Oʻzbekiston Respublikasi Prezidentining
Qarori
Hunarmandchilik faoliyatini qoʻllab-quvvatlash tizimini yanada takomillashtirish chora-tadbirlari toʻgʻrisida
Milliy hunarmandchilik, xalq badiiy va amaliy sanʼatini rivojlantirish, soha vakillarini har tomonlama qoʻllab-quvvatlash boʻyicha amalga oshirilayotgan kompleks chora-tadbirlar natijasida soʻnggi besh yilda mamlakatimizdagi usta hunarmandlar soni 7 barobarga, shogirdlar 9 barobarga koʻpayib, sohada band boʻlganlar soni 230 ming nafarga yetdi.
Hunarmandlarning xalq amaliy sanʼati milliy katalogi yaratilib, faxriy va xalqaro koʻrgazma hamda tanlovlarda gʻolib boʻlgan 340 nafar ustalar ushbu katalogdan oʻrin oldi. Shuningdek, 1,5 mingga yaqin hunarmandlar turizm reyestriga kiritilib, ushbu soha rivojiga munosib hissa qoʻshib kelmoqda.
Shu bilan birga, mahallabay ishlash orqali foydalanilmayotgan imkoniyatlarni toʻla ishga solish, hunarmandlar oʻrtasida oʻzaro tajriba almashish tizimini yanada kengaytirish, hunarmandchilik mahsulotlari uchun yangi bozorlarni topish borasida qoʻshimcha choralar koʻrish talab etilmoqda.
Aholini hunarmandchilikka jalb qilish tizimini takomillashtirish, “usta-shogird” anʼanalari asosida mahallalarda yoshlarga hunar oʻrgatish va bandligini taʼminlash, shuningdek, kambagʻallikni qisqartirish hamda hunarmandchilikni rivojlantirish boʻyicha amalga oshirilayotgan islohotlarni izchil davom ettirish maqsadida:
1. Oʻzbekiston Respublikasi Prezidentining 2021-yil 20-dekabrdagi “Oilaviy tadbirkorlikni rivojlantirish va aholining daromad manbaini kengaytirishga doir qoʻshimcha chora-tadbirlar toʻgʻrisida”gi PQ-55-son qaroriga asosan, 2022-yilda oilaviy tadbirkorlikni rivojlantirish dasturlari doirasida:
loyihalarni moliyalashtirish uchun 10 trillion soʻm mablagʻ ajratilganligi;
imtiyozli kreditlar yillik 14 foiz stavkada “Hunarmand” uyushmasi aʼzolariga ishlab chiqarish ehtiyojlari uchun asbob-uskuna, ehtiyot qismlar va xom ashyo materiallarini xarid qilish, hunarmandchilikni rivojlantirish markazlari, “usta-shogird” maktablarini tashkil etish, uy-muzeylar va ustaxonalar qurish yoki shu maqsadlarda bino va inshootlar sotib olish uchun — 3 yilgacha muddatga hamda aylanma mablagʻlarini toʻldirish uchun 18 oygacha muddatga ajratilishi nazarda tutilganligi maʼlumot uchun qabul qilinsin.
2. Belgilansinki:
2022-yilda oilaviy tadbirkorlikni rivojlantirish dasturlari doirasida ajratilayotgan mablagʻlarning 500 milliard soʻmi hunarmandchilik loyihalarini moliyalashtirish uchun yoʻnaltiriladi;
imtiyozli kreditlar hunarmandchilik loyihalarini amalga oshirish uchun 6 oygacha imtiyozli davr bilan 225 million soʻmgacha oilaviy tadbirkorlikni rivojlantirish dasturlari doirasida koʻzda tutilgan shartlarda ajratiladi;
imtiyozli kreditlar hunarmandning talabi boʻyicha naqd pul olish imkoniyati bilan taqdim etiladi;
oldingi yillarda hunarmandlarga ajratilgan imtiyozli kreditlarning soʻndirilgan qismidan hosil boʻlgan mablagʻlar aynan hunarmandchilik loyihalarini moliyalashtirish uchun qayta yoʻnaltirib boriladi;
hunarmandlarga oilaviy tadbirkorlikni rivojlantirish dasturlari doirasida ajratilgan imtiyozli kreditlardan samarali foydalanilishi va ularning tijorat banklariga oʻz vaqtida qaytarilishi yuzasidan “Hunarmand” uyushmasi tijorat banklari bilan birgalikda doimiy monitoring va nazorat tizimini oʻrnatadi.
Bunda, oilaviy tadbirkorlikni rivojlantirish dasturlari doirasida imtiyozli kredit ajratish boʻyicha “oilakredit.uz” elektron platformasida hunarmandlarni onlayn navbatga qoʻyish va ularning loyihalarini kreditlash uchun alohida boʻlim ishga tushiriladi.
3. 2022-yildan boshlab Aholini tadbirkorlikka jalb qilish jamgʻarmasi hisobidan:
“usta-shogird” anʼanalari asosida yoshlarga hunar oʻrgatayotgan hunarmandlarga — shogirdlar tayyorlashi, zarur xom ashyo sotib olishi va shogirdlarni ish haqi bilan taʼminlashi uchun 6 oy davomida har oyda bazaviy hisoblash miqdorining ikki baravaridan kam boʻlmagan miqdorda;
