Республикада лимон кўчатларини етиштириш ва лимон етиштирувчи иссиқхона хўжаликларини ташкил этишни жадал ривожлантириш, соҳанинг экспорт салоҳиятини янада юксалтириш ҳамда аҳоли бандлиги ва даромадлари даражасини ошириш, айниқса, қишлоқ жойларда янги иш ўринлари яратиш механизмини таъминлайдиган иссиқхоналарни барпо этиш ҳамда лимон етиштиришни комплекс ривожлантириш ва қўллаб-қувватлаш мақсадида:
1. Ўзбекистон Республикаси Президентининг айрим қарорларига иловага мувофиқ ўзгартириш ва қўшимчалар киритилсин.
2. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ш.М. Ғаниев ва қишлоқ хўжалиги вазири Ж.А. Ходжаев зиммасига юклансин.
1. Ўзбекистон Республикаси Президентининг 2017 йил 7 августдаги «Эркин иқтисодий зоналар самарали фаолият кўрсатиши учун вазирликлар, идоралар ва жойлардаги давлат ҳокимияти органларини мувофиқлаштиришни кучайтириш ва уларнинг масъулиятини ошириш чора-тадбирлари тўғрисида»ги ПҚ-3175-сон қарорига 2-илова қуйидаги мазмундаги изоҳ билан тўлдирилсин:
2. Ўзбекистон Республикаси Президентининг 2019 йил 7 мартдаги «Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида»ги ПҚ-4231-сон қарори қуйидаги мазмундаги 61-банд билан тўлдирилсин:
«61. Мазкур қарорга мувофиқ тижорат банкларига тақсимланган маблағлардан «Туронбанк» АТБга кредит ресурси сифатида қайта молиялаштирилган қисмининг 2021 йил 1 август ҳолатига қолдиқ қисми Ўзбекистон Тикланиш ва тараққиёт жамғармасининг банк устав капиталидаги улушини ошириш учун йўналтирилсин».
3. Ўзбекистон Республикаси Президентининг 2020 йил 19 февралдаги «Лимончилик тармоғини янада ривожлантиришга доир қўшимча чора-тадбирлар тўғрисида»ги ПҚ-4610-сон қарорида:
«2021-2022 йилларда «Туронбанк» АТБ томонидан молиялаштириш ҳисобига ташкил этиладиган лимонзорлар майдонларининг прогноз кўрсаткичлари 1а-иловага мувофиқ»;
биринчи хатбоши «қишлоқ хўжалиги корхоналари» сўзларидан кейин «, жисмоний шахслар» сўзлари билан тўлдирилсин;
иккинчи хатбошидаги «ҳар бир гектари учун 30 миллион сўмдан ошмайдиган миқдори» сўзлари «ҳар бир сотихи учун 300 минг сўмдан ошмайдиган миқдори» сўзлари билан алмаштирилсин;
«Молия вазирлиги ҳамда Ўзбекистон Тикланиш ва тараққиёт жамғармаси «Туронбанк» АТБга Ўзбекистон Тикланиш ва тараққиёт жамғармасидан ажратилган 357,8 млрд сўм эквивалентидаги қолдиқ маблағларни жамғарманинг банк устав капиталидаги улушини ошириш учун йўналтирилишини таъминласин»;
Т/р | Ҳудудлар номи | Ташкил этиладиган лимонзорлар гектар | Лимон ҳосили тонна | Яратиладиган доимий иш ўринлари | Мавсумий иш ўринлари | Талаб этиладиган лимон кўчатлари дона |
ЖАМИ: | 2 031 | 120 000 | 12 186 | 14 217 | 2 234 100 | |
1. | Андижон вилояти | 26 | 1 500 | 156 | 182 | 28 600 |
2. | Бухоро вилояти | 20,5 | 1 200 | 123 | 144 | 22 550 |
3. | Қашқадарё вилояти | 5,5 | 300 | 33 | 39 | 6 050 |
4. | Наманган вилояти | 862,5 | 50 800 | 5 175 | 6 038 | 948 750 |
5. | Сурхондарё вилояти | 1 000 | 59 300 | 6 000 | 7 000 | 1 100 000 |
6. | Фарғона вилояти | 100 | 5 900 | 600 | 700 | 110 000 |
7. | Хоразм вилояти | 2,5 | 150 | 15 | 18 | 2 750 |
8. | Тошкент вилояти | 14 | 850 | 84 | 98 | 15 400 |
». |
4. Ўзбекистон Республикаси Президентининг 2020 йил 16 июндаги «Хизматлар соҳасини қўллаб-қувватлаш чора-тадбирлари тўғрисида»ги ПҚ-4752-сон қарори қуйидаги мазмундаги 21-банд билан тўлдирилсин:
«21. Мазкур қарорга мувофиқ тижорат банкларига тақсимланган маблағлардан «Туронбанк» АТБга кредит ресурси сифатида қайта молиялаштирилган қисмининг 2021 йил 1 август ҳолатига қолдиқ қисми Ўзбекистон Тикланиш ва тараққиёт жамғармасининг банк устав капиталидаги улушини ошириш учун йўналтирилсин».
5. Ўзбекистон Республикаси Президентининг 2021 йил 27 мартдаги «Оилавий тадбиркорликни ривожлантириш дастурлари доирасида амалга ошириладиган қўшимча чора-тадбирлар тўғрисида»ги ПҚ-5041-сон қарори 4-бандининг «б» кичик банди учинчи хатбошиси «Туронбанк» АТБга» сўзларидан кейин «(ажратилган маблағлар ҳисобидан «Туронбанк» АТБ устав капиталини ошириш орқали)» сўзлари билан тўлдирилсин.
6. Ўзбекистон Республикаси Президентининг 2021 йил 11 майдаги «Хизматлар соҳасини жадал ривожлантириш чора-тадбирлари тўғрисида»ги ПҚ-5113-сон қарорига 3-илова қуйидаги мазмундаги изоҳ билан тўлдирилсин: