Oʻzbekiston Respublikasi Vazirlar Mahkamasining
qarori
Respublika aholi punktlarini obodonlashtirish ishlarini tashkil etishni takomillashtirish chora-tadbirlari toʻgʻrisida
Keyingi yillarda respublika shaharlari va aholi punktlarining zamonaviy qiyofasini shakllantirishga, yoʻl-transport va muhandislik-kommunikatsiya infratuzilmasini zamonaviy shaharsozlik meʼyorlari va talablariga muvofiqlashtirish maqsadida ularni rekonstruksiya va modernizatsiya qilish borasida koʻlamli chora-tadbirlar koʻrilmoqda.
Shaharlar, viloyat va tuman markazlarini, shahar posyolkalari va qishloq aholi punktlarini, shu jumladan obodonlashtirish boshqarmalarining moddiy-texnika bazasini mustahkamlash, ularni zamonaviy maxsus transport va mexanizatsiya vositalari bilan jihozlash hisobiga, obodonlashtirish tubdan yaxshilandi. Ushbu sohada qonunchilikni takomillashtirish yuzasidan bir qancha chora-tadbirlar koʻrildi.
Shu bilan birga respublika shaharlari va tumanlarida obodonlashtirish boʻlinmalari faoliyatini tashkil etishga yagona yondashuv mavjud emas. Obodonlashtirish boʻlinmalari turlicha tashkiliy-huquqiy shakllarda faoliyat koʻrsatadi, turlicha boshqaruv tuzilmalariga ega. Natijada aholi punktlarini obodonlashtirish ishlarini tashkil etish samaradorligi pasayib ketmoqda.
Respublika shaharlari va tumanlarini obodonlashtirish ishlarini tashkil etish va boshqarishni yanada takomillashtirish, shuningdek mahalliy budjetlar xarajatlarini maqbullashtirish maqsadida Vazirlar Mahkamasi qaror qiladi:
1. Oʻzbekiston Respublikasi Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining respublika shaharlari va tumanlaridagi obodonlashtirish masalalari boʻyicha tashkilotlarni (boʻlinmalarni) qayta tashkil etish va ularning negizida obodonlashtirish boshqarmalarini tashkil etish toʻgʻrisidagi taklifiga rozilik berilsin.
2. Shaharsozlik hamda sanitariya meʼyorlari va qoidalariga muvofiq obodonlashtirish obyektlarini saqlash va ulardan foydalanish ishlarini oʻz vaqtida va sifatli bajarish shaharlar va tumanlar obodonlashtirish boshqarmalarining asosiy vazifalari etib belgilansin. Ularning asosiy vazifalariga shu jumladan quyidagilar kiradi:
koʻchalar, skverlar, xiyobonlar, yodgorlik majmualari va umumiy foydalaniladigan boshqa koʻkalamzor zonalarni koʻkalamzorlashtirish, dov-daraxtlarni parvarish qilish boʻyicha agrotexnika tadbirlarini oʻtkazish, ularning zararkunandalari va kasalliklariga qarshi kurashish;
yoʻl-koʻprik xoʻjaligini (koʻchalar, yoʻlaklar qatnov qismining yoʻl qoplamasi, bekat koʻtarmalari, yer osti oʻtish joylari, koʻpriklar, transport chorrahalari va yoʻl oʻtkazgichlar, yon bordyurlar, suv chiqarib yuborish tarmoqlari va boshqa sunʼiy inshootlar) saqlash, mukammal va joriy taʼmirlash;
xoʻjaliklararo qishloq avtomobil yoʻllarini saqlash, mukammal va joriy taʼmirlash;
drenaj xoʻjaligini (vertikal va gorizontal quduqlar, ochiq va yopiq kollektorlar, sunʼiy havzalar, yer osti va yomgʻir suvlarini haydaydigan nasos stansiyalari) va favvoralarni saqlash, mukammal, joriy taʼmirlash va ulardan foydalanish boʻyicha boshqa ishlar;
elektr energiyasini tejash maqsadida zamonaviy asbob-uskunalar va texnologiyalarni joriy etgan holda yoʻllar va koʻchalarning tashqi yoritish tarmoqlarini saqlash, mukammal va joriy taʼmirlash hamda ulardan foydalanish boʻyicha boshqa ishlar;
Oldingi tahrirga qarang.
nazoratsiz, shu jumladan egasiz itlar, mushuklar va yirtqich hayvonlarni veterinariya-sanitariya qoidalariga rioya qilgan holda tutish va veterinariya va chorvachilikni rivojlantirish boʻlimlariga olib kelish;
(2-bandning yettinchi xatboshisi Oʻzbekiston Respublikasi Vazirlar Mahkamasining 2019-yil 27-iyundagi 532-sonli qarori tahririda — Qonun hujjatlari maʼlumotlari milliy bazasi, 28.06.2019-y., 09/19/532/3344-son)
ekologiya meʼyorlariga, sanitariya, shaharsozlik meʼyorlari va qoidalariga hamda boshqa meʼyorlar va qoidalarga muvofiq dafn etish joylari (qabristonlar) va qabr ustiga oʻrnatilgan yodgorliklarni saqlash va ulardan foydalanish;
mavsumiy talablarni hisobga olgan holda obodonlashtirish obyektlarini sanitariya jihatidan tozalash.
Oldingi tahrirga qarang.
