1. Mazkur Nizom “Fuqarolar sogʻligʻini saqlash toʻgʻrisida” Oʻzbekiston Respublikasining Qonuniga, Oʻzbekiston Respublikasi Prezidentining “Oʻzbekiston Respublikasi Sogʻliqni saqlash tizimini isloh qilish davlat dasturi toʻgʻrisida” 1998-yil 10-noyabrdagi PF-2107-son Farmoniga muvofiq ishlab chiqilgan hamda Oʻzbekiston Respublikasi Sogʻliqni saqlash vazirligining maqomini, vazifalarini, funksiyalarini, vakolatlarini va uning faoliyatining tashkiliy asoslarini belgilab beradi.

2. Oʻzbekiston Respublikasi Sogʻliqni saqlash vazirligi (keyingi oʻrinlarda Vazirlik deb ataladi) sogʻliqni saqlash davlat boshqaruvi markaziy organi hisoblanadi va u oʻz faoliyatida Oʻzbekiston Respublikasi Vazirlar Mahkamasiga boʻysunadi.

Sogʻliqni saqlash vazirligi oʻz ishini respublikaning davlat boshqaruvi boshqa organlari, Qoraqalpogʻiston Respublikasi, viloyatlar, Toshkent shahar ijro etuvchi hokimiyat organlari va jamoat tashkilotlari bilan birgalikda amalga oshiradi.

Oldingi tahrirga qarang.

3. Sogʻliqni saqlash vazirligi oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisining hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, boshqa qonun hujjatlariga, shuningdek Oʻzbekiston Respublikasining sogʻliqni saqlash masalalariga doir xalqaro shartnomalariga va mazkur Nizomga amal qiladi.

(3-band Oʻzbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — OʻR QHT, 2009-y., 25-son, 285-modda)

4. Oʻzbekiston Respublikasi Sogʻliqni saqlash vazirligi oʻz vakolatlari doirasida chiqaradigan normativ-huquqiy hujjatlar Oʻzbekiston Respublikasi hududida davlat organlari, mulkchilik shakllaridan qatʼi nazar, korxonalar, muassasalar, tashkilotlar, jamoat birlashmalari va jismoniy shaxslar tomonidan bajarilishi majburiydir.

5. Oʻzbekiston Respublikasi Sogʻliqni saqlash vazirligi, Qoraqalpogʻiston Respublikasi Sogʻliqni saqlash vazirligi, viloyatlar, Toshkent shahar sogʻliqni saqlashni boshqarish organlari, ularning shaharlar va tumanlardagi boʻlinmalari respublika sogʻliqni saqlash organlarining yagona tizimini tashkil etadi.

Oldingi tahrirga qarang.

viloyatlar va Toshkent shahar sogʻliqni saqlash boshqarmalari ikki tomonlama — tegishli hokimlik hamda Oʻzbekiston Respublikasi Sogʻliqni saqlash vazirligi boʻysunuvida boʻladi.

(5-band Oʻzbekiston Respublikasi Vazirlar Mahkamasining 2009-yil 15-iyundagi 164-sonli qaroriga asosan xatboshi bilan toʻldirilgan — OʻR QHT, 2009-y., 25-son, 285-modda)

6. Oʻzbekiston Respublikasi Sogʻliqni saqlash vazirligi yuridik shaxs hisoblanadi, tezkor boshqarish huquqi bilan alohida mol-mulkka, mustaqil balansga, bank muassasalarida hisob-kitob schyotlariga va boshqa schyotlarga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.

II. SOGʻLIQNI SAQLASh VAZIRLIGINING VAZIFALARI

7. Quyidagilar Vazirlikning asosiy vazifalari hisoblanadi:

aholi salomatligini saqlash va yaxshilashni, sogʻlom avlodni tarbiyalash uchun shart-sharoitlarni shakllantirishni, profilaktik sogʻliqni saqlashni rivojlantirishni, sogʻlom turmush tarzini keng ommalashtirishni taʼminlovchi davlat siyosatini amalga oshirish;

fuqarolarning aholiga tibbiy-sanitariya xizmati koʻrsatishning davlat tomonidan kafolatlangan darajasida va sifatda malakali tibbiy xizmat olishga boʻlgan konstitutsiyaviy huquqlariga rioya etilishini, aholining koʻrsatiladigan tibbiy xizmatlarning barcha turlaridan teng bahramand boʻlishini taʼminlash;

Sogʻliqni saqlash tizimini isloh qilish konsepsiyasini amalga oshirish, sogʻliqni saqlashning nodavlat sektorini, xususiy vrachlik amaliyotini rivojlantirish va tibbiy xizmatlar bozorini tashkil etish;

tarmoqni isloh qilishning meʼyoriy-huquqiy negizini yaratish, sogʻliqni saqlashni rivojlantirish boʻyicha maqsadli dasturlarni roʻyobga chiqarish uchun shart-sharoitlarni ishlab chiqish va yaratish;

sogʻliqni saqlashni boshqarishning barcha darajalarida aholiga favqulodda shoshilinch tibbiy yordam koʻrsatish tizimini tashkil etish va mustahkamlash;

tibbiy-ijtimoiy muassasalar faoliyatini tashkil etish;

nogironlarni, shu jumladan tibbiy-ijtimoiy yordamga muhtoj boʻlgan nogiron bolalarni va yolgʻiz keksa fuqarolarni tibbiy-ijtimoiy muassasalarga yuborishga koʻmaklashish;

fuqarolarning oʻzini oʻzi boshqarish organlari bilan birgalikda oʻzgalarning parvarishiga muhtoj boʻlgan yolgʻiz keksa fuqarolarni aniqlash va ularga yakka tartibdagi dasturlar boʻyicha, shu jumladan uyda parvarish qilish boʻyicha ijtimoiy xizmatlar koʻrsatishni tashkil etish;

nogironlar, shu jumladan nogiron bolalar, urush qatnashchilari, faxriylar, yolgʻiz keksalar va aholining boshqa zaif qatlamlari ehtiyojlariga muvofiq tibbiy-ijtimoiy yordam turlarini tanlash va taqdim etish, shu jumladan ortopediya buyumlari, reabilitatsiyaning texnik vositalari va kreslo-aravachalar bilan taʼminlash maqsadida ular hisobini yuritish;

