134-сон 09.03.2020. Kichik sanoat zonalari toʻgʻrisidagi nizomni tasdiqlash haqida

O‘zbekiston Respublikasi Vazirlar Mahkamasining

qarori

Kichik sanoat zonalari to‘g‘risidagi nizomni tasdiqlash haqida

O‘zbekiston Respublikasi Prezidentining “Kichik sanoat zonalari faoliyatini muvofiqlashtirish va boshqarishni yanada takomillashtirish chora-tadbirlar to‘g‘risida” 2019-yil 21-iyundagi PQ-4363-son qaroriga asosan Vazirlar Mahkamasi qaror qiladi:

1. Kichik sanoat zonalari to‘g‘risidagi nizom ilovaga muvofiq tasdiqlansin.

Oldingi tahrirga qarang.

Belgilansinki, kichik sanoat zonalari hududida yer uchastkalarini berish qonunchilikda belgilangan tartibda elektron onlayn-auksion orqali amalga oshiriladi.

(1-band O‘zbekiston Respublikasi Prezidentining 2021-yil 8-iyundagi PF-6243-sonli Farmoniga asosan xatboshi bilan to‘ldirilgan — Qonunchilik ma’lumotlari milliy bazasi, 09.06.2021-y., 06/21/6243/0540-son)

2. Vazirlar Mahqamasining “Kichik sanoat zonalarini barpo etish va ularning faoliyatini tashkil etish tartibi to‘g‘risidagi nizomni tasdiqlash haqida”gi 2014-yil 31-dekabrdagi 378-son qarori o‘z kuchini yo‘qotgan deb hisoblansin.

3. O‘zbekiston Respublikasi Iqtisodiyot va sanoat vazirligi manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni ikki oy muddatda mazkur qarorga muvofiqlashtirsin.

4. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari — iqtisodiyot va sanoat vaziri J.A. Qo‘chqorov va O‘zbekiston Respublikasi Bosh vazirining sanoat va kooperatsiya aloqalarini rivojlantirish masalalari bo‘yicha maslahatchisi B.A. Xo‘jayev zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2020-yil 9-mart,

134-son

Vazirlar Mahkamasining 2020-yil 9-martdagi 134-son qaroriga
ILOVA

Kichik sanoat zonalari to‘g‘risidagi

Nizom

1-bob. Umumiy qoidalar

1. Ushbu Nizom kichik sanoat zonalarining tashkil etilishi va faoliyat yuritishi, shuningdek, ularning hududlarida tadbirkorlik subyektlarini tanlov asosida tanlab olish va joylashtirish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

Oldingi tahrirga qarang.

kichik sanoat zonasi (keyingi o‘rinlarda KSZ deb ataladi) — ishlab chiqarish faoliyatini amalga oshirish uchun mo‘ljallangan, aholi punkti hududining yoki aholi punktlariaro hududning qonunchilik hujjatlari bilan muayyan maqom berilgan hamda hududi doirasida xizmat ko‘rsatuvchi infratuzilmaga ega bo‘lgan ishlab chiqarish maydonlari joylashadigan va chegaralari aniq belgilangan qismi;

(2-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Qoraqalpog‘iston Respublikasi, viloyatlar va Toshkent shahardagi erkin iqtisodiy va kichik sanoat zonalarining ma’muriy kengashlari (keyingi o‘rinlarda Ma’muriy kengash deb ataladi) — O‘zbekiston Respublikasi Prezidenti yoki O‘zbekiston Respublikasi Vazirlar Mahkamasi tomonidan mahalliy ijro etuvchi hokimiyati organlari va boshqa tashkilotlar vakillaridan iborat namunali tarkibda tashkil etiladigan kollegial organ;

ijarachi — investitsiya loyihasini amalga oshirish uchun yer uchastkasi va/yoki ishlab chiqarish maydonlarini uzoq muddatga ijaraga olgan KSZ ishtirokchisi;

ijaraga beruvchi — Qoraqalpog‘iston Respublikasi, viloyatlar va Toshkent shahridagi KSZni boshqarish direksiyasi;

direksiya — Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari qarorlariga asosan KSZ faoliyatini tezkor boshqarish uchun Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzurida tashkil etiladigan davlat muassasasi shaklidagi yagona direksiya;

yer uchastkasi — yer fondining aniq chegarasi, maydoni, joylashgan joyi, huquqiy rejimi va davlat yer kadastrida aks ettiriladigan boshqa tavsiflariga ega qismi;

Oldingi tahrirga qarang.

investitsiya majburiyatlari — investitsiya loyihasini amalga oshirishda talabgor tomonidan qabul qilinadigan, pul bilan ifodalanadigan qiymatga ega bo‘lgan va qonunchilik hujjatlariga zid bo‘lmagan shakllarda amalga oshiriladigan majburiyatlar;

(2-bandning sakkizinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

muhandislik-texnik kommunikatsiyalar — KSZ ishtirokchilarini elektr energiyasi, tabiiy gaz, suv ta’minoti, kanalizatsiya, transport kommunikatsiyalari va boshqa xizmat turlariga bo‘lgan ehtiyojini ta’minlovchi tashqi muhandislik kommunikatsiyalari va infratuzilma;

tanlov — investitsiya loyihasini talabgorlar tomonidan tanlov hujjatlarining mezonlari va shartlariga muvofiq taqdim etilgan eng yaxshi takliflarni tanlab olish orqali tanlab olish tartiboti;

Oldingi tahrirga qarang.

yangi ish o‘rni — KSZ hududida loyihani amalga oshirish doirasida yangi ishchi bilan qonunchilik hujjatlarida belgilangan tartibda shartnoma tuzish orqali KSZ ishtirokchisi tomonidan tashkil etiladigan (joriy etiladigan) ish o‘rni;

(2-bandning o‘n birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

vakolatli vakil — talabgorning yozma ishonchnomasiga asosan tanlovda ishtirok etish uchun vakolat berilgan jismoniy shaxs;

talabgor — tadbirkorlik subyekti — taklif etilgan shartlar asosida tanlovda ishtirok etish istagini bildirgan nodavlat yuridik shaxs;

KSZning loyiha-rejalashtirish hujjatlari — aholi punktining bosh rejasi yoki muayyan chegaralarda kishloq hududini (mavjud bo‘lganda) belgilangan tartibda tashkil etishning arxitektura-rejalashtirish loyihasi asosida ishlab chiqiladigan KSZning bosh rejasi;

ishlab chiqarish maydoni — KSZ hududida joylashgan va KSZ ishtirokchilariga uzoq muddatli ijara huquqi asosida foydalanishga beriladigan davlat mulki bo‘lgan ishlab chiqarish bino va ishnootlari;

Ma’muriy kengashning ishchi organi (keyingi o‘rinlarda ishchi organ deb ataladi) — Qoraqalpog‘iston Respublikasi iqtisodiyot va sanoat vazirligi, viloyatlar va Toshkent shahar iqtisodiyot va sanoat bosh boshqarmalari;

Ma’muriy kengashning KSZ faoliyatini boshqarish va muvofiqlashtirish bo‘yicha kotibi — Qoraqalpog‘iston Respublikasi iqtisodiyot va sanoat vaziri, viloyatlar va Toshkent shahar iqtisodiyot va sanoat bosh boshqarmalari boshliqlari;

vakolatli organ — qurilishi tugallangan obyektni foydalanishga qabul qilish uchun Ma’muriy kengash tomonidan belgilanadigan organ;

Oldingi tahrirga qarang.

KSZ ishtirokchisi — belgilangan tartibda KSZ ishtirokchisi maqomini olgan va KSZ hududida ishlab chiqarish faoliyatini amalga oshirayotgan tadbirkorlik subyekti;

(2-bandning o‘n to‘qqizinchi xatboshisi O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)

Oldingi tahrirga qarang.

KSZ ishtirokchisining o‘z mablag‘lari — KSZ ishtirokchisining mablag‘lari, shu jumladan, hisobvarag‘idagi mablag‘lar, kredit mablag‘lari va qonunchilikda taqiqlanmagan boshqa manbalar hisobidan amalga oshiriladigan mablag‘lar.

(2-band O‘zbekiston Respublikasi Vazirlar Mahkamasining 2024-yil 17-iyuldagi 432-sonli qaroriga asosan yigirmanchi xatboshi xatboshi bilan to‘ldirilgan — Qonunchilik ma’lumotlari milliy bazasi, 20.07.2024-y., 09/24/432/0535-son)

2-bob. KSZni tashkil etish va boshqarish tartibi

3. KSZ faqat muhandislik-texnik kommunikatsiyalari mavjud bo‘lgan yoki o‘tkazish oson bo‘lgan faoliyat ko‘rsatmayotgan ishlab chiqarish maydonlari va qishloq xo‘jaligi uchun mo‘ljallanmagan bo‘sh turgan yer uchastkalari negizida tashkil etiladi.

4. Yangi KSZ tashkil etish va faoliyat ko‘rsatayotgan KSZ hududining chegaralarini o‘zgartirish to‘g‘risidagi qarorlar O‘zbekiston Respublikasi iqtisodiyot va sanoat vazirligi bilan kelishilgan holda, Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari tomonidan qabul qilinadi.

KSZ hududining chegaralarini tasdiqlash, shuningdek, ularning keyinchalik o‘zgartirilishi Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari tomonidan belgilangan tartibda amalga oshiriladi. Ma’muriy kengash KSZ hududining chegaralarini tegishli tuman (shahar) hokimligi bilan kelishgan holda o‘zgartirish to‘g‘risida takliflar kiritish huquqiga ega.

Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlarining KSZni tashkil etish yoki hududining chegaralarini o‘zgartirish to‘g‘risidagi qarorlari KSZning kadastr va yer tuzish hujjatlarini tayyorlash, KSZning bosh rejasini ishlab chiqish, tadbirkorlik subyektlariga sanoat ishlab chiqarishini hamda unga xizmat ko‘rsatuvchi infratuzilmani tashkil qilish uchun KSZ hududida yer uchastkasini tegishli tuman (shahar) hokimining qarori qabul qilinmasdan berish uchun asos bo‘ladi.

5. Bitta tuman (shahar) hududida joylashgan bir nechta ishlab chiqarish maydonlarini bitta KSZda birlashtirishga ruxsat etiladi.

