Oʻzbekiston Respublikasi Vazirlar Mahkamasining
qarori
Kommunal xizmatlar koʻrsatish qoidalarini tasdiqlash toʻgʻrisida
Oldingi tahrirga qarang.
Oʻzbekiston Respublikasining Uy-joy kodeksiga, Oʻzbekiston Respublikasining Fuqarolik kodeksiga, “Energiyadan oqilona foydalanish toʻgʻrisida”, “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”, “Raqobat toʻgʻrisida”, “Isteʼmolchilarning huquqlarini himoya qilish toʻgʻrisida”, “Koʻp kvartirali uylarni boshqarish toʻgʻrisida”gi Oʻzbekiston Respublikasi qonunlariga muvofiq hamda Oʻzbekiston Respublikasi Vazirlar Mahkamasining “Respublikaning issiqlik va suv taʼminoti tashkilotlarini moliyaviy sogʻlomlashtirish chora-tadbirlari toʻgʻrisida” 2013-yil 6-noyabrdagi 300-son qarorini bajarish yuzasidan Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2024-yil 10-iyuldagi 405-sonli qarori tahririda — Qonunchilik maʼlumotlari milliy bazasi, 11.07.2024-y., 09/24/405/0495-son)
1. Quyidagilar:
Koʻp kvartirali uylarda issiqlik taʼminoti xizmatlari koʻrsatish qoidalari 1-ilovaga muvofiq;
Isteʼmolchilarga suv taʼminoti va suv chiqarish xizmatlari koʻrsatish qoidalari 2-ilovaga muvofiq;
Oldingi tahrirga qarang.
(1-bandning toʻrtinchi xatboshisi Oʻzbekiston Respublikasi Vazirlar Mahkamasining 2019-yil 6-fevraldagi 95-sonli qaroriga asosan chiqarilgan — Qonun hujjatlari maʼlumotlari milliy bazasi, 07.02.2019-y., 09/19/95/2583-son)
2. Oʻzbekiston “Oʻzkommunxizmat” agentligi manfaatdor vazirliklar va idoralar bilan birgalikda, belgilangan tartibda:
Qonun hujjatlariga ushbu qarordan kelib chiqadigan oʻzgartirish va qoʻshimchalar yuzasidan Oʻzbekiston Respublikasi Vazirlar Mahkamasiga takliflar kiritsin;
oʻzlari qabul qilgan normativ-huquqiy hujjatlarni ushbu qarorga muvofiqlashtirsin;
ushbu qaror bilan tasdiqlangan qoidalarga muvofiq namunaviy shartnomalarni ishlab chiqsin va tasdiqlasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2014-yil 15-iyul,
194-son
Vazirlar Mahkamasining 2014-yil 15-iyuldagi 194-son qaroriga
1-ILOVA
1-ILOVA
Koʻp kvartirali uylarda issiqlik taʼminoti xizmatlari koʻrsatish
QOIDALARI
I. Umumiy qoidalar
1. Ushbu Qoidalar issiqlik taʼminoti tashkilotlari — issiqlik energiyasini yetkazib beruvchilar bilan koʻp kvartirali uylardagi issiqlik energiyasi isteʼmolchilari, shuningdek issiqlik taʼminoti jarayoniga jalb qilingan manfaatdor tomonlar oʻrtasidagi oʻzaro munosabatlarni tartibga soladi, ularning huquqlari, majburiyatlari va javobgarliklarini, ular oʻrtasida shartnomalar tuzish va issiqlik sifatini nazorat qilish tartibini belgilaydi.
2. Ushbu Qoidalarda quyidagi asosiy tushunchalardan foydalaniladi:
avariya — issiqlik taʼminotining toʻxtatilishiga yoxud hajmining pasayishiga va issiqlik taʼminoti xizmatlari sifatiga taʼsir koʻrsatishga olib kelgan issiqlik taʼminoti tizimlarining buzilishi yoki ishdan chiqishi;
isitish va issiq suv taʼminotining uy ichidagi tizimi — issiqlik taʼminoti xizmatlari koʻrsatish uchun moʻljallangan va koʻp kvartirali uyning umumiy foydalaniladigan ichki va tashqi joylaridagi muhandislik kommunikatsiyalari va asbob-uskunalar (shu jumladan issiqlik punktlari), shu jumladan isitish va issiq suv taʼminotining kvartira ichidagi tik quvurlari, shuningdek isitish va (yoki) issiq suv taʼminoti xizmatlarini bajaruvchi tomonidan ishlarni bajarish va xizmatlar koʻrsatish uchun tik quvurlar (markazlashtirilgan isitish va yoki issiq suv taʼminoti mavjud boʻlmaganda);
kvartira ichidagi asbob-uskuna — koʻp kvartirali uyning turar joy yoki noturar joy xonasidagi va koʻp kvartirali uyning isitish va issiq suv taʼminoti uy ichidagi tizimlari tarkibiga kirmaydigan ulardan foydalanilgan holda issiqlik taʼminoti xizmatlaridan foydalaniladigan muhandislik kommunikatsiyalari, mexanik, sanitariya-texnik uskuna va boshqa asbob-uskuna (tarmoqlar, joʻmraklar va issiq suv uchun moʻljallangan aralashtirgichlar, radiatorlar va shu kabilar);
issiq suv taʼminoti — koʻp kvartirali uylarda Isteʼmolchilarni tarmoqni turar joy va noturar joy xonasiga ulash boʻyicha zarur hajmlarda beriladigan zarur sifatga ega boʻlgan issiq suv bilan kecha-kunduz taʼminlash;
issiqlik tarmogʻi va foydalanish javobgarligining balans mansublilik chegarasi (keyingi oʻrinlarda balans mansublilik chegarasi deb ataladi) — issiqlik tarmogʻining balans mansubliligi bilan belgilanadigan issiqlik tarmoqlaridan foydalanilganligi uchun javobgarlik (majburiyat) belgisi boʻyicha issiqlik tarmoqlarining ajralish liniyasi;
Oldingi tahrirga qarang.
turar joy xonasi — belgilangan sanitariya, yongʻinga qarshi, texnik talablarga javob beradigan, fuqarolarning doimiy yashashiga, shuningdek ixtisoslashtirilgan uylar (yotoqxonalar, manevrlashtirilgan turar joy fondi uylari, nogironligi boʻlgan shaxslar, faxriylar, yolgʻiz keksalar uchun internat-uylar, shuningdek bolalar uylari va maxsus moʻljallangan boshqa uylar) sifatida belgilangan tartibda foydalanish uchun moʻljallangan xona;
(2-bandning yettinchi xatboshisi Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
issiq suvni individual hisobga olish asboblari (keyingi oʻrinlarda individual hisobga olish asbobi deb ataladi) — issiq suvning (uning harorati 50-75o S doirasida boʻlishi kerak) real hajmini yoki uning koʻrsatkichlari boʻyicha Isteʼmolchi issiq suv taʼminoti xizmatlari uchun Yetkazib beruvchi bilan oʻzaro hisob-kitob qiladigan texnika xavfsizligi, foydalanish, taʼmirlashga yaroqlilik, oʻzaro almashtirish, qurilmalar indikatorlariga erkin yaqinlashish boʻyicha texnik shartlar talablarini qondiradigan suvning turli miqdor oqimlarini oʻlchash uchun zarur va yetarli gradatsiyalar boʻyicha ishlab chiqariladigan Oʻzbekiston Respublikasida qabul qilingan oʻlchov birliklarida ifodalangan shkalaga ega boʻlgan quvur kesimi orqali oʻtadigan issiq suvdagi issiqlik energiyasi hisobining sifat (miqdor) hisobini amalga oshiruvchi oʻlchov vositasi;
Ijro etuvchi — tashkiliy-huquqiy shaklidan qatʼi nazar, isitish va issiq suv taʼminoti tizimlaridan foydalangan holda Isteʼmolchilarga issiqlik taʼminoti xizmatlari koʻrsatiladigan uy ichidagi tizimlarga xizmat koʻrsatish va ularning texnik holati uchun javob beruvchi yuridik shaxs;
aloqa bogʻlash yoʻllari — koʻp kvartirali uylarda Yetkazib beruvchi tomonidan, shu jumladan telefon, elektron pochta boʻyicha, Internet-saytlar orqali (kommunal soha uchun ixtisoslashtirilgan saytlar, mahalliy davlat hokimiyati organlarining saytlari) tashkil etiladigan va saqlanadigan Yetkazib beruvchi va Ijro etuvchi (Isteʼmolchi) oʻrtasidagi aloqa bogʻlash yoʻllari, shuningdek aloqa bogʻlash va Ijro etuvchilarni (Isteʼmolchilarni) xabardor qilish uchun koʻp kvartirali uylardagi Isteʼmolchilar uchun qulay boʻlgan boshqa aloqa bogʻlash shakllari;
issiqlik energiyasini isteʼmol qilishning normativ hajmi — koʻp kvartirali uylarda individual hisobga olish asboblari mavjud boʻlmaganda issiqlik energiyasidan foydalanganlik uchun toʻlov miqdorini aniqlashda foydalaniladigan Isteʼmolchi tomonidan issiqlik energiyasi isteʼmoli hajmi (sarfi);
issiqlik energiyasini uy boʻyicha umumiy hisobga olish asbobi (keyingi oʻrinlarda uy boʻyicha umumiy hisobga olish asbobi deb ataladi) issiqlik beruvchi va teskari quvurlar orqali oʻtadigan, berilgan issiqlik energiyasini va issiqlik manbaini oʻlchash uchun moʻljallangan oʻlchov vositasi, Ijro etuvchi, koʻp kvartirali uydagi xonalarning mulkdorlari (bunday uy bevosita boshqarilgan taqdirda) isteʼmol qilingan issiqlik energiyasi uchun Yetkazib beruvchi bilan uning koʻrsatkichlari boʻyicha oʻzaro hisob-kitob qiladi;
isitish — ulangan tarmoq orqali isitiladigan turar joy xonasida havo haroratining meʼyorini saqlash;
isitiladigan maydon — turar joy xonalarining umumiy maydoni. Isitish asboblari (isitiladigan yuzalar bilan) yoki issiqlik taʼminotining uy ichki tizimlariga ulangan xonalarga birlashtirilgan holda qayta rejalashtirilgan (isitiladigan yuzalar bilan) peshayvonlar, balkonlar, ayvonlar va terrasalar maydoni isitiladigan maydon hajmiga kiradi;
rejali uzib qoʻyish — Ijro etuvchi va Isteʼmolchi bilan belgilangan tartibda oldindan kelishilgan va xabardor qilingan holda rejali-ogohlantiruvchi taʼmirlash jadvali boʻyicha issiqlik tarmoqlarini Yetkazib beruvchi tomonidan taʼmirlash va profilaktika ishlarini bajarish uchun isitishlar oraligʻi davrida Isteʼmolchiga issiqlik energiyasi yetkazib berishni toʻliq yoki qisman toʻxtatib qoʻyish.
Yetkazib beruvchi — issiqlik taʼminoti shartnomasi asosida issiqlik energiyasini taqsimlash va sotish huquqiga ega boʻlgan yuridik shaxs;
Isteʼmolchi — koʻp kvartirali uyda issiqlik taʼminoti shartnomasi boʻyicha yoki boshqa qonuniy asosda xonaga mulk egasi huquqidan foydalanuvchi, issiqlik taʼminoti shartnomasi boʻyicha issiqlik taʼminoti xizmatlaridan foydalanuvchi yuridik yoki jismoniy shaxs;
professional boshqaruvchi tashkilot (keyingi oʻrinlarda boshqaruvchi tashkilot deb ataladi) — tashkiliy-huquqiy shaklidan qatʼi nazar, koʻp kvartirali uyni boshqarish shartnomasi asosida koʻp kvartirali uyni boshqaruvchi yuridik shaxs;
loyihalash hujjatlari — issiqlik taʼminoti tizimlariga ulash loyihasining texnik shartlariga muvofiq litsenziyaga ega boʻlgan loyiha tashkiloti tomonidan ishlab chiqiladigan hujjatlar;
hisob-kitob davri — issiqlik energiyasi isteʼmoli hajmi (sarfi) aniqlanishi kerak boʻlgan vaqt davri. Hisob-kitob davri kalendar oyga teng etib belgilanadi;
issiqlik taʼminoti tizimi — texnologik jihatdan issiqlik tarmoqlariga ulangan issiqlik energiyasi manbalari va issiqlik isteʼmoli tizimlari majmui;
xonalarning mulkdorlari — koʻp kvartirali uyda qonun hujjatlariga muvofiq turar joy yoki noturar joyga mulkchilik huquqiga ega boʻlgan jismoniy yoki yuridik shaxs;
issiqlik taʼminoti — turar joy va noturar joy xonalar mulkdorlarining isitish va issiq suv taʼminoti tizimlarini issiq suv (issiqlik manbai) bilan taʼminlash;
issiqlik punkti (elevator bogʻlamasi) — quyidagilar uchun moʻljallangan bogʻlama:
issiqlikdan isteʼmol (isitish, issiq suv taʼminoti) turlariga qarab issiqlik manbaini taqsimlash;
issiqlik manbai parametrlarini, issiqlikni isteʼmol qilish rejimini hisobga olish va nazorat qilish;
tezkor qayta ulashlarni amalga oshirish.
texnik shartlar — markazlashtirilgan kommunal isitish tizimiga ulanish uchun issiqlik bilan taʼminlash tashkilotlari tomonidan beriladigan ruxsatnoma.
3. Ushbu Qoidalar Oʻzbekiston Respublikasining barcha hududida amal qiladi hamda mulkchilik shakllari va idoraviy mansubligidan qatʼi nazar, issiqlik taʼminotining barcha tashkilotlari Xususiy uy-joy mulkdorlari shirkatlari, boshqaruvchi tashkilotlar va issiqlik energiyasi isteʼmolchilari uchun majburiydir, ular Isteʼmolchilar tomonidan kommunal-maishiy ehtiyojlar uchun issiqlik energiyasidan foydalanish bilan bogʻliq munosabatlarga tatbiq etiladi.
Oldingi tahrirga qarang.
4. Koʻp kvartirali uylar bevosita mulkdorlar tomonidan boshqarilganda, Yetkazib beruvchi issiqlik energiyasi va issiq suv bilan taʼminlashga Isteʼmolchilar bilan ikki tomonlama issiqlik taʼminoti shartnomasini tuzadi hamda issiqlik tarmogʻining balans mansubliligi chegarasida issiqlik energiyasi berish rejimi va sifati uchun javob beradi.
Koʻp kvartirali uylarda kommunal xizmatlar Isteʼmolchisining nomidan shartnoma Ijro etuvchi (xususiy uy-joy mulkdorlari shirkati, boshqaruvchi tashkilot va boshqalar) tomonidan tuzilishi mumkin.
Bunda issiqlik taʼminoti korxonalari, isteʼmolchilar va xususiy uy-joy mulkdorlari shirkatlari yoki professional boshqaruv kompaniyalari oʻrtasida aholiga issiqlik energiyasi va issiq suvni yetkazib berish toʻgʻrisida uch tomonlama shartnoma tuziladi.
(4-band Oʻzbekiston Respublikasi Vazirlar Mahkamasining 2020-yil 20-maydagi 305-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
5. Isitish va issiq suv taʼminoti uy ichidagi tizimlarga, shu jumladan issiqlik punktiga (elevator bogʻlamasiga) texnik xizmat koʻrsatish Ijro etuvchi (xususiy uy-joy mulkdorlari shirkati, boshqaruvchi tashkilot va shu kabilar) bilan tuzilgan shartnoma boʻyicha, toʻlov asosida Yetkazib beruvchi yoki boshqa tashkilot tomonidan amalga oshiriladi.
6. Issiqlik taʼminoti shartnomasini tuzish uchun Isteʼmolchilar quyidagi hujjatlarni taqdim etishi kerak:
turar joy yoki noturar xonaning mulkdori shaxsini tasdiqlovchi hujjat;
koʻp kvartirali uyda xonaning mulkdori (foydalanish) huquqini tasdiqlovchi hujjat va ushbu huquq paydo boʻlgan sana;
ichki ishlar boʻlimi pasport boʻlinmasidan berilgan maʼlumotnoma (f-17) yoki uy daftaridan koʻchirma;
Oldingi tahrirga qarang.
tadbirkorlik subyekti boʻlmagan yuridik shaxs davlat roʻyxatidan oʻtkazilganligi haqidagi guvohnoma (noturar xonaning mulkdori uchun);
(6-bandning beshinchi xatboshisi Oʻzbekiston Respublikasi Vazirlar Mahkamasining 2021-yil 27-dekabrdagi 774-sonli qarori tahririda — Qonunchilik maʼlumotlari milliy bazasi, 27.12.2021-y., 09/21/774/1198-son)
issiqlik taʼminoti tizimlariga ulanish uchun loyiha hujjatlari (noturar xonaning mulkdori uchun);
7. Issiqlik taʼminoti shartnomasida quyidagilar nazarda tutiladi:
isteʼmol va issiqlik energiyasi sifati koʻrsatkichlarining belgilangan rejimlariga rioya qilish shartlari va tomonlarning majburiyatlari;
balans mansublilik chegaralari;
issiqlik energiyasi bilan taʼminlashni toʻxtatish yoki cheklash shartlari;
haq toʻlash tartibi, vaqti, tariflar va shartlar;
isteʼmolchiga issiqlik energiyasini yetkazib bermagan yoki toʻliq hajmda yetkazib berilmagan hollarda toʻlovlarni qayta hisob-kitob qilish;
hisobga olish asboblari boʻyicha maʼlumotlar (issiq suvni individual hisobga olish asbobining turi);
issiqlik energiyasini berish va isteʼmol qilishning asosiy shartlari;
tomonlarning huquq va majburiyatlari;
tomonlarning javobgarligi;
nizolarni hal etish tartibi;
tomonlarning rekvizitlari;
qonun hujjatlariga zid boʻlmagan boshqa shartlar.
8. Issiqlik taʼminoti shartnomasini tuzish, oʻzgartirish, bekor qilish yoki uning amal qilish muddatini uzaytirish bilan bogʻliq masalalarni hal etishda tomonlar qonun hujjatlariga va ushbu Qoidalarga amal qiladilar.
9. Ijro etuvchi tomonidan isitish va issiq suv taʼminotining uy ichidagi tizimni foydalanish uchun texnik jihatdan yaroqli holatda saqlash sharti bilan Yetkazib beruvchi Isteʼmolchiga sifatiga koʻra standartlashtirish boʻyicha normativ hujjatlar talablariga, sanitariya normalari va qoidalariga hamda issiqlik taʼminoti shartnomasi shartlariga muvofiq boʻlgan issiqlik taʼminoti boʻyicha xizmatlar koʻrsatishi shart.
10. Koʻp kvartirali uyda xonalar mulkdorlarining umumiy mulki tarkibiga kiruvchi uy ichidagi isitish va issiq suv taʼminoti tizimlarining tayyorligini taʼminlash Ijro etuvchiga yoki koʻp kvartirali uyda xonalarning mulkdorlariga (ushbu uy bevosita boshqarilgan taqdirda) yuklanadi.
11. Isitish va issiq suv taʼminoti tizimlarining texnik holati va ulardan foydalanishga, asbob-uskunalarga, asboblarga qoʻyiladigan talablar, ularga rioya etilishini nazorat qilish kommunal xizmat koʻrsatish sohasidagi qonun hujjatlari bilan belgilanadi.
12. Isteʼmol xossalari va issiqlik taʼminoti xizmatlari koʻrsatish rejimi belgilangan meʼyorlarga muvofiq boʻlishi kerak, yaʼni:
isitish boʻyicha — belgilangan tartibga koʻra xonalarni isitish boʻyicha chora-tadbirlarni (derazalar, balkonlar va kirish eshiklarining dahlizlarini zichlashtirish, isitish tagsinchlarini izolyatsiyalash) bajarish sharti bilan isitish mavsumi davrida 1995-yilgacha qurilgan koʻp qavatli turar joy xonalaridagi harorati kamida 20o S, agar koʻp qavatli uylardagi issiqlik tizimi rekonstruksiya qilinmagan boʻlsa — turar joy xonalaridagi harorat kamida 18o S boʻlishi lozim;
issiq suv taʼminoti boʻyicha — issiq suv taʼminotining markazlashtirilgan tizimlarini nazorat qilishning sanitariya qoidalariga muvofiq suv olish joylarida issiq suvning harorati 50 — 75o S boʻlishi kerak.
Bunda:
suvning epidemiya xavfsizligi;
suvning qulay organoleptik xossalari;
suvning inson organizmiga zararli taʼsirining oldini olish boʻyicha issiq suv taʼminotining markazlashtirilgan tizimlarini nazorat qilishning sanitariya qoidalari talablarining bajarilishi taʼminlanishi kerak.
13. Xonalarni isitish ehtiyojlari uchun issiqlik energiyasini berishda Yetkazib beruvchi isitish davrini Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan belgilangan muddatlarda boshlaydi va tamomlaydi.
Isitish davri tashqi havoning oʻrtacha sutkalik harorati 8oSdan past boʻlgan 5 kunlik davr tamom boʻlgan kundan keyingi kundan boshlanishi, 8oS yuqori boʻlganda esa tamomlanishi kerak.
14. Turar joy xonalarini isitish tizimi issiqlik taʼminoti sohasidagi normativ-texnik hujjatlar talablariga muvofiq boʻlishi hamda ulardan turar joy fondidan texnik foydalanish qoidalari va normalari talablariga muvofiq foydalanilishi kerak.
15. Quyidagilar:
koʻp kvartirali uylarning ayrim turar joy va noturar joy xonalarini isitishning ushbu tizimlarini issiqlik jihatidan va gidravlik qayta tartibga solmaslik uchun isitish va issiq suv taʼminotining uy ichidagi tizimidan uzish;
isitish asboblariga qoʻshimcha seksiyalarni birlashtirish yoki ular sonini kamaytirish, shuningdek qayta jihozlash boʻyicha talablarga rioya etmasdan isitish uchun radiatorlarning kamgaygini olib tashlash va isitish hamda sanitariya-texnik asboblar joyini oʻzgartirish taqiqlanadi.
16. Isteʼmolchi issiqlik energiyasi toʻliq uzib qoʻyilishi va issiqlik taʼminoti xizmatlari koʻrsatishdagi tanaffus toʻgʻrisida yozma shaklda ogohlantiriladi (koʻp kvartirali uyning barcha kirish joylaridagi eʼlonlar taxtasiga yoki koʻp kvartirali uy joylashgan yer uchastkasi doirasida eʼlon joylashtirish, shuningdek tanaffuslar vaqti koʻrsatilgan holda ommaviy axborot vositalari orqali).
17. Odamlarning xavfsizligini taʼminlaydigan ishlarni bajarish maqsadida issiqlik tarmoqlaridagi yoxud issiqlik energiyasi manbalaridagi yoki isitish va issiq suv taʼminotining uy ichidagi tizimlarida avariyali va favqulodda vaziyatlarning oldini olish, shuningdek ularni bartaraf etish boʻyicha Yetkazib beruvchi, boshqaruvchi tashkilot tomonidan kechiktirib boʻlmaydigan zarur chora-tadbirlar koʻrish zarur boʻlgan hollarda ushbu Qoidalarga ilovada keltirilgan Issiqlik taʼminoti xizmatlari sifatiga qoʻyiladigan talablarga muvofiq, kelishmasdan va Isteʼmolchini ogohlantirmasdan, biroq uni 2 sutkada darhol xabardor qilgan holda issiqlik taʼminotini toʻxtatish yoki cheklashga yoʻl qoʻyiladi.
18. Mahalliy davlat hokimiyati organlari va kommunal xizmatlar, shu jumladan issiqlik taʼminoti xizmatlari koʻrsatilishini nazorat qiluvchi Isteʼmolchilarning huquqlarini himoya qilish toʻgʻrisidagi qonun hujjatlariga rioya etilishini nazorat qiluvchi va tabiiy monopoliyalar subyektlari faoliyatini tartibga soluvchi vakolatli organlar ushbu Qoidalar doirasida isteʼmol xossalari parametrlarini, xizmatlar koʻrsatish rejimini aniqlashtirishga hamda aholi punktining iqlim sharoitlarini va boshqa mahalliy sharoitlarni hisobga olgan holda sifatning kafolatli darajasini belgilashga haqlidir.
19. Aholini markazlashtirilgan issiqlik taʼminoti bilan qamrab olish imkoniyati mavjud boʻlmaganda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Isteʼmolchilarni mahalliy issiqlik taʼminoti (modul, lokal, bugʻ qozonxonasi, isitish qurilmalari) bilan taʼminlash boʻyicha tezkor chora-tadbirlar koʻrishi shart.
Mahalliy bugʻ qozonxonasi qurish mahalliy budjet mablagʻlari hisobiga amalga oshiriladi, keyinchalik Isteʼmolchilarga issiqlik taʼminoti xizmatlari koʻrsatish uchun tezkor boshqarish va xizmat koʻrsatish huquqi bilan Yetkazib beruvchiga (yoki boshqaruvchi tashkilotda texnik va moliyaviy imkoniyatlar mavjud boʻlgan taqdirda boshqaruvchi tashkilotga) beriladi.
II. Koʻp kvartirali uylarni Yetkazib beruvchining issiqlik tarmoqlariga ulash tartibi
20. Isitish va issiq suv taʼminotining uy ichidagi tizimlarini rekonstruksiya qilish yoki kengaytirish oqibatida yangi koʻp kvartirali uylarni issiqlik taʼminotining mavjud tizimiga birlashtirish yoki mavjud koʻp kvartirali uylarning shartnomaviy miqdorlariga nisbatan issiqlik yuklamasini koʻpaytirish uchun koʻp kvartirali uylarni loyihalashtirish va qurish (rekonstruksiya qilish) boshlangungacha texnik imkoniyatlar mavjud boʻlgan taqdirda, birlashtiriladigan issiqlik tarmoqlarining balans mansubligidan qatʼi nazar, Yetkazib beruvchidan texnik shartlar olinishi zarur.
Texnik shartlar toʻlov undirilmasdan beriladi.
21. Texnik shartlar Yetkazib beruvchi tomonidan:
issiqlik taʼminotining yangi tizimlari birlashtirilganda — buyurtmachining (quruvchining) yoki uning topshirigʻi boʻyicha bosh loyihalashtiruvchining;
Ijro etuvchining, koʻp kvartirali uydagi xonalar mulkdorlarining (bunday uy bevosita boshqarilgan taqdirda) yoki koʻp kvartirali uyning issiqlik taʼminoti tizimlari rekonstruksiya qilinganda yoki kengaytirilganda — ularning topshirigʻiga koʻra bosh loyihalashtiruvchining arizasi boʻyicha beriladi.
Arizada loyihalashtirilayotgan obyektni, uni loyihalashtirish va qurish muddatini, joylashgan joyini (kartografiya materiali), issiqlik taʼminotining ishonchliligini taʼminlash boʻyicha loyiha yechimi va talablariga asoslangan issiqlik isteʼmoli turlari (isitish, issiq suv taʼminoti) boʻyicha issiqlik yuklamalarini tavsiflovchi maʼlumotlar qisqacha koʻrsatiladi.
22. Yetkazib beruvchi ushbu Qoidalarning 21-bandida koʻrsatilgan ariza olingandan keyin ikki hafta muddatda yangidan qurilayotgan koʻp kvartirali uylarning issiqlik taʼminotiga dastlabki texnik shartlarni beradi, ular uchun ularni turli maydonlarda joylashtirish variantlarining texnik-iqtisodiy qiyoslashlari yoki qurilishni (rekonstruksiya qilishni) asoslash boʻyicha texnik-iqtisodiy hisob-kitoblar bajariladi. Tashqi issiqlik taʼminoti sxemalari oʻzgartirilishini talab etuvchi koʻp kvartirali uylarning issiqlik taʼminoti boʻyicha moʻljallangan loyiha yechimlarini kelishish qurilish uchun maydonni tanlashda Yetkazib beruvchi tomonidan amalga oshiriladi.
23. Texnik shartlarda:
a) issiqlik taʼminoti manbai va ishonchliligi darajasi, asosiy va zaxira kiritishlardan keyin issiqlik tarmoqlariga yoki elektr stansiyalar va issiqlik markazlari kollektorlariga ulash nuqtasi, yetkazib beriladigan issiqlik energiyasi miqdorini tartibga solish usuli;
b) boshqa isteʼmolchilarning yuklamalari hisobga olingan holda asosiy va zaxira kiritishlarni birlashtirish nuqtalarida issiqlik manbai va gidravlik rejim parametrlari;
v) isitishga, ventilyatsiyaga, issiq suv taʼminotiga va texnologik ehtiyojlarga arizada koʻrsatilgan tegishli miqdorlarga boʻlgan holda umumiy maksimal soatli issiqlik yuklamasi;
g) hisobga olishga va hisobga olishning uydagi umumiy asbobini oʻrnatishga qoʻyiladigan talablar;
d) quvurlar hamda kanallar va kameralar (boʻshliqlar), tamba va tartibga soluvchi armatura oʻrnatishga, quvurlarni izolyatsiyalashga, korroziyaga qarshi himoyaga, issiqlik punktlarining asbob-uskunalariga qoʻyiladigan talablar;
e) isitish-ventilyatsiya va texnologik yuklamalarni birlashtirishning issiqlik sxemasi va issiq suv taʼminoti yuklamasi;
j) loyihalashtirish va ishlarni bajarish qancha davom etishining amaldagi normalari hisobga olingan holda belgilangan texnik shartlarning amal qilish muddati koʻrsatiladi.
24. Ulashni nazorat qilish va Isteʼmolchilarning issiqlik yuklamasini aniqlash maqsadida texnik shartlarning bir nusxasi roʻyxatdan oʻtkazish uchun Yetkazib beruvchida qoladi.
25. Yetkazib beruvchi tomonidan berilgan texnik shartlar ariza beruvchilarning, shuningdek issiqlik taʼminotining loyiha hujjatlarini ishlab chiqish ushbu vazifa yuklangan loyiha tashkilotlarining bajarishi uchun majburiy hisoblanadi.
Texnik shartlar 2 yil muddatga beriladi. Belgilangan muddat tamom boʻlgandan keyin, amal qilish muddati tugagan va boshqa muddatga uzaytirilmagan texnik shartlar haqiqiy emas deb hisoblanadi. Texnik shartlar belgilangan tartibda har gal 2 yilga uzaytirilishi mumkin.
Yetkazib beruvchining issiqlik tarmoqlariga yangi yoki qoʻshimcha issiqlik yuklamalarini birlashtirishga yangi texnik shartlarni buyurtmachi (quruvchi) yoki boshqaruvchi tashkilot, Isteʼmolchi yoki uning topshirigʻiga koʻra loyiha tashkiloti ushbu Qoidalarda nazarda tutilgan tartibda oladilar.
26. Davlat yoki xususiy uy-joy fondining maqsadlari va vazifalari oʻzgarganda berilgan texnik shartlar bekor qilinadi, shundan keyin ushbu turar joy fondini boshqarish huquqi berilgan uy-joy mulkdorlari yoki ularning topshirigʻiga koʻra loyiha tashkiloti ushbu Qoidalarning 21 va 22-bandlarida koʻrsatilgan tartibda va muddatlarda yangi texnik shartlarni olishlari kerak.
27. Texnik shartlarga muvofiq litsenziyalangan loyiha tashkiloti tomonidan ishlab chiqilgan koʻp kvartirali uyning issiqlik taʼminoti loyihasi qurilish ishlari boshlangunga qadar Yetkazib beruvchi bilan kelishilishi kerak.
Issiqlik taʼminoti loyihasini koʻrib chiqishda texnik shartlar va normativ hujjatlar talablaridan chekinish aniqlangan taqdirda ariza beruvchiga kelishish rad etilganligi asoslangan holda xat yuboriladi.
Buyurtmachi (quruvchi), boshqaruvchi tashkilot, koʻp kvartirali uydagi xonalarning mulkdorlari yoki ularning topshirigʻiga koʻra loyiha tashkiloti rad etishga sabab boʻlgan aniqlangan kamchiliklar bartaraf etilgandan keyin loyihani kelishish uchun takroran taqdim etishga haqlidir.
28. Isteʼmolchilarning qoʻshimcha yuklamalari bilan bogʻliq boʻlgan issiqlik taʼminoti tizimining ishlab turgan inshootlarini kengaytirish va rekonstruksiya qilish Yetkazib beruvchining mablagʻlari hisobiga amalga oshiriladi.
III. Koʻp kvartirali uyning issiqlik taʼminoti tizimidan foydalanishga qoʻyish
29. Koʻp kvartirali uyning yangidan birlashtiriladigan, rekonstruksiya qilinadigan issiqlik taʼminoti tizimi belgilangan tartibda kelishilgan loyiha hujjatlariga, qurilish sohasidagi texnik shartlarga, normativ hujjatlarga muvofiq bajarilishi hamda turar joy fondidan texnik foydalanish qoidalari va normalari hamda texnika xavfsizligi normalariga javob berishi kerak.
30. Buyurtmachi (quruvchi, boshqaruvchi tashkilot, koʻp kvartirali uydagi xonalarning mulkdorlari) pudrat tashkilotidan issiqlik taʼminoti tizimini ushbu Qoidalarga muvofiq dalolatnoma boʻyicha qabul qiladilar.
Shundan keyin buyurtmachi (quruvchi, xususiy uy-joy mulkdorlari shirkati, boshqaruvchi tashkilot, koʻp kvartirali uylardagi xonalarning mulkdorlari) “Oʻzdavenergonazorat” inspeksiyasining vakolatli vakiliga talablarga javob beradigan loyiha, texnik va foydalanish hujjatlarini belgilangan tartibda, shuningdek ulardan vaqtinchalik yoki doimiy foydalanishga qoʻyish imkoniyatini koʻrib chiqish maqsadida koʻzdan kechirish uchun oʻz issiqlik taʼminoti tizimlarini taqdim etishga majburdirlar.
31. Isteʼmolchilarning issiqlik taʼminoti tizimlarida montaj qilishda kamchiliklar, berilgan texnik shartlardan yoki Yetkazib beruvchi va “Oʻzdavenergonazorat” inspeksiyasi bilan kelishilgan loyiha hujjatlaridan chekinish aniqlanganda, shuningdek ularga xizmat koʻrsatish uchun maxsus tayyorlangan xodimlar boʻlmagan, ushbu Qoidalar va texnik tartibga solish sohasidagi boshqa normativ hujjatlar talablariga rioya qilinmagan, ular texnika xavfsizligi va yongʻinni oʻchirish boʻyicha himoya vositalari bilan toʻliq taʼminlanmagan hollarda ularni foydalanishga qoʻyish sanab oʻtilgan kamchiliklar bartaraf etilgunga qadar taqiqlanadi.
Faqat “Oʻzdavenergonazorat” inspeksiyasi tomonidan berilgan isteʼmolchilarning issiqlikdan foydalanish qurilmalarini va issiqlik tarmoqlarini foydalanishga qoʻyish uchun berilgan ruxsatnoma mavjud boʻlgan taqdirda koʻp kvartirali uyning issiqlik taʼminoti tizimidan foydalanishga ruxsat etilishi mumkin.
Koʻp kvartirali uyning maxsus tayyorlangan xodimlarga ega boʻlmagan issiqlik taʼminoti tizimidan faqat issiqlik taʼminotining ushbu tizimlari shartnoma asosida xizmat koʻrsatish uchun boshqaruvchi tashkilotga berilgan taqdirda foydalanishga ruxsat etilishi mumkin.
32. Yetkazib beruvchi xususiy uy-joy mulkdorlari shirkatiga “Oʻzdavenergonazorat” inspeksiyasi tomonidan berilgan isteʼmolchilarning issiqlikdan foydalanish qurilmalaridan va issiqlik tarmoqlaridan foydalanishga ruxsat beruvchi ruxsatnoma mavjud boʻlganda va Isteʼmolchilar bilan belgilangan tartibda issiqlik taʼminoti shartnomasi tuzilgandan keyin Isteʼmolchiga issiqlik energiyasini beradi.