shogirdlarga — mustaqil faoliyatini boshlashi uchun zarur asbob-uskuna va jihozlarni sotib olishi, shuningdek, ustalarga — internet saytlarini tashkil etish, oʻz mahsulotlarini jahon elektron savdo maydonchalariga chiqarish va reklama xarajatlarining 50 foizi, biroq bazaviy hisoblash miqdorining yigirma besh baravari miqdoridan oshmaydigan qismiga subsidiyalar ajratish tartibi joriy etilsin.
Bunda, subsidiya ajratiladigan hunarmandlar va shogirdlar hisobi “Hunarmand” uyushmasi tomonidan yuritilib, Mahallabay ishlash va tadbirkorlikni rivojlantirish agentligining “Onlayn mahalla” elektron platformasi bilan integratsiya qilinadi.
Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi Moliya vazirligi va “Hunarmand” uyushmasi bilan birgalikda bir oy muddatda mazkur bandda nazarda tutilgan subsidiyalarni ajratish tartibini Vazirlar Mahkamasiga kiritsin.
4. 2022-yildan boshlab “Hunarmand” uyushmasi aʼzolari uchun:
ijtimoiy soliq stavkasi yiliga bazaviy hisoblash miqdorining bir baravari miqdorida belgilanganligi maʼlumot uchun qabul qilinsin;
faoliyat yuritish joyidan qatʼi nazar, kommunal infratuzilma xizmatlari (elektr energiyasi, suv taʼminoti, kanalizatsiya, gaz taʼminoti va issiqlik taʼminoti) haqini toʻlash aholi uchun belgilangan tariflar boʻyicha va shartlar asosida amalga oshirilishi belgilab qoʻyilsin.
5. Savdo-sanoat palatasi, “Hunarmand” uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan ishlab chiqilgan 2022-yilda hunarmandchilikni rivojlantirish boʻyicha “yoʻl xaritasi” (keyingi oʻrinlarda — “Yoʻl xaritasi”) ilovaga muvofiq tasdiqlansin.
“Yoʻl xaritasi”da nazarda tutilgan chora-tadbirlarning oʻz vaqtida va sifatli amalga oshirilishi yuzasidan Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlariga shaxsiy javobgarlik yuklansin.
Savdo-sanoat palatasi, “Hunarmand” uyushmasi “Yoʻl xaritasi”da nazarda tutilgan chora-tadbirlar ijrosi yuzasidan har chorakda Vazirlar Mahkamasiga axborot kiritib borsin.
Oldingi tahrirga qarang.
6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2023-yil 1-oktabrga qadar Toshkent, Nukus shaharlari va viloyatlar markazlarida hunarmandlar ishlab chiqargan mahsulotlar savdosiga ixtisoslashgan hunarmandchilik mahsulotlari savdo pavilyonlarini (keyingi oʻrinlarda — savdo pavilyonlari) tashkil etsin.
(6-bandning birinchi xatboshisi Oʻzbekiston Respublikasi Prezidentining 2023-yil 12-iyundagi PF-91-sonli Farmoni tahririda — Qonunchilik maʼlumotlari milliy bazasi, 12.06.2023-y., 06/23/91/0357-son)
Belgilansinki:
savdo pavilyonlari 150 kvadrat metrdan kam boʻlmagan maydonda, Qurilish vazirligi tomonidan ishlab chiqilgan namunaviy loyiha asosida tashkil etiladi;
savdo pavilyonlarini tashkil qilish (qurish) mahalliy budjet mablagʻlari hamda qonunchilikda taqiqlanmagan boshqa manbalar hisobidan amalga oshiriladi;
Oldingi tahrirga qarang.
foydalanishga topshirilgan savdo pavilyonlari “Hunarmand” uyushmasining hududiy boshqarmalariga tekin foydalanish huquqi bilan beriladi;
(6-bandning beshinchi xatboshisi Oʻzbekiston Respublikasi Prezidentining 2023-yil 12-iyundagi PF-91-sonli Farmoni tahririda — Qonunchilik maʼlumotlari milliy bazasi, 12.06.2023-y., 06/23/91/0357-son)
Oldingi tahrirga qarang.
“Hunarmand” uyushmasi savdo pavilyonlari orqali hunarmandchilik mahsulotlarini sotib olish hamda realizatsiya va eksport qilish ishlarini tizimli tashkil etishga masʼul boʻladi;
(6-bandning oltinchi xatboshisi Oʻzbekiston Respublikasi Prezidentining 2023-yil 12-iyundagi PF-91-sonli Farmoni tahririda — Qonunchilik maʼlumotlari milliy bazasi, 12.06.2023-y., 06/23/91/0357-son)
savdo pavilyonlari xorijiy va mahalliy turistlar uchun moʻljallangan turistik marshrutlarga kiritiladi.
7. Qurilish vazirligi Turizm va sport vazirligi, Savdo-sanoat palatasi, “Hunarmand” uyushmasi bilan birgalikda bir oy muddatda savdo pavilyonlarining namunaviy loyihalarini har bir hududning oʻziga xos hunarmandchilik anʼanalari asosida ishlab chiqsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Adliya vazirligi, “Hunarmand” uyushmasi bilan birgalikda 2022-yil 1-aprelga qadar Toshkent shahri tumanlari, Nukus shahri, viloyatlar markazlari hamda hunarmandchilik rivojlangan tuman va shaharlardagi davlat xizmatlari markazlari binolarida doimiy faoliyat koʻrsatuvchi milliy hunarmandchilik mahsulotlari koʻrgazmalari va savdo rastalari faoliyatini yoʻlga qoʻysin.
