Ўзбекистон Республикаси Президентининг «Ўзбекистон Республикасида соғлиқни сақлаш тизимини ислоҳ қилиш давлат дастури тўғрисида» 1998 йил 10 ноябрдаги ПФ-2107-сон Фармонига ва Ўзбекистон Республикаси Вазирлар Маҳкамасининг «Фарғона вилоятида соғлиқни сақлашнинг бошланғич бўғинини ислоҳ қилиш лойиҳасини амалга ошириш тўғрисида» 1999 йил 5 мартдаги 100-сон қарорига мувофиқ «Саломатлик-1» лойиҳасини амалга ошириш доирасида Халқаро тикланиш ва тараққиёт банки иштирокида Фарғона, Сирдарё, Навоий вилоятларида ҳамда Қорақалпоғистон Республикаси ва Хоразм вилоятининг уч туманида қишлоқ врачлик пунктларини, қишлоқ врачлик амбулаториялари ва фельдшер-акушерлик пунктлари комплексларини (кейинги ўринларда матнда «бошланғич тиббий-санитария ёрдами-БТСЁ қишлоқ муассасалари» деб юритилади) бир киши ҳисобига харажатлар нормативидан келиб чиқиб молиялаштириш механизми жорий этилган.

Соғлиқни сақлаш соҳасида ислоҳотларни янада чуқурлаштириш, бошланғич тиббий-санитария ёрдами барча қишлоқ муассасаларида молиялаштиришнинг янги механизмини ёйиш ва уни БТСЁ айрим шаҳар муассасаларида эксперимент сифатида жорий этиш, шунингдек «Саломатлик-2» ва «Аёллар ва болалар соғлигини мустаҳкамлаш» дастурлари доирасида бошланғич тиббий-санитария ёрдами муассасаларини бошқаришни такомиллаштириш мақсадида Вазирлар Маҳкамаси қарор қилади:

1. БТСЁ қишлоқ муассасаларини:

Қорақалпоғистон Республикаси ва Хоразм вилоятида — 2005 йил 1 октябрдан бошлаб;

Андижон, Бухоро, Наманган ва Сурхондарё вилоятларида — 2006 йил 1 январдан бошлаб;

Жиззах, Қашқадарё, Самарқанд ва Тошкент вилоятларида — 2007 йил 1 январдан бошлаб бир киши ҳисобига харажатлар нормативидан келиб чиқиб молиялаштириш шароитларига босқичма-босқич ўтказиш назарда тутилсин.

2. 2006 йил 1 январдан бошлаб 1-иловага мувофиқ Самарқанд, Сирдарё, Фарғона вилоятлари шаҳарлари ва Тошкент шаҳрида БТСЁ муассасаларини бир киши ҳисобига харажатлар нормативидан келиб чиқиб молиялаштириш бўйича эксперимент ўтказилсин.

Самарқанд, Сирдарё, Фарғона вилоятлари ва Тошкент шаҳри ҳокимликлари кўрсатиб ўтилган эксперимент ўтказилиши учун зарур шарт-шароитларни таъминласин..

3. Белгилансинки, Қорақалпоғистон Республикаси, вилоятлар ва Тошкент шаҳри соғлиқни сақлашига харажатлар таркибида молиялаштиришнинг янги шартларига ўтаётган БТСЁ муассасалари харажатлари улуши белгиланган тартибда амалга ошириладиган индексация ҳисобга олинган ҳолда кейинчалик кўпайтириб борилган ҳолда олдинги йилдан паст бўлмаган даражада сақланиб қолади.

4. Қуйидагилар:

Бошланғич тиббий-санитария ёрдами (БТСЁ) қишлоқ муассасаларини молиялаштириш тартиби тўғрисидаги низом 2-иловага мувофиқ;

Бошланғич тиббий-санитария ёрдами (БТСЁ) шаҳар экспериментал муассасаларини молиялаштириш тартиби тўғрисидаги вақтинчалик низом 3-иловага мувофиқ тасдиқлансин.

