Oʻzbekiston Respublikasi Vazirlar Mahkamasining
qarori
Taʼlim darajasi yuqori boʻlmagan maktablarga malakali oʻqituvchi-pedagoglarni jalb qilish chora-tadbirlari toʻgʻrisida
Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturi toʻgʻrisida” 2021-yil 3-fevraldagi PF-6155-son Farmoni hamda “Olis hududlardagi budjet tashkilotlariga malakali mutaxassislarni jalb qilish chora-tadbirlari toʻgʻrisida” 2021-yil 11-yanvardagi PQ-4940-son qarori ijrosini taʼminlash, shuningdek, taʼlim darajasi yuqori boʻlmagan maktablarda taʼlim berishni yaxshilash uchun boshqa hududlardan tajribali mutaxassislarni jalb etish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Olis hududlardagi budjet tashkilotlariga malakali mutaxassislarni jalb qilish chora-tadbirlari toʻgʻrisida” 2021-yil 11-yanvardagi PQ-4940-son qarorida:
a) 2021-yil 1-martdan boshlab taʼlim darajasi yuqori boʻlmagan maktablarda dars berish uchun boshqa hududlardan jalb qilingan oliy va birinchi toifaga ega oʻqituvchi-pedagoglarning bazaviy tarif stavkalariga maxsus ustamalar joriy qilinganligi, bunda:
bir maʼmuriy-hududiy birliklar doirasida boshqa tuman va shaharlardan kelib faoliyat yuritayotgan oʻqituvchi-pedagoglarning bazaviy tarif stavkalariga 50 foiz;
boshqa maʼmuriy-hududiy birlikdan kelib faoliyat yuritayotgan oʻqituvchi-pedagoglarning bazaviy tarif stavkalariga 100 foiz maxsus ustamalar toʻlanishi;
b) taʼlim darajasi yuqori boʻlmagan maktablarda dars berish uchun boshqa hududda kamida bir yil ishlagan oliy va birinchi toifaga ega oʻqituvchi-pedagoglar jalb qilinishi;
Oldingi tahrirga qarang.
v) taʼlim darajasi yuqori boʻlmagan maktablar roʻyxati Maktabgacha va maktab taʼlimi vazirligi tomonidan aniqlanishi;
(1-bandning “v” kichik bandi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
g) boshqa hududlardan jalb qilingan oliy va birinchi toifaga ega oʻqituvchi-pedagoglarning bazaviy tarif stavkalariga maxsus ustamalar ular borgan maktab taʼlim darajasi yuqori boʻlmagan maktablar roʻyxatidan chiqarilgan yildan keyingi yil uchun ham toʻlanishi belgilanganligi maʼlumot uchun qabul qilinsin.
2. Belgilansinki:
a) umumtaʼlim fanlaridan biri boʻyicha xalqaro tan olingan sertifikatga yoki Vazirlar Mahkamasining “Umumtaʼlim fanlarini bilish darajasini baholashning milliy test tizimini joriy etish toʻgʻrisida” 2020-yil 12-oktabrdagi 646-son qaroriga muvofiq umumtaʼlim fanlarini bilish darajasi toʻgʻrisidagi sertifikatga ega boʻlgan:
pedagogika yoʻnalishidagi oliy taʼlim muassasa (fakultet)larining 2021-yil va undan keyingi yillardagi bitiruvchilari bir maʼmuriy-hududiy birlik doirasida boshqa tuman va shaharlardan kelib, taʼlim darajasi yuqori boʻlmagan maktablarda mehnat faoliyatini amalga oshirganda, ularning bazaviy tarif stavkalariga 50 foiz va boshqa maʼmuriy-hududiy birlikdan kelib mehnat faoliyatini amalga oshirganda, ularning bazaviy tarif stavkalariga 100 foiz maxsus ustamalar toʻlanadi;
Oldingi tahrirga qarang.
