O‘zbekiston Respublikasining “O‘zbekiston Respublikasining Markaziy banki to‘g‘risida”gi, “Banklar va bank faoliyati to‘g‘risida”gi va “Buxgalteriya hisobi to‘g‘risida”gi qonunlariga, O‘zbekiston Respublikasi Prezidentining 2013-yil 31-oktabrdagi PQ-2060-son “O‘zbekiston Respublikasi Prezidentining ayrim qarorlariga o‘zgartish va qo‘shimchalar kiritish to‘g‘risida”gi qaroriga va O‘zbekiston Respublikasi Prezidentining 2014-yil 7-apreldagi PF-4609-son “O‘zbekiston Respublikasida investitsiya iqlimi va ishbilarmonlik muhitini yanada takomillashtirishga doir qo‘shimcha chora-tadbirlar to‘g‘risida”gi Farmoniga muvofiq O‘zbekiston Respublikasi Markaziy banki Boshqaruvi qaror qiladi:

1. O‘zbekiston Respublikasi Markaziy banki Boshqaruvining 2009-yil 16-martdagi 7/2-sonli qarori (ro‘yxat raqami 1948, 2009-yil 27-aprel) (O‘zbekiston Respublikasi qonun hujjatlari to‘plami, 2009-y., 18-son, 229-modda) bilan tasdiqlangan O‘zbekiston Respublikasi banklarida ochiladigan bank hisobvaraqlari to‘g‘risidagi yo‘riqnomaga ilovaga muvofiq o‘zgartirishlar va qo‘shimcha kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

1. 7-band quyidagi tahrirdagi xatboshi bilan to‘ldirilsin:

“Kichik tadbirkorlik subyektlari tomonidan O‘zbekiston Respublikasi Davlat budjetiga ularning hisobvaraqlaridan soliqlarni va boshqa majburiy to‘lovlarni to‘lashda banklar xizmatlari uchun to‘lovlar undirilmaydi.”.

2. 9-band quyidagi tahrirda bayon etilsin:

“9. Mijozlarga hisobvaraqlar ochish va yopish, shuningdek hisobvaraqlardan mablag‘larni hisobdan chiqarish amallarini vaqtincha to‘xtatib turish hamda ularni qayta harakatga keltirish shu kunning o‘zidayoq amalga oshirilib, Bank depozitorlarining Milliy axborotlar bazasi orqali O‘zbekiston Respublikasi Davlat soliq qo‘mitasiga uzatiladi.”.

3. 42-band o‘z kuchini yo‘qotgan deb topilsin.

4. 50-banddagi “xabarnoma (ma’lumotnoma)” degan so‘zlar “xulosa” degan so‘z bilan almashtirilsin.