33. Issiqlikdan foydalanish qurilmalari va issiqlik tarmoqlari texnik koʻrikdan oʻtkazilishi va foydalanishga ruxsat berilishi uchun “Oʻzdavenergonazorat” inspeksiyasi javob beradi. Foydalanish jarayonida Isteʼmolchilarning issiqlik taʼminoti tizimlarini texnik koʻrikdan oʻtkazishning davriyligi qonun hujjatlarida belgilangan tartibda “Oʻzdavenergonazorat” inspeksiyasi tomonidan, biroq bir oyda kamida bir marta belgilanadi.
34. Issiqlik taʼminotining ishlab turgan tizimlariga oʻzboshimchalik bilan ulanish, shuningdek ushbu tizimlardan oʻzboshimchalik bilan foydalanish taqiqlanadi, bunday tizimlar, ishlarni bajarishga xarajatlar summasini toʻlash uchun Isteʼmolchiga talab qoʻyilgan holda, Yetkazib beruvchi yoki Ijro etuvchining xodimlari tomonidan darhol uzib qoʻyilishi kerak.
Issiqlik taʼminoti tizimlariga oʻzboshimchalik bilan ulanish (yuridik va jismoniy shaxslar) aniqlanganda yoki shikastlanish yoxud issiqlik tizimidan suv oqib ketishi natijasida issiq suv isrof qilinganda Yetkazib beruvchining vakili tomonidan ikki nusxada dalolatnoma rasmiylashtiriladi, ulardan biri ulanishning egasiga yoki Isteʼmolchiga topshiriladi. Isteʼmolchi imzolashni rad etganda dalolatnoma Ijro etuvchining yoki fuqarolarning oʻzini oʻzi boshqarish organi vakili bilan birgalikda Yetkazib beruvchining vakili tomonidan imzolanadi. Ushbu holatda dalolatnoma haqiqiy hisoblanadi va u Isteʼmolchining javobgarligi choralarini aniqlash va quyidagi tartibda hisoblab chiqilgan foydalanilgan issiq suv hajmi uchun toʻlashga koʻchirma berilgan holda Yetkazib beruvchiga yetkazilgan zararni qoplash uchun asos hisoblanadi:
oʻzboshimchalik bilan ulanganda isrof qilingan yoki suv oqishi yoxud shikastlanish sababli yoʻqotiladigan suvning miqdori (m3) quyidagi formula boʻyicha aniqlanadi:
G =7,76 x 10-3 x d2 x √N x n, bunda:
7,76 — suv sarfini oʻlchash doimiy koeffitsiyenti;
d — oʻzboshimchalik bilan ulangan quvurning diametri yoki undan suv oqib chiqadigan teshikning ekvivalent diametri, mm;
N — oʻzboshimchalik bilan ulangan yoki quvurdagi teshikdan oqib tushadigan issiq suv bosimi, suv stolbasi metri;
n — quvurdan suv oqqan muddat, soat.
Oʻzboshimchalik bilan ulanishda, oqish yoki shikastlanishda yoʻqolgan issiqlik energiyasi miqdori (Gkal) quyidagi formula boʻyicha aniqlanadi:
Q = G X (tissiq s.-tsovuq s.) x 10-3, bunda:
G — oʻzboshimchalik bilan ulanishda, oqish yoki shikastlanishda yoʻqotiladigan suv miqdori, m3;
tissiq s. — oʻzboshimchalik bilan ulangan quvurdagi yoki shikastlanishda oqadigan issiq suv harorati, 0S;
tsovuq s. — issiqlik manbaidagi sovuq suv harorati, 0S.
Turar joy binosi noturar joy binoga aylantirilganda Isteʼmolchi yetti kun muddatda issiqlik taʼminoti xizmatlaridan foydalanish uchun shartnoma tuzishi, hisobga olish asbobini oʻrnatishi va roʻyxatdan oʻtkazishi kerak. Issiq suv taʼminotiga zaruriyat boʻlmaganda Isteʼmolchi Yetkazib beruvchini yozma shaklda xabardor qilishi va uzib qoʻyishni tasdiqlash uchun uning vakilini taklif etishi shart. Issiq suv taʼminoti tiklanganda ham Isteʼmolchi bu haqda Yetkazib beruvchini yozma shaklda xabardor qilishi shart.
35. Issiqlik tarmoqlariga oʻzboshimchalik bilan ulanish qonun hujjatlariga muvofiq javobgarlikka olib keladi.
IV. Uydagi umumiy va individual hisobga olish asboblarini oʻrnatish va ulardan foydalanish tartibi
36. Koʻp kvartirali uylardagi issiqlik taʼminoti tizimi issiqlik energiyasining umumiy va individual (bir xonadagi) hajmini (sarfini) aniqlaydigan va issiq suvning real hajmini miqdoriy hisobga oladigan, shuningdek uning sifat koʻrsatkichlarini belgilaydigan umumiy va individual hisobga olish asboblari bilan taʼminlanadi.
37. Koʻp kvartirali uylardagi issiqlik energiyasini uy boʻyicha umumiy hisobga olish asbobidan uni balansida saqlovchining (kimning balansida ekanligiga qarab Yetkazib beruvchi yoki Ijro etuvchining) mablagʻlari hisobiga foydalaniladi va qiyoslovdan oʻtkazish amalga oshiriladi.
38. Oʻrnatilgandan keyin uy boʻyicha umumiy hisobga olish asbobi Ijro etuvchi va Yetkazib beruvchining vakillaridan iborat boʻlgan tarkibdagi komissiya tomonidan ishga tushiriladi hamda Yetkazib beruvchi tomonidan tamgʻalanadi.
39. Ijro etuvchilar Ijro etuvchi va Yetkazib beruvchi oʻrtasida tuzilgan shartnoma asosida issiqlik energiyasini hisobga olishning umumiy asbobi koʻrsatkichlari boʻyicha berilgan issiqlik energiyasi uchun Yetkazib beruvchi bilan hisob-kitob qiladilar.
40. Ijro etuvchi issiqlik energiyasini uy boʻyicha umumiy hisobga olish asbobi saqlanishini taʼminlashi kerak.
41. Uy boʻyicha umumiy hisobga olish asboblari:
Oʻzbekiston Respublikasining oʻlchov vositalari davlat reyestriga kiritilishi;
belgilangan tartibda qiyoslashdan oʻtkazilishi;
individual pasportiga, qiyoslovdan oʻtkazilganligi toʻgʻrisidagi sertifikatlarga va tekshirish tamgʻalariga ega boʻlishi;
litsenziyalangan loyiha tashkiloti tomonidan ishlab chiqilgan loyihaga muvofiq oʻrnatilishi;
Yetkazib beruvchi tomonidan tamgʻalangan boʻlishi;
Qiyoslashdan oʻtkazish muddatida qiyoslovdan oʻtkazilgan boʻlishi kerak.
42. Uy boʻyicha umumiy hisobga olish asboblarini qiyoslashdan oʻtkazish oraligʻi:
bosimning oʻzgaruvchan darajasi elektron sarflarni oʻlchagichlar (difmanometrlar) uchun — 1 yilda 1-martani;
ultratovush, elektromagnit, oqimli va shu kabi sarfni oʻlchagichlar uchun — 2 yilda 1-martani tashkil etadi.
individual hisobga olish asboblari uchun qiyoslashdan oʻtkazish oraligʻi:
Oldingi tahrirga qarang.
yuridik shaxslardagi issiq suvni hisobga olish asbobi uchun — 4 yilda 1-martani;
(42-bandning beshinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 305-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
Oldingi tahrirga qarang.
jismoniy shaxslardagi issiq suvni hisobga olish asbobi uchun — 8 yilda 1-martani tashkil etadi.
(42-bandning oltinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 305-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
43. Hisobga olish asboblari oʻz vaqtida qiyoslashdan oʻtkazilmaganda Yetkazib beruvchi tomonidan issiq suvni hisoblash, qiyoslovni oʻtkazish vaqtigacha hisobga olish asbobining koʻrsatkichlari boʻyicha:
turar joy binolarida — soz holatdagi hisobga olish asbobining oxirgi qayd etilgan koʻrsatkichlari vaqtidan boshlab qiyoslov oʻtkazilgungacha roʻyxatdan oʻtkazilgan (yashovchi) odamlarning soni boʻyicha;
noturar joy xonalar boʻyicha — hisobga olish asbobi qiyoslov oʻtkazilgunga qadar hisoblab chiqilgan yuklama boʻyicha amalga oshiriladi.
44. Uy boʻyicha umumiy hisobga olish asboblari shkalasining oʻlchov birligi Xalqaro birliklar tizimi (SI) boʻyicha Oʻzbekiston Respublikasida qabul qilingan quyidagi fizik miqdorlarda ifodalanadi:
issiqlik energiyasi sarfi — Gkal.da;
issiq suv hajmi — kub metrlarda;
issiqlik manbai harorati — Selsiy boʻyicha darajalarda (0S);
atmosferadagi bosim — kgs/sm2 (atm)da ifodalanadi.
45. Ijro etuvchi, koʻp kvartirali uylardagi xonalarning mulkdorlari (bunday uy bevosita boshqarilganda) uy boʻyicha umumiy hisobga olish asboblari shikastlanganligi holati aniqlanganda yoki ularning koʻrsatkichlari toʻgʻriligiga shubha paydo boʻlganda Yetkazib beruvchini darhol xabardor qiladi. Yetkazib beruvchi, oʻz navbatida, bunday buzilish holati aniqlanganda, belgilangan tartibda, Ijro etuvchini, koʻp kvartirali uydagi xonalarning mulkdorlarini darhol xabardor qiladi. Ushbu holat boʻyicha qoʻshma dalolatnoma tuziladi, keyinchalik uy boʻyicha umumiy hisobga olish asboblari ishlashidagi buzilishlarni bartaraf etish toʻgʻrisida qaror qabul qilinadi.
46. Taʼmirlash oʻtkazilishi yoki uy boʻyicha umumiy hisobga olish asbobini qiyoslashdan oʻtkazish davrida 30 sutkagacha issiqlik energiyasi hisob-kitobi asboblari ishlamay qolishidan oldingi issiqlik taʼminotining oxirgi 30 sutkasi uchun uning oʻrtacha sutkalik sarfi boʻyicha (isitish davridagi yoki isitish davridan boshqa davrda issiqlik bilan taʼminlash rejimlari hisobga olingan holda), 30 sutkadan ortigʻi uchun — shartnoma yuklamasi miqdoridan va issiqlik energiyasi yetkazib berish soatlari sonidan kelib chiqib amalga oshiriladi.
Xususiy uy-joy mulkdorlari shirkati koʻp kvartirali uydagi xonalar mulkdorlarining umumiy yigʻilishi yoki koʻp kvartirali uydagi xonalar mulkdorlari (bunday uy bevosita boshqarilgan taqdirda) qarori asosida taʼmirlash yoki uy boʻyicha umumiy hisobga olish asbobini qiyoslashdan oʻtkazgunga qadar issiqlik energiyasi isteʼmolini toʻxtatishga haqlidir, bunda Yetkazib beruvchi tik quvur armaturasini tamgʻalaydi, bu haqda qoʻshma dalolatnoma tuziladi.
47. Koʻp qavatli uy boʻyicha umumiy hisobga olish asbobining shikastlanganligi toʻgʻrisida oʻz vaqtida ogohlantirilmagan hollarda ushbu Qoidalarning 45-bandida qayd etilgan tartibga muvofiq issiqlik energiyasi uchun hisob-kitob:
Ijro etuvchilar (Isteʼmolchilar) tomonidan Yetkazib beruvchi oʻz vaqtida ogohlantirilmaganda — shartnomaviy yuklama miqdoridan va issiqlik energiyasi yetkazib berish soatlari sonidan kelib chiqib;
Yetkazib beruvchi Ijro etuvchini (Isteʼmolchilarni) oʻz vaqtida ogohlantirmaganda — issiqlik taʼminotining oldingi 30 sutkada aniqlangan oʻrtacha sutkalik sarf boʻyicha (issiqlik taʼminoti rejimlari hisobga olingan holda isitish davrida yoki isitish mavsumidan boshqa davrda) amalga oshiriladi.
48. Issiqlik energiyasi berishning hisobini yuritish Yetkazib beruvchi bilan Ijro etuvchi yoki koʻp qavatli uy mulkdorlari (bunday uy bevosita boshqarilgan taqdirda) oʻrtasidagi balans mansublilik chegarasida amalga oshiriladi va koʻp qavatli uy boʻyicha umumiy hisobga olish asbobining koʻrsatkichlarini koʻrish Yetkazib beruvchi va Ijro etuvchining vakillari bilan birgalikda amalga oshiriladi.
49. Isteʼmolchilarning hisobga olish asboblarini sotib olish, oʻrnatish, davlat qiyoslovidan oʻtkazish, foydalanish (taʼmirlash, almashtirish) Yetkazib beruvchi tomonidan Isteʼmolchilarning (subisteʼmolchilarning) mablagʻlari hisobiga bajariladi. Bunda Yetkazib beruvchi koʻrsatib oʻtilgan xizmatlarni isteʼmolchilarga bajarish uchun narxni tartibga solish organlari bilan kelishilgan alohida tariflarni belgilashi lozim.
Isteʼmolchining (subisteʼmolchining) xohishiga koʻra va uning hisobiga individual hisobga olish asboblarini oʻrnatish, davlat qiyoslovidan oʻtkazish, taʼmirlash va almashtirish “Oʻzstandart” agentligi organlarida akkreditatsiyadan oʻtgan boshqa tashkilotlar tomonidan ham bajarilishi mumkin.
50. Yetkazib beruvchi Isteʼmolchiga “Oʻzstandart” agentligi tomonidan taqdim etiladigan roʻyxat boʻyicha Oʻzbekiston Respublikasida qoʻllashga yoʻl qoʻyilgan individual hisobga olish asboblari turlari toʻgʻrisidagi axborotni taqdim etishi shart.
51. Individual hisobga olish asboblarini oʻrnatish uchun Isteʼmolchi Yetkazib beruvchiga buyurtmanoma beradi. Buyurtmanoma tushgandan keyin Yetkazib beruvchi uch kun muddatda Isteʼmolchi bilan individual hisobga olish asboblarini sotib olish va oʻrnatishga shartnoma tuzadi. Shartnomada Isteʼmolchi tomonidan shartnoma summasining 100 foizini oldindan toʻlash toʻgʻrisidagi shart nazarda tutiladi. Bunda fuqarolarning oʻzini oʻzi boshqarish organlarida, nafaqa oluvchi kam taʼminlangan oilalarni issiq suvni hisobga olish asboblari bilan jihozlash Yetkazib beruvchi hisobidan uy-joy mulkdoridan individual hisobga olish asbob qiymatini keyingi 12 oy mobaynida toʻlash shartnomasi asosida, belgilangan tartibda amalga oshiriladi.
52. Yetkazib beruvchi yoki “Oʻzstandart” agentligida akkreditatsiyadan oʻtgan boshqa tashkilot Isteʼmolchi tomonidan issiq suvni individual hisobga olish asbobi oʻrnatilgan joyga borish imkoni berilishi sharti bilan, toʻlov amalga oshirilgandan keyin 30 kalendar kun mobaynida Isteʼmolchiga individual hisobga olish asbobini oʻrnatishi shart.
Yetkazib beruvchi tomonidan individual hisobga olish asbobini oʻrnatish muddatiga rioya qilinmagan taqdirda Isteʼmolchi qonun hujjatlarida belgilangan oshiruvchi koeffitsiyentni toʻlashdan ozod etiladi.
53. Individual hisobga olish asbobini oʻrnatish, taʼmirlash, davlat tekshiruvidan oʻtkazish yoki almashtirish uchun yechib olish boʻyicha xizmatlar yangidan oʻrnatiladigan individual hisobga olish asbobining raqami yoki oʻrnatish va yechib olish paytidagi hisobga olish koʻrsatkichlari bilan birgalikda hisobga olishning yechib olinadigan individual hisobga olish asbobi raqami koʻrsatiladigan ikki tomonlama dalolatnoma tuzilgan holda, Isteʼmolchi yoki uning vakili ishtirokida bajarilishi kerak.
54. Individual hisobga olish asbobini oʻrnatish yoki uni yechib olish toʻgʻrisidagi dalolatnomalarni tuzish, shuningdek Yetkazib beruvchi tomonidan ularni tamgʻalash bepul amalga oshiriladi.
55. Individual hisobga olish asbobini va ulardagi tamgʻalarning saqlanishi va butligi uchun javobgarlik Isteʼmolchiga, hisobga olish umumiy asboblarining saqlanishi va tamgʻalarining butligi uchun javobgarlik — balansda saqlovchiga yuklanadi.
56. Individual hisobga olish asboblarining shikastlanganligi, ulardagi tamgʻalarning uzilishi yoki uning butunligi buzilgan taqdirda, shuningdek tekshirish muddati tamom boʻlganda Isteʼmolchi bu haqda darhol Yetkazib beruvchini xabardor qilishi shart.
Ushbu holat boʻyicha taraflar tomonidan tegishli qoʻshma dalolatnoma tuziladi, keyinchalik individual hisobga olish asboblari ishlashidagi buzilishlarni bartaraf etish, shuningdek rejali tekshirishni oʻtkazish toʻgʻrisida qaror qabul qilinadi.
57. 56-bandda qayd etilgan tartibga muvofiq bir sutka mobaynida individual hisobga olish asbobining shikastlanganligi toʻgʻrisida ogohlantirilmagan hollarda issiqlik energiyasi uchun hisob-kitob issiq suvni hisobga olishning soz holatdagi asbobi koʻrsatkichlari oxirgi marta qayd etilgan paytdan boshlab tekshirish oʻtkazilgunga qadar roʻyxatdan oʻtkazilgan (yashovchi) odamlarning soni boʻyicha amalga oshiriladi.
Oldingi tahrirga qarang.
58. Yetkazib beruvchi Isteʼmolchilarning isitish va issiq suv taʼminoti tizimini yil choragida bir marta tekshirishi, Isteʼmolchilar tomonidan individual hisobga olish asbobi yozib olingan koʻrsatkichlarining toʻgʻriligini oʻz maʼlumotlari bilan tekshirishi va ular tomonidan issiq suvning isteʼmol qilingan hajmi toʻgʻrisida maʼlumotlar taqdim etilishi, shuningdek zarur hollarda yoki Isteʼmolchining talabiga koʻra uy ichidagi issiqlik taʼminoti tizimi yoki uy ichidagi asbob-uskunalarni tekshirishi shart.
(58-band Oʻzbekiston Respublikasi Vazirlar Mahkamasining 2017-yil 27-fevraldagi 106-sonli qarori tahririda — OʻR QHT, 2017-y., 9-son, 131-modda)
59. Isteʼmolchilar (oldindan kelishuv boʻyicha yozma yoki ogʻzaki shaklda) Yetkazib beruvchining vakillari, ularda xizmat guvohnomalari boʻlgan taqdirda, hisobga olishning umumiy yoki individual hisobga olish asbobi, isitish va issiq suv taʼminotining uy ichidagi tizimlariga, kvartira ichidagi asbob-uskunaga ularni koʻzdan kechirish uchun boshqaruvchi tashkilot vakilining majburiy ishtirokida toʻsiqsiz koʻzdan kechirishlarini taʼminlashi shart.
60. Individual hisobga olish asbobini tekshirish, hisobga olish asbobini yechib olish, tekshirish joyigacha olib borish va u yerdan keltirish, hisobga olishning tekshirilgan asbobini oʻrnatish ishlarini, shuningdek tekshirish boʻyicha metrologiya xizmatlariga haq toʻlashni oʻz ichiga oladi.
61. Individual hisobga olish asbobidan foydalanishning belgilangan cheklangan muddati tamom boʻlgunga qadar Yetkazib beruvchi oldindan (kamida 10 kalendar kundan oldin) Isteʼmolchiga shartnomada qayd etilgan individual hisobga olish asbobidan foydalanishning cheklangan muddati tamom boʻlganligi toʻgʻrisida belgilangan tartibda bildirishnoma yuboradi.
Isteʼmolchi bildirishnoma olingan kundan boshlab uch kun muddatda buyurtmanomani, hisobga olishning individual hisobga olish asbobini tekshirish uchun Yetkazib beruvchining vakillari tomonidan chiqarib olingan kun va vaqtni yozma yoki ogʻzaki shaklda (telefon orqali) kelishadi, keyinchalik yechib olish sanasi, individual hisobga olish asbobi koʻrsatkichlari va tekshirishni oʻtkazish va hisobga olishning tekshirilgan individual hisobga olish asbobini oʻrnatish muddatlari koʻrsatiladigan ikki tomonlama dalolatnoma tuziladi.
Isteʼmolchi uzrli sabab bilan (xizmat safari, davolanish, dam olish) hozir boʻlmagan taqdirda, tasdiqlovchi hujjatlar taqdim etilganda individual hisobga olish asbobini tekshirish uchun yechib olish toʻgʻrisidagi koʻrsatma olingan kundan boshlab hozir boʻlmagan davrga uzaytiriladi.
Oldingi tahrirga qarang.
62. Yetkazib beruvchining individual hisobga olish asbobini qiyoslovdan oʻtkazish va taʼmirlash, uni yechib olingan kundan boshlab, qayta oʻrnatish va tamgʻalash 15 ish kunidan ortiqni tashkil etmasligi lozim.
(62-band Oʻzbekiston Respublikasi Vazirlar Mahkamasining 2020-yil 20-maydagi 305-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
63. Individual hisobga olish asboblarini tekshirish yoki taʼmirlash davrida, issiq suv taʼminoti uchun isteʼmolchilar bilan hisob-kitob oldingi uch oylik individual hisobga olish asboblarining oʻrtacha sutkalik koʻrsatkichlari yozib olingan paytdan boshlab 30 kalendar kun mobaynida amalga oshiriladi.
V. Issiqlik taʼminoti tizimlaridan foydalanish
64. Koʻp kvartirali uyning pastki qismi Yetkazib beruvchi va Ijro etuvchi (bunday uy bevosita boshqariladigan taqdirda Isteʼmolchi) oʻrtasidagi balans mansublilik chegarasi hisoblanadi. Issiqlik punkti binoning tashqarisida joylashgan taqdirda issiqlik tarmoqlari tomonidan elevator bogʻlamasining kirish qopqoqlari gardishlari ajratish chegarasi hisoblanadi.
65. Uy ichidagi isitish va issiq suv taʼminoti tizimlarining zarur texnik holati va ulardan foydalanish Ijro etuvchi (Isteʼmolchi — bunday uy bevosita boshqarilganda) tomonidan taʼminlanadi.
66. Xonadon ichidagi asbob-uskunaning zarur texnik holati va ulardan xavfsiz foydalanish Isteʼmolchi tomonidan taʼminlanadi. Bunda uy-joy mulkdoriga tegishli boʻlgan xonadondagi suv olinadigan tik quvurdan isitish va issiq suv taʼminoti tizimlarining tarmoqlanishi, xonadon mulkdorining foydalanish boʻyicha javobgarlik joyi hisoblanadi.
67. Yetkazib beruvchiga tegishli boʻlgan issiqlik tarmoqlarida Isteʼmolchiga tegishli boʻlgan qurilmalar va asbob-uskunalar boʻlmasligi kerak.
68. Isitish davri tamom boʻlgandan keyin Ijro etuvchi (bunday uy bevosita boshqarilgan taqdirda — Isteʼmolchilar) Yetkazib beruvchining vakili hozirligida isitishning uy ichidagi tizimini gidravlik presslashi va keyinchalik uni tarmoqdagi suv bilan toʻldirgan holda yuvishi kerak, bu haqda tegishli dalolatnomalar tuziladi. Tizimlarni yuvish uchun vodoprovod suvidan yoki texnik suvdan foydalaniladi.
Yuvishning qancha muddat davom etishi, yuviladigan tik quvurning diametri, tarmoqdagi bosim toʻgʻrisidagi maʼlumotlar Ijro etuvchining (bunday uy bevosita boshqariladigan taqdirda — Isteʼmolchilarning) va yuvishni amalga oshiruvchi tashkilotning vakillari tomonidan tuziladigan dalolatnomaga yoziladi.
Uyning ichidagi isitish tizimini yuvish toʻgʻrisidagi dalolatnoma Yetkazib beruvchi va Ijro etuvchining (Isteʼmolchilarning) vakillari tomonidan imzolanadi.
69. Yuvish boʻyicha xarajatlar Ijro etuvchining (Isteʼmolchilarning) hisobiga amalga oshiriladi va umumiy mulkni saqlash hamda taʼmirlashga majburiy badallarni shakllantirishda nazarda tutiladi.
70. Yetkazib beruvchining issiqlik tarmoqlarini rejali-oldini oluvchi taʼmirlashlarni bajarishda issiqlik taʼminotini bir yilda 15 kundan ortiq boʻlmagan muddatga, belgilangan tartibda uzib qoʻyishga yoʻl qoʻyiladi.
VI. Yetkazib beruvchining huquqlari, majburiyatlari va javobgarligi
71. Yetkazib beruvchi kamida 2 sutka oldin Isteʼmolchini yozma ravishda ogohlantirgan holda, qonun hujjatlarida belgilangan tartibga muvofiq, quyidagi hollarda issiqlik energiyasi berishni toʻliq yoki qisman toʻxtatish chora-tadbirlarini koʻrish huquqiga ega:
toʻlovni issiqlik taʼminoti shartnomasida nazarda tutilgan muddatlarda issiqlik energiyasi uchun toʻlov hujjati boʻyicha amalga oshirmaslik;
Isteʼmolchilarning issiqlik taʼminoti tizimlariga oʻzboshimchalik bilan ulanib olish;
Yetkazib beruvchining vakillarini hisobga olish asbobini koʻzdan kechirish va ularning koʻrsatkichlarini yozib olish uchun hisobga olishning umumiy va individual hisobga olish asboblariga sababsiz qoʻymaslik.
72. Rejali-oldini oluvchi taʼmirlashlar bajarilganda yoki yangi Isteʼmolchilar ulanganda Yetkazib beruvchi koʻp kvartirali uydagi mavjud xonalarning issiqlik taʼminotini uzib qoʻyish huquqiga ega.
Isteʼmolchilarni ogohlantirish issiqlik energiyasini berishdagi tanaffusni kelishish uchun 7 kun oldin amalga oshiriladi. Agar ogohlantirish olingandan keyin 5 kun muddatda Ijro etuvchi (Isteʼmolchilar) issiqlik energiyasini yetkazib berishdagi tanaffus vaqtini kelishib olmasalar, Yetkazib beruvchi ushbu vaqtni mustaqil belgilash huquqiga ega.
73. Avariyalarning oldini olish yoki ularni bartaraf etish yuzasidan kechiktirib boʻlmaydigan chora-tadbirlar koʻrish uchun Yetkazib beruvchi Isteʼmolchilarga issiqlik energiyasi yetkazib berishni toʻxtatish huquqiga ega, biroq uzib qoʻyish sabablari toʻgʻrisida darhol bildirishnoma yuboradi.
74. Yetkazib beruvchi Isteʼmolchilar oldida issiqlik energiyasini yetkazib berishdagi tanaffuslar, issiqlik berish parametrlarining pasayishi va issiqlik energiyasini yetkazib bermaslikka sabab boʻluvchi quyidagi holatlarda:
Yetkazib beruvchining asbob-uskunasi ishdan chiqishiga sabab boʻlgan tabiiy ofatlar, shuningdek yongʻin va tashqi havoning harorati 30S dan past va ushbu joyda isitishni loyihalashtirish uchun qabul qilingan hisob-kitobdagi harorat 48 soatdan koʻp davom etadigan uzoq muddatli sovuq tushishi, birlamchi suv sifatining yomonlashishi;
xususiy uy-joy mulkdorlari shirkatining xodimlari va Isteʼmolchilar tomonidan issiqlik taʼminoti rejimi oʻzgarishiga sabab boʻlgan buzilishlar;
bir necha sutka mobaynida Ijro etuvchi yoki Isteʼmolchilar tomonidan shartnomaviy issiqlik yuklamalari oshirilishiga yoki issiqlik manbai parametrlarining pasayishiga olib kelgan uning uchun belgilangan issiqlik isteʼmoli rejimlariga rioya qilmaslikka yoʻl qoʻyilishi tufayli issiqlik energiyasi toʻliq berilmasligi uchun Isteʼmolchilar oldida moddiy javob bermaydi.
75. Yetkazib beruvchi:
issiqlik taʼminoti shartnomasida nazarda tutilgan hajmda, issiqlik energiyasining ulangan tarmoq orqali uzluksiz yetkazib berilishini taʼminlashga va tomonlar bilan kelishilgan rejimiga rioya etishga;
issiqlik energiyasini standartlashtirish boʻyicha qonun hujjatlarida belgilangan talablarga muvofiq sifat bilan yetkazib berishga;
Isteʼmolchiga koʻp kvartirali uydagi turar joy va noturar joy xonalarining hisoblab chiqilgan issiqlik yuklamalari boʻyicha maʼlumotlarni berishga;
issiqlik taʼminoti shartnomasiga muvofiq issiqlik tarmoqlarining balans mansubliligi ajralishi chegarasida issiqlik manbai (issiq suv) parametrlarini saqlashga va:
harorat boʻyicha kamida 500S va 750Sdan yuqori boʻlmagan;
aniqlash nuqtasida issiq suv taʼminoti tizimidagi bosim boʻyicha 0,03 MPa (0,3 kgs/sm2) dan 0,45 MPa (4,5 kgs/sm2)gachadan chetga chiqishga yoʻl qoʻymaslikka;
ushbu Qoidalarning 12-bandida nazarda tutilgan isitish davrida turar joy xonalarida havo haroratini taʼminlashga;
issiqlik beruvchi quvurda havo harorati boʻyicha issiqlik manbai parametrlarining (+/-) 3 %dan ortiq, suv bosimi boʻyicha: issiqlik beruvchi quvurda -(+/-) 5 %, issiqlik qaytadigan quvurda -(+/-) 20 KPAdan chetga chiqishga yoʻl qoʻymaslikka;
issiqlik taʼminoti boʻyicha amaldagi va yangi meʼyoriy hujjatlar joriy etilishi toʻgʻrisida aloqa kanallari orqali Ijro etuvchini va Isteʼmolchini xabardor qilishga;
tariflardagi oʻzgarishlar toʻgʻrisida ular amalga kiritilishidan 15 kun oldin ommaviy axborot vositalari orqali xabardor qilishga;
Isteʼmolchilarga issiqlik taʼminoti xizmatlari uchun toʻlov boʻyicha hisob-kitoblarning holati toʻgʻrisidagi maʼlumotlarni, shuningdek yetkazib berilgan issiqlik energiyasi uchun toʻlov boʻyicha qarzlarning yoʻqligi toʻgʻrisidagi maʼlumotlarni bepul berishga;
daʼvo muddati doirasida issiqlik taʼminoti xizmatlari uchun isteʼmolchilarning qarzlarini undirish boʻyicha barcha choralarni koʻrishga majbur.
Oldingi tahrirga qarang.
shaxsiy hisob raqami va yakka tartibda hisobga olish asboblarining holati haqida batafsil maʼlumotni shakllantirishga va idoralararo elektron hamkorlik qilish tizimiga aniq vaqt rejimida yuborishga.
(75-band Oʻzbekiston Respublikasi Vazirlar Mahkamasining 2017-yil 27-fevraldagi 106-sonli qaroriga asosan xatboshi bilan toʻldirilgan — OʻR QHT, 2017-y., 9-son, 131-modda)
76. Isteʼmolchilar (Ijro etuvchi) tomonidan issiqlik taʼminoti yoʻqligi yoki issiqlik manbai parametrlarining shartnomaviy parametrlarga nisbatan pasayishi toʻgʻrisida belgilangan tartibda ariza berilgandan keyin Yetkazib beruvchi 18 soat mobaynida ariza beruvchining vakillari ishtirokida tegishli dalolatnomani tuzish uchun oʻz vakili hozir boʻlishini taʼminlashga, shuningdek Yetkazib beruvchining aybi bilan yetkazib berilmagan issiqlik energiyasining qiymatini qoplashga yoki yetkazib berilmagan issiqlik energiyasining qiymatini kelgusi davrdagi oʻzaro hisob-kitoblarda hisobga olishga majbur.
Yetkazib berilmagan issiqlik energiyasi hajmi Isteʼmolchi va Ijro etuvchining vakillari ishtirokida Yetkazib beruvchi tomonidan aniqlanadi va dalolatnoma bilan rasmiylashtiriladi.
77. Yetkazib beruvchi qonun hujjatlarida belgilangan tartibda Isteʼmolchining hayoti, sogʻligʻi yoki mol-mulkiga yetkazilgan zarar uchun toʻliq hajmda javob beradi.
Yetkazib beruvchi, agar issiqlik taʼminotining koʻrsatiladigan xizmatlari sifati pasayishi yengib boʻlmaydigan kuch holatlari yoki Isteʼmolchi tomonidan issiqlik taʼminoti shartnomasi shartlari buzilishi oqibatida yuz berganligini qonun hujjatlarida belgilangan tartibda isbotlay olsa, issiqlik taʼminotining koʻrsatiladigan xizmatlar sifatining buzilishi uchun javobgarlikdan ozod qilinadi.
LexUZ sharhiQarang: Oʻzbekiston Respublikasi Fuqarolik kodeksining 57-bobi.
VII. Ijro etuvchining huquqlari, majburiyatlari va javobgarligi
78. Ijro etuvchi:
kvartira ichidagi asbob-uskunalarning texnik va sanitariya holatini koʻzdan kechirish va zarur taʼmirlash ishlarini bajarish uchun Isteʼmolchilar bilan oldindan kelishilgan vaqtda ularning kvartirasiga kirishni, avariyalarni bartaraf etish uchun esa — istalgan vaqtda kirishni talab etish, shuningdek Isteʼmolchining aybi bilan yuzaga kelgan zararlarni toʻliq qoplashni undan talab qilish;
kvartira ichidagi asbob-uskunalarning holatini koʻzdan kechirish yoʻli bilan issiqlik taʼminoti tizimlarining texnik holati (saqlanishi)ni nazorat qilish huquqiga ega.
Ijro etuvchi qonun hujjatlariga muvofiq boshqa huquqlarga ham ega.