(7-band Oʻzbekiston Respublikasi Vazirlar Mahkamasining 2017-yil 13-martdagi 130-sonli qaroriga asosan yettinchi — oʻninchi xatboshilar bilan toʻldirilgan — OʻR QHT, 2017-y., 15-son, 249-modda)

mamlakatimiz tajribasini va eng yaxshi jahon yutuqlarini uygʻunlashtirish asosida tibbiyot fanini rivojlantirish strategiyasini va prognozlashni ishlab chiqish, ilmiy-tibbiy tadqiqotlar samaradorligini oshirish, fan, texnika va ilgʻor tajriba yutuqlarini sogʻliqni saqlash amaliyotiga joriy qilish;

aholi salomatligini muhofaza qilishga yoʻnaltiriladigan budjet mablagʻlaridan foydalanish samaradorligini oshirish, sogʻliqni saqlashning maqsadli dasturlarini mablagʻ bilan taʼminlash va uning moddiy-texnika bazasini mustahkamlash uchun budjetdan tashqari mablagʻlarni, xorijiy investitsiyalarni va xalqaro tashkilotlar mablagʻlarini jalb etish, davolash-profilaktika muassasalarini oʻzini-oʻzi mablagʻ bilan taʼminlashga bosqichma-bosqich oʻtkazishni taʼminlash, tibbiy sugʻurtani ishlab chiqish va joriy etish;

sogʻliqni saqlash, shu jumladan tibbiy yordam sohasida normativlar va standartlar tizimini yaratish, dori vositalari, tibbiy buyumlar ishlab chiqarish va ulardan foydalanish hamda ularga rioya etishni nazorat qilish;

(7-bandning toʻqqizinchi xatboshisi Oʻzbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — OʻR QHT, 2017-y., 14-son, 228-modda)

LexUZ sharhi

(7-bandning toʻqqizinchi xatboshisiga kiritilgan oʻzgartirish Oʻzbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan eʼtiboran kuchga kiradi.

aholini sanitariya-epidemiologiya jihatidan salomatligini hamda manfaatdor organlar bilan birgalikda respublika hududini karantin va oʻta xavfli infeksiyalardan muhofaza qilishni taʼminlash;

oliy va oʻrta tibbiy taʼlim tizimini, xalqaro aloqalarni rivojlantirish hamda sogʻliqni saqlash sohasida chet el tajribasidan va jahon standartlaridan foydalanish.

Oldingi tahrirga qarang.

isteʼmolchilarning huquqlari va manfaatlarini himoya qilish uchun jamoatchilikni jalb etish.

(7-bandning oʻn ikkinchi xatboshi Oʻzbekiston Respublikasi Vazirlar Mahkamasining 2003-yil 31-yanvardagi 53-sonli qaroriga muvofiq kiritilgan— OʻR QHT, 2003-y., 1-2-son, 16-modda)

III. SOGʻLIQNI SAQLASh VAZIRLIGINING FUNKSIYALARI

8. Vazirlik yuklangan vazifalarga muvofiq quyidagi funksiyalarni amalga oshiradi:

aholiga tibbiy xizmat koʻrsatishni tashkil etish sohasida

manfaatdor vazirliklar, davlat qoʻmitalari va idoralari bilan birgalikda respublika sogʻliqni saqlash tizimini rivojlantirish prognozlarini va maqsadli dasturlarini ishlab chiqadi;

kasalliklarning oldini olish, tibbiy yordam, nogironlik, tibbiy ekspertiza boʻyicha tadbirlarni amalga oshiradi;

sogʻliqni saqlash tizimi davolash muassasalari, shuningdek xususiy tibbiy amaliyot bilan shugʻullanuvchi shaxslar tomonidan aholiga oʻz vaqtida malakali va sifatli tibbiy yordam koʻrsatilishi ustidan nazoratni amalga oshiradi;

Oldingi tahrirga qarang.

tibbiy yordam sifati standartlarini va hajmini belgilaydi, tibbiy va farmatsevtik faoliyatni litsenziyalashni amalga oshiradi.

(8-bandning oltinchi xatboshisi Oʻzbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — OʻR QHT, 2009-y., 25-son, 285-modda)

dori vositalari va dezinfeksiya, sanitariya-gigiyena va parfyumeriya-kosmetika vositalarini hamda tibbiy buyumlarni, kuchli taʼsir qiluvchi va zaharli moddalarni, giyohvandlik vositalari, psixotrop moddalarni standartlashtirish va sertifikatsiyalashni, ularni ishlab chiqarishni va ulardan foydalanish tartibini nazorat qilishni amalga oshiradi;

dori vositalari, dezinfeksiya vositalariga va boshqa tibbiy buyumlarga boʻlgan ehtiyojni oʻrganadi, talab va takliflar balansini ishlab chiqadi;

favqulodda shoshilinch tibbiy yordam xizmatining samarali faoliyat koʻrsatishini taʼminlaydi;

favqulodda tusdagi avariya vaziyatlari va halokatlarni bartaraf etish respublika dasturlarini ishlab chiqishda va amalga oshirishda qatnashadi, favqulodda vaziyatlarni bartaraf etishda foydalanish uchun belgilangan tartibda tibbiy buyumlar, dori vositalari, dezinfeksiya vositalari va zaxiralarini tashkil qiladi;

(8-bandning yettinchi — oʻninchi xatboshilari Oʻzbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — OʻR QHT, 2017-y., 14-son, 228-modda)

LexUZ sharhi

(8-bandning yettinchi — oʻninchi xatboshilariga kiritilgan oʻzgartirishlar Oʻzbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan eʼtiboran kuchga kiradi.

yuqumli va yuqumsiz, parazit kasalliklarning, shuningdek insonning yashashi va mehnat faoliyatiga noqulay taʼsir koʻrsatuvchi muhit omillari bilan bogʻliq boʻlgan kasb kasalliklarining oldini olishga doir ishlarni amalga oshiradi;

manfaatdor organlar bilan birgalikda boshqa davlatlar hududidan yuqumli va karantin kasalliklarning kirib kelishining oldini olish ishlarini tashkil etadi va nazorat qiladi;

profilaktika yordami yoʻnalishlari va hajmlari, profilaktik emlash muddatlari va usullari toʻgʻrisida qarorlar qabul qiladi, aholi oʻrtasida sogʻlom turmush tarzini targʻib qilishni amalga oshiradi;

Oldingi tahrirga qarang.

tibbiy tashxis tizimini takomillashtiradi, respublika hududi boʻyicha tashxis xizmatlari tarmogʻini rivojlantiradi, ixtisoslashtirilgan tibbiy markazlar tarmoqlarining faoliyat koʻrsatishini taʼminlaydi;

(8-band Oʻzbekiston Respublikasi Vazirlar Mahkamasining 2009-yil 15-iyundagi 164-sonli qaroriga asosan 14-xatboshi bilan toʻldirilgan — OʻR QHT, 2009-y., 25-son, 285-modda)

oila, ona, ota va bolaga, shuningdek muhtoj shaxslarga tibbiy-ijtimoiy yordam koʻrsatish dasturini amalga oshirishda qatnashadi;

sanitariya normalarini, qoidalarini, gigiyena normativlarini ishlab chiqadi va tasdiqlaydi, ularga rioya qilinishi ustidan davlat sanitariya nazoratini, shuningdek, idoraviy mansubligidan qatʼi nazar, sanitariya-epidemiologiya xizmatlari ishiga uslubiy rahbarlikni amalga oshiradi;

davolash-profilaktika muassasalarida dori vositalarini tayinlash, qabul qilish, saqlash va qoʻllash tartibini belgilaydi;

(8-band Oʻzbekiston Respublikasi Vazirlar Mahkamasining 2010-yil 5-iyundagi 108-son qaroriga asosan oʻn yettinchi xatboshi bilan toʻldirilgan — OʻR QHT, 2010-y., 23-son, 183-modda)

sud-tibbiy va sud-ruhiy ekspertizani taʼminlaydi.

isteʼmolchilarning huquqlarini himoya qilish, sanitariyaga oid qonun hujjatlari, davlat standartlari va sertifikatlash qoidalari talablarini tekshirish ishlariga isteʼmolchilar jamoat tashkilotlari vakillarini jalb etadi;

isteʼmolchilarning jamoat tashkilotlari taqdimnomalariga koʻra oʻziga qarashli laboratoriyalarda tovarlarning (ishlar, xizmatlarning) xavfsizlik talablariga muvofiqligini shartnoma asosida sinovdan oʻtkazadi.