9. Investitsiyalar va tashqi savdo vazirligi, Savdo-sanoat palatasi, “Hunarmand” uyushmasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2022-yildan boshlab, har yili “Oʻzekspomarkaz” pavilyonlarida “Craft fair Uzbekistan” xalqaro hunarmandchilik mahsulotlari va texnologiyalari yarmarkasini tashkil etib borsin.
Belgilansinki, yarmarkani tashkil etish bilan bogʻliq boʻlgan xarajatlar Investitsiyalar va tashqi savdo vazirligi huzuridagi Eksportni ragʻbatlantirish agentligiga Davlat budjetidan ajratilgan mablagʻlar hisobidan qoplanadi.
10. Oʻzbekiston Respublikasi Prezidentining 2019-yil 28-noyabrdagi “Hunarmandchilikni yanada rivojlantirish va hunarmandlarni qoʻllab-quvvatlash boʻyicha qoʻshimcha chora-tadbirlar toʻgʻrisida”gi PQ-4539-son qaroriga muvofiq, Oʻzbekiston Respublikasining xorijdagi diplomatik vakolatxonalari hunarmandchilikni rivojlantirish boʻyicha hududlarga biriktirilib, milliy hunarmandchilik va xalq amaliy sanʼati mahsulotlarini tashqi bozorlarga olib chiqish boʻyicha masʼul etib belgilanganligi maʼlumot uchun qabul qilinsin.
Oʻzbekiston Respublikasining xorijiy davlatlardagi elchixonalari va vakolatxonalarining turizm faoliyatiga koʻmaklashish, jumladan hunarmandchilik mahsulotlarini tashqi bozorlarga olib chiqish va targʻib qilish borasidagi faoliyati yuzasidan hisobotlarini har olti oyda bir marotaba Oliy Majlis Senatida eshitish amaliyoti yoʻlga qoʻyilsin.
11. Turizm va sport vazirligi huzuridagi Madaniy meros agentligi “Hunarmand” uyushmasi, Badiiy akademiya, Fanlar akademiyasi Sanʼatshunoslik instituti bilan birgalikda 2022-yil 1-mayga qadar har bir hududning milliy urf-odatlari, xalq amaliy sanʼati va milliy davlatchilik tarixini oʻzida aks ettirgan, shuningdek, xorijiy sayyohlarda katta qiziqish uygʻotadigan muzeylardagi noyob eksponatlar replikatsiyalari asosida yangi hunarmandchilik mahsulotlari namunalarini tayyorlab, hunarmandlar tomonidan ishlab chiqarishni yoʻlga qoʻyish boʻyicha targʻibot va tashviqot ishlarini amalga oshirsin.
12. Turizm va sport vazirligi, Savdo-sanoat palatasi va “Hunarmand” uyushmasi “Hunarmandchilik markazlari” va “Usta-shogird” maktablarini turistik marshrutlarga kiritish choralarini koʻrib borsin.
13. Moliya vazirligi uch oy muddatda Toshkent shahri, Chilonzor tumani, “Katta Doʻmbirobod” mahallasida “Hunarmandchilik markazi” va “Usta-shogird maktabi” binosini qurish ishlarini yakunlash hamda zarur asbob-uskuna va inventarlar bilan jihozlash uchun Vazirlar Mahkamasining zaxira jamgʻarmasi hisobidan 5 milliard soʻmgacha mablagʻ ajratsin.
Bunda, mablagʻlar haqiqatda bajarilgan ishlar boʻyicha “Hunarmand” uyushmasi tomonidan taqdim etiladigan asoslangan hisob-kitoblarga muvofiq ajratiladi.
14. Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi, Savdo-sanoat palatasi, “Hunarmand” uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
mahallalarda hunarmandchilikni rivojlantirish boʻyicha hokim yordamchilari va “Hunarmand” uyushmasi quyi tuzilmalarining oʻzaro samarali hamkorligini yoʻlga qoʻyish;
hokim yordamchilari va “Hunarmand” uyushmasining hududlardagi masʼul xodimlari bilan birgalikda mahallalarda hunarmandchilik loyihalarini shakllantirish va amalga oshirish choralarini koʻrsin.
15. Axborot va ommaviy kommunikatsiyalar agentligi, Oʻzbekiston milliy teleradiokompaniyasi, Elektron ommaviy axborot vositalari milliy assotsiatsiyasi, “Hunarmand” uyushmasi ushbu qarorning mazmun-mohiyatini ommaviy axborot vositalarida keng yoritishni taʼminlasin.
16. Savdo-sanoat palatasi Adliya vazirligi, manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
17. Mazkur qaror ijrosini samarali tashkil qilishga masʼul va shaxsiy javobgar etib Savdo-sanoat palatasi raisi A.I. Ikramov, “Hunarmand” uyushmasi raisi U.T. Abdullayev hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosarlari J.A. Qoʻchqorov va S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 30-dekabr,
PQ-77-son
Oʻzbekiston Respublikasi Prezidentining 2021-yil 30-dekabrdagi PQ-77-son qaroriga
ILOVA
2022-yilda hunarmandchilikni rivojlantirish boʻyicha
“YOʻL XARITASI”