6. Yangi KSZ tashkil etish va faoliyat ko‘rsatayotgan KSZ hududining chegaralarini o‘zgartirish masalasini kelishish uchun Ma’muriy kengash O‘zbekiston Respublikasi Iqtisodiyot va sanoat vazirligiga, Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlariga quyidagi hujjatlar to‘plamini kiritadi:

yangi KSZ tashkil etish yoki faoliyat ko‘rsatayotgan KSZ hududlarining chegaralarini o‘zgartirish zaruratini asoslaydigan tahliliy ma’lumot, shuningdek, asosli hisob-kitoblar bilan birga KSZning o‘ziga xos xususiyatlari to‘g‘risida ma’lumot;

yer uchastkasining chegaralari va maydonlari (tuman (shahar) hokimligi tasarrufidagi zaxira yer) to‘g‘risidagi ma’lumot, shuningdek, negizida yangi KSZ tashkil etish yoki yer uchastkalarini faoliyat ko‘rsatayotgan KSZ tarkibiga kiritish rejalashtirilayotgan, muhandislik-texnik kommunikatsiyasi mavjud bo‘lgan yoki uni o‘tkazish oson bo‘lgan faoliyat ko‘rsatmayotgan ishlab chiqarish maydonlari va qishloq xo‘jaligiga mo‘ljallanmagan bo‘sh turgan yer uchastkalarining ro‘yxati;

yangi KSZ tashkil etish yoki faoliyat ko‘rsatayotgan KSZ tarkibiga kiritish taklif etilayotgan hududning muhandislik-texnik kommunikatsiyasi va ishlab chiqarish infratuzilmasi mavjudligi, shuningdek, infratuzilma obyektlarini qurish bo‘yicha asosli hisob-kitoblar va moliyalashtirish manbalari ko‘rsatilgan taxminiy talablar to‘g‘risida ma’lumotlar.

7. KSZ hududida shaharsozlik faoliyati KSZning bosh rejasiga muvofiq amalga oshiriladi.

Oldingi tahrirga qarang.

KSZning bosh rejasi loyiha tashkilotlari tomonidan ishlab chiqiladi va aholi punktining bosh rejasi yoki kishloq hududini arxitektura-rejalashtirish jihatidan tashkil etishning loyihasi asosida Ma’muriy kengash tomonidan tasdiqlanadi, aholi punktining bosh rejasi yoki kishloq hududini arxitektura-rejalashtirish jihatidan tashkil etish loyihasi mavjud bo‘lmagan taqdirda, KSZning bosh rejasi Qoraqalpog‘iston Respublikasi Qurilish va uy-joy kommunal xo‘jaligi vazirligi, viloyatlar qurilish va uy-joy kommunal xo‘jaligi bosh boshqarmalari hamda Toshkent shahar qurilish bosh boshqarmasi huzuridagi hududiy arxitektura-shaharsozlik kengashlari bilan kelishgan holda Ma’muriy kengash tomonidan tasdiqlanadi.

(7-bandning ikkinchi xatboshisi O‘zbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)

Direksiya KSZning bosh rejasini ishlab chiqish bo‘yicha buyurtmachi hisoblanadi.

8. KSZ faoliyati Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzurida tashkil etiladigan direksiyalar tomonidan boshqariladi.

9. Direksiyalar mazkur Nizomga 1-ilovaga muvofiq tuzilmaga asosan davlat muassasasi shaklida tashkil etiladi hamda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlanadigan ustavlar asosida faoliyat yuritadi yoki xususiy boshqaruv tashkilotlari tomonidan ishonchli boshqaruv shartnomasi asosida boshqarilishi mumkin.

Oldingi tahrirga qarang.

Direksiya o‘ziga biriktirilgan mulklarga nisbatan egalik va foydalanish huquqini, shuningdek, qonunchilik hujjatlariga muvofiq KSZ uchun ajratilgan yer uchastkasidan doimiy foydalanish huquqini amalga oshiradi.

(9-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Direksiya tugatilgan direksiyalarning barcha huquqlari, majburiyatlari va avval tuzilgan shartnomalarining ijrosi bo‘yicha huquqiy vorisi hisoblanadi.

Direksiyaga O‘zbekiston Respublikasi Iqtisodiyot va sanoat vazirligi bilan kelishgan holda, Ma’muriy kengashning qarori bilan lavozimga tayinlanadigan va lavozimdan ozod etiladigan direktor rahbarlik qiladi.

Qoraqalpog‘iston Respublikasi Vazirlar Kengashi raisining birinchi o‘rinbosari, viloyatlar va Toshkent shahar hokimlarining birinchi o‘rinbosarlari hududlarda KSZni rivojlantirish uchun shaxsan mas’ul hisoblanadi.

10. Quyidagilar Direksiyalar faoliyatini moliyalashtirishning asosiy manbalari hisoblanadi:

Qoraqalpog‘iston Respublikasi Moliya vazirligi, viloyatlar va Toshkent shahar moliya bosh boshqarmalari bilan kelishgan holda, Ma’muriy kengash tomonidan tasdiqlangan shtatlar jadvali va xarajatlar smetasi asosida Qoraqalpog‘iston Respublikasi budjeti, tegishli viloyatlar va Toshkent shahar mahalliy budjetlarining qo‘shimcha manbalaridan ajratiladigan mablag‘lar;

KSZ ishtirokchilariga ko‘rsatilgan xizmatlardan olingan daromadlar, shu jumladan, hududni saqlash va qo‘riqlash, shuningdek, ishlab chiqarish maydonlari va yer uchastkalarini KSZ ishtirokchilariga ijaraga berishdan tushadigan tushumlar;

Oldingi tahrirga qarang.

qonunchilik hujjatlarida taqiqlanmagan boshqa manbalar.

(10-bandning to‘rtinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Direksiyalar faoliyati KSZ tashkil qilingan paytdan boshlab uch yil mobaynida Qoraqalpog‘iston Respublikasi budjeti va tegishli viloyatlar va Toshkent shahar mahalliy budjetlari hisobidan ta’minlanadi va keyingi yillarda o‘zini o‘zi moliyalashtirishga o‘tkaziladi.

11. Quyidagilar direksiyaning asosiy vazifalari va funksiyalari hisoblanadi:

KSZ hududida investitsiya loyihalarini amalga oshirish uchun ishlab chiqish va investorlarni topish;

KSZda tashkiliy-boshqaruv faoliyatini amalga oshirish;

KSZ ishtirokchilari bilan Ma’muriy kengashning qarorlariga, shuningdek, KSZ hududida xizmat ko‘rsatish to‘g‘risidagi shartnomalarga muvofiq investitsiya loyihalarini amalga oshirish haqida bitimlar, ishlab chiqarish maydonlari yoki yer uchastkalarini uzoq muddatli ijaraga olish (balansda saqlovchi nomidan) shartnomalarini tuzish;

Ma’muriy kengashning qaroriga asosan ma’qullangan investitsiya loyihalarini joylashtirish va KSZ ishtirokchilari ro‘yxatini yuritish;

investitsiya loyihalarini amalga oshirish haqidagi bitimlar va uzoq muddatli ijara shartnomalariga asosan KSZ ishtirokchilari tomonidan o‘zlari qabul qilgan majburiyatlarni bajarishi bo‘yicha monitoring olib borish;

KSZ ishtirokchilariga keyinchalik ijaraga berish, shu jumladan, sotish uchun ishlab chiqarish inshootlari va ma’muriy binolarni qurish;

KSZ ishtirochilariga zarur muhandislik-kommunikatsiya infratuzilmasi tarmoqlariga ulanishida yordam berish;

KSZ ishtirokchilariga ishlab chiqarish, moliya, marketing, huquqiy, tashqi iqtisodiy va boshqa masalalarni hal etishda yordam berish;

KSZ ishtirokchilari va boshqa xo‘jalik subyektlari o‘rtasida kooperatsiyani rivojlantirishga ko‘maklashish;

KSZ ishtirokchilari bitimlar va shartnomalar shartlarini buzgan, shuningdek, o‘zlari qabul qilgan majburiyatlarni bajarmagan hollarda, bitimlarni va ishlab chiqarish maydonlari va (yoki) yer uchastkalarining uzoq muddatli ijaraga olish shartnomalarini belgilangan tartibda bekor qilish masalalarini Ma’muriy kengash tomonidan ko‘rib chiqish tashabbusini bildirish.

12. KSZning loyiha-rejalashtirish hujjatlarini ishlab chiqish, shu jumladan, yer uchastkalarini tanlash va ajratish bo‘yicha materiallarni tayyorlash Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan Qoraqalpog‘iston Respublikasi budjeti, viloyatlar va Toshkent shahar mahalliy budjetlari hisobidan loyiha tashkilotlarini jalb qilgan holda ta’minlanadi.

Oldingi tahrirga qarang.

13. O‘zbekiston Respublikasi Energetika vazirligi, Qurilish va uy-joy kommunal xo‘jaligi vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda KSZda tadbirkorlik subyektlarini joylashtirish bo‘yicha ishlab chiqilgan loyihalarga muvofiq Qoraqalpog‘iston Respublikasi budjeti, viloyatlar va Toshkent shahar mahalliy budjeti, shuningdek, xizmatlarni yetkazib beruvchilar mablag‘lari hisobidan KSZning bo‘linish chegarasiga qadar zarur muhandislik-texnik kommunikatsiyalar qurilishi va modernizatsiya qilinishini ta’minlaydi.

(13-band O‘zbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)

3-bob. KSZ ishtirokchilarini tanlab olish tartibi

14. KSZ hududida joylashtirish uchun investitsiya loyihalari Ma’muriy kengash tomonidan bo‘sh maydonlar, bino va inshootlar mavjud bo‘lganda, ikki oyda kamida bir marta o‘tkaziladigan tanlov asosida tanlab olinadi.

15. Quyidagilar investitsiya loyihalarini KSZ hududida joylashtirishning asosiy mezonlari hisoblanadi:

Ma’muriy kengash tomonidan belgilanadigan tarmoq xususiyatiga muvofiq sanoat mahsulotlarini ishlab chiqarishni tashkil etish;

yangi ish o‘rinlarini tashkil qilish;

Oldingi tahrirga qarang.

pul bilan ifodalanadigan qiymatga ega bo‘lgan investitsiyalarni qonunchilik hujjatlariga zid bo‘lmagan shakllarda kiritish;

(15-bandning to‘rtinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

muqobil va qayta tiklanuvchi energiya manbalarini qo‘llagan holda, zamonaviy energiya tejovchi tizimlar va texnologiyalarni joriy etish asosida import o‘rnini bosadigan va (yoki) eksportga yo‘naltirilgan tayyor mahsulotlar turlari, materiallar va butlovchi buyumlarni ishlab chiqarish bo‘yicha investitsiya loyihalarini amalga oshirish.

