OʻZBEKISTON RESPUBLIKASI MARKAZIY BANKI BOSHQARUVINING

Oldingi tahrirga qarang.

OʻZBEKISTON RESPUBLIKASI MARKAZIY BANKI TOMONIDAN nobank kredit tashkilotlari FAOLIYATINI TEKSHIRISH TARTIBI TOʻGʻRISIDAGI NIZOMNI TASDIQLASH HAQIDA

(qaror nomi Oʻzbekiston Respublikasi Markaziy banki boshqaruvining 2022-yil 16-sentabrdagi 20/2-sonli qarori (roʻyxat raqami 2209-3, 13.10.2022-y.) tahririda — Qonunchilik maʼlumotlari milliy bazasi, 13.10.2022-y., 10/22/2209-3/0981-son)

[Oʻzbekiston Respublikasi Adliya vazirligi tomonidan 2011-yil 14-martda roʻyxatdan oʻtkazildi, roʻyxat raqami 2209]

Oldingi tahrirga qarang.

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi hamda “Nobank kredit tashkilotlari va mikromoliyalashtirish faoliyati toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

(muqaddima Oʻzbekiston Respublikasi Markaziy banki boshqaruvining 2022-yil 16-sentabrdagi 20/2-sonli qarori (roʻyxat raqami 2209-3, 13.10.2022-y.) tahririda — Qonunchilik maʼlumotlari milliy bazasi, 13.10.2022-y., 10/22/2209-3/0981-son)

Oldingi tahrirga qarang.

1. Oʻzbekiston Respublikasi Markaziy banki tomonidan nobank kredit tashkilotlari faoliyatini tekshirish tartibi toʻgʻrisidagi nizom ilovaga muvofiq tasdiqlansin.

(1-band Oʻzbekiston Respublikasi Markaziy banki boshqaruvining 2022-yil 16-sentabrdagi 20/2-sonli qarori (roʻyxat raqami 2209-3, 13.10.2022-y.) tahririda — Qonunchilik maʼlumotlari milliy bazasi, 13.10.2022-y., 10/22/2209-3/0981-son)

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Markaziy bank raisi F. MULLAJONOV

Toshkent sh.,

2011-yil 5-fevral,

4/4-son

Oʻzbekiston Respublikasi Markaziy banki Boshqaruvining 2011-yil 5-fevraldagi 4/4-son qaroriga
ILOVA

Oldingi tahrirga qarang.

Oʻzbekiston Respublikasi Markaziy banki tomonidan nobank kredit tashkilotlari faoliyatini tekshirish tartibi toʻgʻrisida

NIZOM

(nizom nomi Oʻzbekiston Respublikasi Markaziy banki boshqaruvining 2022-yil 16-sentabrdagi 20/2-sonli qarori (roʻyxat raqami 2209-3, 13.10.2022-y.) tahririda — Qonunchilik maʼlumotlari milliy bazasi, 13.10.2022-y., 10/22/2209-3/0981-son)

Oldingi tahrirga qarang.

Mazkur Nizom Oʻzbekiston Respublikasi Markaziy banki (bundan buyon matnda Markaziy bank deb yuritiladi) tomonidan nobank kredit tashkilotlari faoliyatini tekshirish tartibini belgilaydi.

I. Umumiy qoidalar

Oldingi tahrirga qarang.

1. Markaziy bank nobank kredit tashkilotlari faoliyatini tartibga solish hamda nazorat qilish borasidagi vazifalarini amalga oshirish uchun tekshiruvlar oʻtkazadi.

2. Nobank kredit tashkilotlari faoliyatini tekshirishni Markaziy bank tomonidan tekshirish oʻtkazish vakolati berilgan uning tegishli tarkibiy tuzilmasi (bundan keyingi oʻrinlarda tekshirish oʻtkazuvchi tarkibiy tuzilma deb yuritiladi) amalga oshiradi.