T/r

Chora-tadbirlar nomi

Moliyalashtirish manbalari

Ijro muddati

Amalga oshirish uchun masʼullar:

vazirlik va idoralardan

Vazirlar Mahkamasidan

I. Hunarmandchilik subyektlarini moliyaviy qoʻllab-quvvatlash va yangi ish oʻrinlarini yaratish

1.

2022-yilda oilaviy tadbirkorlikni rivojlantirish dasturlari doirasida hunarmandchilik loyihalarini amalga oshirish uchun 500 milliard soʻm ajratish.

Bunda:

imtiyozli kreditlarni hunarmandchilik loyihalarini amalga oshirish uchun 6 oygacha imtiyozli davr bilan 225 million soʻmgacha ajratish;

imtiyozli kreditlarni hunarmandning talabi boʻyicha depozit hisob raqamiga oʻtkazish yoʻli bilan keyinchalik unga xizmat koʻrsatuvchi bank tarif siyosatiga muvofiq, naqd pul olish imkoniyati bilan taqdim etish;

oldingi yillarda hunarmandlarga ajratilgan imtiyozli kreditlarning soʻndirilgan qismidan hosil boʻlgan mablagʻlarni aynan hunarmandchilik loyihalarini moliyalashtirish uchun qayta yoʻnaltirib borish;

hunarmandchilik subyektlariga oilaviy tadbirkorlik dasturlari doirasida ajratilgan imtiyozli kreditlardan samarali foydalanish va ularni tijorat banklariga oʻz vaqtida qaytarish yuzasidan “Hunarmand” uyushmasi tomonidan tijorat banklari bilan birgalikda doimiy monitoring va nazorat tizimini oʻrnatish.

Tijorat banklari kreditlari

2022-yil davomida

Markaziy bank

(Zaxidov),

“Xalq banki” AT

(Atabayev),

“Mikrokreditbank” ATB

(Butayev),

“Agrobank” ATB

(Mamatqulov),

“Hunarmand” uyushmasi

(Abdullayev)

Bosh vazir oʻrinbosarlari

(Qoʻchqorov, Umurzakov)

2.

Oilaviy tadbirkorlik dasturlari doirasida imtiyozli kredit ajratish boʻyicha “oilakredit.uz” elektron platformasida hunarmandlarni onlayn navbatga qoʻyish va loyihalarini kreditlash uchun alohida boʻlimni ishga tushirish.

2022-yil yanvar

Markaziy bank

(Zaxidov),

Savdo-sanoat palatasi

(Ikramov)

Bosh vazir oʻrinbosari

(Qoʻchqorov)

3.

Aholini tadbirkorlikka jalb qilish jamgʻarmasi hisobidan quyidagi maqsadlar uchun subsidiyalar ajratish tartibini joriy etish:

“usta-shogird” anʼanalari asosida yoshlarga hunar oʻrgatayotgan hunarmandlarga — shogirdlar tayyorlashi, zarur xom ashyo sotib olishi va shogirdlarni ish haqi bilan taʼminlashi uchun bir oyda bazaviy hisoblash miqdorining ikki baravaridan kam boʻlmagan miqdorda;

shogirdlarga — mustaqil faoliyatini boshlashi uchun zarur asbob-uskuna va jihozlarni sotib olishi, shuningdek, ustalarga — internet saytlarini yaratish, oʻz mahsulotlarini jahon elektron savdo maydonchalariga chiqarish va reklama xarajatlarining 50 foizi, biroq bazaviy hisoblash miqdorining 25 baravaridan oshmaydigan qismiga.

Aholini tadbirkorlikka jalb qilish jamgʻarmasi

2022-yil yanvar

Mahallabay ishlash va tadbirkorlikni rivojlantirish agentligi

(Ubaydullayev),

Moliya vazirligi

(Ishmetov),

“Hunarmand” uyushmasi

(Abdullayev)

Bosh vazir oʻrinbosarlari

(Qoʻchqorov, Umurzakov)

4.

2022-yil 1-yanvardan boshlab “Hunarmand” uyushmasi aʼzolari uchun:

ijtimoiy soliq stavkasini yiliga bazaviy hisoblash miqdorining bir baravari miqdorida belgilash;

faoliyat yuritish joyidan qatʼiy nazar kommunal infratuzilma xizmatlari (elektr energiyasi, suv taʼminoti, kanalizatsiya, gaz taʼminoti va issiqlik taʼminoti) haqini toʻlashni aholi uchun belgilangan tariflar boʻyicha va shartlar asosida amalga oshirish.

Doimiy

Moliya vazirligi

(Ishmetov),

Davlat soliq qoʻmitasi

(Kudbiyev),

Energetika vazirligi

(Sultanov),

Uy-joy kommunal xizmat koʻrsatish vazirligi

(Xidoyatov)

Bosh vazir oʻrinbosarlari

(Qoʻchqorov, Umurzakov)

5.

Hunarmandlarning yuridik shaxs tashkil qilgan holda faoliyat yuritishi uchun qulay sharoit yaratish maqsadida, ularning faoliyatini iqtisodiy faoliyat turlari umumdavlat tasniflagichi roʻyxatiga qoʻshish yuzasidan Vazirlar Mahkamasiga taklif kiritish.

2022-yil yanvar

Iqtisodiy taraqqiyot vazirligi

(Xolxoʻjayev),

Davlat xizmatlari agentligi

(Muxammadiyev),

Davlat statistika qoʻmitasi

(Begalov)

Bosh vazir oʻrinbosarlari

(Qoʻchqorov, Umurzakov)

II. Hunarmandchilik sohasida marketing va savdo tizimini takomillashtirish, eksportga koʻmaklashish va hunarmandchilik mahsulotlarini targʻib qilish

6.

1. Toshkent, Nukus shaharlari va viloyatlar markazlarida hunarmandlar ishlab chiqaradigan mahsulotlar savdosiga ixtisoslashgan hunarmandchilik mahsulotlari savdo pavilyonlarini tashkil etish.

Bunda:

savdo pavilyonlarini 150 kvadrat metrdan kam boʻlmagan maydonda, Qurilish vazirligi tomonidan ishlab chiqilgan namunaviy loyiha asosida tashkil etish;

foydalanishga topshirilgan savdo pavilyonlarini Savdo-sanoat palatasining hududiy boshqarmalariga operativ boshqaruv huquqi bilan berish;

savdo pavilyonlari orqali hunarmandchilik mahsulotlarini sotib olish hamda realizatsiya va eksport qilish ishlarini tizimli tashkil etish;

savdo pavilyonlari manzilini xorijiy va mahalliy turistlar uchun moʻljallangan turistik marshrutlarga kiritish.

