Oʻzbekiston Respublikasi Vazirlar Mahkamasining

Oldingi tahrirga qarang.

Toshkent shahridagi Ishsiz va band boʻlmagan aholini kasb-hunarga oʻqitish markazi faoliyatini taʼminlashga doir qoʻshimcha chora-tadbirlar toʻgʻrisida

(qaror nomi Oʻzbekiston Respublikasi Vazirlar Mahkamasining 2017-yil 14-oktabrdagi 824-sonli qarori tahririda — Qonun hujjatlari maʼlumotlari milliy bazasi, 2017-y.)

Vazirlar Mahkamasining “Toshkent shahrida Koreya xalqaro hamkorlik agentligi (KOICA) ishtirokida kasb-hunarga oʻqitish markazini tashkil etish chora-tadbirlari toʻgʻrisida” 2007-yil 13-avgustdagi 170-son qaroriga hamda Oʻzbekiston Respublikasi Hukumati bilan Koreya Respublikasi Hukumati oʻrtasidagi 2007-yil 28-dekabrdagi Bitimga muvofiq tashkil etilgan Toshkent shahridagi Kasb-hunarga oʻqitish markazining samarali faoliyatini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Mehnat va aholini ijtimoiy muhofaza qilish vazirligi va Toshkent shahar hokimligining 360 oʻquvchi oʻrniga va 100 oʻrinli yotoqxonaga ega boʻlgan Toshkent shahridagi Kasb-hunarga oʻqitish markazining qurilishi tugallanganligi va foydalanishga topshirilganligi toʻgʻrisidagi axboroti maʼlumot uchun qabul qilinsin.

2. Quyidagilar:

Markazning tuzilmasi 1-ilovaga muvofiq;

Oldingi tahrirga qarang.

(2-bandning uchinchi xatboshisi Oʻzbekiston Respublikasi Vazirlar Mahkamasining 2017-yil 10-apreldagi 199-son qaroriga asosan chiqarilgan— OʻR QHT, 2017-y., 15-son, 255-modda)

3. Oʻzbekiston Respublikasi Mehnat va aholini ijtimoiy muhofaza qilish vazirligi, Moliya vazirligi va Iqtisodiyot vazirligining:

Markazning oʻqituvchi va oʻquv-yordamchi xodimlarining lavozim maoshlariga aniq miqdori Markaz rahbariyati tomonidan Oʻzbekiston Respublikasi Mehnat va aholini ijtimoiy muhofaza qilish vazirligi bilan kelishgan holda belgilanadigan, Bandlikka koʻmaklashish davlat jamgʻarmasi mablagʻlari hisobiga 70 foizgacha miqdorda doimiy ustama belgilash toʻgʻrisidagi;

pulli qisqa muddatli kurslar tashkil etishdan va qonun hujjatlarida taqiqlanmagan boshqa manbalardan tushadigan mablagʻlar hisobiga shakllantiriladigan Markazni moddiy-texnik rivojlantirish va moddiy ragʻbatlantirish jamgʻarmasini tashkil etish toʻgʻrisidagi taklifiga rozilik berilsin.

4. Belgilab qoʻyilsinki:

Markazning rahbarlari, oʻqituvchilari, ustalari va boshqa xodimlariga kasb-hunar kollejlarining tegishli lavozimlari uchun belgilangan bazaviy tarif stavkalari joriy etiladi;

Oldingi tahrirga qarang.

belgilangan tartibda ishsiz deb eʼtirof etilgan oʻquvchilarga bevosita Markazda bepul oʻqigan davrida Bandlikka koʻmaklashish davlat jamgʻarmasida ushbu maqsadlar uchun nazarda tutilgan mablagʻlar hisobiga qonun hujjatlarida belgilangan bazaviy hisoblash miqdorida, biroq 6 oydan koʻp boʻlmagan muddatga stipendiya toʻlanadi;

(4-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)

LexUZ sharhi

Qarang: Oʻzbekiston Respublikasi “Aholi bandligi toʻgʻrisida”gi Qonunining 10-bobi.

tashkilotlar oʻquvchilarning ishlab chiqarish amaliyotini oʻtash davrida ularga ishlab chiqarish amaliyoti dasturlariga muvofiq ularning ishlab chiqarish amaliyotini taʼminlaydigan haq toʻlanadigan ish joylari taqdim etish huquqiga ega.

