O‘zbekiston Respublikasi Prezidentining 2010-yil 24-dekabrdagi PQ-1449-son “O‘zbekiston Respublikasining 2011-yilgi asosiy makroiqtisodiy ko‘rsatkichlari va davlat budjeti parametrlari to‘g‘risida”gi qarorining 8-bandiga hamda Vazirlar Mahkamasining 2010-yil 2-fevraldagi 10-son qarori (O‘zbekiston Respublikasi qonun hujjatlari to‘plami, 2010-y., 5-son, 39-modda) bilan tasdiqlangan O‘zbekiston Respublikasi Mehnat va aholini ijtimoiy muhofaza qilish vazirligi to‘g‘risidagi nizomga muvofiq buyuraman:

1. Iqtisodiyotning ayrim tarmoqlari xo‘jalik yurituvchi subyektlari uchun xodimlar soni va mehnatga haq to‘lash fondining eng kam me’yorlarini aniqlash tartibi to‘g‘risidagi nizom ilovaga muvofiq tasdiqlansin.

2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.

Mazkur Nizom O‘zbekiston Respublikasining Mehnat kodeksi (O‘zbekiston Respublikasi Oliy Majlisining Axborotnomasi, 1996-y., 1-songa ilova) va O‘zbekiston Respublikasi Prezidentining 2010-yil 24-dekabrdagi PQ-1449-son “O‘zbekiston Respublikasining 2011-yilgi asosiy makroiqtisodiy ko‘rsatkichlari va davlat budjeti parametrlari to‘g‘risida”gi qaroriga muvofiq chakana savdo, umumiy ovqatlanish va qurilish tashkilotlari uchun xodimlar soni va mehnatga haq to‘lash fondining eng kam me’yorlarini belgilaydi.

Mazkur Nizom shtat jadvallari davlat boshqaruvi organlari tomonidan qonunchilik hujjatlarida belgilangan tartibda tasdiqlanadigan chakana savdo va umumiy ovqatlanish tashkilotlariga, shuningdek yakka buyurtmalar bo‘yicha umumiy ovqatlanish sohasida banket asosida xizmat ko‘rsatuvchi tashkilotlarga nisbatan tatbiq etilmaydi.

1. Chakana savdo va umumiy ovqatlanish tashkilotlarida xodimlarning eng kam soni chakana savdo va umumiy ovqatlanish sohasida ishga qancha mehnat kuchi sarflanish me’yorlaridan kelib chiqqan holda aniqlanadi.

2. Qurilish ishlaridagi quruvchi ishchilar sonining eng kam me’yori qurilish ishlarida qancha mehnat kuchi sarflanishi me’yorlaridan kelib chiqqan holda aniqlanadi.

2¹. Mazkur Nizomda nazarda tutilgan chakana savdo va umumiy ovqatlanish tashkilotlari asosiy xodimlari sonining, shuningdek qurilish tashkilotlarida ishlayotgan quruvchi ishchilar sonining eng kam me’yorlarini aniqlashda hosil bo‘lgan kasr sonlar yaxlitlash qoidalariga ko‘ra butun songa yaxlitlanadi.

3. Tashkilotlarning ma’muriy va texnik xodimlarga bo‘lgan ehtiyojidan kelib chiqib ma’muriy, texnik va yordamchi ishchilar soni shtat jadvaliga muvofiq belgilanadi, ularning soni belgilangan xodimlar sonining eng kam me’yori tarkibiga kirmaydi.

4. Xodimlarning ish vaqti tartibi va grafigi ichki mehnat tartibi qoidalari va boshqa lokal normativ hujjatlarda belgilanadi.

Xodim uchun ish vaqtining normal muddati haftasiga qirq soatdan ortiq bo‘lishi mumkin emas.

5. Olti kunlik ish haftasini har kungi ish muddati 12 soatni (haftasiga jami 72 soatni) tashkil etgan chakana savdo tashkilotlarida asosiy xodimlar sonining eng kam me’yori uning savdo maydoniga qarab mazkur Nizomning 1-ilovasiga muvofiq aniqlanadi.