Mahalliy budjet va qonunchilikda taqiqlanmagan boshqa mablagʻlar

2022-yil 1-iyunga qadar

Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi, Savdo-sanoat palatasi

(Ikramov),

“Hunarmand” uyushmasi

(Abdullayev),

Turizm va sport vazirligi

(Azamov),

Qurilish vazirligi

(Zakirov)

Bosh vazir oʻrinbosarlari

(Umurzakov, Qoʻchqorov, Abduhakimov)

2. Har bir hududning oʻziga xos hunarmandchilik anʼanalari asosida savdo pavilyonlarining namunaviy loyihalarini ishlab chiqish.

2022-yil fevral

Qurilish vazirligi

(Zakirov),

“Hunarmand” uyushmasi

(Abdullayev)

7.

Toshkent shahri tumanlari, Nukus shahri, viloyatlar markazlari hamda hunarmandchilik rivojlangan tuman va shaharlardagi Davlat xizmatlari markazlari binolarida doimiy faoliyat koʻrsatadigan milliy hunarmandchilik mahsulotlari koʻrgazmalari va savdo rastalari faoliyatini yoʻlga qoʻyish.

2022-yil 1-aprelga qadar

Adliya vazirligi

(Davletov),

“Hunarmand” uyushmasi

(Abdullayev),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Bosh vazir oʻrinbosari

(Umurzakov)

8.

“Oʻzekspomarkaz” pavilyonlarida “Craft fair Uzbekistan” xalqaro hunarmandchilik mahsulotlari va texnologiyalari yarmarkasini tashkil etish.

Eksportni ragʻbatlantirish agentligi

Har yili

Investitsiyalar va tashqi savdo vazirligi

(Voitov),

Savdo-sanoat palatasi

(Ikramov),

“Hunarmand” uyushmasi

(Abdullayev),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Bosh vazir oʻrinbosari

(Umurzakov)

9.

“Hunarmandchilik markazlari” va “Usta-shogird” maktablarini turistik marshrutlarga kiritib borish.

Doimiy ravishda

Turizm va sport vazirligi

(Azamov),

Savdo-sanoat palatasi

(Ikramov),

“Hunarmand” uyushmasi

(Abdullayev)

Bosh vazir oʻrinbosarlari

(Umurzakov, Abduhakimov)

10.

Har bir hududning milliy urf-odatlari, xalq amaliy sanʼati va milliy davlatchilik tarixini oʻzida aks ettirgan, shuningdek, xorijiy sayyohlarda katta qiziqish uygʻotadigan muzeylardagi noyob eksponatlar replikatsiyalari asosida yangi hunarmandchilik mahsulotlari namunalarini tayyorlab, hunarmandlar tomonidan ishlab chiqarishni yoʻlga qoʻyish boʻyicha targʻibot va tashviqot ishlarini amalga oshirish.

Oʻz mablagʻlari

2022-yil 1-mayga qadar

Madaniy meros agentligi

(Nurulloyev),

“Hunarmand” uyushmasi

(Abdullayev),

Badiiy akademiya

(Nuriddinov),

Sanʼatshunoslik instituti

(Pidayev)

Bosh vazir oʻrinbosarlari

(Umurzakov, Abduhakimov)

11.

Milliy hunarmandchilik mahsulotlarini jahon bozorlariga olib chiqishda doimiy amaliy yordam koʻrsatish, jumladan elektron tijorat (E-commerce) yoʻnalishi orqali sotishni kengaytirish.

Doimiy

Investitsiyalar va tashqi savdo vazirligi

(Voitov),

Savdo-sanoat palatasi

(Ikramov),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

12.

Milliy hunarmandchilik, xalq amaliy va badiiy sanʼati tarixi hamda mahsulotlari toʻgʻrisidagi maʼlumotlar aks ettirilgan videoroliklar va “Milliy hunarmandchilik jurnali”ni tayyorlab, yiliga kamida ikki marotaba yangilab borish.

Eksportni ragʻbatlantirish agentligi

2022-yil aprel

“Hunarmand” uyushmasi

(Abdullayev),

Oʻzbekiston milliy teleradiokompaniyasi

(Xadjayev),

Oʻzbekiston elektron ommaviy axborot vositalari milliy assotsiatsiyasi

(Abduxoliqov),

Oʻzbekiston milliy axborot agentligi

(Koʻchimov),

“Dunyo” axborot agentligi

(Suyarov),

Axborot va ommaviy kommunikatsiyalar agentligi

(Xodjayev),

Badiiy akademiya

(Nuriddinov),

Transport vazirligi

(Maxkamov),

“Oʻzbekiston temir yoʻllari” AJ

(Xasilov),

“Uzbekistan Airways”

(Xusanov)

Bosh vazir oʻrinbosarlari

(Umurzakov, Ramatov)

Bunda, ushbu materiallarni xorijiy va mahalliy sayyohlar va yoʻlovchilar eʼtiboriga havola qilish maqsadida “Oʻzbekiston havo yoʻllari”ning aviareys va “Oʻzbekiston temir yoʻllari”ning poyezd vagonlariga doimiy joylashtirib borish.

Doimiy

13.

Oʻzbekiston Respublikasining xorijiy davlatlardagi diplomatik vakolatxonalari koʻmagida hunarmandchilik mahsulotlarini chet el bozorlarida namoyish etish va savdo nuqtalarini tashkil etish boʻyicha dasturni Oʻzbekiston Respublikasi Vazirlar Mahkamasiga kiritish.

Bunda, mazkur savdo nuqtalarini tashkil etish xarajatlarining 50 foizi Oʻzbekiston Respublikasi Investitsiyalar va tashqi savdo vazirligi qoshidagi Eksportni ragʻbatlantirish agentligi tomonidan qoplab berilishini nazarda tutish.

