. |
2022-yil sentabr |
Adliya vazirligi |
|
24. |
Koʻchmas mulk hamda manzilga roʻyxatga qoʻyish davlat xizmatlarini kompozit tartibda koʻrsatish tartibini joriy etish. Bunda, koʻchmas mulk obyektiga boʻlgan huquqlarni davlat roʻyxatidan oʻtkazish va ushbu manzilga mulkdorlarni roʻyxatga qoʻyish davlat xizmatlarini bir vaqtda koʻrsatishni yoʻlga qoʻyish. |
Normativ-huquqiy hujjat loyihasi |
Aholining bir-biriga bogʻliq boʻlgan xizmatlardan foydalanishda davlat idoralariga alohida-alohida murojaat qilishi oldini olish hamda ortiqcha sarf-xarajatlarni tejash. |
2022-yil sentabr |
Adliya vazirligi |
|
4. Intellektual mulk sohasida davlat siyosatini amalga oshirish |
|||||
|
25. |
“Advice for business” maxsus interfaol yuridik portalida intellektual mulk obyektlarini davlat roʻyxatidan oʻtkazish, ulardan foydalanish hamda intellektual mulkka boʻlgan huquqlarni himoya qilish toʻgʻrisida maʼlumot beruvchi alohida boʻlim yaratish. |
Tashkiliy-texnik tadbirlar |
Tadbirkorlar tomonidan ish faoliyatini qonuniy yoʻlga qoʻyishga koʻmaklashish hamda ular tomonidan intellektual mulk sohasida sodir etilayotgan qonunbuzilishlar sonini kamaytirish. |
2022-yil noyabr |
Adliya vazirligi |
|
26. |
Kontrafakt mahsulotlar boʻyicha axborotlar bazasini yaratish va keng omma eʼtiboriga taqdim etish hamda maʼlumotlar almashinuvini taʼminlab turish. |
Tashkiliy-texnik tadbirlar |
Aholining kontrafakt mahsulotlar boʻyicha xabardorlik darajasi oshirish hamda huquq egalarining huquqlari buzilishi oldini olish. |
2022 — 2026-yillar |
Adliya vazirligi, manfaatdor vazirlik va idoralar |
|
27. |
“IP-Protection” axborot portalida belgilangan tartibda roʻyxatdan oʻtkazilgan patent vakillarining yagona elektron reyestrini shakllantirish. |
Tashkiliy-texnik chora-tadbirlar |
Jismoniy va yuridik shaxslarga intellektual mulk obyektlarini roʻyxatdan oʻtkazish va ularni huquqiy himoya qilish boʻyicha patent vakillari xizmatlaridan kengroq foydalanish imkoniyatini yaratish. |
2022-yil dekabr |
Adliya vazirligi, Axborot texnologiyalari vazirligi |
|
28. |
Aholi va tadbirkorlik subyektlarining intellektual mulk sohasidagi xalqaro hujjatlarning normalari va qoidalaridan xabardorligini oshirish hamda mahalliy intellektual mulk obyektlarining xalqaro roʻyxatdan oʻtkazilishini yanada jonlantirish maqsadida tanlov asosida soha boʻyicha xalqaro hujjatlarning oʻzbek tilidagi tarjimasini tayyorlash. |
Tashkiliy chora-tadbirlar |
Intellektual mulk obyektlarini xorijda roʻyxatdan oʻtkazish koʻrsatkichlari ortishiga hamda aholi, shu jumladan tadbirkorlik subyektlarining soha boʻyicha huquqiy savodxonligini oshirish. |
2022-yil dekabr |
Adliya vazirligi |
|
5. Huquqiy maʼrifat va huquqiy axborotni tarqatish boʻyicha izchil manzilli ishlarni tashkil etish |
|||||
|
29. |
Qonunchilik maʼlumotlari milliy bazasidan (Lex.uz) foydalanishda jismoniy imkoniyati cheklangan shaxslarga qulayliklar yaratish, jumladan ovozli qidiruv modulini joriy qilish. |
Tashkiliy-texnik tadbirlar |
Imkoniyati cheklangan shaxslarning tizimdan foydalanish imkoniyatini oshirish hamda milliy bazadagi katta hajmdagi maʼlumotlarni qulay hamda tez topish imkonini yaratish. |
2022-yil dekabr |
Adliya vazirligi |
|
30. |
Milliy huquqiy internet portali (huquqiyportal.uz)ni huquq bilan bogʻliq axborot va taʼlim resurslari bilan integratsiya qilish orqali uni huquqiy xamda sud-huquq masalalari boʻyicha aholi uchun qiziqarli boʻlgan maʼlumotlar bilan boyitish va portaldagi maʼlumotlar qamrovini kengaytirish. |
Tashkiliy-texnik tadbirlar |
Yagona platforma orqali huquqiy axborotlarni olish shakllari va sohalarini kengaytirish. |
2022-yil dekabr |
Adliya vazirligi |
|
31. |
Oʻzbekiston Respublikasining fuqarolik, maʼmuriy, jinoyat va iqtisodiy ishlar boʻyicha sudlari qarorlarini umumlashtirib, toifa (klassifikator)lar boʻyicha Qonunchilik maʼlumotlari milliy bazasiga bosqichma-bosqich kiritish. |
Tashkiliy-texnik tadbirlar |
Keng jamoatchilik uchun Oʻzbekiston Respublikasining fuqarolik, maʼmuriy, jinoyat va iqtisodiy ishlar boʻyicha sudlari tomonidan qabul qilingan 1,7 mln. dan ortiq sud qarorlari bilan yagona platforma orqali tanishish imkoniyatini yaratish. |
2023-yil dekabr |
Adliya vazirligi, Oliy sud |
|
6. Huquqiy xizmat koʻrsatish tizimining samarali ishlashi hamda fuqarolar huquqlari himoya qilinishini taʼminlash |
|||||
|
32. |
“Notarius” avtomatlashtirilgan axborot tizimi va Agrosanoat majmui ustidan nazorat qilish inspeksiyasining elektron bazasini oʻzaro integratsiya qilish. |
Tashkiliy-texnik tadbirlar |
Notarial xizmatdan foydalanuvchilarga qulay sharoitlar yaratish hamda mazkur xizmatlardan foydalanishda ortiqcha tartib-taomillarni qisqartirish. |
2022-yil iyun |
Adliya vazirligi, Agrosanoat majmui ustidan nazorat qilish inspeksiyasi |
|
33. |
Advokatlik faoliyati bilan shugʻullanish huquqini beruvchi litsenziya hamda advokatlik tuzilmasini roʻyxatdan oʻtkazish xizmatlarining kompozit tartibda koʻrsatilishini joriy etish. |
Normativ-huquqiy hujjat loyihasi |
Advokatlik faoliyati bilan shugʻullanish boʻyicha ruxsat berishga oid hujjatlarni olishda qulay va ortiqcha byurokratiyadan holi boʻlgan tizim yaratish. |
2022-yil noyabr |
Adliya vazirligi |
|
34. |
Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari huzuridagi idoraviy notarial arxivlar faoliyatini takomillashtirish. Bunda, idoraviy notarial arxivlar tomonidan xususiy amaliyot bilan shugʻullanuvchi notariuslarning arxivga topshirgan notarial harakatlaridan dublikatlar berish, Oʻzbekiston Respublikasining konsullik muassasalari konsullari tomonidan tasdiqlangan vasiyatnomalarni qabul qilish, “Notarius” avtomatlashtirilgan axborot tizimi orqali sobiq notariuslar tomonidan mol-mulkka qoʻyilgan taqiqlarni bekor qilish imkoniyatini nazarda tutish. |
Normativ-huquqiy hujjat loyihasi |
Idoraviy notarial arxivlar xizmat koʻrsatish doirasini oshirish orqali ortiqcha ovoragarchiliklarning oldini olish. |
2022-yil dekabr |
Adliya vazirligi |
|
35. |
Oʻzbekiston Respublikasida faoliyat koʻrsatib kelayotgan advokatlar reytingini aks ettiruvchi “Adlex” platformasini yaratish. |
Tashkiliy-texnik tadbirlar |
Advokatlar reytingini joriy qilish orqali ular orasida sogʻlom raqobat muhiti yuzaga kelishiga hamda aholi tomonidan malakali va bilimli advokatni tanlab olishga imkon yaratish. |
2022-yil dekabr |
Advokatlar palatasi |
|
7. Yuridik kadrlarni tayyorlash, qayta tayyorlash va ularning malakasini oshirishni tashkil etish tizimini takomillashtirish |
|||||
|
36. |
Toshkent davlat yuridik universiteti xodimlari va professor-oʻqituvchilarini malaka oshirish va stajirovka oʻtash uchun nufuzli xorijiy oliy taʼlim va ilmiy tadqiqot muassasalari, shuningdek xalqaro tashkilotlarga yuborish. |
Kompleks chora-tadbirlar |
Toshkent davlat yuridik universiteti tizimida yuridik taʼlim sifatini oshirish va taʼlim tizimiga innovatsion yangiliklarni kiritish. |
2022-yil davomida |
Adliya vazirligi |
|
37. |
Yuristlar malakasini oshirish markazi faoliyatini tartibga soluvchi qonunchilik hujjatlarini birlashtirish, jumladan, yuridik kadrlarni tayyorlash, qayta tayyorlash va ularning malakasini oshirishning zamonaviy tizimini yaratish. |
Normativ-huquqiy hujjat loyihasi |
Yurist-kadrlarni xalqaro standartlar boʻyicha tayyorlash tizimini yanada takomillashtirish. |
2022-yil dekabr |
Adliya vazirligi |
|
38. |
Taʼlim tizimining sifatini oshirish maqsadida: yuridik adabiyotlar roʻyxatini shakllantirish; shakllantirilgan roʻyxat asosida yuridik adabiyotlarni tayyorlash va toʻplash; “Yuridik kutubxona” elektron tizimini joriy qilish. |
Kompleks chora-tadbirlar |
Xorijiy olimlarni jalb yetgan holda yangi avlod darsliklarini yaratish. Bunda darslikni yozishda mavzularni oʻzlashtirish oson boʻlishi uchun yangicha usul, jumladan zamonaviy axborot-texnologiyalari imkoniyatlari va QR-kodlardan foydalanish. |
2022-yil dekabr |
Adliya vazirligi |
|
39. |
Adliya vazirligi tizimidagi barcha axborot tizimlari va maʼlumotlar bazasini yagona platformada shakllantirish uchun “virtual adliya” avtomatlashtirilgan axborot tizimini adliya organlari va muassasalariga joriy qilish. |
Tashkiliy-texnik tadbirlar |
Ish faoliyatini yanada qulay shaklda tashkil qilish, ortiqcha tartiblar va jarayonlarni bekor qilish, xodimlar vaqtini tejash orqali samaradorlik koʻrsatkichlarini oshirish. |
2022-yil iyun |
Adliya vazirligi |
|
8. Sud ekspertizasi sifatini izchil yaxshilash |
|||||
|
40. |
Yakka tartibda nodavlat sud-ekspertlik faoliyati bilan shugʻullanuvchi xususiy ekspertlar institutini joriy etish. |
Normativ-huquqiy hujjat loyihasi |
Sud-ekspertlik faoliyatining muqobil shakllarini joriy etish orqali sohada raqobat va xolislikni hamda ekspertlarning mustaqilligini taʼminlash. |
2023-yil may |
Adliya vazirligi |
|
41. |
Sud ekspertlarining faoliyatini ularning kasbiy layoqatliligi, oʻtkazilgan sud ekspertizalarining sifati va boshqa mezonlarga asosan reyting tizimida baholash tartibini joriy qilish. |
Normativ-huquqiy hujjat loyihasi |
Ekspertlar reytingi asosida ragʻbatlantirish orqali sud ekspertiza jarayonida shaxslarning buzilgan huquqlarini malakali tarzda tiklashga koʻmaklashish. |
2023-yil sentabr |
Adliya vazirligi |
|
42. |
Oʻzbekiston Respublikasi sud-ekspertiza muassasalari va tashkilotlari tomonidan xorijiy tashkilot va chet el fuqarolariga sud-ekspertiza imkoniyatlaridan keng foydalanish uchun sharoit yaratish maqsadida ularga xizmat koʻrsatish tizimini joriy qilish. |
Normativ-huquqiy hujjat loyihasi |
Sud-ekspertlik faoliyatini rivojlantirish, qoʻshimcha xizmat turlarini joriy qilish. |
2023-yil sentabr |
Adliya vazirligi |
|
43. |
Kriminalistika amaliyotida shaxs identifikatsiyasi va diagnostikasi masalalarini hal etishga qaratilgan koʻp tarmoqli elektron dasturiy taʼminot yaratish. |
Tashkiliy-texnik tadbirlar |
Laboratoriya genetik maʼlumotlar bazasi negizida qoʻshimcha identifikatsiya va diagnostika imkoniyatlarini yaratish. |
2022-2023-yillar |
Adliya vazirligi |
(1-ilova Oʻzbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik maʼlumotlari milliy bazasi, 25.05.2024-y., 06/24/80/0364-son)
Oʻzbekiston Respublikasi Prezidentining 2022-yil 17-martdagi PF-89-son Farmoniga
2-ILOVA
2-ILOVA
Oʻzbekiston Respublikasi Prezidenti va Hukumatining ayrim hujjatlariga kiritiladigan oʻzgartirish va qoʻshimchalar
1. Oʻzbekiston Respublikasi Prezidentining 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni taʼminlash; ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida”gi PF-4725-son Farmoni 8-bandining uchinchi xatboshisidagi “Adliya vazirligi huzuridagi Davlat xizmatlari agentligining budjetdan tashqari jamgʻarmasi” soʻzlari “Adliya vazirligining Davlat xizmatlarini rivojlantirish jamgʻarmasi” soʻzlari bilan almashtirilsin.
2. Oʻzbekiston Respublikasi Prezidentining 2018-yil 13-apreldagi “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari toʻgʻrisida”gi PF-5415-son Farmonining 3-bandida:
a) toʻqqizinchi xatboshidan “belgilansin” soʻzi chiqarib tashlansin;
b) quyidagi mazmundagi oʻninchi xatboshi bilan toʻldirilsin:
“davlat xizmatlari markazlari va ularning filiallari, FHDY organlari hamda yuridik xizmat koʻrsatish markazlari faoliyati ustidan umumiy rahbarlik va nazoratni amalga oshirish belgilansin”.
3. Oʻzbekiston Respublikasi Prezidentining 2019-yil 17-yanvardagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi toʻgʻrisida”gi PF-5635-son Farmoniga 3-ilovada:
a) 1.1 va 2.1-pozitsiyalarning “Masʼul davlat organlari” ustunidan “Intellektual mulk agentligi (T. Abdusattorov)” soʻzlari chiqarib tashlansin;
b) 11.1.3-pozitsiyaning “Masʼul davlat organlari” ustunidagi “Davlat xizmatlari agentligi (U. Muxammadiyev)” soʻzlari “Adliya vazirligi (R. Davletov)” soʻzlari bilan almashtirilsin.
4. Oʻzbekiston Respublikasi Prezidentining 2019-yil 7-iyundagi “Tadbirkorlik subyektlarini tugatish tartib-taomillarini soddalashtirish chora-tadbirlari toʻgʻrisida”gi PF-5739-son Farmonining 3-bandi ikkinchi xatboshisidan “huzuridagi Davlat xizmatlari agentligi” soʻzlari chiqarib tashlansin.
5. Oʻzbekiston Respublikasi Prezidentining 2020-yil 12-maydagi PF-5992-son Farmoni bilan tasdiqlangan 2020 — 2025-yillarga moʻljallangan Oʻzbekiston Respublikasining bank tizimini isloh qilish strategiyasining “IV. Xalqaro reytinglarda Oʻzbekiston bank tizimining mavqeyini oshirish” boʻlimi 3-bandidagi “Yer resurslari, geodeziya, kartografiya va davlat kadastri davlat qoʻmitasi, Majburiy ijro byurosi, Davlat xizmatlari agentligi” soʻzlari “Kadastr agentligi, Majburiy ijro byurosi, Adliya vazirligi” soʻzlari bilan almashtirilsin.
6. Oʻzbekiston Respublikasi Prezidentining 2020-yil 2-iyundagi “Oʻzbekiston Respublikasining xalqaro reyting va indekslardagi oʻrnini yaxshilash hamda davlat organlari va tashkilotlarida ular bilan tizimli ishlashning yangi mexanizmini joriy qilish toʻgʻrisida”gi PF-6003-son Farmonida:
a) 3-ilovaning 4.1.3-pozitsiyasi “Masʼul davlat organlari” ustunidagi “Davlat xizmatlari agentligi (U. Muxammadiyev)” soʻzlari “Adliya vazirligi (R. Davletov)” soʻzlari bilan almashtirilsin;
b) 5-ilovaning 3-bandi “b” kichik bandi oʻz kuchini yoʻqotgan deb hisoblansin.
7. Oʻzbekiston Respublikasi Prezidentining 2020-yil 6-iyuldagi PF-6019-son Farmoni bilan tasdiqlangan 2020 — 2024-yillarda tovar va moliya bozorlarida raqobatni rivojlantirish strategiyasining 3-bobi 3.7.-bandidagi “Intellektual mulk agentligi” soʻzlari “Adliya vazirligi” soʻzlari bilan almashtirilsin.
8. Oʻzbekiston Respublikasi Prezidentining 2020-yil 24-avgustdagi “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida”gi PF-6044-son Farmonida:
a) 12-banddagi “Davlat xizmatlari agentligi” soʻzlari “Adliya vazirligi” soʻzlari bilan almashtirilsin;
b) 13-bandning birinchi xatboshisidagi “Davlat xizmatlari agentligining budjetdan tashqari jamgʻarmasi” soʻzlari “Adliya vazirligining Davlat xizmatlarini rivojlantirish jamgʻarmasi” soʻzlari bilan almashtirilsin;
v) 17-bandning “v” kichik bandi uchinchi xatboshisi quyidagi tahrirda bayon etilsin:
“Litsenziya” axborot tizimining uzluksiz ishlashini taʼminlasin hamda Adliya vazirligi tomonidan “Litsenziya” axborot tizimi faoliyatida nuqson va nosozliklar aniqlanganida, Vazirlik talabnomasiga asosan ularning uch kun ichida bartaraf etib borilishini taʼminlasin”.