6. Chakana savdo tashkilotining ish vaqti rejimi haftasiga 72 soatdan ortib ketsa, mazkur Nizomning 5-bandiga muvofiq aniqlangan asosiy xodimlar sonining eng kam me’yoriga ko‘paytirish koeffitsiyenti, agarda 72 soatdan kam bo‘lsa, asosiy xodimlar sonining aniqlangan eng kam me’yoriga kamaytirish koeffitsiyenti (kamaytirish koeffitsiyenti 0,8 dan, qishloq hududlarida 0,6 dan kam bo‘lmasligi kerak) qo‘llaniladi. Bunda, koeffitsiyentning miqdori chakana savdo tashkiloti amaldagi ish vaqtining me’yoriy ish vaqtiga nisbatini aks ettiradi.

7. Yetti kunlik ish haftasini har kungi ish muddati 12 soatni (haftasiga jami 84 soatni) tashkil etgan umumiy ovqatlanish tashkilotlarida asosiy xodimlar sonining eng kam me’yori tashkilotning turiga va xizmat ko‘rsatiladigan stollar sonini inobatga olgan holda mazkur Nizomning 2-ilovasida belgilangan har bir lavozim va kasblar bo‘yicha xodimlar sonining eng kam me’yorlarini qo‘shish orqali aniqlanadi.

8. Umumiy ovqatlanish tashkilotining ish vaqti rejimi haftasiga 84 soatdan ortib ketsa, mazkur Nizomning 7-bandiga muvofiq aniqlangan asosiy xodimlar sonining eng kam me’yorlariga ko‘paytirish koeffitsiyenti, agarda 84 soatdan kam bo‘lsa, asosiy xodimlar sonining aniqlangan eng kam me’yoriga kamaytirish koeffitsiyenti (kamaytirish koeffitsiyenti 0,5 dan kam bo‘lmasligi kerak) qo‘llaniladi. Bunda, koeffitsiyentning miqdori umumiy ovqatlanish tashkiloti amaldagi ish vaqtining me’yoriy ish vaqtiga nisbatini aks ettiradi.

9. Chakana savdo va umumiy ovqatlanish tashkilotlarida mehnatga haq to‘lash fondining eng kam me’yorlarini hisoblab chiqarishda tashkilotlardagi barcha xodimlarning soni (asosiy xodimlar sonining aniqlangan eng kam me’yori hamda ma’muriy va texnik xodimlar) hisobga olinadi.

10. Chakana savdo va umumiy ovqatlanish tashkilotlari ma’muriy va texnik xodimlarining sonini mazkur Nizomning 3-ilovasida keltirilgan tavsiyalardan foydalangan holda va o‘rindoshlikni hisobga olib, mustaqil ravishda ma’muriy va texnik funksiyalarga bo‘lgan ehtiyojlaridan kelib chiqib belgilaydi.

Agarda rahbar yoki mulkdor bir vaqtning o‘zida ma’muriy funksiyalarini hamda asosiy xodimning funksiyasini bajarsa, unda ushbu xodim asosiy xodimlar soniga kiritiladi.

11. Chakana savdo va umumiy ovqatlanish tashkilotlarida mehnatga haq to‘lash fondining eng kam me’yorlari mazkur Nizomning 4-ilovasiga muvofiq aniqlanadi.

12. Chakana savdo va umumiy ovqatlanish tashkilotlarida ishning o‘rtacha razryadi mazkur Nizomning 5-ilovasida keltirilgan.

13. Chakana savdo va umumiy ovqatlanish tashkilotlarida mehnatga haq to‘lash fondining eng kam me’yorini hisoblashning shartli namunalari mazkur Nizomning 6-ilovasida keltirilgan.

14. Quruvchi ishchilar sonining eng kam me’yorlari qurilish ishlarida qancha mehnat kuchi sarflanishini hisobga olgan holda shaharsozlik normalari va qoidalaridan kelib chiqib aniqlanadi.

15. Quruvchi ishchilar eng kam sonining me’yorlari obyektda asosiy qurilish ishini bajarish bilan band bo‘lgan barcha kasbdagi ishchilarni o‘z tarkibiga oladi (pudrat va subpudratchi tashkilotlar bajaradigan ishlarni ham qo‘shgan holda), pudrat va subpudratchi tashkilotlarga loyiha, transport, ekspeditsiya va boshqa xizmatlarini ko‘rsatuvchi boshqa tashkilotlar xodimlari bundan mustasno.

