Вазирлар Маҳкамасининг 2000 йил 5 августдаги 305-сон «Капитал қурилишда иқтисодий ислоҳотларни чуқурлаштиришга доир қўшимча чора-тадбирлар тўғрисида»ги қарори билан тасдиқланган Капитал қурилишда иқтисодий ислоҳотларни янада чуқурлаштириш тадбирларининг 1.2-бандининг ижросини таъминлаш мақсадида буйураман:
1. Давлат бюджети маблағлари ҳисобидан амалга ошириладиган бино ва иншоотларни капитал таъмирлашни молиялаштириш ва манзилли рўйхатларини шакллантириш тартиби тўғрисидаги низом иловага мувофиқ тасдиқлансин.
2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.
Ўзбекистон Республикаси молия вазирининг 2001 йил 19 сентябрдаги 107-сонли буйруғи билан
ТАСДИҚЛАНГАН
ТАСДИҚЛАНГАН
1. Мазкур Низом Ўзбекистон Республикаси Вазирлар Маҳкамасининг 2000 йил 5 августдаги 305-сон қарорининг ижросини бажариш мақсадида ишлаб чиқилган ва давлат бюджети маблағлари ҳисобига амалга оширилаётган бинолар ва иншоотларни капитал таъмирлашни молиялаштириш ва манзилли рўйхатларни шакллантириш тартиб-таомилини тартибга солади.
2. Давлат бюджети маблағлари ҳисобига маблағ билан таъминланадиган бино ва иншоотларни капитал таъмирлашнинг манзилли рўйхатлари ҳар йили молия органларида рўйхатга олинган сақлаш харажатлари сметаларида кўзда тутилган маблағлар доирасида буюртмачилар томонидан шакллантирилади.
3. Бюджет ташкилотини сақлаш харажатлар сметасида кўзда тутилган маблағлар доирасида тузилган бинолар ва иншоотларни капитал таъмирлашнинг манзилли рўйхатларида қуйидагилар ҳисобга олинади:
ўтган йилги бино ва иншоотларини капитал таъмирлашнинг манзилли рўйхатларида кўзда тутилган бажарилган ишлар ва хизматлар, объектлар бўйича етказиб берилган қурилиш материаллари ва жиҳозлар учун кредиторлик қарздорлигини қоплаш;
техник паспортлари ҳамда белгиланган тартибда тасдиқланган лойиҳа ҳужжатлари, жумладан ресурс сметаси (лойиҳани тасдиқлаш кунига Марказий банк курси бўйича капитал таъмирлашнинг бошланғич қиймати 10 минг АҚШ долларидан ортиқ суммага эквивалент бўлган объектлар) ёки камчиликлар далолатномалари асосида тузилган капитал таъмирлаш бўйича ишлар рўйхатига (лойиҳани тасдиқлаш кунига капитал таъмирлашнинг бошланғич қиймати Марказий банк курси бўйича 10 минг АҚШ долларидан ортиқ бўлмаган объектлар учун) эга бўлган капитал таъмирлаш объектлари;
камчиликлар далолатномаларига асосан капитал таъмирланиши зарур бўлган объектларнинг лойиҳа ҳужжатларини, жумладан ресурс сметасини ишлаб чиқиш.
Капитал таъмирлашнинг манзилли рўйхатларини шакллантириш жараёнида бюджет маблағларига бўлган эҳтиёж ишлаб берилмаган бўнаклар бўйича дебиторлик қарзини ва якунланган йилда буюртмачи харид қилган моддий-техник ресурслар қийматини чегирган ҳолда акс эттирилади.
4. Объектларни капитал таъмирлаш манзилли рўйхатларига киритишнинг мажбурий шартлари бўлиб, белгиланган тартибда тасдиқланган лойиҳа ҳужжатлари, жумладан ресурс сметаси ёки ишлар ва маблағ билан таъминлаш манбаларининг рўйхати мавжудлиги, шунингдек объектларни капитал таъмирланишини асосан ҳисобот йили давомида амалга ошириш ҳисобланади.