16. Ma’muriy kengash hudud iqtisodiyotining ehtiyojlari, shuningdek, hududlarning mavjud mineral xom ashyo, yer, suv, qishloq xo‘jaligi resurslari, ishlab chiqarish va eksport salohiyati, ekologik sharoitlari va infratuzilmasini inobatga olgan holda, har bir KSZning tarmoq ixtisoslashuvini belgilashga haqli.

17. Direksiya Ma’muriy kengashning qarori asosida KSZ hududida investitsiya loyihalarini joylashtirish uchun ularni tanlab olish bo‘yicha tanlov o‘tkazishning barcha tashkiliy masalalarini hal qiladi.

18. Tanlovga tayyorgarlik ko‘rish va o‘tkazishni tashkil etish uchun Direksiya:

Ma’muriy kengashning qaroriga muvofiq tanlovni oldindan e’lon qiladi va o‘tkazishni tashkil etadi;

tanlovda qatnashish uchun talabgorlarning muhrlangan buyurtmanomalarini olingan sanasi va vaqtini ko‘rsatgan holda qabul qiladi;

talabgorlarning investitsiya buyurtmanomalari solingan konvertlar belgilangan tartibda ochilishiga qadar ularning saqlanishi va maxfiyligini ta’minlaydi;

Ma’muriy kengash tomonidan unga yuklangan boshqa funksiyalarni amalga oshiradi.

19. Direksiya tanlovni o‘tkazishda investitsiya buyurtmanomalari solingan konvertlar ochiladigan sanadan o‘ttiz kun avval mahalliy bosma nashrlarda, Erkin iqtisodiy zonalar va kichik sanoat zonalarining yagona portalida, shuningdek, O‘zbekiston Respublikasi Savdo-sanoat palatasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining rasmiy veb-saytlarida tanlov o‘tkazilishi haqida e’lon qilinishini tashkil etadi.

Investitsiya buyurtmanomalarini qabul qilish tanlov o‘tkazilishiga uch ish kuni qolganda to‘xtatiladi.

Direksiya ishchi organga investitsiya loyihalarini tanlab olish bo‘yicha tanlov o‘tkazish bilan bog‘liq barcha zarur materiallarning taqdim etilishini ta’minlaydi.

20. Investitsiya loyihalarini tanlab olish bo‘yicha tanlov o‘tkazilishi haqidagi e’londa quyidagi ma’lumotlar bo‘lishi lozim:

KSZning tarmoq ixtisoslashuvi;

Oldingi tahrirga qarang.

ishlab chiqarish maydonlari va investitsiya loyihasi amalga oshiriladigan hamda elektron-onlayn auksionga qo‘yiladigan yer uchastkalarining nomi, soni, tavsifi, ular joylashgan joy, o‘tkazilgan va ulangan muhandislik-texnik kommunikatsiyalar mavjudligi;

(20-bandning uchinchi xatboshisi O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)

buyurtmanomalarni qabul qilishning (kuni va soati ko‘rsatilgan holda) oxirgi muddati;

ishchi organning nomi va pochta manzili, bog‘lanish uchun telefon raqami, telefaksi, elektron pochta manzili va qo‘shimcha ma’lumot olish mumkin bo‘lgan boshqa rekvizitlari;

tanlovni o‘tkazish (investitsiya buyurtmanomalari solingan konvertlarni ochish) sanasi, vaqti va joyi;

talabgor taqdim etishi lozim bo‘lgan zarur hujjatlar ro‘yxati;

tutash yer uchastkalari to‘g‘risida ularning qo‘riqlanadigan zonalari (mavjud bo‘lsa) hajmlari ko‘rsatilgan ma’lumotlar;

investitsiya buyurtmanomalari solingan konvertlarni taqdim etish tartibi va shakli.

21. Tanlovda ishtirok etish uchun talabgor yoki uning vakolatli vakili bevosita kelib yoki pochta (xabardor qilgan holda buyurtma xati) orqali direksiyaga KSZ hududida investitsiya loyihasini amalga oshirish uchun ushbu Nizomga 2-ilovaga muvofiq shaklda to‘ldirilgan va quyidagilar ilova qilgan investitsiya buyurtmanomasini (keyingi o‘rinlarda investitsiya buyurtmanomasi deb ataladi) ikki nusxada, muhrlangan konvertlarda tanlov haqidagi e’londa ko‘rsatilgan muddatlarda taqdim etadi:

taklif etilayotgan investitsiya loyihasining biznes-rejasi;

investorning oxirgi uch yil (mavjud bo‘lganda) davomidagi moliyaviy-xo‘jalik faoliyati to‘g‘risida ma’lumot;

talabgorning ko‘rsatilgan sohada ish tajribasi haqida ma’lumot.

Bunda taqdim etilgan hujjatlarning barcha varaqlari talabgorning imzosi bilan tasdiqlanishi lozim.

Talabgor taqdim etilayotgan ma’lumotlar va hujjatlarning ishonchliligi uchun javob beradi.

22. Tanlov to‘g‘risidagi e’londa ko‘rsatilgan muddat o‘tgandan so‘ng tanlovda qatnashish bo‘yicha kelgan investitsiya buyurtmanomalari ko‘rib chiqish uchun qabul qilinmaydi. Tanlovga qatnashish rad etilishiga boshqa asoslar bo‘yicha yo‘l qo‘yilmaydi.

Qabul qilinmagan buyurtmanomalar bir ish kuni mobaynida rad javobi belgisi qo‘yilib, talabgorga yoki uning vakiliga tilxat orqali qaytarib (taqdim etiladi) beriladi yoxud ko‘rsatilgan hujjatlar pochta (olgani haqidagi xabardor qilgan holda buyurtma xati) orqali jo‘natiladi.

23. Direksiyaga taqdim etilgan va taklif etiladigan investitsiya loyihasining biznes-rejasi quyidagi ma’lumotlarni o‘z ichiga olishi lozim:

yuridik shaxsni tashkil etish yoki uning ta’sischilari, ularning tegishli sohadagi ish tajribasi va shunday investitsiya loyihasini amalga oshirganligi haqidagi ma’lumotlar;

investitsiya loyihasini ishlab chiqarish quvvatlarini ishga tushirish sanasini ko‘rsatgan holda amalga oshirish jadvali;

xodimlarni yollash manbalarini ko‘rsatgan holda yaratiladigan yangi ish o‘rinlari soni (bandlik markazi tomonidan yo‘naltirilgan kollej bitiruvchilari va boshqa shaxslar, xorijiy mutaxassislar);

ishlab chiqarish rejalashtirilayotgan mahsulotning nomi, xususiyatlari va hajmlari;

ichki va tashqi bozorlarga yetkazib berish hajmlarini ko‘rsatgan holda, ishlab chiqariladigan mahsulotlarning taxminiy qiymati va sotish bozorlari;

ishlab chiqarish rejalashtirilayotgan mahsulotlar ichki va tashqi bozorlarining marketing tadqiqotlari;

mahalliy va import materiallar, butlovchi qismlarni alohida ko‘rsatgan holda, xom ashyo bazasining mavjudligi va investitsiya loyihasini amalga oshirish davrida materiallar va xom ashyo bilan ta’minlanishini kafolatlovchi imkoniyatlar;

ishlab chiqarish uchun zarur bo‘lgan resurslar va tayyor mahsulotlar logistikasi va transportda tashish sxemasi to‘g‘risida ma’lumotlar;

investitsiya loyihasini amalga oshirish va ishlab chiqarish barqaror ishlashi uchun muhandislik-kommunikatsiya ta’minoti vositalarining (elektr energiyasi, tabiiy gaz, ichimlik va texnik suv, kanalizatsiya, avtoyo‘l) zarur miqdorlari va parametrlari;

gaz, qattiq va suyuq chiqindilarning turlari va miqdorlarini ko‘rsatgan holda, ishlab chiqarish tashlamalarining mavjudligi;

ishlab chiqarishni samarali joylashtirish uchun zarur bo‘lgan yer uchastkasining (ishlab chiqarish maydonining) taxminiy hajmlari;

texnologik uskunalar, ishlab chiqaruvchilar, ta’minotchilar ro‘yxati bilan birgalikda (ekologik talablarni hisobga olgan holda) ishlab chiqarish texnologiyasining tavsifi;

ishlab chiqarishda foydalanishga mo‘ljallanayotgan texnologik uskunalar tavsifi;

investitsiyalarning rejalashtirilayotgan miqdorlari, turi va kiritish muddatlari, moliyalashtirish manbalari va kredit jalb qilingan taqdirda, majburiyatning rejalashtirilayotgan garov ta’minoti;

investitsiya loyihasini amalga oshirishning moliyaviy-iqtisodiy hisob-kitoblari va iqtisodiy samaradorlik ko‘rsatkichlari;

ehtimoli mavjud tavakkalchiliklar tahlili.

24. Talabgorlar tomonidan taqdim etilgan investitsiya buyurtmanomalari solingan konvertlarning birinchi nusxalari Ma’muriy kengash yig‘ilishida ochiladi. Konvertlarning ikkinchi nusxalari ishchi organda saqlanadi va investitsiya loyihalar mazmuni bo‘yicha munozarali holatlar vujudga kelganda ochiladi.

25. KSZ hududida investitsiya loyihasini joylashtirish to‘g‘risida qaror qabul qilinganda, Ma’muriy kengash quyidagilarni ko‘rib chiqadi:

investitsiya loyihasining ushbu Nizomning 21 va 23-bandlari talablariga muvofiqligi;

investitsiyalar manbalari (o‘z mablag‘lari, tijorat banklarining kreditlari va boshqalar);

talabgorlarning moliyaviy barqarorligi, texnik va texnologik bazasining mavjudligi;

texnologik uskunalar parametrlarining zamonaviy texnologik talablarga mosligi;

Oldingi tahrirga qarang.

raqobat to‘g‘risidagi qonunchilik hujjatlari talablariga rioya etilishi.

(25-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

26.Tanlovni o‘tkazish davomida Ma’muriy kengash taqdim etilgan investitsiya buyurtmanomalarini ko‘rib chiqadi va quyidagilar to‘g‘risida qaror qabul qiladi:

Oldingi tahrirga qarang.