Quruvchi ishchilar kasblarining nomenklaturasi va tarif-malaka talablari O‘zbekiston Respublikasi Qurilish va uy-joy kommunal xo‘jaligi vazirligi tomonidan O‘zbekiston Respublikasi Vazirlar Mahkamasining 2010-yil 20-avgustdagi 181-son “Xizmatchilarning asosiy lavozimlari va ishchilar kasblari klassifikatorini tasdiqlash to‘g‘risida”gi qaroriga (O‘zbekiston Respublikasi qonun hujjatlar to‘plami, 2010-y., 34-son, 291-modda) muvofiq tasdiqlanadi.

16. Obyektdagi barcha qurilish ishlarida band bo‘lgan quruvchi ishchilar sonining eng kam me’yorlari mazkur Nizomning 7-ilovasiga muvofiq aniqlanadi.

16¹. Qurilish tashkilotlari tomonidan bajariladigan hamda qurilish ishlarining texnologik xususiyatlari va bajarish grafigidan kelib chiqadigan oylik mehnat sarfi notekis bo‘lganda, shuningdek qurilish ishlari amalga oshirilayotgan shaharsozlik normalari va qoidalari asosida tuzilgan smeta hujjatlari qonunchilik hujjatlarida belgilangan tartibda tasdiqlanmaganda, quruvchi ishchilar sonining eng kam me’yori mazkur Nizomning 7a-ilovasiga muvofiq har bir kalendar oy uchun alohida aniqlanadi. Bu holda qurilish tashkiloti, mustaqil ravishda, ushbu kalendar oyda amalda bajarilgan ishlar hajmidan kelib chiqib, shaharsozlik normalari va qoidalari asosida mehnat sarfini (odam/soatda) aniqlaydi.

Qonunchilik hujjatlarida belgilangan tartibda shaharsozlik normalari va qoidalari asosida tuzilgan smeta hujjatlari tasdiqlangandan so‘ng quruvchi ishchilar sonining eng kam me’yori amalda bajarilgan ishlar hajmi bo‘yicha qayta hisoblanmaydi.

16². Agar ayrim qurilish ishlari bo‘yicha shaharsozlik normalari va qoidalari asosida mehnat sarfi belgilanmagan bo‘lsa, qurilish tashkiloti ushbu ishlarni bajarishga ketgan amaldagi mehnat sarfidan kelib chiqib quruvchi ishchilar sonini mustaqil ravishda aniqlaydi.

17. Agarda obyektdagi alohida turdagi qurilish ishlarini bajarishda bosh pudratchi bilan birgalikda subpudrat tashkilotlari ishtirok etsa, bosh pudratchining quruvchi ishchilari sonining eng kam me’yorlari mazkur Nizomning 8-ilovasiga muvofiq aniqlanadi.

18. Har bir subpudrat tashkilotidagi quruvchi ishchilar sonining eng kam me’yori mazkur Nizomning 16, 16¹ va 16²-bandlarida belgilangan mezonlar asosida shaharsozlik normalari va qoidalariga asosan tuzilgan smetaga muvofiq qurilish ishlarini bajarish uchun ketadigan mehnat sarfi me’yoridan va subpudrat shartnomasida ko‘rsatilgan bajariladigan ishning muddatidan kelib chiqib aniqlanadi.

19. Qurilish tashkilotlarida ishlayotgan quruvchi ishchilarning mehnatiga haq to‘lash fondining eng kam me’yorlari mazkur Nizomning 9-ilovasida keltirilgan formulaga muvofiq aniqlanadi.

19¹. Qurilish tashkilotlarida ishlayotgan quruvchi ishchilarning mehnatiga haq to‘lash fondining eng kam me’yorlarini hisoblashda butun tashkilot bo‘yicha barcha xodimlar soni hisobga olinadi (quruvchi ishchilar sonining aniqlangan eng kam me’yori, shuningdek boshqaruv va texnik xodimlar soni).

20. Quruvchi ishchilar sonining va mehnatga haq to‘lash fondining eng kam me’yorlarini aniqlashda mazkur Nizomning 10-ilovasida keltirilgan shartli namunalardan foydalaniladi.