(8-bandning oʻn yettinchi va oʻn sakkizinchi xatboshilari Oʻzbekiston Respublikasi Vazirlar Mahkamasining 2003-yil 31-yanvardagi 53-sonli qaroriga muvofiq kiritilgan— OʻR QHT, 2003-y., 1-2-son, 16-modda)

tibbiy-ijtimoiy yordamni tashkil etish sohasida:

nogironlar, shu jumladan nogiron bolalar, urush qatnashchilari, faxriylar, yolgʻiz keksalar va aholining boshqa zaif qatlamlariga koʻrsatiladigan tibbiy-ijtimoiy yordamning tabaqalashtirilishi va manzilligini kuchaytirishga yoʻnaltirilgan ijtimoiy siyosatni amalga oshirishning mexanizmlarini takomillashtirish boʻyicha takliflar tayyorlashda ishtirok etadi;

nogironlar, shu jumladan nogiron bolalar, urush qatnashchilari, faxriylar, yolgʻiz keksalar va aholining boshqa zaif qatlamlariga tibbiy-ijtimoiy yordam berish davlat ijtimoiy siyosatini va bunday yordam mexanizmining ishlashi boʻyicha normativ-huquqiy hujjatlar loyihalarini ishlab chiqishda qatnashadi;

manfaatdor vazirliklar, idoralar va boshqa tashkilotlar bilan birgalikda pensionerlar, nogironlar va yolgʻiz keksa fuqarolarga qonun hujjatlarida belgilangan imtiyozlar, jumladan sanatoriy-kurortda davolanishga yoʻllanmalar va harakatlanishning maxsus vositalari berilishida qatnashadi;

manfaatdor vazirliklar va idoralar bilan birgalikda muhim ijtimoiy normalar va normativlar roʻyxatini aniqlaydi va ularning ishlab chiqilishini muvofiqlashtiradi;

manfaatdor vazirliklar va idoralar, mahalliy davlat hokimiyati organlari ishtirokida nogironlar, shu jumladan nogiron bolalar, urush qatnashchilari, faxriylar, yolgʻiz keksalar va davlatning qoʻllab-quvvatlashiga muhtoj boʻlgan aholining boshqa zaif qatlamlariga tibbiy-ijtimoiy yordamni tashkil etish boʻyicha takliflarni ishlab chiqadi;

respublika, viloyat, tuman, shahar ijroiya hokimiyat organlari ishtirokida yolgʻiz keksa fuqarolar, nogironlar va davlatning qoʻllab-quvvatlashiga muhtoj boʻlgan aholining boshqa zaif guruhlariga ijtimoiy-maishiy yordamni tashkil etadi;

tibbiy-ijtimoiy muassasalarda yashovchi keksa fuqarolarga va nogironlarga maishiy, tibbiy va madaniy xizmat koʻrsatishni tashkil etadi, ushbu muassasalarning moddiy-texnika bazasi mustahkamlanishini taʼminlaydi;

yolgʻiz keksa fuqarolarga tibbiy-ijtimoiy yordam koʻrsatish xizmatlarining kompleks tarmoqlarini tashkil etadi va ular ishi ustidan nazorat qiladi;

nogironlarga, shu jumladan nogiron bolalar, urush qatnashchilari, faxriylar, yolgʻiz keksalar va aholining boshqa zaif qatlamlariga tibbiy-ijtimoiy yordam berish dasturlarini moliyalashtirish uchun mablagʻlarni jalb etish ishida nodavlat notijorat tashkilotlari va boshqa tashkilotlarning oʻzaro hamkorlik qilishini tashkil etadi;

yolgʻiz keksa fuqarolarga, pensionerlarga va nogironlarga tibbiy-ijtimoiy yordam berish nodavlat xizmatlari tashkil etilishiga koʻmaklashadi va ular ishi ustidan nazorat qilinishini taʼminlaydi;

nogironlar, shu jumladan nogiron bolalar, urush qatnashchilari, faxriylar, yolgʻiz keksalar va aholining boshqa zaif qatlamlariga tibbiy-ijtimoiy yordam berish dasturlarini moliyalashtirish ehtiyojidan kelib chiqib amalga oshiriladigan idoraviy mansub tashkilotlar ishini, shu jumladan ularning tijorat faoliyatini muvofiqlashtiradi;

nogironlarni reabilitatsiya qilish ishiga rahbarlik qiladi;

nogironlarni tibbiy-ijtimoiy reabilitatsiya qilish bosqichi sifatida nogironlarning jismoniy tarbiya va sport harakati rivojlanishiga koʻmaklashadi;

ehtiyojmand shaxslarni protez-ortopediya buyumlari va reabilitatsiyaning texnik vositalari bilan taʼminlashni tashkil etadi;

nogironlarni va pensiya yoshidagi shaxslarni protez-ortopediya buyumlari va reabilitatsiyaning texnik vositalari bilan taʼminlash tartibini belgilaydi.

(8-band Oʻzbekiston Respublikasi Vazirlar Mahkamasining 2017-yil 13-martdagi 130-sonli qaroriga asosan yigirma birinchi — oʻttiz oltinchi xatboshilar bilan toʻldirilgan — OʻR QHT, 2017-y., 15-son, 249-modda)

tibbiy statistika va axborotlashtirish sohasida

tarmoqni axborotlashtirish tizimini shakllantirishni taʼminlaydi, sogʻliqni saqlashda statistikani yuritish ishlarini tashkil qiladi, sogʻliqni saqlash tizimida statistik hisobga olish va hisobot tartibiga uslubiy rahbarlikni amalga oshiradi, statistik axborotlarning ishonchliligini nazorat qiladi;

iqtisodiyot va moliya sohasida

Vazirlik tizimida iqtisodiyot va moliya ishlarini tashkil qiladi, tibbiyot muassasalari va tibbiy-ijtimoiy muassasalarning Oʻzbekiston Respublikasi Davlat budjeti hisobiga amalga oshiriladigan xarajatlarini mablagʻ bilan taʼminlaydi, tizim xodimlari mehnatini normalash va unga haq toʻlashni tashkil qilishni takomillashtirish tadbirlarini roʻyobga chiqaradi;