9. Oʻzbekiston Respublikasi Prezidentining 2020-yil 5-oktabrdagi “Raqamli Oʻzbekiston-2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF-6079-son Farmonida:
a) 22-ilovaning 26-bandi oʻz kuchini yoʻqotgan deb hisoblansin;
b) 23-ilovada:
3.2.-pozitsiyaning “Tashkilotlar” ustunidagi “Davlat xizmatlari agentligi” soʻzlari “Adliya vazirligi” soʻzlari bilan almashtirilsin.
9.6.-pozitsiyaning “Tashkilotlar” ustunidagi “Intellektual mulk agentligi” soʻzlari “Adliya vazirligi” soʻzlari bilan almashtirilsin.
10. Oʻzbekiston Respublikasi Prezidentining 2021-yil 5-iyuldagi “Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida”gi PF-6256-son Farmonida:
a) 3-ilovada:
ikkinchi xatboshi quyidagi tahrirda bayon etilsin:
“lavozimiga koʻra — adliya vazirining birinchi oʻrinbosari, Kengash raisi oʻrinbosari”;
oʻn ikkinchi xatboshi quyidagi tahrirda bayon etilsin:
“lavozimiga koʻra — Adliya vazirligi Yuridik taʼlim va sud-ekspertiza boshqarmasi boshligʻi, Kengash kotibi”;
b) 4-ilovaning 7-pozitsiyasi “Masʼul tashkilot va muassasa nomi” ustunidagi “, Intellektual mulk agentligi” soʻzlari chiqarib tashlansin.
11. Oʻzbekiston Respublikasi Prezidentining 2021-yil 24-iyuldagi “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida”gi PF-6269-son Farmonida:
a) 1-bandning “b” kichik bandi ikkinchi xatboshisi quyidagi tahrirda bayon etilsin:
“ariza beruvchiga toʻlovlar Adliya vazirligining Davlat xizmatlarini rivojlantirish jamgʻarmasi mablagʻlari hisobidan qaytariladi va Adliya vazirligi tomonidan davlat xizmatini koʻrsatish muddatini kechiktirgan davlat organi va tashkilotining budjetdan tashqari va boshqa mablagʻlari hisobidan soʻzsiz (akseptsiz) tartibda undirib olinadi”;
b) 12 va 13-bandlar oʻz kuchini yoʻqotgan deb hisoblansin;
v) 19-banddan “hamda Davlat xizmatlari agentligi direktori U.I. Muxammadiyev” soʻzlari chiqarib tashlansin;
g) 2-ilovaning 48 va 79-pozitsiyalari hamda 5-ilovaning 14-pozitsiyasi chiqarib tashlansin;
d) 3-ilovaning 1 va 2-bandlari “Maʼlumotlar bazasini raqamlashtirish hamda ularni berishga masʼul organlar” ustunidagi “Davlat xizmatlari agentligi” soʻzlari “Adliya vazirligi” soʻzlari bilan almashtirilsin;
e) 5-ilovaning 9-pozitsiyasi “vazirlik va idoralardan” ustunidagi “Davlat xizmatlari agentligi (U. Muxammadiyev)” soʻzlari “Adliya vazirligi (R. Davletov)” soʻzlari bilan almashtirilsin;
j) 6-ilovada:
7-band chiqarib tashlansin;
11-banddagi “Davlat xizmatlari agentligi direktorining birinchi oʻrinbosari” soʻzlari “Davlat xizmatlari departamenti boshligʻi” soʻzlari bilan almashtirilsin;
z) 7-ilovaning 7-bandi oʻz kuchini yoʻqotgan deb hisoblansin.
12. Oʻzbekiston Respublikasi Prezidentining 2022-yil 28-yanvardagi PF-60-son Farmoni bilan tasdiqlangan 2022 — 2026-yillarga moʻljallangan Yangi Oʻzbekistonning taraqqiyot strategiyasini “Inson qadrini ulugʻlash va faol mahalla yili”da amalga oshirishga oid davlat dasturida 2, 27, 31 va 33-bandlarning “Masʼul ijrochilar” ustunidagi “, Davlat xizmatlari agentligi (lavozim boʻyicha)” soʻzlari chiqarib tashlansin.
13. Oʻzbekiston Respublikasi Prezidentining 2011-yil 1-avgustdagi “Xalqaro shartnomani tasdiqlash toʻgʻrisida”gi PQ-1591-son qarorining 2-bandidan “huzuridagi Intellektual mulk agentligi” soʻzlari chiqarib tashlansin.
14. Oʻzbekiston Respublikasi Prezidentining 2011-yil 25-noyabrdagi “Xalqaro shartnomani tasdiqlash toʻgʻrisida”gi PQ-1648-son qarorining 2-bandidan “huzuridagi Intellektual mulk agentligi” soʻzlari chiqarib tashlansin.
15. Oʻzbekiston Respublikasi Prezidentining 2017-yil 19-yanvardagi PQ-2733-son qarori bilan tasdiqlangan Davlat organlari va tashkilotlari yuridik xizmat xodimlarining martaba darajalari toʻgʻrisidagi nizomda:
a) 3-bandda:
toʻrtinchi xatboshidagi “yetakchi” soʻzi “bosh” soʻzi bilan almashtirilsin;
oltinchi xatboshi chiqarib tashlansin;
yettinchi xatboshi oltinchi xatboshi deb hisoblansin;
b) 4-bandning “b” kichik bandida:
toʻrtinchi xatboshi chiqarib tashlansin;
beshinchi xatboshi toʻrtinchi xatboshi deb hisoblansin;
v) 41-bandning “v” kichik bandi quyidagi tahrirda bayon etilsin:
“v) Oʻzbekiston Respublikasi Vazirlar Mahkamasi apparati boshqaruvchisining tavsiyanomasiga koʻra Oʻzbekiston Respublikasi Vazirlar Mahkamasi apparati boshqaruvchisining Huquqiy ekspertiza masalalari boʻyicha oʻrinbosariga va uning apparati bosh mutaxassisiga hamda Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakili va uning apparati mutaxassislariga beriladi”.
16. Oʻzbekiston Respublikasi Prezidentining 2017-yil 3-avgustdagi PQ-3170-son qarori bilan tasdiqlangan Mansabdor shaxslarning xorijiy mamlakatlarga xizmat safarlarini tashkil etish tartibi toʻgʻrisidagi nizomda:
a) 13-bandning ikkinchi xatboshisidan “yoki uning oʻrinbosarlari” soʻzlari chiqarib tashlansin;
b) 2-ilovaning III bosqichi “Subyektlar” ustunidan “va uning oʻrinbosarlari” soʻzlari chiqarib tashlansin.
17. Oʻzbekiston Respublikasi Prezidentining 2017-yil 23-avgustdagi “Sudlar va adliya organlari faoliyatini moddiy-texnik va moliyaviy taʼminlash tartibini takomillashtirish toʻgʻrisida”gi PQ-3240-son qarorining 7-bandi oʻn toʻrtinchi xatboshisi quyidagi tahrirda bayon qilinsin:
“adliya organlari va muassasalarining boshqaruv va yordamchi xodimlari taʼminotiga”.
18. Oʻzbekiston Respublikasi Prezidentining 2017-yil 1-noyabrdagi “Xalqaro shartnomani tasdiqlash toʻgʻrisida”gi PQ-3366-son qarorining 4-bandidan “hamda Intellektual mulk agentligi bosh direktori A.N. Fayzullayev” soʻzlari chiqarib tashlansin.
19. Oʻzbekiston Respublikasi Prezidentining “Oʻzbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish toʻgʻrisida” 2017-yil 12-dekabrdagi PQ-3430-son qarorining 4-bandida:
a) birinchi xatboshidagi “Agentlik faoliyatini” soʻzlari “Adliya vazirligining Davlat xizmatlarini rivojlantirish jamgʻarmasini” soʻzlari bilan almashtirilsin;
b) ikkinchi xatboshi chiqarib tashlansin.
20. Oʻzbekiston Respublikasi Prezidentining 2018-yil 13-apreldagi “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi PQ-3666-son qarorida:
a) 1-band quyidagi tahrirda bayon etilsin:
“1. Quyidagilar Oʻzbekiston Respublikasi Adliya vazirligining asosiy vazifalari etib belgilansin:
huquq ijodkorligi sohasida yagona davlat siyosatini yuritish;
normativ-huquqiy hujjatlar va ular loyihalarining tartibga solish taʼsirini baholash hamda korrupsiyaga qarshi ekspertizadan oʻtkazish faoliyatni muvofiqlashtirish;
huquqiy axborotni tarqatish va undan foydalanishni taʼminlash;
huquqiy targʻibotni amalga oshirish hamda davlat organlari va tashkilotlarining huquqiy targʻibot sohasidagi ishlarini muvofiqlashtirish;
davlat boshqaruvi organlari, xoʻjalik birlashmalari, mahalliy davlat hokimiyati organlari faoliyatida huquqni qoʻllash amaliyotini izchil va bir xilda taʼminlash boʻyicha choralarni amalga oshirish;
fuqarolarning huquqlari, erkinliklari va qonuniy manfaatlarini huquqiy himoya qilish boʻyicha choralarni amalga oshirish;
qonunchilik hujjatlari va topshiriqlarning oʻz vaqtida, toʻliq va sifatli amalga oshirilishini taʼminlash yuzasidan, shu jumladan Hisob palatasi bilan birgalikda sohalar, hududlar va idoralar kesimida manzilli va tematik tahliliy oʻrganishlarni olib borish va joylardagi holat monitoringini yuritish;
davlat boshqaruvi tizimining samaradorligini ilgʻor xorijiy tajriba va zamonaviy rivojlanish tendensiyalari asosida tahlil va monitoring qilish;
davlat organlari va tashkilotlarining yuridik xizmatlari faoliyatini muvofiqlashtirish, nazorat qilish va uslubiy koʻmaklashish, shuningdek, qonunchilik hujjatlarida belgilangan davlat organlari va tashkilotlariga yuridik xizmat koʻrsatilishini taʼminlash;
notariat, advokatura hamda jismoniy va yuridik shaxslarga huquqiy xizmat koʻrsatuvchi boshqa tuzilmalarning samarali faoliyat koʻrsatishini taʼminlash;
jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha choralarni ishlab chiqish va amalga oshirishda ishtirok etish;
nodavlat notijorat tashkilotlarning faoliyatini rivojlantirish sohasida davlat siyosatini amalga oshirish, ularning davlat organlari va tashkilotlari bilan oʻzaro hamkorligini tashkil qilishga koʻmaklashish;
maʼmuriy tartib-taomillar sohasida yagona davlat siyosatini amalga oshirish;
jismoniy va yuridik shaxslarga davlat xizmatlari koʻrsatish sohasida yagona davlat siyosatini amalga oshirish;
ortiqcha maʼmuriy tartib-taomillarni bartaraf etish hisobiga davlat xizmatlari koʻrsatish tartibini takomillashtirish, shuningdek, idoralararo elektron hamkorlikni rivojlantirish;
davlat xizmatlari koʻrsatish sohasida, shu jumladan tegishli axborot tizimlari, resurslar va maʼlumotlar bazalarini joriy etish boʻyicha davlat organlari va boshqa tashkilotlar faoliyatini nazorat qilish va samaradorligini baholash;
intellektual mulk sohasida yagona davlat siyosatini ishlab chiqish hamda ixtirolar, tovar belgilari, mualliflik huquqi va boshqa intellektual mulk obyektlariga boʻlgan huquqlarni himoya qilish;
ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish;
yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni taʼminlash;
sud-ekspertlik faoliyatini rivojlantirishning ustuvor yoʻnalishlarini ishlab chiqish, sud ekspertlarini tayyorlash va malakasini oshirish ishlarini muvofiqlashtirish;
siyosiy-huquqiy sohaga oid xalqaro reyting va indekslarda Oʻzbekiston Respublikasining oʻrnini yaxshilash boʻyicha tizimli va izchil choralar koʻrish;
xalqaro-huquqiy hamkorlikni yoʻlga qoʻyish va mustahkamlash, xalqaro shartnomalarni huquqiy ekspertizadan oʻtkazish;
xalqaro va xorijiy tashkilotlarda Oʻzbekiston Respublikasi manfaatlarining huquqiy himoyasini taʼminlash, xalqaro hamjamiyat, xorijiy investorlarni milliy huquq tizimi va amalga oshirilayotgan huquqiy islohotlar haqida oʻz vaqtida xabardor qilish”;
b) 2-bandning “a” kichik bandi oʻz kuchini yoʻqotgan deb hisoblansin;
v) 3-bandda:
toʻrtinchi xatboshidan “Oʻzbekiston Respublikasi Davlat budjetidan moliyalashtiriladigan boshqaruv xodimlarining cheklangan umumiy soni 210 nafardan iborat boʻlgan” soʻzlari chiqarib tashlansin;
toʻqqizinchi — oʻn ikkinchi xatboshilar chiqarib tashlansin;
g) 4-bandning ikkinchi xatboshisidagi “barcha normativ-huquqiy hujjatlar loyihalari” soʻzlari “muhim iqtisodiy va ijtimoiy-siyosiy ahamiyatga ega normativ-huquqiy hujjatlar loyihalari, qoida tariqasida,” soʻzlari bilan almashtirilsin;
Oldingi tahrirga qarang.
d) 1-ilova quyidagi tahrirda bayon etilsin:
(20-band “d” kichik bandining birinchi xatboshisi Oʻzbekiston Respublikasi Prezidentining 2024-yil 24-maydagi PF-80-sonli Farmoni tahririda — Qonunchilik maʼlumotlari milliy bazasi, 25.05.2024-y., 06/24/80/0364-son)
“Oʻzbekiston Respublikasi Prezidentining 2018-yil 13-apreldagi PQ-3666-son qaroriga
1-ILOVA
1-ILOVA
Oʻzbekiston Respublikasi Adliya vazirligi toʻgʻrisida
NIZOM
NIZOM
1-bob. Umumiy qoidalar
1. Mazkur Nizom Oʻzbekiston Respublikasi Adliya vazirligining (keyingi oʻrinlarda — Vazirlik) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini belgilaydi.
2. Vazirlik adliya organlari va muassasalari faoliyatiga umumiy rahbarlik qiluvchi va uni muvofiqlashtiruvchi davlat boshqaruvi organi hisoblanadi.
Vazirlik Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi), faoliyatining ayrim masalalari boʻyicha esa bevosita Oʻzbekiston Respublikasi Prezidentiga boʻysunadi.
Vazirlik markaziy apparati, Qoraqalpogʻiston Respublikasi Adliya vazirligi, hududiy adliya boshqarmalari, tumanlar (shaharlar) adliya boʻlimlari huquqni muhofaza qiluvchi organlar hisoblanadi.
3. Vazirlik oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonunchilik hujjatlariga amal qiladi.
4. Vazirlikning oʻz vakolatlari doirasida qabul qilgan qarorlari davlat boshqaruvi organlari, xoʻjalik birlashmalari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek yuridik va jismoniy shaxslar tomonidan bajarilishi majburiy hisoblanadi.
5. Vazirlik, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari yuridik shaxs hisoblanadi, Oʻzbekiston Respublikasi Davlat gerbi tasviri tushirilgan muhrga va blankalarga, mustaqil balansga, shaxsiy gʻazna hisobvaraqlariga, bank hisobvaraqlariga, shu jumladan, chet el valyutasidagi bank hisobvaraqlariga egadirlar.
Tuman (shahar) adliya boʻlimlari, yuridik xizmat koʻrsatish markazlari, davlat xizmatlari markazlari va fuqarolik holati dalolatnomalarini yozish organlari (keyingi oʻrinlarda — FHDY organlari) yuridik shaxs hisoblanmaydi, mol-mulkka, xoʻjalik yurituvida yoki operativ boshqaruvda alohida mol-mulkka ega boʻlmaydi. FHDY organlari Oʻzbekiston Respublikasi Davlat gerbi tasviri tushirilgan muhr va blankalarga ega boʻladilar.
6. Vazirlikning rasmiy nomi:
a) davlat tilida:
toʻliq nomi — Oʻzbekiston Respublikasi Adliya vazirligi, qisqartirilgan nomi — Adliya vazirligi;
b) rus tilida:
toʻliq nomi — Ministerstvo yustitsii Respubliki Uzbekistan, qisqartirilgan nomi — Ministerstvo yustitsii yoki Minyust;
v) ingliz tilida:
toʻliq nomi — Ministry of Justice of the Republic of Uzbekistan, qisqartirilgan nomi — Ministry of Justice yoki Minjust.
7. Vazirlikning joylashgan joyi (pochta manzili): Toshkent shahri, Sayilgoh koʻchasi, 5-uy.
2-bob. Vazirlik tuzilmasi
8. Vazirlik tizimiga quyidagilar kiradi:
Vazirlik markaziy apparati;
Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari, tumanlar (shaharlar) adliya boʻlimlari, yuridik xizmat koʻrsatish markazlari, davlat xizmatlari markazlari va FXDYO organlari;
Huquqiy siyosat tadqiqot instituti;
X. Sulaymonova nomidagi Respublika sud ekspertiza markazi;
“Adolat” milliy huquqiy axborot markazi” davlat muassasasi;
“Adliya organlari va muassasalarida axborot-kommunikatsiya texnologiyalarini rivojlantirish markazi” davlat muassasasi;
“Davlat xizmatlarini rivojlantirish markazi” davlat muassasasi;
“Intellektual mulk markazi” davlat muassasasi;
davlat notarial idoralari va arxivlari;
Yuristlar malakasini oshirish markazi;
Toshkent davlat yuridik universiteti;
yuridik texnikumlar;
Akademik litsey.
Adliya organlari va muassasalari mahalliy davlat hokimiyati organlaridan mustaqildir va bevosita Vazirlikka boʻysunadilar.