KSZ hududida investitsiya loyihasini joylashtirish va tadbirkorlik subyektiga shartnoma asosida umumiy maydonini ko‘rsatib, ishlab chiqarish maydonlarini ajratgan holda, KSZ ishtirokchisi maqomini berish, yer uchastkalarida amalga oshiriladigan investitsiya loyihalari bundan mustasno;

(26-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)

KSZ hududida investitsiya loyihasini joylashtirish maqsadga muvofiq emasligi.

Ma’muriy kengash a’zolari tomonidan talabgorning ishonchsiz ma’lumotlari haqida dalolat beruvchi holatlar aniqlansa, bunday investitsiya loyihasini ko‘rib chiqish to‘xtatiladi.

27. Yaratiladigan yangi ish o‘rinlari soni, raqobatbardosh, xaridorgir, eksportga yo‘naltirilgan va (yoki) import o‘rnini bosuvchi mahsulotlar ishlab chiqarishning texnologik izchil zanjirini tashkil etish hisobga olingan holda eng jozibador investitsiya buyurtmanomasi eng yaxshi investitsiya loyihasi deb tan olinadi.

28. Agar o‘tkazilgan tanlov natijalari bo‘yicha talabgorlardan investitsiya buyurtmanomalari kelib tushmasa yoki bitta investitsiya buyurtmanomasi kelib tushsa, shuningdek, KSZ hududida investitsiya loyihasini joylashtirish maqsadga muvofiq emasligi to‘g‘risida qaror qabul qilingan taqdirda, tanlov o‘tmagan deb hisoblanadi.

Ma’muriy kengash tomonidan takroriy tanlov o‘tkazish sanasi belgilanadi va bu haqda yagona buyurtmanomani bergan ishtirokchi xabardor qilinadi.

Takroriy tanlov o‘tkazish sanasi e’lon qilingan sanadan boshlab o‘n besh kun mobaynida belgilanadi.

Oldingi tahrirga qarang.

29. Agar takroriy tanlovda talabgorlardan investitsiya buyurtmanomalari kelib tushmasa, Ma’muriy kengash yagona talabgorning buyurtmanomasini ko‘rib chiqish va KSZning tarmoq ixtisoslashuviga muvofiq ushbu investitsiya loyihasini KSZ hududidagi ishlab chiqarish maydonlarida joylashtirish yoki joylashtirish maqsadga muvofiq emasligi to‘g‘risida qaror qabul qilishga majbur, mazkur bandning ikkinchi xatboshida ko‘rsatilgan holat bundan mustasno.

Takroriy tanlovda talabgorlardan investitsiya buyurtmanomalari kelib tushmasa, Ma’muriy kengash yagona talabgorning buyurtmanomasini ko‘rib chiqish va KSZning tarmoq ixtisoslashuviga muvofiq ushbu investitsiya loyihasi shartlari asosida KSZ hududidagi yer uchastkasini elektron-onlayn auksionga joylashtirish yoki joylashtirish maqsadga muvofiq emasligi to‘g‘risida qaror qabul qiladi.

(29-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)

Oldingi tahrirga qarang.

30. Ma’muriy kengashning investitsiya buyurtmanomasini ko‘rib chiqish natijalari bo‘yicha qarori uning a’zolarining ko‘pchilik ovozi bilan qabul qilinadi, bunda ovozlar teng bo‘lganda, Ma’muriy kengash raisining ovozi hal qiluvchi hisoblanadi. Ma’muriy kengashning qarori bayonnoma shaklida rasmiylashtiriladi hamda:

direksiya va KSZ ishtirokchisi o‘rtasida ishlab chiqarish maydonida investitsiya loyihasini amalga oshirish to‘g‘risidagi bitimni (keyingi o‘rinlarda loyihani amalga oshirish to‘g‘risidagi bitim deb ataladi) tuzish uchun;

loyiha shartlari asosida yer uchastkasini elektron-onlayn auksionga joylashtirish uchun asos bo‘ladi.

(30-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)

31. Ma’muriy kengashning qarori tanlovning barcha ishtirokchilari, ularning takliflari mazmuni va investitsiya loyihasini tanlab olish to‘g‘risidagi qarorni ko‘rsatgan holda, tanlov o‘tkazilgan sanadan boshlab besh ish kuni mobaynida rasmiylashtiriladi.

Ma’muriy kengash majlisining bayonnomasi majlisda qatnashgan uning barcha a’zolari va majlis kotibi tomonidan imzolanib, Ma’muriy kengash raisi tomonidan tasdiqlanadi va shu kunning o‘zida ishchi organ tomonidan Ma’muriy kengash a’zolariga, direksiyaga, KSZ ishtirokchisiga yoki u vakolat bergan shaxsga, shuningdek, manfaatdor tashkilotlarga yuboriladi.

Ma’muriy kengash bayonnomasining asl nusxasi va unga tegishli materiallar ishchi organda saqlanadi.

32. Direksiya tanlov natijalari to‘g‘risida ma’lumotlarni Ma’muriy kengashning bayonnomasi rasmiylashtirilgan kunning o‘zida tanlov to‘g‘risidagi e’lon avval nashr qilingan Erkin iqtisodiy zonalar va kichik sanoat zonalarining yagona portalida va O‘zbekiston Respublikasi Savdo-sanoat palatasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining rasmiy veb-saytlarida, shuningdek, ommaviy axborot vositalarining yaqin sonlarida e’lon qilinadi.

Oldingi tahrirga qarang.

33. Ma’muriy kengash, ishchi organ va direksiya talabgor tomonidan taqdim etilgan maxfiy ma’lumotlarni oshkor qilgani uchun qonunchilik hujjatlariga muvofiq javob beradi.

(33-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

34. Ma’muriy kengash KSZ hududida joylashtirish uchun investitsiya loyihasini tanlab olish bo‘yicha o‘tkaziladigan tanlovning oshkoraligini ta’minlashga majbur.

4-bob. KSZ ishtirokchilarini joylashtirish tartibi

Oldingi tahrirga qarang.

35. Ma’muriy kengashning bayonnomasi qabul qilingandan boshlab uch ish kuni mobaynida direksiya tanlab olingan investitsiya loyihasi shartlari asosida yer uchastkalarining investitsiya bitimi bilan birga elektron-onlayn auksionga joylashtirilishini ta’minlaydi.

Yer uchastkalarining elektron-onlayn auksion savdolari qonunchilikda belgilangan tartibda amalga oshiriladi hamda avtomatik ravishda:

LexUZ sharhi

Qarang: Vazirlar Mahkamasining 2022-yil 12-yanvardagi 18-sonli qarori bilan tasdiqlangan “E-auksion” elektron savdo platformasida elektron onlayn-auksion va tanlovlarni tashkil etish hamda o‘tkazish tartibi to‘g‘risidagi nizom.

auksion g‘olibiga KSZ ishtirokchisi maqomi beriladi.

Direksiya auksion g‘olibi bilan bir ish kunida tanlab olingan investitsiya loyihasi shartlari asosida investitsiya loyihasini amalga oshirish to‘g‘risidagi bitimni imzolaydi.

(35-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)

36. Direksiya va KSZ ishtirokchisi o‘rtasida investitsiya loyihasini amalga oshirish to‘g‘risidagi bitim tomonlar imzolagan sanadan boshlab kuchga kiradi va KSZ faoliyat yuritishining butun davrida amal qiladi.

37. KSZda investitsiya loyihasini amalga oshirish to‘g‘risidagi bitimning amal qilishi quyidagi holatlarda tugatiladi:

KSZ ishtirokchisi bitimda ko‘rsatilgan majburiyatlarini bajarmasligi;

KZS ishtirokchisi maqomidan mahrum bo‘lganda;

KSZning faoliyati muddatidan oldin tugatilganda;

tomonlarning kelishuvi yoki sud qarori mavjud bo‘lganda;

Oldingi tahrirga qarang.

qonunchilik hujjatlarida nazarda tutilgan boshqa holatlarda.

(37-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

38. Direksiya investitsiya loyihasini amalga oshirish to‘g‘risidagi bitim imzolangan kundan boshlab bir ish kuni mobaynida tadbirkorlik subyektini KSZ ishtirokchisi sifatida ro‘yxatga oladi va ushbu Nizomga 4-ilovaga muvofiq shakl bo‘yicha KSZ ishtirokchisi guvohnomasini beradi.

Oldingi tahrirga qarang.

(39-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 08.07.2022-y., 09/22/375/0618-son)

Oldingi tahrirga qarang.

(40-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 08.07.2022-y., 09/22/375/0618-son)

41. Yer uchastkasining uzoq muddatli ijara shartnomasi tuzilgandan so‘ng direksiya “bir darcha” tamoyili bo‘yicha quyidagilar amalga oshirilishini ta’minlaydi:

Oldingi tahrirga qarang.

tuman (shahar) qurilish va uy-joy kommunal xo‘jaligi va kadastr organlari bilan birgalikda — yer uchastkasining chegaralarini naturada belgilash (Ma’muriy kengashning yer uchastkasini ajratish to‘g‘risida bayonnomasi qabul qilingan kundan boshlab uch kun mobaynida);

(41-bandning ikkinchi xatboshisi O‘zbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)

ekspluatatsiya tashkilotlari bilan birgalikda — KSZ ishtirokchisi tomonidan taqdim etiladigan ehtiyojlarga muvofiq muhandislik-texnik kommunikatsiyalarga ulanishning texnik shartlarini tayyorlash (Ma’muriy kengashning yer uchastkasini ajratish to‘g‘risida bayonnomasi qabul qilingan kundan boshlab uch kun mobaynida);

bino va inshootlarni qurish loyihasi bo‘yicha davlat ekspertizasi xulosasini belgilangan tartibda ishlab chiqish, kelishish va olishda amaliy yordam berish;

Oldingi tahrirga qarang.

tuman va shahar qurilish va uy-joy kommunal xo‘jaligi organi bilan birgalikda — arxitektura-rejalashtirish topshirig‘ini ishlab chiqish (texnik shartlarni olgandan so‘ng bir hafta muddatda);

(41-bandning beshinchi xatboshisi O‘zbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)

Oldingi tahrirga qarang.

obyektlarni qurish va rekonstruksiya qilish bo‘yicha qurilish-montaj ishlari bajarilishining nazoratini belgilangan tartibda ta’minlash uchun qurilish va uy-joy kommunal xo‘jaligi sohasida hududiy nazorat inspeksiyalar bilan shartnoma tuzishda yordam berish.