21. Mazkur Nizom talablarini buzgan aybdor shaxslar qonunchilik hujjatlariga muvofiq javobgarlikka tortiladi.

22. Mazkur Nizom O‘zbekiston Respublikasi Moliya vazirligi, Iqtisodiyot vazirligi, Davlat arxitektura va qurilish qo‘mitasi hamda Savdo-sanoat palatasi bilan kelishilgan.

1. Asosiy xodimlar:

sotuvchi (dorixona provizori);

sotuvchi-konsultant;

kassir;

qadoqlovchi;

qassob;

tovar taxlovchi;

bo‘lim, seksiya mudiri;

yoqilg‘i quyish stansiyasi operatori;

yoqilg‘i va yoqilg‘i-moylash mahsulotlari quyuvchisi;

buyum (mebel) yig‘uvchi;

yuk ortuvchi-tushiruvchi.

2. Boshqaruv xodimlari:

direktor (mudir);

direktor (mudir) o‘rinbosari;

bosh hisobchi, hisobchi;

tovarshunos;

ekspeditor;

ombor mudiri (omborchi).

3. Texnik xodimlar:

asbob-uskunalarni ta’mirlovchi va ekspluatatsiya qiluvchi xodim;

rassom-bezovchi;

farrosh;

hovli tozaligiga qarovchi xodim;

qorovul.

1. Asosiy xodimlar:

ofitsiant;

bosh oshpaz, oshpaz;

bufetchi, bar (mayxona) sotuvchisi;

tayyor mahsulotni tarqatishda xizmat qiladigan xodim;

oshxona ishchisi.

2. Boshqaruv xodimlari:

direktor (mudir);

direktor (mudirning) o‘rinbosari;

zal mudiri;

bosh hisobchi, hisobchi;

kassir;

ekspeditor;

ombor mudiri (omborchi).

3. Texnik xodimlar:

asbob-uskunalarni ta’mirlovchi va ekspluatatsiya qiluvchi xodim;

shveysar (darbon), garderobchi;

qorovul, qo‘riqchi;

farrosh;

hovli tozaligiga qarovchi xodim;

bog‘bon.

Chakana savdo va umumiy ovqatlanish tashkilotlarida oylik mehnatga haq to‘lash fondining eng kam me’yorlari quyidagi formula yordamida aniqlanadi:

MHTF _min — mehnatga haq to‘lash fondining oylik eng kam me’yori;

KXS — Iqtisodiyotning ayrim tarmoqlari xo‘jalik yurituvchi subyektlari uchun xodimlar soni va mehnatga haq to‘lash fondining eng kam me’yorlarini aniqlash tartibi to‘g‘risidagi nizomning 9 va 10-bandlariga ko‘ra aniqlangan tashkilotdagi xodimlar soni;

Tk — hisoblangan tarif koeffitsiyenti. Iqtisodiyotning ayrim tarmoqlari xo‘jalik yurituvchi subyektlari uchun xodimlar soni va mehnatga haq to‘lash fondining eng kam me’yorlarini aniqlash tartibi to‘g‘risidagi nizomning 5-ilovasiga muvofiq tarif koeffitsiyentini hisoblash uchun ish haqining yagona tarif setkasidan kelib chiqqan holda ishning o‘rtacha razryadi, tashkilotning turi va shakliga qarab tabaqalashtiriladi (differensiatsiya qilinadi). Masalan: yagona tarif setkasi bo‘yicha ishning o‘rtacha razryadi supermarketda — 3, yagona tarif setkasi bo‘yicha hisoblangan tarif koeffitsiyenti ishning o‘rtacha razryadiga mos ravishda 3,297 ni tashkil etadi;

IHEKM — belgilangan ish haqining eng kam miqdori.

1-misol.

Minimarket bo‘yicha quyidagi ma’lumotlar mavjud:

savdo zalining maydoni — 126 kv. m;

ish vaqtining rejimi — haftasiga 84 soat;

Savdo zali maydoni 126 kv.m bo‘lgan minimarketda asosiy xodimlarning eng kam soni me’yori 7 ta xodimdan iborat (Iqtisodiyotning ayrim tarmoqlari xo‘jalik yurituvchi subyektlari uchun xodimlar soni va mehnatga haq to‘lash fondining eng kam me’yorlarini aniqlash tartibi to‘g‘risidagi nizomning 1-ilovasiga muvofiq).