(2-band “a” kichik bandining uchinchi xatboshisi Oʻzbekiston Respublikasi Vazirlar Mahkamasining 2025-yil 28-fevraldagi 130-sonli qaroriga asosan chiqarilgan — Qonunchilik maʼlumotlari milliy bazasi, 01.03.2025-y., 09/25/130/0199-son)
b) Vazirlar Mahkamasining 2019-yil 7-iyundagi 471-son qarori bilan tasdiqlangan Umumiy oʻrta taʼlim muassasalarida boshqa hududlardan kelib faoliyat yuritayotgan pedagog xodimlarga maxsus ustama belgilanadigan hududlar roʻyxatidagi hududlarda joylashgan va taʼlim darajasi yuqori boʻlmagan maktablarga boshqa hududlardan jalb etiladigan oʻqituvchi-pedagoglarga Oʻzbekiston Respublikasi Prezidentining “Olis hududlardagi budjet tashkilotlariga malakali mutaxassislarni jalb qilish chora-tadbirlari toʻgʻrisida” 2021-yil 11-yanvardagi PQ-4940-son qarori hamda Vazirlar Mahkamasining “Olis hududlarda joylashgan umumiy oʻrta taʼlim muassasalarida faoliyat yuritayotgan pedagog xodimlarning mehnatini yanada ragʻbatlantirish toʻgʻrisida” 2019-yil 7-iyundagi 471-son qarorida belgilangan qoʻshimcha ustamalar va kompensatsiyalar toʻlanadi.
3. Quyidagilarni nazarda tutuvchi Taʼlim darajasi yuqori boʻlmagan maktablarda taʼlim berish uchun boshqa hududlardan oʻqituvchi-pedagoglarni jalb etish tartibi toʻgʻrisidagi nizom 1-ilovaga muvofiq tasdiqlansin:
Oldingi tahrirga qarang.
Maktabgacha va maktab taʼlimi vazirligi har yili 1-martga qadar taʼlim darajasi yuqori boʻlmagan maktablarni aniqlash va ularning roʻyxatini shakllantirish tartibi;
(3-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
taʼlim darajasi yuqori boʻlmagan maktablarda dars berishi uchun boshqa hududlardan oʻqituvchi-pedagoglarni jalb etish sxemasi;
taʼlim darajasi yuqori boʻlmagan maktablarga boshqa hududlardan jalb etiladigan oʻqituvchi-pedagoglarga qoʻyiladigan talablar;
boshqa hududlardan jalb qilingan oʻqituvchi-pedagoglarni ishga qabul qilish, ularning faoliyatini muvofiqlashtirish va mehnatiga qoʻshimcha haq toʻlash tartibi.
4. Oʻzbekiston Respublikasi Hukumatining 2-ilovaga muvofiq ayrim hujjatlariga oʻzgartirish va qoʻshimchalar kiritilsin.
5. Oʻzbekiston Respublikasi Xalq taʼlimi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev va Oʻzbekiston Respublikasi xalq taʼlimi vaziri Sh.X. Shermatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 15-oktabr,
646-son
Vazirlar Mahkamasining 2021-yil 15-oktabrdagi 646-son qaroriga
1-ILOVA
1-ILOVA
Taʼlim darajasi yuqori boʻlmagan maktablarda taʼlim berish uchun boshqa hududlardan oʻqituvchi-pedagoglarni jalb etish tartibi toʻgʻrisida
NIZOM
1-bob. Umumiy qoidalar
1. Mazkur Nizom taʼlim darajasi yuqori boʻlmagan maktablarda taʼlim berish uchun boshqa hududlardan oʻqituvchi-pedagoglarni jalb etish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
Oldingi tahrirga qarang.
taʼlim darajasi yuqori boʻlmagan maktablar — Oʻzbekiston Respublikasi Maktabgacha va maktab taʼlimi vazirligi (keyingi oʻrinlarda — Vazirlik) shakllantiriladigan roʻyxatga kiritilgan umumtaʼlim maktablari;
(2-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
boshqa hududlardan jalb etiladigan oʻqituvchi-pedagoglar (keyingi oʻrinlarda — oʻqituvchi-pedagoglar) — taʼlim darajasi yuqori boʻlmagan maktablarga mehnat shartnomasi asosida bir maʼmuriy-hududiy birlik doirasidagi boshqa tuman (shahar)dan yoki boshqa maʼmuriy-hududiy birlikdan (boshqa viloyatlar, Qoraqalpogʻiston Respublikasi va Toshkent shahri) faoliyat yuritishlari uchun jalb etilgan oliy va birinchi toifali pedagoglar;
Oldingi tahrirga qarang.
elektron platforma — taʼlim darajasi yuqori boʻlmagan maktablar toʻgʻrisida maʼlumotlar hamda ularga boshqa hududlardan jalb etilgan oʻqituvchi-pedagoglar roʻyxati aks ettirilgan internet jahon axborot tarmogʻi orqali foydalanish imkoniyati yaratilgan, Vazirlik tomonidan ishlab chiqiladigan elektron tizim.