(41-bandning oltinchi xatboshisi O‘zbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)

Yer uchastkasining chegaralarini naturada belgilash va arxitektura-rejalashtirish topshirig‘ini ishlab chiqish bo‘yicha ishlar qiymati qonunchilik hujjatlarida belgilangan tartib va miqdorlarda KSZ ishtirokchisi tomonidan to‘lanadi.

42. Vakolatli organ KSZ hududida qurilishi tugallangan obyektni foydalanishga qabul qilishda, foydalanishga qabul qilish to‘g‘risidagi dalolatnomani majburiy tartibda Direksiya bilan kelishadi.

Oldingi tahrirga qarang.

43. Agar KSZ hududida ishlab chiqarish maydonlarini uzoq muddatli ijaraga berish tanlov predmeti hisoblansa, investitsiya loyihasini amalga oshirish to‘g‘risida bitim tuzilgandan so‘ng uch kun mobaynida direksiya va tanlov g‘olibi o‘rtasida KSZ hududida joylashgan ishlab chiqarish maydonlarining uzoq muddatli ijara shartnomasi tuziladi.

(43-bandning birinchi xatboshisi O‘zbekiston Respublikasi Vazirlar Mahkamasining 2021-yil 22-noyabrdagi 705-sonli qarori tahririda — Qonunchilik ma’lumotlari milliy bazasi, 23.11.2021-y., 09/21/705/1082-son)

Oldingi tahrirga qarang.

Uzoq muddatli ijara shartnomasida, agar qonunchilik hujjatlarida boshqacha tartib nazarda tutilmagan bo‘lsa, ijaraga olingan maydonda amalga oshiriladigan faoliyat turidan kelib chiqib, tegishli koeffitsiyentlarni qo‘llamagan holda ishlab chiqarish maydonlaridan foydalanganlik uchun ijara to‘lovining eng kam stavkasi belgilanadi.

(43-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

44. Ishlab chiqarish maydonlari va (yoki) yer uchastkalarining uzoq muddatli ijara shartnomasining muddati tugaganidan so‘ng KSZ ishtirokchilari avval tuzilgan shartnoma bo‘yicha majburiyatlarini o‘z vaqtida va to‘liq bajargan bo‘lsa, shartnoma muddatini belgilangan tartibda uzaytirish huquqiga ega.

5-bob. KSZ ishtirokchilarining majburiyatlarni qabul qilishi

Oldingi tahrirga qarang.

45. Direksiyaning tegishli qarori qabul qilinishi KSZ ishtirokchilari tomonidan investitsiya loyihasini amalga oshirish to‘g‘risidagi bitimda nazarda tutilgan muddatlar tugagandan so‘ng o‘zlari qabul qilgan barcha ijtimoiy va investitsiya majburiyatlari bajarilganining tasdig‘i hisoblanadi.

Bunda kiritilgan investitsiyalar miqdori KSZ ishtirokchisi tomonidan jalb etiladigan tashkilotlarning nazorat o‘lchovi va auditorlik tashkilotining hisoboti asosida aniqlanadi.

Ijtimoiy majburiyatlar bajarilishi (mavjud bo‘lganda) KSZ ishtirokchisi tomonidan taqdim etiladigan ma’lumotlar, mehnat, soliq va boshqa organlardan olinadigan ma’lumot orqali aniqlanadi.

(45-band O‘zbekiston Respublikasi Vazirlar Mahkamasining 2024-yil 17-iyuldagi 432-sonli qarori tahririda — Qonunchilik ma’lumotlari milliy bazasi, 20.07.2024-y., 09/24/432/0535-son)

Oldingi tahrirga qarang.

45¹. Direksiya zaruratga ko‘ra, investitsiyaviy va ijtimoiy majburiyatlar bajarilishini qabul qilish bo‘yicha komissiya tashkil etishi mumkin.

45². Direksiya quyidagi asoslarga ko‘ra investitsiya va ijtimoiy majburiyatlar bajarilishini qabul qilishni rad etish to‘g‘risida qaror qabul qiladi:

KSZ ishtirokchisi tomonidan investitsiya va ijtimoiy majburiyatlar to‘liq bajarilmaganda;

KSZ ishtirokchisi o‘z faoliyatini loyihada ko‘rsatilgan quvvatda amalga oshirmaganda yoki investitsiya loyihasini amalga oshirish to‘g‘risidagi bitimda nazarda tutilgan faoliyatni amalga oshirmaganda;

KSZ ishtirokchisiga mazkur Nizomga muvofiq yer uchastkalari hamda davlat ko‘chmas mulk obyektlari (ularning bir qismi) ajratib berilmaganda.

KSZ ishtirokchisi Direksiyaning investitsiya va ijtimoiy majburiyatlar bajarilishini qabul qilishni rad etish to‘g‘risidagi qarori ustidan belgilangan tartibda sudga murojaat etishga haqli.

(45¹ va 45²-bandlar O‘zbekiston Respublikasi Vazirlar Mahkamasining 2024-yil 17-iyuldagi 432-sonli qaroriga asosan kiritilgan — Qonunchilik ma’lumotlari milliy bazasi, 20.07.2024-y., 09/24/432/0535-son)

46. KSZ ishtirokchisi tomonidan investitsiya loyihasi KSZ hududiga joylashtirilgan kundan boshlab uch oy davomida uni amalga oshirish bo‘yicha choralar ko‘rilmasligi, shuningdek, obyektdan ishlab chiqarish maydonlari va (yoki) yer uchastkalarining uzoq muddatli ijara shartnomasida ko‘rsatilgan maqsaddan tashqari foydalanish shartnomani bir tomonlama bekor qilish uchun asos bo‘ladi.

47. Agar KSZ ishtirokchisi tomonidan obyektiv sabablarga ko‘ra investitsiya loyihasini ishlab chiqarish maydonlari va (yoki) yer uchastkalarining uzoq muddatli ijara shartnomasida ko‘rsatilgan muddatda amalga oshirish ta’minlanmasa yoxud olti oy mobaynida ishlab chiqarish faoliyati amalga oshirilmasa, Ma’muriy kengash:

loyihani amalga oshirishni tezlashtirish bo‘yicha “yo‘l xaritasi”ni tasdiqlagan holda, unga qo‘shimcha muddat berish;

yoxud u bilan shartnomani bekor qilish to‘g‘risida qaror qabul qilishi mumkin.

6-bob. KSZ hududlarida yer uchastkalarini uzoq muddatli ijaraga berish tartibi

Oldingi tahrirga qarang.

48. KSZ hududida yer uchastkalari loyiha shartlari asosida elektron-onlayn auksion orqali 10 yilgacha uzoq muddatli ijaraga beriladi.

(48-bandning birinchi xatboshisi O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)

Ijara shartnomasining barcha shartlarini bajargan ijarachi yer uchastkasi uzoq muddatli ijarasining muddatini uzaytirishda ustuvor huquqqa ega bo‘ladi.

49. Yer uchastkasini uzoq muddatli ijaraga olgan ijarachi yer uchastkasini saqlash majburiyatlarini bajarganda, qonunchilik hujjatlarida belgilangan tartibda ushbu yer uchastkasida bino, qurilmalar va inshootlarni qurish yoki buzishga haqli.

Oldingi tahrirga qarang.

Ijarachiga ijaraga berilgan yer uchastkasida qonunchilik hujjatlarida belgilangan tartibda o‘zi tomonidan qurilgan binolar va inshootlarga ular foydalanishga topshirilgani to‘g‘risidagi dalolatnoma rasmiylashtirilgandan so‘ng bir oy muddatda egalik huquqi beriladi.

(49-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

50. Ijaraga olingan yer uchastkasini yoki uning qismini subijaraga berish taqiqlanadi, qonunchilik hujjatlarida nazarda tutilgan holatlar bundan mustasno.

51. Uzoq muddatli ijaraga berilgan yer uchastkalari oldi-sotdi, garov, hadya, almashtirish obyekti bo‘la olmaydi.

Ijarachi o‘zining yer uchastkasiga bo‘lgan ijara huquqlarini faqat qonunchilik hujjatlarida yoki ijara shartnomasida nazarda tutilgan holatlardagina ijaraga beruvchining roziligisiz garovga berishi mumkin.

KSZ ishtirokchisi tomonidan ijaraga olingan yer uchastkasida barpo etilgan bino va (yoki) inshootlar garov bo‘yicha qarzlarni qoplash bilan bog‘liq holda sotilganda, hadya qilinganda, almashtirilganda yoki yo‘qotilganda, ushbu binolar va (yoki) inshootlar Ma’muriy kengashning qaroriga asosan KSZ ishtirokchisi maqomini olgan yangi mulkdorga o‘tadi.

Bunda KSZ ishtirokchisi maqomini yangi olgan shaxs bilan belgilangan tartibda KSZ hududida investitsiya loyihasini amalga oshirish to‘g‘risida bitim va yer uchastkasining uzoq muddatli ijara shartnomasi tuziladi.

Oldingi tahrirga qarang.

(52-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 08.07.2022-y., 09/22/375/0618-son)

Oldingi tahrirga qarang.

(53-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 08.07.2022-y., 09/22/375/0618-son)

Oldingi tahrirga qarang.

54. Direksiya yer uchastkasiga bo‘lgan huquqni davlat ro‘yxatidan o‘tkazish uchun yer uchastkasining uzoq muddatli ijara shartnomasi tuzilgandan so‘ng uch ish kuni mobaynida elektron-onlayn auksion natijalari to‘g‘risidagi bayonnoma va ijara shartnomasining nusxasini davlat yer tuzish korxonasining filialiga yuboradi.

(54-band O‘zbekiston Respublikasi Vazirlar Mahkamasining 2022-yil 8-iyuldagi 375-sonli qarori tahririda — Qonunchilik ma’lumotlari milliy bazasi, 08.07.2022-y., 09/22/375/0618-son)

Oldingi tahrirga qarang.