(8-bandning qirqinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

tasarrufidagi muassasa va tashkilotlarda faoliyatni tahlil qiladi hamda buxgalteriya hisobi va hisobotni yuritishga uslubiy rahbarlikni amalga oshiradi, budjet mablagʻlaridan belgilangan maqsadda va samarali foydalanishni nazorat qiladi;

sogʻliqni saqlash boʻyicha maqsadli dasturlarni mablagʻ bilan taʼminlash uchun mablagʻlarni jalb etish ishlarida davlat, jamoat, xayriya tashkilotlari va jamgʻarmalarining, muassasa va korxonalarning oʻzaro hamkorligini taʼminlaydi;

davolash-profilaktika muassasalarining xizmat koʻrsatishning pulli shakllariga bosqichma-bosqich oʻtishini va tibbiy sugʻurtani joriy qilgan holda, sogʻliqni saqlashni mablagʻ bilan taʼminlash tizimini takomillashtiradi;

sogʻliqni saqlash tizimini rivojlantirish uchun xorijiy investitsiyalarni, xalqaro tashkilotlar, jamgʻarmalar mablagʻlarini jalb etish ishlarini amalga oshiradi;

sogʻliqni saqlash korxonalari, muassasalari va tashkilotlarini davlat tasarrufidan chiqarish va xususiylashtirish boʻyicha takliflar ishlab chiqadi hamda ularni amalga oshirishda qatnashadi;

kadrlar tayyorlash sohasida

tarmoqni kadrlar bilan taʼminlash dasturini ishlab chiqadi va roʻyobga chiqaradi, sogʻliqni saqlashda tegishli yoʻnalishlar va ixtisosliklar boʻyicha tibbiyot kadrlariga boʻlgan ehtiyojni aniqlaydi hamda ularni tayyorlashni amalga oshiradi;

Oldingi tahrirga qarang.

qonun hujjatlarida belgilangan tartibda Vazirlik va uning hududiy organlari kadrlar tarkibini yuqori malakali mutaxassislar bilan mustahkamlaydi, vrach xodimlarning, shu jumladan klinik ordinatura orqali malakasini oshirish va kasbiy darajasini takomillashtirishni amalga oshiradi, shuningdek rahbar xodimlarning malakaviy tarkibi hamda kasbiy darajasi yuzasidan nazoratni amalga oshiradi, kasbiy tayyorgarligi va malakasi boʻyicha egallab turgan lavozimiga muvofiqligi yuzasidan ularni attestatsiyadan oʻtkazadi, sogʻliqni saqlash boshqarmalari birlamchi boʻgʻini va hududiy organlari rahbarlarining doimiy ravishda malakasini oshirish hamda kasbiy darajasini oshirish tizimini yaratadi, vrachlar, farmatsevtlar va boshqa tibbiyot xodimlarining kasbiy malakasini oshirishni nazorat qiladi hamda malaka toifalari berish uchun ularni attestatsiyadan oʻtkazadi.

(8-bandning 31 xatboshisi Oʻzbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — OʻR QHT, 2009-y., 25-son, 285-modda)

oliy va oʻrta maxsus, kasb-hunar tibbiyot va farmatsevtika taʼlim muassasalari faoliyatiga rahbarlik qiladi, ular faoliyatini mablagʻ bilan taʼminlaydi va nazorat qiladi;

(8-bandning qirq toʻqqizinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

sogʻliqni saqlash tizimida ixtisosliklar nomenklaturasini belgilaydi, Vazirlik nomenklaturasidagi lavozimlarga kadrlar tanlaydi;

sogʻliqni saqlashni boshqarish sohasida

Vazirlik tasarrufidagi muassasalar, tashkilotlar va korxonalar tuzilmasini takomillashtirishga doir tadbirlarni ishlab chiqadi va amalga oshiradi;

joylardagi sogʻliqni saqlash boshqaruv organlari faoliyatiga uslubiy rahbarlikni, uni nazorat qilishni amalga oshiradi;

tasarrufidagi korxonalar, muassasalar, tashkilotlarni qonunda belgilangan tartibda tashkil qiladi, qayta tashkil etadi va tugatadi, ular toʻgʻrisidagi nizomlar va ustavlarni tasdiqlaydi;

sogʻliqni saqlashning moddiy-texnika bazasini rivojlantirish, tarmoqning yangi tashkilotlari va muassasalarini qurish, ishlab turganlarini rekonstruksiya qilish va texnika bilan qayta jihozlash dasturlarini ishlab chiqishni tashkil qiladi;

ilmiy-texnikaviy taraqqiyot sohasida

ilmiy-tibbiy tadqiqotlarni rivojlantirishni va ularning samaradorligini oshirishni, fan, texnika va ilgʻor tajriba yutuqlarini tibbiyot amaliyotiga joriy etishni taʼminlaydi;

ilmiy tadqiqotlar natijalarini ekspertizadan oʻtkazadi, muassasalarga, tashkilotlarga, shu jumladan Oʻzbekiston Respublikasi Fanlar akademiyasiga sogʻliqni saqlashning dolzarb muammolari boʻyicha ilmiy tadqiqotlar yuzasidan buyurtmalar beradi;

tashqi iqtisodiy aloqalar sohasida

tarmoqni rivojlantirishning muhim muammolarini hal etishda xorijiy mamlakatlar bilan iqtisodiy aloqalarni rivojlantiradi va kengaytiradi;

respublikada xalqaro tadbirlar (simpoziumlar, konferensiyalar, koʻrgazmalar va shu kabilar) oʻtkazishni tashkil qiladi;

yetakchi xorijiy va ilmiy markazlarda tarmoq mutaxassislari tayyorlashni tashkil qiladi;

xalqaro, davlatlararo sogʻliqni saqlash tashkilotlarida respublika nomidan vakillik qiladi;

belgilangan tartibda ilmiy, uslubiy adabiyotlar va axborotlarni nashr etadi va Vazirlik boʻlinmalarini ular bilan taʼminlaydi.

Qonunchilikka muvofiq boshqa vakolatlarni amalga oshiradi.

Oldingi tahrirga qarang.

qonun hujjatlariga muvofiq xavfli yuklar, qurol-yarogʻlar, harbiy texnika, harbiy mol-mulklar, portlovchi moddalar va buyumlar, shuningdek harbiy tarkiblar tranziti chogʻida xulosalar beradi va nazoratni amalga oshiradi.