5. Ўзбекистон Республикаси Соғлиқни сақлаш вазирлиги:

бошланғич тиббий-санитария ёрдами экспериментал шаҳар муассасасининг намунавий уставини бир ой муддатда ишлаб чиқсин ва тасдиқласин;

«Саломатлик-2» (ХТУ) ва «Аёллар ва болалар соғлигини мустаҳкамлаш» (ОТБ) лойиҳаларини амалга ошириш бўйича қўшма бюро билан биргаликда молиялаштиришнинг янги тартиби шароитларида қишлоқ ва экспериментал шаҳар муассасалари тиббиёт ходимлари ва маъмурий-бошқарув ходимларини, шунингдек даволаш ва молия-хўжалик фаолиятини ташкил этиш бўйича барча даражалардаги соғлиқни сақлаш бошқарув органлари раҳбарларини тайёрлашни таъминласин;

Ўзбекистон Республикаси Молия вазирлиги билан биргаликда, 2006 йил 1 мартгача, «Аёллар ва болалар соғлигини мустаҳкамлаш» лойиҳаси бўйича Ўзбекистон Республикаси билан ОТБ ўртасидаги қарз битимига мувофиқ, туман (шаҳар) соғлиқни сақлаш турғун муассасаларини бир тўлиқ даволанган ҳолат ҳисобидан келиб чиқиб молиялаштиришга ўтказишга доир таклифларни ишлаб чиқсин ва белгиланган тартибда Вазирлар Маҳкамасига киритсин;

эксперимент тариқасида Қорақалпоғистон Республикасининг Беруний, Қонликўл ва Нукус туманларида ҳамда Хоразм вилоятининг Боғот, Янгиариқ ва Хонқа туманларида марказлаштирилган бухгалтерия ташкил этиш йўли билан бошланғич тиббий-санитария ёрдами қишлоқ муассасаларини молиялаштириш моделини такомиллаштириш бўйича чора-тадбирларни амалга оширсин;

2007 йил 1 январгача бир киши ҳисобига харажатлар нормативидан келиб чиқиб бошланғич тиббий-санитария ёрдами шаҳар муассасаларини молиялаштириш бўйича эксперимент натижаларини умумлаштирсин ва молиялаштиришнинг ушбу моделини республика бошланғич тиббий-санитария ёрдами бошқа шаҳар муассасаларига жорий этишга доир таклифларни Вазирлар Маҳкамасига киритсин.

6. Ўзбекистон Республикаси Вазирлар Маҳкамасининг «Фарғона вилоятида соғлиқни сақлашнинг бошланғич бўғинини ислоҳ қилиш лойиҳасини амалга ошириш тўғрисида» 1999 йил 5 мартдаги 100-сон қарори ўз кучини йўқотган деб ҳисоблансин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Қосимов зиммасига юклансин.

3-поликлиника

6-поликлиника

8-поликлиника

12-поликлиника

1-марказий поликлиника

2-поликлиника

3-поликлиника

4-поликлиника (болалар учун)

1-поликлиника (катта ёшдагилар учун)

2-поликлиника (катта ёшдагилар учун)

3-поликлиника

1-поликлиника (болалар учун)

2-поликлиника (болалар учун)

6 -поликлиника

«Ипакчи» ҳудудий поликлиникаси

«Янги Марғилон» ҳудудий поликлиникаси

1. Учтепа тумани

6-поликлиника

8-поликлиника

56-поликлиника

10-поликлиника

30-поликлиника

Марказий поликлиника

2. Юнусобод тумани

31-оилавий поликлиника

Марказий поликлиника

3. Яккасарой тумани

17-оилавий поликлиника

19-оилавий поликлиника

23-оилавий поликлиника

45-оилавий поликлиника

Марказий поликлиника

Мазкур Низом бошланғич тиббий-санитария ёрдами қишлоқ муассасаларининг бир киши ҳисобига харажатлар нормативидан ва уларни молиялаштириш шартларидан келиб чиқиб молиялаштиришга ўтиши тартиб-қоидасини белгилайди.

