Ўзбекистон Республикаси Олий Мажлиси қарор қилади:

Ўзбекистон Республикасининг қуйидаги қонун ҳужжатларига ўзгартишлар ва қўшимчалар киритилсин:

I. Ўзбекистон Республикасининг 1992 йил 9 декабрда қабул қилинган «Давлат божи тўғрисида»ги Қонуни (Ўзбекистон Республикаси Олий Кенгашининг Ахборотномаси, 1993 йил, № 1, 22-модда; 1994 йил, № 5, 161-модда; Ўзбекистон Республикаси Олий Мажлисининг Ахборотномаси, 1996 йил, № 9, 144-модда; 1997 йил, № 2, 56-модда, № 4-5, 126-модда, № 9, 241-модда; 1998 йил, № 5-6, 102-модда, № 9, 181-модда; 1999 йил, № 1, 20-модда, № 9, 229-модда; 2001 йил, № 1-2, 23-модда, № 5, 89-модда):

1) 2-моддаси:

иккинчи хатбошисидаги «кассацион ва назорат тарзидаги шикоятлардан» деган сўзлар «апелляция, кассация ва назорат шикоятларидан» деган сўзлар билан алмаштирилсин;

қуйидаги мазмундаги хатбоши билан тўлдирилсин:

«фаолиятнинг айрим турларини амалга оширишга лицензия берганлик учун»;

2) 4-моддасининг:

1-банди:

«с» кичик бандидаги «монополияга қарши органлар ва солиқ органлари» деган сўзлар «монополияга қарши органлар, солиқ ва божхона органлари» деган сўзлар билан алмаштирилсин;

қуйидаги мазмундаги «я¹» ва «я²» кичик бандлари билан тўлдирилсин:

я¹) уй-жой мулкдорлари ширкатлари, коммунал-фойдаланиш ташкилотлари фойдаланиш харажатлари ва коммунал хизматлар тўлови бўйича қарздорликни ундириш тўғрисидаги даъволар бўйича;

я²) уй-жой мулкдорлари ширкатлари, коммунал-фойдаланиш ташкилотлари, шунингдек фуқаролар тузилган шартномаларнинг шартлари аҳолига уй-жой-коммунал хизматлар кўрсатувчи корхоналар томонидан бажарилмаганлиги ёки сифатсиз бажарилганлиги оқибатида етказилган зарарни қоплаш тўғрисидаги даъволар бўйича»;

2-банди «г» кичик бандидаги «монополияга қарши органлар ва солиқ органлари» деган сўзлар «монополияга қарши органлар, солиқ ва божхона органлари» деган сўзлар билан алмаштирилсин;

3) 9-моддасидаги «Вазирлар Маҳкамаси ҳузуридаги Давлат солиқ бош бошқармаси» деган сўзлар «Давлат солиқ қўмитаси» деган сўзлар билан алмаштирилсин.

II. Ўзбекистон Республикасининг 1994 йил 24 сентябрда қабул қилинган Қонуни билан тасдиқланган Ўзбекистон Республикасининг Жиноят-процессуал кодекси (Ўзбекистон Республикаси Олий Кенгашининг Ахборотномаси, 1995 йил, № 2, 5-модда; Ўзбекистон Республикаси Олий Мажлисининг Ахборотномаси, 1995йил, № 12, 269-модда; 1997 йил, № 2, 56-модда, № 9, 241-модда; 1998 йил, № 5-6, 102-модда, № 9, 181-модда; 1999 йил, № 1, 20-модда, № 5, 124-модда, № 9, 229-модда; 2000 йил, № 5-6, 153-модда, № 7-8, 217-модда; 2001 йил, № 1-2, 11, 23-моддалар):

1) 38-моддасининг 8-банди қуйидаги таҳрирда баён этилсин:

«давлат божхона хизмати органлари, Ўзбекистон Республикаси Бош прокуратураси ҳузуридаги Солиққа оид жиноятларга қарши курашиш департаменти ва унинг жойлардаги бўлинмалари тегишинча божхона ва солиқ тўғрисидаги қонун ҳужжатларини бузганликка доир ишлар бўйича»;

2) 339-моддасининг иккинчи қисмидаги «давлат солиқ хизмати» деган сўзлар «Ўзбекистон Республикаси Бош прокуратураси ҳузуридаги Солиққа оид жиноятларга қарши курашиш департаменти ва унинг жойлардаги бўлинмалари» деган сўзлар билан алмаштирилсин.