(2-bandning toʻrtinchi xatboshisi Oʻzbekiston Respublikasi Vazirlar Mahkamasining 2022-yil 2-avgustdagi 425-sonli qarori tahririda — Qonunchilik maʼlumotlari milliy bazasi, 03.08.2022-y., 09/22/425/0712-son)
3. Ushbu Nizom talablari Vazirlik tizimidagi umumiy oʻrta taʼlim muassasalariga (keyingi oʻrinlarda — maktablar) nisbatan tatbiq etiladi.
Oldingi tahrirga qarang.
(4-band Oʻzbekiston Respublikasi Vazirlar Mahkamasining 2022-yil 2-avgustdagi 425-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 03.08.2022-y., 09/22/425/0712-son)
5. Taʼlim darajasi yuqori boʻlmagan maktablarda taʼlim berish uchun boshqa hududlardan oʻqituvchi-pedagoglarni jalb etish mazkur Nizomning ilovasida belgilangan sxema asosida amalga oshiriladi.
2-bob. Taʼlim darajasi yuqori boʻlmagan maktablar roʻyxatini shakllantirish va eʼlon qilish
Oldingi tahrirga qarang.
6. Taʼlim darajasi yuqori boʻlmagan maktablar roʻyxatini shakllantirish mezonlari (keyingi oʻrinlarda — baholash mezonlari) Vazirlik tomonidan ishlab chiqiladi hamda tasdiqlanadi.
(6-bandning birinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Bunda:
Oldingi tahrirga qarang.
maktab bitiruvchilarining davlat oliy taʼlim muassasalariga oʻqishga kirish imtihonidagi (oʻrtacha ball) natijalari;
(6-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
(6-bandning toʻrtinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qaroriga asosan chiqarilgan — Qonunchilik maʼlumotlari milliy bazasi, 22.10.2025-y., 09/25/662/0964-son)
“Zamonaviy maktablar”ga qoʻyilgan talablar asosida baholash natijalari inobatga olinadi.
Taʼlim darajasi yuqori boʻlmagan maktablar roʻyxatini shakllantirish mezonlari har bir oʻquv yili uchun takomillashtirilgan holda yangidan ishlab chiqiladi.
Oldingi tahrirga qarang.
(7-band Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
8. Qoraqalpogʻiston Respublikasi Maktabgacha va maktab taʼlimi vazirligi, Toshkent shahar va viloyatlar maktabgacha va maktab taʼlimi boshqarmalari (keyingi oʻrinlarda — hududiy boshqarmalar) har yili 1-fevralga qadar tasdiqlangan mezonlar asosida taʼlim darajasi yuqori boʻlmagan maktablar roʻyxatiga kiritiladigan maktablar toʻgʻrisida Vazirlikka taklif kiritadi.
(8-band Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
9. Vazirlik har yili 1-martga qadar taʼlim darajasi yuqori boʻlmagan maktablar roʻyxatini shakllantiradi hamda belgilangan tartibda tasdiqlaydi.
(9-bandning birinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Taʼlim darajasi yuqori boʻlmagan maktablarning roʻyxati tasdiqlangan kundan boshlab 10 kun ichida Vazirlikning rasmiy veb-sayti hamda ijtimoiy tarmoqlardagi sahifalarida eʼlon qilinadi.
3-bob. Elektron platformada maʼlumotlarni shakllantirish
10. Elektron platformani uzluksiz ishlatish, moliyalashtirish, texnik jihatdan qoʻllab-quvvatlash va maʼlumotlarni yangilab borishni muvofiqlashtirish Vazirlik tomonidan amalga oshiriladi.
Oldingi tahrirga qarang.
11. Tuman (shahar) maktabgacha va maktab taʼlimi boʻlimlari har yili 15-mayga qadar elektron platformaga taʼlim darajasi yuqori boʻlmagan maktablar toʻgʻrisida quyidagi maʼlumotlarni kiritadi:
(11-bandning birinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
maktab joylashgan hudud (tuman/shahar), uning manzili, telefon raqami;
maktabning quvvati, taʼlim berish tili, oʻquvchilar va sinflar soni;
pedagoglar soni, sifat tarkibi va mavjud fanlar boʻyicha ajratiladigan vakant dars soatlari.
Oldingi tahrirga qarang.