(8-bandning qirq oltinchi xatboshisi Oʻzbekiston Respublikasi Vazirlar Mahkamasining 2002-yil 1 maydagi 150-sonli qaroriga muvofiq kiritilgan — OʻR QHT, 2002-y., 9-son, 66-modda)

IV. SOGʻLIQNI SAQLASh VAZIRLIGINING HUQUQLARI

9. Vazirlikka quyidagi huquqlar beriladi:

Oʻzbekiston Respublikasi Vazirlar Mahkamasining respublikada sogʻliqni saqlashni rivojlantirish, isloh qilish va uni boshqarishni takomillashtirish, tibbiyot muassasalari va tibbiy-ijtimoiy muassasalar moddiy-texnika bazasini mustahkamlash, malakali tibbiyot kadrlari tayyorlash, sogʻliqni saqlash xodimlarini ijtimoiy muhofaza qilishni taʼminlash boʻyicha takliflar kiritish;

(9-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

joylardagi boshqaruv va davlat hokimiyati organlaridan, mulkchilik shakllaridan qatʼi nazar, korxonalar, muassasalar va tashkilotlardan Vazirlikka yuklangan vazifalarni bajarish uchun zarur boʻlgan axborotlarni belgilangan tartibda soʻrash va olish;

hayʼat majlislarida, tashkiliy-huquqiy shakllaridan va idoraviy boʻysunishidan qatʼi nazar, sogʻliqni saqlash tizimi korxonalari, muassasalari va tashkilotlari rahbarlarining Vazirlik vakolatiga taalluqli masalalar boʻyicha axborotlarini eshitish;

Oʻzbekiston Respublikasi hududidagi va yondash davlatlardagi sanitariya-epidemiologik vaziyat bilan bogʻliq masalalarni koʻrib chiqish uchun Oʻzbekiston Respublikasi Vazirlar Mahkamasi huzuridagi Respublika favqulodda epidemiyaga qarshi kurash komissiyasiga kiritish;

budjetdan tashqari mablagʻlardan xodimlarning samarali mehnatini ragʻbatlantirishda foydalanish;

noshirlik faoliyatini amalga oshirish;

oʻziga tegishli muammolarni hal qilishga ilmiy muassasalarni, olimlar va mutaxassislarni, shu jumladan xorijiy olimlar va mutaxassislarni shartnoma asosida jalb etish;

xususiy sogʻliqni saqlash tuzilmalarining, shu jumladan qoʻshma korxonalarning faoliyatini, ular tomonidan tibbiy-sanitariya standartlari talablarining hamda aholiga koʻrsatilayotgan tibbiy, tibbiy-ijtimoiy xizmatlar sifatining taʼminlanishini oʻrganish va ularga baho berish;

(9-bandning toʻqqizinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

tashqi iqtisodiy faoliyatni amalga oshirish va bank hamda boshqa kredit muassasalarida qonunchilikda belgilangan tartibda valyuta schyotlariga ega boʻlish;

tasarrufidagi muassasalarning amaldagi qonunchilikka xilof ravishda chiqarilgan buyruqlarini bekor qilish.

V. SOGʻLIQNI SAQLASh VAZIRLIGI FAOLIYATINI TAShKIL ETISh

10. Vazirlikka Oʻzbekiston Respublikasi Prezidenti tomonidan lavozimga tasdiqlanadigan va lavozimdan ozod qilinadigan vazir boshchilik qiladi;

Vazir Vazirlikka yuklangan vazifalarning bajarilishi va funksiyalarning amalga oshirilishi uchun shaxsan javob beradi.

Vazirning Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan toʻrt nafar oʻrinbosari, shu jumladan bir nafar birinchi oʻrinbosari boʻladi.

(10-band Oʻzbekiston Respublikasi Vazirlar Mahkamasining 2010-yil 5-iyundagi 108-son qarori tahririda — OʻR QHT, 2010-y., 23-son, 183-modda)

11. Vazir:

Vazirlik va unga qarashli muassasalar, tashkilotlar, taʼlim muassasalari va korxonalar faoliyatiga rahbarlik qiladi;

(11-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

oʻz vakolati doirasida buyruqlar, yoʻriqnomalar chiqaradi hamda oʻziga qarashli barcha tashkilotlar, muassasalar, korxonalar, shuningdek sogʻliqni saqlashning hududiy organlari tomonidan bajarilishi majburiy boʻlgan koʻrsatmalar beradi va ularning ijrosini tekshiradi;

Vazirlik tasarrufiga kiritilgan masalalar boʻyicha normativ hujjatlar loyihalarini belgilangan tartibda Oʻzbekiston Respublikasi Vazirlar Mahkamasiga koʻrib chiqish uchun kiritadi;

Vazir oʻrinbosarlari oʻrtasida vazifalarni taqsimlaydi va ular faoliyatini muvofiqlashtiradi;

Vazir oʻrinbosarlari va Vazirlik tarkibiy boʻlinmalari rahbarlarining ular zimmasiga yuklatilgan vazifalar bajarilishi uchun javobgarligi darajasini belgilaydi;

respublika Vazirlar Mahkamasi tomonidan belgilangan xodimlar soni va mehnatga haq toʻlash fondi doirasida markaziy apparat tuzilmasini va shtat jadvalini, Vazirlik tarkibiy boʻlinmalari toʻgʻrisidagi nizomlarni, Vazirlikka qarashli muassasalar, tashkilotlar va korxonalarning nizomlari va ustavlarini tasdiqlaydi;

Vazirlik markaziy apparati xodimlarini va Vazirlikka qarashli muassasalar, tashkilotlar va korxonalarning rahbarlarini belgilangan nomenklaturaga muvofiq, viloyatlar va Toshkent shahar sogʻliqni saqlash boshqarmalari boshliqlarini, viloyat koʻp tarmoqli tibbiyot markazi, viloyat koʻp tarmoqli bolalar tibbiyot markazi bosh vrachini, shuningdek viloyatlar tibbiy tashxis markazlari, tibbiy-ijtimoiy muassasalar tumanlar (shaharlar) tibbiyot birlashmalari rahbarlarini tegishli hudud hokimining tavsiyasiga koʻra lavozimga tayinlaydi va lavozimdan ozod qiladi.

(11-bandning sakkizinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

Vazirlik markaziy apparati xodimlarini moddiy ragʻbatlantirish shartlarini belgilaydi;

alohida oʻrnak koʻrsatgan xodimlarni faxriy unvonlar va mukofotlar berishga belgilangan tartibda taqdim etadi;

amaldagi qonun hujjatlariga muvofiq boshqa huquqlarga ega boʻladi.

12. Vazirlikda Vazir (hayʼat raisi), uning oʻrinbosarlari (lavozimiga koʻra), shuningdek Vazirlik faoliyatining asosiy yoʻnalishlarini muvofiqlashtiruvchi tarkibiy boʻlinmalari rahbarlaridan iborat tarkibda hayʼat tashkil etiladi.

Hayʼatning aʼzolari soni va shaxsiy tarkibi Vazirning taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.