3-bob. Vazirlikning vazifalari va funksiyalari
9. Quyidagilar Vazirlikning asosiy vazifalari hisoblanadi:
huquq ijodkorligi sohasida yagona davlat siyosatini yuritish;
normativ-huquqiy hujjatlar va ular loyihalarining tartibga solish taʼsirini baholash hamda korrupsiyaga qarshi ekspertizadan oʻtkazish faoliyatni muvofiqlashtirish;
huquqiy axborotni tarqatish va undan foydalanishni taʼminlash;
huquqiy targʻibotni amalga oshirish hamda davlat organlari va tashkilotlarining huquqiy targʻibot sohasidagi ishlarini muvofiqlashtirish;
davlat boshqaruvi organlari, xoʻjalik birlashmalari, mahalliy davlat hokimiyati organlari faoliyatida huquqni qoʻllash amaliyotini izchil va bir xilda taʼminlash boʻyicha choralarni amalga oshirish;
fuqarolarning huquqlari, erkinliklari va qonuniy manfaatlarini huquqiy himoya qilish boʻyicha choralarni amalga oshirish;
qonunchilik hujjatlari va topshiriqlarning oʻz vaqtida, toʻliq va sifatli amalga oshirilishini taʼminlash yuzasidan, shu jumladan Hisob palatasi bilan birgalikda sohalar, hududlar va idoralar kesimida manzilli va tematik tahliliy oʻrganishlarni olib borish va joylardagi holat monitoringini yuritish;
davlat boshqaruvi tizimining samaradorligini ilgʻor xorijiy tajriba va zamonaviy rivojlanish tendensiyalari asosida tahlil va monitoring qilish;
davlat organlari va tashkilotlarining yuridik xizmatlari faoliyatini muvofiqlashtirish, nazorat qilish va uslubiy koʻmaklashish, shuningdek, qonunchilik hujjatlarida belgilangan davlat organlari va tashkilotlariga yuridik xizmat koʻrsatilishini taʼminlash;
notariat, advokatura hamda jismoniy va yuridik shaxslarga huquqiy xizmat koʻrsatuvchi boshqa tuzilmalarning samarali faoliyat koʻrsatishini taʼminlash;
jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha choralarni ishlab chiqish va amalga oshirishda ishtirok etish;
nodavlat notijorat tashkilotlarning faoliyatini rivojlantirish sohasida davlat siyosatini amalga oshirish, ularning davlat organlari va tashkilotlari bilan oʻzaro hamkorligini tashkil qilishga koʻmaklashish;
maʼmuriy tartib-taomillar sohasida yagona davlat siyosatini amalga oshirish;
jismoniy va yuridik shaxslarga davlat xizmatlari koʻrsatish sohasida yagona davlat siyosatini amalga oshirish;
ortiqcha maʼmuriy tartib-taomillarni bartaraf etish hisobiga davlat xizmatlari koʻrsatish tartibini takomillashtirish, shuningdek, idoralararo elektron hamkorlikni rivojlantirish;
davlat xizmatlari koʻrsatish sohasida, shu jumladan tegishli axborot tizimlari, resurslar va maʼlumotlar bazalarini joriy etish boʻyicha davlat organlari va boshqa tashkilotlar faoliyatini nazorat qilish va samaradorligini baholash;
intellektual mulk sohasida yagona davlat siyosatini ishlab chiqish hamda ixtirolar, tovar belgilari, mualliflik huquqi va boshqa intellektual mulk obyektlariga boʻlgan huquqlarni himoya qilish;
ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish;
yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni taʼminlash;
sud-ekspertlik faoliyatini rivojlantirishning ustuvor yoʻnalishlarini ishlab chiqish, sud ekspertlarini tayyorlash va malakasini oshirish ishlarini muvofiqlashtirish;
siyosiy-huquqiy sohaga oid xalqaro reyting va indekslarda Oʻzbekiston Respublikasining oʻrnini yaxshilash boʻyicha tizimli va izchil choralar koʻrish;
xalqaro-huquqiy hamkorlikni yoʻlga qoʻyish va mustahkamlash, xalqaro shartnomalarni huquqiy ekspertizadan oʻtkazish;
xalqaro va xorijiy tashkilotlarda Oʻzbekiston Respublikasi manfaatlarining huquqiy himoyasini taʼminlash, xalqaro hamjamiyat, xorijiy investorlarni milliy huquq tizimi va amalga oshirilayotgan huquqiy islohotlar haqida oʻz vaqtida xabardor qilish.
10. Vazirlik oʻziga yuklangan vazifalarga muvofiq quyidagi funksiyalarni amalga oshiradi:
1) huquq ijodkorligi sohasida yagona davlat siyosatini yuritish sohasida:
konstitutsiyaviy normalarni amalga oshirish, inson huquqlari va erkinliklarini taʼminlash, jamiyatda qonunga rioya etish va hurmat ruhini mustahkamlash maqsadida huquqiy siyosatning ustuvor yoʻnalishlarini ishlab chiqadi;
davlat organlari va tashkilotlarining huquq ijodkorligi masalalari boʻyicha faoliyatini muvofiqlashtiradi va uslubiy rahbarlikni amalga oshiradi;
davlat organlari va tashkilotlari huquq ijodkorligi faoliyatining monitoringi va tahlilini amalga oshiradi;
normativ-huquqiy hujjatlar loyihalarini qonunchilikka, xalqaro shartnomalar normalariga, mamlakatda amalga oshirilayotgan islohotlarning maqsad va vazifalariga, qonunchilik texnikasi qoidalariga muvofiqligi, ularda korrupsiyaga, boshqa huquqbuzarliklarni sodir etishga shart-sharoit yaratuvchi, shuningdek jismoniy va yuridik shaxslar uchun ortiqcha maʼmuriy va boshqa cheklovlarni joriy etuvchi qoidalar va normalar mavjudligini aniqlash hamda texnik jihatdan tartibga solish sohasidagi normativ hujjatlarning qonunchilikka muvofiqligini, ularda huquqiy normalar mavjudligini aniqlash nuqtai nazaridan huquqiy ekspertizadan oʻtkazadi;
normativ-huquqiy hujjatlarni amaliyotda qoʻllashdagi korrupsiyaviy xavflarni tahlil qiladi, shuningdek normativ-huquqiy hujjatlar va ularning loyihalaridagi korrupsiyaga sabab boʻladigan normalarni aniqlaydi, ularni bartaraf etishga qaratilgan choralar koʻradi va tavsiyalar ishlab chiqadi;
qonunchilik hujjatlaridagi huquqiy nuqsonlarni, huquqbuzarliklarni sodir etishga shart-sharoit yaratuvchi, shuningdek jismoniy va yuridik shaxslar uchun ortiqcha maʼmuriy va boshqa cheklovlarni joriy etuvchi qoidalar va normalarni aniqlaydi va ularni bartaraf etish boʻyicha takliflar tayyorlaydi;
qonunosti hujjatlariga rasmiy sharhlarning loyihalarini tayyorlaydi va ularni Oʻzbekiston Respublikasi Prezidenti va Vazirlar Mahkamasiga koʻrib chiqish uchun kiritadi;
Oʻzbekiston Respublikasi Prezidenti va Vazirlar Mahkamasining topshiriqlariga asosan normativ-huquqiy hujjatlar rasmiy sharhlarining loyihalari boʻyicha xulosalar beradi;
idoraviy normativ-huquqiy hujjatlarni davlat roʻyxatidan oʻtkazadi;
idoraviy normativ-huquqiy hujjatlarning davlat reyestrini yuritadi;
vazirliklar, davlat qoʻmitalari va idoralarning huquqiy hujjatlarini davlat roʻyxatidan oʻtkazilishi lozim boʻlmagan hujjatlar toifasiga kiritish haqida qarorlar qabul qiladi;
idoraviy normativ-huquqiy hujjatlarni qabul qilish, davlat roʻyxatidan oʻtkazish va manfaatdor shaxslar eʼtiboriga yetkazishning belgilangan tartibiga rioya qilinishi ustidan nazoratni amalga oshiradi;
Hukumat bayonnoma qarorlari hisobini yuritadi;
mahalliy davlat hokimiyati organlarining normativ-huquqiy hujjatlarini huquqiy ekspertizadan oʻtkazish, qabul qilish, eʼlon qilish va manfaatdor shaxslar eʼtiboriga yetkazishning belgilangan tartibiga rioya qilinishi ustidan nazoratni amalga oshiradi;
davlat organlari va tashkilotlari tomonidan normativ-huquqiy hujjatlarning turkumlashtirilgan hisobini yuritish tartibini tasdiqlaydi, unga rioya qilish ustidan nazoratni amalga oshiradi;
Oʻzbekiston Respublikasi normativ-huquqiy hujjatlarining davlat hisobini va qonunchilik hujjatlarini tizimlashtirish boʻyicha ishlarni amalga oshiradi;
Oʻzbekiston Respublikasi normativ-huquqiy hujjatlarining nazorat nusxalarini yuritadi, ularning bankini (fondini) shakllantiradi;
davlat organlari va tashkilotlarining normativ-huquqiy hujjatlari loyihalarini tayyorlash, yuridik-texnik jihatdan rasmiylashtirish va huquqiy ekspertizadan oʻtkazish boʻyicha uslubiy koʻrsatmalarni tasdiqlaydi;
normativ-huquqiy hujjatlar va ular loyihalarining korrupsiyaga qarshi ekspertizasini oʻtkazish tartibini belgilaydi;
idoraviy normativ-huquqiy hujjatlarni tayyorlash va qabul qilish qoidalarini tasdiqlaydi;
Qonunchilik tarmoqlari umumhuquqiy klassifikatorini tasdiqlaydi, normativ-huquqiy hujjatlarga klassifikator asosida kodlar beradi;
mahalliy davlat hokimiyati organlarining normativ-huquqiy tusdagi qarorlarini qonunchilik hujjatlariga, mamlakatimizda amalga oshirilayotgan islohotlarning maqsad va vazifalariga muvofiqligi nuqtai nazaridan huquqiy ekspertizadan oʻtkazadi;
2) normativ-huquqiy hujjatlar va ular loyihalarining tartibga solish taʼsirini baholash hamda korrupsiyaga qarshi ekspertizadan oʻtkazish faoliyatni muvofiqlashtirish sohasida:
davlat boshqaruvi organlari, mahalliy ijro etuvchi hokimiyat organlari va boshqa tashkilotlarning normativ-huquqiy hujjatlar va ular loyihalarining tartibga solish taʼsirini baholash hamda korrupsiyaga qarshi ekspertizadan oʻtkazish boʻyicha faoliyatini muvofiqlashtiradi, tahlil qiladi va monitoringini amalga oshiradi, shuningdek ularga uslubiy yordam koʻrsatadi;
normativ-huquqiy hujjatlar va ular loyihalarining tartibga solish taʼsirini baholaydi hamda ularni korrupsiyaga qarshi ekspertizadan oʻtkazadi;
davlat boshqaruvi organlari, mahalliy ijro etuvchi hokimiyat organlari va boshqa tashkilotlardagi tartibga solish taʼsirini baholashga masʼul boʻlgan xodimlarning roʻyxatini shakllantiradi;
qonunchilik hujjatlari va ularning loyihalarini korrupsiyaga qarshi ekspertizadan oʻtkazish boʻyicha ekspertlar reyestrini yuritadi;
davlat boshqaruvi organlari, mahalliy ijro etuvchi hokimiyat organlari va boshqa tashkilotlarning tartibga solish taʼsirini baholash hamda korrupsiyaga qarshi ekspertizadan oʻtkazishga masʼul boʻlgan xodimlarining malakasini oshirish boʻyicha takliflar tayyorlaydi;
davlat organlari va tashkilotlari yuridik xizmat xodimlarining normativ-huquqiy hujjatlar va ularning loyihalarini korrupsiyaga qarshi ekspertizadan oʻtkazish faoliyatini baholaydi;
normativ-huquqiy hujjatlar va ular loyihalarini tartibga solish taʼsirini baholash hamda korrupsiyaga qarshi ekspertizadan oʻtkazish sohasidagi qoidabuzarliklarni bartaraf etish boʻyicha taʼsir choralarini koʻradi;
tartibga solish taʼsirini baholash hamda korrupsiyaga qarshi ekspertizadan oʻtkazish tizimining holati boʻyicha axborotni ommaviy axborot vositalarida eʼlon qiladi hamda Oʻzbekiston Respublikasi Prezidenti Administratsiyasi va Vazirlar Mahkamasiga kiritadi;
3) huquqiy axborotni tarqatish va undan foydalanishni taʼminlash sohasida:
davlat organlari va tashkilotlarining huquqiy axborotni tarqatish va undan foydalanishni taʼminlash sohasidagi faoliyatini muvofiqlashtiradi, uslubiy rahbarlikni va nazoratni amalga oshiradi;
normativ-huquqiy hujjatlar va tegishli axborot-tahliliy materiallarning barcha davlat organlari va tashkilotlariga oʻz vaqtida yetkazilishini taʼminlaydi;
huquqiy axborotni yigʻish, qayta ishlash va tahlil qilishning dasturiy-texnik vositalari va texnologiyalari joriy etilishini tashkil qiladi;
Oʻzbekiston Respublikasi qonunchilik hujjatlari maʼlumotlari milliy bazasini yaratish va saqlashni tashkil qiladi, yuridik va jismoniy shaxslarning undan foydalanishini belgilangan tartibda taʼminlaydi;
normativ-huquqiy hujjatlarni, shu jumladan normativ-huquqiy hujjatlarni eʼlon qilishning rasmiy manbai hisoblangan “Oʻzbekiston Respublikasi qonun hujjatlari toʻplami”, shuningdek Oʻzbekiston Respublikasi Tashqi ishlar vazirligi bilan birgalikda “Oʻzbekiston Respublikasi xalqaro shartnomalari toʻplami”ning rasmiy nashr etilishini tashkil etadi;
4) huquqiy targʻibotni amalga oshirish hamda davlat organlari va tashkilotlarining huquqiy targʻibot sohasidagi ishlarini muvofiqlashtirish sohasida:
huquqiy targʻibotni amalga oshirish hamda aholiga qonunchilik hujjatlarining mohiyati va ahamiyatini yetkazishni tashkil qiladi;
davlat organlari va tashkilotlarining huquqiy targʻibot sohasidagi ishlarini baholaydi;
davlat organlari va tashkilotlari tomonidan huquqiy targʻibot boʻyicha olib borilgan ishlarni oʻrganadi;
davlat organlari va tashkilotlarining huquqiy axborotdan keng koʻlamda foydalanishini taʼminlaydi, ularning fuqarolik jamiyati institutlari va ommaviy axborot vositalari bilan samarali hamkorlik qilish boʻyicha faoliyatini muvofiqlashtiradi;
qonunchilikning mohiyati va ahamiyati toʻgʻrisida xabardor qilishning sifatini tubdan oshirish, ushbu faoliyatni tashkil qilishda prinsipial yangi yondashuvlarni ishlab chiqish boʻyicha kompleks chora-tadbirlarni amalga oshiradi;
qonunchilikning mohiyati va ahamiyati toʻgʻrisida xabardor qilishning sifatini tubdan yaxshilash maqsadida keng jamoatchilik fikrini oʻrganadi va tahlil qiladi;
qonunchilik hujjatlari va topshiriqlar mazmun-mohiyatini oddiy va xalqchil tilda tushuntirish boʻyicha “Prezident qarorlari — hayotda va nazoratda” rukni ostida videoroliklar, infografikalar va boshqa koʻrgazmali materiallar tayyorlaydi hamda ularni televideniye va ijtimoiy tarmoqlarda yoritib boradi;
Oʻzbekiston Respublikasi Oliy Majlisining Senatiga huquqiy targʻibot holati haqida har yili axborot taqdim etadi;
5) davlat boshqaruvi organlari, xoʻjalik birlashmalari, mahalliy davlat hokimiyati organlari faoliyatida huquqni qoʻllash amaliyotini izchil va bir xilda taʼminlash boʻyicha choralarni amalga oshirish sohasida:
davlat organlari va tashkilotlari faoliyatida normativ-huquqiy hujjatlarni qoʻllash amaliyotini tahlil qiladi va oʻrganadi;
qonunchilik hujjatlari va huquqni qoʻllash faoliyati samaradorligi masalalari boʻyicha jamoatchilik fikrini oʻrganishni tashkil qiladi;
qonunchilik hujjatlarini qoʻllash amaliyotini umumlashtiradi va tegishli soha faoliyatida davlat siyosatining amalga oshirilishi holatini tahlil qiladi, uning asosida huquqni qoʻllash faoliyatini takomillashtirish boʻyicha choralarni ishlab chiqadi;
davlat boshqaruvi organlarining huquqiy monitoringni oʻtkazish sohasidagi faoliyatini muvofiqlashtiradi;
davlat boshqaruvi organlari tomonidan huquqiy monitoring oʻtkazilishini tahlil qiladi va ular tomonidan huquqiy monitoring oʻtkazish sifatini oshirish boʻyicha choralar koʻrish uchun tavsiyalar tayyorlaydi;
hududlarning huquq ustuvorligi indeksini aniqlashda ishtirok etuvchi masʼul idora va tashkilotlar faoliyatini muvofiqlashtiradi hamda hududlarning huquq ustuvorligi indeksini aniqlash “Nuquq ustuvorligi” avtomatlashtirilgan axborot tizimi operatori vazifasini bajaradi, indikatorlar boʻyicha koʻrsatkichlarni tahlil qiladi va ularning sabablarini oʻrganadi;
koʻchmas mulk obyektini buzib tashlash toʻgʻrisidagi qaror loyihasini koʻrib chiqadi va xulosa beradi;
davlat organlari va boshqa tashkilotlar tomonidan Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali berish tartibi toʻgʻrisida nizom talablariga soʻzsiz rioya etilishi boʻyicha tizimli nazorat va monitoringni amalga oshiradi;
6) fuqarolarning huquqlari, erkinliklari va qonuniy manfaatlarini huquqiy himoya qilish boʻyicha choralarni amalga oshirish sohasida:
davlat organlari va davlat ishtirokidagi tashkilotlar tomonidan inson huquqlari sohasidagi qonunchilik hujjatlariga rioya etilishi ustidan nazoratni amalga oshiradi;
inson huquqlari va erkinliklari buzilishi mumkin boʻlgan holatlar toʻgʻrisida axborot yigʻish va xalqaro shartnomalarda aks ettirilgan inson huquqlari va erkinliklari universal standart prinsiplarini hisobga olgan holda uni baholashni amalga oshiradi;
fuqarolarning davlat organlari va davlat ishtirokidagi tashkilotlarda buzilgan huquqlarini tiklash boʻyicha choralar koʻradi;
7) qonunchilik hujjatlari va topshiriqlarning oʻz vaqtida, toʻliq va sifatli amalga oshirilishini taʼminlash yuzasidan, shu jumladan Hisob palatasi bilan birgalikda sohalar, hududlar va idoralar kesimida manzilli va tematik tahliliy oʻrganishlarni olib borish va joylardagi holat monitoringini yuritish sohasida:
“ljro.gov.uz” tizimida qonunchilik hujjatlari va topshiriqlar oʻz vaqtida ijro etilishi ustidan nazorat olib boradi va “ljro.gov.uz” tizimini yuritadi;