3. Nizomda quyidagi asosiy tushunchalardan foydalaniladi:

Oldingi tahrirga qarang.

nobank kredit tashkilotlari — banklar tomonidan amalga oshiriladigan ayrim moliyaviy operatsiyalarning Oʻzbekiston Respublikasining “Nobank kredit tashkilotlari va mikromoliyalashtirish faoliyati toʻgʻrisida”gi Qonunida ruxsat etilgan majmuini amalga oshiruvchi kredit tashkilotlari (mikromoliya tashkiloti, lombard, ipotekani qayta moliyalashtirish tashkiloti, kafolatlar berish tashkiloti va faktoring tashkiloti);

(3-bandning ikkinchi xatboshisi Oʻzbekiston Respublikasi Markaziy banki boshqaruvining 2025-yil 11-sentabrdagi 21/10-sonli qarori (roʻyxat raqami 2209-4, 29.09.2025-y.) tahririda — Qonunchilik maʼlumotlari milliy bazasi, 29.09.2025-y., 10/25/2209-4/0877-son)

Oldingi tahrirga qarang.

tekshirish — nobank kredit tashkilotlari faoliyati ustidan nazoratni bevosita joyiga chiqib, ularning moliyaviy ahvoliga va faoliyatiga xos boʻlgan xavf-xatarlarga baho berish hamda ular faoliyatini tartibga soluvchi qonunchilik hujjatlari talablariga rioya qilinishi ahvolini tekshirish;

(3-bandning ikkinchi xatboshisi Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

masofadan nazorat qilish — nobank kredit tashkilotlari faoliyatidagi muammolarni boshlangʻich davrida aniqlash maqsadida ular tomonidan Markaziy bankka taqdim etiladigan hisobotlar tahliliga, shu jumladan, ularning moliyaviy holatining monitoringiga asoslangan nazorat turi;

Oldingi tahrirga qarang.

nazorat tartibida tekshirish — nobank kredit tashkilotlarining ilgarigi tekshirishda koʻrsatilgan qoidabuzarliklarni bartaraf etishi ustidan amalga oshiriladigan tekshirish;

(3-bandning toʻrtinchi xatboshisi Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qarori (roʻyxat raqami 2209-2, 25.04.2018-y.) tahririda — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Oldingi tahrirga qarang.

(3-bandning beshinchi xatboshisi Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qaroriga (roʻyxat raqami 2209-2, 25.04.2018-y.) asosan chiqarilgan — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

4. Tekshirish oʻtkazuvchi tarkibiy tuzilma tomonidan nobank kredit tashkilotlari faoliyatini tekshirishning asosiy maqsadlari quyidagilardan iborat:

Oldingi tahrirga qarang.

nobank kredit tashkilotlarining moliyaviy holatiga baho berish, ularning faoliyatida mavjud boʻlgan xavf-xatarlarni, qarz oluvchilar va kreditorlar manfaatlari himoyasi taʼminlanganligini aniqlash va baholash;

(4-bandning ikkinchi xatboshisi Oʻzbekiston Respublikasi Markaziy banki Boshqaruvining 2013-yil 24-yanvardagi 2/7-sonli (roʻyxat raqami 2209-1, 14.02.2013-y.) qarori tahririda — OʻR QHT, 2013-y., 7-son, 96-modda)

nobank kredit tashkilotlarining iqtisodiy normativlarga rioya qilinishini, ularga nisbatan belgilangan meʼyorlarni toʻgʻri hisoblanishi ahvolini tekshirish. Bunda kapitalning yetarliligiga, aktivlar sifatiga, ularning toʻgʻri tasniflanishi va ehtimoliy yoʻqotishlarni qoplash uchun zaxiralarning oʻz vaqtida va toʻliq shakllantirilishiga, likvidlik masalalariga alohida eʼtibor berish lozim;

nobank kredit tashkilotlari tomonidan Markaziy bankka taqdim etiladigan hisobotlar va maʼlumotlarning haqqoniyligini tekshirish;

nobank kredit tashkilotlarida buxgalteriya ishi va hujjat aylanishini tashkil etilishi, buxgalteriya hisobining umumiy qoidalariga rioya etilishi, buxgalteriya hisobi va hisobotlarini toʻgʻri yuritilishi va haqqoniyligi, aktivlar, majburiyatlar, kapital, pul oqimi, asosiy vositalar hisobining buxgalteriya andozalari va prinsiplariga mos ravishda aks ettirilishi ahvolini tekshirish;

nobank kredit tashkilotlarida ichki nazoratni joriy etish hamda amalga oshirilishi ahvolini tekshirish;

Oldingi tahrirga qarang.

nobank kredit tashkilotlari faoliyatini tartibga soluvchi qonunchilik hujjatlarida belgilangan talablariga rioya qilinishi ahvolini tekshirish.

