Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6-, 21¹-moddalari,, “Taʼlim toʻgʻrisida”gi Qonunning 27-moddasi, Vazirlar Mahkamasining 2017-yil 15-martdagi 140-son qarori bilan tasdiqlangan Umumiy oʻrta taʼlim toʻgʻrisidagi nizomning 39-bandiga asosan, tumanda maktab yoshidagi bolalarni umumiy oʻrta taʼlimga qamrab olish jarayonida umumtaʼlim muassasalariga biriktirilgan hududlar (mikrohudud)ni aniq belgilab olish maqsadida qaror qilaman:

1. Yangiobod tuman maktabgacha va maktab taʼlimi boʻlimining 2026-yil 12-iyundagi 01-306-son xati ijro uchun qabul qilinsin.

2. Yangiobod tumanida maktab yoshidagi bolalarni umumiy oʻrta taʼlimga toʻliq qamrab olish boʻyicha umumtaʼlim muassasalariga biriktirilgan hududlar (mikrohudud) roʻyxati 1-ilovaga, hududlar (mikrohudud) xaritasi 2-ilovaga asosan tasdiqlansin.

3. Maktab yoshidagi bolalarni umumiy oʻrta taʼlimga qamrab olish umumtaʼlim muassasasi pedagog xodimlari tomonidan bolalarni birma-bir (uyma-uy) roʻyxatga olish orqali amalga oshirilsin.

4. Tuman hokimining oʻrinbosari (A.Nishonov), tuman Maktabgacha va maktab taʼlimi boʻlimi (E.Muxtorov), tumandagi umumtaʼlim muassasalari rahbarlari zimmasiga maktab yoshidagi bolalarni umumiy oʻrta taʼlimga toʻliq qamrab olish, oʻquvchilarning darslarga qatnashish holati yuzasidan monitoring olib borish va uning natijasida aniqlangan muammolarni bartaraf etish boʻyicha zarur choralar koʻrish vazifasi topshirilsin.

5. Belgilansinki, tumandagi umumtaʼlim muassasalari rahbarlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida umumtaʼlim muassasasiga oʻqishga jalb qilish uchun masʼul hisoblanadi.

Bundan tashqari, Oʻzbekiston Respublikasining 2020-yil 23-sentabrdagi OʻRQ-637-sonli “Taʼlim toʻgʻrisida”gi Qonunining 9-moddasiga asosan umumiy oʻrta taʼlim tashkilotining birinchi sinfiga bolalar ular yetti yoshga toʻladigan yilda qabul qilinadi.

6. Oʻzbekiston mahallalari uyushmasi Yangiobod tuman boʻlimi (L.Raxmatov)ga, maktab yoshidagi bolalarni umumtaʼlim muassasalariga jalb etish jarayonida tuman Maktabgacha va maktab taʼlimi boʻlimi hamda umumtaʼlim muassasalariga amaliy yordam berish tavsiya etilsin.

7. Tuman hokimligi axborot xizmati (S.Rayimov), “Yangiobod ovozi” gazetasi tahririyati (A.Muhammadiyev) mazkur qarorni hokimlikning rasmiy veb-saytiga joylashtirilishini taʼminlasin hamda mahalliy matbuotda chop etilsin va uning ijrosi boʻyicha amalga oshirilayotgan ishlarni keng yoritib borish tavsiya etilsin.

8. Mazkur qaror rasmiy eʼlon qilingan kundan eʼtiboran kuchga kiradi.

9. Mazkur qaror qabul qilinishi munosabati bilan tuman hokimining 2025-yil 23-oktabrdagi 191-3-54-Q/25-sonli qarori oʻz kuchini yoʻqotgan deb hisoblansin.

10. Ushbu qarorning bajarilishini nazorat qilish tuman hokimining oʻrinbosari A.Nishonov zimmasiga yuklatilsin.