“ljro.gov.uz” tizimiga nazoratga olinadigan topshiriqlarni kiritadi, mazkur topshiriqlardan kelib chiqqan holda masʼul ijrochilar va topshiriqni bajarish muddatlarini belgilaydi, ijrochilar tomonidan kiritilgan maʼlumotlar toʻliqligi va haqqoniyligini tekshiradi, shuningdek, qonunchilik hujjatlari va topshiriqlarda belgilangan ijro muddatlarini uzaytirish haqidagi takliflar asosliligini oʻrganadi;
qonunchilik hujjatlari va topshiriqlar ijrosi holati toʻgʻrisidagi maʼlumotni har oyda Oʻzbekiston Respublikasi Prezidenti Administratsiyasi va Vazirlar Mahkamasiga kiritib boradi;
qonunchilik hujjatlari va topshiriqlar ijrosi boʻyicha yillik manzilli va tematik tahliliy oʻrganishlar dasturi loyihasini ishlab chiqadi hamda tasdiqlash uchun Oʻzbekiston Respublikasi Prezidenti Administratsiyasi rahbariga kiritadi;
axborot kommunikatsiya texnologiyalari, shu jumladan, ijtimoiy tarmoqlar, messenjerlar, “ljro.gov.uz” tizimining mobil ilovasi va boshqa qayta aloqa vositalari orqali joylardagi qonunchilik hujjatlari va topshiriqlar ijrosi holatini tizimli monitoring qiladi;
fuqarolik jamiyati institutlari, ommaviy axborot vositalari va fuqarolarni jalb qilgan holda jamoatchilik monitoringi va eshituvlarini tashkil qiladi;
qonunchilik hujjatlari va topshiriqlar ijrosi holati yuzasidan manzilli va tematik oʻrganishlar oʻtkazadi va ularning natijalari boʻyicha har chorakda Oʻzbekiston Respublikasi Prezidenti Administratsiyasi va Vazirlar Mahkamasiga takliflar kiritadi;
davlat organlari va tashkilotlarining ochiqlik holatini manzilli va tematik oʻrganishlar, jamoatchilik monitoringi hamda jamoatchilik eshituvlari, shuningdek, vakolati doirasida boshqa vositalardan foydalangan holda tahlil qiladi;
davlat organlari va tashkilotlariga qonunchilik hujjatlari va topshiriqlar ijrosi yuzasidan huquqiy-uslubiy koʻmaklashishga moʻljallangan metodik qoʻllanmalar ishlab chiqadi hamda ularga ushbu sohada huquqiy-uslubiy jihatdan koʻmaklashadi;
8) davlat boshqaruvi tizimining samaradorligini ilgʻor xorijiy tajriba va zamonaviy rivojlanish tendensiyalari asosida tahlil va monitoring qilish sohasida:
davlat boshqaruvi tizimining samaradorligi va natijadorligini aniqlash maqsadida davlat organlari va tashkilotlarining faoliyatini kompleks va tizimli monitoring va tahlil qiladi;
davlat organlari va tashkilotlari vakolati va funksiyalarining toʻliq va sifatli amalga oshirilayotganligi hamda belgilangan maqsadlarga erishilayotganligini funksional tahlil qiladi;
tahlil va monitoring natijalariga koʻra davlat boshqaruvi tizimini, davlat organlari va tashkilotlarining tashkiliy-shtat tuzilmalarini va ishlash mexanizmlarini takomillashtirish, ularning bir birini takrorlovchi funksiyalarini, ortiqcha va xos boʻlmagan vazifalar, funksiyalar hamda vakolatlarni chiqarib tashlash hisobiga optimallashtirish va nomarkazlashtirish boʻyicha takliflar tayyorlaydi;
davlat organlari va tashkilotlari xodimlari faoliyatini baholash mezonlarini ishlab chiqishda ishtirok etadi;
manfaatdor vazirlik va idoralar bilan birgalikda har yili idoralararo kollegial organlar faoliyati samaradorligini tahlil qiladi va baholaydi hamda natijasi boʻyicha ularni kelgusida qisqartirish va optimallashtirish yuzasidan takliflar kiritadi;
idoralararo kollegial organlar reyestrini shakllantiradi va doimiy yangilab boradi;
9) Davlat organlari va tashkilotlarining yuridik xizmatlari faoliyatini muvofiqlashtirish, nazorat qilish va uslubiy koʻmaklashish, shuningdek, qonunchilik hujjatlarida belgilangan davlat organlari va tashkilotlariga yuridik xizmat koʻrsatilishini taʼminlash sohasida:
davlat organlari va tashkilotlarining yuridik xizmatlari faoliyatini muvofiqlashtirishni va nazoratini amalga oshiradi;
davlat organlari va tashkilotlarining yuridik xizmatlari faoliyatini, ular tomonidan amalga oshirilayotgan huquqiy ishlar holatini oʻrganadi;
davlat organlari va tashkilotlarining yuridik xizmatlari xodimlarini lavozimiga tayinlash va ozod qilishda ishtirok etadi;
davlat organlari va tashkilotlari yuridik xizmatlari xodimlarining malakasini oshirishni tashkil qiladi;
davlat organlari va tashkilotlarining yuridik xizmatlari xodimlarini attestatsiyadan oʻtkazish tartibini belgilaydi, attestatsiyadan oʻtganlik toʻgʻrisida guvohnoma beradi;
davlat organlari va tashkilotlari yuridik xizmatlari xodimlarining hisobini yuritadi;
davlat organlari va tashkilotlarining yuridik xizmati xodimi lavozimiga birinchi marta tayinlangan shaxslarning stajirovka oʻtashini tashkil etadi;
davlat organlari va tashkilotlarining yuridik xizmatlari faoliyatini uslubiy jihatdan taʼminlashni amalga oshiradi;
davlat organlari va tashkilotlari yuridik xizmatlarining maʼlumotlar bazasini shakllantirish va yuritish tartibini, maʼlumotlar bazasiga kiritish uchun maʼlumot taqdim etish shakllari va muddatlarini belgilaydi;
davlat organlari va tashkilotlarining yuridik xizmatlari xodimlarini lavozimiga tayinlash va ozod qilish masalasini adliya organlari bilan kelishish tartibini belgilaydi;
davlat organlari va tashkilotlari yuridik xizmatlari xodimlarining adliya organlarida stajirovka oʻtash tartibini belgilaydi;
davlat organlari va tashkilotlari yuridik xizmatlari xodimlarining ish joyini moddiy-texnik jihatdan taʼminlashga qoʻyilgan minimal talablarni ishlab chiqadi va tasdiqlaydi;
qonunchilik hujjatlarida koʻrsatilgan hollarda Davlat budjetidan moliyalashtiriladigan tuman (shahar) darajasidagi davlat organlari va tashkilotlariga zamonaviy axborot texnologiyalari yordamida markazlashgan holda sifatli yuridik xizmat koʻrsatilishini tashkil qiladi;
qonunchilik hujjatlarida belgilangan tartibda boshqa tashkilotlarga pullik asosda yuridik xizmat koʻrsatilishini tashkil qiladi;
10) notariat, advokatura hamda jismoniy va yuridik shaxslarga huquqiy xizmat koʻrsatuvchi boshqa tuzilmalarning samarali faoliyat koʻrsatishini taʼminlash sohasida:
notariat sohasida davlat siyosatini amalga oshiradi va yagona notarial amaliyotni taʼminlash boʻyicha choralar koʻradi;
notariuslar tomonidan notariat toʻgʻrisidagi qonunchilikka rioya etilishi ustidan nazoratni amalga oshiradi, ularning ishini tahlil qiladi va umumlashtiradi;
davlat notarial idorasi notariusini lavozimga tayinlash boʻyicha tanlov va xususiy notarial faoliyat bilan shugʻullanish huquqini berish boʻyicha malaka imtihonini oʻtkazish tartibini belgilaydi;
“Notarius” yagona avtomatlashtirilgan axborot tizimining shakllantirilishini va yuritilishini hamda uni vazirlik va idoralarning maʼlumotlar bazalari va axborot tizimlari bilan integratsiyalashni taʼminlaydi;
chet elda foydalanish uchun moʻljallangan hujjatlardagi notariuslar imzosining va ularning muhri koʻchirmasining haqiqiyligini tasdiqlaydi, notarial faoliyat bilan bogʻliq boʻlgan boshqa funksiyalarni bajaradi;
notarial ish yuritish qoidalarini, notariuslar tomonidan notarial harakatlarni amalga oshirish tartibi toʻgʻrisidagi yoʻriqnomalarni, notarial harakatlar, tasdiqlovchi yozuvlar va guvohnomalarni roʻyxatga olish reyestrlari shaklini, notarius stajyori faoliyatini tashkil etish tartibini tasdiqlaydi;
Oʻzbekiston Respublikasi Notarial palatasi (keyingi oʻrinlarda — Notarial palata) bilan kelishilgan holda notariuslar tomonidan statistik maʼlumotlarni taqdim etish shakllarini tasdiqlaydi va muddatlarini belgilaydi;
davlat notarial idoralarini tashkil etadi va tugatadi, notarius lavozimini taʼsis etadi va tugatadi, notariuslarning reyestrini yuritadi;
xususiy amaliyot bilan shugʻullanuvchi notariuslar faoliyatini litsenziyalaydi;
Notarial palata bilan birgalikda xususiy amaliyot bilan shugʻullanuvchi notariuslar tomonidan litsenziya talablari va shartlariga rioya etilishi ustidan nazoratni amalga oshiradi;
xususiy amaliyot bilan shugʻullanuvchi notariuslarni hisobga qoʻyish va hisobdan chiqarish tartibiga rioya qilinishi ustidan nazoratni amalga oshiradi;
notariuslar lavozimlarining eng kam sonini tasdiqlaydi va muayyan hududdagi (notarial okrugdagi) notariuslar lavozimlarining eng kam sonini belgilaydi;
notariuslar malakasini oshirish, ularni attestatsiyadan oʻtkazish va boshqa joyga oʻtkazish (rotatsiya) tartibini belgilaydi;
Vazirlik huzuridagi Oliy malaka komissiyasi va Qoraqalpogʻiston Respublikasi, viloyatlar va Toshkent shahar adliya boshqarmalari huzuridagi malaka komissiyalari toʻgʻrisidagi nizomlarni tasdiqlaydi;
Vazirlik huzuridagi Oliy malaka komissiyasining faoliyatini tashkil etadi;
notarial harakatlar boʻyicha statistikani yuritadi;
Notarial palata faoliyatiga koʻmaklashadi;
Oʻzbekiston Respublikasining xalqaro shartnomalariga muvofiq tegishli rasmiy hujjatlarga apostil qoʻyadi;
notarial idoralar, Oʻzbekiston Respublikasining chet davlatlardagi konsullik muassasalarini qatʼiy hisobdagi gerbli (maxsus) blanklar bilan taʼminlaydi;
notarial idoralarga beriladigan gerbli blanklarni hisobga olish, saqlash, sarflash va ular boʻyicha hisobot berish tartibini belgilaydi;
pullik xizmatlar va notariuslar tomonidan amalga oshiriladigan huquqiy va texnik xususiyatga ega qoʻshimcha harakatlar roʻyxatini, ushbu harakatlar amalga oshirilganligi va xizmatlar koʻrsatilganligi uchun, shuningdek idoraviy notarial arxivlar tomonidan yuridik va jismoniy shaxslarga notarial tasdiqlangan hujjatlarning dublikatlari, reyestrlardan koʻchirmalar, maʼlumotnomalarning va arxiv hujjatlarining koʻchirma nusxalari berilganligi uchun toʻlovlarning miqdorlarini tasdiqlaydi;
advokatlik tuzilmalari va Oʻzbekiston Respublikasi Advokatlar palatasi faoliyati kafolatlarini taʼminlashda koʻmaklashadi;
Oʻzbekiston Respublikasi Advokatlar palatasi bilan birgalikda malaka komissiyalari vakolatlari va faoliyatini tashkil etish tartibini belgilaydi;
Oʻzbekiston Respublikasi Advokatlar palatasi bilan birgalikda Oʻzbekiston Respublikasi Advokatlar palatasi huzuridagi Oliy malaka komissiyasi tarkibini tasdiqlaydi;
advokatlarga litsenziyalar berishni amalga oshiradi;
advokatlik tuzilmalarida ishlayotgan advokatlarning Yigʻma davlat reyestrini yuritadi;
advokatlar malakasini oshirishda koʻmaklashadi;
Oʻzbekiston Respublikasi Advokatlar palatasi bilan kelishilgan holda advokatlik tuzilmalarining statistik maʼlumotlarini taqdim qilish shakllarini tasdiqlaydi va muddatlarini belgilaydi;
advokatlik guvohnomasi shaklini va uni berish tartibini tasdiqlaydi;
advokat tomonidan ishni olib borishda order shaklini tasdiqlaydi;
advokatlar tomonidan litsenziya talablari va shartlariga rioya qilinishi ustidan nazoratni amalga oshiradi;
advokatura faoliyati toʻgʻrisidagi statistik maʼlumotlarni oʻrganadi;
Professional mediatorlar reyestrini yuritadi;
Yuridik maslahat xizmatlarini koʻrsatuvchi tijorat tashkilotlarining reyestrini yuritadi;
11) jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha choralarni ishlab chiqish va amalga oshirishda ishtirok etish sohasida:
advokatlik tuzilmalari va notarial idoralar uchun ichki nazorat qoidalarini belgilangan tartibda ishlab chiqadi va tasdiqlaydi, shuningdek ularga rioya etilishi ustidan monitoring va nazoratni amalga oshiradi;
advokatlik va notarial xizmatlar koʻrsatish, shuningdek nodavlat notijorat tashkilotlar faoliyati sohasida jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish yuzasidan ehtimol tutilgan tavakkalchiliklarni baholaydi, tahlil qiladi va oʻrganadi hamda aniqlangan tavakkalchiliklarni kamaytirishga doir choralar koʻradi;
tadbirkorlik subyektlari boʻlgan yuridik shaxslarni davlat roʻyxatidan oʻtkazish (qayta roʻyxatdan oʻtkazish) jarayonida ular tomonidan taqdim etilgan oʻzlarining benefitsiarlari toʻgʻrisidagi maʼlumotlar asosida yuridik shaxslarning benefitsiar mulkdorlari reyestrini shakllantiradi va yuritadi;
jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisidagi qonunchilik hujjatlari buzilganligi aniqlangan taqdirda, qonunchilik hujjatlariga muvofiq choralar qoʻllaydi;
12) nodavlat notijorat tashkilotlarning faoliyatini rivojlantirish sohasida davlat siyosatini amalga oshirish, ularning davlat organlari va tashkilotlari bilan oʻzaro hamkorligini tashkil qilishga koʻmaklashish sohasida:
nodavlat notijorat tashkilotlarni va ularning ramziy belgilarini davlat roʻyxatidan oʻtkazishni amalga oshiradi;
roʻyxatdan oʻtkazilgan nodavlat notijorat tashkilotlarning davlat reyestrini yuritadi;
nodavlat notijorat, shu jumladan diniy tashkilotlar tomonidan qonunchilik hujjatlariga, ustav faoliyatiga, taʼsis hujjatlariga, qayta roʻyxatdan oʻtkazish va tugatish tartibiga rioya etilishi ustidan nazoratni amalga oshiradi;
nodavlat notijorat, shu jumladan diniy tashkilotlar tomonidan qonunchilik hujjatlari, ustav faoliyati va taʼsis hujjatlari buzilishining oldini olish va bartaraf qilishga qaratilgan choralar koʻradi;
nodavlat notijorat, shu jumladan diniy tashkilotlarning chet el fuqarolari boʻlgan xodimlarini, shuningdek ularning qaramogʻida boʻlgan oila aʼzolarini akkreditatsiyadan oʻtkazadi;
nodavlat notijorat, shu jumladan diniy tashkilotlar tomonidan tashkil etilayotgan tadbirlar toʻgʻrisida kelib tushayotgan axborotlarni tahlil qiladi;
nodavlat notijorat, shu jumladan diniy tashkilotlarning chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirigʻiga binoan boshqa shaxslardan pul mablagʻlari va mol-mulk olishini kelishadi;
nodavlat notijorat, shu jumladan diniy tashkilotlarning faoliyati haqidagi hisobotlarni qabul qiladi va tahlil qiladi;
nodavlat notijorat tashkilotlar tomonidan qonunchilik hujjatlari buzilganda, ularning faoliyatini toʻxtatib qoʻyish yoki ularni tugatish toʻgʻrisida takliflar tayyorlaydi va sudga koʻrib chiqish uchun kiritadi;
siyosiy partiyalarning ustav faoliyatini moliyalashtirish uchun ajratilgan davlat mablagʻlarini ular oʻrtasida taqsimlaydi;
nodavlat notijorat, shu jumladan diniy tashkilotlarning faoliyati ustidan monitoring olib boradi;
chet davlatlardan, xalqaro va chet el tashkilotlaridan, chet el fuqarolaridan yoki ularning topshirigʻiga binoan boshqa shaxslardan pul mablagʻlari va mol-mulk olish tartibini belgilaydi, shuningdek nodavlat notijorat, shu jumladan diniy tashkilotlarning faoliyati haqidagi hisobotlarning, akkreditatsiya kartochkasining shakllarini tasdiqlaydi;
doimiy faoliyat koʻrsatuvchi hakamlik sudlari hisobini roʻyxatdan oʻtkazish va muvaqqat hakamlik sudlarini hisobga olishni amalga oshiradi;
13) maʼmuriy tartib-taomillar sohasida yagona davlat siyosatini amalga oshirish sohasida:
maʼmuriy tartib-taomillarni amalga oshiruvchi barcha maʼmuriy organlar tomonidan “Maʼmuriy tartib-taomillar toʻgʻrisida”gi Qonunga hamda maʼmuriy munosabatlarni tartibga soluvchi boshqa qonunchilikka rioya qilinishini oʻrganadi, nazorat va tahlil qiladi;
maʼmuriy tartib-taomillarni amalga oshiruvchi organlarning maʼmuriy-huquqiy faoliyatni tartibga soluvchi funksiyalarini xatlovdan oʻtkazib, vazifalari qonunchilikka muvofiq amalga oshirilishini monitoring qilib boradi;
biznes jarayonlarini qayta boshqarish usullaridan foydalangan holda barcha maʼmuriy tartib-taomillarni, shu jumladan davlat xizmatlarini optimallashtirish, unifikatsiyalashtirish, tartiblari, muddatlar va zarur hujjatlarini maksimal qisqartirish boʻyicha tizimli ishlarni amalga oshiradi;
maʼmuriy tartib-taomillarni amalga oshirishdagi huquqiy boʻshliqlarni bartaraf etish, shuningdek, sohada innovatsion va axborot-kommunikatsiya texnologiyalarini joriy qilish hamda idoralararo elektron hamkorlikni rivojlantirish choralarni amalga oshiradi;
maʼmuriy tartib-taomillar sohasida aniqlangan qonun buzilishlari, ularga imkon beruvchi sabablar va shart-sharoitlarni bartaraf etish boʻyicha tizimli choralar koʻrib boradi;
14) jismoniy va yuridik shaxslarga davlat xizmatlari koʻrsatish sohasida yagona davlat siyosatini amalga oshirish sohasida:
davlat xizmatlari koʻrsatish masalalari boʻyicha davlat boshqaruvi organlari va boshqa tashkilotlar shu jumladan, FXDYO organlari faoliyatini muvofiqlashtiradi va ularga metodik rahbarlik qiladi;
davlat xizmatlari markazlari, ularning filiallari va FHDY organlari faoliyatiga umumiy rahbarlik qiladi;
yuridik shaxslarni, shuningdek, jismoniy shaxslarni tadbirkorlik subyekti sifatida davlat roʻyxatiga olishni tashkil etadi;
moliya-xoʻjalik faoliyatini amalga oshirmayotgan tashkilotlarni tugatishda qonunchilikka rioya qilinishini taʼminlaydi, tashkilotlarni tugatishda vakolatli organlar va tashkilotlarning faoliyati ustidan nazorat olib boradi;
15) ortiqcha maʼmuriy tartib-taomillarni bartaraf etish hisobiga davlat xizmatlari koʻrsatish tartibini takomillashtirish, shuningdek, idoralararo elektron hamkorlikni rivojlantirish sohasida:
davlat organlari va boshqa tashkilotlar faoliyati samaradorligini, tezkorligini va shaffofligini, ularning masʼuliyati va ijro intizomi kuchaytirilishini, aholi va tadbirkorlik subyektlari bilan qayta aloqani taʼminlash boʻyicha qoʻshimcha mexanizmlar yaratilishini taʼminlaydi;
idoralararo axborot almashuvi infratuzilmasidan foydalangan holda davlat organlari va boshqa tashkilotlar oʻrtasida elektron hujjat aylanishi tartibini joriy qiladi va takomillashtiradi;
davlat organlari, boshqa tashkilotlar va Oʻzbekiston Respublikasi Yagona interaktiv davlat xizmatlari portali oʻrtasida axborot almashish faoliyatini tashkil etishga koʻmaklashadi va muvofiqlashtiradi;
koʻrsatilayotgan davlat xizmatlari sifatini yaxshilash maqsadida aholi va tadbirkorlik subyektlari oʻrtasida tizimli ravishda soʻrovnomalar oʻtkazadi;
Davlat xizmatlarining yagona reyestrini shakllantiradi, shuningdek, uning lozim darajadagi (dolzarb) holatini taʼminlaydi;
16) davlat xizmatlari koʻrsatish sohasida, shu jumladan tegishli axborot tizimlari, resurslar va maʼlumotlar bazalarini joriy etish boʻyicha davlat organlari va boshqa tashkilotlar faoliyatini nazorat qilish va samaradorligini baholash sohasida:
davlat xizmatlari koʻrsatish sohasida, shu jumladan tegishli axborot tizimlari, resurslar va maʼlumotlar bazalarini joriy etish boʻyicha davlat organlari va boshqa tashkilotlar faoliyatini monitoring, nazorat va tahlil qiladi;
davlat xizmatlari koʻrsatuvchi davlat organlari va boshqa tashkilotlar faoliyatida qonunchilik hujjatlari va maʼmuriy reglamentlar talablariga rioya etilishi nuqtai nazaridan tekshirishlarni amalga oshiradi;
davlat xizmatlari koʻrsatish sohasidagi qonunchilik hujjatlarini buzganlik uchun davlat organlari va boshqa tashkilotlar, shu jumladan xoʻjalik birlashmalari, uy-joy kommunal va foydalanish xoʻjaligi tashkilotlari mansabdor shaxslariga nisbatan maʼmuriy jazo qoʻllaydi;
davlat organlari va boshqa tashkilotlarning davlat xizmatlari koʻrsatishga oid faoliyati, ushbu sohadagi qonun buzilishlari va ularga yoʻl qoʻygan aybdor shaxslar, mavjud kamchiliklar va ularni bartaraf etish yuzasidan takliflarni oʻz ichiga olgan maʼlumotlarni Oʻzbekiston Respublikasi Prezidenti Administratsiyasiga hamda Vazirlar Mahkamasiga taqdim etish uchun bir yilda ikki marta batafsil axborot tayyorlaydi;
davlat xizmatlari koʻrsatishda jismoniy va yuridik shaxslarga malakali axborot va maslahat yordami beradi;
17) intellektual mulk sohasida yagona davlat siyosatini olib borish hamda ixtirolar, tovar belgilari, mualliflik huquqi va boshqa intellektual mulk obyektlariga boʻlgan huquqlarni himoya qilish sohasida:
intellektual mulk sohasini rivojlantirish boʻyicha asosiy yoʻnalishlarni ishlab chiqadi;
intellektual mulk obyektlarining huquqiy himoya qilinishini taʼminlash boʻyicha, shu jumladan kontrafakt mahsulotlarni ishlab chiqarish, realizatsiya qilishga qarshi kurashishda vakolatli davlat organlariga koʻmaklashish orqali taʼsirchan choralar koʻradi;
intellektual mulk sohasidagi huquqni qoʻllash amaliyotini izchil va bir xilda taʼminlash boʻyicha chora-tadbirlarni amalga oshiradi;
davlat organlari va boshqa tashkilotlar faoliyatida intellektual mulk sohasidagi normativ-huquqiy hujjatlarga rioya qilinishi va qoʻllanilishi amaliyotini oʻrganadi va tahlil qiladi;
mualliflik huquqi va turdosh huquqlar toʻgʻrisidagi qonun buzilishi holatlari toʻgʻrisida belgilangan tartibda xulosa beradi;
intellektual mulk sohasidagi normativ-huquqiy hujjatlarni notoʻgʻri va ziddiyatli qoʻllash amaliyotini oʻrganadi, ushbu sohada huquqbuzarliklarni bartaraf etishga doir amaliy choralar koʻradi, shuningdek, mazkur masalalardagi jismoniy va yuridik shaxslarning murojaatlarini koʻrib chiqadi;
xorijiy patent idoralari, xalqaro, mintaqaviy va xorijiy tashkilotlar bilan patent hujjatlari va patent-huquqiy adabiyotlarning xalqaro almashinuvini amalga oshiradi;
qonunchilikka muvofiq intellektual mulk obyektlarini huquqiy muhofaza qilish va ularga boʻlgan huquqlarni himoya qilish masalalari boʻyicha jismoniy va yuridik shaxslarning murojaatlarini koʻrib chiqadi;
intellektual mulk obyektlarining huquqiy muhofazasi va himoyasi sohasida manfaatdor shaxslarga uslubiy yordam koʻrsatadi;
intellektual mulk sohasining rivojlanish holatini, jumladan, ushbu sohadagi xalqaro reytinglar va indekslar metodologiyasi va mezonlarini hisobga olgan holda har tomonlama tahlil qiladi va baholaydi;
intellektual mulk obyektlarining ishonchli huquqiy muhofazasi va himoyasini taʼminlash sohasida Oʻzbekiston Respublikasi qabul qilgan xalqaro majburiyatlar bajarilishining monitoringini oʻtkazadi;
18) ixtirolar, foydali modellar, sanoat namunalari, tovar belgilari va boshqa intellektual mulk obyektlarini huquqiy muhofaza qilish sohasida:
ixtirolar, foydali modellar, sanoat namunalari, tovar belgilari, xizmat koʻrsatish belgilari, geografik koʻrsatkichlar, tovar kelib chiqqan joy nomlari va integral mikrosxemalar topologiyalarini davlat ekspertizasidan oʻtkazish, talabnoma topshirilgan obyektlarning ustuvorligini belgilash, seleksiya yutuqlarining rasmiy ekspertizasini oʻtkazish hamda EHM uchun dasturlar, maʼlumotlar bazalarini tekshirish ishlarini tashkillashtiradi;
ixtirolar, foydali modellar, sanoat namunalarini davlat roʻyxatidan oʻtkazishni, seleksiya yutuqlari, tovar belgilari, xizmat koʻrsatish belgilari, geografik koʻrsatkichlar, tovar kelib chiqqan joy nomlarini roʻyxatdan oʻtkazishni, EHM uchun dasturlarni, maʼlumotlar bazalarini rasmiy roʻyxatdan oʻtkazishni hamda integral mikrosxemalar topologiyalarini roʻyxatdan oʻtkazishni amalga oshiradi, muhofaza hujjatlarini beradi, Oʻzbekiston Respublikasida hammaga maʼlum tovar belgilari roʻyxatini va tegishli reyestrlarni yuritadi;
muhofaza va boshqa zarur hujjatlarning yagona shakllarini belgilaydi;
depozitariyda saqlanayotgan intellektual mulk obyektlarining ochiqligi va ulardan erkin foydalanishni taʼminlovchi depozitariy funksiyasini bajarilishini, shu jumladan depozitariyga zarur boʻlgan nusxani depozitariy bilan shartnoma asosida olish uchun murojaat qilgan har qanday shaxsga imkoniyat yaratilishini taʼminlaydi;
intellektual mulk obyektlaridan foydalanishga huquqlar berish toʻgʻrisidagi litsenziya shartnomalarini, shuningdek, ularni toʻliq yoki qisman berish toʻgʻrisidagi shartnomalarni roʻyxatdan oʻtkazadi va tegishli reyestrlarni yuritadi;
intellektual mulkning rasmiy roʻyxatdan oʻtkazilgan obyektlari toʻgʻrisidagi maʼlumotlar bazasini shakllantiradi, ularning saqlanishi va foydalanilishi uchun shart-sharoitlarni taʼminlaydi;
Davlat patent fondini jamlash ishlarini tashkil etishni va amalga oshirishni, undan iqtisodiyotning real sektoridagi xoʻjalik yurituvchi subyektlar, ilmiy tashkilotlar, olimlar va mutaxassislar tomonidan samarali foydalanilishi uchun uning saqlanishi va qulayligini taʼminlaydi;
intellektual mulk sohasidagi axborotnomalarni va boshqa rasmiy nashrlarini, shuningdek, intellektual mulk obyektlarini huquqiy muhofaza va himoya qilish masalalari boʻyicha boshqa maʼlumotlar va materiallarni chop etishni tashkil qiladi hamda amalga oshiradi;
patent vakillarini attestatsiyadan va roʻyxatdan oʻtkazadi, patent vakillarining davlat reyestrini yuritadi;
Oʻzbekiston Respublikasining xalqaro mavqeyini, jumladan, jahon hamjamiyatiga mamlakatda intellektual mulk sohasida amalga oshirilayotgan islohotlar toʻgʻrisida xolisona axborot yetkazish orqali mustahkamlash, obzorli, maʼlumotnoma va boshqa materiallarni tayyorlash choralarini koʻradi;
19) yuridik kadrlarni tayyorlash, qayta tayyorlash va malakasini oshirishni tashkil etish, yurisprudensiya sohasidagi fundamental va amaliy tadqiqotlarni amalga oshirishni taʼminlash sohasida:
huquqiy taʼlimning holatini tahlil qiladi, uni yaxshilash boʻyicha takliflar ishlab chiqadi;
professional va oliy taʼlim tashkilotlarining oʻquvchilari va talabalari uchun yuridik darsliklar, oʻquv qoʻllanmalari, shuningdek, boshqa yuridik adabiyotlar nashr etish rejalarini ishlab chiqadi va nashr etilishini tashkil etadi;
davlat organlari va boshqa tashkilotlarning yuridik kadrlarga boʻlgan ehtiyojini aniqlaydi, ularni Vazirlik tizimidagi taʼlim muassasalarida tayyorlash ishlarini tashkil etadi va rahbarlik qiladi;
yuridik kadrlarni tayyorlash, qayta tayyorlash va malakasini oshirishni tashkil etadi;
kadrlar zaxirasini yaratadi, ularni tayyorlash, qayta tayyorlash va stajirovkadan oʻtishini tashkil etadi, adliya organlari va muassasalariga kadrlar tanlovini amalga oshiradi va ularni joy-joyiga qoʻyishda qatnashadi;
huquqiy fanlarni rivojlantirish choralarini koʻradi, davlat va jamiyat qurilishi, sud-huquq tizimi, mamlakatda huquq ijodkorligi, huquqni qoʻllash, huquqni muhofaza qilish faoliyati sohalarida fundamental va amaliy tadqiqotlarning amalga oshirilishini muvofiqlashtiradi;
huquq sohasidagi taʼlim ishlarining uslubiy jihatdan taʼminlanishini tashkil etadi;
20) sud-ekspertlik faoliyatini rivojlantirishning ustuvor yoʻnalishlarini ishlab chiqish, sud ekspertlarini tayyorlash va malakasini oshirish ishlarini muvofiqlashtirish sohasida:
sud ekspertizasi sohasida ilmiy-tadqiqot va ekspertlik ishlarini tashkil etadi;
Oʻzbekiston Respublikasi davlat sud-ekspertlik muassasalari faoliyatini muvofiqlashtiradi va ularga ilmiy-uslubiy rahbarlikni amalga oshiradi;
sud-ekspertlik faoliyatini yanada rivojlantirishning ustuvor yoʻnalishlarini ishlab chiqadi, sud ekspertlarini tayyorlash va malakasini oshirish sohasidagi ishlarni muvofiqlashtiradi;
sud-ekspertlik faoliyatiga fan va texnika yutuqlarini joriy etish boʻyicha choralarni koʻradi;
nodavlat sud-ekspertiza tashkilotlari sud ekspertlari tomonidan oʻtkaziladigan sud ekspertizalarining murakkablik darajasini aniqlash, sud ekspertizalarining murakkablik darajasiga qarab ularni amalga oshirish muddatlarini hisoblash tartibini, sud ekspertlari yuklamalarining normativlarini belgilaydi va nazoratini olib boradi;
nodavlat sud-ekspertiza tashkilotlari, ularning sud ekspertlari va sud-ekspertlik tadqiqotlari uslublarining davlat reyestrlarini yuritadi;
nodavlat sud-ekspertiza tashkilotlari tomonidan oʻtkaziladigan har bir sud ekspertizasi turlari boʻyicha moddiy-texnika bazasining jihozlanishiga qoʻyiladigan minimal talablarni tasdiqlaydi;
nodavlat sud ekspertlarini attestatsiyadan oʻtkazadi hamda sud eksperti kasb etikasi qoidalarini belgilaydi va ularga rioya etilishi yuzasidan nazorat olib boradi;
21) siyosiy-huquqiy sohaga oid xalqaro reyting va indekslarda Oʻzbekiston Respublikasining oʻrnini oshirish boʻyicha tizimli va izchil choralar koʻrish sohasida:
siyosiy-huquqiy sohaga oid xalqaro reyting va indekslarda Oʻzbekiston Respublikasiga berilgan baholarni tahlil qiladi;
davlat organlari va tashkilotlari, tadqiqot institutlari tomonidan siyosiy-huquqiy sohaga oid xalqaro reyting va indekslarda Oʻzbekiston Respublikasiga berilgan baholarga sabab boʻlgan omillar va muammolarning kompleks oʻrganilishini va ularni bartaraf etish boʻyicha takliflar ishlab chiqilishini muvofiqlashtiradi, uslubiy rahbarlik va monitoringni amalga oshiradi;
siyosiy-huquqiy sohaga oid xalqaro reyting va indekslar doirasida baholanadigan yoʻnalishlarda islohotlarni amalga oshirishni koʻzda tutuvchi normativ-huquqiy hujjatlarni reyting va indekslar metodologiyasidan kelib chiqib, Oʻzbekiston Respublikasining ulardagi oʻrniga ehtimoliy taʼsiri nuqtai nazaridan baholaydi;
davlat organlari va tashkilotlarining siyosiy-huquqiy sohaga oid xalqaro reyting va indekslarni tuzuvchi xalqaro va xorijiy tashkilotlarni Oʻzbekistonda tegishli sohalarda amalga oshirilgan islohotlar va ularning natijalari haqida axborotlardan xabardor qilish sohasidagi faoliyatini muvofiqlashtiradi, uslubiy rahbarlik va monitoringni amalga oshiradi;
22) xalqaro-huquqiy hamkorlikni yoʻlga qoʻyish va mustahkamlash, xalqaro shartnomalarni huquqiy ekspertizadan oʻtkazish sohasida:
Oʻzbekiston Respublikasining xalqaro shartnomalarini tuzish boʻyicha takliflarni kelishadi, Oʻzbekiston Respublikasining xalqaro shartnomalarini tayyorlash va ijro etishda ishtirok etadi;
xalqaro shartnomalar loyihalarini huquqiy ekspertizadan oʻtkazadi;
Oʻzbekiston Respublikasining huquqiy yordam koʻrsatish toʻgʻrisidagi xalqaro shartnomalarini tayyorlash, tuzish va bajarish haqida takliflar taqdim etadi;
xorijdan mablagʻ jalb qilish shartnomalari va Oʻzbekiston Respublikasi davlat kafolatlari boʻyicha belgilangan tartibda yuridik xulosalar beradi;
23) xalqaro va xorijiy tashkilotlarda Oʻzbekiston Respublikasi manfaatlarining huquqiy himoyasini taʼminlash, xalqaro hamjamiyat, xorijiy investorlarni milliy huquq tizimi va oʻtkazilayotgan huquqiy islohotlar haqida oʻz vaqtida xabardor qilish sohasida:
xalqaro va xorijiy tashkilotlarda Oʻzbekiston Respublikasi manfaatlarining huquqiy himoyasini taʼminlaydi;
xalqaro arbitraj va sud muhokamalari masalalari boʻyicha xalqaro va xorijiy tashkilotlarda Oʻzbekiston Respublikasi manfaatlarining huquqiy himoyasini taʼminlashda Tashqi ishlar vazirligi hamda boshqa davlat organlari va tashkilotlari bilan idoralararo hamkorlikni amalga oshiradi;
xorijiy davlatlar sudlarida va xalqaro arbitrajlarda tomonlardan biri Oʻzbekiston Respublikasi boʻlgan nizolar koʻrib chiqilayotganda Oʻzbekiston Respublikasi manfaatlarini himoya qiladi;
Oʻzbekiston Respublikasi ishtirokidagi sud va arbitraj muhokamalari bilan bogʻliq tegishli materiallarni yigʻishni hamda tizimli tahlilini tashkillashtirishni amalga oshiradi;
xorijiy davlatlar sudlari va xalqaro arbitrajlarda Oʻzbekiston Respublikasi manfaatlarini ifodalash maqsadida xorijiy va milliy advokatlik (yuridik) firmalari, maslahatchi va ekspertlarni jalb qiladi hamda faoliyatini muvofiqlashtiradi;
aniq bir arbitraj muhokamasi doirasida tashkil etiladigan ishchi guruhlarning ishchi organi funksiyalarini amalga oshiradi;
xorijiy davlatlar sudlari va xalqaro arbitrajlar muhokamalari masalalari boʻyicha maʼlumotlar bazasini shakllantiradi va yuritadi;
Oʻzbekiston Respublikasi Prezidenti va eks-Prezidentining huquqlari va qonuniy manfaatlarini huquqiy, shu jumladan sudda himoya qilishni amalga oshiradi;
mamlakatda amalga oshirilayotgan huquqiy islohotlar, eng avvalo inson huquqlari va erkinliklarini himoya qilish masalalari boʻyicha, shu jumladan ishonchsiz maʼlumotlarni inkor qilish maqsadida xolis axborotni xalqaro hamjamiyatga va jamoatchilikka yetkazishni taʼminlaydi;
vakolatli organlar ishtirokida Oʻzbekiston Respublikasi fuqarolarining huquqlari va erkinliklari buzilishi, shu jumladan xalqaro tashkilotlardan kelib tushgan qiynoqqa solish va boshqa shafqatsiz inson qadr-qimmatini kamsituvchi muomala turlari qoʻllanilishiga doir murojaatlarni koʻrib chiqadi.