5. Давлат бюджети маблағлари ҳисобидан молиялаштирадиган бинолар ва иншоотларни капитал таъмирлашнинг шакллантирилган манзилли рўйхатларини қуйидагича келишилган ҳолда бюджет маблағларини тақсимловчилар томонидан тасдиқланади:
а) Ўзбекистон Республикасининг республика бюджетидан молиялаштиришда — Ўзбекистон Республикаси Молия вазирлиги билан;
б) Қорақалпоғистон Республикаси республика бюджети, вилоятлар ва Тошкент шаҳар бюджетларидан молиялаштиришда — Қорақалпоғистон Республикаси Молия вазирлиги, вилоятлар ҳокимиятлари молия бошқармалари ва Тошкент шаҳар ҳокимияти молия бош бошқармаси билан келишиб;
в) туман ва шаҳарлар маҳаллий бюджетларидан молиялаштиришда — туман ва шаҳарлар ҳокимиятлари молия бўлимлари билан.
Бино ва иншоотларни капитал таъмирлашнинг тасдиқланган ва келишилган манзилли рўйхатларини бюджет ташкилотлари бюджет ташкилотларининг хизмат кўрсатувчи банкларига тақдим этадилар.
6. Бошланғич қиймати 25 минг АҚШ долларига (лойиҳани тасдиқлаш кунидаги Марказий банк курси бўйича) тенг ва ундан ортиқ бўлган объектлар бўйича пудрат ташкилоти ва капитал таъмирлаш ишларининг шартномавий қийматини аниқлаш пудрат танлов савдолари асосида амалга оширилади, бошланғич қиймат 25 минг АҚШ долларидан (лойиҳани тасдиқлаш кунидаги Марказий банк курси бўйича) кам бўлганда эса, буюртмачи томонидан мустақил равишда, пудратчилар таклифларининг танлов сўрови асосида амалга оширилиши мумкин.
Танлов савдоларини ташкил этиш ва ўтказиш буюртмачининг маблағлари ҳисобига амалга оширилади ва уларга доир харажатлар савдо предмети қийматига киритилади.
Бино ва иншоотларни капитал таъмирлаш бўйича шартномалар танлов савдолари натижаларига кўра кейинчалик ўзгармайдиган шартномавий нарх бўйича тузилади.
7. Капитал таъмирлашнинг манзилли рўйхатларига йил давомида қўшимча объектлар киритилишга аварияли вазиятларда, шунингдек молиялаштириш манбалари тасдиқланганда йўл қўйилади. Бино ва иншоотларни капитал таъмирлашнинг қўшимча манбалари мавжуд бўлмаганида, қўшимча объектни инобатга олган ҳолда, ушбу мақсадлар учун кўзда тутилган маблағлар доирасида аниқлаштирилади.
Бино ва иншоотларни капитал таъмирлашнинг аниқлаштирилган аниқ рўйхатларини бюджет маблағларини тақсимловчилар томонидан молиялаштирувчи орган билан келишилган ҳолда тасдиқланади.
8. Ҳар чоракда бюджет ташкилотлари бино ва иншоотларни капитал таъмирлашнинг манзилли рўйхатлари келишилган тегишли молия органларига бино ва иншоотларни капитал таъмирлаш маблағларининг шартномавий нархларда ўзлаштирилиши, шунингдек ушбу манзилли рўйхатларга мувофиқ объектлар кесимида молиялаштиришнинг бориши тўғрисида ҳисоботлар тақдим этадилар.
9. Бино ва иншоотларни капитал таъмирлашни молиялаштириш давлат бюджети харажатларини иқтисодий таснифлаш 4-гуруҳи харажатларни маблағ билан таъминлаш умумий суммаси доирасида қатъий амалга оширилади.
10. Мазкур Низом талабларига риоя этмаганлик учун масъулият бюджет ташкилотларининг биринчи раҳбарлари — объектларни балансда сақловчилари зиммасига юкланади.