79. Ijro etuvchi quyidagilarga majbur:
issiqlik energiyasini tegishli hajmlarda va zarur sifatda berish uchun issiqlik taʼminotining uy ichidagi tizimlarini zarur tarzda saqlash;
ulardan foydalangan holda issiqlik taʼminoti xizmatlari koʻrsatiladigan issiqlik taʼminotining uy ichidagi tizimlariga mustaqil ravishda yoki boshqa shaxslarni jalb etgan holda xizmat koʻrsatish;
avariyalarni bartaraf etish, shuningdek Isteʼmolchining buyurtmanomalarini oʻz vaqtida bajarish, issiqlik taʼminoti xizmatlari koʻrsatish rejimi va sifati boʻyicha Isteʼmolchilarning murojaatlari (arizalari, taklifi, shikoyatlari) hisobini yuritish;
isitish va issiq suv taʼminotining uy ichidagi tizimlari va (yoki) issiqlik tarmoqlari va asbob-uskunalari ishida nosozliklar aniqlangan kundan boshlab bir sutka mobaynida issiqlik taʼminoti xizmatlari koʻrsatishning moʻljallanayotgan toʻxtatib turilishi davri yoki cheklanishining sabablari toʻgʻrisida Isteʼmolchini xabardor qilish;
Isteʼmolchining talabiga koʻra issiqlik taʼminoti xizmatlari koʻrsatilmaganligi yoki zarur sifatda koʻrsatilmaganligining sabablarini aniqlash uchun oʻz vakilini yuborish (tegishli dalolatnoma tuzilgan holda), shuningdek avariyalar, tabiiy ofatlar, issiqlik taʼminoti xizmatlari koʻrsatilmaganligi yoki sifatsiz koʻrsatilganligi sababli Isteʼmolchining hayoti, sogʻligʻi yoki mol-mulkiga yetkazilgan zararni qayd etuvchi dalolatnomani yuborish;
koʻp kvartirali uydagi xonaning ichkarisida rejali ishlar oʻtkazilishidan oldin uch kundan kechikmay ushbu xonaga kirish vaqtini Isteʼmolchi bilan kelishish yoki Isteʼmolchining xonasi ichkarisida ishlarni bajarish toʻgʻrisida unga yozma bildirishnoma yuborish. Yozma bildirishnomada ishlarning bajarilishi uchun masʼul xodim (familiyasi, ismi va otasining ismi, lavozimi va telefon raqami koʻrsatilgan holda), bajariladigan ishlarning turi, sanasi, vaqti va muddatlari koʻrsatiladi;
isitish va issiqlik suv taʼminotining uy ichidagi tizimlari qayta jihozlanishiga yoʻl qoʻymaslik;
isitish tizimidan tarmoq suvining oqishi va chiqib ketishiga yoʻl qoʻymaslik;
Yetkazib beruvchining vakili bilan birgalikda uy boʻyicha umumiy hisobga olish asbobi bilan birlashtirish shtutserlarini tamgʻalash, tamgʻalarning, shu jumladan zavod tamgʻalarining saqlanishini taʼminlash;
koʻp kvartirali uyni isitish tadbiriga tayyorlash, shu jumladan germetizatsiya hamda deraza va eshik yoriqlarini (shu jumladan shaxtalar va tuynuklarni) oyna bilan berkitish va isitish yoʻli bilan koʻp kvartirali uyning umumiy xonalarini (kvartiralar oraligʻidagi maydonchalarni) isitish, kirish yoʻlaklarida isitish asboblari, radiator aks ettiruvchilari oʻrnatish, tomlarni yopish materiallarini toʻplash ishlarini bajarish boʻyicha tegishli chora-tadbirlar koʻrish;
isitish davri boshlanishidan bir oy oldin Yetkazib beruvchiga uyning isitish va issiq suv taʼminoti uy ichidagi tizimlarining isitish davriga tayyorligi toʻgʻrisidagi dalolatnomani taqdim etish;
issiqlik isteʼmoli rejimiga nisbatan Yetkazib beruvchining tezkor koʻrsatmalarini bajarish;
Yetkazib beruvchi bilan taʼmirlashlarning hajmi, muddati va jadvallarini kelishgan holda rejali-oldini oluvchi taʼmirlashni va quvurlarni, tik quvur va tartibga soluvchi armaturani sinashni oʻz vaqtida bajarish;
issiqlik va issiq suv berilishidan va toʻxtatilishidan 7 kun oldin Isteʼmolchini ogohlantirish;
Yetkazib beruvchining buyurtmanomalari boʻyicha uning vakolatli vakillarining isitish va issiq suv taʼminotining uy ichidagi tizimlariga toʻsiqsiz kirishini taʼminlash;
yetkazuvchining balansidagi issiqlik tarmoqlarini, asbob-uskunalar va uy boʻyicha umumiy hisobga olish asboblarini taʼmirlash va ulardan foydalanish boʻyicha oldindan kelishilgan ishlarni bajarish uchun oʻz hududiga Yetkazib beruvchini kiritish;
uy boʻyicha umumiy hisobga olish asboblari mavjud boʻlganda har oyda oyning oxirgi haftasida Yetkazib beruvchining vakili bilan birgalikda ularning koʻrsatkichlarini yozib olish, uy boʻyicha umumiy hisobga olish asboblari koʻrsatkichlarini hisobga olish daftariga yozish, issiqlik energiyasi hajmini Isteʼmolchilar oʻrtasida taqsimlash, Isteʼmolchining talabiga koʻra murojaat qilingan kundan keyingi bir ish kuni mobaynida unga koʻrsatib oʻtilgan daftarni taqdim etish;
belgilangan tartibda xususiy uy-joy mulkdorlari shirkatiga biriktirilgan va issiqlik tarmoqlarining yer osti trassasi oʻtadigan uy atrofidagi hududda:
qurilishlar tiklanishiga;
materiallar uyilishiga;
issiqlik tarmoqlaridan kamida 5 metr masofada daraxtlar oʻtqazilishiga;
avariyali taʼmirlash-tiklash ishlari olib borilishiga toʻsqinlik qiluvchi yer qazish ishlari bajarilishiga;
issiqlik tarmoqlari oʻtadigan xonalarda odamlar doimiy ravishda boʻlishiga yoʻl qoʻymaslik, navbatchi xodimlar bundan mustasno.
Ijro etuvchi qonun hujjatlariga muvofiq boshqa majburiyatlarga ham ega boʻlishi mumkin.
80. Ijro etuvchi, shuningdek koʻp kvartirali uylarning barcha yoʻlaklarida yoki koʻp kvartirali uylar yaqinida joylashgan eʼlonlar taxtalariga quyidagilarni joylashtirishga majbur:
dispetcherlik, avariya yoki avariya-dispetcherlik xizmatlarining rasmiy nomi, manzili, ish rejimi, telefonlari raqamlari, Yetkazib beruvchi rahbarining familiyasi, ismi va otasining ismi;
issiqlik taʼminoti xizmatlariga, issiqlik va issiq suv taʼminoti boʻyicha alohida tariflarning miqdorlari, ular asosida tariflar qoʻllaniladigan normativ-huquqiy hujjatlar, tariflar oʻzgargan taqdirda — oʻzgargan tariflarning miqdorlari;
issiqlik taʼminoti xizmatlari uchun toʻlov tartibi va shakli.
81. Yetkazib beruvchi tomonidan taqdim etilgan toraytiruvchi qurilmalarning hisob-kitoblari asosida Ijro etuvchi ularni tayyorlashga va Yetkazib beruvchining vakili hozirligida issiqlik punktiga oʻrnatishga majbur. Oʻrnatilgan toraytiruvchi qurilmalar Yetkazib beruvchining vakili tomonidan Ijro etuvchi bilan birgalikda tamgʻalanadi va saqlash uchun Ijro etuvchiga topshiriladi. Ushbu holat boʻyicha tegishli qoʻshma dalolatnoma tuziladi.
82. Ijro etuvchi issiqlik energiyasi sifati koʻrsatkichlariga rioya qilish yuzasidan Yetkazib beruvchi tomonidan, oʻz shartnomaviy majburiyatlari bajarilishi sharti bilan, qonun hujjatlariga, ushbu Qoidalarga, issiqlik taʼminoti shartnomasiga muvofiq issiqlik taʼminoti xizmatlari koʻrsatish sifati uchun javob beradi.
83. Ijro etuvchi Isteʼmolchining hayoti, sogʻligʻi yoki mol-mulkiga yetkazilgan zarar, qonun hujjatlarida belgilangan miqdorda va tartibda maʼnaviy zarar, shuningdek issiqlik punktining toraytiruvchi qurilmalaridagi va uy boʻyicha umumiy hisobga olish asboblaridagi tamgʻalar buzilganligi uchun toʻliq hajmda javob beradi.
84. Ijro etuvchi, agar qonun hujjatlarida belgilangan tartibda, issiqlik taʼminotining koʻrsatiladigan xizmatlari sifati buzilishi yengib boʻlmaydigan kuch oqibatida yuz berganligini yoki ushbu Qoidalar va issiqlik taʼminoti shartnomasi shartlari Isteʼmolchi tomonidan buzilganligini isbot qilsa, bunday buzilish uchun javobgarlikdan ozod qilinadi.
VIII. Isteʼmolchining huquqlari, majburiyatlari va javobgarligi
85. Isteʼmolchi quyidagi huquqlarga ega:
koʻp kvartirali uyda issiqlik taʼminoti xizmatlari koʻrsatish toʻgʻrisidagi shartnoma asosida belgilangan sifatga, hajmga, uning hayoti va sogʻligʻi uchun xavfsiz boʻlgan, uning mol-mulkiga zarar yetkazmaydigan issiqlik taʼminoti xizmatlari uzluksiz koʻrsatilishini talab etish;
ushbu Qoidalarga va issiqlik taʼminoti shartnomasiga muvofiq, ushbu xizmatlar koʻrsatilmagan davr uchun issiqlik taʼminoti xizmatlariga haq toʻlashdan toʻliq yoki qisman ozod etilgan holda, issiqlik taʼminoti shartnomasida belgilanganidan ortiqcha tanaffuslar vaqti uchun issiqlik taʼminoti xizmatlariga haq toʻlamaslik;
qonun hujjatlarida, issiqlik taʼminoti shartnomasida yoki issiqlik taʼminoti xizmatlari koʻrsatish toʻgʻrisidagi shartnomada nazarda tutilgan holatlarda issiqlik taʼminoti xizmatlari koʻrsatilmaganda yoki xizmatlar zarur sifat va tartibda koʻrsatilmaganda neustoyka (jarimalar, penyalar) toʻlashni, qayta hisob-kitob amalga oshirilishini talab qilish;
issiqlik taʼminoti xizmatlari uchun toʻlov boʻyicha hisob-kitoblarning holati toʻgʻrisidagi maʼlumotlarni (shaxsan yoki oʻz vakili orqali), shuningdek Yetkazib berilgan issiqlik energiyasi uchun toʻlov boʻyicha qarzlarning yoʻqligi toʻgʻrisidagi maʼlumotnomalarni bepul olish;
issiqlik taʼminoti xizmatlarining hajmi va sifati, uni koʻrsatish shartlari, issiqlik taʼminoti uchun toʻlov miqdori va uni toʻlash tartibi oʻzgarishi toʻgʻrisidagi maʼlumotlarni bepul olish;
buyurtmanomalar yuborilgan paytdan boshlab issiqlik taʼminoti xizmatlari koʻrsatilmaganligi yoki zarur sifatda koʻrsatilmaganligi va aniqlangan kamchiliklar belgilangan muddatda bartaraf etilganligi toʻgʻrisidagi dalolatnomani 18 soat mobaynida olish.
Isteʼmolchi qonun hujjatlariga muvofiq boshqa huquqlarga ham ega boʻlishi mumkin:
86. Isteʼmolchi quyidagilarga majbur:
individual hisobga olish asboblarining yaqqol koʻrinib turgan nosozliklari aniqlanganda bu toʻgʻrida Ijro etuvchi (Yetkazib beruvchi)ga darhol xabar berish, shu jumladan issiqlik taʼminoti boʻyicha xizmatlar koʻrsatishga tuzilgan shartnomada qayd etilgan telefon, elektron pochta orqali xabar berish;
kvartira ichidagi asbob-uskunalarning nosozliklari (avariyalar) aniqlanganda ularni bartaraf etish yuzasidan mumkin boʻlgan barcha choralarni koʻrish;
isitish va issiq suv taʼminotining uy ichidagi tizimlaridagi avariyalar, shuningdek issiqlik energiyasidan foydalanishda yuzaga keladigan boshqa buzilishlar toʻgʻrisida tegishli ravishda Ijro etuvchiga yoki Yetkazib beruvchiga darhol xabar berish;
issiqlik taʼminotining foydalanilgan xizmatlari uchun toʻlovni oʻz vaqtida va toʻliq hajmda toʻlash;
issiqlik energiyasidan foydalanishda texnika xavfsizligi choralariga rioya etish;
issiq suvni individual hisobga olish asboblari koʻrsatkichlarini yigʻish uchun koʻp kvartirali uyning har bir yoʻlagida yoki fuqarolarning oʻzini oʻzi boshqarish organlari binolarida oʻrnatilgan metall qutiga solish yoʻli bilan individual hisobga olish asboblari koʻrsatkichlarini Ijro etuvchiga (Yetkazib beruvchiga) taqdim etish;
individual hisobga olish asboblaridan nazorat koʻrsatkichlarini yozib olish uchun Yetkazib beruvchining vakilini, xizmat guvohnomasi mavjud boʻlgan taqdirda, oldindan kelishilgan vaqtda qoʻyishni taʼminlash;
yuz bergan oʻzgarishlar (egasi, odamlar soni, maydon oʻzgarishi, turar joy fondidan noturar joy fondiga va noturar joy fondidan turar joy fondiga aylantirish) paytidan (kunidan) boshlab 10 ish kunidan kechikmay issiqlik taʼminoti xizmatlaridan foydalanish shartnomasi shartlari oʻzgarganligi toʻgʻrisida Yetkazib beruvchini oʻz vaqtida xabardor qilish.
Isteʼmolchi qonun hujjatlariga muvofiq boshqa majburiyatlarga ham ega boʻlishi mumkin.
87. Isteʼmolchi isitish va issiq suv taʼminoti xizmatlari koʻrsatishning sifatiga taʼsir koʻrsatuvchi isitish va issiq suv taʼminotining uy ichidagi tizimlari buzilganligi uchun qonun hujjatlarida belgilangan tartibda javob beradi.
88. Isteʼmolchi uchun quyidagilar taqiqlanadi:
isitish tizimidan issiqlik manbaini chiqarib tashlash;
uy ichidagi issiqlik tarmoqlariga oʻzboshimchalik bilan ulanib olish yoki hisobga olishning umumiy yoki individual hisobga olish asboblarini chetlab oʻtib ularga ulanish, tegishli oʻzgarishlarni belgilangan tartibda kiritmasdan issiqlik taʼminotining uy ichidagi tizimlariga oʻzgartirishlar kiritish;
turar joy xonasida oʻrnatilgan isitish asboblarining isitish yuzasini xonaning texnik pasportida koʻrsatilgan parametrlardan ortiq oʻzboshimchalik bilan koʻpaytirish, shuningdek qoʻshimcha tartibga soluvchi va tik quvur armaturasiga oʻrnatish;
koʻp qavatli uyning isitish va issiq suv taʼminoti tizimidan alohida turar va noturar joylarning isitish asboblarini demontaj qilish orqali isitish tizimidan uzib qoʻyish;
individual hisobga olish asboblaridagi tamgʻalarni oʻzboshimchalik bilan buzish, hisobga olishning umumiy yoki individual hisobga olish asboblarini qismlarga ajratish va ularning koʻrsatkichlarini buzishga yoki shikastlashga yoʻnaltirilgan xatti-harakatlarni sodir etish;
issiqlik energiyasidan uning bevosita vazifasidan (isitish, issiq suv taʼminoti) boshqa maqsadda foydalanish;
issiqlik taʼminoti shartnomasida va ushbu Qoidalarda belgilangan issiqlik energiyasidan foydalanish tartibini buzuvchi xatti-harakatlarni sodir etish.
IX. Issiqlik taʼminotidan foydalanganlik uchun hisob-kitoblar
89. Isteʼmol qilingan issiqlik energiyasi uchun hisob-kitob qilish:
issiqlik taʼminoti shartnomasi asosida Isteʼmolchilarning Yetkazib beruvchi bilan;
uy boʻyicha umumiy hisobga olish asbobi mavjud boʻlganda — issiqlik taʼminoti toʻgʻrisidagi shartnoma asosida Ijro etuvchi tomonidan Yetkazib beruvchi bilan va, tegishli ravishda, issiqlik taʼminoti xizmatlari koʻrsatish toʻgʻrisidagi shartnoma asosida Isteʼmolchilarning Ijro etuvchi bilan hisob-kitob qilishi yoʻli bilan amalga oshiriladi.
90. Jismoniy shaxslarga koʻrsatiladigan issiqlik taʼminoti xizmatlariga tariflar qonun hujjatlarida belgilangan tartibda:
Oldingi tahrirga qarang.
a) isitishga — 2020-2021-yillar isitish mavsumidan boshlab isitish davrining har bir kuniga 1 kvadrat metr isitiladigan maydon uchun;
(90-bandning “a” kichik bandi Oʻzbekiston Respublikasi Vazirlar Mahkamasining 2020-yil 20-maydagi 305-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
b) issiq suv taʼminotiga:
individual hisobga olish asboblari boʻlmagan taqdirda — bir odamga bir oyda (soʻm/kishi/oy);
individual hisobga olish asboblarining koʻrsatkichlari boʻyicha, ular mavjud boʻlganda, issiq suvning bir kub metri uchun (soʻm/kub.m) tasdiqlanadi.
91. Yetkazib beruvchi bilan Ijro etuvchi (turar joy fondidan foydalanuvchi yuridik shaxs — xususiy uy-joy mulkdorlari shirkati, boshqaruvchi tashkilot va boshqalar) oʻrtasida issiqlik taʼminoti shartnomasi tuzilgan taqdirda Isteʼmolchi Ijro etuvchiga, Ijro etuvchi esa Yetkazib beruvchiga issiqlik energiyasi uchun toʻlovni jismoniy shaxslar (aholi) uchun belgilangan tariflar boʻyicha toʻlaydi.
92. Uylarda, yotoqxonalarda, idoraviy turar joy fondi xonadonlarida yashovchi isteʼmolchilar issiqlik energiyasi uchun toʻlovni ushbu idoraning foydalanish organiga jismoniy shaxslar (aholi) uchun belgilangan tariflar boʻyicha toʻlaydilar. Bunda tasarrufida va balansida turar joy fondi boʻlgan davlat korxonalari, muassasalar, tashkilotlar ularning idoraviy turar joy fondida yashovchi jismoniy shaxslarga issiqlik taʼminotining koʻrsatilgan xizmatlari uchun yuridik shaxslar uchun tariflar boʻyicha shartnoma tuzadilar va toʻlovni Yetkazib beruvchiga toʻlaydilar.
93. Issiq suvni individual hisobga olish asbobiga ega boʻlmagan jismoniy shaxslarga yetkazib berilgan issiqlik energiyasi (issiq suv) qiymatiga haq toʻlash issiq suv taʼminoti xizmatlari uchun belgilangan tariflarga qonun hujjatlarida belgilangan oshiruvchi koeffitsiyent qoʻllangan holda amalga oshiriladi.
Roʻyxatdan oʻtkazilgan fuqarolar boʻlmagan turar joy xonadonlarida issiq suvni individual hisobga olish asboblari mavjud boʻlmaganda issiq suv taʼminoti xizmatlari uchun hisob-kitoblar bir xonali va ikki xonali turar joy binosidagi bir kishiga; uch xonali turar joy binosidagi ikki kishiga; toʻrt xonali turar joy binosidagi uch kishiga; besh xonali turar joy binosidagi toʻrt kishiga hisobidan, issiq suv taʼminoti xizmatlariga belgilangan tariflarga qonun hujjatlarida belgilangan oshiruvchi koeffitsiyent qoʻllangan holda, amalga oshiriladi.
Oldingi tahrirga qarang.
94. Jismoniy shaxslarga koʻrsatiladigan markaziy isitish xizmatlari uchun hisoblash 2020-2021-yillar isitish mavsumidan boshlab isitish davrining har bir kuniga 1 kvadrat metr isitiladigan maydon uchun belgilangan tariflar boʻyicha amalga oshiriladi.
(94-bandning birinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 305-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
Jismoniy shaxslarga koʻrsatiladigan issiq suv taʼminoti xizmatlari uchun hisoblash yil mobaynida har oyda belgilangan tariflar boʻyicha amalga oshiriladi.
Oldingi tahrirga qarang.
(94-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 305-sonli qaroriga asosan chiqarilgan — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
Uy-joy mulkdorlari yoki turar joyni ijaraga oluvchilar, istiqomat qilishidan va/yoki roʻyxatda turishidan qatʼi nazar, markaziy isitish uchun toʻlovlarni amalga oshirishi shart.
95. Issiqlik energiyasi taʼminoti xizmatlariga tariflar oʻzgarganda, sanadan qatʼi nazar, issiqlik taʼminoti shartnomasi kuchida qoladi va Isteʼmolchi foydalanilgan issiqlik taʼminoti xizmatlariga ular joriy etilgan kundan boshlab yangi tariflar boʻyicha haq toʻlashga majbur. Yetkazib beruvchi tarif oʻzgarishidan oʻn besh kun oldin ommaviy axborot vositalarida tegishli xabarni eʼlon qilish yoʻli bilan tariflar oʻzgarishi toʻgʻrisida Isteʼmolchilarni xabardor qilishi shart.
Oldingi tahrirga qarang.
Bunda Isteʼmolchi — jismoniy shaxs ushbu davrda tegishli tariflar oshgan taqdirda issiqlik taʼminoti xizmatlariga avans bilan toʻlangan toʻlovlarga (toʻlov kunidan boshlab ikki oydan oshmaydigan davrga) qoʻshimcha toʻlovlar toʻlashdan ozod etiladi.
(95-bandning ikkinchi xatboshisi Oʻzbekiston Respublikasi Vazirlar Mahkamasining 2026-yil 29-apreldagi 212-sonli qarori tahririda)
Oldingi tahrirga qarang.
Isteʼmolchi tomonidan issiqlik taʼminoti xizmatlariga avans toʻlanganda Yetkazib beruvchi isitish va issiq suv taʼminotiga toʻlov paytida amalda boʻlgan tariflar boʻyicha toʻlov hisoblanadi (avans toʻlovlar muddatiga, biroq ikki oydan ortiqqa emas).
(95-bandning uchinchi xatboshisi Oʻzbekiston Respublikasi Vazirlar Mahkamasining 2026-yil 29-apreldagi 212-sonli qarori tahririda)
96. Hisobot davri uchun issiq suvni hisobga olish asbobining koʻrsatkichlari toʻgʻrisidagi maʼlumotlar Isteʼmolchi tomonidan taqdim etilmagan taqdirda Yetkazib beruvchi hisob-kitob oyida amalda boʻlgan tarif boʻyicha ushbu va keyingi hisob-kitob davrlari uchun toʻlovni keyingi koʻrsatkichlar (yoxud hisobga olish asbobining koʻrsatkichlari Yetkazib beruvchining vakili tomonidan nazorat tartibida yozib olingungacha) taqdim etish paytigacha issiq suvning oʻrtacha oylik sarfi boʻyicha hisoblashga haqlidir.
Keyingi koʻrsatkichlar (yoxud hisobga olish asbobining koʻrsatkichlari Yetkazib beruvchining vakili tomonidan nazorat tartibida yozib olingungacha) taqdim etilganda Yetkazib beruvchi hisobga olish asbobining oldingi koʻrsatkichidan boshlanadigan davr uchun hisobga olish asbobining amaldagi koʻrsatkichlari boʻyicha isteʼmol qilingan issiq suv miqdorining qayta hisob-kitobini amalga oshirishi shart. Bunda qayta hisob-kitob qilish hisob-kitob qilinadigan davrning hisob-kitob oyida amalda boʻlgan tarif boʻyicha amalga oshiriladi.
97. Isteʼmolchi — noturar joy mulkdori tomonidan issiqlik taʼminoti tarmoqlariga ulanish sanasi toʻgʻrisidagi hujjat oʻz vaqtida taqdim etilmagan taqdirda, Yetkazib beruvchi mol-mulkka egalik qilish huquqini tasdiqlovchi hujjatdan, hokimning qaroridan kelib chiqib, hisoblashni ulashning hujjatlar bilan tasdiqlangan sanasi boʻyicha amalga oshirish huquqiga ega.
98. Issiqlik taʼminoti xizmatlari uchun toʻlovlarni toʻlash Isteʼmolchilar tomonidan har oyda quyidagi tartibda amalga oshirilishi kerak:
Oldingi tahrirga qarang.
yuridik shaxslar — koʻp kvartirali uydagi noturar joy xonalarining mulkdorlari — koʻrsatiladigan xizmatlar qiymatining kamida 15 foizi miqdorida oldindan haq toʻlash va koʻrsatilgan xizmatlar uchun toʻliq hisob-kitob qilish — isitish davridagi kalendar oy tamom boʻlgandan keyin yuridik shaxslar uchun belgilangan tariflar boʻyicha 30 kun mobaynida;
(98-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 305-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
Oldingi tahrirga qarang.
jismoniy shaxslar — isitish davridagi tamom boʻlgan oydan keyingi oyning oʻninchi kunidan kechikmay.
(98-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 20-maydagi 305-sonli qarori tahririda — Qonun hujjatlari maʼlumotlari milliy bazasi, 21.05.2020-y., 09/20/305/0626-son)
99. Issiqlik taʼminoti xizmatlari uchun belgilangan muddatda toʻlovlar toʻlanmagan taqdirda muddati oʻtkazib yuborilgan har bir kun uchun penya toʻlanadi, biroq muddati oʻtkazib yuborilgan toʻlov summasining 50 foizidan ortiq boʻlmagan miqdorda:
Isteʼmolchilar — yuridik shaxslar tomonidan 0,4 foiz miqdorida;
Isteʼmolchilar — aholi tomonidan 0,1 foiz miqdorida;
Ijro etuvchi (turar joy fondidan foydalanuvchi yuridik shaxs — xususiy uy-joy mulkdorlari shirkati, boshqaruvchi tashkilot va boshqalar) tomonidan, agar kommunal xizmatlarning Isteʼmolchisi nomidan Yetkazib beruvchi bilan shartnoma tuzilgan boʻlsa — 0,1 foiz miqdorida toʻlanadi.
Isteʼmolchilar toʻlovlarni uch oydan ortiq toʻlamagan taqdirda ularga issiqlik taʼminoti xizmatlari koʻrsatish toʻxtatiladi.
100. Isteʼmolchi isteʼmol qilingan issiqlik taʼminoti xizmati uchun ikki hafta oʻtgach toʻlov toʻlanmaganda Yetkazib beruvchi qarzdorlik va 7 kundan keyin uzib qoʻyish toʻgʻrisida yozma xabar beradi, xabarnoma muddati tamom boʻlgach Yetkazib beruvchi issiq suv berishni uzib qoʻyishga haqlidir. Issiq suv berish Isteʼmolchi tomonidan qarzlar toʻlangandan va Yetkazib beruvchi tomonidan tasdiqlangan kalkulyatsiyaga muvofiq abonentni manbadan uzib qoʻyish va unga ulash ishlari uchun qoʻshimcha hisob toʻlangandan keyin tiklanadi.
101. Toʻlanishi lozim boʻlgan summani notoʻgʻri yozilganligi aniqlangan kundan boshlab, Isteʼmolchi Yetkazib beruvchiga eʼtirozni yozma shaklda besh kundan kechikmay taqdim etadi. Eʼtiroz bildirilishi Isteʼmolchining issiqlik taʼminoti xizmati uchun toʻlovni belgilangan muddatda toʻlash majburiyatidan ozod qilmaydi.
Eʼtiroz Yetkazib beruvchi tomonidan 10 kun muddatda koʻrib chiqiladi va uning asoslanganligi aniqlanganda ortiqcha summa keyingi issiqlik energiyasi uchun toʻlovga hisoblanadi. Eʼtirozni koʻrib chiqish natijalari toʻgʻrisida Isteʼmolchi 5 kundan kechikmay xabardor qilinishi kerak.
102. Isteʼmolchi Yetkazib beruvchining qaroridan rozi boʻlmaganda, bu uni issiqlik taʼminoti xizmati uchun toʻlovni belgilangan muddatda toʻlash majburiyatidan ozod qilmaydi. Yetkazib beruvchi daʼvo qilingan summani majburiy tartibda undirish toʻgʻrisida daʼvo arizasi beradi.
103. Oʻziga oʻzi xizmat koʻrsatishda toʻlov hujjatlarini yozish va toʻlashda Isteʼmolchi tomonidan yoʻl qoʻyilgan xatolar Yetkazib beruvchi tomonidan ular aniqlanishiga qarab hisobga olinadi. Hisobga olish asbobini tekshirish dalolatnomasi bilan tasdiqlangan amaldagi koʻrsatkichlar boʻyicha issiq suv sarfini hisobga olishdagi xatolar aniqlanganda qayta hisob-kitob amalga oshiriladi.
104. Issiqlik taʼminoti xizmatlari (isitish va issiq suv taʼminoti) uchun Isteʼmolchi tomonidan toʻlov uning tanlashiga koʻra cheklashsiz, shu jumladan umumiy issiqlik taʼminotining koʻrsatilgan xizmatlari uchun Yetkazib beruvchining hisob-kitob raqamiga mablagʻlar yoʻnaltirilgan holda, plastik kartochkadan foydalanib, shuningdek elektron toʻlovlar tizimi orqali toʻlanadi.
105. Oʻtgan oydagi issiqlik energiyasi uchun toʻlovni qismlarga boʻlib toʻlashga, belgilangan muddatini buzmagan holda yoʻl qoʻyiladi.
106. Uy-joy mulkdori oʻzgarganda oldingi mulkdor bu haqda Yetkazib beruvchiga chiqib ketishidan 7 kun oldin maʼlum qilishga majbur, chiqib ketgandan keyin tamgʻalar va hisobga olish asbobining saqlanishi uchun javobgarlik yangi mulkdorga yuklanadi. Oldingi mulkdor xona yangi mulkdorga berilgunga qadar issiqlik taʼminotining isteʼmol qilingan xizmatlari uchun qarzlarni toʻliq toʻlashi shart.
Oldingi tahrirga qarang.
107. Shaxsiy hisob raqami va yakka tartibda hisobga olish asboblarining holati toʻgʻrisidagi batafsil maʼlumotlar Yetkazib beruvchi tomonidan shakllantiriladi va aniq vaqt rejimida idoralararo elektron hamkorlik qilish tizimiga yuboriladi.
(107-band Oʻzbekiston Respublikasi Vazirlar Mahkamasining 2017-yil 27-fevraldagi 106-sonli qarori tahririda — OʻR QHT, 2017-y., 9-son, 131-modda)
Oldingi tahrirga qarang.
108. Yangi mulkdor koʻchmas mulkning oldi-sotdi, ayirboshlash va hadya qilish bitimlari davlat roʻyxatidan oʻtkazilgan kundan boshlab 30 kun muddatda shartnoma tuzishi shart.
Oldingi tahrirga qarang.
Koʻchmas mulkning oldi-sotdi, ayirboshlash va hadya qilish bitimlari davlat roʻyxatidan oʻtkazilgandan keyin davlat roʻyxatidan oʻtkazuvchi organ tomonidan Yetkazib beruvchiga yangi mulkdorning familiyasi, ismi, otasining ismi, yangi yashash joyi boʻyicha roʻyxatdan oʻtgan manzili, notarial harakat amalga oshirilgan sana va qayd etilgan raqam, koʻchmas mulkning kadastr raqami va umumiy (turar joy) maydoni, mobil telefon raqami va elektron pochta manzili (mavjud boʻlsa) haqidagi maʼlumotni yuboradi. Bunda Yetkazib beruvchi maʼlumot tushgandan keyin bir oy muddatda mulkdor bilan issiqlik taʼminoti shartnomasi tuzilishini taʼminlashi shart.
(108-bandning ikkinchi xatboshisi Oʻzbekiston Respublikasi Vazirlar Mahkamasining 2026-yil 5-maydagi 224-sonli qarori tahririda — Qonunchilik maʼlumotlari milliy bazasi, 06.05.2026-y., 09/26/224/0457-son)
109. Noturar joy yangi mulkdorga berilganda Isteʼmolchi bu haqda Yetkazib beruvchiga 7 kun muddatda xabar beradi, yangi egasi esa noturar joy xonasidan foydalanish boshlangunga qadar issiqlik taʼminoti xizmatlaridan foydalanish yuzasidan yangi shartnoma tuzadi, noturar joy xonadan foydalanishni qayta ixtisoslashtirish yuz bergan taqdirda esa yangi mulkdor ham yangi texnik shartlarni olishi shart.
Texnik shartlar va koʻrsatib oʻtilgan shartnoma mavjud boʻlmagan taqdirda issiqlik taʼminoti tizimlaridan oʻzboshimchalik bilan foydalanilgan deb hisoblanadi.
110. Vaqtincha yashovchilar (ijaraga oluvchilar) yashaganda toʻlov amalda yashagan shaxslar soni uchun toʻliq toʻlanadi.
Turar joy xonasi hisobga olish asbobi bilan jihozlanmagan taqdirda Isteʼmolchi oʻzi egallab turgan xonadonda yashovchi (shu jumladan vaqtincha yashovchi) fuqarolar soni koʻpayganligi yoki kamayganligi toʻgʻrisida) yuz bergan oʻzgarishlar kunidan boshlab 5 ish kunidan kechikmay Yetkazib beruvchini yozma ravishda xabardor qilishi shart. Bunda Yetkazib beruvchining, fuqarolarning oʻzini oʻzi boshqarish organining vakillari va xonaning mulkdori oʻrtasida uch tomonlama dalolatnoma tuziladi.
X. Uy boʻyicha umumiy hisobga olish asboblari bilan jihozlanmagan koʻp qavatli uylarda isteʼmolchilar tomonidan issiqlik taʼminoti xizmatlari uchun toʻlov miqdorini hisoblash tartibi
111. Koʻp kvartirali uyda hisobga olishning umumiy asbobi mavjud boʻlmagan taqdirda hisob-kitob davrida foydalanilgan koʻp kvartirali uylarni isitish va issiq suv taʼminoti ehtiyojlariga berilgan issiqlik energiyasi uchun Isteʼmolchilarning Yetkazib beruvchi bilan hisob-kitobi isitish va issiq suv taʼminoti xizmatlari uchun jami hisoblab chiqishdan kelib chiqqan holda har oyda amalga oshiriladi.
112. Koʻp kvartirali uylarning turar joy xonalarida isitish xizmatlari uchun toʻlovning oylik miqdori quyidagi tartibda hisoblab chiqiladi:
Pov = S x Tov, bunda:
Pov — isitish xizmatlari uchun toʻlov;
Tov — isitish xizmatlariga tasdiqlangan tarif (soʻm/kv.m/oy);
S — isitiladigan maydon (kv.m).
113. Koʻp kvartirali uylarning noturar joy binolarida isitish xizmatlari uchun toʻlovning oylik miqdori quyidagi tartibda hisoblab chiqiladi:
Pnoturar joy xona mi = qnoturar joy mi x TGkal, bunda:
Pnoturar joy mi — noturar joy xonada markaziy isitish uchun toʻlov (soʻm);
TGkal — qonun hujjatlariga muvofiq tasdiqlangan issiqlik energiyasiga tarif, qoʻshilgan qiymat soligʻi bilan (soʻm/Gkal)
qnoturar joy mi — issiqlik taʼminoti xizmatlari koʻrsatish toʻgʻrisidagi shartnomaga muvofiq noturar joy xonasini isitishga hisoblab chiqilgan issiqlik yuklamasi (Gkal).
114. Koʻp kvartirali uylarning turar joy xonalarida issiq suv taʼminoti xizmatlari uchun toʻlovning oylik miqdori quyidagi tartibda hisoblab chiqiladi:
a) issiq suvni hisobga olishning individual asbobi mavjud boʻlganda;
Pist = Gamaldaist x Tist1, bunda:
Gamaldaist –individual hisobga olish asbobi koʻrsatkichlari boʻyicha aniqlangan hisob-kitob davri uchun issiq suv sarfi (kub.m);
Tist1 — issiq suv taʼminoti xizmatlariga tasdiqlangan tarif (soʻm/kub.m);
b) issiq suvni individual hisobga olish asbobi mavjud boʻlmaganda:
Pist = n x Tist2 x Kkishi, bunda:
n — kvartirada yashovchi kishilar soni (kishi);
Tist2 — issiq suv taʼminoti xizmatlariga tarif (soʻm/kishi/bir oyda);
Kkishi — issiq suvni individual hisobga olish asbobi mavjud boʻlmaganda qoʻllanadigan 1,5 ga teng koeffitsiyent.
115. Koʻp kvartirali uylarning noturar joy xonalarida issiq suv taʼminoti xizmatlari uchun toʻlov miqdori hisobga olishning individual asbobi koʻrsatkichlari boʻyicha hisoblab chiqiladi:
Pist = Gamaldaist x Tist, bunda:
Gamaldaist–individual hisobga olish asbobi koʻrsatkichlari boʻyicha aniqlangan hisob-kitob davri uchun issiq suv sarfi (kub.m);
Tist –issiq suv taʼminoti xizmatlariga tasdiqlangan tarif, qoʻshilgan qiymat soligʻi bilan (soʻm/kub.m).
116. Koʻp kvartirali uylarning issiq suvni individual hisobga olish asbobi bilan jihozlanmagan noturar joy xonalariga issiq suv berishga yoʻl qoʻyilmaydi.