Oʻzbekiston Respublikasi adliya vaziri (keyingi oʻrinlarda — Vazir) har yili Oʻzbekiston Respublikasi Oliy Majlisi Senatiga davlat organlari va tashkilotlarining huquq ijodkorligi faoliyati va huquqni qoʻllash amaliyoti holati toʻgʻrisida axborot kiritadi.
Vazirlik qonunchilik hujjatlarida belgilangan boshqa funksiyalarni ham amalga oshirishi mumkin.
4-bob. Vazirlikning vakolatlari va javobgarligi
11. Vazirlik oʻziga yuklatilgan vazifalar va funksiyalarni amalga oshirish uchun quyidagi vakolatlarga egadir:
1) oʻz vakolati doirasida davlat organlari va tashkilotlari, jismoniy va yuridik shaxslar uchun majburiy boʻlgan, shu jumladan boshqa davlat organlari bilan birgalikda normativ-huquqiy hujjatlarni qabul qilish;
2) Oʻzbekiston Respublikasi Prezidenti, Vazirlar Mahkamasi va boshqa davlat organlari koʻrib chiqishi uchun qonunchilikni va huquqni qoʻllash amaliyotini takomillashtirish masalalari hamda oʻziga yuklatilgan vazifa va funksiyalar boʻyicha takliflar kiritish;
3) davlat organlari va boshqa tashkilotlar tomonidan norma ijodkorligi sohasida, Maʼmuriy islohotlar konsepsiyasi doirasida, shuningdek, huquqni qoʻllash amaliyoti va maʼmuriy tartib-taomillar bilan bogʻliq vazifalar ijro qilinmagan taqdirda ularning mansabdor shaxslarini javobgarlikka tortish boʻyicha Oʻzbekiston Respublikasi Prezidenti Administratsiyasi va Vazirlar Mahkamasiga takliflar kiritish;
4) davlat organlari va boshqa tashkilotlarda:
norma ijodkorligi faoliyati, huquqiy ishlar, yuridik xizmatlar faoliyati, normativ-huquqiy hujjatlarni eʼlon qilish va manfaatdor shaxslar eʼtiboriga yetkazish holatini;
huquqni qoʻllash amaliyoti, fuqarolar huquqlarini taʼminlash boʻyicha qonunchilik ijrosi, davlat xizmatlarini koʻrsatishning belgilangan tartibiga rioya etish holatini, shu jumladan joylarga chiqqan holda tekshirish;
5) nodavlat notijorat tashkilotlar tomonidan qonunchilik hujjatlari va taʼsis hujjatlariga rioya qilinishi, shuningdek, ularga ajratilgan mablagʻlardan maqsadli foydalanishini tekshirish;
6) vazirliklar, davlat qoʻmitalari, idoralar, huquqni muhofaza qiluvchi va nazorat organlari, mahalliy davlat hokimiyati organlari va boshqa tashkilotlarga bajarilishi majburiy boʻlgan:
ushbu organlarning norma ijodkorligi faoliyati ustidan monitoring olib borish jarayonida aniqlangan qonunbuzarliklarni, tizimli muammo va kamchiliklarni bartaraf etish toʻgʻrisida;
davlat roʻyxatidan oʻtmagan normativ-huquqiy tusga ega boʻlgan hujjatlarni bekor qilish va ijrodan chaqirib olish toʻgʻrisida;
qonunchilikka muvofiq boʻlmagan normativ-huquqiy hujjatlarni bekor qilish, toʻxtatib turish (toʻliq yoki qisman) yoxud ularni qonunchilik hujjatlariga muvofiqlashtirish toʻgʻrisida;
ishlab chiqish muddatini koʻrsatgan holda normativ-huquqiy hujjatlarni qabul qilish, ular tomonidan qabul qilingan normativ-huquqiy hujjatlarga rasmiy sharh berish zarurligi toʻgʻrisida;
aniqlangan normativ-huquqiy hujjatlarni notoʻgʻri yoki ziddiyatli tarzda qoʻllash amaliyoti, qonunchilik hujjatlari talablari buzilishi, ularga imkon beruvchi sabablar va shart-sharoitlarni bartaraf etish, shu jumladan aybdor shaxslarni intizomiy javobgarlikka tortish haqida;
normativ-huquqiy hujjatlar va ular loyihalarini tartibga solish taʼsirini baholash va korrupsiyaga qarshi ekspertizadan oʻtkazish sohasida aniqlangan qoidabuzarliklarni, ularga imkon beruvchi sabablar va shart-sharoitlarni, shuningdek, korrupsiyaviy omillar va normalarni bartaraf etish toʻgʻrisida;
qonunlar, Oʻzbekiston Respublikasi Prezidentining farmon, qaror, farmoyish va topshiriqlari ijrosini taʼminlash hamda “ljro.gov.uz” tizimiga zarur maʼlumotlarni oʻz vaqtida va toʻgʻri kiritish toʻgʻrisida taqdimnomalar kiritish;
7) nodavlat notijorat tashkilotlar faoliyatida aniqlangan qonunchilik va taʼsis hujjatlari buzilishlarini bartaraf etish toʻgʻrisida nodavlat notijorat, shu jumladan diniy tashkilotlariga, advokatlik tuzilmalariga bajarilishi majburiy boʻlgan taqdimnomalar kiritish;
8) qonunchilik hujjatlari buzilishiga yoʻl qoʻymaslik haqida mansabdor shaxslarni yozma ravishda ogohlantirish;
9) fuqarolarning qonuniy huquq va erkinliklari, yuridik xizmatlar faoliyati sohasida qonunchilik buzilishi holatlari aniqlaganda hamda adliya organlarining qonuniy talablari bajarilmaganda, aybdor mansabdor shaxslarni javobgarlikka tortish toʻgʻrisida tegishli davlat organlari va boshqa tashkilotlarga takliflar kiritish;
10) davlat, yuridik va jismoniy shaxslar, shuningdek, adliya organlari va muassasalari manfaatlarini koʻzlab sudlarga davlat boji toʻlamasdan arizalar va daʼvolarni kiritish;
11) Vazirlikka yuklangan vazifalar va funksiyalarni bajarish uchun zarur boʻlgan hujjatlar va axborotlarni, shu jumladan normativ-huquqiy hujjatlarni qoʻllash amaliyoti toʻgʻrisida zarur statistik maʼlumotlarni, tahliliy materiallarni, hujjatlarni, boshqa axborotlarni, qarorlar va boshqa hujjatlarni, maʼlumotlarni davlat organlari va boshqa tashkilotlardan bepul tarzda soʻrash va olish;
12) nodavlat notijorat, shu jumladan diniy tashkilotlardan axborot, hujjatlar va maʼlumotlar, shuningdek, ularning rahbarlari va masʼul shaxslaridan tushuntirishlarni talab qilish va olish;
13) tekshirish oʻtkazish, jismoniy va yuridik shaxslarning murojaatlarini oʻrganish, shuningdek Vazirlik vakolatiga kiruvchi masalalar boʻyicha axborot-tahliliy materiallarni tayyorlash uchun vazirliklar, davlat qoʻmitalari, idoralar, ilmiy va taʼlim muassasalari va boshqa tashkilotlar vakillarini chaqirish va jalb etish;
14) tekshirish va tahlil davomida aniqlangan holatlarga aniqlik kiritish maqsadida davlat organlari va boshqa tashkilotlarning mansabdor shaxslari hamda xodimlarini, shuningdek intellektual mulk masalalari boʻyicha jismoniy shaxslarni chaqirish, qonunchilik hujjatlarining buzilishi holatlari yuzasidan ogʻzaki va yozma tushuntirishlar talab qilish;
15) davlatga tegishli Vazirlikning va unga idoraviy mansub tuzilmalarning mol-mulkini oʻzining tashkiliy tuzilmasi doirasida bepul foydalanish huquqi bilan bir tarkibiy tuzilmadan boshqa tuzilmaga belgilangan tartibda oʻtkazish;
16) Vazirlik va unga idoraviy mansub tashkilotlar xodimlari tomonidan oʻz sohasida ular faoliyatining asosiy koʻrsatkichlari boʻyicha parametrlar bajarilishini hisobga olgan holda ularni moddiy ragʻbatlantirish tartibi, miqdorlari va shartlarini belgilash;
17) budjetdan tashqari mablagʻlarni hamda adliya organlari va muassasalarining depozit hisobvaraqlarida joylashgan mablagʻlarni Oʻzbekiston Respublikasi tijorat banklarining depozit raqamlarida milliy va chet el valyutasida joylashtirish. Bunda, mablagʻlarni joylashtirishdan olingan daromad adliya organlari va muassasalarining budjetdan tashqari hisobvaraqlariga ushbu daromadlar moddiy-texnik bazani rivojlantirishga va xodimlarni moddiy ragʻbatlantirish hamda qonunchilik hujjatlarida nazarda tutilgan boshqa maqsadlarga yoʻnaltirilgan holda oʻtkaziladi;
18) Vazirlik vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;
19) Vazirlik vakolatiga tegishli boʻlgan masalalar boʻyicha xalqaro darajada Oʻzbekiston Respublikasi manfaatlarini belgilangan tartibda ifodalash;
20) qonunlar, Oʻzbekiston Respublikasi Prezidenti hujjatlari va Vazirlar Mahkamasi qarorlariga zid boʻlgan idoraviy normativ-huquqiy hujjatlarni belgilangan tartibda davlat reyestridan chiqarish;
21) jismoniy va yuridik shaxslarning oʻz huquqlari, erkinliklari va qonuniy manfaatlari buzilganligi toʻgʻrisida murojaatlarni koʻrib chiqish;
22) Vazirlik vakolatiga kiruvchi masalalarni koʻrib chiqishda davlat organlari va tashkilotlarining hayʼat majlislarida ishtirok etish;
23) xorijiy davlatlarning sudlari va xalqaro arbitrajlarda Oʻzbekiston Respublikasining huquqlari va qonuniy manfaatlariga daxldor huquqiy nizolar boʻyicha daʼvogar va javobgarning vakili sifatida ishtirok etish;
24) advokatlar malaka komissiyalariga advokatlarni intizomiy javobgarlikka tortish masalasini kiritish;
25) advokatlar va xususiy amaliyot bilan shugʻullanuvchi notariuslarga berilgan litsenziyalarning amal qilishini toʻxtatib turish va tugatish;
26) yuridik xizmat xodimining attestatsiyadan oʻtganligi toʻgʻrisidagi guvohnomaning amal qilishini tugatish;
27) nodavlat notijorat tashkilotlar tomonidan oʻtkaziladigan tadbirlarda (konferensiyalar, seminarlar, treninglar, yigʻilishlar, aksiyalar va shu kabilarda) ishtirok etish;
28) nodavlat notijorat, shu jumladan diniy tashkilotlar tomonidan rejalashtirilgan tadbirlarni oʻtkazilishini taqiqlash yuzasidan qaror qabul qilish;
29) siyosiy partiyalarning ustavlarida nazarda tutilgan faoliyatini davlat tomonidan moliyalashtirishni toʻxtatib turish yoki tugatish toʻgʻrisida qaror qabul qilish;
30) nodavlat notijorat tashkilotlarning chet el fuqarolari boʻlgan xodimlarini, shuningdek, ularning qaramogʻidagi oila aʼzolarini, ular tomonidan Oʻzbekiston Respublikasining qonunchiligi buzilgan hollarda akkreditatsiyadan mahrum qilish;
31) oʻz vazifa va funksiyalari doirasida xalqaro hamkorlikni amalga oshirish, xorijiy davlatlar organlari, xalqaro va xorijiy tashkilotlar bilan toʻgʻridan-toʻgʻri aloqalar oʻrnatish va hamkorlik olib borish, xalqaro shartnomalarni tuzish yuzasidan takliflar kiritish;
32) adliya organlari va muassasalari faoliyatini taʼminlash uchun zarur boʻlgan tegishli tuzilmalar tashkil etish, ularni qayta tashkil etish va tugatish, shuningdek, ularning ustavlari (nizomlari)ni tasdiqlash;
33) davlat siri va qonun bilan qoʻriqlanadigan boshqa sirga rioya qilish sharti bilan tekshirishni oʻtkazish uchun zarur boʻlgan hujjatlar va materiallar bilan tanishish, davlat organlarining elektron bazalaridan (banklaridan) foydalanish uchun xizmat guvohnomasini koʻrsatgan holda davlat organlari va boshqa tashkilotlarning hududlariga va binolariga kirish;
34) oʻz vakolati doirasida maʼmuriy javobgarlikni keltirib chiqaradigan holatlar yuzasidan maʼmuriy huquqbuzarliklar toʻgʻrisida bayonnomalar tuzish;
35) davlat boshqaruvi organlari tomonidan oʻtkaziladigan qonunchilik hujjatlarining huquqiy monitoringida ishtirok etish.
36) Oʻzbekiston Respublikasi Prezidenti, Vazirlar Mahkamasining topshiriqlari boʻyicha hamda oʻz tashabbusiga koʻra normativ-huquqiy hujjatlar loyihalarini ishlab chiqish va ularni koʻrib chiqish uchun belgilangan tartibda kiritish;
37) normativ-huquqiy hujjatlarni qoʻllash masalalari yuzasidan oʻz xulosasini berish;
38) davlat organlari va tashkilotlariga normativ-huquqiy hujjatlarni qoʻllash masalalari yuzasidan tavsiyalar va tushuntirishlar berish hamda koʻrsatmalar kiritish;
39) aniqlangan normativ-huquqiy hujjatlar talablari buzilishlarini, ularning sodir etilishiga imkon beruvchi sabab va shart-sharoitlarni bartaraf etish boʻyicha choralar koʻrish uchun umumlashtirish materiallarini davlat organlari va tashkilotlariga yuborish;
40) oʻz vazifa va funksiyalari doirasida davlat organlari va boshqa tashkilotlar bilan hamkorlik qilish;
41) davlat xizmatlari markazlari orqali ularning binolari va tutash hududlarida reklama faoliyatini, shuningdek, yuridik shaxs maqomiga ega boʻlmagan holda tadbirkorlik subyektlarining muhr va shtamplarini tayyorlash faoliyatini amalga oshirish;
42) tegishli maʼlumotlar bazalaridan, davlat axborot tizimlaridan va vakolatli organlar resurslaridan belgilangan tartibda foydalanish;
43) Oʻzbekiston Respublikasi Moliya vazirligi bilan kelishgan pullik xizmatlar roʻyxati va tariflariga muvofiq pulli xizmatlar koʻrsatish;
44) yuqori malakali xorijiy va mamlakatimiz mutaxassislarini kontrakt asosida konsultant va ekspert sifatida ishga taklif qilish;
faoliyat yoʻnalishlarini rivojlantirishga oid dolzarb va istiqboldagi muammolar yechimini ishlab chiqish maqsadida, jumladan, xorijiy ekspertlarni jalb qilgan holda ishchi guruhlarini tuzish;
45) Oʻzbekiston Respublikasi Vazirlar Mahkamasi bilan kelishilgan holda, malakali xorijiy mutaxassislarni ularga istisno tariqasida Vazirlikning budjetdan tashqari mablagʻlari hisobidan chet et valyutasida ish haqi va boshqa toʻlovlarni belgilagan holda xodimlar va maslahatchilar sifatida jalb qilish;
46) intellektual mulk sohasidagi qonunchilikni buzganlik uchun yuridik shaxslarga jarima qoʻllash;
47) ixtirolar, foydali modellar, sanoat namunalari, seleksiya yutuqlari, tovar belgilari, xizmat koʻrsatish belgilari, tovarlarning kelib chiqish joylari nomi, EHM uchun dasturlar, maʼlumotlar bazalari, integral mikrosxemalar topologiyasi boʻyicha talabnomalarni koʻrib chiqish va davlat ekspertizasidan oʻtkazish uchun zarur boʻlgan qoʻshimcha materiallarni talabnoma topshiruvchilardan belgilangan tartibda soʻrab olish;
48) davlat organlari va davlat ishtirokidagi tashkilotlardagi mehnat nizosini koʻrish haqidagi ariza bilan sudga murojaat qilish;
49) xoʻjalik birlashmalariga, uy-joy kommunal va foydalanish xoʻjaligi tashkilotlariga davlat xizmatlari koʻrsatish sohasida aniqlangan qonunbuzilishlari va kamchiliklarni, ularning yoʻl qoʻyilishiga olib kelgan sabablar va sharoitlarni bartaraf etish boʻyicha taqdimnomalar kiritish.