Minimarketda ish vaqti rejimi haftasiga 72 soatdan (haftasiga 84 soat) ortib ketganini hisobga olib, belgilangan eng kam me’yorlardagi asosiy xodimlar sonidan kelib chiqib asosiy xodimlarga ko‘paytirish (oshirish) koeffitsiyenti qo‘llaniladi = 84/72 = 1,17.

Shunday qilib, minimarketda asosiy xodimlarning eng kam soni me’yori = 7 × 1,17 = 8 ta xodimni tashkil qiladi.

Minimarketda ishlarning o‘rtacha razryadi yagona tarif setkasi bo‘yicha 2-razryadni tashkil qiladi. Yagona tarif setkasi bo‘yicha hisob uchun olinadigan 2-razryadli ishning tarif koeffitsiyenti 2,725 ni tashkil qiladi.

Belgilangan ish haqining eng kam miqdori (IHEKM) = 79 590 so‘m.

Belgilangan formulaga muvofiq (MHTFmin = XS × Tk × IHEKM) minimarketda mehnatga haq to‘lash fondining eng kam me’yori = 8 × 2,725 × 79590 = 1 735 062 so‘mni tashkil qiladi.

2-misol.

Kafeda quyidagi ma’lumotlar mavjud:

xizmat ko‘rsatadigan stolning soni — 15 ta;

ish vaqtining rejimi — haftasiga 84 soat;

Xizmat ko‘rsatadigan 15 ta stoli bor kafeda asosiy xodimlar sonining eng kam me’yori quyidagilardan iborat (Iqtisodiyotning ayrim tarmoqlari xo‘jalik yurituvchi subyektlari uchun xodimlar soni va mehnatga haq to‘lash fondining eng kam me’yorlarini aniqlash tartibi to‘g‘risidagi nizomning 2- ilovasiga muvofiq).

Kafeda ish vaqti rejimi haftasiga 84 soatdan ortib ketmaganligini hisobga olib, belgilangan eng kam miqdordagi asosiy xodimlar soni me’yoriga ko‘paytirish (oshirish) koeffitsiyenti qo‘llanilmaydi.

Shunday qilib, kafeda asosiy xodimlar sonining eng kam me’yori = 0,25 × 15 + 2 + 1 = 7 ta xodimni tashkil qiladi.

Belgilangan ish haqining eng kam miqdori (IHEKM) = 79 590 so‘m.

Belgilangan formulaga muvofiq (MHTFmin = XS × Tk × IHEKM) kafeda mehnatga haq to‘lash fondining eng kam me’yori = 7 × 2,998 × 79 590 = 1 670 276 so‘mni tashkil qiladi.

Obyektdagi barcha qurilish ishlarida band bo‘lgan quruvchi ishchilar sonining eng kam me’yorlari quyidagi formula asosida aniqlanadi:

XS_norm — tashkilotdagi quruvchi ishchilarning o‘rtacha oylik eng kam soni me’yori;

SIK — shaharsozlik normalari va qoidalari asosida tuzilgan smetaga muvofiq obyektda qurilish ishlarini bajarishda sarflanadigan ish kuchi (har bir odamga/soatbay);

BM — pudrat qurilish shartnomasi asosiga muvofiq qurilish ishlarining bajarish muddati;

IVF — har bir quruvchi ishchiga olti kunlik ish haftasiga o‘rtacha oylik ish vaqtining fondi.

Obyektdagi qurilish ishlarining texnologik xususiyatlari va bajarish grafigidan kelib chiqadigan oylik mehnat sarfi notekis bo‘lganda, shuningdek qurilish ishlari amalga oshirilayotgan shaharsozlik normalari va qoidalari asosida tuzilgan smeta hujjatlari qonunchilik hujjatlarida belgilangan tartibda tasdiqlanmaganda kalendar oy uchun quruvchi ishchilar sonining eng kam me’yori quyidagi formula bo‘yicha aniqlanadi:

XSnorm/oy — amalda bajarilgan ishlar hajmidan kelib chiqib aniqlangan kalendar oy uchun quruvchi ishchilar sonining eng kam me’yori;

MSoy — amalda bajarilgan ishlar hajmidan kelib chiqib shaharsozlik normalari va qoidalari asosida aniqlangan ushbu kalendar oyi uchun mehnat sarfi (odam/soatda);

IVF — ushbu kalendar oyida olti kunlik ish haftasida har bir quruvchi ishchiga to‘g‘ri keluvchi ish vaqti fondi.