1. БТСЁ қишлоқ муассасаларининг бир киши ҳисобига харажатлар нормативидан келиб чиқиб молиялаштиришга ўтиши учун Қорақалпоғистон Республикаси Вазирлар Кенгаши, вилоятлар ва туманлар ҳокимликлари уларни молиялаштиришни Қорақалпоғистон Республикаси Соғлиқни сақлаш вазирлигига ва вилоят ҳокимликлари соғлиқни сақлаш бошқармаларига беради.

2. Маҳаллий соғлиқни сақлаш органлари улар ҳудудида қишлоқ врачлик пунктларига айлантирилмаган қишлоқ врачлик амбулаториялари (ҚВА) қишлоқ участка касалхоналари (ҚУК) ва фельдшер-акушерлик пунктлари (ФАП) мавжуд бўлган тақдирда, уларнинг негизида ҚВП-ФАП, ҚВА-ФАП-комплекслари ташкил этадилар.

ҚВП, ҚВП-ФАП ва ҚВА-ФАП-комплекслари юридик шахс шаклида ташкил этилади ва бошланғич тиббий-санитария ёрдами (БТСЁ)нинг муассасалари ҳисобланади.

3. Қайта ўзгартириш йўли билан БТСЁ қишлоқ муассасаларини ташкил этишда илгари ҚВА, ФАП ва ҚУКга тегишли бўлган барча мол-мулк, шу жумладан бинолар белгиланган тартибда уларнинг балансига берилади.

4. Қайта ўзгартирилган БТСЁ қишлоқ муассасалари штатларини шакллантириш Ўзбекистон Республикаси Молия вазирлиги билан келишув бўйича Соғлиқни сақлаш вазирлиги томонидан тасдиқланган штат нормативларига мувофиқ амалга оширилади.

5. Аҳолини БТСЁ қишлоқ муассасаларига бириктириш мазкур Низомга иловага мувофиқ шакл бўйича режалаштирилаётган давр бошида мавжуд бўлган участкалар асосида тегишли туман марказий касалхонасининг бош врачи буйруғига биноан амалга оширилади.

БТСЁ муассасаларига бириктирилган аҳолининг сони ва таркиби тўғрисидаги ахборот туман марказий касалхонаси бош врачи томонидан тузилади, аҳолининг умумий сони эса туман статистика органининг раҳбари томонидан тасдиқланади.

Бунда ҳар қандай фуқаро туман марказий касалхонаси бош врачини ёзма равишда хабардор қилиб, тиббий ёрдам олиш учун бошқа БТСЁ муассасасини ўз хоҳишича танлашга ҳақлидир.

6. БТСЁ қишлоқ муассасалари бюджетини режалаштириш бир киши ҳисобига харажатларнинг базавий нормативи асосида амалга оширилади.

7. Бир киши ҳисобига харажатларнинг базавий нормативи ҳар йили белгиланади ва Қорақалпоғистон Республикаси ёки вилоятлар ҳудудий доирасида ягона ҳисобланади ҳамда қуйидаги формула бўйича аниқланади:

ХБНс =ВСБх ЎУс/АСс, бунда:

ХБНс — режалаштирилаётган йилга бир киши ҳисобига харажатларнинг базавий нормативи;

ВСБ — санитария-эпидемиология назорати хизмати, капитал қўйилмалар ва марказлаштирилган тадбирлар харажатларидан ташқари режалаштирилаётган йилга Қорақалпоғистон Республикаси ёки вилоятлар соғлиқни сақлашининг умумий бюджети;

ЎУс — режалаштирилаётган йилнинг 1 январига БТСЁ қишлоқ муассасаларига бириктирилган вилоят аҳолиси сони;

АСс — ҳисобот даврида вилоят соғлиқни сақлаш бюджетида вилоят қишлоқ БТСЁ бюджетининг ўртача улуши (коэффициентларда). БТСЁ қишлоқ муассасалари бюджетини ҳисобот давридаги санитария-эпидемиология назорати хизмати харажатлари, капитал қўйилмалар ва марказлаштирилган тадбирлар харажатларини истисно этган ҳолда вилоят соғлиқни сақлаш умумий бюджетига бўлиш йўли билан аниқланади.