55. Davlat yer tuzish korxonasining filiali tuman (shahar) qurilish va uy-joy kommunal xo‘jaligi bo‘limi bilan birgalikda mazkur Nizomning 54-bandidagi hujjatlarni olgandan so‘ng ikki ish kuni mobaynida yer uchastkasi chegaralarini naturada belgilaydi, yer uchastkasining chegaralarini natura shaklida ijarachiga ko‘rsatadi hamda yer uchastkasini uzoq muddatli ijaraga olish huquqini belgilangan tartibda davlat ro‘yxatidan o‘tkazadi.

(55-band O‘zbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)

Oldingi tahrirga qarang.

56. Yer tuzish davlat korxonasi filialining va tuman (shahar) qurilish va uy-joy kommunal xo‘jaligi bo‘limining yer uchastkasining topografik xaritasini tayyorlash, yer uchastkasining rejasini tuzish, yer uchastkasi chegaralarini naturada belgilash va ko‘rsatish bo‘yicha bajargan ishlarining qiymati qonunchilik hujjatlariga muvofiq aniqlanadi.

(56-bandning birinchi xatboshisi O‘zbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)

LexUZ sharhi

Qarang: O‘zbekiston Respublikasining “Baholash faoliyati to‘g‘risida”gi Qonuni.

Ishlar qiymati KSZ ishtirokchisi tomonidan shartnoma asosida to‘lanadi.

Oldingi tahrirga qarang.

57. Yer uchastkasining ijara to‘lovi qonunchilik hujjatlarida belgilangan yer solig‘ini to‘lash muddatlarida va stavkalari bo‘yicha to‘lanadi.

LexUZ sharhi

Qarang: O‘zbekiston Respublikasi Soliq kodeksining XVI bo‘limi.

Yer uchastkasining ijara shartnomasida belgilangan ijara to‘lovi miqdori mazkur yer uchastkasiga qonunchilik hujjatlarida belgilangan yer solig‘i miqdoridan kam bo‘lmasligi kerak.

(57-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

Oldingi tahrirga qarang.

Kichik sanoat zonalari hududlarida investitsiya loyihalarini amalga oshirish uchun auksion orqali yer ijaraga olinganda ijara to‘lovlari loyiha ishga tushgunga qadar, biroq 2 yildan ko‘p bo‘lmagan muddatga to‘lashni kechiktirib to‘lashi mumkin.

(57-band O‘zbekiston Respublikasi Vazirlar Mahkamasining 2025-yil 26-avgustdagi 538-sonli qaroriga asosan uchinchi xatboshi bilan to‘ldirilgan — Qonunchilik ma’lumotlari milliy bazasi, 27.08.2025-y., 09/25/538/0782-son)

58. Ijarachi loyiha-smeta hujjatlari ishlab chiqilishini ta’minlaydi, qonunchilik hujjatlarida belgilangan talablarga muvofiq shaharsozlik faoliyati bilan bog‘liq qurilish va boshqa tadbirlarni amalga oshiradi.

Qurilish loyihasisiz barpo etilgan bino yoki inshootlarga egalik huquqini davlat ro‘yxatidan o‘tkazish taqiqlanadi.

59. Uzoq muddatli ijara shartnomasiga rioya qilinmagan taqdirda, ijaraga beruvchi uni bekor qilish uchun tashabbus ko‘rsatishga haqli.

Oldingi tahrirga qarang.

60. KSZ ishtirokchisidan yer uchastkasi uzoq muddatli ijara shartnomasi O‘zbekiston Respublikasining Yer kodeksida belgilangan tartibda bekor bo‘lganda olib qo‘yiladi.

Oldingi tahrirga qarang.

Alohida loyihalarni ishlab chiqish va namunaviy loyihalarni bog‘lash belgilangan tartibda tegishli litsenziyaga ega bo‘lgan loyiha tashkilotlari tomonidan yer ijarasi shartnomasi, qurilish tashkiloti tomonidan beriladigan loyihalash topshiriqlari va Qoraqalpog‘iston Respublikasi Qurilish va uy-joy kommunal xo‘jaligi vazirligi, viloyatlar qurilish va uy-joy kommunal xo‘jaligi bosh boshqarmalari hamda Toshkent shahar qurilish bosh boshqarmasi tomonidan beriladigan arxitektura-rejalashtirish topshiriqlari asosida amalga oshiriladi.

(60-bandning ikkinchi xatboshisi O‘zbekiston Respublikasi Vazirlar Mahkamasining 2024-yil 24-fevraldagi 100-sonli qarori tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)

7-bob. KSZ hududida joylashgan binolar va inshootlarni xususiylashtirish tartibi

61. KSZ ishtirokchilariga quyidagi huquqlar beriladi:

KSZ xududida o‘z mablag‘lari hisobidan qurilgan binolar va inshootlarga (ularning qismiga) egalik huquqini belgilangan tartibda rasmiylashtirish;

ularga berilgan bino va inshootlarni (yoki ularning qismini) investitsiya va boshqa ijtimoiy majburiyatlarni to‘liq bajarish sharti bilan, ammo KSZ ishtirokchisi maqomini olgan sanadan boshlab besh yildan kam bo‘lmagan muddatda xususiylashtirish;

o‘z mablag‘lari hisobidan rekonstruksiya qilingan yoki kapital ta’mirlangan bino va inshootlarni (yoki ularning qismini) KSZ ishtirokchisi maqomini olgan sanadan boshlab uch yildan so‘ng xususiylashtirish.

62. KSZ ishtirokchisi tomonidan bino va inshootlarni (yoki ularning qismini) rekonstruksiya qilish yoki kapital ta’mirlashga yo‘naltirilgan mablag‘lar vakolatli organning xulosasi asosida ularni xususiylashtirishda inobatga olinadi.

63. KSZ hududidagi bino va inshootlar (yoki ularning qismi):

KSZ ishtirokchisining o‘z mablag‘lari hisobidan rekonstruksiya qilingan yoki kapital ta’mirlangan bino va inshootlar (yoki ularning qismi) KSZ ishtirokchisi maqomini olgan sanadan boshlab uch yildan so‘ng — rekonstruksiya qilish yoki kapital ta’mirlash xarajatlarini chegirib tashlagan holda, belgilangan tartibda aniqlanadigan baholash qiymati bo‘yicha;

investitsiya va ijtimoiy majburiyatlarni to‘liq bajarish sharti bilan (ishtirokchining o‘z mablag‘lari hisobidan rekonstruksiya qilish va kapital ta’mirlashni amalga oshirmasdan), ammo KSZ ishtirokchisi maqomini olgan sanadan boshlab besh yildan so‘ng — to‘lovlarni besh yil mobaynida teng ulushlarda amalga oshirish huquqini bergan holda, belgilangan tartibda aniqlanadigan baholash qiymati bo‘yicha xususiylashtiriladi.

64. KSZ hududidagi bino va inshootlar ushbu Nizom talablarini inobatga olgan holda, davlat tasarrufidagi obyektlarni xususiylashtirish to‘g‘risidagi qonunchilik hujjatlarida belgilangan tartibda xususiylashtiriladi.

LexUZ sharhi

Qarang: “Davlat mulkini xususiylashtirish to‘g‘risida”gi Qonun.

KSZ hududidagi ko‘chmas mulklarga egalik huquqini davlat ro‘yxatidan o‘tkazish belgilangan tartibda hududiy yer tuzish va ko‘chmas mulk kadastri davlat korxonalari tomonidan amalga oshiriladi.

KSZ hududida joylashgan bino va inshootlarni xususiylashtirish masalalari ushbu Nizom talablarini bajarish sharti bilan Ma’muriy kengashning tegishli qarori asosida belgilangan tartibda ilgari suriladi.

Oldingi tahrirga qarang.

64¹. KSZ hududidagi davlat ko‘chmas mulk obyektlari (ularning bir qismi) mazkur Nizomga 5-ilovadagi sxemaga muvofiq xususiylashtiriladi.

Investitsiya va ijtimoiy majburiyatlarni bajargan KSZ ishtirokchisi davlat ko‘chmas mulk obyektlarini (ularning bir qismini) xususiylashtirish uchun quyidagi hujjatlarni ilova qilgan holda Direksiyaga ariza bilan murojaat qiladi:

investitsiya loyihasini amalga oshirish to‘g‘risidagi bitimga asosan davlat ko‘chmas mulk obyektlari (ularning bir qismi) qabul qilingan kundan boshlab xususiylashtirishga ariza berilgan davrda KSZ ishtirokchisi tomonidan o‘z mablag‘lari hisobidan rekonstruksiya qilingan yoki kapital ta’mirlangan davlat ko‘chmas mulk obyektlari (ularning bir qismi) bo‘yicha nazorat o‘lchovi hamda KSZ ishtirokchisi maqomini olganiga kamida uch yil bo‘lganini tasdiqlovchi hujjat;

KSZ ishtirokchisi maqomini olganiga kamida besh yil bo‘lganini tasdiqlovchi hujjat va davlat ko‘chmas mulk obyektlariga (ularning bir qismiga) KSZ ishtirokchisi tomonidan Direksiya bilan kelishilgan holda ularga qilingan xarajatlar bo‘yicha nazorat o‘lchovi.

64². Direksiya besh ish kuni ichida davlat ko‘chmas mulk obyektlarini (ularning bir qismini) xususiylashtirish bo‘yicha tegishli hujjatlarni (investitsiya va ijtimoiy majburiyatlarni bajarilganligi to‘g‘risida Direksiya qarori, kadastr hujjati, nazorat o‘lchovi, KSZ ishtirokchisiga ijara haqidan chegirma berilganligi to‘g‘risidagi ma’lumot) ilova qilgan holda, Davlat aktivlarini boshqarish agentligining hududiy boshqarmasiga taqdim etadi.

64³. Davlat aktivlarini boshqarish agentligining hududiy boshqarmasi mazkur Nizomning 64²-bandida nazarda tutilgan hujjatlar to‘liq taqdim etilmagan taqdirda, xulosa kelib tushgan paytdan boshlab uch ish kuni ichida kamchiliklarni bartaraf etish uchun hujjatlarni Direksiyaga qaytaradi.