(4-bandning yettichi xatboshisi Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

Oldingi tahrirga qarang.

5. Tekshirish oʻtkazuvchi tarkibiy tuzilma nobank kredit tashkilotlari faoliyatini qonunchilik hujjatlari talablariga rioya qilgan holda tekshiradi.

(5-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

6. Tekshirish oʻtkazuvchi tarkibiy tuzilmaning nobank kredit tashkilotlarida oʻtkazgan tekshirish hisoboti (dalolatnomasi) faqat Markaziy bankning nobank kredit tashkilotlarini nazorat qilish maqsadlarida ishlatilishi mumkin.

Oldingi tahrirga qarang.

7. Oʻtkazilgan tekshirish natijalari nobank kredit tashkilotlarini qonunchilik hujjatlariga muvofiq oʻz moliyaviy hisobotlarini har yilgi tashqi audit tekshiruvidan oʻtkazish majburiyatidan ozod etmaydi.

(7-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

Oldingi tahrirga qarang.

II. Tekshirish oʻtkazish

(II bobning nomi Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qarori (roʻyxat raqami 2209-2, 25.04.2018-y.) tahririda — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Oldingi tahrirga qarang.

8. Nobank kredit tashkilotlarini tekshirish masofadan nazorat qilish natijalaridan kelib chiqib, Markaziy bankning Bank nazorati qoʻmitasi qaroriga asosan oʻtkaziladi.

(8-band Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qarori (roʻyxat raqami 2209-2, 25.04.2018-y.) tahririda — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Oldingi tahrirga qarang.

9. Tekshirishlar Oʻzbekiston Respublikasi Markaziy banki tomonidan nobank kredit tashkilotlarining moliyaviy holatini aniqlash hamda ularning faoliyatiga umumiy baho berish maqsadida oʻtkaziladi.

(9-band Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qarori (roʻyxat raqami 2209-2, 25.04.2018-y.) tahririda — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Oldingi tahrirga qarang.

10. Nazorat tartibida tekshirish masofadan nazorat qilish natijalariga koʻra ilgarigi tekshirishda koʻrsatilgan qoidabuzarliklarning bartaraf etilmaganligi yoki ularning bartaraf etilganligi haqidagi maʼlumotlar taqdim etilmaganligi yoxud haqqoniy boʻlmagan maʼlumotlar taqdim etilganligi aniqlanganda Markaziy bankning Bank nazorati qoʻmitasi qaroriga asosan oʻtkazilishi mumkin.

(10-bandning birinchi xatboshisi Oʻzbekiston Respublikasi Markaziy banki boshqaruvining 2025-yil 11-sentabrdagi 21/10-sonli qarori (roʻyxat raqami 2209-4, 29.09.2025-y.) tahririda — Qonunchilik maʼlumotlari milliy bazasi, 29.09.2025-y., 10/25/2209-4/0877-son)

Oldingi tahrirga qarang.

Nazorat tartibida tekshirish Markaziy bank yoki uning hududiy bosh boshqarmasining farmoyishi asosida bir ish kuni ichida oʻtkaziladi.

(10-band Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qaroriga (roʻyxat raqami 2209-2, 25.04.2018-y.) asosan xatboshi bilan toʻldirilgan — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Oldingi tahrirga qarang.

11. Nobank kredit tashkilotlari faoliyati koʻpi bilan yiliga bir marta tekshirishdan oʻtkaziladi, qonunchilik hujjatlarida boshqa muddatlar koʻrsatilgan holatlar bundan mustasno.

(11-bandning birinchi xatboshisi Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

Oldingi tahrirga qarang.

Tekshirish Markaziy bankning farmoyishi asosida har bir nobank kredit tashkiloti boʻyicha alohida tayinlanadi.

(11-band Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qaroriga (roʻyxat raqami 2209-2, 25.04.2018-y.) asosan ikkinchi xatboshi bilan toʻldirilgan — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Tekshirish davri avvalgi tekshirish davri tugagan sanadan navbatdagi tekshirish boshlangan oyning birinchi sanasigacha boʻlgan davrni qamrab oladi.

Oldingi tahrirga qarang.

(12-band Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qaroriga (roʻyxat raqami 2209-2, 25.04.2018-y.) asosan oʻz kuchini yoʻqotgan — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Oldingi tahrirga qarang.