2022-yil aprel

Tashqi ishlar vazirligi

(Kamilov),

Investitsiyalar va tashqi savdo vazirligi

(Voitov),

Savdo-sanoat palatasi

(Ikramov),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

14.

Hunarmandlar tomonidan tayyorlangan pichoqchilik, shuningdek, oʻchoq, bolta, choʻyan qozon kabi eksportbop mahsulotlarni eksportga tashish xarajatlarining bir qismini kompensatsiya qilish boʻyicha Hukumat komissiyasiga taklif kiritish.

Eksportni ragʻbatlantirish agentligi

2022-yil fevral

Investitsiyalar va tashqi savdo vazirligi

(Voitov),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

15.

Hunarmandlarga oʻz mahsulotlarini elektron savdo, jumladan “Amazon”, “Yebay” va “ETSY” kabi xalqaro onlayn savdo maydonlariga joylashtirish, reklama va targʻibot qilishlariga koʻmaklashish boʻyicha har bir hududda tegishli oʻquv kurslarini tashkil etish.

Bandlikka koʻmaklashish davlat jamgʻarmasi

Alohida grafik asosida

Axborot texnologiyalari va kommunikatsiyalarini rivojlantirish vazirligi

(Shermatov),

Bandlik va mehnat munosabatlari vazirligi

(Xusanov),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

III. Hunarmandchilik faoliyati uchun zarur boʻlgan xom ashyo bazasini yaratish

16.

Hunarmandchilik mahsulotlari uchun xom ashyo yetishtirish, uni qayta ishlash va sotishga ixtisoslashgan klasterlar faoliyatini toʻlaqonli tashkil etish.

Bunda:

klasterlar ustav kapitalini teng ulushlarda Xotin-qizlarni qoʻllab-quvvatlash davlat maqsadli jamgʻarmasi va Bandlikka koʻmaklashish davlat jamgʻarmasi hisobidan shakllantirish;

klasterlarga hunarmandchilik va ipak mato, ipak gilamlari toʻqish faoliyatini tashkil etish hamda qayta tiklanadigan xom ashyo (tutzorlar, qattiq turdagi daraxtlar) bazasini yaratishi uchun zarur boʻlgan yer maydonlarini paxtadan qisqartirilgan yerlar hisobidan ajratish.

Bandlikka koʻmaklashish davlat jamgʻarmasi, Xotin-qizlarni qoʻllab-quvvatlash davlat jamgʻarmasi

2022-yil yanvar

Mahalla va oilani qoʻllab-quvvatlash vazirligi

(Marufova),

Bandlik va mehnat munosabatlari vazirligi

(Xusanov),

Moliya vazirligi

(Ishmetov),

Qoraqalpogʻiston Respublikasi Vazirlar Kengashi va viloyatlar hokimliklari

Bosh vazir oʻrinbosarlari

(Umurzakov, Gʻaniyev)

17.

Hunarmandchilikning yogʻoch buyumlar yasash va yogʻoch oʻymakorligi yoʻnalishlari rivojlangan hududlarda zarur boʻlgan daraxt turlarini ekish va parvarishlash maqsadida, tashabbuskor hunarmandlarga oʻzlashtirilmagan yoki paxtadan boʻshagan yer maydonlaridan kamida 10 gektardanajratib berish.

Tashabbuskor hunarmandlar mablagʻlari

2022-yil fevral

Qoraqalpogʻiston Respublikasi Vazirlar Kengashi va viloyatlar hokimliklari, Qishloq xoʻjaligi vazirligi

(Xodjayev)

Bosh vazir oʻrinbosarlari

(Gʻaniyev, Qoʻchqorov)

18.

Hunarmandchilik faoliyati uchun zarur boʻlgan xom ashyo bazasi, shuningdek, hunarmandlarning mahsulotlari toʻgʻrisidagi maʼlumotlarni joylashtirish va ularni sotishga moʻljallangan “internet doʻkon” onlayn platformasini ishga tushirish.

2022-yil noyabr

Axborot texnologiyalari va kommunikatsiyalarini rivojlantirish vazirligi

(Shermatov),

Moliya vazirligi

(Ishmetov),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

19.

Hunarmandchilik subyektlari faoliyati uchun zarur boʻlgan, jumladan mis, oltin, kumush kabi xom ashyo turlarini ularning ehtiyojidan kelib chiqib, cheklangan miqdorda xarid qilishga imkon yaratish maqsadida, Tovar-xom ashyo birjasida hunarmandlar uchun alohida savdolar tashkil etish choralarini koʻrish.

2022-yil aprel

Moliya vazirligi

(Ishmetov),

Tovar-xom ashyo birjasi

(Badriddinov),

Iqtisodiy taraqqiyot vazirligi

(Xolxoʻjayev)

Bosh vazir oʻrinbosari

(Qoʻchqorov)

IV. “Usta-shogird” anʼanalarini yanada rivojlantirish orqali aholini hunarmandchilikka keng jalb qilish

20.

Fargʻona viloyatida hunarmandchilik faoliyatini kengaytirish hamda hunarmandlarning mahsulotlariga yangi bozorlar topishga sharoit yaratish maqsadida, loyihalarni amalga oshirish uchun 20 million AQSH dollari miqdorida mablagʻ ajratish va shu orqali 20 mingta yangi ish oʻrinlarini tashkil etish.

Tijorat banklari kreditlari

2022 — 2024-yillar

Markaziy bank

(Zaxidov),

Iqtisodiy taraqqiyot vazirligi

(Xolxoʻjayev),

Fargʻona viloyati hokimligi

(Bozarov)

Bosh vazir oʻrinbosarlari

(Qoʻchqorov, Umurzakov)

21.