Бунда қишлоқ БТСЁ бюджетининг ўртача улуши Қорақалпоғистон Республикаси ва вилоятлар соғлиқни сақлаш муассасаларини қайта ташкил этиш ҳисобига кўпайтирилиши керак.

8. Алоҳида олинган БТСЁ муассасасини молиялаштиришнинг йиллик ҳажми тузатиш коэффициентларидан (жинс-ёш таркиби ва аҳоли зичлиги) фойдаланилган ҳолда бир киши ҳисобига харажатларнинг базавий нормативи ва БТСЁ муассасасига бириктирилган аҳоли сони ҳисобидан келиб чиқиб белгиланади.

9. Ҳар бир кейинги режалаштириладиган йилга бир кишига харажатларнинг базавий нормативи белгиланган тартибда аниқланадиган индексация коэфициентлари ҳисобга олинган ҳолда ҳисоблаб чиқилади.

10. Қорақалпоғистон Республикаси Молия вазирлиги ва Соғлиқни сақлаш вазирлиги, вилоят ҳокимликлари молия бошқармалари ва соғлиқни сақлаш бошқармалари БТСЁ қишлоқ муассасалари бюджетларини ҳисоблаб чиқади ва уларни белгиланган тартибда туманлар молия органларига ва БТСЁ муассасаларига етказади.

11. БТСЁ қишлоқ муассасалари белгиланган тартибда молия органларида рўйхатдан ўтказиладиган харажатлар сметаси, штат жадвалини ажратилган бюджет доирасида мустақил ишлаб чиқади ва тасдиқлайди.

12. БТСЁ муассасаларининг ҳисобланган бюджети жорий фаолият бўйича уларнинг харажатларини қоплаши лозим.

БТСЁ қишлоқ муассасаларининг имтиёзли рецептлар бўйича бериладиган дори-дармонлар учун харажатлари туман марказий касалхонаси бюджетида назарда тутилади. БТСЁ муассасалари учун капитал қурилиш ва қиммат турадиган ускуналарни сотиб олиш харажатлари бир киши ҳисобига харажатлар нормативи бўйича молиялаштириш тизими доирасидан ташқарида назарда тутилади.

13. БТСЁ қишлоқ муассасалари харажатларини молиялаштириш (уларни тўлаш) тасдиқланган харажатлар сметасига мувофиқ белгиланган тартибда амалга оширилади.

Ҳисобот йилининг охирида БТСЁ муассасалари ҳисоб рақамларида қолган маблағлар олиб қўйилмайди ва уларни ривожлантириш учун фойдаланилади.

14. БТСЁ муассасаси тиббий, иқтисодий ва маъмурий фаолиятига умумий раҳбарлик қилиш мудир томонидан амалга оширилади.

15. Мудир штат жадвалини мустақил шакллантиради, штат нормативлари ва ажратилган маблағ билан таъминлаш миқдорига мувофиқ уни мутахассислар билан тўлдиради.

16. Мудир лавозимга Қорақалпоғистон Республикаси Соғлиқни сақлаш вазирлиги ёки тегишли вилоят ҳокимлиги соғлиқни сақлаш бошқармаси билан келишилган ҳолда туман марказий касалхонаси бош врачи томонидан тайинланади.

