Т/р

Ваколатли органнинг номи

Ҳамкорлик масалалари

1.

Олий суд

Жиноят, фуқаролик, оилавий ва иқтисодий суд ишларини юритиш билан боғлиқ масалалар;

суд ҳужжатларини топширишга доир топшириқларни юбориш ва кўриб чиқиш ҳамда уларни топширишни тасдиқлаш;

суд процессуал ҳаракатларини юритиш ва уларни ижро этиш бўйича топшириқларни жўнатиш ва кўриб чиқиш;

фуқаролик, оилавий ва иқтисодий ишлар бўйича қарорлар, шунингдек шундай ишлар бўйича суд томонидан тасдиқланган ярашув битимларини тан олиш ва ижро этиш;

суд органлари ваколатига кирувчи бошқа масалалар.

2.

Бош прокуратура

Суднинг қарори ёки прокурорнинг розилиги (санкцияси) талаб қилинадиган процессуал ҳаракатларни амалга ошириш;

ҳукмни тан олиш ва ижро этиш бўйича илтимосномалар;

топшириқни ижро қилиш жараёнида ҳуқуқий ёрдам сўраётган давлатнинг ваколатли вакиллари иштирок этиши ҳақидаги илтимосларни жўнатиш ва кўриб чиқиш;

прокурорнинг фуқаролик процессида иштирок этиши тўғрисидаги сўровларини юбориш ва кўриб чиқиш;

қўшма тезкор-қидирув гуруҳларини ташкил қилиш бўйича таклифларни жўнатиш ва кўриб чиқиш;

жиноий таъқибни амалга ошириш, шахсларни жиноий жавобгарликка тортиш ва (ёки) ҳукмни ижро этиш учун ушлаб бериш;

қамоқда сақланаётган ёки жазони озодликдан маҳрум қилиш тариқасида ўтаётган шахсни вақтинча топшириш, шунингдек уни транзит тарзида ўтказиш;

жиноят ишларини бирлаштириш бўйича илтимосномаларни жўнатиш ва кўриб чиқиш;

дастлабки терговни амалга ошириш билан боғлиқ топшириқлар;

иш юритувдаги жиноят ишлари билан боғлиқ масалалар;

прокуратура органлари ваколатига кирувчи бошқа масалалар.

Бош прокуратура ҳузуридаги Иқтисодий жиноятларга қарши курашиш департаменти

Жиноий йўл билан олинган пул маблағлари ва мол-мулкни, жиноий фаолиятдан олинган даромадларни қидириш ва хатлаш (тортиб олиш) бўйича илтимосларни жўнатиш ва кўриб чиқиш;

иш юритувдаги жиноят ишлари билан боғлиқ масалалар;

Департаментнинг ваколатига кирувчи бошқа масалалар.

Бош прокуратура ҳузуридаги Мажбурий ижро бюроси

Фуқаролик, оилавий, иқтисодий ва жиноят ишлари бўйича мол-мулк даъволари берилган сўралаётган аҳдлашувчи томонлар ҳудудида истиқомат қилувчи шахсларнинг манзиллари, иш жойи ва даромадларини аниқлаш ҳақида ҳуқуқий ёрдам бериш тўғрисидаги сўровларни юбориш ва кўриб чиқиш;

жиноят ишлари бўйича судларнинг жиноят ишлари юзасидан ҳукмлари (қарорлари)ни зарарни қоплаш, жаримани ундириш ҳамда ноқонуний йўл билан олинган буюмлар, мулк ва даромадни давлат фойдасига ундириш (конфискация қилиш) қисми бўйича, шунингдек жиноят содир қилиш орқасидан топилган мулкка, шу жумладан банк ҳисоб варақаларидаги пул маблағларига (даъволарни қондириш мақсадида, агар даъволар мулкий ҳуқуқий мақомни ёки мулк ҳуқуқини белгилаш билан боғлиқ бўлса) банд солиш ҳақидаги суд қарорларини тан олиш ва ижро қилиш тўғрисидаги илтимосномаларни кўриб чиқиш ва юбориш;

иш юритувдаги ижро ҳужжатлари билан боғлиқ масалалар.

3.