Fargʻona viloyatining Qoʻqon shahridagi sobiq “Baxt uyi” oʻrnida “Milliy hunarmandchilik muzeyi va turizm markazi”ni tashkil etib, ushbu obyektlarni turistik marshrutlarga kiritish.

Mahalliy budjet

2022-yil dekabr

Fargʻona viloyati hokimligi

(Bozarov),

Davlat aktivlarini boshqarish agentligi

(Ortiqov),

“Hunarmand” uyushmasi

(Abdullayev),

Turizm va sport vazirligi

(Azamov)

Bosh vazir oʻrinbosarlari

(Umurzakov, Abduhakimov)

22.

Xorazm viloyatining Qoʻshkoʻpir tumanida yangi dizayndagi mahsulotlar ishlab chiqarish va qadoqlash, elektron savdo platformasi orqali sotish va hunarmandlarni marketingga oʻqitish boʻyicha “Hunarmandlar oʻquv markazi”ni tashkil etish.

Mahalliy budjet

2022-yil oktabr

Xorazm viloyati hokimligi

(Ermanov),

Bandlik va mehnat munosabatlari vazirligi

(Xusanov)

Bosh vazir oʻrinbosari

(Umurzakov)

23.

Xorazm viloyatida hunarmandchilik mahsulotlari boʻyich? “Xorazm brendi”ni yaratish va bozorlarga olib chiqish dasturini ishlab chiqish.

Mahalliy budjet

2022-yil aprel

Xorazm viloyati hokimligi

(Ermanov),

Investitsiyalar va tashqi savdo vazirligi

(Voitov),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

24.

Andijon viloyatining Shahrixon tumanida “Hunarmandlar markazi”ni tashkil etish va Shahrixonga Butunjahon hunarmandlar kengashi “World craft counsil” tomonidan beriladigan hunarmandlar shahri maqomini olish boʻyicha tashkiliy chora-tadbirlarni amalga oshirish.

Respublika budjeti

2022 — 2024-yillar

Andijon viloyati hokimligi

(Abduraxmonov),

“Hunarmand” uyushmasi

(Abdullayev),

Madaniyat vazirligi

(Nazarbekov)

Bosh vazir oʻrinbosari

(Umurzakov)

25.

Jizzax viloyatining har bir tumani va shahrida talab yuqori boʻlgan tikuvchilik, pazandalik, sartaroshlik, hunarmandchilik kabi yoʻnalishlarda “Ayollar biznes markazlari”ni tashkil etish orqali 25 ming nafar xotin-qizlarni davlat hisobidan kasbga oʻqitish choralarini koʻrish.

Mahalliy budjet, Aholini tadbirkorlikka jalb qilish jamgʻarmasi, Bandlikka koʻmaklashish davlat jamgʻarmasi

2022-2023-yillar

Jizzax viloyati hokimligi

(Saliyev),

Mahallabay ishlash va tadbirkorlikni rivojlantirish agentligi

(Ubaydullayev),

Bandlik va mehnat munosabatlari vazirligi

(Xusanov),

“Hunarmand” uyushmasi

(Abdullayev)

Bosh vazir oʻrinbosarlari

(Umurzakov, Qoʻchqorov)

26.

Qashqadaryo viloyatining Shahrisabz, Kitob, Kasbi tumanlari hamda Qarshi shahrida hunarmandchilik markazlarini tashkil etib, 15 mingdan ortiq yoshlarning shogirdlikka jalb etilishini taʼminlash.

Mahalliy budjet, Bandlikka koʻmaklashish davlat jamgʻarmasi

2022-2023-yillar

Qashqadaryo viloyati hokimligi

(Azimov),

Bandlik va mehnat munosabatlari vazirligi

(Xusanov),

“Hunarmand” uyushmasi

(Abdullayev)

Bosh vazir oʻrinbosarlari

(Umurzakov, Qoʻchqorov)

27.

Qashqadaryo viloyatining Shahrisabz shahridagi “Oqsaroy” maydonida joylashgan sobiq “Chorsu” bozori negizida zamonaviy “Hunarmandchilik markazi”ni tashkil etib, “usta-shogird” anʼanalarini yoʻlga qoʻyish.

Mahalliy budjet

2022-yil noyabr

Qashqadaryo viloyati hokimligi

(Azimov),

“Hunarmand” uyushmasi

(Abdullayev),

Turizm va sport vazirligi

(Azamov)

Bosh vazir oʻrinbosari

(Umurzakov)

28.

Qashqadaryo viloyatida qadimiy Kasbi kulolchiligini qayta tiklash, shuningdek, tumanda yogʻoch oʻymakorligi va kasanachilikni rivojlantirish maqsadida “Kasbi hunarmandlar markazi” faoliyatini yoʻlga qoʻyish.

Mahalliy budjet

2023-yil aprel

Qashqadaryo viloyati hokimligi

(Azimov),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

29.

Samarqand tumanidagi “Konigil” mahallasida tashkil etilgan “Turizm qishlogʻi” loyihasining ikkinchi bosqichini amalga oshirish va ushbu loyiha doirasida 28 ta ixtisoslashgan hunarmandchilik ustaxonalarini tashkil etish.

Tashabbuskor tadbirkorlar mablagʻlari

2022-yil dekabr

Samarqand viloyati hokimligi

(Turdimov),

Turizm va sport vazirligi

(Azamov)

“Hunarmand” uyushmasi

(Abdullayev)

Bosh vazir oʻrinbosarlari

(Umurzakov, Abduhakimov)

30.

Sirdaryo tumani va Toshkent viloyati chegarasida zamonaviy “Karvonsaroy” majmuasini ishga tushirib, hunarmandchilik mahsulotlari boʻyicha savdo doʻkonlari faoliyatini yoʻlga qoʻyish.