III. Ўзбекистон Республикасининг 1994 йил 22 сентябрда қабул қилинган Қонуни билан тасдиқланган Ўзбекистон Республикасининг Маъмурий жавобгарлик тўғрисидаги кодекси (Ўзбекистон Республикаси Олий Кенгашининг Ахборотномаси, 1995 йил, № 3, 6-модда; Ўзбекистон Республикаси Олий Мажлисининг Ахборотномаси, 1995 йил, № 9, 193-модда, № 12, 269-модда; 1996 йил, № 5-6, 69-модда, № 9, 144-модда; 1997 йил, № 2, 56-модда, № 4-5, 126-модда, № 9, 241-модда; 1998 йил, № 3, 38-модда, № 5-6, 102-модда, № 9, 181-модда; 1999 йил, № 1, 20-модда, № 5, 124-модда, № 9, 229-модда; 2000 йил, № 5-6, 153-модда, № 7-8, 217-модда; 2001 йил, № 1-2, 23-модда):

1) 27-моддасининг биринчи қисми «солиқ органлари» деган сўзлардан кейин «Ўзбекистон Республикаси Бош прокуратураси ҳузуридаги Солиққа оид жиноятларга қарши курашиш департаменти ва унинг жойлардаги бўлинмалари» деган сўзлар билан тўлдирилсин;

2) қуйидаги мазмундаги 175-4-модда билан тўлдирилсин:

Иш ҳақини тақиқланган шаклларда (алкоголли маҳсулотлар ва тамаки маҳсулотлари, шунингдек рўйхати қонун ҳужжатларида белгилаб қўйиладиган бошқа товарлар тарзида) тўлаш

мансабдор шахсларга энг кам иш ҳақининг ўн бараваридан ўн беш бараваригача миқдорда жарима солишга сабаб бўлади»;

3) 257-моддасининг иккинчи қисми қуйидаги таҳрирда баён этилсин:

«Давлат санитария назорати органлари номидан маъмурий ҳуқуқбузарликлар тўғрисидаги ишларни кўриб чиқиш ва жарима солиш тариқасида маъмурий жазо чораси қўллашга қуйидагилар ҳақлидирлар:

Ўзбекистон Республикаси Бош давлат санитария врачи ва унинг ўринбосарлари;

Қорақалпоғистон Республикаси, вилоятлар ва Тошкент шаҳар бош давлат санитария врачлари ҳамда уларнинг ўринбосарлари, туманларга бўлинган шаҳарларнинг бош давлат санитария врачлари ва сув транспортидаги ҳавзалар бош давлат санитария врачлари;

туманларнинг, туманларга бўлинмаган шаҳарларнинг бош давлат санитария врачлари ҳамда сув транспортидаги портлар ва сув йўллари участкалари бош давлат санитария врачлари»;

4) 264-моддаси қуйидаги таҳрирда баён этилсин:

Давлат солиқ органларига, Ўзбекистон Республикаси Бош прокуратураси ҳузуридаги Солиққа оид жиноятларга қарши курашиш департаменти ва унинг жойлардаги бўлинмаларига ушбу Кодекс 164-моддасининг биринчи ва учинчи қисмларида, 168-моддасида, 171-моддасининг иккинчи, учинчи ва тўртинчи қисмларида, 172, 174-моддаларида, 175-моддасининг биринчи, иккинчи, учинчи ва тўртинчи қисмларида, 1754-моддасида, 176-моддасининг биринчи қисмида, 1762, 1791-моддаларида назарда тутилган маъмурий ҳуқуқбузарликлар тўғрисидаги ишлар тааллуқлидир.