(2-bandning oʻninchi xatboshisi Oʻzbekiston Respublikasi Vazirlar Mahkamasining 2019-yil 6-fevraldagi 95-sonli qaroriga asosan chiqarilgan — Qonun hujjatlari maʼlumotlari milliy bazasi, 07.02.2019-y., 09/19/95/2583-son)
3. Quyidagilar:
shaharlar va tumanlarni obodonlashtirish boshqarmalari toʻgʻrisidagi namunaviy nizom 1-ilovaga muvofiq;
Nukus shahri va viloyat markazlari boʻlgan shaharlar obodonlashtirish boshqarmalarining namunaviy tuzilmasi 2-ilovaga muvofiq;
viloyatlarga (Qoraqalpogʻiston Respublikasida – respublikaga) boʻysunuvchi shaharlar va tumanlar obodonlashtirish boshqarmalarining namunaviy tuzilmasi 3-ilovaga muvofiq;
Toshkent shahar tumanlari obodonlashtirish boshqarmalarining namunaviy tuzilmasi 4-ilovaga muvofiq tasdiqlansin.
Poytaxtni obodonlashtirish ishlarini tashkil etish va boshqarishni takomillashtirish maqsadida Oʻzbekiston Respublikasi Vazirlar Mahkamasining 2010-yil 11-noyabrdagi 251-son qarori bilan Toshkent shahar hokimligi huzuridagi Obodonlashtirish bosh boshqarmasining tashkiliy tuzilmasi, apparati tuzilishi va u toʻgʻrisidagi Nizom tasdiqlanganligi maʼlumot uchun qabul qilinsin.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda:
faoliyat koʻrsatib turgan obodonlashtirish tashkilotlarini (boʻlinmalarni) qayta tashkil etishni hamda ularning negizida shaharlar va tumanlarda ushbu qarorga 2 — 4-ilovalarda nazarda tutilgan namunaviy tuzilmalarga muvofiq obodonlashtirishning tegishli boshqarmalari tashkil etilishini;
Shaharlar va tumanlarning obodonlashtirish boshqarmalari toʻgʻrisidagi ushbu qaror bilan tasdiqlangan namunaviy nizom asosida obodonlashtirish boshqarmalari haqidagi nizomlar tasdiqlanishini;
obodonlashtirish boshqarmalariga joy ajratilishini va zarur hollarda ularni maʼmuriy va ishlab chiqarish binolariga joylashtirishni;
obodonlashtirish boshqarmalarini malakali mutaxassislar, muhandis-texnik va ishlab chiqarish xodimlari bilan butlashni taʼminlasinlar.
5. Shaharlar va tumanlarda obodonlashtirish boshqarmalarini qayta tuzish va tashkil etish masalalarini muvofiqlashtirish boʻyicha 5-ilovaga* muvofiq ishchi guruh tashkil etilsin.
*5-ilova berilmaydi.
Ishchi guruh (N.M.Xanov) ushbu qarorni amalga oshirish yuzasidan joylarda davlat hokimiyati organlari ishi muvofiqlashtirilishini taʼminlasin, ularga zarur metodik yordam koʻrsatsin va ikki oy muddatda Vazirlar Mahkamasiga amalga oshirilgan ishlarning natijalari toʻgʻrisidagi axborotni kiritsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I.Zakirov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2013-yil 10-yanvar,
4-son
Vazirlar Mahkamasining 2013-yil 10-yanvardagi 4-son qaroriga
1-ILOVA
1-ILOVA
Shaharlar va tumanlar obodonlashtirish boshqarmalari toʻgʻrisida
Namunaviy nizom
I. Umumiy qoidalar
1. Ushbu Namunaviy nizom viloyatlar markazlari boʻlgan shaharlar (Qoraqalpogʻiston Respublikasi poytaxti), viloyatga (Qoraqalpogʻiston Respublikasida – respublikaga) boʻysunuvchi shaharlar va tumanlar obodonlashtirish boshqarmalarining (keyingi oʻrinlarda Obodonlashtirish boshqarmasi deb ataladi) maqomi, asosiy vazifalari, funksiyalari, huquqlari va majburiyatlarini belgilaydi.
Oldingi tahrirga qarang.
2. Obodonlashtirish boshqarmasi mahalliy ijro etuvchi hokimiyat organlari qaroriga binoan tashkil etiladi, viloyatlarga (Qoraqalpogʻiston Respublikasida – respublikaga) boʻysunuvchi shaharlar va tumanlar hokimliklarining budjetdan mablagʻ bilan taʼminlanadigan muassasasi va mustaqil tarkibiy boʻlinmasi hisoblanadi.
(2-bandning birinchi xatboshisi Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
Obodonlashtirish boshqarmasi oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, xalq deputatlari Kengashi qarorlariga, Qoraqalpogʻiston Respublikasi Vazirlar Kengashining qarorlari va farmoyishlariga, viloyat, tuman va shahar hokimining qarorlari va farmoyishlariga, shuningdek ushbu Namunaviy nizomga amal qiladi.
3. Obodonlashtirish boshqarmasi yuridik shaxs hisoblanadi, alohida mol-mulkka, mustaqil balansga, Oʻzbekiston Respublikasi Davlat gerbi tasviri tushirilgan, oʻz nomi davlat tilida yozilgan dumaloq muhrga, shtamplar va blankga, Oʻzbekiston Respublikasi Moliya vazirligi Gʻaznachiligining hududiy boʻlinmalarida shaxsiy hisob raqamiga ega boʻladi.