Tuman (shahar) maktabgacha va maktab taʼlimi boʻlimlari maʼlumotlarning toʻgʻriligi va haqqoniyligiga javobgar hisoblanadi.
(11-bandning beshinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
Tuman (shahar) maktabgacha va maktab taʼlimi boʻlimlari tomonidan maʼlumotlarning oʻz vaqtida va toʻgʻri kiritilishi hududiy boshqarmalar tomonidan nazorat qilinadi.
(11-bandning oltinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
4-bob. Boshqa hududlardan oʻqituvchi-pedagoglarni jalb etish
12. Oʻqituvchi-pedagoglar:
tegishli fan yoʻnalishi boʻyicha oliy maʼlumotga ega boʻlishi;
dars berayotgan fani boʻyicha birinchi yoki oliy malaka toifasiga ega boʻlishi;
boshqa hududda kamida bir yil pedagogik faoliyat yuritgan boʻlishi;
amalda faoliyat yuritayotgan maktab taʼlim darajasi yuqori boʻlmagan maktablar roʻyxatida mavjud boʻlmasligi talab etiladi.
Oldingi tahrirga qarang.
13. Boshqa hududlardagi taʼlim darajasi yuqori boʻlmagan maktablarda dars berish istagini bildirgan oʻqituvchi-pedagoglar elektron platformaga kiritilgan taʼlim darajasi yuqori boʻlmagan maktablarning birini tanlab, koʻrsatilgan vakant soatlar boʻyicha 15-maydan 25-iyulga qadar umumtaʼlim maktabi direktoriga toʻgʻridan-toʻgʻri murojaat qiladi.
(13-band Oʻzbekiston Respublikasi Vazirlar Mahkamasining 2022-yil 2-avgustdagi 425-sonli qarori tahririda — Qonunchilik maʼlumotlari milliy bazasi, 03.08.2022-y., 09/22/425/0712-son)
Oldingi tahrirga qarang.
14. Oʻqituvchi-pedagoglar taʼlim darajasi yuqori boʻlmagan maktab direktoriga quyidagi hujjatlarni taqdim etadi:
mutaxassisligi, dars beradigan fanini koʻrsatgan holda direktor nomiga ariza;
doimiy yashash manzili (hudud, tuman/shahar nomi), telefon raqami koʻrsatilgan maʼlumotnoma — obyektivka;
oliy yoki birinchi malaka toifasiga ega ekanligini tasdiqlovchi sertifikat nusxasi.
(14-band Oʻzbekiston Respublikasi Vazirlar Mahkamasining 2022-yil 2-avgustdagi 425-sonli qarori tahririda — Qonunchilik maʼlumotlari milliy bazasi, 03.08.2022-y., 09/22/425/0712-son)
Oldingi tahrirga qarang.
(15-band Oʻzbekiston Respublikasi Vazirlar Mahkamasining 2022-yil 2-avgustdagi 425-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 03.08.2022-y., 09/22/425/0712-son)
Oldingi tahrirga qarang.
16. Taʼlim darajasi yuqori boʻlmagan maktablarda dars berish istagini bildirgan oʻqituvchi-pedagoglarni saralash boʻyicha Ishchi guruh (keyingi oʻrinlarda — Ishchi guruh) tuziladi.
Ishchi guruh tarkibiga maktab direktori, direktorning oʻquv ishlari boʻyicha oʻrinbosari, kadrlar boʻyicha menejer (inspektor), psixolog, maktab kasaba uyushmasi vakili kiritiladi.
(16-band Oʻzbekiston Respublikasi Vazirlar Mahkamasining 2022-yil 2-avgustdagi 425-sonli qarori tahririda — Qonunchilik maʼlumotlari milliy bazasi, 03.08.2022-y., 09/22/425/0712-son)
Oldingi tahrirga qarang.