Давлат солиқ органларининг бошлиқлари, уларнинг ўринбосарлари ҳамда Ўзбекистон Республикаси Бош прокуратураси ҳузуридаги Солиққа оид жиноятларга қарши курашиш департаменти бошлиғи, унинг ўринбосари, Департамент ҳудудий бошқармаларининг бошлиқлари ва уларнинг ўринбосарлари, туман ва шаҳар бўлимларининг бошлиқлари тегишинча ушбу модданинг биринчи қисмида кўрсатилган органлар номидан маъмурий ҳуқуқбузарликлар тўғрисидаги ишларни кўриб чиқиш ва маъмурий жазо чораларини қўллашга ҳақлидирлар».

IV. Ўзбекистон Республикасининг 1995 йил 21 декабрда қабул қилинган Қонуни билан тасдиқланган Ўзбекистон Республикасининг Меҳнат кодекси (Ўзбекистон Республикаси Олий Мажлисининг Ахборотномаси, 1996 йил, 1-сонга илова; 1997 йил, № 2, 65-модда; 1998 йил, № 5-6, 102-модда, № 9, 181-модда; 1999 йил, № 1, 20-модда, № 5, 112, 124-моддалар, № 9, 229-модда; 2001 йил, № 5, 89-модда) 153-моддасининг иккинчи қисми қуйидаги мазмундаги жумла билан тўлдирилсин:

«Меҳнатга ҳақ, қоида тариқасида, пул шаклида тўланади. Меҳнатга ҳақни алкоголли маҳсулотлар ва тамаки маҳсулотлари, шунингдек рўйхати Ўзбекистон Республикаси Ҳукумати томонидан белгилаб қўйиладиган бошқа товарлар тарзида тўлаш тақиқланади».

V. Ўзбекистон Республикасининг 1995 йил 21 декабрдаги ҳамда 1996 йил 29 августдаги Қонунлари билан тасдиқланган Ўзбекистон Республикасининг Фуқаролик кодекси (Ўзбекистон Республикаси Олий Мажлисининг Ахборотномаси, 1996 йил, 2-сонга илова; № 11-12; 1997 йил, № 2, 56-модда, № 9, 241-модда; 1998 йил, № 5-6, 102-модда; 1999 йил, № 1, 20-модда, № 9, 229-модда) 1015-моддасининг учинчи қисмидаги «қонунда» деган сўз «қонун ҳужжатларида» деган сўзлар билан алмаштирилсин.

VI. Ўзбекистон Республикасининг 1997 йил 24 апрелда қабул қилинган Қонуни билан тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлисининг Ахборотномаси, 1997 йил, 4-5-сонга илова, № 9, 241-модда; 1998 йил, № 3, 38-модда, № 5-6, 102-модда, № 9, 181-модда; 1999 йил, № 1, 20-модда, № 5, 24-модда, № 9, 229-модда; 2000 йил, № 5-6, 153-модда; 2001 йил, № 1-2, 23-модда, № 5, 89-модда):

1) 8-моддаси:

қуйидаги мазмундаги тўққизинчи қисм билан тўлдирилсин:

«Грампластинкалар, аудио-видео кассеталар, лазер дискалар ишлаб чиқиш, ишлаб чиқариш, ёзиб олиш, кўпайтириш ва реализация қилиш фаолиятини амалга ошириш ҳуқуқини берувчи лицензияси бўлган юридик шахслар барча турдаги солиқлар ва йиғимлар тўлаш ўрнига уларнинг даромад олиш даражасидан келиб чиқиб, табақалаштирилган ставкалар бўйича, Ўзбекистон Республикаси Вазирлар Маҳкамаси томонидан белгиланадиган миқдорларда бюджетга ялпи даромад солиғи тўлайдилар, мол-мулк солиғи бундан мустасно»;