II. Obodonlashtirish boshqarmasining vazifalari va funksiyalari
4. Shaharsozlik hamda sanitariya normalari va qoidalariga muvofiq obodonlashtirish obyektlarini saqlash va ulardan foydalanish boʻyicha ishlarni, shu jumladan quyidagi ishlarni oʻz vaqtida va sifatli bajarish Obodonlashtirish boshqarmasining asosiy vazifalari hisoblanadi:
koʻchalar, skverlar, xiyobonlar, yodgorlik majmualari va umumiy foydalaniladigan boshqa koʻkalamzor zonalarni koʻkalamzorlashtirish, dov-daraxtlarni parvarish qilish boʻyicha agrotexnika tadbirlarini oʻtkazish, ularning zararkunandalari va kasalliklariga qarshi kurashish;
yoʻl-koʻprik xoʻjaligini (koʻchalar, yoʻlaklar qatnov qismining yoʻl qoplamasi, bekat koʻtarmalari, yer osti oʻtish joylari, koʻpriklar, transport chorrahalari va yoʻl oʻtkazgichlar, yon bordyurlar, suv chiqarib yuborish tarmoqlari va boshqa sunʼiy inshootlar) saqlash, mukammal va joriy taʼmirlash;
xoʻjaliklararo qishloq avtomobil yoʻllarini saqlash, mukammal va joriy taʼmirlash;
Oldingi tahrirga qarang.
xoʻjaliklararo qishloq avtomobil yoʻllari, shaharlar, tuman markazlari, shaharcha, qishloqlar, ovullar va boshqa aholi punktlari koʻchalarining (keyingi oʻrInlarda — ichki yoʻllar) umumiy hisobini yuritish va barcha manbalar hisobidan taʼmirlangan yoʻllarning holatini doimiy ravishda yoʻl platformasida yangilab borish;
ichki yoʻllarni saqlash va joriy taʼmirlash ishlari dasturlarini ishlab chiqish va amalga oshirish hamda yanada rivojlantirish boʻyicha takliflar kiritish;
ichki yoʻllarni loyihalashtirish, taʼmirlash va saqlash sohasida innovatsion texnologiyalar va zamonaviy standartlardan foydalanish;
(4-band Oʻzbekiston Respublikasi Vazirlar Mahkamasining 2024-yil 11-oktabrdagi 665-sonli qaroriga asosan beshinchi — yettinchi xatboshilar bilan toʻldirilgan — Qonunchilik maʼlumotlari milliy bazasi, 22.10.2024-y., 09/24/665/0838-son)
drenaj xoʻjaligini (vertikal va gorizontal quduqlar, ochiq va yopiq kollektorlar, sunʼiy havzalar, yer osti va yomgʻir suvlarini haydaydigan nasos stansiyalari) va favvoralarni saqlash, mukammal, joriy taʼmirlash va ulardan foydalanish boʻyicha boshqa ishlar;
elektr energiyasini tejash maqsadida zamonaviy asbob-uskunalar va texnologiyalarni joriy etgan holda yoʻllar va koʻchalarning tashqi yoritish tarmoqlarini saqlash, mukammal va joriy taʼmirlash hamda ulardan foydalanish boʻyicha boshqa ishlar;
Oldingi tahrirga qarang.
nazoratsiz, shu jumladan egasiz itlar, mushuklar va yirtqich hayvonlarni veterinariya-sanitariya qoidalariga rioya qilgan holda tutish va veterinariya va chorvachilikni rivojlantirish boʻlimlariga olib kelish;
(4-bandning yettinchi xatboshisi Oʻzbekiston Respublikasi Vazirlar Mahkamasining 2019-yil 27-iyundagi 532-sonli qarori tahririda — Qonun hujjatlari maʼlumotlari milliy bazasi, 28.06.2019-y., 09/19/532/3344-son)
ekologiya meʼyorlariga, sanitariya, shaharsozlik meʼyorlari va qoidalariga hamda boshqa meʼyorlar va qoidalarga muvofiq dafn etish joylari (qabristonlar) va qabr ustiga oʻrnatilgan yodgorliklarni saqlash va ulardan foydalanish;
mavsumiy talablarni hisobga olgan holda obodonlashtirish obyektlarini sanitariya jihatidan tozalash.
Oldingi tahrirga qarang.
qattiq maishiy chiqindilarni yigʻish, tashish va koʻmib tashlash.