17. Ishchi guruh murojaat etgan oʻqituvchi-pedagoglar tomonidan taqdim etilgan hujjatlarni oʻrganib chiqadi.
Belgilangan talablarga mos kelgan hamda vakant soatlar boʻyicha bir oʻringa ikki va undan ortiq nomzodlar boʻlgan taqdirda, ular kasbiy bilim va koʻnikmalar, pedagogik mahorat hamda psixologik qobiliyat yoʻnalishida Ishchi guruh tomonidan suhbatdan oʻtkaziladi. Bunda suhbat quyidagi mezonlar asosida 100 ballik tizim asosida baholanadi:
Baholash mezoni boʻyicha maksimal ball | Koʻrsatkichlar boʻyicha qoʻyiladigan ball | Koʻrsatkichlar | |
Kasbiy bilim va koʻnikmalar | 40 | 10 | Fan boʻyicha nazariy va amaliy bilimlar, eng soʻnggi ilmiy yangiliklardan xabardorligi (toʻliq javob 10 ball, qisman javob 5 ball, notoʻgʻri javob 0 ball) |
10 | Darsni rejalashtirish va tashkil etish koʻnikmasi (toʻliq javob 10 ball, qisman javob 5 ball, notoʻgʻri javob 0 ball) | ||
10 | Davlat taʼlim standartlari hamda baholash mezonlarini bilish (toʻliq javob 10 ball, qisman javob 5 ball, notoʻgʻri javob 0 ball) | ||
10 | Taʼlim platformalari va multimedia vositalaridan foydalana olish (toʻliq javob 10 ball, qisman javob 5 ball, notoʻgʻri javob 0 ball) | ||
Pedagogik mahorat | 30 | 10 | Interaktiv va zamonaviy oʻqitish metodlaridan foydalanish (toʻliq javob 10 ball, qisman javob 5 ball, notoʻgʻri javob 0 ball) |
10 | Boʻsh va iqtidorli oʻquvchilar bilan ishlash koʻnikmasi (toʻliq javob 10 ball, qisman javob 5 ball, notoʻgʻri javob 0 ball) | ||
5 | Inklyuziv taʼlimga yondashuv (toʻliq javob 5 ball, qisman javob 2 ball, notoʻgʻri javob 0 ball) | ||
5 | Taʼlimga oid meʼyoriy hujjatlarni bilishi (toʻliq javob 5 ball, qisman javob 2 ball, notoʻgʻri javob 0 ball) | ||
Psixologik qobiliyat | 30 | 10 | Muloqot madaniyati va nutq ravonligi (toʻliq javob 10 ball, qisman javob 5 ball, notoʻgʻri javob 0 ball) |
10 | Stress holatida ishlash qobiliyati (toʻliq javob 10 ball, qisman javob 5 ball, notoʻgʻri javob 0 ball) | ||
5 | Konflikt vaziyatlarini tahlil qilish va hal etish koʻnikmasi (toʻliq javob 5 ball, qisman javob 2 ball, notoʻgʻri javob 0 ball) | ||
5 | Jamoada ishlash qobiliyati (toʻliq javob 5 ball, qisman javob 2 ball, notoʻgʻri javob 0 ball) | ||
Maksimal ball | 100 | ||
Saralash onlayn tarzda ham amalga oshirilishi mumkin.
Suhbat jarayonida nomzodlar har bir ishchi guruh aʼzosi tomonidan mustaqil ravishda baholanadi va yakuniy ball ishchi guruh aʼzolari tomonidan qoʻyilgan ballarning oʻrtacha arifmetik qiymati asosida aniqlanadi hamda suhbat natijalari bayonnoma shaklida rasmiylashtiriladi.
Suhbat natijalariga koʻra eng yuqori ball toʻplagan nomzod tegishli vakant soat uchun ishga olinadigan oʻqituvchi sifatida tanlab olinadi.
Suhbat natijalariga koʻra nomzodlarning ballari teng boʻlgan taqdirda, ularni tanlab olish quyidagi ketma-ketlikda amalga oshiriladi:
amaldagi malaka toifasi darajasi yuqoriligi;
pedagogik ish staji yuqoriligi;
dars oʻtadigan fani boʻyicha ustama belgilashda qoʻllaniladigan milliy va xalqaro tan olingan sertifikatga egaligi va sertifikatning darajasi yuqoriligi.
Ishchi guruh aʼzosi nomzod bilan oʻzaro yaqin qarindosh boʻlgan taqdirda, mazkur nomzodni baholash jarayonida ishtirok etmaydi.
(17-band Oʻzbekiston Respublikasi Vazirlar Mahkamasining 2026-yil 24-avgustdagi 456-sonli qarori tahririda — Qonunchilik maʼlumotlari milliy bazasi, 25.08.2026-y., 09/26/456/0870-son)
18. Taʼlim darajasi yuqori boʻlmagan maktabda dars berish uchun murojaat qilgan va saralashdan muvaffaqiyatli oʻtgan oʻqituvchi-pedagoglar roʻyxati har yili 10-avgustga qadar Vazirlikning rasmiy veb-saytida eʼlon qilinadi.