Hayʼat quyidagilar bilan bogʻliq masalalarni koʻrib chiqadi:

Vazirlik faoliyatining aholi salomatligini saqlash va yaxshilashni, sogʻlom avlodni tarbiyalash uchun shart-sharoitlarni shakllantirishni, profilaktik sogʻliqni saqlashni rivojlantirishni, sogʻlom turmush tarzini keng ommalashtirishni taʼminlovchi davlat siyosatini amalga oshirishni davom ettirish, fuqarolarning aholiga tibbiy-sanitariya xizmati koʻrsatishning davlat tomonidan kafolatlangan darajasida va sifatida malakali tibbiy xizmat olishga boʻlgan konstitutsiyaviy huquqlariga rioya etilishini, aholining koʻrsatiladigan tibbiy xizmatlarning barcha turlaridan teng bahramand boʻlishini taʼminlash boʻyicha ushbu Nizomda belgilangan asosiy yoʻnalishlarni tayyorlash va amalga oshirish;

Oʻzbekiston Respublikasi Sogʻliqni saqlash vazirligi nomenklaturasiga kiradigan lavozimlarga kadrlarni tanlash, joy-joyiga qoʻyish, tayyorlash va qayta tayyorlash;

Oʻzbekiston Respublikasi Prezidentining farmonlari, qarorlari va farmoyishlarida, Oʻzbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish boʻyicha ijro intizomini mustahkamlash, ularning oʻz vaqtida va sifatli amalga oshirilishini taʼminlash uchun Vazirlik rahbarlari va xodimlarining shaxsiy javobgarligini oshirish.

Hayʼat Vazirlik vakolatiga taalluqli boshqa masalalarni ham koʻrib chiqish huquqiga ega.

Hayʼat majlisiga Vazirlik vakolatiga kiradigan masalalar boʻyicha boshqa vazirliklar, davlat qoʻmitalari, idoralar, mahalliy davlat hokimiyati organlari, korxonalar, muassasalar, tashkilotlar rahbarlari taklif etilishi mumkin.

Hayʼat uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

Hayʼat qarorlari Vazirning buyruqlari bilan amalga oshiriladi. Vazir va hayʼat aʼzolari oʻrtasida kelishmovchiliklar paydo boʻlgan taqdirda Vazir paydo boʻlgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Oʻzbekiston Respublikasi Vazirlar Mahkamasiga xabar qilishlari mumkin.

Hayʼat faoliyati tartibi uning hayʼat tasdiqlaydigan reglamentida belgilanadi.

(12-band Oʻzbekiston Respublikasi Vazirlar Mahkamasining 2010-yil 5-iyundagi 108-son qarori tahririda — OʻR QHT, 2010-y., 23-son, 183-modda)

Oldingi tahrirga qarang.

13. Sogʻliqni saqlash muammolarini ilmiy tahlil qilish uchun Vazirlikda konsultativ-ekspert kengashi tashkil etiladi. Kengash tarkibiga yetakchi olimlar va yuqori malakali mutaxassislar kiradi. Konsultativ-ekspert kengashi tarkibi va uning toʻgʻrisidagi nizom Vazir tomonidan tasdiqlanadi.

(13-band Oʻzbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — OʻR QHT, 2009-y., 25-son, 285-modda)

Oldingi tahrirga qarang.

(3-ilova Oʻzbekiston Respublikasi Vazirlar Mahkamasining 2006-yil 2-oktabrdagi 207-sonli qarori bilan oʻz kuchini yoʻqotgan — OʻR QHT, 2006-y., 40-son, 396-modda)

Vazirlar Mahkamasining 1999-yil
14-yanvardagi 18-son qaroriga
4-ILOVA

Oʻzbekiston Respublikasi Sogʻliqni saqlash vazirligining Nazorat inspeksiyasi toʻgʻrisida

NIZOM

I. UMUMIY QOIDALAR

1. Nazorat inspeksiyasi Oʻzbekiston Respublikasi Sogʻliqni saqlash vazirligida tashkil etiladi va bevosita Oʻzbekiston Respublikasi Sogʻliqni saqlash vaziriga boʻysunadi.

Oʻzbekiston Respublikasi Sogʻliqni saqlash vazirligi Nazorat inspeksiyasining Qoraqalpogʻiston Respublikasida, barcha viloyatlarda va Toshkent shahrida hududiy boʻlinmalari boʻladi, ular boshqaruvning vertikal tizimiga ega boʻladilar va oʻz faoliyatida bevosita Nazorat inspeksiyasi boshligʻiga boʻysunadilar.

2. Oʻzbekiston Respublikasi Sogʻliqni saqlash vazirligining Nazorat inspeksiyasi oʻz faoliyatida Oʻzbekiston Respublikasi Konstitutsiyasiga, “Fuqarolar sogʻligʻini saqlash toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Sogʻliqni saqlash vazirligining normativ hujjatlariga, shuningdek boshqa qonunchilik hujjatlariga amal qiladi.

II. NAZORAT INSPEKSIYASINING ASOSIY VAZIFALARI

3. Quyidagilar Nazorat inspeksiyasining asosiy vazifalari hisoblanadi:

sogʻliqni saqlash organlari, mulkchilik shakllaridan va mablagʻ bilan taʼminlanish manbalaridan qatʼi nazar, profilaktika va sanitariya muassasalari tomonidan aholi salomatligini muhofaza qilishni taʼminlash masalalari boʻyicha qonunchilik va normativ hujjatlarga rioya qilinishi ustidan nazoratni amalga oshirish;

davolash-profilaktika muassasalari va tibbiy-ijtimoiy muassasalar boshqaruv organlarining mansabdor shaxslari va xodimlari tomonidan korrupsiya hamda suiisteʼmolchiliklarning oldini olish chora-tadbirlarini koʻrish;

(3-bandning uchinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

budjetdan jalb etilgan mablagʻlar bilan taʼminlanadigan davolash-profilaktika muassasalarida dori vositalari va tibbiy buyumlarni xarid qilish, sotish hamda ulardan belgilangan maqsadda foydalanish ustidan nazoratni tashkil qilish;

(3-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — OʻR QHT, 2017-y., 14-son, 228-modda)

LexUZ sharhi

(3-bandning toʻrtinchi xatboshisiga kiritilgan oʻzgartirish Oʻzbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan eʼtiboran kuchga kiradi.

amaldagi qonunchilikni buzishayotgan sogʻliqni saqlash tizimi xodimlarini maʼmuriy va jinoiy javobgarlikka tortish toʻgʻrisida belgilangan tartibda takliflar kiritish.