(4-band Oʻzbekiston Respublikasi Vazirlar Mahkamasining 2013-yil 3-dekabrdagi 315-sonli qaroriga asosan xatboshi bilan toʻldirilgan — OʻR QHT, 2013-y., 49-son, 632-modda)
5. Obodonlashtirish boshqarmasi oʻziga yuklangan vazifalarni bajarish doirasida quyidagi funksiyalarni amalga oshiradi:
yashil dov-daraxtlarni parvarish qilish (daraxtlar va butalarga shakl berish, yashil dov-daraxtlarni sugʻorish, oʻsimliklar novdalariga suv purkash, tuproqning meliorativ holatini yaxshilash, begona oʻtlarga qarshi kurashish, oʻsimliklarni kasalliklar va zararkunandalardan kimyoviy va biologik himoya qilish hamda boshqa agrotexnika tadbirlari va ishlarini amalga oshirish);
obodonlashtirish obyektlarining texnik holatini har yili koʻzdan kechirish va baholash, ularning natijalari boʻyicha kamchiliklar dalolatnomalarini hamda mukammal va joriy taʼmirlashning manzilli roʻyxatlarini tuzish;
loyiha-smeta hujjatlariga va belgilangan tartibda tasdiqlangan manzilli roʻyxatlarga muvofiq obodonlashtirish obyektlarini mukammal va joriy taʼmirlashni amalga oshirish yuzasidan pudrat shartnomalari tuzish;
loyiha-smeta hujjatlariga va belgilangan tartibda tasdiqlangan manzilli roʻyxatlarga muvofiq oʻz kuchlari bilan hamda ixtisoslashgan pudrat tashkilotlari tomonidan bajariladigan obodonlashtirish obyektlarini mukammal va joriy taʼmirlashning bajarilishi yuzasidan nazoratni va texnik nazoratni amalga oshirish;
obodonlashtirish obyektlarining muddatidan oldin eskirishi va buzilishining oldini olish hamda ularni ish holatida saqlash boʻyicha profilaktika tadbirlarini tashkil etish;
bayramlarga, madaniy va siyosiy tadbirlarga, xorijiy mehmonlar va delegatsiyalarning kelishiga tayyorlash davrida shaharlar va tumanlar koʻchalarini, maydonlarini bezatish;
yoritqichlardagi elektr chiroqlarini, ishdan chiqqan nur taratgichlarni almashtirish, koʻchalar, yoʻlkalar, hududlarning yoritilganlik darajasini oʻlchash, yoritqichlarni oʻz vaqtida yondirish va oʻchirish, tashqi yoritish elektr tarmoqlarini, uskunalar va inshootlarni ularning soz holatdaligi yuzasidan nazorat qilish va texnik koʻrikdan oʻtkazish;
koʻchalar va boshqa joylarda tutilgan nazoratsiz, shu jumladan egasiz itlar, mushuklar va yirtqich hayvonlarni vaqtinchalik saqlash uchun maxsus joylar tashkil etish;
Oldingi tahrirga qarang.
odamlar va hayvonlarga jarohat yetkazgan yoxud ularga kutilmaganda xuruj qilgan hayvonlarni keyinchalik karantin qilish uchun veterinariya va chorvachilikni rivojlantirish boʻlimlariga topshirish;
(5-bandning oʻninchi xatboshisi Oʻzbekiston Respublikasi Vazirlar Mahkamasining 2019-yil 27-iyundagi 532-sonli qarori tahririda — Qonun hujjatlari maʼlumotlari milliy bazasi, 28.06.2019-y., 09/19/532/3344-son)
Oldingi tahrirga qarang.
hayvonlarning quturishi sodir boʻlgan taqdirda tegishli veterinariya va chorvachilikni rivojlantirish boʻlimlari bilan birgalikdagi ishlarni tashkil etish, shuningdek nobud boʻlgan hayvonlarni veterinariya-sanitariya qoidalariga rioya etgan holda zararsizlantirish;
(5-bandning oʻn birinchi xatboshisi Oʻzbekiston Respublikasi Vazirlar Mahkamasining 2019-yil 27-iyundagi 532-sonli qarori tahririda — Qonun hujjatlari maʼlumotlari milliy bazasi, 28.06.2019-y., 09/19/532/3344-son)
qabristonlar hududida zarur tartib va tozalikni taʼminlash, fuqarolarga (tashkilotlarga) ularning buyurtmanomalariga binoan dafn etish uchastkalarini bepul taqdim etish, vafot etganlarni qabrlarni qazish norma va qoidalariga rioya etgan holda dafn etish, fuqarolarning qabristonda koʻrsatiladigan xizmatlarga buyurtmalarini bajarish;
yigʻishtirish-tozalash (supurish, sugʻorish, yuvish, changlarni, qorlarni, muzlarni yoʻqotish, irrigatsiya xoʻjaligi obyektlarini mexanik tozalash va koʻchalarni tozalash-yuvish, eskirgan (qurigan), qirqilgan daraxtlar, shox-shabbalar va barglarni yoʻqotish) ishlari kompleksini amalga oshirish;
Oldingi tahrirga qarang.
Oldingi tahrirga qarang.
qonunchilik hujjatlarida belgilangan tartibda ichki yoʻllar hududiga kiradigan ogʻir va yirik gabaritli avtotransport vositalarining vazn va hajm parametrlarini nazorat qilish;
(5-bandning oʻn toʻrtinchi xatboshisi Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
ichki yoʻllarda yoʻl harakatini tartibga solishning texnik vositalari va ularning konstruksiyalari, shu jumladan foto va video qayd etish texnik vositalarining oʻrnatilishiga texnik shartlar (ruxsat) berish;
ichki yoʻllar bilan muhandislik kommunikatsiyalarining koʻndalang kesishishiga qayta tiklanishini inobatga olgan xolda ruxsatnomalar berish;
yuridik va jismoniy shaxslar tomonidan ichki yoʻllarga tutashuvchi yoʻllar (syezdlar) qurilishi uchun texnik shartlar (ruxsat) berish;
ichki yoʻllar tarmogʻini tegishli holatda saqlash va rivojlantirish, ularning oʻtkazish qobiliyatini oshirish, avtomobil yoʻllari foydalanuvchilariga koʻrsatiladigan xizmatlar sifatini yaxshilash, shuningdek, yoʻl va yoʻl boʻyi servisi obyektlarini rivojlantirishni muvofiqlashtirish;
ichki yoʻllarning texnik holatidan kelib chiqqan holda (kuzgi, bahorgi va davriy koʻrik natijalariga koʻra) yoʻllarni saqlash va joriy taʼmirlash ishlarining har yilgi dasturlarini shakllantirish va belgilangan tartibda amalga oshirish;
ichki yoʻllar roʻyxati hisobini yuritish va belgilangan tartibda xalq deputatlari tuman (shahar) Kengashlariga tasdiqlash uchun kiritish hamda roʻyxatni umumlashtirish uchun tegishliligi boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga taqdim etib borish;
(5-band Oʻzbekiston Respublikasi Vazirlar Mahkamasining 2024-yil 11-oktabrdagi 665-sonli qaroriga asosan oʻn toʻrtinchi — yigirmanchi xatboshilar bilan toʻldirilgan — Qonunchilik maʼlumotlari milliy bazasi, 22.10.2024-y., 09/24/665/0838-son)
Obodonlashtirish boshqarmasi xodimlarining mehnat unumdorligini oshirish maqsadida zamonaviy texnologiyalarni, avtomatlashtirish va kichik mexanizatsiya vositalarini joriy etish tadbirlarini ishlab chiqish;
Oldingi tahrirga qarang.
