Oʻzbekiston Respublikasining “Oʻzbekiston Respublikasining Maʼmuriy-hududiy tuzilishi toʻgʻrisida”gi OʻRQ-635-son Qonunining 27-moddasiga asosan shaharchalarning, qishloqlarning va ovullarning chegaralarini oʻzgartirish xalq deputatlari viloyat Kengashlari tomonidan tegishli tumanlar hokimlarining iltimosnomalari asosida amalga oshiriladi. Tegishli tuman hokimi xalq deputatlari viloyat Kengashiga tegishli tuman xalq deputatlari Kengashining shaharcha, qishloq yoki ovulning chegaralarini oʻzgartirish masalasiga doir qarorini taqdim etilishi belgilangan.

Oʻzbekiston Respublikasi Vazirlar Mahkamasining 2018-yil 23-apreldagi 299-sonli qarorining 1-ilovasi bilan tasdiqlangan “Maʼmuriy-hududiy birliklar chegaralarini belgilash tartibi toʻgʻrisida”gi Nizom ijrosi yuzasidan hamda tuman hokimining 2025-yil 28-maydagi 125-9-123-Q/25-sonli qaroriga asosan Respublika aerogeodeziya markazi Samarqand hududlararo boʻlinmasi tomonidan Sirdaryo viloyati Boyovut tumanining maʼmuriy-hududiy birliklar chegaralarini belgilash ishlarining yakuniga koʻra umumiy perimetri va maydonlari aniqlandi. Tumandagi shaharcha va qishloqlarning umumiy uzunligi va umumiy maydonlari quyidagilardan iborat,

1. Buyuk yurt qishlogʻining umumiy perimetri 39120,76 metr, umumiy maydoni 7388,33 gektar;

2. Darvozaqir qishlogʻining umumiy perimetri 37655,49 metr, umumiy maydoni 5857,14 gektar;

3. Dehqonobod qishlogʻining umumiy perimetri 29994,11 metr, umumiy maydoni 2919,24 gektar;

4. Doʻstlik qishlogʻining umumiy perimetri 50939,70 metr, umumiy maydoni 7065,34 gektar;

5. Gʻallakor qishlogʻining umumiy perimetri 46587,12 metr, umumiy maydoni 10243,48 gektar;

6. Istiqbol qishlogʻining umumiy perimetri 28662,17 metr, umumiy maydoni 2561,20 gektar;

7. Laylakkoʻl qishlogʻining umumiy perimetri 23043,97 metr, umumiy maydoni 1441,71 gektar;

8. Madaniyat qishlogʻining umumiy perimetri 18293,99 metr, umumiy maydoni 1390,70 gektar;

9. Mingchinor qishlogʻining umumiy perimetri 24782,35 metr, umumiy maydoni 1805,60 gektar;

10. Olmazor qishlogʻining umumiy perimetri 34036,74 metr, umumiy maydoni 4193,49 gektar;

11. Tabarruk qishlogʻining umumiy perimetri 36065,09 metr, umumiy maydoni 5551,56 gektar;

12. Boyovut shaharchasining umumiy perimetri 18499,00 metr, umumiy maydoni 745,00 gektar;

13. Bekat shaharchasining umumiy perimetri 6907,17 metr, umumiy maydoni 165,77 gektar;

14. Markaz shaharchasining umumiy perimetri 6096,03 metr, umumiy maydoni 151,78 gektar;

15. Doʻstlik shaharchasining umumiy perimetri 9342,42 metr, umumiy maydoni 193,27 gektar;

Boyovut tumani maʼmuriy-hududiy birliklar chegaralarini belgilashda shaharcha va qishloqlar chegaralari ajratib koʻrsatilgan holda tavsiflandi. Chegaralar chizigʻining yozuvli matni tavsifida joyning tegishli topografik elementlari bilan bogʻlanib, chegara nuqtalari oʻrtasidagi masofasi va chegara chizigʻining qutb yoʻnalishlari aks ettirilgan. Chegara chizigʻining burilish nuqtalari koordinatalari koʻrsatilgan.