17. БТСЁ қишлоқ муассасаларининг молия-хўжалик фаолиятини туман марказий касалхонаси бош врачи билан келишув бўйича БТСЁ муассасаси мудири томонидан лавозимга тайинланадиган молиявий менежерлар юритади. Агар эксперемент тартибида бир нечта БТСЁ муассасаларига хизмат кўрсатиш учун битта молиявий менежер белгиланган тақдирда (Қорақалпоғистон Республикасининг Беруний, Қонликўл ва Нукус туманлари, Хоразм вилоятининг Боғот, Янгиариқ ва Хонқа туманлари), у Қорақалпоғистон Республикаси Соғлиқни сақлаш вазирлиги ёки Хоразм вилояти ҳокимлиги соғлиқни сақлаш бошқармаси билан келишув бўйича туман марказий касалхонаси бош врачи томонидан лавозимга тайинланади.

18. БТСЁ муассасаларининг молия-бухгалтерия ҳисоботларини юқори турадиган инстанцияларга ўз вақтида тақдим этиш ишларини мувофиқлаштириш туман марказий касалхонасига юкланади.

19. Бириктирилган ҳудуддаги аҳолига бошланғич тиббий-санитария ёрдами кўрсатиш вазифасини бевосита ҳал этиш учун жавобгарлик туман марказий касалхонасига юкланади.

Ушбу Низом Марғилон, Самарқанд, Гулистон шаҳарларида ва Тошкент шаҳрининг Яккасарой, Учтепа, Юнусобод туманларидаги бошланғич тиббий-санитария ёрдами шаҳар муассасаларининг (кейинги ўринларда матнда «БТСЁ ШЭ муассасалари» деб юритилади) эксперимент тартибида бир киши ҳисобига харажатлар нормативи бўйича молиялаштиришга ва уларнинг фаолият кўрсатиш шароитларига ўтиши тартиб-қоидасини белгилайди.

1. БТСЁ ШЭ муассасаларининг бир киши ҳисобига харажатлар нормативидан келиб чиқиб молиялаштиришга ўтиши учун Самарқанд, Сирдарё, Фарғона вилоятлари ва Тошкент шаҳри ҳокимликлари уларни молиялаштиришни ушбу вилоятлар ва Тошкент шаҳар ҳокимликлари соғлиқни сақлаш бошқармаларига берадилар.

2. Юридик шахслар бўлмаган бошланғич тиббий-санитария ёрдами муассасалари ўзлари кирган юридик шахслар таркибидан бошланғич тиббий-санитария ёрдами муассасалари тарзида мустақил юридик шахслар сифатида ажралиб чиқадилар.

3. БТСЁ ШЭ муассасалари штатларини шакллантириш Ўзбекистон Республикаси Молия вазирлиги билан келишув бўйича Соғлиқни сақлаш вазирлиги томонидан тасдиқланган штат нормативларига мувофиқ амалга оширилади.

4. БТСЁ ШЭ муассасаларига аҳолини бириктириш:

Марғилон, Самарқанд, Гулистон шаҳарларида — шаҳар марказий касалхонаси бош врачи буйруғи бўйича;

Тошкент шаҳрида — тегишли туман соғлиқни сақлаш органи раҳбарининг буйруғи бўйича амалга оширилади.

Бириктириш режалаштириладиган давр бошига БТСЁ ШЭ муассасаларига хизмат кўрсатадиган участкалар асосида ушбу Низомга иловага асосан шакл бўйича амалга оширилади.

БТСЁ ШЭ муассасаларига бириктирилган аҳоли сони ва таркиби бўйича ахборотлар Марғилон, Самарқанд, Гулистон шаҳарлари шаҳар марказий касалхонаси бош врачи, Тошкент шаҳрининг тегишли туман соғлиқни сақлаш органи раҳбари томонидан тайёрланади, аҳолининг умумий сони эса ҳудудий (туман/шаҳар) статистика органи раҳбари томонидан тасдиқланади.