Obyektdagi alohida turdagi qurilish ishlarini bajarishda bosh pudratchi bilan birgalikda subpudrat tashkilotlari ishtirok etganda, bosh pudratchining quruvchi ishchilari sonining eng kam me’yorlari quyidagi mezonlar asosida aniqlanadi:

BPXS_norm — bosh pudratchi quruvchi ishchilarning o‘rtacha oylik eng kam soni me’yori;

SIK — shaharsozlik normalari va qoidalari asosida tuzilgan smetaga muvofiq obyektda qurilish ishlarini bajarishda sarflanadigan ish kuchi (har bir odamga/soatbay);

QIBSIK — shaharsozlik normalari va qoidalari asosida tuzilgan smetaga muvofiq pudrat shartnomasi asosida subpudrat tashkilotiga topshirilgan obyektda qurilish ishlarini bajarishda sarflanadigan ish kuchi (har bir odamga/soatbay);

BM — pudrat qurilish shartnomasi asosiga muvofiq qurilish ishlarining bajarish muddati;

IVF — har bir quruvchi ishchiga olti kunlik ish haftasiga o‘rtacha oylik ish vaqtining fondi.

Qurilish tashkilotlarida ishlayotgan quruvchi ishchilarning mehnatiga haq to‘lash fondining eng kam me’yori quyidagi formula asosida aniqlanadi:

MHTF_min — mehnatga haq to‘lash fondining oylik eng kam me’yori;

XS (BPXS) — mazkur Nizomning 19¹-bandiga muvofiq aniqlangan tashkilot xodimlari soni.

T_k — qurilish ishlarida o‘rtacha razryadning tarif koeffitsiyenti. Qurilish ishlarida o‘rtacha razryadning tarif koeffitsiyenti mehnatga haq to‘lash yagona tarif setkasidagi 4 razryadning tarif koeffitsiyentiga mos keladi;

K_t — qurilish ishlarini bajarishda jamoa kelishuviga asosan ish beruvchi tomonidan qo‘llaniladigan mehnat haqini oshiruvchi tarmoq koeffitsiyenti;

IHEKM — belgilangan ish haqining eng kam miqdori.

1-misol.

Bir qavatli uch xonadan iborat tomorqali uyning namunali qurilishi:

shaharsozlik normalari va qoidalari asosida tuzilgan smetaga muvofiq ushbu uyning qurilish ishlarida sarflanadigan ish kuchi 4 799,6 odamga/soat teng;

qurilish ishini bajarish muddatining me’yori — 3 oy;

haftasiga olti kunlik ishda bir oylik o‘rtacha vaqt bir xodimga — 163,1 soatni tashkil qiladi.

Belgilangan formulaga muvofiq (XSnorm = SIK / BM / IVF) quruvchi ishchilarning (XSnorm) ning o‘rtacha oylik eng kam soni me’yori = 4 799,6 / 3 / 163,1 = 9,8 ta xodimni tashkil qiladi.

Iqtisodiyotning ayrim tarmoqlari xo‘jalik yurituvchi subyektlari uchun xodimlar soni va mehnatga haq to‘lash fondining eng kam me’yorlarini aniqlash tartibi to‘g‘risidagi nizomning 9-ilovasiga muvofiq qurilish ishlarida o‘rtacha razryad yagona tarif setkasi bo‘yicha 4 ni tashkil etadi. Yagona tarif setkasi bo‘yicha hisoblash uchun olinadigan 4 razryadli ishning tarif koeffitsiyenti 3,297 ni tashkil qiladi.

Belgilangan ish haqining eng kam miqdori (IHEKM) = 49 735 so‘m.