тўққизинчи қисми тегишинча ўнинчи қисм деб ҳисоблансин;

2) 31-моддасининг биринчи қисми қуйидаги мазмундаги 25-банд билан тўлдирилсин:

«25) гастроль-концерт фаолияти билан шуғулланиш ҳуқуқини берувчи лицензияси бўлган юридик шахслар»;

3) 58-моддаси:

«р» банди қуйидаги таҳрирда баён этилсин:

«р) депозит сертификатлар бўйича даромадлар, банклардаги омонатлар ва давлат хазина мажбуриятлари бўйича фоизлар ва ютуқлар»;

қуйидаги мазмундаги «х» банди билан тўлдирилсин:

«х) вақтинчалик бир марталик ишларни бажаришдан олинган даромадлар, башарти бундай ишлар Вақтинчалик бир марталик иш билан таъминлаш марказлари кўмагида амалга оширилаётган бўлса»;

4) 59-моддаси биринчи қисмининг 1-банди қуйидаги мазмундаги «ж» кичик банди билан тўлдирилсин:

«ж) гастроль-концерт фаолияти билан шуғулланиш ҳуқуқини берувчи лицензия-си бўлган шахслар гастроль-концерт фаолиятидан олинган даромадлари бўйича»;

5) 71-моддаси:

11-банди қуйидаги мазмундаги жумла билан тўлдирилсин:

«Ушбу имтиёз жисмоний шахслар томонидан олиб кирилаётган, тижорат фаолияти учун мўлжалланган товарларга татбиқ этилмайди»;

қуйидаги мазмундаги 43-банд билан тўлдирилсин:

«43) гастроль-концерт фаолияти билан шуғулланиш ҳуқуқини берувчи лицензияси бўлган юридик шахслар»;

6) 102-моддасининг:

биринчи қисми қуйидаги мазмундаги 9-банд билан тўлдирилсин:

«9) гастроль-концерт фаолияти билан шуғулланиш ҳуқуқини берувчи лицензияси бўлган юридик шахслар»;

учинчи қисми қуйидаги мазмундаги 10-банд билан тўлдирилсин:

«10) гастроль-концерт фаолияти билан шуғулланиш ҳуқуқини берувчи лицензияси бўлган жисмоний шахслар»;

7) 113-моддаси қуйидаги мазмундаги хатбоши билан тўлдирилсин:

«гастроль-концерт фаолияти билан шуғулланиш ҳуқуқини берувчи лицензияси бўлган юридик шахслар»;

8) 131-моддасининг матни қуйидаги таҳрирда баён этилсин:

«Солиқ муносабатларидаги низолар тегишли юқори турувчи органлар ёки суд томонидан кўрилади».

VII. Ўзбекистон Республикасининг 1997 йил 29 августда қабул қилинган «Давлат солиқ хизмати тўғрисида»ги Қонуни (Ўзбекистон Республикаси Олий Мажлисининг Ахборотномаси, 1997 йил, № 9, 232-модда; 1998 йил, № 5-6, 102-модда; 1999 йил, № 9, 229-модда; 2000 йил, № 7-8, 217-модда; 2001 йил, № 5, 89-модда):

1) 3-моддасининг иккинчи қисмидаги «солиқ соҳасидаги ҳуқуқбузарликларга қарши курашиш махсус бўлинмаси» деган сўзлар чиқариб ташлансин;

2) 5-моддасининг:

биринчи қисмидаги 14 ва 15-бандлар чиқариб ташлансин;

учинчи қисми қуйидаги таҳрирда баён этилсин:

«Давлат солиқ хизмати органларининг ушбу модда биринчи қисмининг 1-7-бандларида назарда тутилган ҳуқуқлари давлат солиқ хизмати органларининг барча мансабдор шахсларига, 8-13-бандларида назарда тутилган ҳуқуқлар эса, давлат солиқ хизмати органларининг фақат бошлиқларига ва уларнинг ўринбосарларига берилади».