Vazirlik qonunchilik hujjatlariga muvofiq boshqa vakolat va huquqlarga ham ega boʻlishi mumkin.
12. Vazirlikning markaziy apparati, hududiy va tarkibiy tuzilmalari vazifalari, funksiyalari, vakolatlari, huquqlari va javobgarligi, agar Oʻzbekiston Respublikasi Prezidentining yoki Vazirlar Mahkamasining qarorlarida boshqacha qoida belgilanmagan boʻlsa, Vazir tomonidan tasdiqlanadigan nizomlar va ustavlar bilan belgilanadi.
13. Vazirlik oʻziga yuklatilgan vazifalar va funksiyalarning sifatli bajarilishi, shuningdek, tegishli sohadagi davlat siyosatining samarali amalga oshirilishi uchun javobgardir.
5-bob. Vazirlik faoliyatini tashkil etish
1-§. Vazirlik rahbariyati
14. Oʻzbekiston Respublikasi adliya vaziri:
1) Vazirlik faoliyatini umumiy boshqarishni amalga oshiradi va rahbarlik qiladi, Oʻzbekiston Respublikasi Prezidenti, Vazirlar Mahkamasining tegishli qarori bilan Vazirlikka yuklatilgan vazifa va funksiyalarni bajarishni tashkillashtiradi;
2) Vazirlikka yuklatilgan vazifa va majburiyatlarning bajarilishi uchun shaxsan javob beradi;
3) adliya organlari va muassasalari hamda ularning xodimlari tomonidan bajarilishi majburiy boʻlgan buyruqlar chiqaradi, topshiriq va koʻrsatmalar beradi;
4) vazirlik tizimidagi tashkilotlarning lavozimlari roʻyxatiga kiruvchi xodimlarni belgilangan tartibda lavozimga tayinlaydi va ozod qiladi;
5) oʻz oʻrinbosarlari va vazirlik tizimidagi boshqa mansabdor shaxslarining vakolatlari va majburiyatlarini belgilaydi, ular oʻrtasida vazifalarni taqsimlaydi;
6) Vazirlikning davriy ish rejalarini tasdiqlaydi va ularning bajarilishi ustidan nazoratni taʼminlaydi;
7) Vazirlik xodimlarini tizimli qayta tayyorlashni va ularning malakasini oshirishni tashkil etadi;
8) Vazirlik tizimida kadrlarni tanlash va joy-joyiga qoʻyish, ularning mutaxassisliklariga (yurisprudensiya, iqtisod, moliya, psixologiya, tashqi aloqalar, filologiya va h.k.) talablar belgilash, samarali faoliyati uchun zarur shart-sharoitlar yaratish, Vazirlikning kadrlar zaxirasini shakllantirish choralarini koʻradi;
9) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi nomenklaturasiga kiradigan boʻsh lavozimlarga taklif etilgan kadrlarning, shuningdek, Vazirlikka ishga qabul qilinayotgan boshqa kadrlarning professionalligi va oʻz ishini bilishi, yuksak darajadagi ishchanlik va maʼnaviy-axloqiy fazilatlarga ega boʻlishini taʼminlashga qaratilgan choralarni amalga oshiradi;
10) oʻz vakolati doirasida normativ-huquqiy hujjatlar qabul qiladi, zarur hollarda davlat boshqaruvining boshqa organlari bilan birgalikda qarorlar va boshqa hujjatlarni birgalikda qabul qiladi;
11) Vazirlikning hududiy va tarkibiy tuzilmalarining rahbarlari faoliyatini muvofiqlashtiradi va nazorat qiladi;
12) Vazirlik xodimlarini ragʻbatlantirish va intizomiy javobgarlikka tortish masalalarini hal etadi, oʻzining oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishi maqsadga muvofiqligi masalasini koʻrib chiqish boʻyicha takliflarni kiritadi, ularning shaxsiy masʼuliyatini oshirish boʻyicha tizimli chora-tadbirlar koʻradi;
13) belgilangan tartibda martaba darajalarini beradi hamda oliy martaba darajalari berish uchun adliya organlari va muassasalari xodimlarini, shuningdek, qonunchilikda belgilangan tartibda boshqa davlat organlari xodimlarini Oʻzbekiston Respublikasi Prezidentiga taqdim etadi;
14) Oʻzbekiston Respublikasi Adliya vazirligi tizimidagi moliyaviy mutanosiblikni taʼminlash uchun adliya organlari va muassasalarining budjetdan tashqari mablagʻlarini qayta taqsimlaydi.
15. Vazirlikka Oʻzbekiston Respublikasi Oliy Majlisi Qonunchilik palatasi maʼqullaganidan soʻng Oʻzbekiston Respublikasining Bosh vaziri taqdimnomasiga binoan Oʻzbekiston Respublikasi Prezidenti tomonidan lavozimga tasdiqlanadigan va lavozimdan ozod etiladigan Vazir boshchilik qiladi.
Vazir oʻz maqomiga koʻra Vazirlar Mahkamasi aʼzosi hisoblanadi.
16. Vazir besh nafar oʻrinbosarga, shu jumladan, bir nafar birinchi oʻrinbosarga ega boʻladi.
17. Vazirning birinchi oʻrinbosari va boshqa oʻrinbosarlari Oʻzbekiston Respublikasi Prezidenti tomonidan lavozimga tayinlanadi va lavozimdan ozod etiladi.
18. Vazir boʻlmagan vaqtda uning vakolatlari vazirning birinchi oʻrinbosari tomonidan, u boʻlmagan vaqtda esa vazir buyrugʻiga asosan boshqa oʻrinbosar tomonidan amalga oshiriladi.
19. Vazirlikning hududiy tuzilmalar va idoraviy mansub tashkilotlar rahbarlari vazir tomonidan lavozimga tayinlanadi va lavozimdan ozod etiladi, qonunchilik hujjatlari bilan belgilangan hollar bundan mustasno.
20. Vazirlikning hududiy tuzilmalari va idoraviy mansub tashkilotlari toʻgʻrisidagi nizomlar vazir tomonidan tasdiqlanadi, agar Oʻzbekiston Respublikasi Prezidenti yoki Vazirlar Mahkamasi qarorlarida boshqacha qoida nazarda tutilmagan boʻlsa.
2-§. Yuklatilgan vazifa va funksiyalarni bajarish, shuningdek Vazirlik markaziy apparati tarkibiy tuzilmalarining uning hududiy tuzilmalari bilan oʻzaro hamkorligi tartibi
21. Vazirlik oʻziga yuklatilgan vazifa va funksiyalarni bevosita, shuningdek, adliya organlari va muassasalari orqali bajaradi.
22. Vazirlik markaziy apparati tarkibiy tuzilmalari va uning hududiy tuzilmalari hamda idoraviy mansub tashkilotlarning oʻzaro hamkorligi jarayonida yuzaga keladigan kelishmovchiliklar vazirning topshirigʻiga binoan uning tegishli oʻrinbosari tomonidan koʻrib chiqiladi. Agar vazir oʻrinbosari tomonidan kelishmovchiliklarni tartibga solishning imkoniyati boʻlmasa, soʻnggi qaror bevosita vazir tomonidan qabul qilinadi.
3-§. Vazirlikning boshqa davlat boshqaruvi organlari, xoʻjalik birlashmalari, mahalliy davlat hokimiyati organlari va boshqa tashkilotlar bilan oʻzaro hamkorligi
23. Vazirlik oʻz vazifalari va funksiyalarini amalga oshirishda boshqa davlat boshqaruvi organlari, xoʻjalik birlashmalari, mahalliy davlat hokimiyati organlari va boshqa tashkilotlar bilan oʻzaro hamkorlik qiladi.
24. Vazirlikning hududiy tuzilmalari oʻz vakolati doirasida boshqa davlat boshqaruvi organlarining hududiy organlari, xoʻjalik birlashmalari, mahalliy davlat hokimiyati organlari va boshqa tashkilotlar bilan oʻzaro hamkorlik qiladi.
Vazirlikning hududiy tuzilmalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish boʻyicha sektorlar bilan oʻzaro yaqin hamkorlik qiladi.
Vazirlikning hududiy boʻlinmalari oʻz vakolatlari doirasida intellektual mulk sohasida huquqbuzarliklarni aniqlash va oldini olish boʻyicha huquqni muhofaza qiluvchi, soliq va boshqa hududiy davlat organlari bilan hamkorlik qiladi.
25. Vazirlikning faoliyatiga Oʻzbekiston Respublikasi Prezidenti Administratsiyasining tegishli tarkibiy boʻlinmalari tomonidan mutasaddilik qilinadi.
4-§. Vazirlikning hayʼati, boshqa kengash, maslahat, ekspert organlari
26. Vazirlikda rahbar, (hayʼat raisi), uning oʻrinbosarlari (lavozimi boʻyicha), shuningdek, uning faoliyatining asosiy yoʻnalishlarini muvofiqlashtiruvchi tarkibiy tuzilmalar rahbarlaridan iborat tarkibda hayʼat tuziladi.
Hayʼat tarkibining soni va shaxsiy tarkibi vazirning taqdimnomasiga binoan Vazirlar Mahkamasi tomonidan tasdiqlanadi.
27. Hayʼatga quyidagi vazifalar yuklanadi:
Vazirlik tarkibiy tuzilmalar rahbarlarining tegishli tuzilmalar faoliyati hamda qonunchilik hujjatlari, Oʻzbekiston Respublikasi Prezidenti hujjatlari va Oʻzbekiston Respublikasi Hukumati qarorlari ijrosi boʻyicha hisobotlarini eshitish;
Vazirlik faoliyatining asosiy masalalarini koʻrib chiqish, qabul qilingan qarorlar ijrosini tekshirish masalalarini, Vazirlik faoliyatida muhim ahamiyatga ega buyruqlari va boshqa hujjatlari loyihalarini, shuningdek, tekshiruvlar natijalarini muhokama qilish.
Hayʼat Vazirlik vakolatiga kiritilgan boshqa masalalarni ham koʻrib chiqishga haqlidir.
28. Hayʼat majlisiga davlat boshqaruvi organlari, xoʻjalik birlashmalari, boshqa tashkilotlar rahbarlari, ularning vakolatiga kiradigan masalalar yuzasidan taklif etilishi mumkin.
29. Hayʼat, agar uning majlisida hayʼat tarkibining yarmidan koʻpi qatnashsa, vakolatli hisoblanadi. Koʻrib chiqilayotgan masalalar yuzasidan qarorlar oddiy koʻpchilik ovoz bilan qabul qilinadi.
30. Hayʼat qarorlari vazirning buyruqlari bilan amalga oshiriladi.
31. Vazir va hayʼat aʼzolari oʻrtasida kelishmovchiliklar yuzaga kelgan taqdirda, vazir yuzaga kelgan kelishmovchiliklar haqida Vazirlar Mahkamasiga va Oʻzbekiston Respublikasi Prezidenti Administratsiyasiga axborot bergan holda mustaqil ravishda qaror qabul qiladi. Hayʼat aʼzolari ham Vazirlar Mahkamasiga va Oʻzbekiston Respublikasi Prezidenti Administratsiyasiga oʻz fikrini bildirishi mumkin.
32. Hayʼat faoliyati tartibi hayʼat tomonidan tasdiqlanadigan reglament bilan belgilanadi.
33. Vazirlik huzurida Oʻzbekiston Respublikasi adliya vaziri rais hisoblangan intellektual mulk obyektlarining huquqiy muhofazasi bilan bogʻliq boʻlgan apellyatsiyalarni sudgacha koʻrib chiquvchi Apellyatsiya kengashi tashkil etiladi.
Apellyatsiya kengashining tarkibiga intellektual mulk sohasidagi mustaqil olimlar va mutaxassislar kiradi. Apellyatsiya kengashi tarkibida adliya organlari va muassasalarining xodimlari soni Apellyatsiya kengashi aʼzolari umumiy sonining oʻttiz foizidan oshmasligi lozim.
Vazirlikda boshqa kengash, maslahat va ekspertlik organlari tuzilishi mumkin.
34. Vazirlik huzurida tuziladigan kengash, maslahat va ekspertlik organlari tarkibi va ular toʻgʻrisidagi nizomlar vazir tomonidan tasdiqlanadi, ularning tarkibi va nizomlari Oʻzbekiston Respublikasi Prezidenti hujjatlari va Vazirlar Mahkamasi qarorlari bilan tasdiqlanadigan hollar bundan mustasno.
6-bob. Vazirlik faoliyati samaradorligi va natijadorligini baholash mezonlari va ish indikatorlari
35. Vazirlik faoliyatining samaradorligi muntazam baholanadi.
36. Vazirlik faoliyati samaradorligi va natijadorligiga berilgan baho Oʻzbekiston Respublikasi Prezidenti Administratsiyasining tegishli tarkibiy boʻlinmalari tomonidan tasdiqlanadigan Vazirlik faoliyati samaradorligi va natijadorligini baholash mezonlari va ish indikatorlariga asoslanadi.
37. Vazirlik faoliyati samaradorligi va natijadorligini baholash yakunlari boʻyicha:
Vazirlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;
Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.
7-bob. Vazirlikni faoliyatini moliyalashtirish va moddiy-texnik taʼminlash, uning xodimlari mehnatiga haq toʻlash va moddiy ragʻbatlantirish
38. Quyidagilar Vazirlik faoliyatini moliyalashtirish manbalari hisoblanadi:
Oʻzbekiston Respublikasi Davlat budjeti mablagʻlari;
adliya organlari va muassasalarining budjetdan tashqari mablagʻlari;
qonunchilik hujjatlariga muvofiq pullik xizmat koʻrsatishdan tushadigan mablagʻlar;
vaqtincha boʻsh mablagʻlarni tijorat banklarining depozitlariga joylashtirishdan olingan daromadlar;
qonunchilik hujjatlari bilan taqiqlanmagan boshqa manbalar.
39. Vazirlik va uning hududiy tuzilmalarini moddiy-texnik taʼminlash xarajatlarini moliyalashtirish, shuningdek, ularning xodimlari mehnatiga haq toʻlash va moddiy ragʻbatlantirish Oʻzbekiston Respublikasi Davlat budjeti, budjetdan tashqari jamgʻarmalarning manbalari va qonunchilik hujjatlarida taqiqlanmagan boshqa manbalar hisobiga amalga oshiriladi.
40. Vazirlik xodimlarining ish haqi lavozim maoshi, mukofotlar, qoʻshimcha haqlar, ustamalardan va qonunchilik hujjatlarida nazarda tutilgan boshqa toʻlovlardan iborat.
Xizmat vazifasini sidqidildan va samarali bajarib kelayotgan Vazirlikning yuqori malakali, tashabbuskor xodimlariga yuqori malakasi uchun vazir tomonidan adliya organlari va muassasalarining budjetdan tashqari mablagʻlari hisobidan lavozim maoshining 200 foizi miqdoridan koʻp boʻlmagan shaxsiy ustamalar belgilanishi mumkin.
Vazirlik xodimlari lavozim maoshlariga har oyda qoʻshiladigan ragʻbatlantirish xususiyatiga ega boʻlgan qoʻshimcha haqlar va ustamalar vazir tomonidan tasdiqlanadigan qoidalarga muvofiq toʻlanadi.
41. Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi qarorlari bilan boshqa lavozimlarga tayinlangan yoki Oʻzbekiston Respublikasi Oliy Majlisi Senati, Qonunchilik palatasiga saylangan (tayinlangan) Vazirlikning xodimlarida Vazirlikda berilgan koʻp yillik xizmatlari uchun qoʻshimcha haq va ustamalar hamda martaba darajalari saqlanadi.
8-bob. Vazirlikning hisobdorligi
42.Vazirlik rahbarlari oʻz faoliyati toʻgʻrisida Oʻzbekiston Respublikasi Prezidentiga, Oʻzbekiston Respublikasi Prezidenti Administratsiyasining tegishli tarkibiy boʻlinmalariga va Vazirlar Mahkamasiga muntazam ravishda hisobot beradi.
43. Oʻzbekiston Respublikasi Prezidenti Administratsiyasining tegishli tarkibiy boʻlinmalari rahbarlari Vazirlik rahbarlariga yuklangan vazifalar samarali bajarilishi boʻyicha ular faoliyati ustidan muntazam monitoring olib boradi, Vazirlik faoliyati samaradorligiga xolisona baho beradi.
44. Monitoring va baholash yakunlari boʻyicha Vazirlikning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan javobgarlikka tortiladi.
9-bob. Yakunlovchi qoida
45. Vazirlikni qayta tashkil etish va tugatish qonunchilik hujjatlarida belgilangan tartibda amalga oshiriladi.
Oldingi tahrirga qarang.
(2-ilova Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
(3-ilova Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
(4-ilova Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
(5-ilova Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
Oldingi tahrirga qarang.