Бунда ҳар бир фуқаро тегишли равишда Марғилон, Самарқанд, Гулистон шаҳарларининг шаҳар марказий касалхонаси бош врачини ёки Тошкент шаҳрининг тегишли туман соғлиқни сақлаш органини ёзма равишда хабардор қилган ҳолда тиббий ёрдам олиш учун бошқа экспериментал БТСЁ ШЭ муассасасини танлаш ҳуқуқига эгадир.

5. БТСЁ ШЭ муассасалари бюджетини режалаштириш бир киши ҳисобига харажатларнинг базавий нормативи асосида амалга оширилади.

6. Бир киши ҳисобига харажатларнинг базавий нормативи ҳар йили экспериментда иштирок этувчи вилоятларнинг ҳар бир тумани (Тошкент шаҳар тумани) учун алоҳида белгиланади.

Харажатларнинг базавий нормативи қуйидаги формула бўйича аниқланади:

ХБНй = ВСБй x ЎУй / АСй, бунда:

ХБНй — режалаштирилаётган йил учун бир киши ҳисобига харажатларнинг норматив базаси;

ВСБй — санитария-эпидемиология шохобчалари, капитал қўйилмалар ва режалаштирилаётган йил учун марказлаштирилган тадбирлар харажатларидан ташқари, вилоятлар, Тошкент шаҳар соғлиқни сақлаш умумий бюджети;

АСй — режалаштирилаётган йилнинг 1 январдаги ҳолатига кўра БТСЁ ШЭ муассасаларига бириктирилган вилоят шаҳарлари/Тошкент шаҳри аҳолиси сони;

ЎУй — ҳисобот даврида тегишли вилоят/Тошкент шаҳар соғлиқни сақлаш бюджетида БТСЁ ШЭ муассасалари бюджетининг ўртача улуши (коэффицентларда). БТСЁ ШЭ муассасалари бюджетини ҳисобот давридаги санитария-эпидемиология назорати хизматлари, капитал қўйилмалар ва марказлаштирилган тадбирлар харажатларини истисно этган ҳолда вилоятлар/Тошкент шаҳар соғлиқни сақлаш умумий бюджетига бўлиш йўли билан аниқланади.

Бунда БТСЁ ШЭ муассасалари бюджети ўртача улуши вилоятлар ва Тошкент шаҳар соғлиқни сақлаш муассасаларини қайта ташкил этиш ҳисобига кўпайтирилиши керак.

7. БТСЁ ШЭ муассасалари алоҳида олинган йиллик маблағ билан таъминлаш миқдори бир кишига базавий харажатлар нормативи ҳисобидан ҳамда БТСЁ ШЭ муассасаларига бириктирилган аҳоли сонидан келиб чиқиб, тузатиш коэффициентларидан (жинс-ёш таркиби ва аҳоли зичлиги) фойдаланган ҳолда аниқланади.

8. Ҳар бир кейинги режалаштирилаётган йил учун бир кишига харажатларнинг базавий нормативи белгиланган тартибда аниқланадиган индексация коэффициентларини ҳисобга олган ҳолда ҳисоблаб чиқилади.

9. Фарғона, Самарқанд, Сирдарё вилоятлари ҳокимликлари молия ва соғлиқни сақлаш бошқармалари ҳамда Тошкент шаҳар Соғлиқни сақлаш бош бошқармаси БТСЁ ШЭ муассасалари бюджетларини ҳисоблаб чиқади ва белгиланган тартибда туманлар (шаҳарлар) молия органларига етказади.

10. БТСЁ ШЭ муассасалари ажратилган бюджет доирасида молия органларида белгиланган тартибда рўйхатдан ўтказиладиган харажатлар сметаси, штат жадвалини мустақил равишда ишлаб чиқади ва тасдиқлайди.

11. БТСЁ ШЭ муассасаларининг ҳисоблаб чиқилган бюджети уларнинг жорий фаолияти бўйича харажатларини қоплаши керак.