Noturar joy xonalarda 30 sutkagacha taʼmirlash ishlari yoki hisobga olishning yakka tartibini tekshirish oʻtkazilgan taqdirda issiq suv uchun hisob-kitob asbob toʻxtatilgan paytdan oldingi oxirgi 30 sutka uchun uning oʻrtacha sutkalik sarfi boʻyicha, 30 sutkadan ortiq boʻlganda — hisoblab chiqilgan issiqlik yuklamasi miqdoridan va issiq suv yetkazib berilgan soatlar sonidan kelib chiqib amalga oshiriladi.
XI. Uy boʻyicha umumiy hisobga olish asboblari bilan jihozlangan koʻp qavatli uylarda isteʼmolchilar tomonidan issiqlik taʼminoti xizmatlari uchun toʻlov miqdorini hisoblash tartibi
117. Koʻp qavatli uyda uy boʻyicha umumiy hisobga olish asboblari mavjud boʻlgan taqdirda foydalanilgan hisob-kitob davrida koʻp qavatli uylarning isitish va issiq suv taʼminoti ehtiyojlari uchun berilgan issiqlik energiyasi uchun Ijro etuvchining Yetkazib beruvchi bilan hisob-kitobi issiqlik energiyasi uy boʻyicha umumiy hisobga olish asbobi koʻrsatkichlari va qonun hujjatlarida belgilangan tartibda tasdiqlangan issiqlik taʼminoti xizmatlariga tariflar asosida amalga oshiriladi.
Issiqlik energiyasini turar joy va noturar joylar oʻrtasida taqsimlash quyidagi formula boʻyicha aniqlanadi:
P = Qamalda uylar (turar joy bino) x TGkal1 + Qamaldauylar (noturar joy bino) x TGkal2, bunda:
P — hisob-kitob davrida koʻp qavatli uyda foydalanilgan issiqlik energiyasi uchun toʻlov (soʻm);
Qamaldauylar (noturar joy xona) — koʻp kvartirali uyning noturar joy xonalarida sarflangan (Qhaqiqatdauylar (noturar joy)) issiqlik energiyasi hajmi (Gkal) chiqarib tashlangan holda uy boʻyicha umumiy hisobga olish asboblari koʻrsatkichlari boʻyicha aniqlangan hisobot davri uchun koʻp qavatli uyning turar joy xonalarida sarflangan issiqlik energiyasi hajmi (Gkal);
Qamaldauylar (noturar joy ) — Yetkazib beruvchining maʼlumotlari (Gkal) va noturar joylarda issiq suvni individual hisobga olish asboblari koʻrsatkichlari (kub.m) boʻyicha, ularni issiq suvning issiqlik saqlashiga koʻpaytirish yoʻli bilan Gkal.ga aylantirilgan (Gkal/kub.m) boʻyicha aniqlangan hisob-kitob davri uchun koʻp qavatli uyda noturar joylarga sarflangan issiqlik energiyasi hajmi (Gkal);
TGkal1 –issiqlik energiyasining amaldagi tarifi, qoʻshilgan qiymat soligʻisiz (soʻm/Gkal);
TGkal2 –issiqlik energiyasining amaldagi tarifi, qoʻshilgan qiymat soligʻi bilan (soʻm/Gkal).
118. Koʻp kvartirali uydagi i-turar joy xona (kvartirada) markaziy isitish xizmatlari uchun toʻlovni hisoblash (soʻm) quyidagi formula boʻyicha aniqlanadi:
Pturar joy xona mii = (q turar joy mi x TGkal) x Si, bunda:
Pturar joy xona mii — turar joy xonada markaziy isitish uchun toʻlov (soʻm);
TGkal –qonun hujjatlariga muvofiq tasdiqlangan issiqlik energiyasiga tarif, qoʻshilgan qiymat soligʻisiz (soʻm/Gkal);
Si — koʻp kvartirali uyda i-turar joy xonaning (kvartiraning) isitiladigan maydoni (m2);
qturar joy mi — isitiladigan maydonning 1 kvadrat metrni isitish uchun issiqlik energiyasining amaldagi solishtirma salmogʻi (Gkal/m2), u quyidagi formula boʻyicha aniqlanadi:
qmi = (Qamaldami(uy) — Qamaldami(noturar joy)) / SD(turar joylarining isitiladigan maydoni), bunda:
Qamaldami (uy) — uy boʻyicha umumiy hisobga olish asboblari koʻrsatkichlari boʻyicha aniqlanadigan koʻp kvartirali uyni markaziy isitish ehtiyojlariga hisob-kitob davrida sarflangan issiqlik energiyasi hajmi (Gkal);
Qamaldami (noturar joy) — issiqlik taʼminoti xizmatlari koʻrsatish toʻgʻrisidagi shartnomaga muvofiq hisoblab chiqilgan issiqlik yuklamalari boʻyicha aniqlanadigan koʻp kvartirali uyda noturar joy xonalarni markaziy isitishga hisob-kitob davrida sarflangan issiqlik energiyasining jami hajmi (Gkal). Koʻp kvartirali uydagi noturar joy xonalar boʻyicha hisoblab chiqilgan yuklamalar Yetkazib beruvchilar tomonidan Ijro etuvchilarga beriladi;
SD (turar joy xonalarning isitiladigan maydoni) — koʻp kvartirali uydagi turar joy xonalarining jami isitiladigan maydoni.
119. Koʻp kvartirali uydagi 1-noturar joyning markaziy isitish xizmatlari uchun toʻlovni hisoblash (soʻm) quyidagi formula boʻyicha aniqlanadi
Pi noturar joy mi = qi noturar joy mi x TGkal, bunda:
Pi noturar joy mi — 1-noturar joy xonani markaziy isitish uchun toʻlov (soʻm);
TGkal –qonun hujjatlariga muvofiq tasdiqlangan issiqlik energiyasi tarifi, qoʻshilgan qiymat soligʻi bilan (soʻm/Gkal);
qi noturar joy mi — issiqlik taʼminoti xizmatlari koʻrsatish toʻgʻrisidagi shartnomaga muvofiq 1-noturar joyni isitishga hisoblab chiqilgan issiqlik yuklamasi (Gkal);
120. Issiq suvni individual hisobga olish asbobi bilan jihozlanmagan 1-turar joy xonalarda (kvartiralarda) issiq suv taʼminoti xizmatlari uchun hisoblangan toʻlov quyidagi formula boʻyicha amalga oshiriladi:
Pi turar joy xona ist = (qturar joy issiq suv taʼminoti x Tist x Kaholi) x №kishi i, bunda:
Pi turar joy xona ist — turar joy xonasida issiq suv taʼminoti xizmatlari uchun toʻlov (soʻm);
Tist — qonun hujjatlariga muvofiq tasdiqlangan aholi uchun issiq suv taʼminoti xizmati tarifi (soʻm/kub.m);
Kkishi — issiq suvni individual hisobga olish asbobi mavjud boʻlmaganda qoʻllanadigan 1,5 ga teng koeffitsiyent;
№ i kishi — koʻp kvartirali uydagi i-turar joy xonalarida issiq suv taʼminoti xizmatlaridan foydalanuvchi kishilar soni;
qturar joy issiqlik taʼminoti (it) — issiq suvni individual hisobga olish asboblari bilan jihozlanmagan turar joy xonalarida hisobot davrida 1 kishi hisobiga issiq suv sarfi (kub.m/kishi), u quyidagi formula boʻyicha aniqlanadi:
Qamaldaist (uy) — koʻp kvartirali uyda hisobot davrida sarflangan issiq suv hajmi, u uy boʻyicha umumiy hisobga olish asboblari koʻrsatkichlari boʻyicha aniqlanadi (kub.m);
Qamaldaturar joy it (IHOP bilan) — koʻp kvartirali uydagi turar joy xonalarida issiq suvni individual hisobga olish asbobi bilan jihozlangan hisobot davrida sarflangan issiq suvning jami hajmi (kub.m);
Qamaldanoturar joy it (IHOP bilan) — issiq suvni individual hisobga olish asboblari koʻrsatkichlari bilan aniqlanadigan koʻp kvartirali uydagi noturar joyda issiq suvni individual hisobga olish asboblari bilan jihozlangan hisobot davrida sarflangan issiq suvning jami hajmi, (kub.m);
№uy (kishi) — issiq suvni individual hisobga olish asboblari bilan jihozlanmagan koʻp kvartirali uydagi turar joy xonalarida issiq suv taʼminoti xizmatlaridan foydalanuvchi odamlarning jami soni.
121. Issiq suvni individual hisobga olish asboblari bilan jihozlangan i-turar joy xonalarda (kvartiralarda) issiq suv taʼminoti xizmatlari uchun toʻlovni hisoblash quyidagi formula boʻyicha amalga oshiriladi:
Pist i = qamalda ist x Tist, bunda:
qamaldaist i — individual hisobga olish asbobi koʻrsatkichlari boʻyicha aniqlangan hisobot davri uchun issiq suv sarfi (kub.m);
Tist — aholi uchun issiq suv taʼminoti xizmatiga tasdiqlangan tarif (soʻm/kub.m).
122. Issiq suvni individual hisobga olish asbobi bilan jihozlangan i noturar joyda issiq suv taʼminoti xizmatlari uchun toʻlovni hisoblash quyidagi formula boʻyicha amalga oshiriladi:
Piist = qamaldaiist x Tist, bunda:
qamaldai ist — individual hisobga olish asbobi koʻrsatkichlari boʻyicha aniqlangan hisobot davri uchun issiq suv sarfi (kub. m);
Tist –issiq suv taʼminoti xizmatiga tasdiqlangan tarif, qoʻshilgan qiymat soligʻi bilan (soʻm/kub.m) .
XII. Belgilangan davomiylikdan oshuvchi tanaffuslar bilan yetkazib berishda issiqlik taʼminoti xizmatlari uchun toʻlov miqdorini oʻzgartirish tartibi
123. Zarur sifatga ega boʻlmagan va (yoki) belgilangan davomiylikdan ortiq boʻlgan tanaffuslar bilan issiqlik energiyasi yetkazib berishda Isteʼmolchilar tomonidan issiqlik energiyasi uchun toʻlov miqdori ushbu Qoidalarga ilovaga muvofiq qayta hisob-kitob qilinadi.
Agar issiqlik taʼminoti xizmatlari koʻrsatishdagi tanaffus fuqarolarning hayoti, sogʻligʻiga xavfni bartaraf etish, mol-mulkka zarar yetkazishning oldini olish yoki yengib boʻlmaydigan kuch oqibati bilan bogʻliq boʻlsa, toʻlov miqdorini qayta hisob-kitob qilishga yoʻl qoʻyilmaydi.
124. Issiqlik energiyasi yetkazib berishdagi tanaffuslarda yoki belgilangan davomiylikdan ortiq boʻlgan issiqlik taʼminoti xizmatlari koʻrsatilganda, shuningdek oldini olish ishlarini bajarishda umumiy yoki individual hisobga olish asboblari mavjud boʻlmaganda issiqlik energiyasi uchun toʻlov yetkazib berilmagan issiqlik energiyasi miqdoriga kamaytiriladi.
125. Yetkazib berilmagan issiqlik energiyasining hajmi issiqlik energiyasi isteʼmoli meʼyoridan, isteʼmolchilarning sonidan yoki turar joy xonalarining isitiladigan maydonidan, shuningdek issiqlik energiyasi yetkazib berilmaganligi vaqtidan kelib chiqqan holda hisoblab chiqiladi.
XIII. Issiqlik energiyasi yetkazib berilmaganligi va zarur sifatga ega boʻlmagan issiqlik energiyasi yetkazib berilganligi holatini aniqlash tartibi
126. Issiqlik energiyasi yetkazib berilmagan, shuningdek zarur sifatga ega boʻlmagan issiqlik energiyasi yetkazib berilgan taqdirda Isteʼmolchi Yetkazib beruvchini va Ijro etuvchini xabardor qiladi.
127. Issiqlik energiyasi yetkazib berilmaganligi yoki zarur sifatga ega boʻlmagan issiqlik energiyasi yetkazib berilganligi toʻgʻrisidagi xabar Isteʼmolchi tomonidan yozma shaklda yoki ogʻzaki (shu jumladan telefon orqali) berilishi mumkin va Yetkazib beruvchi (Ijro etuvchi) tomonidan albatta roʻyxatdan oʻtkazilishi kerak. Bunda Isteʼmolchi oʻz familiyasi, ismi va otasining ismini, aniq yashash manzilini, shuningdek yetkazib berilmagan issiqlik energiyasi turini (isitish, issiq suv taʼminoti) yoki zarur sifatga ega boʻlmagan issiqlik energiyasi yetkazib berilganligini maʼlum qilishi shart. Yetkazib beruvchi (Ijro etuvchi) Isteʼmolchiga buyurtmanomani olgan shaxs toʻgʻrisidagi maʼlumotlarni (familiyasi, ismi va otasining ismini), buyurtmanomani roʻyxatdan oʻtkazish raqamini va uni qabul qilish vaqtini xabar qilishi shart.
128. Agar issiqlik energiyasi yetkazib berilmaganligi yoki zarur sifatga ega boʻlmagan issiqlik energiyasi yetkazib berilganligining sabablari maʼlum boʻlsa, Yetkazib beruvchi (Ijro etuvchi) bu haqda darhol (Isteʼmolchiga) xabar berishi va buyurtmalarni roʻyxatdan oʻtkazish daftarida tegishli yozuvni qayd etishi shart. Ushbu belgi issiqlik energiyasi yetkazib berilmaganligi yoki zarur sifatga ega boʻlmagan issiqlik energiyasi yetkazib berilganligi holati Yetkazib beruvchi (Ijro etuvchi) tomonidan eʼtirof etilishi uchun asos hisoblanadi.
129. Agar issiqlik energiyasi yetkazib berilmaganligi yoki zarur sifatga ega boʻlmagan issiqlik energiyasi yetkazib berilganligi sabablari Yetkazib beruvchiga (Ijro etuvchiga) maʼlum boʻlmasa, Yetkazib beruvchi (Ijro etuvchi) koʻrsatib oʻtilgan holatlarni aniqlashning va issiqlik energiyasi sifatini tekshirishning aniq vaqti va sanasini Isteʼmolchi bilan kelishishi shart. Tekshirish natijalari boʻyicha dalolatnoma tuziladi. Dalolatnoma Isteʼmolchi (yoki uning vakili), Yetkazib beruvchi (yoki uning vakili), Ijro etuvchi (yoki uning vakili) tomonidan imzolanadi.
130. Agar Isteʼmolchi (yoki uning vakili), Yetkazib beruvchi (yoki uning vakili), Ijro etuvchi (yoki uning vakili) issiqlik energiyasi sifatiga yoki issiqlik taʼminoti koʻrsatilishiga nisbatan yagona qarorga kelmasalar, u holda ular tomonidan issiqlik energiyasi sifatini baholashning yangi vaqti va sanasi belgilanadi, unga mahalliy davlat hokimiyati organi, standartlashtirish organlari, isteʼmolchilarning huquqlarini himoya qilish boʻyicha jamoat tashkilotlari, vakolatli davlat organlari vakillari hamda Yetkazib beruvchi va Ijro etuvchining vakillari taklif etiladi.
Issiqlik energiyasining sifatini takroran baholash natijalari boʻyicha issiqlik energiyasi yetkazib berilmaganligi yoki zarur sifatga ega boʻlmagan issiqlik energiyasi yetkazib berilganligi toʻgʻrisida dalolatnoma tuziladi. Dalolatnoma Isteʼmolchi (yoki uning vakili), Yetkazib beruvchi (yoki uning vakili), Ijro etuvchi (yoki uning vakili) tomonidan imzolanadi. Koʻrsatib oʻtilgan shaxslar bilan birgalikda dalolatnomani mahalliy davlat hokimiyati organi, fuqarolarning oʻzini oʻzi boshqarish organlari vakillari imzolashi mumkin.
131. Issiqlik energiyasi yetkazib berilmaganligi yoki zarur sifatga ega boʻlmagan issiqlik energiyasi yetkazib berilganligi toʻgʻrisidagi dalolatnomada sifat parametrlari buzilishi, issiqlik energiyasini yetkazib berish toʻxtatilishi boshlanishining yoki zarur sifatga ega boʻlmagan issiqlik energiyasi yetkazib berilganligining vaqti va sanasi koʻrsatiladi.
132. Issiqlik energiyasi yetkazib berilmaganligi yoki zarur sifatga ega boʻlmagan issiqlik energiyasi yetkazib berilganligi toʻgʻrisidagi dalolatnoma issiqlik taʼminoti boʻyicha xizmatlar uchun toʻlov miqdorini qayta hisob-kitob qilish uchun asos hisoblanadi.
133. Yetkazib beruvchi yoki Ijro etuvchi yoki uchinchi shaxslar tomonidan Isteʼmolchining yoki u bilan birga yashaydigan shaxslarning hayoti, sogʻligʻi va (yoki) mol-mulkiga, koʻp kvartirali uydagi xonalarning mulkdorlari umumiy mulkiga zarar yetkazilgan taqdirda Yetkazib beruvchi (yoki uning vakili), Ijro etuvchi (yoki uning vakili) va Isteʼmolchi (yoki uning vakili) dalolatnoma tuzadilar va uni imzolaydilar. Dalolatnomada bunday zarar yetkazilganligi holati qayd etiladi. Mazkur dalolatnoma Isteʼmolchi murojaat qilgan paytdan boshlab 12 soatdan kechikmay Yetkazib beruvchi (Ijro etuvchi) tomonidan tuzilishi va tegishli ravishda uning vakolatli vakili tomonidan imzolanishi kerak. Dalolatnomani Isteʼmolchi (yoki uning vakili) tomonidan imzolash imkoniyati boʻlmagan taqdirda u fuqarolarning oʻzini oʻzi boshqarish organining vakillari tomonidan imzolanishi kerak.
134. Issiqlik energiyasi yetkazib berilmaganligi yoki zarur sifatga ega boʻlmagan issiqlik energiyasi yetkazib berilganligi toʻgʻrisidagi dalolatnoma yoki Isteʼmolchiga (yoki u bilan birga yashaydigan shaxslarning) hayoti, sogʻligʻi va mol-mulkiga, koʻp kvartirali uydagi xonalarning mulkdorlari umumiy mol-mulkiga zarar yetkazilganligi toʻgʻrisidagi dalolatnoma 2 nusxada tuziladi, ulardan biri Isteʼmolchiga (yoki uning vakiliga) beriladi, ikkinchi nusxasi — tegishli ravishda Yetkazib beruvchida (Ijro etuvchida) qoladi.
135. Zarur sifatga ega boʻlmagan issiqlik energiyasi yetkazib berish davri:
a) issiqlik energiyasi yetkazib berish yoki issiqlik taʼminoti xizmatlari koʻrsatishdagi kamchiliklarni bartaraf etish toʻgʻrisidagi dalolatnoma Isteʼmolchi (yoki uning vakili) tomonidan imzolangan paytdan (kundan) boshlab:
b) hisobga olish asbobida qayd etilgan zarur sifatga ega boʻlgan issiqlik energiyasini yetkazib berish tiklangan paytdan boshlab tugallangan hisoblanadi.
136. Amalga oshirilgan qayta hisob-kitob qilish keyingi hisob-kitob davrining isteʼmol qilingan issiqlik energiyasi uchun navbatdagi toʻlov hujjatini yozishda hisobga olinadi.
XIV. Yakunlovchi qoidalar
137. Ushbu Qoidalar talablari buzilishida aybdor boʻlgan shaxslar qonun hujjatlariga muvofiq javob beradilar.
138. Tomonlar oʻrtasida yuzaga keladigan barcha nizolar va kelishmovchiliklar muzokaralar olib borish yoʻli bilan hal etiladi. Tomonlarning muzokaralar olib borishi yoʻli bilan hal etilmagan barcha nizolar va kelishmovchiliklar qonun hujjatlarida belgilangan tartibda hal etiladi.
Koʻp kvartirali uylarda issiqlik taʼminoti xizmatlari koʻrsatish qoidalariga
ILOVA
ILOVA
Issiqlik taʼminoti xizmatlari sifatiga qoʻyiladigan
TALABLAR
|
Talabning turi |
Xizmatlar koʻrsatishda tanaffuslarning yoʻl qoʻyiladigan davomiyligi va ularning sifatida yoʻl qoʻyiladigan chetga chiqishlar |
Zarur sifatga ega boʻlmagan va (yoki) belgilangan davomiylikdan ortiq tanaffuslar bilan xizmatlar koʻrsatishda xizmatlar uchun toʻlov miqdori oʻzgarishining shartlari va tartibi |
|
I. Issiq suv taʼminoti | ||
|
1. Issiqlik taʼminoti shartnomasiga muvofiq yil mobaynida yoki faqat isitish mavsumida xizmatlar koʻrsatilganda kecha-kunduz, uzluksiz issiq suv bilan taʼminlash. |
Issiq suv berishda tanaffusning yoʻl qoʻyiladigan davomiyligi: boshi berk magistralda avariya yuz berganda — uzluksiz 24 soat; |
Issiq suv berishda tanaffusning yoʻl qoʻyiladigan davomiyligi oshishining har bir soati uchun Yetkazib beruvchi tomonidan issiq suv taʼminoti uchun qoʻshimcha toʻlov hisoblanmaydi. |
|
2. Oʻzbekiston Respublikasi sharoitlarida issiq suv taʼminotining markaziy tizimlarini nazorat qilishning sanitariya qoidalari talablariga muvofiq suv olish nuqtasida issiq suv haroratining 50-75°Sga muvofiq boʻlishini taʼminlash. |
Suv olish nuqtasida issiq suv haroratining yoʻl qoʻyiladigan chetga chiqishi (elevator bogʻlamasi):
tungi vaqtda (soat 0:00 dan soat 05:00 gacha) — 5°Sdan ortiq emas;
kunduzgi vaqtda (soat 05:00 dan soat 00:00 gacha) — 3°Sdan ortiq emas**. |
Issiq suv haroratining yoʻl qoʻyiladigan chetga chiqishlaridan har bir 3°S orqaga qaytish uchun koʻrsatib oʻtilgan chekinish yuz bergan hisob-kitob davri uchun issiq suv taʼminoti xizmati uchun toʻlov miqdori ushbu Qoidalarga muvofiq bunday hisob-kitob davri uchun belgilangan toʻlov miqdorining 0,1 foiziga, yoʻl qoʻyiladigan chetga chiqishlardan chekinishning har bir soati uchun ushbu Qoidalarning IX-XI boʻlimlari hisobga olingan holda hisob-kitob davri mobaynida jamlangan holda pasayadi. Suv olish nuqtasida harorat 40°Sdan past boʻlgan issiq suv berilishining har bir soati uchun hisob-kitob davri davomida jami isteʼmol qilingan suv uchun toʻlov ichimlik suv taʼminoti xizmatlari uchun isteʼmolchilarning tegishli guruhlari uchun tarif boʻyicha amalga oshiriladi. |
|
3. Xoʻjalik-ichish ehtiyojlari uchun beriladigan issiq suv sifati Oʼz DSt 950:2011 “Ichimlik suv”ga muvofiq boʻlishi kerak. |
Issiq suv tarkibi va xossalarining Oʼz DSt 950:2011 “Ichimlik suv” talablaridan chetga chiqishiga yoʻl qoʻyilmaydi. |
Issiq suvning tarkibi va xossalari ushbu Qoidalarga muvofiq hisob-kitob davri uchun belgilangan xizmat uchun toʻlov miqdori zarur sifatga ega boʻlmagan issiq suv taʼminoti xizmatlari koʻrsatilgan har bir kun uchun jamlab hisoblab chiqilgan toʻlov miqdoriga pasaytiriladi (hisobga olish asboblarining koʻrsatkichlaridan qatʼi nazar). |
|
4. Suv olish nuqtasida issiq suv taʼminoti tizimidagi bosim (elevator bogʻlamasi) 0,03 MPa (0,3 kgs/kv. sm) dan 0,45 MPa (4,5 kgs/kv. sm)gacha*. |
Issiq suv taʼminoti tizimida bosimdan chetga chiqishga yoʻl qoʻyilmaydi. |
Bosimdan chetga chiqish yuz bergan hisob-kitob davri mobaynida jami issiq suv berilishining har bir soati uchun: belgilanganidan 25 foizdan ortiq farqlanadigan bosimda ushbu Qoidalarning IX boʻlimiga muvofiq, hisob-kitob davri uchun belgilangan issiq suv taʼminoti xizmatiga toʻlov miqdori zarur sifatga ega boʻlmagan issiq suv taʼminoti xizmatlari koʻrsatilgan har bir kun uchun jamlab hisoblab chiqilgan toʻlov miqdoriga kamayadi (hisobga olish asboblarining koʻrsatkichlaridan qatʼi nazar). |
|
II. Isitish | ||
|
5. Isitish davri mobaynida kecha-kunduz uzluksiz isitish*** |
Isitishda yoʻl qoʻyiladigan tanaffusning davomiyligi: 1 oy mobaynida 24 soatdan ortiq emas (jamlangan holda). |
Koʻrsatib oʻtilgan oshish yuz bergan hisob-kitob davri uchun jamlab hisoblab chiqilgan isitishning yoʻl qoʻyiladigan tanaffusi davom etishi oshishining har bir soati uchun bunday hisob-kitob davri uchun xizmatga toʻlov miqdori ushbu Qoidalarning IX—XI boʻlimlariga muvofiq, bunday hisob-kitob davri uchun belgilangan toʻlov miqdorining 0,15 foiziga kamayadi. |
|
6.Isitish davrida turar joy xonalari havosining normativ harorati kamida 20°S boʻlishini belgilangan tartibda taʼminlash, xonalarda issiqlikni saqlash tadbirlari (derazalar, balkonlar va kirish eshiklarining dahlizlarini zichlashtirish). |
Sutkaning tungi vaqtida (soat 22:00 dan soat 06:00 gacha) normativ haroratning yoʻl qoʻyiladigan pasayishi — 3°Cdan ortiq emas;
kunduzi (soat 05:00 dan soat 0:00 gacha) turar joy xonasida havo haroratining pasayishiga yoʻl qoʻyilmaydi. |
Koʻrsatib oʻtilgan chetga chiqish yoʻl qoʻyilgan hisob-kitob davri mobaynida turar joy xonasida jamlangan holda havo haroratidan chetga chiqilgan har bir soat uchun bunday hisob-kitob davri uchun kommunal xizmatga toʻlov miqdori ushbu Qoidalarning IX-XI boʻlimlariga muvofiq, bunday hisob-kitob davri uchun belgilangan haroratdan chetga chiqishning har bir darajasi uchun toʻlov miqdorining 0,15 foiziga kamayadi. |
* Issiq suv taʼminoti tizimlarida bosimni oʻlchashni suv olish nuqtasida (elevator bogʻlamasi) ertalabki maksimum (soat 7.00 dan soat 9.00gacha) yoki kechki maksimum (soat 19.00 dan soat 22.00gacha) soatlarida amalga oshirish kerak.
** Issiq suv haroratini aniqlashdan oldin suv olish nuqtasida (elevator bogʻlamasi) 3 minutdan ortiq boʻlmagan vaqt mobaynida suv oqizib yuboriladi.
*** Koʻrsatib oʻtilgan talablar tashqi havoning harorati xonalarni issiq saqlash tadbirlari bajarilishi sharti bilan isitish tizimini loyihalashtirishda qabul qilingan hisoblab chiqilgan haroratdan past boʻlmaganda qoʻllanadi.
***** Turar joy xonalarida havo haroratini oʻlchash 1 metrdan kam boʻlmagan balandlikda xonada (bir necha xonalar mavjud boʻlganda — maydoniga koʻra eng katta boʻlgan turar joy xonada), tashqi devorning ichki yuzasidan va isitadigan elementdan 0,5 m uzoqlikdagi yuzalar markazida va xonaning markazida (xona diagonal chiziqlarining kesishish nuqtasida) amalga oshiriladi. Bunda oʻlchov asboblari tegishli standartlar talablariga muvofiq boʻlishi kerak.
Vazirlar Mahkamasining 2014-yil 15-iyuldagi 194-son qaroriga
2-ILOVA
2-ILOVA
Isteʼmolchilarga suv taʼminoti va oqova suvni chiqarish xizmatlari koʻrsatish
QOIDALARI
I.Umumiy qoidalar
Oldingi tahrirga qarang.
1. Mazkur Qoidalar ichimlik suv taʼminoti va oqova suvni chiqarish markazlashtirilgan tizimlaridan foydalanish sohasida suv quvurlari — kanalizatsiya xoʻjaligi tashkilotlari (keyingi oʻrinlarda ISKX tashkiloti deb ataladi) bilan isteʼmolchilar oʻrtasidagi oʻzaro munosabatlarni belgilaydi.
(1-band Oʻzbekiston Respublikasi Vazirlar Mahkamasining 2018-yil 23-noyabrdagi 950-sonli qarori tahririda — Qonun hujjatlari maʼlumotlari milliy bazasi, 23.11.2018-y., 09/18/950/2216-son)
2. Ushbu Qoidalarda quyidagi tushunchalar qoʻllanadi:
avariya — markazlashgan kommunal suv taʼminoti yoki oqova suvni chiqarish tizimlari, alohida inshootlar, uskunalar, qurilmalarning shikastlanishi yoki ishdan chiqishi natijasida suv taʼminoti va oqova suvlarni chiqarib yuborishning toʻxtashiga yoxud ular hajmining kamayishiga, shuningdek ichimlik suv sifatining pasayishiga olib kelgan holatlar;
suv isteʼmoli va oqova suvni chiqarish balansi — barcha suv taʼminoti manbalaridan amalda olingan suv hajmi bilan oqova suvlarni chiqarish hajmlari oʻrtasidagi nisbat;
maishiy oqova suvlar — inson hayot faoliyati (taom tayyorlash, hojat, kir yuvish va hokazo) jarayonida yuzaga keladigan barcha oqova suv turlari;
suv isteʼmoli — isteʼmolchi (subisteʼmolchi) tomonidan oʻzining shaxsiy, kommunal-maishiy ehtiyojlarini qondirishi, shuningdek ishlab chiqarishda texnologik ehtiyojlarni qondirish maqsadida ichimlik suvdan foydalanish holatlari;
suv taʼminoti — ichimlik va texnologik suvni olish, tayyorlash, uzatish va isteʼmolchi(subisteʼmolchi)ga yetkazishni taʼminlaydigan texnologik jarayon;
oqova suvni chiqarish — isteʼmolchi(subisteʼmolchi)lardan oqova suvlarni qabul qilib olish, keyinchalik uni kanalizatsiya tozalash inshootlariga uzatishni taʼminlaydigan texnologik jarayon;
ichimlik suv va kanalizatsiya tarmogʻi — ichimlik suvlarni toʻplash, ular bilan taʼminlash va oqova suvlarni chiqarish uchun moʻljallangan quvurlar, kollektorlar, kanallar va inshootlar tizimi;
isteʼmol qilinadigan ichimlik suv hisobini olib borish bogʻlanmasi (suv oʻlchash bogʻlanmasi) — isteʼmol qilinadigan (olinadigan) ichimlik suv va chiqarib yuboriladigan (qabul qilinadigan) oqova suv hajmini oʻlchashni taʼminlaydigan asbob va qurilmalar majmui;
foydalanish uchun javobgarlik chegarasi — tomonlarning kelishuvi bilan belgilanadigan suv taʼminoti va (yoki) kanalizatsiya tizimlari (suv quvuri va kanalizatsiya tarmoqlari hamda ulardagi inshootlar) elementlarini suv taʼminoti va (yoki) kanalizatsiya tizimlaridan foydalanish yuzasidan majburiyatlar (javobgarlik) belgilariga koʻra chegaralash chizigʻi;
buyurtmachi — isteʼmolchi yoki subisteʼmolchi boʻlish niyatidagi yuridik yoki jismoniy shaxs;
aloqa vositalari — ISKX tashkiloti bilan isteʼmolchi oʻrtasidagi aloqa vositalari ISKX tashkiloti tomonidan shakllantirilib, qoʻllab turiladi, ular jumlasiga telefon, faks, elektron pochta, internet sayt (ISKX tashkilotining veb-sayti, kommunal sohaning ixtisoslashtirilgan saytlari, mahalliy davlat hokimiyati organlarining saytlari), shuningdek isteʼmolchini zarur maʼlumotlar bilan taʼminlab turuvchi, uning uchun qulay va imkoniyati darajasidagi aloqa va oʻzaro munosabatlarning boshqa shakllari;
kanalizatsiya nazorat qudugʻi — isteʼmolchining oqova suvlarini hisobga olish va ulardan namunalar olishga moʻljallangan quduq yoki isteʼmolchining kanalizatsiya tizimidagi kanalizatsiya tarmogʻiga ulanadigan joydan oldingi oxirgi quduq;
kommunal-ekologik normativ — isteʼmolchilar va subisteʼmolchilar uchun suv oqizishning yoʻl qoʻyiladigan cheklangan miqdorlarini tartibga soladigan hujjat;
suv isteʼmoli limiti — ISKX tashkiloti tomonidan “Suv va suvdan foydalanish toʻgʻrisida”gi Oʻzbekiston Respublikasi Qonuniga muvofiq isteʼmolchiga har sutkada beriladigan suv hajmining cheklangan miqdori;
lokal tozalash inshootlari — isteʼmolchi (subisteʼmolchi)ning oqova suvlarini kommunal kanalizatsiya tizimiga oqizishdan (qabul qilishdan) oldin ularni tozalash uchun moʻljallangan inshootlar va qurilmalar;
ruxsat etilmagan oqova suvni oqizish — kanalizatsiya tizimida avariya holatini yuzaga keltiradigan yoki keltirishi mumkin boʻlgan, zarar yetkazadigan, ushbu tizimning normal ishlab turishini buzadigan va atrof muhitni ifloslantirishga olib keladigan oqizilishi taqiqlangan oqova suvlar va ifloslantiruvchi moddalar;
suv quvuri-kanalizatsiya xoʻjaligi (ISKX) tashkiloti — kommunal suv taʼminoti tizimidan suv bilan taʼminlashni va (yoki) kommunal kanalizatsiya tizimiga oqova suvlarni qabul qilishni amalga oshiruvchi hamda ushbu tizimlardan foydalanuvchi tashkilot;
isteʼmolchi — ISKX tashkiloti bilan suv olish va (yoki) oqova suvlarni oqizib yuborish xizmatlari olish yuzasidan belgilangan tartibda shartnoma tuzgan yuridik va jismoniy shaxslar. Shuningdek, xoʻjalik yurituvida va (yoki) operativ boshqaruvida uy-joy fondi hamda muhandislik infratuzilmasi obyektlari boʻlgan tashkilotlar va davlat (idoraviy) uy-joy fondida joylashgan jismoniy shaxslarga kommunal xizmatlar koʻrsatishga vakolati boʻlgan tashkilotlar;
kanalizatsiya tarmogʻiga oqiziladigan oqova suvning cheklangan hajmi (YQCHH) — nazorat punktida suv sifati meʼyorlarini taʼminlash maqsadida belgilangan vaqt, rejimda, maʼlum bir joydan, maksimal oqizilishi mumkin boʻlgan ishlab chiqarish oqova suvidagi modda massasi. Suvdan foydalanish joylarida moddalar konsentratsiyasining ruxsat etilgan darajasi, suv obyektining assimilyatsiyalashuvi imkoniyatlari hamda isteʼmolchilar tomonidan tashlanayotgan moddalarning maqbul taqsimlanishi kabi holatlardan kelib chiqqan holda belgilanadi;
ichimlik suv — belgilangan sanitariya normalari va normativ hujjatlarning talablariga javob beradigan, isteʼmolchi (subisteʼmolchi)larning ichimlik suvga va kommunal-maishiy ehtiyojlari talablariga javob beradigan, yongʻinlarni oʻchirish, shuningdek ichimlik suvni ishlatish zarur boʻlgan texnologik va ishlab chiqarish jarayonlari uchun moʻljallangan suv;
suv oʻtkazish imkoniyati — ichimlik suv (kanalizatsiya) ulanmasining muayyan vaqt ichida belgilangan rejimda suvning (oqova suvning) hisobli miqdorini oʻtkazish (oqizish) imkoniyati;
ishlab chiqarish oqova suvlari — barcha guruhdagi isteʼmolchilarining biror-bir mahsulot ishlab chiqarishi yoki xizmat koʻrsatishi, ishlab chiqarish faoliyatini yuritishi jarayonida hosil boʻladigan ishlab chiqarish oqova suvlari;
texnik shartlar — markazlashtirilgan kommunal ichimlik suvi va oqova suv tarmoqlariga ulanish uchun ISXK tashkiloti tomonidan qonunchilikka muvofiq beriladigan ruxsatnoma;
loyiha — markazlashtirilgan kommunal ichimlik suv va oqova suv tarmoqlariga ulanish uchun beriladigan texnik shartlarga muvofiq ishlab chiqilgan loyiha hujjatlari;
Oldingi tahrirga qarang.
suvni hisobga olish asboblarini roʻyxatdan oʻtkazish — ushbu asbob oʻrnatilganligi toʻgʻrisidagi ikki tomonlama tasdiqlangan dalolatnoma asosida suv oʻlchash boʻgʻiniga nazorat plombalarini oʻrnatish;
(2-bandning yigirma oltinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
markazlashtirilgan kommunal suv taʼminoti yoki kanalizatsiya tizimlariga oʻzboshimchalik bilan ulanish — jismoniy va (yoki) yuridik shaxslarning texnik shartlarsiz yoxud texnik shartlarni bajarmasdan yoki ularni buzgan holda ichimlik suv va oqova suv tarmoqlariga ulanib olishi;
oʻzboshimchalik bilan foydalanish — suv taʼminoti va kanalizatsiya tizimlaridan suv berish (olish) va oqova suvlarni qabul qilish (oqizish) yuzasidan tuzilgan shartnomasiz foydalanish, shuningdek isteʼmolchi (subisteʼmolchi) tomonidan shartnoma shartlarini buzgan holda foydalanish;
oqova suvlar tarkibi — ifloslantiruvchi moddalar va ularning konsentratsiyasini oʻz ichiga oluvchi oqova suvlar tavsifi;
oqova suvlarni meʼyordan ortiqcha oqizish — suvni chiqarib yuborishning hajm va tarkib boʻyicha meʼyorlari bilan belgilangan OYQCHM (oqizishning yoʻl qoʻyiladigan cheklangan miqdori)dan ortiqcha oqova suvlar va ifloslantiruvchi moddalarning chiqarilishi;
suvning limitdan ortiqcha isteʼmoli — isteʼmolchi (subisteʼmolchi)ning maishiy va kommunal-xoʻjalik ehtiyojlari uchun belgilangan limitdan tashqari foydalangan suv taʼminotiga koʻrsatiladigan xizmatlar hajmi;
ixtisoslashgan isteʼmolchi — texnologik va ishlab chiqarish jarayonida ichimlik suvdan foydalanishni talab etadigan isteʼmolchi;
suvni hisobga olish asbobi yoki suv hisoblagich — yuborilgan ichimlik suvni oʻlchash uchun moʻljallangan, meʼyoriy metrologik tavsifga ega boʻlgan, oʻlchovi muayyan vaqt mobaynida oʻzgarmas deb qabul qilingan (belgilangan nuqson chegaralari doirasida) fizik oʻlcham birligini hosil qiladigan va saqlaydigan, tijorat hisobi uchun foydalanishga ruxsat etilgan texnik vosita;
subisteʼmolchi — isteʼmolchi bilan suv tarmogʻidan foydalanishga va oqova suvlarni chiqarib tashlashga shartnomasi mavjud boʻlgan, suv taʼminoti tashkilotining roziligi bilan isteʼmolchining ichimlik suv-kanalizatsiya tarmoqlariga bevosita ulanib olgan yuridik yoki jismoniy shaxs;
texnik suv — ishlab chiqarish texnologiyasiga rioya etishni talab qiladigan, ichish uchun moʻljallanmagan suv;
koʻchadan suv olish qurilmasi — ichimlik suvni bevosita suv quvuri tarmogʻidan ajratib oladigan qurilma;
markaziy kommunal suv taʼminoti va kanalizatsiya tizimiga ulanish moslamasi yoki inshooti — isteʼmolchi tomonidan ichimlik suvni oladigan va (yoki) oqova suvni chiqaradigan markaziy kommunal suv taʼminoti va (yoki) oqova suvni chiqarish moslamasi va inshooti;
markazlashtirilgan kommunal suv taʼminoti tizimi — isteʼmolchilarga ichimlik suvni chiqarish, yigʻish, tayyorlash, tashish va uzatish uchun moʻljallangan aholi punktlaridagi muhandislik inshootlari majmui;
markazlashtirilgan kommunal kanalizatsiya tizimi — choʻkindilarni yigʻish, tozalash, qayta ishlash hamda isteʼmolchilarning oqova suvlarini chiqarish uchun moʻljallangan aholi punktlaridagi muhandislik inshootlari majmui.