Obodonlashtirish boshqarmasi obyektlarida tovar-moddiy boyliklar va elektr energiyasidan oqilona foydalanilishini, unga ajratilgan budjet mablagʻlarini sarflashning samaradorligi va oshkoraligini, ularning hisobga olinishini, shuningdek amaldagi qonunchilikka muvofiq moliyaviy hisobotlar topshirilishini taʼminlash;
(5-bandning oʻn beshinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
sunʼiy inshootlarda ishlarni olib borishga texnik ruxsatnoma berish, shuningdek qurilayotgan sunʼiy inshootlar va yer ostidan oʻtadigan umumiy muhandislik kollektorlarining holati yuzasidan texnik nazoratni amalga oshirish.
Oldingi tahrirga qarang.
(5-bandning oʻn yettinchi va oʻn sakkizinchi xatboshilari Oʻzbekiston Respublikasi Vazirlar Mahkamasining 2019-yil 6-fevraldagi 95-sonli qaroriga asosan chiqarilgan — Qonun hujjatlari maʼlumotlari milliy bazasi, 07.02.2019-y., 09/19/95/2583-son)
Oldingi tahrirga qarang.
Obodonlashtirish boshqarmasi qonunchilikka muvofiq boshqa funksiyalarni ham amalga oshirishi mumkin.
(5-bandning oʻn yettinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Obodonlashtirish boshqarmasining boʻlim va uchastkalari faoliyatini amalga oshirish boʻyicha belgilangan vazifalarni bajarish doirasida qoʻshimcha shtat birligiga zarurat tugʻilgan taqdirda, Obodonlashtirish boshqarmasidagi mavjud shtat birliklari doirasida xodimlarni egallab turgan ish joyidan ajralmagan holda jalb etilishi mumkin.
(5-band Oʻzbekiston Respublikasi Vazirlar Mahkamasining 2024-yil 11-oktabrdagi 665-sonli qaroriga asosan yigirma beshinchi xatboshi bilan toʻldirilgan — Qonunchilik maʼlumotlari milliy bazasi, 22.10.2024-y., 09/24/665/0838-son)
III. Obodonlashtirish boshqarmasi faoliyatini tashkil etish
Oldingi tahrirga qarang.
6. Obodonlashtirish boshqarmasiga mahalliy ijro etuvchi hokimiyat tegishli hududiy organining qaroriga muvofiq lavozimga tayinlanadigan va lavozimdan ozod etiladigan boshliq rahbarlik qiladi.
(6-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
7. Boshliq:
yakkaboshchilik asosida Obodonlashtirish boshqarmasi faoliyatiga umumiy rahbarlik qiladi;
Obodonlashtirish boshqarmasi vakolatiga kiruvchi masalalar boʻyicha qarorlar qabul qiladi hamda Obodonlashtirish boshqarmasiga yuklangan vazifalar va funksiyalarning bajarilishi uchun shaxsan javob beradi;
oʻrinbosarning, boshqa mansabdor shaxslarning vakolatlarini, Obodonlashtirish boshqarmasi faoliyatining alohida boʻlimlari (uchastkalari)ga rahbarlik qilish yuzasidan javobgarligi darajasini belgilaydi;
Obodonlashtirish boshqarmasi xodimlarining bajarishi uchun majburiy boʻlgan buyruqlar chiqaradi va koʻrsatmalar beradi;
shtatlar roʻyxatini tasdiqlaydi, zarurat boʻlganda, Obodonlashtirish boshqarmasi tuzilmasiga xodimlarning belgilangan umumiy soni va nazarda tutilgan mehnatga haq toʻlash fondi, shuningdek Obodonlashtirish boshqarmasi xarajatlari smetasi doirasida oʻzgartirishlar kiritadi, keyinchalik ularni tegishli moliya organida roʻyxatdan oʻtkazadi;
xodimlarni belgilangan tartibda ishga qabul qiladi, ular bilan mehnat shartnomalari (kontraktlari) tuzadi, mehnat shartnomalariga (kontraktlariga) oʻzgartirishlar kiritadi va ularni toʻxtatadi;
Oldingi tahrirga qarang.
Obodonlashtirish boshqarmasi nomidan ishonchnomasiz harakat qiladi va uning manfaatlarini himoya qiladi, oʻz vakolati doirasida shartnomalar tuzadi, qonunchilikda belgilangan tartibda ishonchnomalar beradi;
(7-bandning sakkizinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
qonunchilikka muvofiq boshqa vakolatlarni amalga oshiradi.