5. Oʻzbekiston Respublikasi Mehnat va aholini ijtimoiy muhofaza qilish vazirligi ikki hafta muddatda Markaz ustaviga tegishli oʻzgartirish va qoʻshimchalar kiritsin hamda:

Oʻrta maxsus, kasb-hunar taʼlimi markazi bilan kelishgan holda Oʻquvchilarni 1 yilgacha muddatga bepul oʻqitishga qabul qilish va ularni qayta tayyorlash hamda kirish malaka imtihonlari (testlari)ni oʻtkazish tartibi toʻgʻrisidagi nizomni tasdiqlasin, bunda qabul oʻqiyotganlarni ishga joylashtirishni kafolatlovchi uch tomonlama (ish beruvchi, tuman (shahar) bandlikka koʻmaklashish va aholini ijtimoiy muhofaza qilish markazi, jismoniy shaxs) shartnoma mavjud boʻlganda, mehnat va aholini ijtimoiy muhofaza qilish organlari yoʻllanmasi boʻyicha tanlov asosida amalga oshirilishi nazarda tutilsin;

Rivojlantirish jamgʻarmasiga yoʻnaltiriladigan daromad normativini belgilashni hisobga olgan holda qisqa muddatli oʻqitish boʻyicha pulli xizmatlarning qiymatini shakllantirish metodikasini aniqlashni nazarda tutuvchi Markazning moddiy-texnikani rivojlantirish va moddiy ragʻbatlantirish jamgʻarmasi mablagʻlarini shakllantirish va sarflash tartibi toʻgʻrisidagi nizomni;

oʻrta maxsus, kasb-hunar taʼlimi tizimi taʼlim muassasalari uchun belgilangan pedagogik va oʻquv ishlab chiqarish normalaridan kelib chiqqan holda Markazning shtat jadvalini tasdiqlasin.

Oldingi tahrirga qarang.

6. Oʻzbekiston Respublikasi Tashqi ishlar vazirligi Bandlik va mehnat munosabatlari vazirligining buyurtmanomalari boʻyicha Markaz ishida qatnashadigan koreys mutaxassislariga koʻp martalik kirish vizalari belgilangan tartibda rasmiylashtirilishini taʼminlasin.

(6-band Oʻzbekiston Respublikasi Vazirlar Mahkamasining 2017-yil 8-sentabrdagi 703-son qarori tahririda — OʻR QHT, 2017-y., 37-son, 990-modda)

Oldingi tahrirga qarang.

7. Oʻzbekiston Respublikasi Ichki ishlar vazirligi Bandlik va mehnat munosabatlari vazirligining buyurtmanomalari boʻyicha Markaz ishida qatnashadigan koreys mutaxassislariga belgilangan tartibda koʻp martalik kirish vizalari berilishi va ularning muddati uzaytirilishi, shuningdek ularning vaqtincha turgan joyi boʻyicha roʻyxatga olish va muddati uzaytirilishini taʼminlasin.

(7-band Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

Oldingi tahrirga qarang.

8. Oʻzbekiston Respublikasi Bandlik va mehnat munosabatlari vazirligi belgilangan tartibda koreys mutaxassislarini Markazda ishlashga jalb etishga ruxsatnomalar berilishini taʼminlasin.

(8-band Oʻzbekiston Respublikasi Vazirlar Mahkamasining 2017-yil 8-sentabrdagi 703-son qarori tahririda — OʻR QHT, 2017-y., 37-son, 990-modda)

9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2012-yil 13-sentabr,

270-son

Vazirlar Mahkamasining 2012-yil 13-sentabrdagi 270-son qaroriga
1-ILOVA

Oldingi tahrirga qarang.

Toshkent shahridagi Ishsiz va band boʻlmagan aholini kasb-hunarga oʻqitish markazining

(1-ilova nomi Oʻzbekiston Respublikasi Vazirlar Mahkamasining 2017-yil 14-oktabrdagi 824-sonli qarori tahririda — Qonun hujjatlari maʼlumotlari milliy bazasi, 2017-y.)

TUZILMASI

Xodimlarning umumiy soni — 32 kishi, ulardan boshqaruv xodimlari — 7 kishi.

* Texnik va xizmat koʻrsatuvchi xodimlar soni belgilangan normativlarga muvofiq aniqlanadi.

Oldingi tahrirga qarang.

(2-ilova Oʻzbekiston Respublikasi Vazirlar Mahkamasining 2017-yil 10-apreldagi 199-son qaroriga asosan oʻz kuchini yoʻqotgan— OʻR QHT, 2017-y., 15-son, 255-modda)

Oldingi tahrirga qarang.

(3-ilova Oʻzbekiston Respublikasi Vazirlar Mahkamasining 2017-yil 10-apreldagi 199-son qaroriga asosan oʻz kuchini yoʻqotgan— OʻR QHT, 2017-y., 15-son, 255-modda)

(Oʻzbekiston Respublikasi qonun hujjatlari toʻplami, 2012-y., 37-son, 431-modda; 2017-y., 15-son, 255-modda, 37-son, 990-modda; Qonun hujjatlari maʼlumotlari milliy bazasi, 29.12.2019-y., 09/19/1046/4242-son; 29.09.2020-y., 09/20/593/1340-son)