3. Mazkur Qoidalar Oʻzbekiston Respublikasining butun hududida amal qiladi va mulkiy va idoraviy mansubligidan qatʼi nazar, barcha ISKX tashkilotlari hamda isteʼmolchilari uchun majburiy hisoblanadi.
4. Favqulodda vaziyatlarda suv taʼminoti tizimlaridan foydalanish tartibi mahalliy davlat hokimiyati organlari tomonidan, ISKX tashkilotlari bilan kelishilgan holda belgilanadi.
Oldingi tahrirga qarang.
5. Suv sifati ISKX tashkilotlarining kimyo-bakteriologiya va kimyo-texnologiya laboratoriyalari tomonidan Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi (keyingi oʻrinlarda — Sanepidqoʻm) bilan hamkorlikda nazorat qilinadi.
(5-band Oʻzbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik maʼlumotlari milliy bazasi, 30.01.2025-y., 09/25/48/0093-son)
6. Kommunal suv taʼminoti tizimlaridagi ichimlik suv isteʼmolchi (subisteʼmolchi)larning isteʼmol va kommunal-maishiy ehtiyojlari, yongʻinlarni oʻchirish, shuningdek ichimlik suvdan foydalanish talab etiladigan texnologik va ishlab chiqarish jarayonlari uchun moʻljallangan.
7. ISKX tashkilotlari tomonidan ichimlik suv bilan taʼminlashning texnik imkoniyatlari mavjud boʻlgan holatlarda, ixtisoslashgan isteʼmolchilar uchun markaziy kommunal suv taʼminoti tizimlaridagi ichimlik suvdan foydalanishga yoʻl qoʻyiladi.
8. Markazlashtirilgan kommunal kanalizatsiya tizimlari isteʼmolchilardan maishiy oqova suvlarni qabul qilib olish, chiqarib yuborish va tozalash uchun moʻljallangan. Kanalizatsiya tizimiga oqizilayotgan ishlab chiqarish oqova suvlarini isteʼmolchilar tomonidan tashlash tartibi Vazirlar Mahkamasining 2010-yil 3-fevraldagi 11-son qarori bilan tasdiqlangan Ishlab chiqarish oqova suvlarini qabul qilish qoidalari hamda ifloslantiruvchi moddalarning Oʻzbekiston Respublikasi shaharlari va boshqa aholi punktlarining kommunal kanalizatsiya tarmoqlariga normativdan ortiqcha oqizilganligi uchun kompensatsiya toʻlovlarini hisoblash tartibida, shuningdek ISKX tashkiloti bilan isteʼmolchi oʻrtasida tuzilgan shartnomada belgilanadi.
9. Mavjud kommunal drenajlar tizimida shahar, aholi punkti va sanoat maydonchalari hududidagi drenaj suvlar va yer usti oqova (shu jumladan yomgʻir) suvlarining kommunal kanalizatsiya tizimiga oqizilishiga yoʻl qoʻyilmaydi.
10. Suv taʼminoti va tashlash tizimlaridan foydalanish va tezkor-texnik boshqarish uchun ISKX tashkilotlari texnik, foydalanish va ijro hujjatlarining, shuningdek xatlov va pasportlashtirish materiallarining doimiy ravishda, komplekt holda saqlanishini taʼminlashi shart.
Oldingi tahrirga qarang.
11. ISKX tashkiloti ichimlik suvi taʼminoti tarmogʻining isteʼmolchiga tegishli hududga kirgan qismiga (koʻp qavatli uylarning kirish qismiga) qadar javobgar boʻladi va mazkur chegaraga qadar xizmatlar koʻrsatadi.
Koʻp kvartirali uyni boshqarish organi ichimlik suvi taʼminoti tarmogʻining koʻp kvartirali uylarga kirgan qismidan to isteʼmolchiga tegishli hududga qadar javobgar boʻladi va unga xizmat koʻrsatilishini taʼminlaydi.
Isteʼmolchilar oʻziga tegishli hududdagi ichimlik suvi taʼminoti tarmogʻi uchun javobgar boʻladi.
ISKX tashkiloti oqova suvlarni chiqarib yuborish tarmogʻining isteʼmolchiga tegishli hududga kirgan qismiga (koʻp qavatli uylarning kirish qismiga) qadar javobgar boʻladi va mazkur chegaraga qadar xizmatlar koʻrsatadi.
Koʻp kvartirali uyni boshqarish organi koʻp kvartirali uyda oqova suvlarni chiqarib yuborish tarmogʻi uchun javobgar boʻladi va unga xizmat koʻrsatilishini taʼminlaydi.
Isteʼmolchilar oʻziga tegishli hududdagi oqova suvlarni chiqarib yuborish tarmogʻi uchun javobgar boʻladi.
Oldingi tahrirga qarang.
Bunda koʻp kvartirali uylarning yuqori qavatlariga ichimlik suvini yetkazib beruvchi va ulardan oqova suvni olib chiqishda foydalanuvchi nasoslar ekspluatatsiyasiga koʻp kvartirali uyni boshqarish organi javobgar boʻladi va xizmatlar koʻrsatadi.
(11-bandning yettinchi xatboshisi Oʻzbekiston Respublikasi Prezidentining 2026-yil 24-iyuldagi PF-140-sonli Farmoni tahririda — Qonunchilik maʼlumotlari milliy bazasi, 28.07.2026-y., 06/26/140/0792-son)
Koʻp kvartirali uydagi koʻp kvartirali uyni boshqarish organi tomonidan qabul qilinmagan va u tomonidan xizmat koʻrsatish belgilanmagan ichimlik suvi taʼminoti va oqova suv chiqarish tarmoqlariga (quvurlari va tizimlari) ushbu boshqaruv organi javobgar hisoblanmaydi.
(11-band Oʻzbekiston Respublikasi Prezidentining 2026-yil 5-fevraldagi PQ-48-sonli qarori tahririda — Qonunchilik maʼlumotlari milliy bazasi, 07.02.2026-y., 07/26/48/0119-son)
12. “Suv va suvdan foydalanish toʻgʻrisida”gi Oʻzbekiston Respublikasi Qonuniga muvofiq ichimlik suvdan oqilona foydalanish maqsadini koʻzlagan holda, isteʼmolchilar (subisteʼmolchilar) uchun suvdan foydalanish limitlari belgilanadi, jismoniy va yuridik shaxslarga ikkilamchi xizmat turlarini koʻrsatuvchi budjet, issiqlik va suv taʼminoti tashkilotlari bundan mustasno.
Kommunal suv taʼminoti tizimidan ichimlik suv isteʼmoli uchun limitlar ISKXning tegishli tashkilotlari tomonidan yiliga bir marta belgilanadi, ularning maxsus buyrugʻi bilan tasdiqlanadi va isteʼmolchilar (subisteʼmolchilar) uchun majburiy hisoblanadi.
13. ISKX tashkiloti:
mahalliy davlat hokimiyati organlarini — belgilangan suv isteʼmoli limitlarining sanoat korxonalari tomonidan buzilish holatlari toʻgʻrisida;
Oldingi tahrirga qarang.
Sanepidqoʻm organlarini — oʻtkir oshqozon-ichak va boshqa infeksiyalar paydo boʻlishi va tarqalishining oldini olish, oʻz vaqtida profilaktika choralari koʻrish maqsadida ichimlik suv va kanalizatsiya magistral tarmoqlaridagi avariya holatlari toʻgʻrisida;
(13-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik maʼlumotlari milliy bazasi, 30.01.2025-y., 09/25/48/0093-son)
Oʻzbekiston Respublikasi Tabiatni muhofaza qilish davlat qoʻmitasi organlarini — sanoat korxonalari tomonidan oqizilayotgan oqova suvlarning ifloslanish darajasi va miqdoriga boʻlgan talablarga rioya etilmayotgani toʻgʻrisida xabardor qilib turadi.
II. ISKX tashkilotlarining isteʼmolchilari guruhlari
14. ISKX tashkiloti isteʼmolchilari quyidagi uch guruhga boʻlinadi:
a) I guruhga — xususiy uy-joylarda va koʻp kvartirali uydagi xonadonlarda yashaydigan jismoniy shaxslar kiradi;
b) II guruhga quyidagilar kiradi:
issiqlik taʼminoti tashkilotlari;
ISKX tashkilotlari;
Oʻzbekiston Respublikasi Mudofaa vazirligi va boshqa tashkilotlarning idoraviy uy-joy fondi va yotoqxonalari;
budjet tashkilotlari;
diniy tashkilotlar;
elchixonalar va diplomatik vakolatxonalar;
fuqarolarning oʻzini oʻzi boshqarish organlari;
xususiy uy-joy egalari shirkatlari;
v) III guruhga I va II guruhga kirmagan boshqa tashkilotlardan iborat boʻladi.
III. Ichimlik suv taʼminoti va (yoki) oqova suvlarni chiqarish xizmatlari koʻrsatish yuzasidan shartnoma
15. Isteʼmolchilarga (subisteʼmolchilarga) suv berish va ulardan oqova suvlarni qabul qilish faqat ISKX tashkiloti bilan isteʼmolchi (subisteʼmolchi) oʻrtasida tuzilgan shartnoma mavjud boʻlgandagina amalga oshiriladi. ISKX tashkiloti bilan isteʼmolchi (subisteʼmolchi) oʻrtasida tuzilgan shartnoma ushbu Qoidalarga muvofiq tuzilgan boʻlishi, tomonlarning barcha huquq, vazifa va majburiyatlarini aks ettirishi kerak.
16. Isteʼmolchi bilan suv taʼminoti xizmatlari yuzasidan shartnoma tuzishda, markaziy kommunal oqova suv tarmogʻiga ulanish holatlari mavjud boʻlsa, majburiy ravishda, oqova suv(kanalizatsiya) xizmatlari uchun ham shartnoma tuziladi.
17. I guruh isteʼmolchisi shartnoma tuzish uchun ISKX tashkilotiga quyidagi hujjatlarni taqdim etishi shart:
turar joy egasi pasportining nusxasi;
mulkka egalik huquqini tasdiqlovchi hujjatlarning nusxalari;
Oldingi tahrirga qarang.
(17-bandning toʻrtinchi xatboshisi Oʻzbekiston Respublikasi Vazirlar Mahkamasining 2018-yil 3-oktabrdagi 789-sonli qaroriga asosan chiqarilgan — Qonun hujjatlari maʼlumotlari milliy bazasi, 04.10.2018-y., 09/18/789/1993-son)
ulanish uchun yangi qurilgan turar joyning loyiha (texnik) hujjati.
Oldingi tahrirga qarang.
Hisobga olish asboblari bilan taʼminlanmagan isteʼmolchilar tomonidan sarflangan suv hajmini aniqlash uchun zarur boʻlgan yashash joyi va turgan joyi boʻyicha istiqomat qiluvchilar soni haqidagi maʼlumotlar ISKX tashkiloti tomonidan isteʼmolchining yashash joyi boʻyicha ichki ishlar organlaridan mustaqil ravishda soʻrab olinadi.
(17-bandning beshinchi xatboshisi Oʻzbekiston Respublikasi Vazirlar Mahkamasining 2026-yil 5-maydagi 224-sonli qarori tahririda — Qonunchilik maʼlumotlari milliy bazasi, 06.05.2026-y., 09/26/224/0457-son)
18. II va III guruh isteʼmolchisi (fuqarolarning oʻzini oʻzi boshqarish organi va xususiy uy-joy mulkdorlari shirkatlaridan tashqari) shartnoma tuzish uchun ISKX tashkilotiga quyidagi hujjatlarni taqdim etishi shart:
isteʼmolchi va subisteʼmolchining bevosita suv taʼminoti va oqova suvni chiqarish tizimlariga ulangan (ulanuvchi) obyektlari koʻrsatilgan buyurtmanoma;
ulanish uchun zarur boʻlgan loyiha (texnik) hujjat;
suv taʼminoti va kanalizatsiya sxemalari;
suv taʼminoti va oqova suv balansi;
loyiha tashkilotlari tomonidan ishlab chiqilgan, isteʼmol qilinadigan va tashlanadigan oqova suvlarning miqdori, sifati tarkibini meʼyoriy asoslovchi hisob hujjati, shuningdek kommunal-ekologik normativlar.
Fuqarolarning oʻzini oʻzi boshqarish organi va xususiy uy-joy mulkdorlari shirkati shartnoma tuzish uchun ISXK tashkilotiga quyidagi hujjatlarni taqdim etishlari shart:
isteʼmolchi va subisteʼmolchining markaziy kommunal suv taʼminoti va oqova tizimlariga bevosita ulangan (ulanadigan) obyektlari koʻrsatilgan buyurtmanoma;
mulkka egalik huquqini tasdiqlovchi hujjatlar nusxalari (mahalliy davlat hokimiyati organlarining qarori, kadastr hujjatlari, ijara shartnomasi).
19. Obyekt egasi avtonom suv taʼminoti (quduq, ochiq suv olish havzasi, irrigatsiya tizimi)ga va (yoki) markaziy kommunal oqova tizimidan boshqa oqova tashlash manbalariga ega boʻlgan holatlarda, ISKX tashkiloti bilan shartnoma tuzish uchun maxsus tabiiy suv obyektlaridan maxsus suv olish yoki isteʼmol qilish uchun ruxsatnomani qoʻshimcha ravishda taqdim etishi zarur.
20. Suv taʼminotining xususiy avtonom manbai (quduq, ochiq suv olish havzasi, irrigatsiya tizimi va h.k.) mavjud boʻlganda kommunal kanalizatsiya tizimiga oqovalarni oqizish hajmi oʻrnatilgan nasosning ishlab chiqarish quvvati yoki oʻrnatilgan va roʻyxatdan oʻtkazilgan hisoblash asbobining koʻrsatkichlari boʻyicha aniqlanadi.
Isteʼmolchiga qarashli boʻlgan avtonom suv taʼminoti manbaining ichki tizimi markaziy suv taʼminoti tizimi bilan tutashmagan boʻlishi kerak.
21. Oqova suvlardagi ifloslanish miqdori va konsentratsiyasining shartnomada belgilangan meʼyorlardan ortishi, yangi ichimlik suv va oqova suv tarmoqlari, inshoot va moslamalarning ishga tushirilishi yoki qayta taʼmirlanishi, yangi subisteʼmolchilarning qoʻshilishi, suv oʻlchash boʻgʻimi yechimi va tarxlarining, suvni hisobga olish asbobining oʻzgartirilishi kabilar faqat ISKX tashkiloti ruxsati bilan, ilgari yoki yangi tuzilgan shartnomaga qoʻshimchalar kiritish, zarur hollarda, yangi texnik shartlar olish yoʻli bilangina amalga oshiriladi.
22. Shartnomada uning predmeti, yaʼni ichimlik suv bilan taʼminlash va (yoki) oqova suvlarni chiqarish (oqizish) koʻrsatilib, quyidagi alohida sharoitlar ham nazarda tutiladi:
ichimlik suvni olish tartibi, shu jumladan oʻt oʻchirish va oqova suvlarni chiqarish holatlarida (II va III guruh isteʼmolchilari uchun);
ichimlik suv sifatiga talablar;
isteʼmolchi ichimlik suv bilan taʼminlanmagan yoki toʻliq taʼminlanmagan holatlarda qayta hisob-kitob qilish;
ichimlik suv taʼminotini va oqova suvlarni chiqarishni toʻxtatish yoki cheklash shartlari;
olingan ichimlik suv va chiqarilgan oqova suvlar hisobi,
toʻlov tartibi, muddatlari, tariflari va shartlari;
tomonlarning suv taʼminoti va kanalizatsiya tarmogʻidan foydalanish boʻyicha javobgarlik chegaralari;
tomonlarning huquq va majburiyatlari;
Oldingi tahrirga qarang.
qarzdorlik kelib chiqqanda I guruh isteʼmolchiga tegishli boʻlgan turar joyda yashash joyi boʻyicha roʻyxatdan oʻtgan voyaga yetgan jismoniy shaxslarning suv taʼminoti va oqova suvni chiqarish xizmatlari uchun toʻlovlar boʻyicha solidar javobgarligi;
(22-bandning oʻninchi xatboshisi Oʻzbekiston Respublikasi Vazirlar Mahkamasining 2026-yil 5-maydagi 224-sonli qarori tahririda — Qonunchilik maʼlumotlari milliy bazasi, 06.05.2026-y., 09/26/224/0457-son)
tomonlardan birining arizasiga koʻra kelishuvga asos boʻlishi mumkin boʻlgan boshqa shartlar;
shartnomani bekor qilish tartibi.
IV. Kommunal suv taʼminoti va oqova suv tarmoqlari tizimiga obyektlarni ulash tartibi
23. Yangi, rekonstruksiya qilinayotgan, qayta ixtisoslashtirilayotgan yoki kengaytirilayotgan obyektlarni (keyingi oʻrinlarda ulanuvchi obyektlar deb ataladi) markaziy suv taʼminoti va kanalizatsiya tizimlariga ulash hamda suv muhofazasiga oid tadbirlarni bajarish uchun II va III guruh isteʼmolchilari (buyurtmachi) ISKX tashkiloti tomonidan ikki kun mobaynida beriladigan texnik shartlarga ega boʻlishi kerak, ular asosida koʻrsatib oʻtilgan isteʼmolchilar normativ-texnik hujjatlarga muvofiq loyiha hujjatlarini ishlab chiqadi.
Texnik talablarni berish imkoniyati mavjud boʻlmagan holatlarda (tizimlarning juda bandligi, muhandislik kommunikatsiyalarining obyekt joylashgan hududda yoʻqligi, joyning noqulay relyefi va boshqa sabablarga koʻra), ISKX tashkiloti 3 kun mobaynida isteʼmolchiga kommunal suv taʼminoti va kanalizatsiya tizimlariga ulanish imkoniyati yoʻqligi haqida, asoslangan, masala yechimiga oid muqobil variantlarni taklif etgan holda, yozma ravishda raddiya taqdim etishi kerak.
ISKX tashkiloti bilan shartnomaviy munosabatlarga ega boʻlgan isteʼmolchi, ISKX tashkiloti ruxsati bilan va u texnik imkoniyatlarni mavjud deb topgan holatlarda, oʻz tasarrufidagi suv taʼminoti va kanalizatsiya tarmoqlariga, inshoot va qurilmalarga subisteʼmolchilarning ulanishiga ruxsat berish huquqiga ega.
Turar joy binolarining yertoʻla qismidan tranzit sifatida oʻtadigan magistral tarmoqlar ISKX tashkiloti tasarrufida boʻladi, uning tomonidan texnik xizmat koʻrsatiladi.
24. Texnik shartlarni olish uchun II va III guruh isteʼmolchilari (buyurtmachi) ISKX tashkilotiga quyidagi hujjatlarni ilova qilgan holda buyurtmanoma topshiradilar:
Oldingi tahrirga qarang.
hududiy qurilish boʻlimlari tomonidan berilgan, obyektning aholi yashash joyi hududiga nisbatan joylashishi aks ettirilgan vaziyat rejasi;
(24-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 14-iyundagi 498-sonli qarori tahririda — Qonun hujjatlari maʼlumotlari milliy bazasi, 20.06.2019-y., 09/19/498/3310-son)
ulanayotgan obyektning suvdan foydalanish turlari boʻyicha koʻrsatkichlari aks ettirilgan (jumladan, oʻt oʻchirishda ham) suvdan foydalanish va oqova suvni chiqarish balansi;
kanalizatsiya tizimiga oqizishga moʻljallangan oqova suvlar tarkibi haqidagi maʼlumot;
imoratning balandligi, qavatlari va qanday maqsadlarda foydalanilishi haqidagi maʼlumotlar;
subisteʼmolchilar haqidagi maʼlumotlar.
yer uchastkasiga egalik qilish huquqini tasdiqlovchi hujjatlarning nusxalari.
25. ISKX tashkiloti, buyurtmanoma va unga tegishli ilovalar topshirilgandan soʻng, 2 ish kuni mobaynida texnik shartlarni isteʼmolchiga bepul taqdim etadi.
26. Sanoat korxonalarining texnik ehtiyojlari uchun (ishlayotgan yoki loyihalashtirilayotgan) boshqa suv manbalaridan foydalanish maqsadga muvofiq deb topilgan holatlarda, isteʼmolchi, oʻz kuch va mablagʻlari hisobiga, lokal (mahalliy) ishlab chiqarish suv tarmogʻini qurishi mumkin.
27. Texnik shartlarda ularning amal qilish muddati, ichimlik suv va kanalizatsiya tizimiga ulanish joyi, ulanish inshooti va uskunalariga nisbatan qoʻyiladigan maxsus texnik talablar, manzil koʻrsatilishi shart.
Bundan tashqari, quyidagi maʼlumotlar koʻrsatiladi:
a) suv taʼminoti boʻyicha:
ulanish joyidagi kafolatlangan erkin bosim;
kelishilgan miqdordagi ichimlik suvni qabul qilish hajmi va suvdan foydalanish tartibi;
ichimlik suvni oʻlchash vositalari va hisoblash joyi (uzeli);
mahalliy shart-sharoitlardan kelib chiqadigan maxsus talablar;
b) oqova suvlarni chiqarish boʻyicha:
suv tashlash normativlari (oqova suvlarni chiqarish tartibi);
oqova suvlardan namuna olish va hisobini yuritish uskunalariga qoʻyiladigan talablar;
ifloslantiruvchi moddalarni chiqarib tashlashning oldini olishga va yoʻl qoʻyiladigan konsentratsiyalar darajasini nazorat qilishga oid talablar;
mahalliy shart-sharoitlardan kelib chiqadigan maxsus talablar.
28. Biriktirilayotgan obyektlarning suv taʼminoti va oqova suvni chiqarish loyihalari berilgan texnik shartlar talablariga muvofiq boʻlishi zarur.
Loyihalash jarayonida yuzaga kelgan texnik talablardan chekinish zaruriyati ISKX tashkiloti bilan qoʻshimcha ravishda kelishiladi.
29. ISKX tashkilotidan olingan ulanishga texnik shartlar asosida loyihalashtirish tashkiloti II yoki III guruh isteʼmolchilari buyurtmasi boʻyicha normalar, qoidalar va boshqa normativ hujjatlarga muvofiq ulanish loyihasini ishlab chiqadi.
ISKX tashkiloti tomonidan berilgan texnik shartlarni bajarish II va III guruh isteʼmolchi (buyurtmachi)lari hamda suv taʼminoti va oqova suvni oqizish loyihalarini ishlab chiquvchi tashkilotlar uchun ham majburiy hisoblanadi.
Barcha loyihalar kelishilishi va ular boʻyicha, belgilangan tartibda davlat ekspertiza organlarining xulosasi olinishi shart.
30. Ishlab chiqilgan loyihani loyiha tashkiloti yoki II va III guruh isteʼmolchi(buyurtmachi)si ikki nusxada ISKX tashkilotiga kelishish uchun topshirishi shart.
31. Markaziy kommunal suv taʼminoti tizimiga ulanish loyihasi topografik surat asosida loyiha tashkiloti tomonidan ishlab chiqilishi va unda quyidagilar mavjud boʻlishi shart:
uchastkaning barcha mavjud va loyihalashtirilayotgan yer osti inshootlari aks ettirilgan, ularning joylashish chuqurligi koʻrsatilgan, 1:500 masshtabdan kam boʻlmagan bosh rejasi;
suv oʻlchash uzellari joylashtirilgan xonaning ichimlik suv tizimlari va qurilmalari bilan 1:50 — 1:100 masshtabda aks ettirilgan rejasi;
ichimlik suv quvurini kiritish va suv oʻlchash uzellari hamda quduq va kameralarining 1:10 — 1:20 masshtabdagi ish chizmalari;
xoʻjalik-maishiy, yongʻin xavfsizligi va ishlab chiqarish-texnik ehtiyojlar uchun maksimal kunlik va soatlik suv sarfi balansi koʻrsatilgan hisob-tushuntirish xati.
32. Markaziy kommunal suv tashlash tizimiga ulanish loyihasi topografik surat asosida loyiha tashkiloti tomonidan ishlab chiqilishi, u quyidagilarni qamrab olgan boʻlishi lozim:
uchastkaning barcha mavjud va loyihalashtirilayotgan yer osti inshootlari aks ettirilgan, ularning joylashish chuqurligi koʻrsatilgan, 1:500 masshtabdan kam boʻlmagan bosh rejasi;
quvurlar diametri, yer yuzasi belgilari koʻrsatilgan, mavjud yoki oʻtkazilishi rejalashtirilayotgan quvurlar, loyihalashtirilayotgan kanalizatsiya liniyalarining yon tomondan koʻrinish kesmasi;
yer osti inshootlari (diametri bilan koʻrsatilgan holda) bilan kesishish nuqtalari va belgilari. Koʻndalang kesmalar vertikal boʻyicha 1:100 masshtabda va gorizontal boʻyicha 1:100dan 1:1000gacha boʻlgan masshtabda taqdim etiladi;
sanoat ishlab chiqarish korxonalari oqovalarini tozalashning loyihalashtirilayotgan lokal tozalash va boshqa kanalizatsiya inshootlarining ish chizmalari;
oqova suvlarning miqdori, tarkibi va ifloslanish darajasi, quvurlarning moʻljallangan diametri va ularning nishabi, shuningdek oqova suvlarning toʻlishi va oqish tezligi koʻrsatilgan hisob-tushuntirish xati.
33. ISKX tashkiloti ulanish uchun kelishuvga taqdim etilgan loyihani, belgilangan tartibda ikki hafta muddatda koʻrib chiqishi shart. Bunda ISKX tashkiloti taqdim etilgan loyihaning ilgari berilgan texnik shart talablariga va ushbu Qoidalarga muvofiq ekanligini tekshirib chiqishi zarur.
34. Loyihalashtirish jarayonida loyihaviy yechimlarga kiritilgan barcha oʻzgarishlar, ulanishga berilgan texnik shartlardan chetga chiqishlar ISKX tashkiloti bilan qoʻshimcha ravishda kelishilishi zarur.
35. Texnik shartlar 2 yil muddatga beriladi. Belgilangan muddat tugagach buyurtmachi (obyektni loyihalashtirish va qurishni boshlash uchun) loyiha muddatini choʻzdirishi yoki yangi texnik shartlarni olishi zarur.
36. Ulanish uchun tasdiqlangan loyihaning bir nusxasi ISKX tashkilotiga topshiriladi. Mazkur nusxadan markaziy suv tarmogʻi va kanalizatsiya tizimlariga ulanish bilan bogʻliq qurilish ishlari borishini texnik nazorat qilishda, suv taʼminoti va kanalizatsiya tizimlariga ulanuvchi qurilma va inshootlarni foydalanishga topshirish va qabul qilishda foydalaniladi. II yoki III guruh isteʼmolchilarining kuch va mablagʻlari hisobiga amalga oshiriladigan ulanish va uni rekonstruksiya qilish boʻyicha barcha ishlar texnik nazoratda boʻladi.
37. Kommunal suv tarmogʻi va oqova suv tarmogʻiga ulash uchun qurilma va inshootlar foydalanishga topshirilishidan oldin isteʼmolchi (buyurtmachi yoki qurilish tashkiloti)dan ISKX tashkiloti vakili tomonidan, ularning berilgan texnik shartlarga muvofiqligini tekshirib qabul qilinishi kerak.
Obyekt ishga tushirilgungacha kommunal suv taʼminoti va oqova suv tarmogʻiga ulanish uchun, isteʼmolchi qurilma va inshootlar ijro hujjatlarining bir nusxasini ISKX tashkilotiga topshiradi.
38. Barcha ichimlik suv va kanalizatsiya tarmoqlari hamda inshootlari foydalanishga topshirilishidan oldin isteʼmolchi (buyurtmachi yoki qurilish tashkiloti) tomonidan majburiy tarzda ISKX tashkilotiga topshirish uchun quyidagi hujjatlar bilan birga taqdim etiladi:
asoslar, poydevorlar, tirgaklar qurish, tuproqni zichlash, izolyatsiyalash va boshqa yashirin ishlar boʻyicha dalolatnomalar;
elektr-kimyo himoyasi boʻyicha hujjatlar toʻplami (zarurat boʻlsa);
agar ular uchun majburiy sertifikatlashtirish nazarda tutilgan boʻlsa, suv taʼminotida (suv chiqarib yuborishda) foydalaniladigan quvurlar, uskunalar, konstruksiyalarga sertifikat va pasportlar yoki ularning oʻrnini bosuvchi hujjatlar;
agar tovar beton ishlatilgan boʻlsa, beton kubiklarining pishiqligini sinash qaydnomalari;
quvurlar va inshootlarning sanitariya ishlovi dalolatnomalari;
kommunikatsiyalar va inshootlarning pishiqligi hamda germetikligi toʻgʻrisida gidravlik sinash dalolatnomasi;
chiqarilish samaradorligi toʻgʻrisida dalolatnomalar;
tegishli tashkilotlar bilan kelishilgan ijro chizmalari;
quvurlarni korroziyadan himoyalash boʻyicha ishlar bajarilganligi toʻgʻrisidagi dalolatnomalar (zarur holatlarda);
loyihalash tashkiloti, buyurtmachi va boshqa manfaatdor tashkilotlar bilan kelishilgan loyihadan chekinishlar qaydnomalari;
qurilish tashkilotining topshirilayotgan obyektga kafolat pasportlari, unda yashirin nuqsonlar uchun qurilish tashkilotining javobgarligi muddati ham koʻrsatiladi;
bajarilgan ishlarni qayd etish daftari;
suv oʻlchash uzelining tayyorligi haqidagi dalolatnoma.
39. Suv quvurlari va kanalizatsiya tarmoqlarini, inshootlar va qurilmalarni vazirliklar va idoralar tashkilotlardan ISKX tashkilotlariga oʻtkazish isteʼmolchi (buyurtmachi) yoki ularga egalik qiluvchi tomonidan, qonunchilikda belgilangan tartibda amalga oshiriladi.
40. Qurib bitkazilgan suv quvurlari, kanalizatsiya tarmoqlari va inshootlarni qabul qilib olish qonunchilikda belgilangan tartibda amalga oshiriladi.
Oldingi tahrirga qarang.
41. Suv taʼminoti tizimiga ulanish uchun suv quvurlari qurilmalari va inshootlari foydalanishga topshirilishidan oldin isteʼmolchi tomonidan tegishli dalolatnomalar tuzilgan holda, ISKX tashkiloti va Sanepidqoʻm hududiy organlari vakillari ishtirokida, suvning sanitariya-gigiyena talablariga javob beradigan tahlillar natijalariga erishgunga qadar yuvilishi hamda dezinfeksiyalanishi (zararsizlantirilishi) zarur (koʻp kvartirali uylardan tashqari). Talablar bajarilmagan taqdirda isteʼmolchi suv taʼminoti tizimiga oʻzboshimchalik bilan ulanib olgan hisoblanadi hamda ISKX tashkiloti abonent isteʼmol qilgan suv miqdorini aniqlash uchun mazkur Qoidalarning 42-bandida koʻrsatilgan formulani qoʻllash huquqiga ega.