(7-bandning toʻqqizinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
8. Boshliq oʻz huquqlarini amalga oshirishda va vazifalarini bajarishda Obodonlashtirish boshqarmasi manfaatlarini koʻzlab harakat qiladi hamda Obodonlashtirish boshqarmasiga yuklangan vazifalarning samarali bajarilishi, ish haqi va unga tenglashtirilgan toʻlovlarning oʻz vaqtida toʻlanishi, mehnat huquqiy munosabatlaridan kelib chiqadigan barcha talablarning qondirilishi, ishlab chiqarish faoliyati bilan bevosita bogʻliq boʻlgan ehtiyojlarga pul mablagʻlarining oʻtkazilishi, oʻzining xatti-harakati (harakatsizligi) bilan Obodonlashtirish boshqarmasiga yetkazilgan zararlar, shu jumladan Obodonlashtirish boshqarmasiga berilgan mol-mulk yoʻqolganligi uchun qonunchilikda belgilangan tartibda javob beradi.
(8-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
IV. Obodonlashtirish boshqarmasining moliya-xoʻjalik faoliyati
9. Obodonlashtirish boshqarmasining faoliyati:
Oʻzbekiston Respublikasi Davlat budjeti mablagʻlari, har yili mahalliy budjetlar parametrlarida nazarda tutiladigan mablagʻlar;
quyidagilardan:
faoliyat sohasi boʻyicha pulli asosda tovarlar (ishlar, xizmatlar)ni ishlab chiqarish va sotishdan;
vaqtinchalik foydalanilmayotgan binolar va davlatning boshqa mol-mulkini oʻzga tashkilotlarga ijaraga berishdan;
yuridik va jismoniy shaxslar tomonidan koʻrsatiladigan xayriya yordamidan olinadigan qoʻshimcha daromadlar;
Oldingi tahrirga qarang.
qonunchilikda taqiqlanmagan boshqa manbalar hisobiga moliyalashtiriladi.
(9-bandning yettinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
10. Budjet mablagʻlarini obodonlashtirish ishlarini bajarish uchun Obodonlashtirish boshqarmasining boʻlimlari (uchastkalari) boʻyicha taqsimlash Oʻzbekiston Respublikasi Davlat budjeti xarajatlarining funksional klassifikatsiyasiga muvofiq, tasdiqlangan mahalliy budjet parametrlari doirasida amalga oshiriladi.
Oldingi tahrirga qarang.
11. Hisobga olishni, statistik va moliyaviy hisobotlarni yuritish qonunchilikda belgilangan tartibda amalga oshiriladi.
(11-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
IV1. Obodonlashtirish boshqarmasining boshqa vakolatli tashkilotlar bilan hamkorligi
Oldingi tahrirga qarang.
(111-band Oʻzbekiston Respublikasi Vazirlar Mahkamasining 2026-yil 20-yanvardagi 11-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 21.01.2026-y., 09/26/11/0066-son)
112. Tuman (shahar) hokimliklari tasarrufidagi ichki yoʻllarda barcha manbalar hisobidan yangidan qurish, rekonstruksiya va taʼmirlash boʻyicha buyurtmachi boʻlgan tashkilotlar, shuningdek, qurilish va uy-joy kommunal xoʻjaligi va boshqa tegishli tashkilotlar (issiq va sovuq suv, tabiiy gaz, issiqlik va aloqa tizimi tashkilotlari) yoʻllarda amalga oshirilgan qurilish-taʼmirlash ishlarini Obodonlashtirish boshqarmasiga doimiy foydalanishga topshirishdan oldin yoʻl platformasiga kiritib borish maqsadida yoʻlda amalga oshirilgan barcha ishlar hajmi, aniq manzili va parametri boʻyicha toʻliq maʼlumotlarni taqdim etadi hamda kafolat muddati tugaguniga qadar taʼmirlangan yoʻllarning holatini doimiy ravishda nazoratda saqlaydi va texnik buzilishlar sodir boʻlganda bartaraf etilishini taʼminlaydi.
(IV1-bob Oʻzbekiston Respublikasi Vazirlar Mahkamasining 2024-yil 11-oktabrdagi 665-sonli qaroriga asosan kiritilgan — Qonunchilik maʼlumotlari milliy bazasi, 22.10.2024-y., 09/24/665/0838-son)
V. Yakunlovchi qoidalar
Oldingi tahrirga qarang.
12. Obodonlashtirish boshqarmasi hisobot davri tugagandan keyin vakolatli organlarga roʻyxati qonunchilikda belgilangan moliyaviy hisobotlarni va boshqa hujjatlarni taqdim etadi hamda hujjatlarning saqlanishi va ularning belgilangan tartibda davlat tomonidan saqlashga berilishi uchun javob beradi.
(12-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
13. Obodonlashtirish boshqarmasi faoliyatini nazorat qilish mahalliy ijro etuvchi hokimiyat organlari va boshqa vakolatli organlar tomonidan, qonunchilikda belgilangan tartibda amalga oshiriladi.
(13-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
Oldingi tahrirga qarang.
14. Obodonlashtirish boshqarmasi qonunchilikda belgilangan tartibda mahalliy ijro etuvchi hokimiyat organining qarori bilan qayta tashkil etilishi yoki tugatilishi mumkin.
(14-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
Oldingi tahrirga qarang.