III. NAZORAT INSPEKSIYASINING FUNKSIYALARI

4. Nazorat inspeksiyasi oʻz zimmasiga yuklangan vazifalarni bajarish uchun:

sogʻliqni saqlash, davolash-profilaktika muassasalari va tibbiy-ijtimoiy muassasalar boshqaruv organlarining aholining malakali tibbiy xizmat olish boʻyicha konstitutsion huquqlariga hamda fuqarolarning salomatligini muhofaza qilish toʻgʻrisidagi qonunchilikka rioya etilishi masalalari yuzasidan oʻzlariga yuklangan vazifalarni bajarishga doir faoliyatini nazorat qilish va tekshirishni amalga oshiradi;

(4-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

sogʻliqni saqlash xodimlarining noqonuniy xatti-harakatlari boʻyicha murojaatlarni koʻrib chiqadi va oʻrganadi, jismoniy va yuridik shaxslarning huquqlari buzilishi hollari boʻyicha xizmat tekshirishlarini oʻtkazadi;

(4-bandning uchinchi xatboshisi Oʻzbekiston Respublikasi Vazirlar Mahkamasining 2015-yil 31-martdagi 74-sonli qarori tahririda — OʻR QHT, 2015-y., 13-son, 155-modda)

dorixona, davolash-profilaktika muassasalari va tibbiy-ijtimoiy muassasalarda budjet mablagʻlaridan foydalangan holda dori vositalari va tibbiy buyumlarni sotib olishda, sotishda hamda ulardan belgilangan maqsadlarda foydalanishda belgilangan tartibga rioya qilinishi ustidan, shu jumladan favqulodda taftishlar oʻtkazish yoʻli bilan, nazoratni amalga oshiradi;

(4-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — OʻR QHT, 2017-y., 14-son, 228-modda)

LexUZ sharhi

4-bandning toʻrtinchi xatboshisiga kiritilgan oʻzgartirish Oʻzbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan eʼtiboran kuchga kiradi.

tekshirishlar chogʻida fuqarolar salomatligini muhofaza qilish toʻgʻrisidagi qonunchilik talablariga rioya qilish masalalaridagi buzilishlardan, jismoniy va yuridik shaxslarning murojaatlarini xizmat yuzasidan tekshirishlar natijalaridan Oʻzbekiston Respublikasi Sogʻliqni saqlash vazirini xabardor qiladi;

(4-bandning beshinchi xatboshisi Oʻzbekiston Respublikasi Vazirlar Mahkamasining 2015-yil 31-martdagi 74-sonli qarori tahririda — OʻR QHT, 2015-y., 13-son, 155-modda)

buyruqlar loyihalarini tayyorlaydi, Oʻzbekiston Respublikasi Sogʻliqni saqlash vazirligi hayʼatiga qonunchilik talablari borasida aniqlangan buzilishlarni bartaraf etish, salomatlikni muhofaza qilish toʻgʻrisidagi qonunchilik talablariga rioya qilishmagan sogʻliqni saqlash xodimlarini moddiy, maʼmuriy va qonunchilikda nazarda tutilgan boshqa turdagi javobgarlikka tortish toʻgʻrisidagi takliflarni koʻrib chiqish uchun kiritadi;

sogʻliqni saqlash, davolash-profilaktika muassasalari va tibbiy-ijtimoiy muassasalarni boshqarish organlarida moliya-xoʻjalik faoliyatini birgalikda taftish qilish uchun oʻz ishlarini Oʻzbekiston Respublikasi Moliya vazirligi Nazorat-taftish bosh boshqarmasi bilan muvofiqlashtirib boradi.

(4-bandning yettinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

IV. NAZORAT INSPEKSIYASINING HUQUQ VA MAJBURIYATLARI

5. Nazorat inspeksiyasi quyidagi huquqlarga ega:

Oʻzbekiston Respublikasi Sogʻliqni saqlash vazirining topshirigʻiga binoan yoki tasdiqlangan ish rejasiga muvofiq inspeksiya guruhlarini sogʻliqni saqlash toʻgʻrisidagi qonunchilikka rioya qilinishi masalalari boʻyicha tekshirish va taftishlar oʻtkazish uchun yuborish;

barcha darajalardagi sogʻliqni saqlash organlarida, davolash-profilaktika muassasalari va tibbiy-ijtimoiy muassasalarda ularning faoliyatiga taalluqli hujjatlarni tekshirish;

(5-bandning uchinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

oʻzlariga yuklangan vazifalarni bajarish chogʻida davolash-profilaktika muassasalari va tibbiy-ijtimoiy muassasalarning barcha binolariga, belgilangan kirish tartibiga rioya qilgan holda, qarshiliksiz kirish;

(5-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

dori vositalarini, tibbiy buyumlarni xarid qilish va sotish, shuningdek cheklangan savdo ustamalari qoʻllanishi yuzasidan nazorat va taftishlarni amalga oshirish;

(5-bandning beshinchi xatboshisi Oʻzbekiston Respublikasi Vazirlar Mahkamasining 2017-yil 6-apreldagi 185-sonli qarori tahririda — OʻR QHT, 2017-y., 14-son, 228-modda)

LexUZ sharhi

(5-bandning beshinchi xatboshisiga kiritilgan oʻzgartirish Oʻzbekiston Respublikasi Vazirlar Mahkamasining 2017-yil 6-apreldagi 185-sonli qaroriga asosan 2017-yilning 1-iyulidan eʼtiboran kuchga kiradi.

sogʻliqni saqlash organlari va davolash-profilaktika muassasalari rahbarlari hamda boshqa mansabdor shaxslardan qonunchilik talablarining buzilishi faktlari boʻyicha yozma tushuntirishlar olish;

zarurat boʻlganda, Sogʻliqni saqlash vazirligi rahbariyati bilan kelishgan holda, boshqa tarkibiy boʻlinmalar mutaxassislarini tekshirishlarda, shuningdek Oʻzbekiston Respublikasi Sogʻliqni saqlash vazirligi hayʼati materiallarini va vazirlik buyruqlarini tayyorlashda qatnashish uchun jalb etish.

6. Nazorat inspeksiyasi quyidagilarga majburdir:

“Fuqarolar sogʻligʻini saqlash toʻgʻrisida”gi Oʻzbekiston Respublikasi Qonuni, boshqa qonunchilik va normativ hujjatlar talablarini bajarish;

davlat siriga va amalga oshirilayotgan ishlarning maxfiylik rejimiga, oʻtkazilayotgan tekshirish va taftishlarning oshkor qilinmasligiga qatʼiyan rioya etish;

sogʻliqni saqlash boshqaruv organlari, tekshirilayotgan davolash-profilaktika, tibbiy-ijtimoiy muassasalar va dorixona muassasalari faoliyatining malakali, xolisona, asosli baholanishini taʼminlash.

(6-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

V. NAZORAT INSPEKSIYASI IShLARINI TAShKIL ETISh

7. Oʻzbekiston Respublikasi Sogʻliqni saqlash vazirligining Nazorat inspeksiyasi tarkibi belgilab qoʻyiladi hamda oliy yuridik, tibbiy, farmatsevtik va iqtisodiy maʼlumotga ega boʻlgan yuqori malakali mutaxassislar bilan butlanadi.

8. Nazorat inspeksiyasini Oʻzbekiston Respublikasi Sogʻliqni saqlash vaziri tayinlaydigan boshliq boshqaradi.

9. Nazorat inspeksiyasi xodimlari inspeksiya boshligʻining taqdimnomasiga binoan Oʻzbekiston Respublikasi Sogʻliqni saqlash vaziri tomonidan lavozimga tayinlanadi va lavozimdan ozod qilinadi.