Mahalliy budjet, tashabbuskor tadbirkorlar mablagʻlari

2022-yil sentabr

Sirdaryo viloyati hokimligi

(Mirzayev),

Iqtisodiy taraqqiyot va kambagʻallikni qisqartirish vazirligi

(Xolxoʻjayev),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

31.

Buxoro shahrining Mirdoʻstim koʻchasida joylashgan “Abdullaxon” va “Modarixon” madrasalarini taʼmirlab, zardoʻzlik va zargarlik markazlarini tashkil etish.

Mahalliy budjet

2023-yil mart

Buxoro viloyati hokimligi

(Zaripov),

“Hunarmand” uyushmasi

(Abdullayev),

Madaniyat vazirligi

(Nazarbekov)

Bosh vazir oʻrinbosari

(Umurzakov)

32.

Toshkent shahrining Yunusobod tumanidagi Sayilgoh koʻchasida har yili mustaqillik bayrami arafasida “Toshkent suvenirlari” koʻrgazma-yarmarkasini tashkil etish.

Mahalliy budjet

Doimiy

Toshkent shahar hokimligi

(Ortiqxoʻjayev),

“Hunarmand” uyushmasi

(Abdullayev),

Turizm va sport vazirligi

(Azamov)

Bosh vazir oʻrinbosarlari

(Umurzakov, Abduhakimov)

33.

Milliy hunarmandchilik va xalq amaliy sanʼati yoʻnalishlari boʻyicha bolalar musiqa va sanʼat maktablari, “Barkamol avlod” bolalar markazlari hamda kasbga oʻqitish maskanlarida oʻquv-mashgʻulotlarini tashkil etish.

Bunda, oʻquv jarayonlariga mentor sifatida Xalq amaliy sanʼati ustalari milliy katalogiga kirgan va uzoq yillik tajribaga ega boʻlgan ustalarni jalb etish.

Bandlikka koʻmaklashish davlat jamgʻarmasi, Aholini tadbirkorlikka jalb qilish jamgʻarmasi

Doimiy

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Bandlik va mehnat munosabatlari vazirligi

(Xusanov),

Mahallabay ishlash va tadbirkorlikni rivojlantirish agentligi

(Ubaydullayev),

“Hunarmand” uyushmasi

(Abdullayev)

Bosh vazir oʻrinbosarlari

(Umurzakov, Qoʻchqorov)

34.

Yosh hunarmandlar oʻrtasida oʻzaro tajriba almashish va sogʻlom raqobatni yoʻlga qoʻyish maqsadida “Yosh hunarmandlar” festivalini oʻtkazish.

Bunda, mazkur festivalning tuman va shahar hamda viloyat bosqichlarida saralangan yosh hunarmandlar ishtirokida respublika bosqichini Fargʻona viloyatining Qoʻqon shahrida yuksak darajada oʻtkazish.

Respublika va mahalliy budjet

2022-yil iyul — sentabr

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, “Hunarmand” uyushmasi

(Abdullayev),

Yoshlar ishlari agentligi

(Saʼdullayev)

Bosh vazir oʻrinbosarlari

(Umurzakov, Qoʻchqorov)

35.

Har bir tuman va shaharda, jumladan hunarmandchilik kirib borgan 5 657 ta mahallada 10 mingdan ortiq loyihalarni amalga oshirish.

Bunda, loyiha tashabbuskorlariga har tomonlama koʻmaklashish yuzasidan joylardagi hokim yordamchilari va “Hunarmand” uyushmasi boʻlimlarining oʻzaro hamkorlik tizimini yaratish.

2022-yil davomida

Qoraqalpogʻiston Respublikasi Vazirlar Kengashi, viloyatlar, Toshkent shahar hokimliklari, Mahallabay ishlash va tadbirkorlikni rivojlantirish agentligi

(Ubaydullayev),

“Hunarmand” uyushmasi

(Abdullayev)

Bosh vazir oʻrinbosari

(Qoʻchqorov)

36.

Qoraqalpogʻiston Respublikasining Ellikqalʼa tumanidagi “Jaloliddin Manguberdi istirohat bogʻi” hududida doʻppi, gilam, kigiz toʻqish, teridan poʻstak, choʻgirma, yogʻoch oʻymakorlik buyumlarini tayyorlashga ixtisoslashgan “Hunarmandlar shaharchasi”ni tashkil etib, uni turistik marshrutga kiritish.

Tashabbuskor tadbirkor va hunarmandlar mablagʻlari

2022-yil sentabr

Qoraqalpogʻiston Respublikasi Vazirlar Kengashi

(Sariyev),

Savdo-sanoat palatasi

(Ikramov),

“Hunarmand” uyushmasi

(Abdullayev),

Turizm va sport vazirligi

(Azamov)

Bosh vazir oʻrinbosarlari

(Umurzakov, Abduhakimov)

37.

Qadimiy qoraqalpoq milliy “koʻk koʻylak” matosini oʻrganish va qayta tiklash, shuningdek, ushbu yoʻnalishda faoliyat yuritadigan hunarmandlarga zarur sharoit yaratish maqsadida Xoʻjayli tumanida “Hunarmandlar markazi” faoliyatini yoʻlga qoʻyish.

Mahalliy budjet, tashabbuskor tadbirkorlar mablagʻlari

2023-yil iyun

Qoraqalpogʻiston Respublikasi Vazirlar Kengashi

(Sariyev),

Savdo-sanoat palatasi

(Ikramov),

“Hunarmand” uyushmasi

(Abdullayev)

Bosh vazir oʻrinbosari

(Umurzakov)

(Qonunchilik maʼlumotlari milliy bazasi, 30.12.2021-y., 07/21/77/1233-son; 12.06.2023-y., 06/23/91/0357-son)