(13-band Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qaroriga (roʻyxat raqami 2209-2, 25.04.2018-y.) asosan oʻz kuchini yoʻqotgan — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Oldingi tahrirga qarang.

14. Tekshirish muddati 30 kalendar kundan oshmasligi kerak.

(14-band Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qarori (roʻyxat raqami 2209-2, 25.04.2018-y.) tahririda — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

Oldingi tahrirga qarang.

15. Nobank kredit tashkilotlari faoliyatini tekshirishda tekshiruvchi mansabdor shaxslarning tarkibi ular tomonidan bajariladigan ishlar hajmi va xususiyatidan kelib chiqqan holda shakllantiriladi hamda Markaziy bank yoki uning hududiy bosh boshqarmasining farmoyishiga ilova tariqasida tasdiqlanadi.

(15-band Oʻzbekiston Respublikasi Markaziy banki boshqaruvining 2025-yil 11-sentabrdagi 21/10-sonli qarori (roʻyxat raqami 2209-4, 29.09.2025-y.) tahririda — Qonunchilik maʼlumotlari milliy bazasi, 29.09.2025-y., 10/25/2209-4/0877-son)

Oldingi tahrirga qarang.

(III bob Oʻzbekiston Respublikasi Markaziy banki Boshqaruvining 2018-yil 24-fevraldagi 7/9-sonli qaroriga (roʻyxat raqami 2209-2, 25.04.2018-y.) asosan oʻz kuchini yoʻqotgan — Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son)

IV. Tekshiruvchi mansabdor shaxslarning huquq va majburiyatlari

18. Tekshiruvchi mansabdor shaxslar quyidagi huquqlarga ega:

tekshirish oʻtkazilayotgan nobank kredit tashkilotlari faoliyati bilan bogʻliq binolarga va xizmat xonalariga erkin kirib-chiqish;

tekshirish oʻtkazish bilan bevosita bogʻliq boʻlgan zarur hujjatlar va boshqa axborotlarni talab qilish;

Oldingi tahrirga qarang.

nobank kredit tashkilotlarining xodimlari bilan suhbatlar oʻtkazishga, ulardan tekshirish davomida paydo boʻladigan masalalar boʻyicha maʼlumotlar va tushuntirishlar olish, shuningdek, qonunchilik hujjatlari talablariga rioya qilmaslik yoki ularni talab darajasida bajarmaslik holatlari yuzasidan yozma tushuntirishlar talab qilish;

(18-bandning toʻrtinchi xatboshisi Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

tekshirish hisobotini (dalolatnoma) nobank kredit tashkilotlari imzolashdan bosh tortganda yoki uni imzolash asossiz kechiktirilganda tekshiruvchi mansabdor shaxslar tomonidan imzo qoʻyilib, Markaziy bank rahbariyatiga imzodan bosh tortganligini asoslantirgan holda bildirishnoma kiritish.

Oldingi tahrirga qarang.

(18-bandning oltinchi xatboshisi Markaziy banki boshqaruvining 2025-yil 11-sentabrdagi 21/10-sonli qaroriga (roʻyxat raqami 2209-4, 29.09.2025-y.) asosan chiqarilgan — Qonunchilik maʼlumotlari milliy bazasi, 29.09.2025-y., 10/25/2209-4/0877-son)

19. Tekshiruvchi mansabdor shaxslar quyidagilarga majburdir:

tekshiruv natijalarini hisobot (dalolatnoma) bilan rasmiylashtirib, uning bir nusxasini tekshirilayotgan nobank kredit tashkiloti ixtiyorida qoldirish;

tekshirishning oʻz vaqtida hamda sifatli oʻtkazilishini taʼminlash;

tekshirish davomida oʻzlariga maʼlum boʻlgan bank, tijorat va xizmat sirini tashkil etuvchi maʼlumotlarni uchinchi shaxslarga oshkor etmaslik;

Oldingi tahrirga qarang.

tekshirishlarni roʻyxatga olish kitobiga qonunchilik hujjatlarida belgilangan tartibda yozuv kiritish.

(19-bandning beshinchi xatboshisi Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

Oldingi tahrirga qarang.

Tekshiruvchi mansabdor shaxslar qonunchilik hujjatlarida nazarda tutilgan boshqa majburiyatlarni ham olishi mumkin.