5-bob. Boshqa hududlardan jalb etilgan pedagoglarni ishga qabul qilish va faoliyatini muvofiqlashtirish
19. Saralashdan muvaffaqiyatli oʻtgan oʻqituvchi-pedagoglar ishga qabul qilish boʻyicha har yili 25-avgustga qadar maktab direktoriga yozma ariza bilan murojaat qiladi.
Maktab direktori saralashdan muvaffaqiyatli oʻtgan oʻqituvchi-pedagoglarni qonunchilikda belgilangan tartibda vakant lavozimga yangi oʻquv yilining birinchi kunidan boshlab ishga qabul qiladi.
LexUZ sharhiQarang: Mehnat kodeksining IV boʻlimi, Oʻzbekiston Respublikasi kambagʻallikni qisqartirish va bandlik vazirining 2023-yil 26-iyundagi 52-2023/B-son-son buyrugʻi bilan tasdiqlangan Ishga qabul qilish chogʻida tanlov oʻtkazish toʻgʻrisidagi namunaviy nizom (roʻyxat raqami 3451, 14.08.2023-y.).
25-avgustga qadar yozma ariza bilan murojaat qilmagan oʻqituvchi-pedagoglar bilan mehnat shartnomasi rasmiylashtirilmaydi, vakant joyga maktab direktori tomonidan belgilangan tartibda boshqa xodim ishga olinadi.
20. Boshqa hududdan kelgan oʻqituvchi-pedagoglarga tarifikatsiya roʻyxatini shakllantirish mezonlaridan kelib chiqqan holda, kamida 1 stavka miqdorida dars soati va oʻquv yuklamalari ajratiladi. Oʻquv rejasida umumtaʼlim fani boʻyicha ajratilgan soatlar 1 stavkadan kam boʻlgan taqdirda, mazkur fanga ajratilgan jami oʻquv soatlari va oʻquv yuklamalari beriladi.
Oldingi tahrirga qarang.
21. Oʻqituvchi-pedagoglarning pedagogik faoliyati muntazam ravishda tuman (shahar) maktabgacha va maktab taʼlimi boʻlimi tomonidan muvofiqlashtiriladi.
(21-band Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
22. Oʻqituvchi-pedagoglar boshqa hududlardan kelib ikki oʻquv yili davomida faoliyat yuritayotgan maktab taʼlim darajasi yuqori boʻlmagan maktablar roʻyxatidan chiqarilmasa, ularga belgilangan boshqa hududlardan jalb etilganligi uchun toʻlanadigan maxsus ustamalarni toʻlash toʻxtatiladi.
(22-band Oʻzbekiston Respublikasi Vazirlar Mahkamasining 2026-yil 24-avgustdagi 456-sonli qarori tahririda — Qonunchilik maʼlumotlari milliy bazasi, 25.08.2026-y., 09/26/456/0870-son)
6-bob. Boshqa hududlardan jalb etilgan oʻqituvchi-pedagoglarga qoʻshimcha haq toʻlash
23. Taʼlim darajasi yuqori boʻlmagan maktablarda dars berish uchun boshqa hududlardan jalb qilingan oliy va birinchi toifaga ega oʻqituvchi-pedagoglarning bazaviy tarif stavkalariga maxsus ustamalar belgilanadi.
Bunda:
bir maʼmuriy-hududiy birlik doirasida boshqa tuman va shaharlardan kelib faoliyat yuritayotgan oʻqituvchi-pedagoglarning bazaviy tarif stavkalariga 50 foiz miqdorida;
boshqa maʼmuriy-hududiy birlikdan — boshqa viloyatlar, Qoraqalpogʻiston Respublikasi va Toshkent shahridan kelib faoliyat yuritayotgan oʻqituvchi-pedagoglarning bazaviy tarif stavkalariga 100 foiz miqdorida maxsus ustamalar toʻlanadi.
24. Boshqa hududlardan jalb qilingan oliy va birinchi toifaga ega oʻqituvchi-pedagoglarning bazaviy tarif stavkalariga maxsus ustamalar ular borgan maktab taʼlim darajasi yuqori boʻlmagan maktablar roʻyxatidan chiqarilgan yildan keyingi oʻquv yili uchun ham toʻlanadi.
