LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Истеъмол бозорини озиқ-овқат ва ноозиқ-овқат товарлари билан тўлдиришда савдо ташкилотларининг манфаатдорлигини ошириш мақсадида Вазирлар Маҳкамаси қарор қилади:
1. Белгилаб қўйилсинки, 1995 йил 1 январдан бошлаб савдо устамалари товарларни ташиш, сақлаш ва сотиш харажатларидан келиб чиққан ҳолда савдо корхоналари томонидан мустақил равишда белгиланади.
Ўзбекистон Республикаси Молия вазирлиги, Давлат солиқ қўмитаси савдо устамаларини белгилаш тартибини 10 кун муддатда манфаатдор ташкилотларга етказсин.
2. Чакана савдо тармоғида мавжуд бўлиши мажбурий бўлган озиқ-овқат ва ноозиқ-овқат товарлари рўйхати иловага мувофиқ тасдиқлансин.
Бу банднинг сўзсиз бажарилиши учун жавобгарлик Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ҳамда шахсан Ўзбекистон Республикаси Бош вазирининг ўринбосари М.3. Усмонов зиммасига юклансин.
3. 1995 йил 1 январдан бошлаб аҳолига белгиланган нормаларга мувофиқ озиқ-овқат ва кундалик эҳтиёждаги ноозиқ-овқат товарларини сотиш бўйича чеклашлар олиб ташлансин.
4. «Ўзбексавдо» давлат уюшмаси, Ўзбекбирлашув, савдо тармоғига эга бўлган вазирликлар ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
савдо корхоналарининг янги эгалари билан шартномалар тузилаётганда иловада кўрсатилган товарларнинг эркин савдода мавжуд бўлишини мажбурий равишда назарда тутсинлар;
товар ресурсларини қидириб топиш, истеъмол бозорини тўлдириш ишларини давом эттирсинлар, уларнинг республика аҳолисига узлуксиз сотилишини таъминласинлар.
5. Вазирлар Маҳкамасининг 1991 йил 6 мартдаги 59-сон, 1991 йил 1 апрелдаги 80-сон қарорлари, Вазирлар Маҳкамасининг 1994 йил 26 февралдаги 98-сон қарорининг 1 ва 7-бандлари, Вазирлар Маҳкамасининг 1994 йил 30 майдаги 199-ф-сон фармойиши 1995 йил 1 январдан бошлаб ўз кучини йўқотган деб ҳисоблансин.