Vazirlar Mahkamasining 2013-yil 10-yanvardagi 4-son qaroriga
2-ILOVA
2-ILOVA
Nukus shahri va viloyat markazlari boʻlgan shaharlar obodonlashtirish boshqarmalarining
NAMUNAVIY TUZILMASI
Hokimning qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari — Obodonlashtirish boshqarmasi boshligʻi*** | ||||||||||||||||||||||||||||||||||||||||||||||||||||||||||||||
Boshliqning birinchi oʻrinbosari (1 kishi) | ||||||||||||||||||||||||||||||||||||||||||||||||||||||||||||||
Boshliq oʻrinbosari (1 kishi) | Landshaft dizayni guruhi (MTX* — 3 kishi) | Bosh muhandis (1 kishi) | Iqtisodiy tahlil boʻlimi (3 kishi) | |||||||||||||||||||||||||||||||||||||||||||||||||||||||||||
Bosh agronom (BX — 1 kishi) | Yoʻl-koʻprik xoʻjaligidan foydalanish boʻlimi (BX — 1 kishi, MTX*) | |||||||||||||||||||||||||||||||||||||||||||||||||||||||||||||
Kadrlar boʻyicha bosh mutaxassis (1 kishi) | ||||||||||||||||||||||||||||||||||||||||||||||||||||||||||||||
Obodonlashtirish obyektlarini saqlash boʻlimi (BX — 2 kishi, MTX*) | ||||||||||||||||||||||||||||||||||||||||||||||||||||||||||||||
Infratuzilma obyektlari va avtotransportdan foydalanish boʻlimi (BX — 3 kishi, MTX*) | Texnika xavfsizligi muhandisi (1 kishi) | |||||||||||||||||||||||||||||||||||||||||||||||||||||||||||||
Yordamchi xodimlar (7 kishi) | ||||||||||||||||||||||||||||||||||||||||||||||||||||||||||||||
Ishlab chiqarish xodimlari | ||||||||||||||||||||||||||||||||||||||||||||||||||||||||||||||
Nazoratsiz hayvonlarni tutish uchastkasi | Koʻkalamzorlashtirish va irrigatsiya uchastkasi | Drenaj xoʻjaligidan foydalanish uchastkasi | Tashqi yoritish tizimidan foydalanish uchastkasi | |||||||||||||||||||||||||||||||||||||||||||||||||||||||||||
Qabristonlarni saqlash uchastkasi | Obodonlashtirish obyektlarini sanitariya jihatidan tozalash uchastkasi | Favvoralardan foydalanish uchastkasi | Ichki yoʻllarni saqlash va taʼmirlash uchastkasi 4 kishi** | |||||||||||||||||||||||||||||||||||||||||||||||||||||||||||
Obodonlashtirish avtotransport vositalaridan foydalanish uchastkasi | ||||||||||||||||||||||||||||||||||||||||||||||||||||||||||||||
Xodimlarning cheklangan soni:
boshqaruv xodimlari (BX) — 15 kishi;
* muhandis-texnik xodimlar (MTX) 14 kishidan;
yordamchi xodimlar — 7 kishi;
** faqat yoʻl taʼmirlash ishlariga tatbiq etiladi;
*** boshqaruv xodimlarining cheklangan soniga kirmaydi.
Izoh. Ishlab chiqarish xodimlari soni bajariladigan ishlar hajmiga koʻra belgilanadi.
(2-ilova Oʻzbekiston Respublikasi Prezidentining 2025-yil 26-dekabrdagi PQ-387-sonli qarori tahririda — Qonunchilik maʼlumotlari milliy bazasi, 27.12.2025-y., 07/25/387/1225-son)
Oldingi tahrirga qarang.
Vazirlar Mahkamasining 2013-yil 10-yanvardagi 4-son qaroriga
3-ILOVA
3-ILOVA
Viloyatlarga (Qoraqalpogʻiston Respublikasida — respublikaga) boʻysunuvchi shahar va tumanlar obodonlashtirish boshqarmalarining
NAMUNAVIY TUZILMASI
Hokimning qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari — Obodonlashtirish boshqarmasi boshligʻi** | ||||||||||||||||||||||||||||||||||||||||||||||||||||||||||||||
Boshliqning birinchi oʻrinbosari (1 kishi) | ||||||||||||||||||||||||||||||||||||||||||||||||||||||||||||||
Boshliq oʻrinbosari (1 kishi) | Bosh muhandis (1 kishi) | Iqtisodiy tahlil boʻlimi (2 kishi) | ||||||||||||||||||||||||||||||||||||||||||||||||||||||||||||
Bosh agronom (BX 1 kishi) | ||||||||||||||||||||||||||||||||||||||||||||||||||||||||||||||
Infratuzilma obyektlari va avtotransportlardan foydalanish boʻlimi (BX — 1 kishi, MTX — 1 kishi) | Yoʻl-koʻprik xoʻjaligidan foydalanish boʻlimi (BX — 1 kishi, MTX — 1 kishi) | Kadrlar boʻyicha bosh mutaxassis (1 kishi) | ||||||||||||||||||||||||||||||||||||||||||||||||||||||||||||
Obodonlashtirish obyektlarini saqlash boʻlimi (BX — 1 kishi, MTX — 2 kishi) | ||||||||||||||||||||||||||||||||||||||||||||||||||||||||||||||
Texnika xavfsizligi muhandisi (1 kishi) | ||||||||||||||||||||||||||||||||||||||||||||||||||||||||||||||
Ishlab chiqarish xodimlari | ||||||||||||||||||||||||||||||||||||||||||||||||||||||||||||||
Nazoratsiz hayvonlarni tutish uchastkasi | Koʻkalamzorlashtirish va irrigatsiya uchastkasi | Drenaj xoʻjaligidan foydalanish uchastkasi | Tashqi yoritish tizimidan foydalanish uchastkasi | Yordamchi xodimlar (6 kishi) | ||||||||||||||||||||||||||||||||||||||||||||||||||||||||||
Qabristonlarni saqlash uchastkasi | Obodonlashtirish obyektlarini sanitariya jihatidan tozalash uchastkasi | Avtotransport vositalaridan foydalanish uchastkasi | Ichki xoʻjalik yoʻllarini taʼmirlash uchastkasi 4 kishi* | |||||||||||||||||||||||||||||||||||||||||||||||||||||||||||
Xodimlarning cheklangan soni:
boshqaruv xodimlari (BX) — 11 kishi;
muhandis-texnik xodimlar (MTX) — 4 kishi;
yordamchi xodimlar — 6 kishi;
* faqat yoʻl taʼmirlash ishlariga tatbiq etiladi;