25. Taʼlim darajasi yuqori boʻlmagan maktablarga boshqa hududlardan jalb etilgan oʻqituvchi-pedagoglarning amalda ishlagan maktabning Ishchi guruhi tomonidan oʻrnak koʻrsatgan xodimlarini ragʻbatlantirishning direktor jamgʻarmasidan belgilangan ustama miqdori (foizi) bir oʻquv yili davomida saqlanadi va keyingi oʻquv yilida ushbu maktabning Ishchi guruhi tomonidan Vazirlar Mahkamasining “Umumiy oʻrta taʼlim muassasalarining oʻrnak koʻrsatgan xodimlarini moddiy ragʻbatlantirish tartibini takomillashtirish toʻgʻrisida” 2019-yil 30-sentabrdagi 823-son qarorida belgilangan tartibda qayta koʻrib chiqiladi.
26. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari boshqa hududdan taʼlim darajasi yuqori boʻlmagan maktablarga jalb etilgan oʻqituvchi-pedagoglarga munosib sharoitlar yaratish uchun ularni borgan hududda uy-joyi boʻlmagan taqdirda, tegishli tuman (shahar) hokimliklari tomonidan faoliyat olib borgan davriga, biroq 2 yildan ortiq boʻlmagan muddat davomida xizmat uy-joylari yoki tuman (shahar)lar mahalliy budjet mablagʻlari hisobidan bazaviy hisoblash miqdorining 2 baravari miqdorida har oylik pul kompensatsiyasi berilishini taʼminlaydi.
7-bob. Yakunlovchi qoidalar
27. Vazirlik taʼlim darajasi yuqori boʻlmagan maktablarga jalb etilgan oʻqituvchi-pedagoglarning faoliyatini ommaviy axborot vositalarida hamda ijtimoiy tarmoqlar orqali keng jamoatchilikka tanishtirib boradi.
28. Ushbu Nizom talablarini buzishda aybdor boʻlgan shaxslar qonunchilik hujjatlariga muvofiq javobgar boʻladi.
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 50-moddasi.
Oldingi tahrirga qarang.
Taʼlim darajasi yuqori boʻlmagan maktablarda taʼlim berishi uchun boshqa hududlardan oʻqituvchi-pedagoglarni jalb etish tartibi toʻgʻrisidagi nizomga
ILOVA
ILOVA
Taʼlim darajasi yuqori boʻlmagan maktablarda taʼlim berishi uchun boshqa hududlardan oʻqituvchi-pedagoglarni jalb etish
SXEMASI
Oldingi tahrirga qarang.
Bosqichlar | Subyektlar | Tadbirlar | Bajarish muddatlari | |||
1-bosqich | Hududiy maktabgacha va maktab taʼlimi boshqarmalari | Tasdiqlangan mezonlar asosida taʼlim darajasi yuqori boʻlmagan maktablar roʻyxatiga kiritiladigan maktablar yuzasidan Maktabgacha va maktab taʼlimi vazirligiga taklif kiritadi. | Har yili 1-fevralga qadar | |||
2-bosqich | Maktabgacha va maktab taʼlimi vazirligi | 1. Taʼlim darajasi yuqori boʻlmagan maktablar roʻyxatini shakllantiradi va tasdiqlaydi. | Har yili 1-martga qadar | |||
2. Taʼlim darajasi yuqori boʻlmagan maktablar roʻyxatini Vazirlikning rasmiy veb-sayti hamda ijtimoiy tarmoqlardagi sahifalarida eʼlon qiladi. | Roʻyxat tasdiqlangandan soʻng 10 kun ichida | |||||
3-bosqich | Tuman (shahar) maktabgacha va maktab taʼlimi boʻlimi | Elektron platformaga taʼlim darajasi yuqori boʻlmagan maktablar toʻgʻrisida, shu jumladan, ulardagi ajratiladigan vakant dars soatlari haqidagi maʼlumotlarni kiritadi. | Har yili 15-mayga qadar | |||
4-bosqich | Oʻqituvchi-pedagoglar | Oʻqituvchi-pedagoglar elektron platformaga kiritilgan taʼlim darajasi yuqori boʻlmagan maktablarning birini tanlab, koʻrsatilgan manzilning axborot maʼlumotlari asosida maktab direktoriga toʻgʻridan-toʻgʻri murojaat etadi. | Har yili 15-maydan 25-iyulga qadar | |||