Имтиёзли рецептлар бўйича дори-дармонлар билан таъминлаш харажатлари тегишли равишда Марғилон, Гулистон, Самарқанд шаҳарларининг шаҳар марказий касалхоналари ҳамда Тошкент шаҳар тегишли тумани соғлиқни сақлаш органи бюджетларида назарда тутилади.

БТСЁ ШЭ муассасалари учун капитал қурилиш ва қиммат турадиган ускуналарни сотиб олиш харажатлари бир киши ҳисобига харажатлар нормативи бўйича маблағ билан таъминлаш тизими доирасидан ташқарида назарда тутилади.

12. БТСЁ ШЭ муассасаларини молиялаштириш Фарғона, Самарқанд, Сирдарё вилоятлари тегишли туманлари (шаҳарлари) ҳамда Тошкент шаҳар молия органлари томонидан тасдиқланган харажатлар сметаларига мувофиқ ҳар ойда битта суммада (харажатлар гуруҳларига бўлмасдан) амалга оширилади. Соғлиқни сақлаш бюджетини ажратишда маҳаллий молия органлари биринчи навбатда БТСЁ муассасалари учун молиявий маблағлар ажратилишини таъминлаши лозим.

13. БТСЁ ШЭ муассасалари харажатларини молиялаштириш (уларни тўлаш) тасдиқланган харажатлар сметасига мувофиқ белгиланган тартибда амалга оширилади.

14. Ҳисобот йилининг охирида муассасалар ҳисоб рақамларида қоладиган маблағлар олиб қўйилмайди ва уларни ривожлантириш учун фойдаланилади.

15. Бошланғич тиббий-санитария ёрдами муассасаларининг даволаш, иқтисодий ва маъмурий фаолиятига умумий раҳбарлик қилиш БТСЁ ШЭ муассасаси бош врачи томонидан амалга оширилади.

Бош врач штат жадвалини мустақил шакллантиради, штат нормативлари ва ажратилган молиялаштириш миқдорига мувофиқ уни мутахассислар билан тўлдиради.

БТСЁ ШЭ муассасаси бош врачи:

Марғилон, Самарқанд, Гулистон шаҳарларида — вилоят ҳокимлиги соғлиқни сақлаш бошқармаси билан келишув бўйича шаҳар марказий касалхонаси бош врачи томонидан;

Тошкент шаҳрида — Тошкент шаҳар Соғлиқни сақлаш бош бошқармаси билан келишув бўйича туман соғлиқни сақлаш бошқармаси органи томонидан лавозимга тайинланади.

16. БТСЁ ШЭ муассасаларининг молия-хўжалик фаолиятини БТСЁ ШЭ муассасаси бош врачи томонидан лавозимга тайинланадиган молиявий менежерлар юритади.

Агар бир нечта БТСЁ ШЭ муассасасига хизмат кўрсатиш учун битта молиявий менежер белгиланган бўлса, у тегишли вилоят ҳокимлиги соғлиқни сақлаш бошқармаси ёки Тошкент шаҳар Соғлиқни сақлаш бош бошқармаси томонидан лавозимга тайинланади.

17. БТСЁ ШЭ муассасаларининг молиявий-бухгалтерия ҳисоботларини юқори турадиган инстанцияларга ўз вақтида тақдим этиш юзасидан ишларни мувофиқлаштириш:

Марғилон, Самарқанд, Гулистон шаҳарларида — шаҳар марказий касалхоналарига;

Тошкент шаҳрида — тегишли туман соғлиқни сақлаш органларига юкланади.

18. БТСЁ ШЭ муассасаларига бириктирилган ҳудуддаги аҳолига бошланғич тиббий-санитария ёрдами кўрсатиш вазифасини бевосита ҳал этиш учун жавобгарлик Марғилон, Самарқанд ва Гулистон шаҳарларининг шаҳар марказий касалхоналари, шунингдек Тошкент шаҳрининг тегишли туманлари соғлиқни сақлаш органларига юкланади.