Аҳолига шошилинч хизмат кўрсатишни ташкил этишни янада такомиллаштириш ва унинг сифатини ошириш, фуқароларга шошилинч хизматларга тўсиқсиз мурожаат қилиши ва тезкор ёрдам олиш имкониятини берувчи ягона тизимни жорий этиш ишларини самарали ташкил этиш мақсадида Вазирлар Маҳкамаси қарор қилади:

1. Вазирлар Маҳкамасининг ««112» ягона диспетчерлик хизмати фаолиятини ташкил этиш тўғрисида» 2024 йил 29 майдаги 304-сон қарорига асосан:

«Ўзбектелеком» АК «Контакт маркази» филиалининг тармоғи, техник ускуналари ва дастурий таъминотлари негизида «112» ягона диспетчерлик хизмати ташкил этилгани;

«112» ягона диспетчерлик хизмати фаолияти Ўзбекистон Республикаси Давлат бюджети параметрларида тасдиқланган маблағлар ҳисобидан молиялаштирилиши белгилангани маълумот учун қабул қилинсин.

2. Вазирлар Маҳкамасининг ««112» ягона диспетчерлик хизмати фаолиятини ташкил этиш тўғрисида» 2024 йил 29 майдаги 304-сон қарорига иловага мувофиқ «112» ягона диспетчерлик хизмати фаолиятини кўрсатилаётган хизматларнинг нархлари (тарифлари)дан келиб чиқиб, шартнома асосида бюджет маблағлари ҳисобидан молиялаштиришни назарда тутувчи ўзгартириш ва қўшимчалар киритилсин.

3. Иқтисодиёт ва молия вазирлиги «Контакт маркази» масъулияти чекланган жамияти томонидан 2025 йилда кўрсатилган хизматлари учун «Ўзбектелеком» АК томонидан ажратилган маблағлар Давлат бюджети параметрларида режалаштирилган маблағлар ҳисобидан қоплаб берилишини таъминласин.

4. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда Ўзбекистон Республикаси рақамли технологиялар вазири Ш.Х. Шерматов зиммасига юклансин.

1. 5-банднинг «б» кичик бандида:

бешинчи хатбоши қуйидаги таҳрирда баён этилсин:

«Бунда, Иқтисодиёт ва молия вазирлиги келгуси йилларда «112» ягона диспетчерлик хизмати фаолиятини молиялаштириш учун зарур маблағлар ҳар йили Ўзбекистон Республикасининг Давлат бюджети параметрларида Ўзбекистон Республикаси Рақамли технологиялар вазирлигига ажратилиши назарда тутилишини таъминласин»;

б) қуйидаги мазмундаги олтинчи ва еттинчи хатбошилар билан тўлдирилсин:

««112» ягона диспетчерлик хизматининг нархлари (тарифлари) нархларни тартибга солувчи орган билан келишган ҳолда Ўзбекистон Республикаси Рақамли технологиялар вазирлиги томонидан тасдиқланади.

Тасдиқланган нархлар (тарифлар) асосида Ўзбекистон Республикаси Рақамли технологиялар вазирлиги ва «Контакт маркази» масъулияти чекланган жамияти ўртасида шартнома тузилади ҳамда ушбу шартномага мувофиқ ишлаб чиқилган «Контакт маркази» масъулияти чекланган жамиятининг харажатлар сметаси Ўзбекистон Республикаси Иқтисодиёт ва молия вазирлиги билан келишилган ҳолда Ўзбекистон Республикаси Рақамли технологиялар вазирлиги томонидан тасдиқланади».

2. 2-илованинг 6-банди «Амалга ошириш механизми» устунидаги «норматив-ҳуқуқий ҳужжат» сўзлари «идоравий норматив-ҳуқуқий ҳужжат» сўзлари билан алмаштирилсин.

3. 3-илованинг 21-банди бешинчи хатбошиси қуйидаги таҳрирда баён этилсин:

««112» ЯДХнинг операторлик персоналини тайёрлаш, қайта тайёрлаш ва уларнинг малакасини ошириш тартибини белгилайди ҳамда операторлик персонални тайёрлаш, қайта тайёрлаш ва малакасини ошириш ишларини ташкил этади».