5-bosqich | Umumtaʼlim maktabi | 1. Taʼlim darajasi yuqori boʻlmagan maktablarda oʻqituvchi-pedagoglarni saralash boʻyicha ishchi guruh tuziladi. 2. Maktabgacha va maktab taʼlimi vazirining buyrugʻi bilan tasdiqlangan suhbat oʻtkazish tartibi va mezonlari asosida belgilangan talablarga mos kelgan hamda vakant soatlar boʻyicha bir oʻringa ikki va undan ortiq nomzodlar bilan kasbiy bilim va koʻnikmalar, pedagogik mahorat hamda psixologik qobiliyat yoʻnalishida suhbat oʻtkaziladi. | Har yili 1-avgustga qadar | |||
3. Saralashdan muvaffaqiyatli oʻtgan oʻqituvchi-pedagoglar toʻgʻrisida maʼlumotlarni elektron platformaga kiritadi. | Har yili 5-avgustga qadar | |||||
6-bosqich | Maktabgacha va maktab taʼlimi vazirligi | Saralashdan oʻtgan oʻqituvchi-pedagoglar roʻyxatini Xalq taʼlimi vazirligining rasmiy veb-saytida eʼlon qiladi. | Har yili 10-avgustga qadar | |||
7-bosqich | Umumtaʼlim maktabi direktori | Saralashdan oʻtgan oʻqituvchi-pedagoglar bilan yangi oʻquv yilining birinchi kunidan boshlab ishga qabul qilish boʻyicha muddatli mehnat shartnomasi tuzadi va qonunchilikda belgilangan tartibda buyruqni rasmiylashtiradi. | Har yili yangi oʻquv yilining birinchi kuniga qadar | |||
(ilova Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Vazirlar Mahkamasining 2021-yil 15-oktabrdagi 646-son qaroriga
2-ILOVA
2-ILOVA
Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Vazirlar Mahkamasining “Umumtaʼlim fanlarini bilish darajasini baholashning milliy test tizimini joriy etish toʻgʻrisida” 2020-yil 12-oktabrdagi 646-son qarori quyidagi mazmundagi 21-band bilan toʻldirilsin:
“21. Milliy sertifikatning tegishli darajasiga ega matematika fani oʻqituvchilariga (Ixtisoslashtirilgan maktablarning matematika fani oʻqituvchilaridan tashqari) ular faoliyat olib borayotgan davlat taʼlim muassasasining joylashuviga qarab, bazaviy tarif stavkasiga nisbatan shahar hududida joylashgan maktablarda 25 foiz, qishloq hududida joylashgan maktablarda 50 foizgacha har oylik ustama haq toʻlanadi”.
2. Vazirlar Mahkamasining 2019-yil 30-sentabrdagi 823-son qarori bilan tasdiqlangan Umumiy oʻrta taʼlim muassasalarining oʻrnak koʻrsatgan xodimlarini ragʻbatlantirishning direktor jamgʻarmasini tashkil etish va uning mablagʻlaridan foydalanish tartibi toʻgʻrisidagi nizom quyidagi mazmundagi 241-band bilan toʻldirilsin:
“241. Taʼlim darajasi yuqori boʻlmagan umumiy oʻrta taʼlim muassasalariga boshqa hududlardan jalb etilgan oliy va birinchi toifaga ega oʻqituvchi-pedagoglarning amalda ishlagan umumtaʼlim muassasasining direktor jamgʻarmasidan belgilangan ustama haq (foiz)lari saqlanadi.
Mazkur ustamalar bir oʻquv yili davomida saqlanadi va keyingi oʻquv yilida taʼlim darajasi yuqori boʻlmagan umumiy oʻrta taʼlim muassasalarining Ishchi guruhi tomonidan qayta koʻrib chiqiladi.”.
3. Vazirlar Mahkamasining 2005-yil 21-dekabrdagi 275-son qarori bilan tasdiqlangan Xalq taʼlimi xodimlari mehnatiga haq toʻlash toʻgʻrisidagi nizomning 8-bandidagi “4-kursida” soʻzlari “4-kursida, pedagogika yoʻnalishlarida kunduzgi, kechki, sirtqi boʻlimlarining 3-kursida” soʻzlari bilan almashtirilsin.
(Qonunchilik maʼlumotlari milliy bazasi, 16.10.2021-y., 09/21/646/0963-son; 03.08.2022-y., 09/22/425/0712-son; 01.03.2025-y., 09/25/130/0199-son; 22.10.2025-y., 09/25/662/0964-son; 25.08.2026-y., 09/26/456/0870-son)