(41-band Oʻzbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik maʼlumotlari milliy bazasi, 30.01.2025-y., 09/25/48/0093-son)
42. Ichimlik suv tarmogʻining yuvilishi hamda dezinfeksiyalanishi (zararsizlantirilishi), ISKX tashkilotining vakili ishtirokida, pudratchi yoki qurilish tashkiloti hisobidan amalga oshiriladi. Xarajatlar qurilish qiymatida nazarda tutilgan boʻlishi lozim. Suvni hisobga olish asbobi mavjud boʻlgan taqdirda xarajat suv oʻlchagich boʻyicha aniqlanadi, aks holda yuvish uchun sarflangan suv miqdori quyidagi formula boʻyicha aniqlanadi:
M — 0,60-0,62 ga teng boʻlgan zulfin orqali suv sarfi koeffitsiyenti;
F — suyuqlik oqib oʻtadigan quvur yoki teshik kesimi maydoni (ichki diametr boʻyicha), m2;
g — 9,8 m/sekund2ga teng boʻlgan erkin tushish tezligi;
N — kommunal suv tarmogʻiga ulanish yoki suv olish nuqtasidagi suvning metr hisobidagi bosimi;
t — sekund hisobidagi vaqt.
Yuvishning qancha davom etishi, yuvish ustuni diametri, tarmoqdagi bosim toʻgʻrisidagi maʼlumotlar ISKX tashkiloti va yuvishni amalga oshirayotgan tashkilot vakillari tomonidan tuziladigan dalolatnomaga kiritiladi.
Oldingi tahrirga qarang.
43. Ulanish uchun ichimlik suv tarmogʻi qurilmalari va inshootlarini yuvish toʻgʻrisidagi dalolatnoma ISKX tashkiloti, isteʼmolchi (buyurtmachi yoki qurilish tashkiloti), pudrat tashkiloti va Sanepidqoʻm vakillari tomonidan tuziladi va imzolanadi. Ushbu dalolatnomada yuvishga sarflangan va oʻlchash vositalari bilan aniqlanadigan ichimlik suv miqdori toʻgʻrisidagi maʼlumotlar boʻladi. Suv oʻlchash vositalari boʻlmagan holatlarda esa ushbu Qoidalarning 42-bandida koʻrsatilgan formula boʻyicha hisob-kitob qilinadi.
(43-band Oʻzbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik maʼlumotlari milliy bazasi, 30.01.2025-y., 09/25/48/0093-son)
44. Isteʼmolchi (mulkdor)ning ichimlik suv tarmogʻi va kanalizatsiya chiqish joylari ulanmalarini yuvish, dezinfeksiyalash (zararsizlantirish), ulash boʻyicha ishlari ISKX tashkilotlari tomonidan alohida shartnoma asosida amalga oshirilishi va bu xizmatlar uchun haq isteʼmolchi yoki pudratchi tomonidan toʻlanishi mumkin.
Nazorat kanalizatsiya qudugʻi mavjud boʻlmagan taqdirda buyurtmachi (yakka tartibda uy-joy quruvchi) uni ISKX tashkiloti tomonidan belgilangan muddatda qurishi shart.
45. Fuqarolarga shaxsiy mulk huquqi boʻyicha tegishli boʻlgan ichimlik suv tarmogʻi va kanalizatsiya chiqish joylari ulanmalarini yuvish va ulash ISKX tashkiloti tomonidan, mulkdorlar hisobiga amalga oshiriladi.
46. Qurilgan ulanmalar ISKX tashkiloti tomonidan isteʼmolchi va qurilish tashkiloti vakillari ishtirokida, tomonlar oʻrtasida shartnoma tuzilgach, foydalanishga topshiriladi.
47. Suvni berish hamda oqova suvlarni qabul qilishga ruxsat beruvchi dalolatnoma tuzilib, ISKX tashkilotidan ulanma foydalanishga topshirilgani toʻgʻrisidagi maʼlumotnoma olingach, barcha aniqlangan nuqsonlar bartaraf etilgandan keyin, shuningdek isteʼmolchi ISKX tashkilotiga kommunal suv taʼminoti va kanalizatsiya tizimlariga ulanish uchun tegishli ariza berganini hisobga olgan holda ruxsat etiladi.
48. Isteʼmolchi (buyurtmachi yoki qurilish tashkiloti) ISKX tashkilotiga oʻtkazilayotgan ichimlik suv va kanalizatsiya tarmoqlari hamda inshootlarining ishlash holatida turishi uchun ular topshirilgan kundan boshlab kafolat pasportida koʻrsatilgan muddat davomida (obyekt topshirilgan kundan boshlab kamida bir yil davomida) javobgar hisoblanadi va bu muddat mobaynida ISKX tashkiloti koʻrsatmasiga binoan, barcha aniqlangan texnik nosozliklarni oʻz kuchi va mablagʻlari hisobidan bartaraf etadi.
Oldingi tahrirga qarang.
49. Faoliyat koʻrsatayotgan ichimlik suv taʼminoti va kanalizatsiya tizimlariga (shu jumladan, suv olish kolonkalari va oʻt oʻchirish gidrantlari, uyning kiritma va chiquvlariga ham) oʻzboshimchalik bilan ulanib olish, shuningdek, ushbu tizimlardan oʻzboshimchalik bilan foydalanish taqiqlanadi.
Oldingi tahrirga qarang.
Ichimlik suvi taʼminoti va kanalizatsiya tizimlariga (yuridik va jismoniy shaxslar tomonidan) oʻzboshimchalik bilan ulanish holatlari aniqlangan taqdirda ISKX tashkiloti tomonidan bu haqda ikki nusxada dalolatnoma tuziladi va bir nusxasi oʻzboshimchalik bilan ulanib olgan subyektga topshiriladi. Ushbu dalolatnoma oʻzboshimchalik bilan ulanganning javobgarlik darajasini va ISKX tashkilotiga yetkazilgan zararni aniqlash uchun asos boʻladi hamda ISKX tashkiloti ushbu Qoidalarning 94-bandiga muvofiq suv sarfi va oqova suvlarni chiqarganlik uchun toʻlov summalarini toʻlash uchun ulanma egasiga toʻlov hujjati yozib beradi.
(49-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Isteʼmolchi dalolatnomani imzolashdan bosh tortgan taqdirda dalolatnomaga bu haqda tegishli yozuv kiritiladi. Bosh tortish ikki nafar guvoh yoki fuqarolarning oʻzini oʻzi boshqarish organi vakili tomonidan tasdiqlanishi lozim.
Bunda isteʼmolchi dalolatnomada uning mazmuni boʻyicha tushuntirish va eʼtirozlarni, shuningdek, imzolashdan bosh tortish sabablarini bayon etish huquqiga ega.
Oʻzboshimchalik bilan foydalanilgan suv sarfini qayta hisob-kitob qilish isteʼmolchini isteʼmolchilarga suv taʼminoti va oqova suvni chiqarish xizmatlari koʻrsatish qoidalarini buzganlik uchun qonun hujjatlarida belgilangan tartibdagi javobgarlikdan ozod qilmaydi.
Oldingi tahrirga qarang.
Ichimlik suvi taʼminoti va kanalizatsiya tizimlariga oʻzboshimchalik bilan ulangan isteʼmolchi ISKX tashkiloti tomonidan tarmoqdan uziladi va bu haqda belgilangan tartibda ikki nusxada dalolatnoma rasmiylashtiriladi.
(49-bandning oltinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
50. Ichimlik suv taʼminoti va kanalizatsiya tizimidan ilgari uzib qoʻyilgan (oʻzboshimchalik bilan ulanish, qarzdorlik mavjud boʻlganda yoki shartnoma shartlari bajarilmaganda) shaxslarni qayta ulashda I guruh isteʼmolchilaridan bazaviy hisoblash miqdorining ikki baravari miqdorida, II va III guruh isteʼmolchilaridan bazaviy hisoblash miqdorining oʻn baravari miqdorida toʻlov qayta ulashni amalga oshirgan tashkilot hisobiga mablagʻlarni oʻtkazish orqali 3 kundan kechiktirmay tarmoqqa qayta ulanadi.
(50-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
51. Xona turar joydan noturar joy toifasiga oʻtkazilganda isteʼmolchi suvni berish va oqova suvlarni qabul qilishga yetti kun muddatda shartnoma tuzishi, hisoblash asbobini oʻrnatishi va roʻyxatdan oʻtkazishi shart. Isteʼmolchini II yoki III guruhga oʻtkazish uning asosiy ish faoliyatidan kelib chiqib amalga oshiriladi. Suv taʼminotiga va (yoki) oqova suvni chiqarishga ehtiyoj mavjud boʻlmagan taqdirda isteʼmolchi ISKX tashkilotini yozma shaklda xabardor qilib qoʻyishi va uzib qoʻyilganlikni tasdiqlash uchun uning vakilini taklif etishi shart. Suv taʼminoti va (yoki) oqova suvni chiqarish qaytadan tiklanganda ham isteʼmolchi ISKX tashkilotini bu haqda yozma shaklda xabardor qilishi shart.
Oldingi tahrirga qarang.
Bunda, isteʼmolchini tarmoqdan uzish yoki qayta ulash ISKX tashkiloti tomonidan amalga oshiriladi.
(51-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
52. Koʻcha va hovlilardagi umumiy foydalaniladigan suv olish kolonkalaridan foydalanish, balans boʻyicha mansubligidan kelib chiqqan holda ISKX tashkiloti yoki isteʼmolchi tomonidan amalga oshiriladi.
53. ISKX tashkiloti texnik imkoniyat va zaruriy hisob-kitoblar bilan birga buyurtmanoma mavjud boʻlgan taqdirda fuqarolarning mahalliy oʻzini oʻzi boshqarish organlari tomonidan ruxsat berilgan joylarda qurilayotgan obyektlar, xoʻjaliklar va obodonlashtirish obyektlarini suv taʼminoti va kanalizatsiya tizimlariga ulashni vaqtinchalik sxema boʻyicha, suvni hisoblagichlar mavjud boʻlgan holatlarda amalga oshiradi.
54. ISKX tashkilotiga yoki isteʼmolchiga tegishli boʻlgan ichimlik suv tarmogʻi va qurilmalariga vaqtinchalik ulanish ISKX tashkiloti ruxsati bilan amalga oshirilishi mumkin. Binolardan tashqaridagi ichimlik suv quvurlari yer ostiga yotqizilishi kerak. Quvurlarni ochiq holda oʻtkazishga faqat yozgi ichimlik suv quvurlariga ruxsat etiladi. Bunda koʻchadagi irrigatsiya lotoklariga va yoʻl chetidagi ariqlarga quvurlarni yotqizishga yoʻl qoʻyilmaydi.
55. Vaqtinchalik suv tarmogʻini oʻrnatish va ulardan foydalanish manfaatdor tashkilotlarning oʻz kuchi va mablagʻlari hisobidan amalga oshiriladi. Foydalanayotgan tashkilot suv tarmogʻini shartnomaga muvofiq oʻz vaqtida uzib qoʻyilmaganligi uchun moddiy javobgar hisoblanadi.
V. Yetkazib berilgan suvni oʻlchash uchun hisobga olish asboblarini oʻrnatish va ulardan foydalanish
56. Markaziy kommunal suv taʼminoti va oqova suvni chiqarish tizimiga ulangan yoki yangidan ulanayotgan isteʼmolchilar (subisteʼmolchilar)ga xizmat koʻrsatish ISKX tashkiloti tomonidan, majburiy tartibda, sarflangan va chiqarib yuborilgan oqova suvni hisoblash uchun zarur suvni hisobga olish asboblari oʻrnatilgan holda amalga oshiriladi. Yangi isteʼmolchilarni ISKX tashkiloti tomonidan suvni hisobga olish asboblarini oʻrnatmasdan kommunal suv taʼminoti va oqova suvni chiqarish tizimiga ulash qatʼiyan taqiqlanadi.
57. Isteʼmolchilarning II yoki III guruh isteʼmolchilari uchun suvni hisobga olish asboblarini oʻrnatish ushbu maqsadlar uchun maxsus loyihalashtirilgan suv oʻlchash uzeli xonalarida amalga oshirilishi kerak.
Suv oʻlchash uzeli sunʼiy (tabiiy) yorugʻlikka ega boʻlishi va ventilyatsiya qurilmasi (yetarli darajadagi asosda — tabiiy ventilyatsiya) bilan jihozlangan, qish vaqtida havo harorati 4 0S darajadan past boʻlmagan, shuningdek uzel ichida himoyalangan elektr rozetkasi boʻlishi kerak. Suv oʻlchash uzelining oʻlchami rejada ikki kishining bir vaqtning oʻzida erkin, tiqilinchsiz ishlashini taʼminlashi, shuningdek, suv oʻlchash uzelini suv bosgan taqdirda ularning ishdan chiqishi, buzilishining oldini olish uchun moddiy qiymatga ega buyumlar saqlanayotgan joydan mustahkam izolyatsiyalangan boʻlishi kerak. Suv oʻlchash uzeli xonasi yer osti va yomgʻir suvlari tushishidan himoyalaydigan tashqi gidroizolyatsiyaga ega boʻlishi kerak.
Suv oʻlchash uzeli zaruriy tarzda detallashtirilishi, shu jumladan, suvni hisobga olish asbobi (suv oʻlchagich yoki diafragmali manometr) oʻrnatish va montaj qilishning batafsil sxemasi loyiha bilan rasmiylashtirilgan va ISKX tashkilotlari bilan kelishilgan boʻlishi kerak.
Suv oʻlchash uzeli mustaqil zulfinli qurilmaga ega boʻlishi, uning kalitlari tashkilot buyrugʻi bilan belgilangan masʼul shaxsda saqlanishi kerak.
Uzel joylashgan xonada tranzit kanalizatsiya liniyalari, ustunlar va chiqargichlar oʻrnatish, boshqa muhandislik kommunikatsiyalarini oʻtkazish taqiqlanadi.
58. Suv oʻlchash uzeli xonasini ozoda saqlash zarur. Isteʼmolchi bilan ISKX tashkiloti oʻrtasida tuziladigan suvdan foydalanish toʻgʻrisidagi shartnomada xona, uzel uskunalari saqlanishi, suv hisoblagichdagi plomba hamda stvolli zulfin (yongʻinga qarshi)ning butligi va kirish eshigi kalitlarining saqlash joyiga masʼul boʻlgan shaxsning familiyasi koʻrsatilishi kerak.
59. Faqat suv oʻlchash uzeli xonasi va uskunalari toʻliq soz holatga keltirilgandan va barcha qurilish-montaj ishlari tugallangandan soʻng suvni hisobga olish asbobini oʻrnatishga ruxsat etiladi.
60. Uzatilgan suvning hisobini yuritish uchun davlat sinovidan va roʻyxatidan oʻtkazilgan suv hisoblagichlar ishlatilishi lozim va ular tegishli tartibda berilgan metrologik attestatsiya va sinovlardan oʻtkazilganligi toʻgʻrisidagi hujjatlar bilan tasdiqlangan boʻlishi shart.
61. Suv hisoblagichlar:
ushbu turdagi ishlarni olib borish uchun “Oʻzstandart” agentligida akkreditatsiyadan oʻtgan tegishli organlar tomonidan tekshirilgan va plombalangan boʻlishi;
suvni hisobga olish asbobi pasportida tekshirish sertifikati, metrologik attestatsiyadan oʻtgazilganlik toʻgʻrisidagi qaydlar boʻlishi lozim.
62. Sovuq suvni hisobga olishning maqbul usullari va oʻlchash vositalarini tanlash, suvni hisobga olish asboblarini nazoratdan oʻtkazish ishlari normativ hujjatlarga muvofiq amalga oshirilishi kerak. Suv oʻlchagichdan foydalanishning belgilangan chegarali tekshirishlararo muddati tugaganda yoki uning haqiqiy holati boʻyicha tekshiruv oʻtkazishning imkoniyati boʻlmaganda ISKX tashkiloti yoki ushbu asbobni taʼmirlash va tekshirish ishlari uchun ruxsatnomasi bor, akkreditatsiyadan oʻtgan tegishli organlar xulosasiga koʻra uni almashtirish chora-tadbirlari koʻriladi.
Suvni hisobga olish asbobini tekshirishlar oraligʻi:
Oldingi tahrirga qarang.
jismoniy shaxslarning hisoblash asbobi uchun — 8 yilni;
(62-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
yuridik shaxslarning hisoblash asbobi uchun — 4 yilni tashkil qiladi.
(62-bandning toʻrtinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Bosimning oʻzgaruvchan farqi sarflarini aniqlovchi elektron hisoblagichlar (difmanometrlar), ultratovushli, elektr magnitli, uyurmali va boshqa turdagi hisoblagichlar uchun tekshirishlar oraligʻi — 1 yildan iborat boʻladi.
Oldingi tahrirga qarang.
Oldingi tahrirga qarang.
63. Suv oʻlchash uzeli ISKX tashkiloti tomonidan plombalanishi lozim. Plombalanmagan hisoblash asboblarini oʻrnatish va ulardan foydalanish taqiqlanadi.
(63-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
Suvni hisobga olish asbobiga oʻrnatilgan plombani yechish isteʼmolchining murojaatiga asosan ISKX tashkiloti tomonidan amalga oshiriladi va bu haqda dalolatnoma tuziladi.
(63-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
64. II va III guruh isteʼmolchilarida oʻrnatiladigan suv hisoblagich shartli oʻtkazmasi (kalibri)ning diametri hisob-kitob bilan aniqlanadi, obyektning maksimal va minimal suv isteʼmoli tekshiriladi hamda ISKX tashkiloti bilan kelishiladi.
II va III guruh isteʼmolchilarida suvni hisobga olish asboblarining ishlashi nazorat qilinganda, oʻlchovlarning texnik tavsifnomasida yoʻl qoʻyiladigan minimal chegaradan kam miqdorda suv isteʼmol qilingan taqdirda ISKX tashkiloti suv oʻlchash uzelini amalda sarflanayotgan suv hajmiga mos, kichikroq diametrdagi asbobga (berilgan kundan keyingi 30 kalendar kun ichida) qayta jihozlashga koʻrsatma beradi. Bu koʻrsatma bajarilmagan taqdirda suvdan foydalanish va oqova suvlarni chiqarish uchun toʻlovlar ushbu Qoidalar 87-bandining “b” kichik bandiga muvofiq amalga oshiriladi.
Suvni hisobga olish asbobining yoʻl qoʻyiladigan minimal chegarasidan kam miqdordagi oʻlchovlarda ishlashini aniqlash II va III guruh isteʼmolchilarida ilgarigi olti oy mobaynida suv isteʼmol qilinishining monitoring hisobiga koʻra, fasllarga koʻra notekis taqsimlanishini inobatga olgan holda amalga oshiriladi.
65. I, II va III guruh isteʼmolchilari uchun suvni hisobga olish asboblarini xarid qilish, oʻrnatish, davlat nazoratidan oʻtkazish, foydalanish (taʼmirlash, almashtirish) ishlari ISKX tashkiloti tomonidan, isteʼmolchi (subisteʼmolchi)ning mablagʻlari hisobiga amalga oshiriladi. Bunda ISKX tashkiloti isteʼmolchilarga mazkur xizmatlarni bajarish uchun narxni tartibga solish organi bilan kelishilgan alohida tariflar belgilashi kerak.
Oldingi tahrirga qarang.
Aholiga qiyoslash muddati tugagan suvni hisobga olish asboblarini yangisiga almashtirish ISKX tashkilotining mablagʻlari hisobidan amalga oshiriladi.
(65-band Oʻzbekiston Respublikasi Vazirlar Mahkamasining 2022-yil 6-sentabrdagi 496-sonli qaroriga asosan ikkinchi xatboshi bilan toʻldirilgan — Qonunchilik maʼlumotlari milliy bazasi, 06.09.2022-y., 09/22/496/0799-son — 2023-yil 1-yanvardan kuchga kiradi)
Isteʼmolchi (subisteʼmolchi)ning xohishiga koʻra individual suvni hisobga olish asbobini oʻrnatish, davlat nazoratidan oʻtkazish, taʼmirlash va almashtirish ishlari “Oʻzstandart” agentligida akkreditatsiyadan oʻtgan boshqa tashkilotlar tomonidan, isteʼmolchining mablagʻlari hisobiga amalga oshirilishi mumkin.
Oldingi tahrirga qarang.
Suvni hisobga olish asbobini oʻrnatish, almashtirish, yechish ISKX tashkiloti tomonidan amalga oshiriladi.
(65-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
66. ISKX tashkiloti “Oʻzstandart” agentligi tomonidan berilgan roʻyxatga koʻra Oʻzbekiston Respublikasida qoʻllashga ruxsat etilgan suvni hisobga olish asboblarining turlari haqidagi maʼlumotni isteʼmolchilarga taqdim etishi shart.
67. Suvni hisobga olish asbobini oʻrnatish uchun isteʼmolchi ISKX tashkilotiga buyurtmanoma beradi. Buyurtmanoma tushgach, ISKX tashkiloti uch kun muddatda isteʼmolchi bilan suvni hisobga olish asbobini oʻrnatish yuzasidan shartnoma tuzadi va unda shartnomada koʻrsatilgan summaning 100 foizi miqdorida oldindan toʻlov oʻtkazilishi nazarda tutiladi.
Fuqarolarning oʻzini oʻzi boshqarish organlaridan qonunchilikka muvofiq nafaqa oluvchi kam taʼminlangan oilalarning uyini suvni hisobga olish asboblari bilan taʼminlash ISKX tashkiloti mablagʻlari hisobiga amalga oshiriladi, bu mablagʻ keyinchalik uy egasi tomonidan shartnomaga asosan, belgilangan tartibda 12 oy muddatda toʻlanadi.
ISKX tashkiloti, isteʼmolchi tomonidan shartnomada koʻrsatilgan toʻlov summasi toʻliq toʻlangach, 30 kalendar kuni mobaynida suvni hisobga olish asbobini oʻrnatishi shart.
Shu bilan birga, isteʼmolchi ISKX tashkiloti vakili oʻz xizmat guvohnomasini koʻrsatgach, unga belgilangan tartibda suvni hisobga olish asbobi oʻrnatilgan joyga borish sharoitini yaratib berishi, suvni hisobga olish asbobi oʻrnatiladigan yerni hozirlashi, nazorat vinteli va zulfinlarning ishlashini taʼminlashi, ish olib borishga xalaqit beruvchi omillarni bartaraf etishi shart.
Isteʼmolchi suvni hisobga olish asbobini oʻrnatish uchun zarur shart-sharoitlarni yaratib bermagan holatlarda va bu sabablar ISKX tashkilotiga bogʻliq boʻlmagan boʻlsa, ikki tomonlama dalolatnoma tuziladi, unga asosan suvni hisobga olish asbobini oʻrnatish muddati uzaytiriladi.
ISKX tashkiloti suvni hisobga olish asbobini oʻrnatish muddatlariga amal qilmagan taqdirda, isteʼmolchi suvni hisobga olish asbobi yoʻqligi sababli toʻlashi lozim boʻlgan ortiqcha koeffitsiyentli toʻlovlardan ozod etiladi. Shuningdek, ISKX tashkiloti suvni hisobga olish asbobini oʻrnatish muddatlariga amal qilmagani uchun, kechiktirilgan har bir kun uchun 0,1% miqdorida penya toʻlaydi, lekin uning miqdori shartnoma summasining 50 foizidan oshmasligi kerak.
Oldingi tahrirga qarang.
68. ISKX tashkiloti vakili tomonidan suvni hisobga olish asbobining ishlamayotganligi aniqlansa yoki uning ish tartibiga ruxsatsiz aralashilgan yoki plombalari uzilgan boʻlsa, ushbu holatga aniqlik kiritilgan holda dalolatnoma tuziladi hamda ISKX tashkiloti tomonidan isteʼmolchiga (subisteʼmolchiga) suvni hisobga olish asbobini 30 kun mobaynida navbatdan tashqari tekshiruvdan oʻtkazishga koʻrsatma beradi. Muddat koʻrsatma taqdim etilgan sanadan boshlab hisobga olinadi.
(68-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Berilgan koʻrsatma 30 kun muddatda bajarilmagan taqdirda I guruh isteʼmolchilari toʻlovlarni ushbu Qoidalar 87-bandining “a” kichik bandiga koʻra, II va III guruh isteʼmolchilari esa 87-bandning “b” kichik bandiga koʻra amalga oshiradilar va bu holat suvni hisobga olish asbobidagi kamchiliklar bartaraf etilmagungacha yoki yangi suvni hisobga olish asbobi oʻrnatilmagungacha davom etadi.
Oldingi tahrirga qarang.
69. Suvni hisobga olish asbobidan foydalanishning cheklangan muddati tugashidan kamida 30 kalendar kun avval ISKX tashkiloti isteʼmolchiga shartnomada koʻrsatilgan tartibda (pochta orqali, shaxsan, elektron pochta vositasida, ijtimoiy tarmoqlar yordamida va hokazo) ogohlantirish xati joʻnatadi. Unda suvni hisobga olish asbobidan foydalanish muddati tugayotganligi qayd etiladi, isteʼmolchi uchrashishi kerak boʻlgan shaxs, manzil, telefon raqami va elektron manzili koʻrsatiladi.
(69-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
Isteʼmolchi ogohlantirish xatini olgan kundan boshlab uch kun muddatda ISKX tashkiloti vakili bilan yozma, ogʻzaki yoki telefon orqali bogʻlanib, ushbu korxona vakili tomonidan suvni hisobga olish asbobini tekshirishga olib ketish, ikki tomonlama dalolatnoma tuzish sanasi, vaqtini kelishib oladi. Bunda dalolatnoma tuzilgan sana, suvni hisobga olish asbobini tekshirish va qayta oʻrnatish uchun ketadigan vaqt, uning koʻrsatkichlari qayd etilishi lozim.
(69-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
I guruh isteʼmolchisi uzrli sababga koʻra (xizmat safarida, kasalxonada boʻlish) oʻz vaqtida suvni hisobga olish asbobini nazoratdan oʻtkaza olmagan hollarda (tegishli hujjatlar taqdim etilganda) ogohlantirish xati berilgan kundan keyingi muddat uzrli sabab koʻrsatilgan muddatga uzaytiriladi.
Oldingi tahrirga qarang.
Oldingi tahrirga qarang.
Mazkur bandning birinchi xatboshida belgilangan tartibda ISKX tashkiloti isteʼmolchiga ogohlantirish xati bermaganda, barcha guruh isteʼmolchilari tomonidan qiyoslovdan oʻtkazish muddati tugagan hisobga olish pribori orqali isteʼmol qilingan ichimlik suvi uchun qaytadan hisob-kitob qilish qatʼiyan man etiladi.
(69-bandning toʻrtinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
ISKX tashkiloti isteʼmolchiga ogohlantirish xati yuborgandan soʻng belgilangan muddatda davriy qiyoslovdan oʻtkazilmagan hisoblash asbobining koʻrsatkichlari inobatga olinmaydi va hisob-kitob I guruh isteʼmolchilari uchun — ushbu Qoidalar 87-bandining “a” kichik bandi boʻyicha, II va III guruh isteʼmolchilari uchun — ushbu Qoidalar 87-bandining “b” kichik bandi boʻyicha hisob-kitob qilinadi.
(69-bandning beshinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
70. ISKX tashkiloti suvni hisobga olish asbobining oʻz vaqtida nazoratdan oʻtkazilishi uchun isteʼmolchiga oldindan xabar berish, uni yechish, oʻrnatish, koʻrsatkichlarini nazorat qilish yuzasidan masʼul hisoblanadi.
(70-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Suvni hisobga olish asbobini tekshirish (taʼmirlash) muddati uning yechilgan vaqtidan boshlab plombalanib, qayta qoʻyilgungacha 30 kalendar kundan oshmasligi kerak.
Sovuq suvni hisobga olish asbobini tekshirish yoki taʼmirlash muddati davomida barcha guruh isteʼmolchilari asbob yechilganidan keyingi 30 kalendar kun mobaynida toʻlovlarni oldingi uch oydagi koʻrsatkichlarning oʻrtacha sutkalik hisobidan kelib chiqqan holda amalga oshiradilar.
Oldingi tahrirga qarang.
71. Barcha guruh isteʼmolchilarining suvni hisobga olish asboblarini taʼmirlash, davlat nazoratidan oʻtkazish yoki almashtirish ishlari ISKX tashkiloti tomonidan, isteʼmolchi yoki uning vakili ishtirokida oʻtkaziladi. Ikki tomonlama dalolatnoma tuziladi, unda yechilgan va yangidan oʻrnatilgan suvni hisobga olish asbobining tartib raqami, yechib olish va oʻrnatish vaqtidagi koʻrsatkichlari qayd qilinadi.
(71-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
ISKX tashkiloti vakili tomonidan suvni hisobga olish asbobining oʻrnatilgani yoki yechilgani haqidagi ikki tomonlama dalolatnomalarning tuzilishi va ularning plombalanishi bepul bajariladi.
(71-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
Suvni hisobga olish asboblarining saqlanishi, butligi va plombalarning buzilmaganligi yuzasidan javobgarlik isteʼmolchiga yuklanadi. Bunda yangi qurilayotgan koʻp kvartirali uylarning sovuq suv hisoblagichlarini xonadon (kvartira)larning tashqarisida (zinapoyalar, yertoʻlalar va boshqa qismida) oʻrnatilgan holatlarda, javobgarlik ISKX tashkilotiga yuklanadi.
(71-bandning uchinchi xatboshisi Oʻzbekiston Respublikasi Vazirlar Mahkamasining 2024-yil 19-avgustdagi 517-sonli qarori tahririda — Qonunchilik maʼlumotlari milliy bazasi, 20.08.2024-y., 09/24/517/0632-son)
72. I, II va III guruh isteʼmolchilari uchun suvni hisobga olish asboblarini oʻrnatish, davlat nazoratidan oʻtkazish, foydalanish (taʼmirlash) xizmatlari uchun toʻlovlar ISKX tashkiloti tomonidan, belgilangan narxni tartibga solish organi bilan kelishilgan alohida tariflar asosida amalga oshiriladi. Ular montaj (almashtirilganda — eskisini demontaj) qilishda, taʼmirlash, oʻrnatish (yechish) joyigacha, u yerdan qaytishgacha boʻlgan transport xarajatlarini, tekshirish zarurati tugʻilganda, standart organlari xizmati va asbobni oʻrnatish xizmatlari uchun toʻlovni oʻz ichiga oladi.
Oldingi tahrirga qarang.
73. Isteʼmolchi suvni hisobga olish asbobidagi plombaga shikast yetgani, uzilgani yoki butun emasligi kabi holatlarni aniqlaganda, 2 sutka mobaynida ISKX tashkilotini bu haqda ogohlantirishi lozim.
(73-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Ushbu fakt boʻyicha ikki tomonlama dalolatnoma tuziladi, undagi kamchilik va nosozliklarni bartaraf etish yuzasidan qaror qabul qilinadi va asbob rejadan tashqari qayta nazoratdan oʻtkaziladi.
Suvni hisobga olish asbobi ishdan chiqqanligi toʻgʻrisida ogohlatirilmagan holatlarda I guruh isteʼmolchilari sarflangan sovuq suv uchun ushbu Qoidalar 87-bandining “a” kichik bandi boʻyicha, II va III guruh isteʼmolchilari esa ushbu Qoidalar 87-bandining “b” kichik bandi boʻyicha, suvni hisobga olish asbobi tekshirilganligi toʻgʻrisida tuzilgan soʻnggi dalolatnoma sanasidan boshlab asbob ishidagi nosozliklar bartaraf etilgan yoki yangisi oʻrnatilgan sanagacha boʻlgan muddat hisobidan toʻlovlarni amalga oshiradilar.
Suvni hisobga olish elektron asboblari ishida elektr energiyasi oʻchirilishi yoki vaqt koʻrsatkichlari toʻxtatilishi bilan bogʻliq tanaffuslar borligi aniqlansa va bu holatlar elektr taʼminoti idoralaridan berilgan maʼlumotnomalar bilan tasdiqlanmagan boʻlsa, ushbu davr uchun toʻlovlar oʻrnatilgan asbobning yuqori (maksimal) koʻrsatkichlari boʻyicha yoki suv oʻtkazish qurilmasining oʻtkazish imkoniyatidan kelib chiqib, ushbu Qoidalar 87-bandining “b” kichik bandi boʻyicha amalga oshiriladi
74. Isteʼmolchining aybi bilan suvni hisobga olish asbobidagi plomba uzilgani aniqlanganda va bu haqda ikki tomonlama dalolatnoma tuzilib, tasdiqlangan boʻlsa, asbob akkreditatsiyalangan organlar (metrologik xizmatlar)ga navbatdan tashqari tekshirishga yuboriladi. Tekshirish davomida suvni hisobga olish asbobining nosozligi aniqlansa, asbob akkreditatsiyalangan organlar (metrologik xizmatlar)ga taʼmirlash uchun joʻnatiladi. Taʼmirdan soʻng asbob talablarga javob bermasa va taʼmir uchun yaroqsiz deb topilsa yangisi oʻrnatiladi.
75. ISKX tashkiloti bilan boʻladigan oʻzaro hisob-kitoblarda inobatga olinmaydigan (bir guruhdagi isteʼmolchi va subisteʼmolchi oʻrtasidagi hisob-kitoblarni olib borish uchun oʻrnatilgan) suvni hisobga olish asboblari isteʼmolchi yoki subisteʼmolchi tomonidan ishlatiladi va nazorat qilib turiladi. Bu asboblar koʻrsatkichlari ISKX tashkiloti bilan boʻladigan hisob-kitoblarda hisobga olinmaydi.
Oldingi tahrirga qarang.
76. ISKX tashkiloti tomonidan isteʼmolchilar bilan hisob-kitob qilishga asos boʻladigan suvni hisobga olish asboblarining koʻrsatkichlari har uch oyda 1-marta olinib, tegishli dalolatnoma bilan rasmiylashtirish orqali (2 nusxada dalolatnoma tuziladi va uning bir nusxasi isteʼmolchiga topshiriladi) isteʼmolchilarning maʼlumotlariga oʻzgartirishlar kiritiladi.
(76-bandning birinchi xatboshisi Oʻzbekiston Respublikasi Vazirlar Mahkamasining 2022-yil 3-yanvardagi 3-sonli qarori tahririda — Qonunchilik maʼlumotlari milliy bazasi, 04.01.2022-y., 09/22/3/0002-son)
Suvni hisobga olish asbobi koʻrsatkichlarini qayd qilish, shartnoma shartlariga muvofiq sarflangan suv haqidagi maʼlumotlarni taqdim etish tartibi va muddatlarini belgilash huquqi isteʼmolchining oʻziga berilishi mumkin.
ISKX tashkiloti maʼlumotlarini taqdim etish shartnomada koʻrsatilgan aloqa kanallari orqali amalga oshiriladi.
Oldingi tahrirga qarang.
77. ISKX tashkiloti isteʼmolchi tomonidan taqdim etilayotgan suv sarfi haqidagi maʼlumotlarni, suvni hisobga olish asbobi koʻrsatkichlarining toʻgʻri olinayotganligini muntazam ravishda nazorat qilib turishi lozim. Agar isteʼmolchi taqdim etgan suv sarfi haqidagi maʼlumotlar bilan suvni hisobga olish asbobi koʻrsatkichlari oʻrtasida tafovut paydo boʻlsa, suvni hisobga olish asbobi koʻrsatkichlariga asoslangan holda qayta hisob-kitob qilinadi.
(77-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
78. ISKX tashkiloti vakili suvni hisobga olish asbobi koʻrsatkichlarini qayd etish vaqtida isteʼmolchi hududidagi va unga tegishli barcha suvni hisobga olish asboblari, zulfin, gidrant va boshqa suv uzatish qurilmalaridagi plombalarning borligi va butligini tekshirishi shart.
(78-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
79. Suvni hisobga olish asbobidagi plombalarning uzilish holatlari qayd qilinganda ular “Oʻzstandart” agentligida akkreditatsiyadan oʻtgan tashkilotlarga navbatdan tashqari tekshiruvdan oʻtkazish uchun joʻnatiladi. Tekshirish natijalariga koʻra suvni hisobga olish asbobi ishlatishga yaroqsiz deb topilsa, u taʼmirlash uchun joʻnatilib, “Oʻzstandart” agentligida akkreditatsiyadan oʻtgan tashkilotda qayta tekshiriladi. Suvni hisobga olish asbobi nosoz deb topilgan isteʼmolchi ekspert tekshiruvi xarajatlarini toʻlaydi hamda suvni hisobga olish asbobi yechilganidan to oʻrnatilgan davrdagi sarflangan ichimlik suv uchun — I guruh isteʼmolchilari ushbu Qoidalar 87-bandining “a” kichik bandi boʻyicha, II va III guruh isteʼmolchilari esa — ushbu Qoidalar 87-bandining “b” kichik bandi boʻyicha toʻlovlarni amalga oshiradilar.