** boshqaruv xodimlarining cheklangan soniga kirmaydi.
Izoh. Ishlab chiqarish xodimlari soni bajariladigan ishlar hajmiga koʻra belgilanadi.
(3-ilova Oʻzbekiston Respublikasi Prezidentining 2025-yil 26-dekabrdagi PQ-387-sonli qarori tahririda — Qonunchilik maʼlumotlari milliy bazasi, 27.12.2025-y., 07/25/387/1225-son)
Oldingi tahrirga qarang.
Vazirlar Mahkamasining 2013-yil 10-yanvardagi 4-son qaroriga
4-ILOVA
4-ILOVA
Toshkent shahri tumanlari obodonlashtirish boshqarmalarining
NAMUNAVIY TUZILMASI
Hokimning qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari — Obodonlashtirish boshqarmasi boshligʻi*** | ||||||||||||||||||||||||||||||||||||||||||||||||||
Boshliqning birinchi oʻrinbosari (1 kishi) | ||||||||||||||||||||||||||||||||||||||||||||||||||
Boshliq oʻrinbosari (1 kishi) | Bosh muhandis (1 kishi) | Iqtisodiy tahlil boʻlimi (4 kishi) | ||||||||||||||||||||||||||||||||||||||||||||||||
Bosh agronom (1 kishi) | Avtotransport vositalaridan foydalanish boʻlimi (BX — 2 kishi, MTX*) | Kadrlar boʻyicha bosh inspektor (1 kishi) | ||||||||||||||||||||||||||||||||||||||||||||||||
Koʻkalamzorlashtirish va irrigatsiya boʻlimi (BX — 1 kishi, MTX*) | Texnik xavfsizligi muhandisi (1 kishi) | |||||||||||||||||||||||||||||||||||||||||||||||||
Yoʻl-koʻprik xoʻjaligidan foydalanish boʻlimi (BX — 2 kishi, MTX*) | ||||||||||||||||||||||||||||||||||||||||||||||||||
Yordamchi xodimlar (7 kishi) | ||||||||||||||||||||||||||||||||||||||||||||||||||
Obodonlashtirish obyektlarini sanitariya jihatidan tozalash boʻlimi (BX — 1 kishn, MTX*) | ||||||||||||||||||||||||||||||||||||||||||||||||||
Ishlab chiqarish xodimlari | ||||||||||||||||||||||||||||||||||||||||||||||||||
Obodonlashtirish obyektlarini sanitariya jihatidan tozalash uchastkasi | Koʻkalamzorlashtirish va irrigatsiya uchastkasi | Ichki yoʻllarni saqlash va taʼminlash uchastkasi 4 kishi** | Obodonlashtirish avtotransport vositalaridan foydalanish uchastkasi | |||||||||||||||||||||||||||||||||||||||||||||||
Xodimlarning cheklangan soni:
boshqaruv xodimlari (BX) — 16 kishi;
* muhandis-texnik xodimlar (MTX) — 8 kishi;
yordamchi xodimlar — 7 kishi;
** faqat yoʻl taʼmirlash ishlariga tatbiq etiladi;
*** boshqaruv xodimlarining cheklangan soniga kirmaydi.
Izoh. Ishlab chiqarish xodimlari soni bajariladigan ishlar hajmiga koʻra belgilanadi.
(4-ilova Oʻzbekiston Respublikasi Prezidentining 2025-yil 26-dekabrdagi PQ-387-sonli qarori tahririda — Qonunchilik maʼlumotlari milliy bazasi, 27.12.2025-y., 07/25/387/1225-son)
(Oʻzbekiston Respublikasi qonun hujjatlari toʻplami, 2013-y., 2-son, 26-modda, 33-son, 440-modda, 49-son, 632-modda; 2014-y., 45-son, 549-modda; 2017-y., 33-son, 863-modda; Qonun hujjatlari maʼlumotlari milliy bazasi, 07.02.2019-y., 09/19/95/2583-son, 28.06.2019-y., 09/19/532/3344-son; 06.03.2020-y., 09/20/125/0260-son; Qonunchilik maʼlumotlari milliy bazasi, 27.12.2021-y., 09/21/774/1198-son; 05.04.2022-y., 09/22/153/0266-son; 22.10.2024-y., 09/24/665/0838-son; 16.12.2025-y., 09/25/791/1167-son; 27.12.2025-y., 07/25/387/1225-son; 21.01.2026-y., 09/26/11/0066-son)