(19-bandning oltinchi xatboshisi Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

V. Nobank kredit tashkilotlarining huquq va majburiyatlari

20. Nobank kredit tashkilotlari quyidagi huquqlarga ega:

tekshiruvchi mansabdor shaxslardan Markaziy bankning tekshirish oʻtkazish toʻgʻrisidagi farmoyishini hamda ularning xizmat guvohnomalarini koʻrsatishni talab qilish va tanishish;

tekshirish oʻtkazish uchun asosga ega boʻlmagan shaxslarning tekshirish oʻtkazishiga yoʻl qoʻymaslik;

oʻz faoliyatlari tekshirilishi toʻgʻrisidagi tegishli axborotga ega boʻlish;

tekshiruvchi mansabdor shaxslardan tekshirish natijalari boʻyicha tuzilgan hisobot (dalolatnoma)ning bir nusxasini olish;

qonunda belgilangan tartibda tekshirish natijalari ustidan shikoyat qilish.

LexUZ sharhi

Qarang: Oʻzbekiston Respublikasi Konstitutsiyasining 55-moddasi, “Sudlar toʻgʻrisida”gi Qonunning 14-moddasi, “Jismoniy va yuridik shaxslarning murojaatlari toʻgʻrisida”gi Qonuni.

Oldingi tahrirga qarang.

Nobank kredit tashkilotlari qonunchilik hujjatlarida nazarda tutilgan boshqa huquqlarga ham ega boʻlishi mumkin.

(20-bandning yettinchi xatboshisi Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

21. Nobank kredit tashkilotlari quyidagilarga majburdir:

tekshiruvchi mansabdor shaxslarga tekshirish oʻtkazish uchun barcha zarur shart-sharoitlarni yaratish;

tekshirish boshlanish kunining oʻzidayoq nobank kredit tashkilotining kengashi aʼzolarini, taʼsischilarini oʻtkaziladigan tekshirish toʻgʻrisida xabardor qilish;

tekshiruvchi mansabdor shaxslarga amaliy yordam koʻrsatish uchun biriktiriladigan xodimlarni tayinlash;

tekshirish oʻtkazish uchun zarur boʻladigan hujjatlarni taqdim etish.

Oldingi tahrirga qarang.

Nobank kredit tashkilotlari qonunchilik hujjatlarida nazarda tutilgan boshqa majburiyatlarni ham olishi mumkin.

(21-bandning oltinchi xatboshisi Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

VI. Tekshirish natijalarini rasmiylashtirish tartibi

22. Nobank kredit tashkilotlarida oʻtkazilgan tekshirish natijalari boʻyicha hisobot (dalolatnoma) ikki nusxada tuziladi.

23. Hisobotning (dalolatnoma) ikkala nusxasi ham tekshiruvchi mansabdor shaxslar, tekshirilgan nobank kredit tashkiloti rahbari va bosh buxgalteri tomonidan imzolanadi. Hisobot (dalolatnoma)ning bir nusxasi tekshirilgan nobank kredit tashkilotida qoldiriladi.

24. Tekshirish natijalari boʻyicha tuzilgan hisobot (dalolatnoma) Markaziy bankning tekshirish hisobotlarini koʻrib chiquvchi ishchi organi tomonidan koʻrib chiqiladi.

25. Nobank kredit tashkilotida oʻtkazilgan tekshirish natijalari boʻyicha tuzilgan hisobot (dalolatnoma) Markaziy bankning roziligisiz oshkor qilinishi mumkin emas.

VII. Yakuniy qoida

Oldingi tahrirga qarang.

26. Mazkur Nizom buzilishida aybdor boʻlgan shaxslar qonunchilik hujjatlariga muvofiq javob beradilar.

(26-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)

(Oʻzbekiston Respublikasi qonun hujjatlari toʻplami, 2011-y., 10-11-son, 111-modda; 2013-y., 7-son, 96-modda; Qonun hujjatlari maʼlumotlari milliy bazasi, 26.04.2018-y., 10/18/2209-2/1103-son; Qonunchilik maʼlumotlari milliy bazasi, 28.07.2021-y., 10/21/3313/0724-son; 13.10.2022-y., 10/22/2209-3/0981-son; 29.09.2025-y., 10/25/2209-4/0877-son)