Oldingi tahrirga qarang.
80. Isteʼmolchilar (avvaldan ogʻzaki yoki yozma ravishda kelishilgan holda) ISKX tashkiloti vakilining, u xizmat guvohnomasini taqdim etgach, belgilangan tartibda oʻz hududi yoki tasarrufidagi suvni hisobga olish asboblari, uzellari, ichimlik suv va oqova suv tarmoqlari, qurilma va inshootlari oldiga toʻsiqsiz borishini taʼminlashi shart.
(80-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
81. ISKX tashkiloti vakili ichimlik suv va kanalizatsiya tarmoqlarida, inshootlarida, suvni hisobga olish asboblarini yechish yoki yangilash ishlarini olib borish uchun naryadga va xizmat guvohnomasiga ega boʻlishi kerak. Koʻrsatilgan hujjatlar taqdim etilmagan holatlarda isteʼmolchi yoki uning vakili, foydalanuvchi tashkilot suv oʻlchash uzellari, ichimlik suv va kanalizatsiya tarmoqlari, inshootlarida tekshirish yoki boshqa ishlarning amalga oshirilishiga ruxsat bermasliklari kerak.
VI. Suv taʼminoti va oqova suvni chiqarish tizimlarida koʻrsatiladigan xizmatlar hajmini hisobga olish
82. Isteʼmolchi tomonidan sarflangan suv hajmi ushbu Qoidalarga muvofiq oʻrnatilgan suvni hisobga olish asbobi koʻrsatkichlari boʻyicha aniqlanishi lozim.
83. Mulk egasi oʻzgarganda yangi mulkdor suvni hisobga olish asbobini qayta roʻyxatdan oʻtkazishi shart. Suvni hisobga olish asbobi qayta roʻyxatdan oʻtkazilmagan holatlarda II yoki III guruh isteʼmolchilari yozma ogohlantirilib, suvni hisobga olish asbobining koʻrsatkichlari oʻzaro hisob-kitoblar uchun qabul qilinmaydi. Hisob-kitob ushbu Qoidalar 87-bandining “b” kichik bandi boʻyicha amalga oshiriladi.
84. Suvni hisobga olish asbobi isteʼmolchining aybisiz nosoz boʻlgan taqdirda sarflangan suv miqdori oldingi uch hisob-kitob oyidagi oʻrtacha sarf boʻyicha aniqlanadi. Hisob-kitobning bunday tartibi bir oydan koʻp qoʻllanilishi mumkin emas. Agar suvni hisobga olish asbobi koʻrsatilgan muddat mobaynida oʻrnatilmasa, sarflangan suv miqdori I guruh isteʼmolchilari uchun — ushbu Qoidalar 87-bandining “a” kichik bandi boʻyicha, II va III guruh isteʼmolchilari uchun ushbu Qoidalar 87-bandining “b” kichik bandi boʻyicha hisob-kitob qilinadi.
Oldingi tahrirga qarang.
85. Suvni hisobga olish asbobi isteʼmolchi aybi bilan ishdan chiqqan, singan, buzilgan va bu haqda ISKX tashkiloti xabardor qilinmagan taqdirda sarflangan suv miqdori, soʻnggi tuzilgan dalolatnoma sanasidan to yangi suvni hisobga olish asbobining oʻrnatilish sanasigacha, I guruh isteʼmolchilari uchun — ushbu Qoidalar 87-bandining “a” kichik bandi boʻyicha, II va III guruh isteʼmolchilari uchun — ushbu Qoidalar 87-bandining “b” kichik bandi boʻyicha hisob-kitob qilinadi.
(85-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
86. Barcha guruh isteʼmolchilari asossiz ravishda ISKX tashkiloti vakilining suvni hisobga olish asbobini koʻzdan kechirishini taʼminlamaganlarida, suv sarfi avvalgi uch oy uchun oʻrtacha sarf boʻyicha hisoblab chiqiladi. Agar suvni hisobga olish asbobining keyingi (navbatdagi) koʻrsatkichi yozib olinishi vaqtiga kelib isteʼmolchi(lar) takroran ISKX tashkiloti vakilining suvni hisobga olish asbobini koʻzdan kechirishiga yoʻl qoʻymasalar, sarflangan suv miqdori I guruh isteʼmolchilari uchun — ushbu Qoidalar 87-bandining “a” kichik bandi boʻyicha, II va III guruh isteʼmolchilari uchun ushbu Qoidalar 87-bandining “b” kichik bandi boʻyicha hisob-kitob qilinadi.
(86-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
861. Yuridik shaxs boʻlgan va yuridik shaxs tashkil etmasdan tadbirkorlik faoliyatini amalga oshiruvchi isteʼmolchilar tomonidan ISKX tashkilotiga masofadan maʼlumot uzatuvchi zamonaviy suv hisoblagichlar oʻrnatilishi talab etiladi.
ISKX tashkiloti tomonidan kamida 30 kalendar kun avval yozma ravishda ogohlantirgandan soʻng masofadan maʼlumot uzatuvchi zamonaviy suv hisoblagichlarni oʻrnatmagan yuridik shaxs boʻlgan va yuridik shaxs tashkil etmasdan tadbirkorlik faoliyatini amalga oshiruvchi isteʼmolchilarga suv taʼminoti va oqova suvni chiqarish xizmatlari uchun suvni hisobga olish asboblari bilan taʼminlanmagan isteʼmolchilar sifatida hisob-kitob amalga oshiriladi.
(861-band Oʻzbekiston Respublikasi Vazirlar Mahkamasining 2022-yil 6-sentabrdagi 496-sonli qaroriga asosan kiritilgan — Qonunchilik maʼlumotlari milliy bazasi, 06.09.2022-y., 09/22/496/0799-son — Mazkur bandning birinchi xatboshisi 2023-yil 1-yanvardan kuchga kiradi, ikkinchi xatboshisi 2024-yil 1-yanvardan kuchga kiradi)
Oldingi tahrirga qarang.
87. Suvni hisobga olish asbobi bilan taʼminlanmagan isteʼmolchilar tomonidan sarflangan ichimlik suv miqdori sutkasiga quyidagicha hisoblanadi:
a) I guruh isteʼmolchilari uchun:
koʻchadagi umumiy foydalanadigan ichimlik suvi kolonkasidan tashib ichuvchilar uchun kishi boshiga — 50 litr;
markazlashgan ichimlik suv tarmogʻiga ulangan, suv berish jadvali asosida suv beriladigan xonadonlar uchun kishi boshiga — 200 litr;
markazlashgan ichimlik suv tarmogʻiga ulangan xonadonlar uchun kishi boshiga — 350 litr;
suv sepish va sugʻorish maydonining har 1 metr kvadrati uchun 15 litr (suv sepish va sugʻorish davri 1-apreldan 1-oktabrgacha boʻlgan davrni oʻz ichiga oladi);
hovuz (basseyn), mikroiqlim yoki favvora mavjud boʻlgan hollarda ichimlik suv isteʼmoli hajmi asosiy ichimlik suv tarmogʻi ulanmasining suv oʻtkazish quvvatidan kelib chiqib, ushbu Qoidalar 87-bandining “b” kichik bandi boʻyicha amalga oshiriladi;
b) II va III guruh isteʼmolchilari uchun hisoblash asosiy ichimlik suv tarmogʻi ulanmasining suv oʻtkazish quvvati boʻyicha quyidagi formula bilan amalga oshiriladi:
M — 0,60 — 0,62 ga teng boʻlgan zulfin orqali suv sarfi koeffitsiyenti;
F — suyuqlik oqib oʻtadigan quvur yoki teshik kesimi maydoni (ichki diametr boʻyicha), m2;
g — 9,8 m/sekund2 ga teng boʻlgan erkin tushish tezligi;
N — kommunal suv tarmogʻiga ulanish yoki suv olish nuqtasidagi suvning metr hisobidagi bosimi;
t — oyning kalendar kunlari, 24 soat (suv berish jadvalini hisobga olgan holda) mobaynidagi sekundlardagi vaqt.
(87-band Oʻzbekiston Respublikasi Vazirlar Mahkamasining 2022-yil 3-yanvardagi 3-sonli qarori tahririda — Qonunchilik maʼlumotlari milliy bazasi, 04.01.2022-y., 09/22/3/0002-son)
88. Texnik foydalanish shartnomasi boʻyicha koʻp kvartirali uylarda foydalanish va taʼmirlashni amalga oshirayotgan tashkilotlar aybi bilan koʻp kvartirali uylarning umumiy foydalaniladigan joylarida suv oqib chiqib ketishi aniqlangan taqdirda yoʻqolgan suv miqdori mazkur Qoidalar 87-bandining “b” kichik bandi boʻyicha hisob-kitob qilinadi va aybdor tomonidan qoplanadi.
89. I guruh isteʼmolchilari uchun qurish yoki rekonstruksiya qilish davrida, turar joyga (yer uchastkasiga) egalik huquqi boshlangan vaqtdan boshlab 1 oy muddatda oʻrnatish majburiy boʻlganda, suv taʼminoti va (yoki) oqova suvni chiqarish xizmatlari uchun toʻlovlarni hisoblash suvni hisobga olish asbobi koʻrsatkichlariga muvofiq amalga oshiriladi. Suvni hisobga olish asbobi boʻlmagan yoki u 1 oy muddatda oʻrnatilmagan holatlarda suv taʼminoti (oqova suvni chiqarish) uchun toʻlovlar mazkur Qoidalar 87-bandining “b” kichik bandiga muvofiq ichimlik suv tarmogʻining oʻtkazish quvvatiga koʻra amalga oshiriladi.
Oldingi tahrirga qarang.
90. Suv oʻlchash asboblari bilan taʼminlanmagan II va III guruh isteʼmolchilari tomonidan notoʻgʻri maʼlumotlar taqdim etilgan taqdirda, ISKX tashkiloti notoʻgʻri maʼlumotlar taqdim etilgan kundan boshlab, biroq daʼvo muddatidan koʻp boʻlmagan vaqt uchun isteʼmolchilar tomonidan sarflangan suv miqdorini qayta hisoblab chiqishga haqlidir.
(90-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
91. Isteʼmolchilarning kommunal kanalizatsiya tizimiga chiqariladigan oqova suvlari miqdori kommunal suv taʼminoti tizimidan sarflangan suv miqdoriga teng deb qabul qilinadi.
Oldingi tahrirga qarang.
Markazlashtirilgan issiq suv taʼminoti mavjud turar joy va noturar joy xonalaridan chiqadigan oqova suv miqdori isteʼmolchilari uchun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlanadigan qaror bilan belgilangan koeffitsiyentga koʻra, (barcha guruh isteʼmolchilari uchun 2 koeffitsiyentdan oshmagan holda), mahalliy sharoitlardan kelib chiqib belgilanadi.
(91-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 23-noyabrdagi 950-sonli qarori tahririda — Qonun hujjatlari maʼlumotlari milliy bazasi, 23.11.2018-y., 09/18/950/2216-son)
Oldingi tahrirga qarang.
92. Oqizilayotgan oqova suvlar miqdori kommunal suv taʼminoti tizimidan sarflangan suv miqdoridan kam boʻlsa, isteʼmolchi ISKX tashkiloti tomonidan belgilangan muddatda unga, oqizilayotgan oqova suvlar hajmini asoslagan holda, zaruriy hisob-kitoblarni taqdim etishga haqli.
(92-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
93. Ichimlik suv taʼminoti tizimiga ulanmagan, shuningdek boshqa suv quvurlaridan (manbalardan) oʻz ehtiyojlari uchun qoʻshimcha suv ishlatadigan isteʼmolchilar ISKX tashkilotiga texnik koʻrsatmalar bilan birga mavjud suv olish qurilmalari haqidagi maʼlumotlarni taqdim etishlari shart.
(93-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
Mazkur maʼlumotlar isteʼmolchi tomonidan taqdim etilmagan taqdirda ISKX tashkiloti ular tomonidan kommunal kanalizatsiya tizimiga ulanishning oʻtkazish quvvati boʻyicha qabul qilinayotgan oqova suvlar miqdorini quyidagi formula boʻyicha aniqlashga haqlidir:
(93-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Q = F * h * v * t, bunda:
Q — qabul qilinayotgan oqova suvlar miqdori;
F — chiqish kesmasi maydoni(ichki diametr boʻyicha), m2;
h — oqova suv chiqish (yoʻli)ning toʻldirilishi 1ga teng etib qabul qilinadi;
v — oqova suvning oqish tezligi — 1,5 m/sek;
t — oqova suvning chiqarilish vaqti, sutkasiga 24 soat etib qabul qilinadi.
94. Ichimlik suv va kanalizatsiya tarmoqlari hamda qurilmalariga oʻzboshimchalik bilan ulanib olinganlik aniqlangan taqdirda, sarflangan suv va qabul qilingan oqova suvlar miqdori mazkur Qoidalarning 87-bandiga muvofiq, ulanishning suv uzatish quvvati boʻyicha quyidagi kundan boshlab hisob-kitob qilinadi:
oʻzboshimchalik bilan ulanish aniqlangunga qadar oxirgi tekshirish dalolatnomasi tuzilgan kundan;
agar oʻzboshimchalik bilan ulanish ISKX tashkilotiga tegishli tarmoq va qurilmalarga nisbatan boʻlgan boʻlsa, oʻzboshimchalik bilan ulanish kunidan boshlab u aniqlangunga qadar, biroq daʼvo muddatidan koʻp boʻlmagan holda hisoblanadi. Agar oʻzboshimchalik bilan ulanish sanasini hujjat bilan tasdiqlashning imkoni boʻlmasa, u holda oʻzboshimchalik bilan ulanib foydalanish davri daʼvo davri muddatiga teng boʻladi.
95. Obyektlar suv bilan vaqtinchalik jadval boʻyicha taʼminlangan, suvni hisobga olish asbobi oʻrnatilmagan holatlarda, jismoniy shaxslarning vaqtinchalik suv taʼminoti uchun sarflangan suv miqdori suv isteʼmolining amaldagi normalariga muvofiq hisoblanadi va tuzilgan shartnomada qayd etiladi, yuridik shaxslar uchun — suvni hisobga olish asbobi koʻrsatkichlariga koʻra, u boʻlmagan taqdirda — ushbu Qoidalar 87-bandining “b” kichik bandiga muvofiq hisoblanadi.
96. Ichimlik suvdan dov-daraxtlarni sugʻorish uchun foydalanilishiga quyidagi istisno holatlarda yoʻl qoʻyiladi: irrigatsiya suvi boʻlmaganda, ISKX tashkiloti quvvati mavjud boʻlganda va mahalliy davlat hokimiyati organlari tomonidan tasdiqlangan jadval boʻyicha, faqat tungi vaqtda (soat 00–00 dan soat 05–00 gacha) yoʻl qoʻyiladi.
Dov-daraxtlar rasmiy ruxsatsiz yoki koʻrsatilgan vaqtdan boshqa vaqtda sugʻorilgan holatlarda, bir oyda foydalanilgan suv uchun toʻlov — I guruh isteʼmolchilari uchun ushbu Qoidalar 87-bandining “a” kichik bandi boʻyicha, II va III guruh isteʼmolchilari uchun ushbu Qoidalar 87-bandining “b” kichik bandi boʻyicha hisoblanadi.
Oldingi tahrirga qarang.
97. Koʻp kvartirali turar joylarning yuqori qavatlaridagi xonadonlar doimiy ichimlik suv bilan taʼminlanmagan va suvni hisobga olish asboblari oʻrnatilmagan holatlarda, bu xonadon egalarining suv sarfi mahalliy davlat hokimiyati organlari tomonidan belgilangan koʻchadagi suv manbalaridan suv olish normalari boʻyicha, xususiy uy-joy mulkdorlari shirkatlari, ISKX tashkiloti vakillari ishtirokida suv boʻlmagan kunlar uchun tuzilgan dalolatnoma asosida hisoblanadi.
(97-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
VII. Suv taʼminoti va oqova suvni chiqarish tizimlarida koʻrsatilgan xizmatlar uchun hisob-kitob qilish
98. ISKX tashkilotining isteʼmolchilar bilan, shuningdek isteʼmolchilarning subisteʼmolchilar bilan yetkazib berilgan suv va qabul qilingan oqova suvlar uchun hisob-kitoblari tuzilgan shartnoma asosida, isteʼmolchilarning tegishli guruhlari uchun qonunchilikka muvofiq belgilangan tariflar boʻyicha, hisob-kitob davri uchun suvni hisobga olish asboblari koʻrsatkichlari asosida amalga oshiriladi.
Suv hisobga olish asbobi mavjud boʻlmagan holatlarda suv taʼminoti va oqova suvni chiqarish tizimlarida koʻrsatilgan xizmatlar uchun hisob-kitoblar quyidagicha amalga oshiriladi:
I guruh isteʼmolchilari bilan — mazkur Qoidalar 87-bandining “a” kichik bandi boʻyicha, I guruh isteʼmolchilari uchun belgilangan tariflarga qonunchilikda belgilangan orttiriluvchi koeffitsiyentni qoʻllash yoʻli bilan;
II va III guruh isteʼmolchilari bilan — ushbu Qoidalar 87-bandining “b” kichik bandida belgilangan tartibda, isteʼmolchilarning tegishli guruhlari uchun belgilangan tariflarni qoʻllash yoʻli bilan.
Oldingi tahrirga qarang.
Issiqlik taʼminoti, ISKX tashkilotlari, idoralar turar joy fondi va yotoqxonalar (Oʻzbekiston Respublikasi Mudofaa vazirligi bundan istisno), diniy tashkilotlar, fuqarolarning oʻzini oʻzi boshqarish organlari, xususiy uy-joy egalari shirkatlari (oʻz ehtiyojlari uchun) ichimlik suv va oqova suvni chiqarish xizmatlari uchun toʻlovlarni jismoniy shaxslar uchun belgilangan tariflar boʻyicha, qoʻshimcha qiymat soligʻini qoʻllagan holda amalga oshiradilar.
(98-bandning beshinchi xatboshisi Oʻzbekiston Respublikasi Vazirlar Mahkamasining 2018-yil 23-noyabrdagi 950-sonli qarori tahririda — Qonun hujjatlari maʼlumotlari milliy bazasi, 23.11.2018-y., 09/18/950/2216-son)
Davlat va idora turar joy fondi (turar joylar, yotoqxonalar)da istiqomat qiluvchi jismoniy shaxslar, ichimlik suv va oqova suvni chiqarish xizmatlari uchun toʻlovlarni ushbu idoralarning foydalanuvchi organlari orqali, oʻzlari mansub boʻlgan guruh tariflariga muvofiq amalga oshiradilar.
Oldingi tahrirga qarang.
99. Fuqarolar yashash joyi boʻyicha roʻyxatdan oʻtmagan xonadonlarda, suvni hisobga olish asbobi mavjud boʻlmaganda, ichimlik suv va kanalizatsiya xizmatlari uchun toʻlovlar qonunchilikda koʻrsatilgan isteʼmol normalariga koʻra, belgilangan tariflarning orttiriluvchi koeffitsiyentini qoʻllash yoʻli bilan: bir va ikki xonali uylarda — bir kishi hisobidan; uch xonali uylarda — ikki kishi hisobidan; toʻrt xonali uylarda — uch kishi hisobidan; besh xonali uylarda — toʻrt kishi hisobidan va undan ortiq xonali uylarda shu tartibda amalga oshiriladi.
(99-band Oʻzbekiston Respublikasi Vazirlar Mahkamasining 2026-yil 5-maydagi 224-sonli qarori tahririda — Qonunchilik maʼlumotlari milliy bazasi, 06.05.2026-y., 09/26/224/0457-son)
Oldingi tahrirga qarang.
100. Hisob-kitob davrida suvni hisobga olish asbobi koʻrsatkichlari isteʼmolchi tomonidan taqdim etilmagan holatlarda ISKX tashkiloti ushbu va keyingi davr hisob-kitoblarini ichimlik suv va oqova suv sarfining oʻrtacha sutkalik normasi asosida, shu oyda amalda boʻlgan tariflar boʻyicha isteʼmolchi tomonidan keyingi koʻrsatkichlar taqdim etilgungacha (yoki ISKX tashkiloti vakili tomonidan suvni hisobga olish asbobi koʻrsatkichlari nazorat uchun olinib, qayd qilingungacha)amalga oshirish huquqiga ega.
Isteʼmolchi tomonidan keyingi koʻrsatkichlar taqdim etilgan yoki ISKX tashkiloti vakili tomonidan suvni hisobga olish asbobi koʻrsatkichlari nazorat uchun olinib, qayd qilingan taqdirda ISKX tashkiloti ishlatilgan ichimlik suv va chiqarilgan oqova suv hajmini oʻrtacha sutkalik sarf hisobida, suvni hisobga olish asbobining avvalgi qayd qilingan koʻrsatkichi davridan boshlab qayta hisob-kitob qilishi lozim. Bunda toʻlovlar qayta hisob-kitob qilinayotgan oydagi tariflar asosida hisoblab chiqiladi.
(100-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
101. Isteʼmolchi ichimlik suv taʼminoti va oqova suvni chiqarib yuborish tarmoqlariga ulanish sanasi haqidagi hujjatlarni taqdim etmagan holatlarda ISKX tashkiloti tomonidan hokim qarori, kadastr hujjatlari va shu kabilar asosida, hujjat bilan tasdiqlangan ulanish sanasi boʻyicha hisob-kitob qilishga haqlidir.
(101-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
102. Yuridik shaxslardan, limitdan ortiqcha suv isteʼmol qilingan holatlarda, ISKX tashkiloti tomonidan belgilangan tariflarga nisbatan 10,0 orttiriluvchi koeffitsiyentni qoʻllash yoʻli bilan haq undiriladi.
(102-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
103. Agar isteʼmolchi va unga ulangan subisteʼmolchi turli guruh isteʼmolchilariga mansub boʻlsa, ISKX tashkiloti bilan shartnomani isteʼmolchi ham, subisteʼmolchi ham tuzadi va suvni hisobga olish asbobini oʻrnatish har ikkalasi uchun ham majburiy hisoblanadi.
Isteʼmolchi (subisteʼmolchi)ga berilgan ichimlik suv hajmi uchun toʻlovlar ISKX korxonasiga, ularning suvni hisobga olish asbobi koʻrsatkichlari boʻyicha va ular mansub boʻlgan guruh uchun belgilangan tariflar asosida toʻlanadi.
ISKX tashkiloti bilan shartnoma tuzgan isteʼmolchi oʻzi mansub guruhdagi subisteʼmolchilarga ulangan boʻlsa, subisteʼmolchilarga yetkazib berilgan suv va chiqarilgan oqova suv xizmatlari uchun toʻlovlar asosiy isteʼmolchi bilan, u mansub boʻlgan guruh uchun belgilangan tariflar asosida amalga oshiriladi.
Oʻz navbatida, isteʼmolchi, oʻzi ishlatgan suv uchun ISKX tashkilotiga amaldagi tariflar asosida toʻlovlarni amalga oshirishda subisteʼmolchilarga yetkazib berilgan suv hajmlarini ham inobatga olgan holda hisob-kitob qiladi.
Isteʼmolchi oʻziga tegishli boʻlgan ichimlik suv va kanalizatsiya tarmoqlarining texnik holatini saqlash maqsadida, foydalanish sarf-xarajatlari uchun subisteʼmolchidan, u bilan alohida tuzilgan shartnoma asosida, isteʼmolchi oladigan umumiy suv hajmining subisteʼmolchiga tegishli qismiga proporsional ravishda kompensatsiya olishi mumkin. Bunda subisteʼmolchi isteʼmolchidan oʻziga yuklanayotgan kompensatsiya toʻlovlarining kelib chiqish usul va manbalari toʻgʻrisida maʼlumot talab qilish va ularga oʻzgartirish kiritish huquqiga ega.
104. Isteʼmolchining ichimlik suv tarmogʻidan suv olib, kanalizatsiya tarmoqlariga oqova suv chiqaruvchi subisteʼmolchilar ushbu holat yuzasidan isteʼmolchi bilan shartnoma tuzadilar. Asosiy isteʼmolchi bilan ISKX tashkiloti oʻrtasida tuzilgan shartnoma ilovasida isteʼmolchining tarmoqlariga ulangan barcha subisteʼmolchilar, ularning nomlanishi, qaysi idoraga tegishli ekanligi, ular sarf qiladigan va oqizadigan suv hajmiga doir maʼlumotlar, suvni hisobga olish asboblarining bor-yoʻqligi kabi maʼlumotlar qayd etilishi lozim.
Asosiy isteʼmolchi toʻlaydigan summani subisteʼmolchilar oʻrtasida taqsimlash asosiy isteʼmolchi tomonidan amalga oshiriladi.
Subisteʼmolchilar oʻzlari joylashgan hududdagi budjetdan moliyaviy taʼminlanuvchi isteʼmolchi-tashkilotlar bilan ishlatilgan suv va chiqarilgan oqova suv xizmatlari uchun oʻzaro toʻlovlarni amalga oshirishda ISKX tashkiloti bilan yetkazib berilgan ichimlik suv va chiqarilgan oqova suv uchun shartnoma tuzishni oʻzlari mansub boʻlgan isteʼmolchilar guruhi uchun belgilangan tariflar asosida, suvni hisobga olish asboblaridagi koʻrsatkichlar farqini inobatga olish yoʻli bilan amalga oshiradilar. Agar subisteʼmolchi budjet tashkiloti boʻlsa, bu holda ham toʻlovlarning ushbu tartibi saqlanib qoladi.
Isteʼmolchi bilan subisteʼmolchi oʻrtasida toʻlov masalalarida paydo boʻladigan nizolar ISKX tashkiloti tomonidan koʻrib chiqilmaydi.
105. Isteʼmolchiga yetkazilgan suv va qabul qilingan oqova suvlar uchun hisob-kitoblar quyidagi tartibda amalga oshiriladi:
isteʼmolchilarning II guruhi (budjet tashkilotlardan tashqari) va III guruhi bilan — avans toʻlovlari tartibida, belgilangan muddatda toʻliq hisob-kitob qilish sharti bilan yoki ISKX tashkiloti tomonidan hisob varaqasi (schyot-faktura)lar taqdim etish orqali;
Oldingi tahrirga qarang.
isteʼmolchilarning I guruhi bilan — ISKX tashkiloti tomonidan ishlatilgan ichimlik suv va chiqarilgan oqova suvlar uchun toʻlov talabnomalari yoki hisobvaraqalarini taqdim etish yoxud, isteʼmolchilarning oʻzlari (oʻz-oʻziga xizmat orqali), oyma-oy hisob toʻlovlarini rasmiylashtirish yoʻli bilan;
(105-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
koʻchadagi suv manbalaridan foydalanuvchi fuqarolar bilan mahalliy davlat hokimiyati organlari tomonidan belgilangan muddatlar asosida ISKX tashkiloti tomonidan toʻlov talabnomalarini taqdim etish orqali. Fuqarolar mahalliy manbadan suv isteʼmol qilayotgan boʻlsalar va bu suv tegishli organlar tomonidan ichishga yaroqli deb hisoblangan boʻlsa, ular koʻchada suv manbalaridan foydalanganlik uchun toʻlovlardan ozod qilinishi mumkin;
(105-bandning toʻrtinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
isteʼmolchilarning II guruhi bilan — suv taʼminoti va oqova suvni chiqarish xizmatlari uchun Oʻzbekiston Respublikasi Moliya vazirligi Gʻaznachiligining hududiy boʻlinmalari orqali oʻzaro hisob-kitob qilishga oʻtkazilgan budjet tashkilotlari tomonidan, ISKX tashkiloti taqdim etadigan schyot-fakturalar boʻyicha har oyda amalga oshiriladi.
106. Ichimlik suv taʼminoti va oqova suv xizmatlari uchun tariflar oʻzgarganda, sanasidan qatʼi nazar, ushbu xizmatlar yuzasidan isteʼmolchi bilan tuzilgan shartnoma oʻz kuchini saqlab qoladi va isteʼmolchi koʻrsatilgan xizmatlar uchun, yangi tariflar asosida, ular kiritilgan sanadan eʼtiboran toʻlovlarni amalga oshirishi shart.
Ichimlik suv taʼminoti va oqova suv xizmatlari uchun toʻlovlar isteʼmolchining tanlovi boʻyicha cheklanmagan ravishda, naqd yoki pul oʻtkazish (toʻlov hujjati yoki toʻlov topshiriqnomasi boʻyicha) orqali pul mablagʻlari bilan, shuningdek plastik kartochkalardan pochta yoki elektron aloqa tizimlari vositasida pul oʻtkazish yoʻli bilan ham amalga oshiriladi.
Oldingi tahrirga qarang.
107. ISKX tashkiloti vakillari isteʼmolchilardan ichimlik suvi taʼminoti va oqova suv xizmatlari uchun toʻlovlarni bank yoki billing tizimi orqali mustaqil ravishda qabul qilishi mumkin.
(107-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
Oldingi tahrirga qarang.
108. I guruh isteʼmolchilari avans tariqasida kommunal xizmatlar uchun 2 oydan koʻp boʻlmagan muddatga toʻlovlarni avvaldan amalga oshirib qoʻygan boʻlsalar, ular shu vaqt mobaynida tariflarning oʻzgarishi tufayli toʻlanadigan qoʻshimcha toʻlovlardan ozod etiladilar.
(108-bandning birinchi xatboshisi Oʻzbekiston Respublikasi Vazirlar Mahkamasining 2024-yil 19-avgustdagi 517-sonli qarori tahririda — Qonunchilik maʼlumotlari milliy bazasi, 20.08.2024-y., 09/24/517/0632-son)
Barcha guruh isteʼmolchilari ichimlik suv taʼminoti va suv chiqarish xizmati uchun hisobga olish priborlari mavjud boʻlganda oxirgi uch oyning oʻrtacha sarfi boʻyicha hamda hisobga olish priborlari mavjud boʻlmaganda oylik isteʼmol normasi boʻyicha keyingi oy uchun har oyning 10-sanasiga qadar 100 foiz oldindan haq toʻlashni amalga oshirishlari lozim.
Toʻlovning shartnomada belgilangandan kechiktirilgan har bir kuni uchun — yuridik shaxslar 0,4 foiz, jismoniy shaxslar esa 0,1 foiz penya toʻlaydilar. Ammo bu koʻrsatkich jami kechiktirilgan summaning 50 foizidan oshmasligi lozim.
Oldingi tahrirga qarang.
Suv taʼminoti va oqova suvni chiqarish xizmatlari uchun qarzdorlik mavjud boʻlganda, I guruh isteʼmolchiga tegishli boʻlgan turar joyda doimiy yashash joyi boʻyicha roʻyxatga olingan voyaga yetgan jismoniy shaxslar qarzdorlikni toʻlash boʻyicha solidar javobgar boʻladilar. Voyaga yetgan jismoniy shaxsning solidar javobgarligi u I guruh isteʼmolchiga tegishli boʻlgan turar joyga yashash joyi boʻyicha roʻyxatga olingan vaqtdan boshlab vujudga keladi va yashash joyi boʻyicha roʻyxatdan chiqarilgan vaqtgacha amal qiladi.
(108-bandning toʻrtinchi xatboshisi Oʻzbekiston Respublikasi Vazirlar Mahkamasining 2026-yil 5-maydagi 224-sonli qarori tahririda — Qonunchilik maʼlumotlari milliy bazasi, 06.05.2026-y., 09/26/224/0457-son)
Oldingi tahrirga qarang.
109. Barcha guruh isteʼmolchilari keyingi oy uchun har oyning 10-sanasiga qadar 100 foiz oldindan haq toʻlovlarini amalga oshirmasalar, ISKX tashkiloti isteʼmolchilarni yozma ravishda xabardor qilgan paytdan boshlab besh ish kuni oʻtgandan keyin qarzlarni qonun hujjatlarida belgilangan tartibda isteʼmolchilarni ichimlik suv taʼminoti va suv chiqarish xizmati tarmoqlaridan uzib qoʻyish yoʻli bilan undirish choralarini koʻradi.
(109-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
1091. II va III guruh isteʼmolchilarning suv taʼminoti va oqova suvni chiqarish xizmatlari yuzasidan debitor qarzdorligi boʻyicha oʻzaro hisob-kitoblarni solishtirish dalolatnomasi imzolangan taqdirda, qarzni undirish isteʼmolchining bankdagi hisobvaragʻiga toʻlov talabnomasini qoʻyish yoʻli bilan amalga oshiriladi.
(1091-band Oʻzbekiston Respublikasi Vazirlar Mahkamasining 2022-yil 6-sentabrdagi 496-sonli qaroriga asosan kiritilgan — Qonunchilik maʼlumotlari milliy bazasi, 06.09.2022-y., 09/22/496/0799-son)
Oldingi tahrirga qarang.
110. Hisob-kitoblarning notoʻgʻri qilinganligi (tariflarning notoʻgʻri hisobga olinganligi va shu kabi holatlar) toʻgʻrisida yoziladigan eʼtiroznoma toʻlov hujjati olingandan keyin 5 kun muddatda ISXK tashkilotiga taqdim etilishi kerak. Eʼtiroznoma isteʼmolchini toʻlov hujjatida koʻrsatilgan summani toʻliq va belgilangan muddatda toʻlashdan ozod qilmaydi.
(110-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
111. Eʼtiroznoma ISKX tashkiloti tomonidan 10 kun muddatda koʻrib chiqiladi. Ular asosli deb topilsa, toʻlangan ortiqcha summa keyingi toʻlov hujjati hisobiga oʻtkaziladi. Isteʼmolchi eʼtiroznoma koʻrib chiqilganligi toʻgʻrisidagi maʼlumotdan, aloqa vositalari orqali, eʼtiroz koʻrib chiqilishi lozim boʻlgan muddat tugagandan keyin 3 kun muddatda xabardor qilinishi lozim. Koʻrsatilgan muddat ichida isteʼmolchi xabardor qilinmasa, masala isteʼmolchi foydasiga hal qilingan hisoblanadi.
(111-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
112. Isteʼmolchining oʻz-oʻziga xizmat qilish tartibida toʻlov hujjatlarini yozish va toʻldirishda yoʻl qoʻygan xatolari ISKX tashkiloti tomonidan aniqlangan vaqtida hisobga olinadi. Suv sarfi hisobini yuritishda xato aniqlangan taqdirda ISKX tashkiloti qayta hisob-kitobni oxirgi hisob-kitob davri uchun yoki suv hisoblagich koʻrsatkichlarining oldingi tekshiruv kunidan boshlab, biroq daʼvo davri muddati doirasida amalga oshirishi kerak.
(112-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
113. I guruh isteʼmolchisining ISKX tashkiloti qaroriga rozi boʻlmasligi uni qoʻshimcha toʻlov hujjati boʻyicha toʻlovni belgilangan muddatda toʻlash majburiyatidan ozod etmaydi. Qoʻshimcha toʻlov hujjati 10 kun muddatda toʻlanmagan taqdirda ISKX tashkiloti taqdim etilgan summani majburiy tartibda undirish yuzasidan sudga daʼvo arizasi kiritadi.
Oldingi tahrirga qarang.
114. Uyda vaqtincha istiqomat qiluvchi (yollovchi)lar istiqomat qilganda toʻlovlar haqiqatda istiqomat qilayotganlar soniga qarab amalga oshiriladi. I guruh isteʼmolchisi, oʻzi yashayotgan xonadonda turuvchilar soni koʻpayishi (shu jumladan, vaqtinchalik yashayotganlar hisobiga hamda Qoidalarning 87-bandi “a” kichik bandida nazarda tutilgan koʻrsatkichlar boʻyicha) yoki kamayishi holatlari yuzasidan, oʻzgarishlar sodir boʻlgan vaqtdan boshlab 5 ish kunidan kechikmay ISKX tashkilotini yozma ravishda ogohlantirishi lozim. Bunda isteʼmolchi, ISKX tashkiloti, fuqarolarning oʻzini oʻzi boshqarish organi vakillari va uyning asosiy egasi tomonidan — uch tomonlama dalolatnoma tuziladi.