Ички ишлар вазирлиги

Суднинг қарори ёки прокурорнинг розилиги (санкцияси) талаб қилинадиган процессуал ҳаракатларга тааллуқли бўлмаган иш юритувдаги жиноят ишлари билан боғлиқ масалалар;

суднинг қарори ёки прокурорнинг розилиги (санкцияси) талаб қилинмайдиган процессуал ҳаракатлар билан боғлиқ топшириқни (сўровномаларни) ижро қилиш жараёнида ҳуқуқий ёрдам кўрсатишни сўраётган давлатнинг ваколатли вакиллари иштирок этиши ҳақидаги илтимосларни жўнатиш ва кўриб чиқиш;

аҳдлашувчи томонлар фуқароларининг ҳуқуқларини амалга ошириш учун, зарур бўлганда, жисмоний шахсларнинг рўйхатга олинган жойлари (манзиллари)ни аниқлаш бўйича сўровларни жўнатиш ва кўриб чиқиш;

шахсни тасдиқловчи ҳужжатларни талаб қилиш бўйича сўровларни жўнатиш ва кўриб чиқиш;

фуқароликка тегишлиликни аниқлаш бўйича сўровларни жўнатиш ва кўриб чиқиш;

судланганлик ҳақида маълумотларни тақдим қилиш ва айблов ҳукмлари ҳақида хабар бериш;

алимент ундириш ишлари бўйича жавобгарни қидириш;

ички ишлар органлари ваколатига кирувчи бошқа масалалар.

4.

Давлат хавфсизлик хизмати

Суднинг қарори ёки прокурорнинг розилиги (санкцияси) талаб қилинмайдиган процессуал ҳаракатларни амалга ошириш;

дастлабки терговни амалга ошириш билан боғлиқ топшириқлар ва иш юритувдаги жиноий ишлар билан боғлиқ масалалар;

Давлат хавфсизлик хизмати органлари ваколатига кирувчи бошқа масалалар.

5.

Адлия вазирлиги

Нотариал ҳаракатлар билан боғлиқ маълумотларни талаб қилиш бўйича сўровларни жўнатиш ва кўриб чиқиш;

пул мажбуриятларига нисбатан нотариал ҳужжатлар ва нотариусларнинг ижро хатларини тан олиш ва ижро қилиш ҳақидаги илтимосномаларни жўнатиш ва кўриб чиқиш;

мулкни мерос қилиб қолдириш ҳолатлари бўйича эксперт тадқиқотларини ўтказиш;

адлия органлари соҳасига оид, шунингдек мазкур Рўйхатда кўрсатилмаган бошқа фуқаролик ва оилавий масалалар.

Фуқаролик ҳолати далолатномаларини қайд этиш ҳақида ҳужжатларни юбориш бўйича сўровларни жўнатиш ва кўриб чиқиш;

юридик шахслар ва бошқа тадбиркорлик субъектларининг рўйхатдан ўтганлиги билан боғлиқ маълумотларни талаб қилиш бўйича сўровларни жўнатиш ва кўриб чиқиш.

6.

Мактабгача ва мактаб таълими вазирлиги

Умумий ўрта таълим ҳақидаги маълумотларни талаб қилиш бўйича сўровларни жўнатиш ва кўриб чиқиш.

6¹.

Ўзбекистон Республикаси Президенти ҳузуридаги Ижтимоий ҳимоя миллий агентлиги

Васийлик ва ҳомийликни белгилаш ва бекор қилиш билан боғлиқ масалалар;

фарзандликка олишни белгилаш ва бекор қилиш билан боғлиқ масалалар.

7.

Олий ва ўрта махсус таълим вазирлиги

Олий ва ўрта махсус таълим ҳақидаги маълумотларни талаб қилиш бўйича сўровларни жўнатиш ва кўриб чиқиш.

8.

Давлат солиқ қўмитаси ҳузуридаги Кадастр агентлиги

Кўчмас мулкка бўлган ҳуқуқларнинг мавжуд ёки мавжуд эмаслиги ҳақида маълумотларни талаб қилиш бўйича сўровларни жўнатиш ва кўриб чиқиш.

9.

«Ўзархив» агентлиги

Архив маълумотномалари ва бошқа архив ҳужжатлари ҳақида маълумотларни талабқилиш бўйича сўровларни жўнатиш ва кўриб чиқиш.

10.

Молия вазирлиги ҳузуридаги Бюджетдан ташқари Пенсия жамғармаси

Пенсия ва нафақалар бериш билан боғлиқ маълумотларни талабқилиш бўйича сўровларни жўнатиш ва кўриб чиқиш.