64⁴ Davlat aktivlarini boshqarish agentligining hududiy boshqarmasi:

Vazirlar Mahkamasining 2014-yil 6-oktabrdagi 279-son qarori bilan tasdiqlangan Davlat ko‘chmas mulk obyektlarini sotish tartibi to‘g‘risidagi nizomga asosan buxgalteriya hisobi milliy standartlariga muvofiq besh ish kuni ichida davlat ko‘chmas mulki obyektini xatlovdan o‘tkazish to‘g‘risida balansda saqlovchiga yozma talabnoma yuboradi;

balansda saqlovchi tomonidan taqdim etilgan materiallar va hujjatlar ko‘rib chiqilgandan yetti kun muddatda baholovchi tashkilotni belgilangan tartibda jalb etadi. Bunda baholovchi tashkilotni jalb etish uchun ishlab chiqilgan texnik shartda o‘n kun muddatda baholovchi tashkilot tomonidan davlat ko‘chmas mulk obyektini baholash to‘g‘risidagi hisobot va ushbu hisobotning ishonchliligini ekspertizadan o‘tkazish natijalari to‘g‘risidagi ekspert xulosasida obyektning bugungi kundagi baholangan qiymati va KSZ ishtirokchisi tomonidan davlat ko‘chmas mulk obyektlariga (ularning bir qismiga) sarflangan xarajatlar chegirilgan holdagi qiymati, shuningdek, binoga sarflangan xarajatlarni chegirishda, avval mazkur KSZ ishtirokchisiga ijara haqi yuzasidan berilgan chegirmalar inobatga olinishi lozimligi ko‘rsatiladi;

belgilangan tartibda baholovchi tashkilot jalb etilgandan so‘ng unga mazkur Nizomning 64²-bandida nazarda tutilgan hujjatlarni hamda balansda saqlovchining rahbari tomonidan imzolangan tegishli xatlovdan o‘tkazish dalolatnomalari, madaniy meros, fuqaro muhofazasi obyektlari va servitut mavjudligi hamda KSZ ishtirokchisiga ijara haqidan chegirma berilganligi to‘g‘risidagi ma’lumotlarni taqdim etadi.

64⁵. Davlat ko‘chmas mulk obyektining bahosi baholovchi tashkilot tomonidan aniqlangandan keyin Davlat aktivlarini boshqarish agentligining hududiy boshqarmasi bir ish kuni ichida KSZ ishtirokchisiga davlat ko‘chmas mulk obyektini baholangan qiymatda sotib olish bo‘yicha yozma taklif (shaxsan tilxat orqali yoki pochtada topshirilganligi ma’lum qilinadigan buyurtma xat orqali) taqdim etadi.

Bunda KSZ ishtirokchisi tomonidan baholash to‘g‘risidagi hisobotning ishonchliligini ekspertizadan o‘tkazish natijalari to‘g‘risida ekspert xulosasi olinishi mumkin.

KSZ ishtirokchisining davlat ko‘chmas mulk obyektini sotib olish yuzasidan roziligi olingan taqdirda, o‘n ish kuni ichida davlat ko‘chmas mulk obyektini KSZ ishtirokchisi bilan to‘g‘ridan-to‘g‘ri oldi-sotdi shartnomasi tuzish orqali sotadi.

Bunda KSZ ishtirokchisi davlat ko‘chmas mulk obyektini sotib olishni rad etgan yoki bir oy muddatda munosabat bildirmagan taqdirda, davlat mulkini ijaraga olish bo‘yicha shartnomada belgilangan muddatda faoliyatini amalga oshirishga, shuningdek, ijaraga olish shartnomasi bo‘yicha muddat yakunlanganda, O‘zbekiston Respublikasining Fuqarolik kodeksiga asosan shartnomani qayta rasmiylashtirishga haqlidir.

Taraflarning o‘zaro kelishuviga erishish imkoniyati bo‘lmagan taqdirda, O‘zbekiston Respublikasi qonunchiligiga muvofiq O‘zbekiston Respublikasi sudlarida ko‘rib chiqiladi.

Taraflar sudlarga murojaat qilishdan avval kelishmovchiliklarni muzokaralar yo‘li bilan hal qilish uchun barcha zarur choralarni ko‘rish majburiyatini o‘z zimmalariga oladilar.

64⁶. Davlat ko‘chmas mulk obyektlarini sotib olish uchun to‘lovlarni amalga oshirish muddati oldi-sotdi shartnomasi kuchga kirgan kundan boshlab besh yil ichida teng ulushlarda to‘lanishi mumkin.

Bunda to‘lovning 35 foizi bir oy ichida to‘lanishi lozim, agar to‘lanmagan taqdirda, Markaziy bankning asosiy stavkasi bo‘yicha foizlar hisoblanadi.

Davlat aktivlarini boshqarish agentligining hududiy boshqarmasi sotilgan davlat ko‘chmas mulk obyekti bo‘yicha to‘lovlar va penya (yuzaga kelgan taqdirda) to‘liq hajmda qoplangan kundan boshlab besh ish kuni ichida KSZ ishtirokchisiga mulk huquqini tasdiqlovchi davlat orderini beradi.

64⁷. O‘zbekiston Respublikasining “Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida”gi Qonuni doirasida KSZ hududidagi yer uchastkalari Vazirlar Mahkamasining 2022-yil 14-fevraldagi 71-son qarori bilan tasdiqlangan O‘zbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli bo‘lgan yer uchastkalarini xususiylashtirish bo‘yicha davlat xizmatlari ko‘rsatishga doir ma’muriy reglament talablari asosida xususiylashtiriladi.

64⁸. KSZ hududida joylashgan va KSZ ishtirokchilariga berilgan hamda investitsiya bitimlari yoki shartnomalarda xususiylashtirilishi ko‘rsatilmagan davlat ko‘chmas mulk obyektlari investitsiya va ijtimoiy majburiyatlarni to‘liq bajargan ishtirokchilarga qonunga muvofiq xususiylashtirib beriladi.

(64¹ — 64⁸-bandlar O‘zbekiston Respublikasi Vazirlar Mahkamasining 2024-yil 17-iyuldagi 432-sonli qaroriga asosan kiritilgan — Qonunchilik ma’lumotlari milliy bazasi, 20.07.2024-y., 09/24/432/0535-son)

8-bob. KSZ ishtirokchilarining huquqlari va majburiyatlari

65. KSZ ishtirokchilari quyidagi huquqlarga ega:

uzoq muddatli ijara shartnomalari doirasida ajratilgan yer uchastkalari va (yoki) ishlab chiqarish maydonlariga mustaqil egalik qilish va ulardan foydalanish;

tashqi muhandislik-texnik kommunikatsiyalarning barqaror ishlashini ta’minlashni talab etish;

ishlab chiqarish faoliyatining boshlanishi kechikishiga obyektiv sabablar mavjud bo‘lganda, Ma’muriy kengashning qarori asosida investitsiya loyihasini amalga oshirish doirasida ishlab chiqarish quvvatlarini ishga tushirish muddatini uzaytirish.

66. KSZ ishtirokchilari:

Oldingi tahrirga qarang.

qonunchilik hujjatlari va Ma’muriy kengashning talablariga, shu jumladan, KSZ ixtisoslashuvi bo‘yicha tegishli talablarga rioya etishga;

(66-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

ishlab chiqarish faoliyatini amalga oshirish boshlanishi bilan investitsiya loyihasini amalga oshirish to‘g‘risida bitimda nazarda tutilgan va ijtimoiy sug‘urta badallari to‘layotgan xodimlarning haqiqiy soni to‘g‘risida davlat soliq xizmati organlari tomonidan tasdiqlangan miqdorda yangi ish o‘rinlari yaratish va xodimlarni qo‘shimcha yollashni ta’minlashga;

investitsiya loyihasini amalga oshirish to‘g‘risida tuzilgan bitim va uzoq muddatli ijara shartnomasi shartlarini bajarishga;

investitsiya loyihasini amalga oshirish to‘g‘risidagi bitimda nazarda tutilgan majburiyatlarni bajarish jadvalining muddatlari va parametrlariga rioya etishga;

ishlab chiqarish maydonlarining uzoq muddatli ijara shartnomasi tuzilganidan boshlab olti oydan kechikmasdan, KSZ hududida ishlab chiqarish faoliyatini amalga oshirishni boshlashga majbur.

9-bob. KSZ ishtirokchisi maqomini to‘xtatish yoki undan mahrum qilish

67. KSZ ishtirokchisi maqomini to‘xtatish yoki undan mahrum qilish belgilangan tartibda direksiya yoki ishchi organning asoslantirilgan takliflariga ko‘ra Ma’muriy kengash tomonidan amalga oshiriladi.

Oldingi tahrirga qarang.

68. KSZ ishtirokchisi maqomidan mahrum qilish haqidagi qaror KSZ ishtirokchisining uni ushbu maqomdan mahrum qilish haqida bergan arizasiga asosan yoxud qonunchilik hujjatlariga muvofiq u tugatilgan hollarda Ma’muriy kengash tomonidan qabul qilinishi mumkin.

(68-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)

KSZ ishtirokchisi maqomini olish, KSZ hududida investitsiya loyihasini amalga oshirish jarayonida vujudga keladigan bahs va kelishmovchiliklar Ma’muriy kengashning qarori asosida direksiyaning arizasi bo‘yicha sud tartibida hal etiladi.

Direksiya Ma’muriy kengashning qarori qabul qilingandan so‘ng yoki KSZ ishtirokchisini ushbu maqomdan mahrum qilish to‘g‘risida sud qarori kuchga kirgan kunning o‘zida KSZ ishtirokchilari reyestriga KSZ ishtirokchisi maqomidan mahrum qilingani haqidagi yozuvni kiritadi.

10-bob. Yakunlovchi qoidalar

69. KSZ faoliyatini tugatish haqidagi qaror O‘zbekiston Respublikasi Iqtisodiyot va sanoat vazirligi bilan kelishilgan holda Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlari tomonidan qabul qilinadi.

70. Ma’muriy kengash raisi, uning a’zolari va ishchi organi, direksiya direktori va xodimlari, KSZ ishtirokchilari, shuningdek, manfaatdor tashkilotlar rahbarlari ushbu Nizom talablariga rioya etilishiga shaxsan javob beradi.