(114-band Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
115. Obyekt egasi oʻzgarganda isteʼmolchi chiqib ketishidan 7 kun avval mavjud qarzlarini uzib, bu haqda ISKX tashkiloti bilan dalolatnoma imzolashi shart. Isteʼmolchi chiqib ketgach, suvni hisobga olish asbobi, plombalarning butligi va qoplanmagan debitor qarzdorlik uchun javobgarlik obyektning yangi egasi zimmasiga yuklanadi.
(115-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
Oldingi tahrirga qarang.
Koʻp kvartirali turar joy va yakka tartibdagi uy-joy mulkdorlari oʻzgargan taqdirda, I guruh isteʼmolchilari bu haqda ISKX tashkiloti bilan tuzilgan shartnomada belgilangan muddatda yozma ravishda xabardor qilishi va sarflangan suv va (yoki) oqizilgan oqova suvlar uchun toʻliq hisob-kitob qilishi shart, yangi mulkdor esa mulkdor oʻzgargan kundan boshlab 30 kun muddatda yangi shartnoma tuzishi shart.
(115-bandning ikkinchi hatboshisi Oʻzbekiston Respublikasi Vazirlar Mahkamasining 2017-yil 27-fevraldagi 106-sonli qarori tahririda — OʻR QHT, 2017-y., 9-son, 131-modda)
Oldingi tahrirga qarang.
II va III guruh isteʼmolchilari obyektni yangi egasiga topshirganda bu xususda ISKX tashkilotini 30 kun muddatda ogohlantiradi, yangi mulkdor esa obyektdan foydalanishni boshlashdan oldin ichimlik suv taʼminoti va oqova suvlarni chiqarish yuzasidan yangi shartnoma imzolaydi. Agar obyekt profili oʻzgaradigan boʻlsa, yangi mulkdor yangi texnik shartlarni olishi kerak.
(115-bandning uchinchi hatboshisi Oʻzbekiston Respublikasi Vazirlar Mahkamasining 2017-yil 27-fevraldagi 106-sonli qarori tahririda — OʻR QHT, 2017-y., 9-son, 131-modda)
Texnik shartlar va yuqorida taʼkidlangan shartnomaning yoʻqligi kommunal suv taʼminoti va oqova suvlarni chiqarish xizmatidan foydalanish oʻzboshimchalik bilan amalga oshirilayotganiga asos hisoblanadi.
Oldingi tahrirga qarang.
Koʻchmas mulkning oldi-sotdi, ayirboshlash va hadya qilish bitimlari davlat roʻyxatidan oʻtkazilgandan keyin davlat roʻyxatidan oʻtkazuvchi organ tomonidan ISKX tashkilotiga yangi mulkdorning familiyasi, ismi, otasining ismi, yashash joyi boʻyicha roʻyxatdan oʻtgan manzili, notarial harakat amalga oshirilgan sana va qayd etilgan raqam, koʻchmas mulkning kadastr raqami va umumiy (turar joy) maydoni, mobil telefon raqami va elektron pochta manzili (mavjud boʻlsa) haqidagi maʼlumotni yuboradi. Bunda ISKX tashkiloti maʼlumot olingandan keyin bir oy muddatda mulkdor bilan ichimlik suv taʼminoti va (yoki) oqova suvni chiqarish xizmatlaridan foydalanishga shartnoma tuzilishini taʼminlashi shart.
(115-bandning beshinchi xatboshisi Oʻzbekiston Respublikasi Vazirlar Mahkamasining 2026-yil 5-maydagi 224-sonli qarori tahririda — Qonunchilik maʼlumotlari milliy bazasi, 06.05.2026-y., 09/26/224/0457-son)
116. Yongʻinni oʻchirish uchun sarflangan suv xarajatlari yongʻinlarning oldini olish tashkiloti tomonidan ISKX tashkilotiga taqdim etilgan hisob-kitoblar asosida isteʼmolchilar(sanoat korxonalari, qurilish va transport tashkilotlari) tomonidan, belgilangan muddatlarda qoplanadi.
Davlat va shaxsiy uy-joy fondidagi yongʻinlarni oʻchirishga hamda taktik oʻquv mashgʻulotlariga, oʻt oʻchirish gidrantlari va ichki yongʻinning oldini olish kranlarini tekshirishga sarflangan suv uchun pul toʻlanmaydi. Ushbu maqsadlar uchun sarflangan suv miqdori yuzasidan yongʻin xavfsizligi organlari va ISKX tashkilotlari vakillari ishtirokida dalolatnoma tuzilishi kerak.
VIII. Ichimlik suv taʼminotini va oqova suvlarni chiqarishni toʻxtatish hamda markazlashtirilgan tizim boʻlmagan holatlarda suv taʼminotini amalga oshirish shartlari
117. Agar isteʼmolchi bilan tuzilgan shartnomada suv bilan taʼminlashning oʻzgacha tartibi nazarda tutilmagan boʻlsa, suv berish va oqova suvlarni qabul qilish uzluksiz amalga oshiriladi, bundan ushbu Qoidalarning 118 va 128-bandlarida koʻrsatilgan holatlar mustasno.
Isteʼmolchilar (sanoat korxonalari)ga suv berishdagi cheklashlar, shuningdek suv berishni boshqarib turish shartnomada belgilangan tartibda amalga oshiriladi, bundan ushbu Qoidalarning 128-bandida koʻrsatilgan holatlar mustasno.
118. Texnik imkoniyatga ega boʻlmagan holatlarda suv taʼminoti joylardagi fuqarolarning oʻzini oʻzi boshqarish organlari tomonidan belgilangan soat jadvali asosida amalga oshiriladi. Aholini markazlashtirilgan kommunal suv tarmogʻidan taʼminlash imkoniyati boʻlmagan holatlarda mahalliy davlat hokimiyati organlari lokal suv taʼminoti(alohida turgan quduqlar, kam ishlab chiqarish quvvatiga ega suv tozalash qurilmalari, transport yordamida keltiriladigan ichimlik suv taʼminoti kabilar) manbalaridan foydalangan holda, yetkazib berilayotgan suv sifatini meʼyoriy hujjatlarda qayd qilingan darajaga yetkazib taʼminlash yuzasidan qatʼiy chora-tadbirlar koʻrishlari shart.
Bunda mahalliy davlat hokimiyati organlari quyidagilarga majbur:
ichimlik suvni lokal suv taʼminoti tizimlaridan maxsus avtotransport bilan yetkazib berish tartibini, aniq muddatlarini, miqdorini,punktlarini belgilash (tasdiqlash);
har bir punktga maxsus avtotransport yordamida ichimlik suvni yetkazib beruvchi masʼul tashkilotni belgilash;
narxlarni tartibga solish organlari bilan kelishgan holda lokal suv taʼminoti tizimlaridan va avtotransport vositasida yetkazib berilgan ichimlik suv uchun narxlarni belgilash.
IX. ISKX tashkilotining majburiyatlari va javobgarligi
119. ISKX tashkiloti quyidagilarga majbur:
suv taʼminoti va oqova suvni chiqarib yuborish yuzasidan shartnoma shartlarini bajarish;
ichimlik suv va kanalizatsiya tarmoqlarining texnik holatini muntazam ravishda nazorat qilib borish;
suv taʼminoti uzluksizligini taʼminlash;
Oʻzbekiston Respublikasi Tabiatni muhofaza qilish davlat qoʻmitasi organlari tomonidan tasdiqlangan meʼyoriy hujjatlar (PDS) talabi va ichimlik suvdan maxsus foydalanish ruxsatnomalariga muvofiq oqova suvlarni tozalash ishlarini tashkil qilishni taʼminlash;
tarmoqdagi ichimlik suv sifati monitoringini olib borish;
isteʼmolchilarning kommunal suv taʼminoti va oqova suvni chiqarish tizimlariga ulangan ichimlik suv va kanalizatsiya tarmoqlari, inshootlari hamda qurilmalarining holatini va ulardan foydalanilishini muntazam ravishda nazorat qilib borish, ulardan samarali foydalanishni tashkillashtirishda isteʼmolchilarga amaliy yordam koʻrsatish;
isteʼmolchilardagi suvning behuda oqib ketishi va oqilona foydalanilmayotganlik holatlarini aniqlash, suv berish va undan foydalanishni qatʼiy nazorat qilish va hisobga olish, sanoat korxonalari va ularga tenglashtirilgan korxonalarda suv berish boʻyicha belgilangan limitlarga rioya qilinayotganini muntazam ravishda nazorat qilish;
suvning texnologik sarflari va yoʻqotilishining yigʻma jadvalini ishlab chiqish hamda mahalliy davlat hokimiyati organlari bilan birgalikda tasdiqlash;
suv isteʼmoli belgilangan meʼyor (limit)lardan ortib ketgan holatlarda ISKX tashkilotlariga belgilangan tariflarga nisbatan orttiriluvchi koeffitsiyentni qoʻllash;
kommunal oqova suv tizimiga oqizilayotgan oqovalarning sifati monitoringini taʼminlash;
isteʼmolchilarga suvni hisobga olish individual asboblarini oʻrnatish, belgilangan tartib va muddatlarda ularni nazoratdan oʻtkazib turish;
Oldingi tahrirga qarang.
(119-bandning oʻn uchinchi xatboshisi Oʻzbekiston Respublikasi Vazirlar Mahkamasining 2018-yil 23-noyabrdagi 950-sonli qaroriga asosan chiqarilgan — Qonun hujjatlari maʼlumotlari milliy bazasi, 23.11.2018-y., 09/18/950/2216-son)
Oldingi tahrirga qarang.
(119-bandning oʻn toʻrtinchi xatboshisi Oʻzbekiston Respublikasi Vazirlar Mahkamasining 2018-yil 23-noyabrdagi 950-sonli qaroriga asosan chiqarilgan — Qonun hujjatlari maʼlumotlari milliy bazasi, 23.11.2018-y., 09/18/950/2216-son)
kommunal ichimlik suv va kanalizatsiya tarmoqlarida, inshootlar va qurilmalarda naryadsiz hamda ISKX tashkilotlarining xizmat guvohnomasisiz biror-bir ish olib borayotgan shaxslar haqida ichki ishlar organlari xodimlariga xabar qilish;
shartnoma shartlariga muvofiq oʻz majburiyatlarini bajara olmagan holatlarda isteʼmolchiga penya toʻlash;
ichimlik suv tarmoqlarida taʼmirlash ishlari tugallangach, shikast yetkazilgan obodonlashtirish obyektlari va boshqa inshootlarni qayta tiklash;
avariya holatlarini bartaraf etish, ichimlik suv va kanalizatsiya tarmoqlaridagi avariyali uchastkalarni tiklash yuzasidan shoshilinch va kechiktirib boʻlmaydigan chora-tadbirlar koʻrish;
isteʼmolchilarning shartnoma shartlariga rioya etishmagani masalasi boʻyicha sud organlariga murojaat qilish;
ichimlik suv va kanalizatsiya tizimida roʻy bergan buzilishlar aniqlangan kundan boshlab bir sutka mobaynida ularning sabablari, xizmat koʻrsatishdagi toʻxtalish muddatlari va cheklanishlar, shuningdek koʻrsatilayotgan xizmat sifatlarining oʻzgarishi sabablari haqida isteʼmolchilarga axborot berish;
ichimlik suv va kanalizatsiya xizmatlarini koʻrsatishda roʻy berishi mumkin boʻlgan rejali toʻxtatish va uzilishlar haqida isteʼmolchilar uzilishlar boshlangungacha 10 ish kunidan kechikmay ogohlantirish;
ichimlik suvni isteʼmol qilishga doir amaldagi va yangi joriy qilingan meʼyoriy-huquqiy va boshqa hujjatlar bilan isteʼmolchilarni aloqa vositalari orqali xabardor qilish;
ichimlik suv taʼminoti va oqova suvni chiqarish xizmatlari tariflaridagi oʻzgarishlar haqida ular amalda joriy qilinishidan 15 kun avval ommaviy axborot vositalari yoki boshqa aloqa vositalari yordamida isteʼmolchilarni xabardor qilish;
ichimlik suv taʼminoti va oqova suvni chiqarish xizmatlari uchun amalga oshirilgan toʻlovlarning holati, qarzlarning yoʻqligi haqidagi maʼlumotlarni isteʼmolchilarga bepul taqdim etish;
Oldingi tahrirga qarang.
(119-bandning yigirma beshinchi xatboshisi Oʻzbekiston Respublikasi Vazirlar Mahkamasining 2018-yil 23-noyabrdagi 950-sonli qaroriga asosan chiqarilgan — Qonun hujjatlari maʼlumotlari milliy bazasi, 23.11.2018-y., 09/18/950/2216-son)
Oldingi tahrirga qarang.
shaxsiy hisob raqami va yakka tartibda hisobga olish asboblarining holati haqida batafsil maʼlumotni shakllantirish va idoralararo elektron hamkorlik qilish tizimiga aniq vaqt rejimida yuborish.
(119-band Oʻzbekiston Respublikasi Vazirlar Mahkamasining 2017-yil 27-fevraldagi 106-sonli qaroriga asosan xatboshi bilan toʻldirilgan — OʻR QHT, 2017-y., 9-son, 131-modda)
120. ISKX tashkiloti quyidagilar yuzasidan javob beradi:
isteʼmolchilarni meʼyoriy-huquqiy va boshqa hujjatlarga hamda oʻzaro tuzilgan shartnomaga muvofiq ichimlik suv bilan taʼminlash, oqova suvlarni chiqarish;
isteʼmolchilarga meʼyoriy-huquqiy va boshqa hujjatlar hamda qonunchilik asoslari va shartnomada koʻrsatilgan talablarga muvofiq sifatli ichimlik suv yetkazib berish;
isteʼmolchilarga ichimlik suv taʼminoti va oqova suv tizimlariga ulanish uchun oʻz vaqtida, qonuniy asoslangan texnik shartlarni taqdim etish;
suvni hisobga olish individual asboblarini oʻz vaqtida davlat nazoratidan oʻtkazish, belgilangan muddatlarda isteʼmolchilardagi suvni hisobga olish asboblarining yechib olinishi, oʻrnatilishi, koʻrsatkichlari nazorat qilinishi va tekshiruv oʻtkazilishi haqida ogohlantirish;
isteʼmolchining hayoti, sogʻligʻi, mulkiga yetkazilgan moddiy va maʼnaviy zarar uchun qonunchilikda koʻrsatilgan tartibda javob berish;
shartnoma shartlari va oʻziga yuklangan majburiyatlarni bajarmaganlik.
121. ISKX tashkiloti isteʼmolchilarni suv bilan taʼminlashda quyidagi sabablarga koʻra uzilishlar boʻlganligi uchun javob bermaydi:
ushbu Qoidalarning 129-bandida sanab oʻtilgan sabablarga koʻra suv berish toʻliq yoki qisman toʻxtaganda;
isteʼmolchining aybiga koʻra.
ISKX tashkiloti, agar suv taʼminoti boʻyicha koʻrsatilayotgan xizmatlar sifatining yengib boʻlmaydigan kuch yoki suv taʼminoti xizmatlari koʻrsatish toʻgʻrisidagi shartnoma shartlari isteʼmolchi tomonidan buzilganligi tufayli sodir boʻlganini qonun hujjatlarida belgilangan tartibda isbotlasa, u sifat buzilganligi uchun javobgarlikdan ozod etiladi.
122. Tozalash inshootlari, nasos stansiyalari quvvatining yoki kommunal suv quvurlarining suv oʻtkazish quvvatining yetarli emasligi tufayli suv taʼminotida muntazam ravishda uzilishlar boʻlgan taqdirda ISKX tashkiloti, mahalliy davlat hokimiyati organlari bilan kelishgan holda, isteʼmolchilarni ularga suv berilishi rejalari haqida xabardor qilib, alohida tumanlarga suv berilishi yuzasidan javob beradi. Shu bilan birga, ISKX tashkiloti isteʼmolchilarni suv bilan normal taʼminlashga toʻsqinlik qilayotgan sabablarni bartaraf etishga doir barcha zarur tadbirlarning ishlab chiqilishi va amalga oshirilishi, shuningdek I guruh isteʼmolchilarida suvni hisobga olish asboblari mavjud boʻlmaganda — suvni berish soatlariga mutanosib ravishda qayta hisob-kitob qilinishi yuzasidan javob beradi.
X. Isteʼmolchilarning majburiyatlari va javobgarligi
123. Isteʼmolchilar quyidagilarga majbur:
shartnoma shartlarini bajarish;
Oldingi tahrirga qarang.
oʻzlarining hududida va tasarrufida boʻlgan ichimlik suv va kanalizatsiya tarmoqlari hamda qurilmalarining zarur darajada qoʻriqlanishini taʼminlash, ularning buzilishi, suv bosishi va muzlab qolishiga yoʻl qoʻymaslik, quduqlarning qopqogʻini muz va qordan tozalash, ISKX tashkiloti oʻrnatilgan plombalarning saqlanishini nazorat qilish, yer usti suv oqimlarining quduqlar yonidan oqizib yuborilishini taʼminlash, yongʻin gidrantlariga kirib borish yoʻlaklarini tirband qilmaslik, yongʻin gidrantlari koʻrsatkichlarining ishga yaroqliligini kuzatib borish va mavjud boʻlgan yongʻin gidrantlarini va yongʻin kranlarini plombalash uchun taqdim qilish;
(123-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
turli predmet va materiallarning uyum boʻlib saqlanishiga, shuningdek isteʼmolchining hududida yoki tasarrufida boʻlgan ichimlik suv, kanalizatsiya tarmoqlari va qurilmalari ustida hamda ichimlik suv va kanalizatsiya tashqi joylashuvda boʻlgan (koʻchada va kvartal ichida) yerlarda biror-bir inshootlarni qurishga yoʻl qoʻymaslik. Amaldagi tarmoqlarda oʻzboshimchalik bilan qurilgan inshootlarda avariya sodir boʻlgan taqdirda yetkazilgan zarar uchun javobgarlik qoidani buzganning zimmasiga yuklanadi;
tranzit kommunal ichimlik suv va kanalizatsiya tarmoqlari, inshootlar va qurilmalardagi oʻzlari aniqlashgan nosozliklar yoki shikastlanishlar haqida ISKX tashkilotiga zudlik bilan xabar berish;
Oldingi tahrirga qarang.
suvni hisobga olish asboblarida yaqqol koʻrinib turgan nosozliklar aniqlanganda aloqa vositalari orqali ISXK tashkilotiga xabar berish;
(123-bandning oltinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
asfaltlash boʻyicha taʼmirlash ishlari olib borilganda ichimlik suv-kanalizatsiya quduqlari, kameralarning saqlanishi va ularning oldiga erkin kirilishini taʼminlash maqsadida taʼmirlash-qurilish tashkilotlari ISKX tashkilotidan olingan lyuk xoʻjaligining yangi yoʻl oʻtuvchi qismigacha koʻtarilishni tasdiqlaydigan maʼlumotnomani majburiy tarzda taqdim etish;
ISKX tashkiloti bilan tuzilgan shartnoma doirasidagi majburiyatlarini bajarish, joriy oyning 23-25-sanasida suvni hisobga olish asboblari koʻrsatkichlarini toʻgʻri va oʻz vaqtida qayd qilib borish, joriy oyning soʻnggi sanasigacha ISKX tashkilotiga koʻrsatkich — maʼlumotlarni aloqa vositalari yordamida taqdim etish va toʻlovlarni amalga oshirish;
suv sarfi va oqova suvlar oqizilishining shartnomada belgilangan hajmlardan oshirib yuborilishiga yoʻl qoʻymaslik;
subisteʼmolchilardagi suv sarfini nazorat qilish va barcha turdagi suvni yoʻqotishlar boʻyicha choralar koʻrish;
isteʼmolchiga qarashli va u xizmat koʻrsatishi lozim boʻlgan ichimlik suv va kanalizatsiya tarmoqlari, inshootlar va qurilmalardan texnik jihatdan samarali foydalanishni taʼminlash;
ishlab chiqarish oqova suvlaridagi ifloslanish konsentratsiyasini normativdagi meʼyorlargacha yetkazgan holda oldindan tozalanishini taʼminlash;
kanalizatsiya tarmogʻiga oqiziladigan oqova suvlar sifati boʻyicha monitoring oʻrnatish;
isteʼmolchi hududida joylashgan suv oʻlchash uzeli, kommunal ichimlik suv va kanalizatsiya tarmoqlarida olib boriladigan barcha turdagi ishlarni bajarishga begona shaxslarni kiritmaslik;
ISKX tashkiloti vakilining ishtirokisiz quduqlar (kameralar) qopqogʻini ochishga ruxsat bermaslik;
Oldingi tahrirga qarang.
kommunal drenaj tizimi mavjud boʻlgan holatlarda isteʼmolchi hududida joylashgan kommunal kanalizatsiya tarmoqlariga yomgʻir va erigan qor suvlarining ruxsat etilmagan holda oqizilishiga yoʻl qoʻymaslik. Mazkur huquqbuzarlik aniqlangan taqdirda ISXK tashkiloti vakili, belgilangan tartibda, isteʼmolchiga nisbatan javobgarlik choralarini belgilash uchun asos boʻladigan dalolatnomani tuzadi;
(123-bandning oʻn oltinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
kommunal ichimlik suv va kanalizatsiya tarmoqlarida, inshootlar va qurilmalarda naryadsiz hamda ISKX tashkilotlarining xizmat guvohnomasisiz biror-bir ish olib borayotgan shaxslar toʻgʻrisida ichki ishlar organlariga xabar berish.
Suv taʼminoti va kanalizatsiya tizimi inshootlarini shikastlagan korxona va tashkilotlar bu haqda zudlik bilan ISKX tashkilotini xabardor qilishi, ISKX tashkilotining texnik nazorati ostida shikastlanishlarni oʻz kuchlari bilan bartaraf etishi, mazkur shikastlanishlar oqibatida yuzaga kelgan zararlarni qoplashi va buzilishlar oqibatida yoʻqotilgan suv qiymatini ISKX tashkilotiga toʻlashi shart.
Shaharlar va boshqa aholi punktlaridagi kommunal kanalizatsiya tizimiga jala suvlari ruxsat etilmagan holda oqizilgan taqdirda isteʼmolchiga nisbatan ishlab chiqarish oqova suvlarini oqizganligi uchun amaldagi tariflarga nisbatan qoʻshimcha uch barobarlik koeffitsiyent tatbiq etiladi. Hisob-kitob tashkilotning maydoni boʻyicha Oʻzbekiston Respublikasi Vazirlar Mahkamasining 2010-yil 3-fevraldagi 11-son qarori bilan tasdiqlangan Ishlab chiqarish oqova suvlarini qabul qilish qoidalari hamda ifloslantiruvchi moddalarning Oʻzbekiston Respublikasi shaharlari va boshqa aholi punktlarining kommunal kanalizatsiya tarmoqlariga normativdan ortiqcha oqizilganligi uchun kompensatsiya toʻlovlarini hisoblash tartibiga muvofiq kadastr va meteorologik maʼlumotlarga binoan amalga oshiriladi.
124. II va III guruh isteʼmolchisi quyidagilar yuzasidan javob beradi:
kanalizatsiya tarmogʻida avariya boʻlgan taqdirda yertoʻla xonalarini suv bosishidan saqlaydigan barcha oʻchiruvchi qurilmalarning butligi, saqlanganligi, ishga yaroqliligi va normal texnik holatdaligi uchun;
isteʼmolchiga qarashli sanitariya asboblari, kanalizatsiya tarmoqlari, inshoot va qurilmalarda tambaning yoʻqligi, reviziyalarning zich yopilmasligi, nosoz texnik holati tufayli isteʼmolchining kanalizatsiya tarmoqlarida yoki ISKX tashkilotida, ichimlik suv va kanalizatsiyaning tashqi tarmoqlarida avariya (tiqilib qolish, suv bosish) sodir boʻlishi sababli yertoʻla xonalarini suv bosishi oqibatida yetkazilgan zarar uchun;
Oldingi tahrirga qarang.
ISKX tashkiloti bilan hisob-kitob qilish uchun foydalaniladigan suvni hisobga olish asbobi, aylanma liniya zulfini, yongʻin zulfinlari, gidrantlar va uning hududida yoki tasarrufida boʻlgan hamda ISKX tashkiloti tomonidan plombalangan boshqa ichimlik suv qurilmalaridagi plombalarning butligi va saqlanishi uchun;
(124-bandning toʻrtinchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
ISKX tashkilotiga ichimlik suv va kanalizatsiya tarmoqlari, inshootlari va qurilmalarining shikastlanishi tufayli yetkazilgan zarar uchun qonunchilikda belgilangan tartibda.
Suvni hisobga olish asbobi va stvol zulfinidagi plombaning saqlanmaganligi va but emasligi aniqlangan taqdirda, soʻnggi dalolatnoma tuzilgan sanadan eʼtiboran toʻlovlar ushbu Qoidalar 87-moddasining “b” bandiga muvofiq amalga oshiriladi.
Plombalangan yongʻin zulfinlari va gidrantlaridagi plombalarni uzishga quyidagi hollarda yoʻl qoʻyiladi:
ISKX tashkiloti bilan kelishilgandan soʻng suv taʼminotining yongʻinga qarshi tizimi faoliyati tekshirilganda va yongʻin nasoslari sinovdan oʻtkazilganda;
ISKX tashkilotini xabardor qilmagan holda yongʻin oʻchirilganda va yongʻin xavfsizligi organlari tomonidan yongʻinga qarshi suv taʼminoti tizimining sinovlari oʻtkazilganda.
Oldingi tahrirga qarang.
Ichimlik suvi taʼminotining yongʻinga qarshi tizimidan foydalanish toʻxtatilganda isteʼmolchi 24 soat mobaynida ISKX tashkilotiga plomba uzilgani toʻgʻrisida dalolatnoma taqdim etishi va zulfinlarni plombalash uchun ISKX tashkiloti vakilini chaqirishi shart.
(124-bandning oʻninchi xatboshisi Oʻzbekiston Respublikasi Vazirlar Mahkamasining 2020-yil 28-maydagi 342-sonli qarori tahririda — Qonun hujjatlari maʼlumotlari milliy bazasi, 29.05.2020-y., 09/20/342/0686-son)
125. Suv quvuriga oʻzboshimchalik bilan ulangan, sovuq suvni hisobga olish asboblarining buzilishiga ataylab yoʻl qoʻygan, shuningdek koʻrsatkichlarni oʻzgartirish maqsadida hisobga olish asboblariga tashqaridan aralashgan isteʼmolchilar qonun hujjatlarida nazarda tutilgan tartibda javobgarlikka tortiladilar.
126. I guruh isteʼmolchisi quyidagilar yuzasidan javob beradi:
shartnoma shartlarining bajarilishi;
sanitariya-texnika uskunalarining doimiy soz holatda saqlanishi;
sanitariya-texnika uskunalaridan suv oqishiga yoʻl qoʻymaslik;
ichimlik suv taʼminoti va oqova suvni chiqarish xizmatlari uchun har oyda toʻlovlarni amalga oshirish;
suvni hisobga olish asboblari va ulardagi plombaning oʻzboshimchalik bilan yechilganligi.
XI. ISKX tashkilotlarining huquqlari
127. ISKX tashkiloti, isteʼmolchini 7 kun avval yozma ravishda ogohlantirgan holda, quyidagi holatlarda suvni uzatish va oqova suvlarni qabul qilishni toʻliq va qisman toʻxtatishi mumkin:
isteʼmolchiga tegishli va uning tasarrufida boʻlgan ichimlik suv va kanalizatsiya tarmoqlari, qurilma va inshootlarning texnik holati qoniqarsiz boʻlganda va ISKX tashkiloti vakillari tomonidan aniqlangan texnik foydalanishdagi xatoliklarni bartaraf etish boʻyicha ISKX tashkiloti talablari isteʼmolchi tomonidan bajarilmaganda (isteʼmolchilarning II va III guruhi uchun);
ISKX tashkiloti mansabdor shaxsi isteʼmolchining suvni hisobga olish uzeli, ichimlik suv va kanalizatsiya tarmoqlari, qurilmalari va inshootlarini nazorat qilish hamda suvni hisobga olish asbobi koʻrsatkichlarini qayd etish, plombalarni oʻrnatish maqsadida koʻzdan kechirish, belgilangan limitdan koʻp sarf qilinganda suv berishni muvofiqlashtirish va ISKX tashkiloti naryadlari boʻyicha boshqa ishlarni bajarish uchun kelganda isteʼmolchi tomonidan asossiz ravishda kiritilmaganda;
ISKX tashkiloti tomonidan isteʼmolchi ulangan ichimlik suv va kanalizatsiya tarmoqlari va qurilmalarida rejali-ogohlantirish tarzida taʼmirlash hamda xizmat koʻrsatish ishlari oʻtkazilganda, shuningdek yangi abonentlarni ulash ishlari amalga oshirilganda;
isteʼmolchi tasarrufida boʻlgan suv taʼminoti va kanalizatsiya tizimlari yoki tarmoqlariga subabonentlarning oʻzboshimchalik bilan ulangani aniqlanganda;
isteʼmolchi tomonidan suv taʼminoti va oqova suvlarni chiqarish xizmatlari uchun belgilangan muddatlarda haq toʻlanmaganda;
isteʼmolchining tasarrufida boʻlgan ichimlik suv va kanalizatsiya tarmoqlariga, qurilmalariga ISKX tashkilotidan ulanish uchun belgilangan tartibda ruxsatnoma olgan subabonentlarning tegishli tartibda ulanishi rad etilganda (isteʼmolchilarning II va III guruhi uchun);
isteʼmolchi tomonidan shartnoma shartlari bajarilmaganda va u oqizilayotgan oqova suvlar miqdori va tarkibi boʻyicha shartlarga rioya qilmaganda.
128. ISKX tashkiloti quyidagi holatlarda oldindan xabar qilmasdan suv uzatishni toʻliq yoki qisman toʻxtatishga haqli:
ISKX tashkilotining elektr taʼminoti toʻxtatilganda;
tabiiy ofatlar roʻy berganda;
avariya holatlarida;
yongʻin chiqqan joylarga suv uzatishni koʻpaytirishga zarurat tugʻilganda.
129. Sodir boʻlishi sabablaridan qatʼi nazar, aholi yashash punktlariga yoki ularning alohida hududlariga suv uzatilishi toʻliq toʻxtatilgan taqdirda, ISKX tashkiloti mahalliy davlat hokimiyati organlari tomonidan tasdiqlangan jadval asosida aholini vaqtinchalik suv bilan taʼminlash masalasini suv uzatish qaytadan tiklangungacha hal etadi.
XII. Isteʼmolchilarning huquqlari
130. Isteʼmolchilar quyidagi huquqlarga ega:
ISKX tashkilotidan, uning bilan tuzilgan shartnoma asosida, ichimlik suv va oqova suvni chiqarish xizmatlarining uzluksiz amalga oshirilishini, oʻz hayoti va sogʻligʻiga, mulkiga xavf tugʻdirmaydigan darajadagi sifat va miqdorda ichimlik suv berilishini talab qilish;
ISKX tashkilotidan suvni hisobga olish asboblarini oʻrnatish, ularni belgilangan tartibda va muddatlarda nazoratdan oʻtkazishni talab qilish;
tegishli sifat darajasidagi ichimlik suv va oqova suv tarmoqlariga xizmat koʻrsatish talablarini bajarmaganligi uchun ISKX tashkilotidan qonunchilikda va shartnoma shartlarida koʻrsatilgan miqdorda jarima (penya)lar toʻlashni talab qilish;
ISKX tashkilotini shartnomani bekor qilish toʻgʻrisida, uning bekor qilinishidan kamida 15 kun oldin ogohlantirgan holda va ushbu muddatda suv taʼminoti yoki oqova suvni chiqarish boʻyicha koʻrsatilgan xizmatlar uchun toʻlovlarni toʻliq amalga oshirgan holda shartnomani bir tomonlama bekor qilish;
ichimlik suv taʼminoti va oqova suvni chiqarish xizmatlari uchun amalga oshirilgan toʻlovlarning holati, qarzlarning yoʻqligi haqidagi maʼlumotlar va maʼlumotnomani shaxsan yoki oʻz vakili orqali bepul olish;
ISKX tashkilotidan ichimlik suv taʼminoti va oqova suvni chiqarish xizmatlari hajmi va sifati, ularni amalga oshirish shartlari, toʻlovlar tarifi va tartiblarining oʻzgarishi haqidagi maʼlumotlarni bepul olish;
ichimlik suv taʼminoti va oqova suvni chiqarish boʻyicha xizmatlar koʻrsatilmayotganligi yoki ularning past sifatda ekanligi toʻgʻrisidagi dalolatnoma taqdim etilgandan keyin 18 soat mobaynida ISKX tashkilotidan nosozlik va kamchiliklarni bartaraf etish chora-tadbirlari toʻgʻrisidagi maʼlumotlarni olish;
Oldingi tahrirga qarang.
Sanepidqoʻm organlari tomonidan tasdiqlangan amaldagi standartlarga javob beradigan sifatli ichimlik suv bilan taʼminlanmaganlik (sifatsiz ichimlik suv mavjudligi aniqlangan davrdan u tegishli darajaga olib kelingan vaqt) uchun qayta hisob-kitob amalga oshirilishini talab qilish.
(130-bandning toʻqqizinchi xatboshisi Oʻzbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik maʼlumotlari milliy bazasi, 30.01.2025-y., 09/25/48/0093-son)
XIII. Yakunlovchi qoidalar
131. Tomonlar oʻrtasida paydo boʻladigan barcha nizolar va kelishmovchiliklar muzokaralar yoʻli bilan hal etiladi. Tomonlarning muzokaralar yoʻli bilan hal etilmagan barcha nizolari va kelishmovchiliklari qonun hujjatlariga muvofiq hal etiladi.
132. Ushbu Qoidalarning buzilishida aybdor boʻlgan shaxslar amaldagi qonun hujjatlarida belgilangan tartibda javob beradilar.
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining XII bobi.
Oldingi tahrirga qarang.
(3-ilova Oʻzbekiston Respublikasi Vazirlar Mahkamasining 2019-yil 6-fevraldagi 95-sonli qaroriga asosan oʻz kuchini yoʻqotgan— Qonun hujjatlari maʼlumotlari milliy bazasi, 07.02.2019-y., 09/19/95/2583-son)
(Oʻzbekiston Respublikasi qonun hujjatlari toʻplami, 2014-y., 30-son, 368-modda; 2017-y., 9-son, 131-modda; Qonun hujjatlari maʼlumotlari milliy bazasi, 04.04.2018-y., 09/18/252/0995-son, 04.05.2018 g., № 09/18/321/1154, 04.10.2018-y., 09/18/789/1993-son, 23.11.2018-y., 09/18/950/2216-son; 07.02.2019-y., 09/19/95/2583-son, 20.06.2019-y., 09/19/498/3310-son, 29.12.2019-y., 09/19/1046/4242-son; 21.05.2020-y., 09/20/305/0626-son, 29.05.2020-y., 09/20/342/0686-son, 29.09.2020-y., 09/20/593/1340-son; Qonunchilik maʼlumotlari milliy bazasi, 20.11.2021-y., 09/21/694/1075-son, 27.12.2021-y., 09/21/774/1198-son; 04.01.2022-y., 09/22/3/0002-son, Qonunchilik maʼlumotlari milliy bazasi, 08.02.2022-y., 09/22/62/0111-son; 06.09.2022-y., 09/22/496/0799-son; 11.07.2024-y., 09/24/405/0495-son; 20.08.2024-y., 09/24/517/0632-son; 30.01.2025-y., 09/25/48/0093-son; 07.02.2026-y., 07/26/48/0119-son; 06.05.2026-y., 09/26/224/0457-son; 28.07.2026-y., 06/26/140/0792-son)
