Ўзбекистон Республикасининг «Давлат мулкини хусусийлаштириш тўғрисида»ги Қонуни, Ўзбекистон Республикаси Президентининг 2025 йил 21 апрелдаги ПФ-70-сон «2025 йил учун хусусийлаштириш дастури тўғрисида»ги Фармони ва Ўзбекистон Республикаси Вазирлар Маҳкамасининг 2025 йил 21 апрелдаги 247-сон «Бўш турган давлат кўчмас мулк объектларини хатловдан ўтказиш ва улардан самарали фойдаланишни ташкил этиш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси Давлат активларини бошқариш агентлиги директорининг 2024 йил 13 февралдаги 56-сон буйруғи (рўйхат рақами 3503, 2024 йил 18 март) (Қонунчилик маълумотлари миллий базаси, 25.03.2024-й., 10/24/3503/0239-сон) билан тасдиқланган Майдони 2000 метр квадратгача бўлган бўш турган давлат кўчмас мулк объектларини жисмоний шахсларнинг онлайн-буюртманомасига асосан хусусийлаштириш ёки ижарага бериш учун тўғридан-тўғри электрон онлайн-аукцион савдоларига чиқариш тартиби тўғрисидаги низомга иловага мувофиқ ўзгартиришлар ва қўшимча киритилсин.

2. Мазкур буйруқ Ўзбекистон Республикаси Иқтисодиёт ва молия вазирлиги билан келишилган.

3. Мазкур буйруқ расмий эълон қилинган кундан эътиборан кучга киради.

1. 1-бандда:

учинчи, тўққизинчи ва ўнинчи хатбошилардаги «Давактив» деган сўз «Давлат активлари» деган сўзлар билан алмаштирилсин;

бешинчи хатбоши чиқариб ташлансин;

олтинчи — ўнинчи хатбошилар тегишли равишда бешинчи — тўққизинчи хатбошилар деб ҳисоблансин.

еттинчи хатбошидаги «объектини ўз балансида ҳисобга олган давлат ташкилоти, шу жумладан, давлат муассасаси ва давлат муассасаси» деган сўзлар «объекти бириктирилган юридик шахс» деган сўзлар билан алмаштирилсин;

2. 5, 7, 20 ва 21-бандлардаги ҳамда илова матнидаги «Давактив» деган сўз «Давлат активлари» деган сўзлар билан алмаштирилсин.

3. 12-бандда:

учинчи хатбоши чиқариб ташлансин;

тўртинчи — олтинчи хатбошилар тегишли равишда учинчи — бешинчи хатбошилар деб ҳисоблансин.

4. 14-бандда:

тўртинчи хатбоши чиқариб ташлансин;

тўртинчи — олтинчи хатбошилар тегишли равишда учинчи — бешинчи хатбошилар деб ҳисоблансин.

5. 19-бандда:

биринчи хатбошидаги «Давактив» деган сўз «Давлат активлари» деган сўзлар билан алмаштирилсин;

тўртинчи хатбоши қуйидаги таҳрирда баён этилсин:

«Бунда, Давлат активлари агентлигининг ҳудудий бошқармаси томонидан Бухгалтерия ҳисоби миллий стандартларига мувофиқ беш иш куни ичида давлат кўчмас мулки объектини инвентаризациядан ўтказиш тўғрисида балансда сақловчига ёзма талабнома юборилади.»;

қуйидаги мазмундаги бешинчи ва олтинчи хатбошилар билан тўлдирилсин:

«Талабнома келиб тушган вақтдан бошлаб беш иш куни ичида Давлат активлари агентлиги томонидан тасдиқланган шакллар бўйича тегишли инвентаризациядан ўтказиш далолатномалари балансда сақловчининг раҳбари томонидан имзоланади ҳамда Давлат активлари агентлигининг ҳудудий бошқармасига тақдим этилади.

Давлат активлари агентлиги ёки ҳудудий бошқарманинг қарори билан балансда сақловчининг инвентаризациядан ўтказиш муддати бир ойдан ортиқ бўлмаган муддатга узайтирилиши мумкин.».