Kun tartibidagi masala yuzasidan Davlat kadastrlar palatasi Boyovut tumani filiali rahbarining axboroti tinglanib, unda Boyovut tumanining tashqi maʼmuriy-hududiy chegarasi (Oʻzbekiston Respublikasi Prezidenti rahbarligida 2023-yil 21-noyabr kuni kengaytirilgan tarzda oʻtkazilgan videoselektor yigʻilishining 41-son bayoni 20-bandi, Bosh vazirning 2023-yil 15-dekabrdagi 03/4.3-253-son bilan tasdiqlangan “Yoʻl xaritasi” ijrosi hamda Oʻzbekiston Respublikasi Prezidentining “Sirdaryo viloyatida ishbilarmonlik muhitini, infratuzilma va aholi turmush darajasini yanada yaxshilash chora-tadbirlari toʻgʻrisida” 2025-yil 6-martdagi PQ-93-son qarori va Oʻzbekiston Respublikasi Bosh vaziri tomonidan 2025-yil 17-apreldagi 20/1-781-son bilan tasdiqlangan “Nazorat reja”sining ijrosi boʻyicha 2025-yil 23-iyulda VII-17-131-9-0-K/25-sonli Xalq deputatlari Sirdaryo viloyati Kengashi qarori qabul qilinganligi), Respublika aerogeodeziya markazi Samarqand hududlararo boʻlinmasi tomonidan bajarilgan shaharcha hamda qishloqlar maʼmuriy-hududiy chegaralari toʻgʻrisida taqdim etilgan maʼlumotlar boʻyicha fikr va mulohazalarini hamda taklif va tavsiyalarini atroflicha oʻrganib chiqib, “Oʻzbekiston Respublikasining Maʼmuriy-hududiy tuzilishi toʻgʻrisida”gi Qonunning 27-moddasi hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunning 6 va 24-moddalariga asosan, xalq deputatlari tuman Kengashi qaror qiladi:

1. Davlat kadastrlar palatasi Boyovut tumani filiali rahbari S.Sherbayevning Boyovut tumanidagi maʼmuriy-hududiy birliklar chegaralarini belgilash toʻgʻrisidagi axboroti hamda Respublika aerogeodeziya markazi Samarqand hududlararo boʻlinmasi tomonidan Boyovut tumanidagi shaharcha va qishloqlarning chegaralarini belgilash boʻyicha bajarilgan ishlarning yakuniy natijalarini koʻrib chiqish yuzasidan tuman hokimligida tuzilgan komissiya tarkibining 2025-yil 6-avgustdagi 1/01-29-sonli yigʻilish bayoni maʼlumot va asos uchun qabul qilinsin.

2. Boyovut tumanidagi shaharcha va qishloqlarining maʼmuriy-hududiy chegaralarini belgilash masalalarini koʻrib chiqish boʻyicha tuman komissiyasi tomonidan oʻrganib chiqilgan materiallarga asosan tayyorlangan taklif loyihasi ID-108673 raqam bilan 15 kun muddatga “E-Kengash” elektron tizimi (regulation.gov.uz) orqali jamoatchilik muhokamasiga eʼlon qilinganligi qayd etilsin.

3. Boyovut tumanidan Guliston shahriga hamda Shirin shahriga oʻtkazilayotgan yer maydonlari Oʻzbekiston Respublikasi Oliy Majlisi Senatining qaroriga asosan tumanning maʼmuriy-hududiy chegarasiga oʻzgartirish kiritilishi inobatga olinsin.

4. Boyovut tumanidagi shaharcha va qishloqlarning chegaralarini belgilash ishlari yakuniy natijalari uzunligi va maydonlari toʻgʻrisidagi maʼlumot 1-ilovaga muvofiq, shaharcha va qishloqlarning chegaralarini belgilash boʻyicha kartografik chizmasi 2-ilovaga muvofiq maʼqullansin.

5. Ushbu qarorning tasdigʻi xalq deputatlari Sirdaryo viloyati Kengashidan soʻralsin.

6. Mazkur qarorning ijrosini nazorat qilish tuman hokimining barcha oʻrinbosarlari hamda xalq deputatlari tuman Kengashining doimiy komissiyalari zimmalariga yuklansin.