71. Ushbu Nizomning talablarini bajarishda vujudga keladigan nizo va munozaralar sud tartibida ko‘rib chiqiladi.

Kichik sanoat zonalari to‘g‘risidagi nizomga
1-ILOVA

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi Kichik sanoat zonasini boshqarish direksiyasining

NAMUNAVIY TUZILMASI

Direktor

Tashkiliy masalalar, monitoring va tahlil sektori

Bosh buxgalter

Shartnomalarni ro‘yxatga

olish sektori

(yuriskonsult)

Investorlar bilan ishlash bo‘yicha bosh mutaxassis

Infratuzilma bilan ishlash bo‘yicha yetakchi mutaxassis

Har bir kichik sanoat zonasiga biriktirilgan bir nafardan mas’ul xodimlar (zaruratga ko‘ra)

Izoh. Har bir kichik sanoat zonasiga biriktiriladigan mas’ul xodimlarning soni Qoraqalpog‘iston Respublikasi, viloyatlar va Toshkent shahridagi erkin iqtisodiy zonalar va kichik sanoat zonalarining Ma’muriy kengashlari tomonidan hududdagi kichik sanoat zonalari sonidan kelib chiqib belgilanadi.

Texnik va xizmat ko‘rsatuvchi xodimlar soni tasdiqlangan me’yorlar bo‘yicha belgilanadi.

Toshkent shahar hokimligi huzuridagi Kichik zonalarni boshqarish bo‘yicha yagona direksiyaning tashkiliy tuzilmasi O‘zbekiston Respublikasi Prezidentining “Toshkent shahrida boshqarishning o‘ziga xos tartibini kiritish bo‘yicha xuquqiy tajriba to‘g‘risida” 2018-yil 17-avgustdagi PF-5515-son Farmoniga muvofiq erkin iqtisodiy zonalar va kichik sanoat zonalari Ma’muriy kengashi tomonidan tasdiqlanadi.

Kichik sanoat zonalari to‘g‘risidagi nizomga
2-ILOVA

		__________ viloyatining Erkin iqtisodiy zonalar va kichik sanoat zonalarining ma’muriy kengashiga

“______________________” kichik sanoat zonasida joylashgan investitsiya loyihasini amalga oshirish uchun INVESTITSIYA BUYURTMANOMASI

1. Talabgor haqida ma’lumot:
Talabgor tashkilotning nomi, joylashgan mamlakati
Talabgor haqida ma’lumotlar, shu jumladan davlat ro‘yxatidan o‘tgan sanasi va joyi, ta’sischisi(lari) va boshqalar.
Yuridik shaxsning tashkiliy-huquqiy shakli, ustav fondida ta’sischilar ulushlarining taqsimlanishi va ulushlar shakli
Talabgor tashkilot joylashgan joy (manzili)
2. Investitsiya loyihasi haqida ma’lumotlar:
Investitsiya loyihasining nomi
Investitsiya loyihasining tavsifi i maqsadi, shu jumladan rejalashtirilayotgan yillik ishlab chiqarish quvvati
Ishlab chiqariladigan mahsulotning nomi, maqsadi va asosiy xususiyatlari
Mahsulot ishlab chiqarishning o‘rtacha yillik hajmi, shu jumladan eksport qilish va ichki bozor uchun mo‘ljallangan hajmlar (fizik va qiymat ko‘rinishida)
Xom ashyo, materiallar va butlovchi qismlarning asosiy turlari (mahalliy va import), ularning tayyor mahsulotdagi ulushi ( % da)
Xom ashyo, materiallar va butlovchi qismlarga bo‘lgan yillik ehtiyoj (so‘mda yoki AQSH dollari ekv.), shu jumladan mahalliy va import.
Mahsulot standartlari — O`zDst, ISO 9001 va ISO 14001 va boshqalar.
Ishlab chiqarish ishga tushgan sana
Yaratilgan yangi ish o‘rinlarining soni, shu jumladan mahalliy ishchilar
3. Zarur maydon va infratuzilma haqidagi ma’lumot:
Talab etiladigan maydon (ga)
Talab etiladigan ishlab chiqarish maydoni (kv. metr)
Elektr energiyasiga bo‘lgan ehtiyoj (bir yilda kVt/soat), belgilanayotgan quvvat (kVt yoki MVt)
Tabiiy gazga bo‘lgan ehtiyoj (bir yilda kub metr), bosim (atm.)
Ichimlik va texnik suviga (yiliga kub metr) hamda kanalizatsiyaga bo‘lgan ehtiyoj
Mavjud tashlamalar, shu jumladan gazlar (nomi) kg yiliga yoki soatiga, qattiq chiqindilar (nomi) t/oyiga, suyuq chiqindilar (nomi) t/oyiga va boshqalar.
4. Loyihaning moliyaviy-iqtisodiy ko‘rsatkichlari:
Investitsiya loyihasining qiymati (so‘mda yoki AQSH dollari ekv.)
Moliyalashtirish manbalari (to‘g‘ridan-to‘g‘ri xorijiy investitsiyalar, ta’sischilarning mablag‘lari, tijorat banklarining kreditlari)
Mashina va uskunalarning qiymati (so‘mda yoki AQSH dollari ekv.), shu jumladan mahalliy va import
QMI qiymati (so‘mda yoki AQSH dollari ekv.)
Aylanma kapitalning summasi (so‘mda yoki AQSH dollari ekv.)
Investitsiyalar kiritish jadvali va shakli
Loyihaning qoplash muddati (biznes-rejaga muvofiq)

Rahbar	______________ (imzo)	_________________________________ (F.I.O.)

Oldingi tahrirga qarang.

(3-ilova O‘zbekiston Respublikasi Vazirlar Mahkamasining 2021-yil 22-noyabrdagi 705-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 23.11.2021-y., 09/21/705/1082-son)

Kichik sanoat zonalari to‘g‘risidagi nizomga
4-ILOVA

“____________________”
‎kichik sanoat zonasi direksiyasi”
‎davlat muassasasi
‎GUVOHNOMA

‎

Tartib raqami: ________________

Berilgan: ______________________________________________________________________________________________

(tashkilot nomi)

‎

KICHIK SANOAT ZONASI ISHTIROKCHISI SIFATIDA

Berilgan sanasi: __________________________

‎

Asos:

____________________________________________________________________________________________
‎____________________________________________________________________________________________

‎

(“_______________” viloyati Erkin iqtisodiy zonalar va kichik sanoat zonalari
‎ma’muriy kengashi qarorining raqami va sanasi)

‎

Soliq to‘lovchining identifikatsiya raqami (STIR kodi): _______________________________________

‎

KZS Direksiyasi direktor:______________

‎

________________________

‎

(F.I.O.)

‎

(imzo)

‎

Oldingi tahrirga qarang.

(5-ilova O‘zbekiston Respublikasi Vazirlar Mahkamasining 2021-yil 22-noyabrdagi 705-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 23.11.2021-y., 09/21/705/1082-son)

Oldingi tahrirga qarang.

Kichik sanoat zonalari to‘g‘risidagi nizomga
5-ILOVA

Kichik sanoat zonasi hududidagi davlat ko‘chmas mulk obyektlarini (ularning bir qismini) xususiylashtirish

SXEMASI

Bosqichlar	Subyektlar	Tadbirlar	Muddatlar
Bosqichlar	Subyektlar	Tadbirlar	Muddatlar

1-bosqich	Investitsiya va ijtimoiy majburiyatlarni bajargan kichik sanoat zonasi ishtirokchisi	Davlat ko‘chmas mulk obyektlarini (ularning bir qismini) xususiylashtirish uchun Direksiyaga ariza bilan murojaat qiladi.	Bitimda nazarda tutilgan muddatlar tugagandan so‘ng

2-bosqich	Direksiya	Davlat ko‘chmas mulk obyektlarini (ularning bir qismini) xususiylashtirish bo‘yicha tegishli hujjatlarni ilova qilgan holda Davlat aktivlarini boshqarish agentligining hududiy boshqarmasiga taqdim etadi.	Besh ish kuni ichida

3-bosqich	Davlat aktivlarini boshqarish agentligining hududiy boshqarmasi	Vazirlar Mahkamasining 2014-yil 6-oktabrdagi 279-son qarori bilan tasdiqlangan Davlat ko‘chmas mulk obyektlarini sotish tartibi to‘g‘risidagi nizomga asosan buxgalteriya hisobi milliy standartlariga muvofiq davlat ko‘chmas mulki obyektini xatlovdan o‘tkazish to‘g‘risida balansda saqlovchiga yozma talabnoma yuboradi.	Besh ish kuni ichida
		2. Baholovchi tashkilotni jalb etadi va davlat ko‘chmas mulki obyektini baholatadi.	O‘n yetti kun muddatda

		KSZ ishtirokchisiga davlat ko‘chmas mulk obyektini baholangan qiymatda sotib olish bo‘yicha yozma taklif (shaxsan tilxat orqali yoki pochtada topshirilganligi ma’lum qilinadigan buyurtma xat orqali) taqdim etadi.	Bir ish kuni ichida

4-bosqich	Davlat aktivlarini boshqarish agentligining hududiy boshqarmasi, Direksiya, Kichik sanoat zonasi ishtirokchisi	KSZ ishtirokchisining davlat ko‘chmas mulk obyektini sotib olish yuzasidan roziligi olingan taqdirda, davlat ko‘chmas mulk obyektini KSZ ishtirokchisi bilan to‘g‘ridan-to‘g‘ri oldi-sotdi shartnomasi tuzish orqali sotadi.	O‘n ish kuni ichida

5-bosqich	Davlat aktivlarini boshqarish agentligining hududiy boshqarmasi	KSZ ishtirokchisiga mulk huquqini tasdiqlovchi davlat orderini beradi.	To‘lovlar va penya (yuzaga kelgan taqdirda) to‘liq hajmda qoplangan kundan boshlab besh ish kuni ichida

(5-ilova O‘zbekiston Respublikasi Vazirlar Mahkamasining 2024-yil 17-iyuldagi 432-sonli qaroriga asosan kiritilgan — Qonunchilik ma’lumotlari milliy bazasi, 20.07.2024-y., 09/24/432/0535-son)

Oldingi tahrirga qarang.

(6-ilova O‘zbekiston Respublikasi Vazirlar Mahkamasining 2021-yil 22-noyabrdagi 705-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 23.11.2021-y., 09/21/705/1082-son)

(Qonun hujjatlari ma’lumotlari milliy bazasi, 10.03.2020-y., 09/20/134/0272-son; Qonunchilik ma’lumotlari milliy bazasi, 09.06.2021-y., 06/21/6243/0540-son, 23.11.2021-y., 09/21/705/1082-son; 05.04.2022-y., 09/22/153/0266-son; 08.07.2022-y., 09/22/375/0618-son; 26.02.2024-y., 09/24/100/0152-son; 20.07.2024-y., 09/24/432/0535-son; 27.08.2025-y., 09/25/538/0782-son)