(6-ilova Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
21. Oʻzbekiston Respublikasi Prezidentining 2018-yil 14-iyuldagi “Ilmiy va ilmiy-texnikaviy faoliyat natijalarini tijoratlashtirish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-3855-son qarorining 10-bandidan “huzuridagi Intellektual mulk agentligi” soʻzlari chiqarib tashlansin.
22. Oʻzbekiston Respublikasi Prezidentining 2018-yil 14-noyabrdagi “Xalqaro shartnomani tasdiqlash toʻgʻrisida”gi PQ-4016-son qarorining 2-bandidan “huzuridagi Intellektual mulk agentligi” soʻzlari chiqarib tashlansin.
Oldingi tahrirga qarang.
(23-band Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
24. Oʻzbekiston Respublikasi Prezidentining 2019-yil 1-iyuldagi “Oʻzbekiston Respublikasi Adliya vazirligi huzuridagi Intellektual mulk agentligi faoliyatini tashkil etish chora-tadbirlari toʻgʻrisida”gi PQ-4380-son qarorida:
a) 1, 2, 4 — 6-bandlar, 3-bandning “a”, “b”, “g” kichik bandlari va ushbu qarorga 1-ilova, 2-ilovaning 2-bandi “b” kichik bandining uchinchi — yettinchi xatboshilari oʻz kuchini yoʻqotgan deb hisoblansin;
b) 3-bandning “v” kichik bandidagi “Agentlikning budjetdan tashqari jamgʻarmasiga” soʻzlari “Adliya vazirligining Intellektual mulkni rivojlantirish jamgʻarmasiga” soʻzlari bilan almashtirilsin;
v) 9-bandning “a” kichik bandi uchinchi xatboshisidan “va Agentlik” soʻzlari chiqarib tashlansin;
g) 10-band quyidagi tahrirda bayon etilsin:
“Toshkent shahri, Mustaqillik shoh koʻchasi, 59-uy manzilidagi bino Adliya vazirligiga operativ boshqaruv huquqi asosida bepul berilsin”.
25. Oʻzbekiston Respublikasi Prezidentining 2019-yil 20-sentabrdagi “Qurilish sohasiga axborot-kommunikatsiya texnologiyalarini keng joriy etish chora-tadbirlari toʻgʻrisida”gi PQ-4464-son qaroriga 1-ilovada:
a) oʻn toʻrtinchi xatboshi chiqarib tashlansin;
b) oʻn beshinchi va oʻn oltinchi xatboshilar tegishincha oʻn toʻrtinchi va oʻn beshinchi xatboshilar deb hisoblansin.
26. Oʻzbekiston Respublikasi Prezidentining 2019-yil 3-oktabrdagi “Ijtimoiy-iqtisodiy rivojlanishda iqtisodiy tadqiqotlar sifati va rolini oshirish chora-tadbirlari toʻgʻrisida”gi PQ-4471-son qarorining 16-bandi toʻrtinchi xatboshisidan “huzuridagi Intellektual mulk agentligi” soʻzlari chiqarib tashlansin.
Oldingi tahrirga qarang.
(27-band Oʻzbekiston Respublikasi Prezidentining 2024-yil 16-avgustdagi PF-111-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.08.2024-y., 06/24/111/0623-son)
28. Oʻzbekiston Respublikasi Prezidentining 2020-yil 22-iyundagi “Oʻzbekiston Respublikasining xalqaro shartnomalaridan va xalqaro tashkilotlarga aʼzolikdan kelib chiqadigan majburiyatlarini bajarish tartibini takomillashtirish chora-tadbirlari toʻgʻrisida”gi PQ-4756-son qaroriga 1-ilovaning 53-pozitsiyasi “Toʻlovchilar nomi” ustunidagi “Intellektual mulk agentligi” soʻzlari “Adliya vazirligi” soʻzlari bilan almashtirilsin.
29. Oʻzbekiston Respublikasi Prezidentining 2020-yil 3-avgustdagi PQ-4796-son qarori bilan tasdiqlangan 2020 — 2025-yillarda Oʻzbekiston Respublikasi statistikasini rivojlantirishning milliy strategiyasining “V. Alohida statistik yoʻnalishlar va metodologiyalarni takomillashtirish” boʻlimidagi “Adliya vazirligi huzuridagi Davlat xizmatlari agentligining” soʻzlari “Adliya vazirligining” soʻzlari bilan almashtirilsin.
30. Oʻzbekiston Respublikasi Prezidentining 2020-yil 4-avgustdagi “Aholiga davlat ijtimoiy xizmatlari va yordam taqdim etish tartib-taomillarini avtomatlashtirish boʻyicha qoʻshimcha chora-tadbirlar toʻgʻrisida”gi PQ-4797-son qarorining 7-bandi beshinchi xatboshisidan “huzuridagi Davlat xizmatlari agentligi” soʻzlari chiqarib tashlansin
31. Oʻzbekiston Respublikasi Prezidentining 2020-yil 17-noyabrdagi “1993-yil 22-yanvardagi Fuqarolik, oilaviy va jinoyat ishlari boʻyicha huquqiy yordam hamda huquqiy munosabatlar toʻgʻrisidagi Konvensiya va 2002-yil 7-oktabrdagi Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisidagi Konvensiya qoidalarini amalga oshirish chora-tadbirlari toʻgʻrisida”gi PQ-4895-son qarorida:
a) 1-ilovaning 5-pozitsiyasi “Vakolatli organning nomi” ustunidan “Adliya vazirligi huzuridagi Davlat xizmatlari agentligi” soʻzlari chiqarib tashlansin;
b) 2-ilovaning 5-pozitsiyasi “Vakolatli organning nomi” ustunidan “Adliya vazirligi huzuridagi Davlat xizmatlari agentligi” soʻzlari chiqarib tashlansin.
32. Oʻzbekiston Respublikasi Prezidentining 2020-yil 25-noyabrdagi “Biotexnologiyalarni rivojlantirish va mamlakatning biologik xavfsizligini taʼminlash tizimini takomillashtirish boʻyicha kompleks chora-tadbirlar toʻgʻrisida”gi PQ-4899-son qaroriga 2-ilovaning 3 — 7, 9, 12-pozitsiyalari “Masʼul ijrochilar” ustunidan “Intellektual mulk agentligi (Sagdullayev),” soʻzlari chiqarib tashlansin.
33. Oʻzbekiston Respublikasi Prezidentining 2021-yil 15-martdagi “Tartibga solish taʼsirini baholash tizimini yanada takomillashtirish chora-tadbirlari toʻgʻrisida”gi PQ-5025-son qarorida:
a) 1-bandning birinchi xatboshisi quyidagi tahrirda bayon etilsin:
“Tartibga solish taʼsirini baholash tizimi joriy etilishi doirasida muhim iqtisodiy va ijtimoiy-siyosiy ahamiyatga ega normativ-huquqiy hujjatlar loyihalari, qoida tariqasida, jamoatchilik muhokamasidan oʻtkazilishi belgilanganligi maʼlumot uchun qabul qilinsin”;
b) Normativ-huquqiy hujjatlar loyihalarini va qabul qilingan normativ-huquqiy hujjatlarni tartibga solish taʼsirini baholashdan oʻtkazish tartibi toʻgʻrisidagi nizomning 13-bandidagi “Loyiha” va “majburiy tartibda” soʻzlari tegishincha “Muhim iqtisodiy va ijtimoiy-siyosiy ahamiyatga ega loyiha” va “, qoida tariqasida,” soʻzlari bilan almashtirilsin.
34. Oʻzbekiston Respublikasi Prezidentining 2021-yil 22-iyuldagi PQ-5189-son qarori bilan tasdiqlangan Vazirliklar, davlat qoʻmitalari, davlat boshqaruvining boshqa organlari va xoʻjalik birlashmalari rahbarlari oʻrinbosarlarining faoliyati koʻrsatkichlarini ishlab chiqish, monitoring qilish va samaradorligini baholash tartibi toʻgʻrisida nizomga 2-ilovaning “IV. Agentliklar” boʻlimining 10 va 11-pozitsiyalari chiqarib tashlansin.
35. Oʻzbekiston Respublikasi Prezidentining 2021-yil 22-oktabrdagi “Normativ-huquqiy hujjatlar va ularning loyihalarini korrupsiyaga qarshi ekspertizadan oʻtkazishni yanada takomillashtirish chora-tadbirlari toʻgʻrisida”gi PQ-5263-son qarorining 3-bandi toʻrtinchi xatboshisidagi va 7-bandning “v” kichik bandidagi “20-yanvarga” soʻzlari “20-martga” soʻzlari bilan almashtirilsin.
36. Oʻzbekiston Respublikasi Prezidentining 2021-yil 23-noyabrdagi “Meva-sabzavotchilik va uzumchilikda oilaviy tadbirkorlikni rivojlantirish, qishloq xoʻjaligi ishlab chiqarishida dehqon xoʻjaliklarining ulushini oshirish chora-tadbirlari toʻgʻrisida”gi PQ-20-son qaroriga 2-ilovaning 8-bandidan “va uning huzuridagi Davlat xizmatlari agentligi” soʻzlari chiqarib tashlansin.
37. Oʻzbekiston Respublikasi Prezidentining 2021-yil 21-dekabrdagi “Nogironligi boʻlgan shaxslarni har tomonlama qoʻllab-quvvatlash, ularning bandligiga koʻmaklashish hamda ijtimoiy faolligini yanada oshirishga oid qoʻshimcha chora-tadbirlar toʻgʻrisida”gi PQ-57-son qarorida:
a) 7-bandda:
“a” kichik bandning birinchi xatboshisidagi “Davlat xizmatlari agentligi (U. Muhammadiyev)” soʻzlari “Adliya vazirligi (R. Davletov)” soʻzlari bilan almashtirilsin;
“b” kichik bandidagi “Davlat xizmatlari agentligi (U. Muhammadiyev)” soʻzlari “Adliya vazirligi (R. Davletov)” soʻzlari bilan almashtirilsin;
b) 9-bandning “g” kichik bandidagi “Davlat xizmatlari agentligi (U. Muhammadiyev)” soʻzlari “Adliya vazirligi (R. Davletov)” soʻzlari bilan almashtirilsin.
38. Oʻzbekiston Respublikasi Prezidentining 2022-yil 28-yanvardagi “Ishni sudga qadar yuritishda yagona idoralararo elektron hamkorlik tizimini joriy etish chora-tadbirlari toʻgʻrisida”gi PQ-105-son qarorida:
a) 1-ilovaning 20-bandi oʻz kuchini yoʻqotgan deb hisoblansin;
b) 2-ilovaning 4-pozitsiyasi “Masʼul ijrochilar” ustunidan “Intellektual mulk agentligi (T. Abdusattorov)” soʻzlari chiqarib tashlansin.
39. Oʻzbekiston Respublikasi Prezidentining 2022-yil 8-fevraldagi “Davlat muassasalarini isloh qilishni jadallashtirish chora-tadbirlari toʻgʻrisida”gi PQ-123-son qarorining 2-bandi toʻrtinchi xatboshisidagi “huzuridagi Davlat xizmatlari agentligi” soʻzlari chiqarib tashlansin.
Oldingi tahrirga qarang.
(40-band Oʻzbekiston Respublikasi Prezidentining 2024-yil 24-maydagi PF-80-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 25.05.2024-y., 06/24/80/0364-son)
Oʻzbekiston Respublikasi Prezidentining 2022-yil 17-martdagi PF-89-son Farmoniga
3-ILOVA
3-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim hujjatlari
ROʻYXATI
1. Oʻzbekiston Respublikasi Prezidentining 2017-yil 12-dekabrdagi “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida”gi PF-5278-son Farmonining 2, 3, 5 — 7-bandlari hamda ushbu Farmonga 1-ilova.
2. Oʻzbekiston Respublikasi Prezidentining 2018-yil 11-iyuldagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5475-son Farmoniga 1-ilovaning 14-bandi.
Oldingi tahrirga qarang.
(3-band Oʻzbekiston Respublikasi Prezidentining 2025-yil 25-noyabrdagi PF-231-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 26.11.2025-y., 06/25/231/1091-son)
4. Oʻzbekiston Respublikasi Prezidentining 2019-yil 1-fevraldagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5650-son Farmoniga 1-ilovaning 14-bandi “a” va “v” kichik bandlari.
5. Oʻzbekiston Respublikasi Prezidentining 2019-yil 8-oktabrdagi “Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasini tasdiqlash toʻgʻrisida”gi PF-5847-son Farmoniga 2-ilovaning 6-pozitsiyasi.
6. Oʻzbekiston Respublikasi Prezidentining 2020-yil 31-yanvardagi “Davlat xizmatlari koʻrsatish milliy tizimini jadal rivojlantirish boʻyicha qoʻshimcha chora-tadbirlar toʻgʻrisida”gi PF-5930-son Farmoniga 4-ilovaning 4-bandi.
7. Oʻzbekiston Respublikasi Prezidentining 2020-yil 19-maydagi “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari toʻgʻrisida”gi PF-5997-son Farmonining 6-bandi uchinchi xatboshisi, shuningdek, Farmonga 2-ilovaning 5 va 64-pozitsiyalari, 5-ilova hamda 7-ilovaning 8-bandi.
8. Oʻzbekiston Respublikasi Prezidentining 2020-yil 8-iyuldagi “Oʻzbekiston Respublikasi Prezidentining ayrim hujjatlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-6021-son Farmoniga 1-ilovaning 21 va 32-bandlari.
9. Oʻzbekiston Respublikasi Prezidentining 2020-yil 18-avgustdagi “Respublikada eksport va investitsiya salohiyatini yanada rivojlantirishga oid qoʻshimcha chora-tadbirlar toʻgʻrisida”gi PF-6042-son Farmoniga 2-ilovaning 4-bandi.
10. Oʻzbekiston Respublikasi Prezidentining 2021-yil 4-martdagi “2021 — 2025-yillarda fuqarolik jamiyatini rivojlantirish konsepsiyasini tasdiqlash toʻgʻrisida”gi PF-6181-son Farmoniga 2-ilovaning 24-pozitsiyasi.
11. Oʻzbekiston Respublikasi Prezidentining 2021-yil 17-martdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-6188-son Farmoniga 1-ilovaning 37-bandi.
12. Oʻzbekiston Respublikasi Prezidentining 2021-yil 30-apreldagi “Milliy qonunchilik bazasini kompleks tizimlashtirish chora-tadbirlari toʻgʻrisida”gi PF-6218-son Farmoniga 2-ilovaning 17 va 97-bandlari, 3-ilovaning 11, 28, 29 va 35-pozitsiyalari hamda 5-ilovaning 6-pozitsiyasi.
13. Oʻzbekiston Respublikasi Prezidentining 2021-yil 28-iyundagi “Oʻzbekiston Respublikasining jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish milliy tizimini rivojlantirish strategiyasini tasdiqlash toʻgʻrisida”gi PF-6252-son Farmoniga 3-ilovaning 21-bandi.
14. Oʻzbekiston Respublikasi Prezidentining 2021-yil 17-iyuldagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida”gi PF-6263-son Farmoniga ilovaning 9-bandi.
15. Oʻzbekiston Respublikasi Prezidentining 2007-yil 3-yanvardagi “Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” investitsiya loyihasini amalga oshirish chora-tadbirlari toʻgʻrisida”gi PQ-553-son qarori 3-bandining beshinchi xatboshisi va qarorga 4-ilova.
16. Oʻzbekiston Respublikasi Prezidentining 2013-yil 23-maydagi “Qishloq xoʻjaligi texnikasi va texnologiyalarini sinovdan oʻtkazish tizimini yanada takomillashtirish chora-tadbirlari toʻgʻrisida”gi PQ-1972-son qaroriga 3-ilovaning 2-bandi.
17. Oʻzbekiston Respublikasi Prezidentining 2017-yil 26-maydagi “Oʻztadbirkoreksport” aksiyadorlik jamiyati faoliyatining samaradorligini oshirishga oid qoʻshimcha chora-tadbirlar toʻgʻrisida”gi PQ-3009-son qaroriga 3-ilovaning 6-bandi.
18. Oʻzbekiston Respublikasi Prezidentining 2019-yil 8-fevraldagi “Intellektual mulk sohasida davlat boshqaruvini takomillashtirish chora-tadbirlari toʻgʻrisida”gi PQ-4168-son qarorining 2 va 4-bandlari.
19. Oʻzbekiston Respublikasi Prezidentining 2019-yil 15-fevraldagi “Davlat xizmatlari koʻrsatish milliy tizimini yanada kompleks rivojlantirish choralari haqida”gi PQ-4193-son qarori 3-bandining uchinchi xatboshisi hamda ushbu qarorga 2-ilova.
20. Oʻzbekiston Respublikasi Prezidentining 2019-yil 19-sentabrdagi “Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritish toʻgʻrisida”gi PQ-4461-son qaroriga ilovaning 4-bandi.
Oldingi tahrirga qarang.
(21-band Oʻzbekiston Respublikasi Prezidentining 2025-yil 25-noyabrdagi PF-231-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 26.11.2025-y., 06/25/231/1091-son)
22. Oʻzbekiston Respublikasi Prezidentining 2020-yil 30-iyuldagi “Oʻzbekiston Respublikasi aholisi va hududining seysmik xavfsizligini taʼminlash tizimini tubdan takomillashtirish chora-tadbirlari toʻgʻrisida”gi PQ-4794-son qaroriga 3-ilovaning 2-bandi.
23. Oʻzbekiston Respublikasi Prezidentining 2021-yil 28-yanvardagi “Intellektual mulk obyektlarini muhofaza qilish tizimini takomillashtirish chora-tadbirlari toʻgʻrisida”gi PQ-4965-son qaroriga 1-ilovaning 7-pozitsiyasi hamda 3-ilovaning 1-bandi.
24. Oʻzbekiston Respublikasi Prezidentining 2022-yil 12-yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari toʻgʻrisida”gi PQ-81-son qaroriga 1-ilovaning 16 va 17-pozitsiyalari.
(Qonunchilik maʼlumotlari milliy bazasi, 18.03.2022-y., 06/22/89/0227-son; 25.05.2024-y., 06/24/80/0364-son; 16.08.2024-y., 06/24/111/0623-son; 26.11.2025-y., 06/25/231/1091-son)