Belgilangan formulaga muvofiq (MHTF_min = XS_norm (BPXS_norm)× T_k × K_t) quruvchi ishchilarning mehnatiga haq to‘lash fondining eng kam me’yori (MHTF_min) = 9,8 × 3 ,297 × 1,15 × 49735 = 1 848 013 so‘mni tashkil qiladi.

Shunday qilib, qurilish ishini bajarish muddatining me’yorini (3 oy) hisobga olib, ushbu uyni qurilishidagi xodimlar mehnatiga haq to‘lash fondining eng kam me’yori = 1 848 013× 3 = 5 544 039 so‘mni tashkil qiladi, agarda ushbu davr mobaynida belgilangan ish haqining eng kam miqdori o‘zgarmasa.

2-misol.

270 o‘quvchiga mo‘ljallangan maktabni qurilishi bosh pudratchi tomonidan qurilishning bir qismini subpudrat tashkilotiga topshirganda:

shaharsozlik normalari va qoidalari asosida tuzilgan smetaga muvofiq ushbu obyektni qurilish ishlarida sarflanadigan ish kuchi 35 882 odamga/soat teng undan 12 500 odamga/soati subpudratchi ishiga to‘g‘ri keladi;

qurilish ishini bajarish muddatining me’yori — 9 oy;

subpudrat shartnomasiga ko‘ra subpudratchi tomonidan qurilish ishlarini bajarish muddati — 2 oy;

haftasiga olti kunlik ishda bir oylik o‘rtacha vaqt bir xodimga — 163,1 soatni tashkil qiladi.

Belgilangan formulaga muvofiq (BPXS_min = (SIK — QIBSIK) / BM / IVF) quruvchi ishchilarning (BPXS_min) o‘rtacha oylik eng kam soni me’yori = (35 882 — 12 500) / 9 / 163,1 = 15,9 ta xodimni tashkil qiladi.

Iqtisodiyotning ayrim tarmoqlari xo‘jalik yurituvchi subyektlari uchun xodimlar soni va mehnatga haq to‘lash fondining eng kam me’yorlarini aniqlash tartibi to‘g‘risidagi nizomning 9-ilovasiga muvofiq qurilish ishlarida o‘rtacha razryadi yagona tarif setkasi bo‘yicha 4 razryadni tashkil qiladi. Yagona tarif setkasi bo‘yicha hisobga olinadigan 4 razryadli ishning tarif koeffitsiyenti 3,297 ni tashkil qiladi.

Belgilangan ish haqining eng kam miqdori (IHEKM) = 49 735 so‘m.

Belgilangan formulaga muvofiq (MHTF_min = XS_norm (BPXS_norm)× T_k × K_t) quruvchi ishchilarning mehnatiga haq to‘lash fondining eng kam me’yori (MHTF_min) = 15,9 × 3 ,297 × 1,15 × 49 735 = 2 998 307 so‘mni tashkil qiladi.

Shunday qilib, qurilish ishini bajarish muddatining me’yorini (3 oy) hisobga olib, ushbu obyekt qurilishidagi xodimlar mehnatiga haq to‘lash fondining eng kam me’yori 2 998 307 × 9 = 26 984 763 so‘mni tashkil qiladi, agarda ushbu davr mobaynida belgilangan ish haqining eng kam miqdori o‘zgarmasa.

Yuqorida keltirilgan shartlar bilan:

subpudrat tashkiloti quruvchi ishchilarining (XS_norm) o‘rtacha oylik eng kam soni me’yori = 12 500 / 2 / 163,1 = 38,3 ta xodimni tashkil qiladi;

subpudrat tashkiloti quruvchi ishchilarining mehnatiga haq to‘lash fondining (MHTF_min) eng kam me’yori = 38,3 × 3 ,297 × 1,15 × 49735 = 7 222 336 so‘mni tashkil qiladi.

Shunday qilib, qurilish ishini bajarish muddatining me’yorini (2 oy) hisobga olib, ushbu obyektni qurilishidagi xodimlar mehnatiga haq to‘lash fondining eng kam me’yori = 7 222 336 × 2 = 14 444 672 so‘mni tashkil qiladi, agarda ushbu davr mobaynida belgilangan ish haqining eng kam miqdori o‘zgarmasa.