10. Oʻzbekiston Respublikasi Sogʻliqni saqlash vazirligining Nazorat inspeksiyasi ishlarni Oʻzbekiston Respublikasi Sogʻliqni saqlash vaziri tasdiqlaydigan yillik rejalar boʻyicha amalga oshiradi.

11. Nazorat inspeksiyasi xodimlarini attestatsiyadan oʻtkazish 2 yilda kamida bir marta amalga oshiriladi. Attestatsiyani oʻtkazish tartibini Oʻzbekiston Respublikasi Sogʻliqni saqlash vaziri belgilaydi.

VI. NAZORAT INSPEKSIYASI XODIMLARINING JAVOBGARLIGI

12. Nazorat inspeksiyasi xodimlari lavozimi boʻyicha qoida buzilishlari uchun amaldagi qonunchilik bilan belgilangan tartibda javob beradilar.

Vazirlar Mahkamasining 1999-yil
14-yanvardagi 18-son qaroriga
5-ILOVA

Oʻzbekiston Respublikasi Sogʻliqni saqlash vazirligining Nazorat inspeksiyasi shtatlarining hududiy taqsimlanishi

Nomi	Shtatdagi xodimlar soni, jami	shu jumladan
Nomi	Shtatdagi xodimlar soni, jami	Inspeksiya boshligʻi	bosh nazoratchi	dori-darmon vositalari va tibbiyot texnikasi boʻyicha bosh nazoratchi	yetakchi nazoratchi yurist	yetakchi nazoratchi
Oʻzbekiston Respublikasi Sogʻliqni saqlash vazirligi	5	1	1	1	1	1
Qoraqalpogʻiston Respublikasi Sogʻliqni saqlash vazirligi	3	1	1	—	1	—
Sogʻliqni saqlash viloyat boshqarmalari:
Andijon viloyati	3	1	1	—	1	—
Buxoro viloyati	3	1	1	—	1	—
Jizzax viloyati	2	1	—	—	1	—
Qashqadaryo viloyati	3	1	1	—	1	—
Navoiy viloyati	2	1	—	—	1	—
Namangan viloyati	3	1	1	—	1	—
Samarqand viloyati	3	1	1	—	1	—
Surxondaryo viloyati	3	1	1	—	1	��—
Sirdaryo viloyati	2	1	—	—	1	—
Toshkent viloyati	3	1	1	—	1	—
Fargʻona viloyati	3	1	1	—	1	—
Xorazm viloyati	2	1	—	—	1	—
Toshkent shahar Sogʻliqni saqlash bosh boshqarmasi	3	1	1	—	1	—
Jami	43	15	11	1	15	1

Vazirlar Mahkamasining 1999-yil
14-yanvardagi 18-son qaroriga
6-ILOVA

Sogʻliqni saqlashni boshqarish hududiy organi toʻgʻrisida

NAMUNAVIY NIZOM

I. UMUMIY QOIDALAR

1. Mazkur Nizom “Fuqarolar sogʻligʻini saqlash toʻgʻrisida” Oʻzbekiston Respublikasining Qonuniga, Oʻzbekiston Respublikasi Prezidentining “Oʻzbekiston Respublikasi Sogʻliqni saqlash tizimini isloh qilish davlat dasturi toʻgʻrisida” 1998-yil 10-noyabrdagi PF-2107-son Farmoniga muvofiq ishlab chiqilgan hamda Sogʻliqni saqlashni boshqarish hududiy organi maqomini, vazifalarini, funksiyalarini, vakolatlarini va uning faoliyatining tashkiliy asoslarini belgilab beradi.

2. Sogʻliqni saqlashni boshqarish organi (keyingi oʻrinlarda Boshqarma deb ataladi) respublika sogʻliqni saqlashni boshqarish organlari yagona tizimidagi hududiy boʻgʻin hisoblanadi va u oʻz faoliyatida tegishli hokimlikka va Oʻzbekiston Respublikasi Sogʻliqni saqlash vazirligiga boʻysunadi.

Boshqarma oʻz ishini davlat boshqaruvi boshqa organlari va jamoat tashkilotlari bilan birgalikda amalga oshiradi.

Oldingi tahrirga qarang.

3. Boshqarma oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisining hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Sogʻliqni saqlash vazirligining normativ hujjatlariga, Qoraqalpogʻiston Respublikasi Vazirlar Kengashining, viloyatlar va Toshkent shahar hokimliklarining hujjatlariga, boshqa normativ hujjatlarga va mazkur Nizomga amal qiladi.

(3-band Oʻzbekiston Respublikasi Vazirlar Mahkamasining 2009-yil 15-iyundagi 164-sonli qarori tahririda — OʻR QHT, 2009-y., 25-son, 285-modda)

4. Boshqarma, mulkchilik shakllaridan qatʼi nazar, tasarrufidagi hududda joylashgan sogʻliqni saqlash muassasalarining oʻz vakolatiga kiruvchi masalalarni hal qilishga doir faoliyatini muvofiqlashtirib boradi va nazorat qiladi, sogʻliqni saqlash sohasida davlat boshqaruvini hamda tartibga solishni amalga oshiradi.

5. Boshqarma budjetdan mablagʻ bilan taʼminlanadi, yuridik shaxs hisoblanadi, tezkor boshqarish huquqi bilan alohida mol-mulkka, mustaqil balansga, bank muassasalarida hisob-kitob schyotlariga va boshqa schyotlarga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.

II. BOShQARMANING ASOSIY VAZIFALARI

6. Quyidagilar Boshqarmaning asosiy vazifalari hisoblanadi:

tasarrufidagi hududda sogʻliqni saqlash sohasidagi davlat siyosatini amalga oshirish;

fuqarolar salomatligini muhofaza qilish sohasidagi qonunchilikning bajarilishini taʼminlash;

aholiga tibbiy va tibbiy-ijtimoiy yordam koʻrsatishni tashkil qilish, tasarrufidagi hududda onalik va bolalikni muhofaza qilishning samarali tizimini tashkil etish;

(6-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

tasarrufidagi davolash-profilaktika muassasalari va tibbiy-ijtimoiy muassasalar faoliyatini muvofiqlashtirib borish, ular tomonidan koʻrsatiladigan tibbiy va tibbiy-ijtimoiy xizmatlar sifati, budjet mablagʻlaridan belgilangan maqsadda va samarali foydalanish ustidan nazoratni amalga oshirish;

(6-bandning beshinchi xatboshisi Oʻzbekiston Respublikasi Vazirlar Mahkamasining 2017-yil 13-martdagi 130-sonli qarori tahririda — OʻR QHT, 2017-y., 15-son, 249-modda)

profilaktik sogʻliqni saqlashni rivojlantirish, sogʻlom turmush tarzini keng ommalashtirish;