LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ёпиқ ҳарбий шаҳарчаларда ва узоқдаги гарнизонларда яшовчи ҳарбий хизматчилар ва уларнинг оила аъзолари таъминотини яхшилаш мақсадида Вазирлар Маҳкамаси қарор қилади:
1. «Ўзистиқболстат» давлат қўмитаси, «Ўздонмаҳсулот», «Ўзбалиқ» давлат корпорациялари, «Ўзбексавдо», «Ўзгўштсутсаноат», «Ёғмойтамакисаноат», «Озиқовқатсаноат» уюшмалари ҳарбий хизматчиларга ва уларнинг оила аъзоларига ҳарбий дўконлар тармоқлари орқали сотиш учун мўлжалланган тегишли турдаги маҳсулотларни прогноз параметрларида назарда тутсинлар ҳамда уларнинг тўлиқ ҳажмда биринчи навбатда етказиб берилишини таъминласинлар.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, «Ўзбексавдо» давлат уюшмаси, Ўзбекбирлашув ва «Ўзмаишийхизматуюшма» ҳарбий хизматчилар ва уларнинг оила аъзолари ҳаёт фаолияти учун зарур шароитларни яратишда ҳарбий савдо корхоналари ва ташкилотларига амалий ёрдам кўрсатиш тавсия этилсин, энг зарур саноат ва озиқ-овқат товарлари турлари билан тўлиқ ҳажмда таъминласинлар, маиший хизмат кўрсатиш ва ҳарбий савдо корхоналарига эга бўлмаган узоқдаги ва кам сонли гарнизонларда уларга маиший хизматлар кўрсатишга кўмаклашсинлар.
2. Марказий банкка ҳамда Мудофаа вазирлиги, Миллий хавфсизлик хизмати ва Ички ишлар вазирлиги корхоналари ва ташкилотларига хизмат кўрсатувчи тижорат банкларига халқ истеъмол товарлари сотиб олиш учун жойларда ўз бўлимлари орқали уларга Ўзбекистон Республикаси Марказий банки қайта маблағ билан таъминлаш ставкаси доирасида кредит берилишини таъминлаш тавсия этилсин.
3. Ўзбекистон Республикаси Молия вазирлиги Ўзбекистон Республикаси Мудофаа вазирлиги Савдо бош бошқармасига 1996 йилнинг тўртинчи чорагида 25 млн. сўм миқдорида айланма маблағлар ажратсин.
4. «Ўзистиқболстат» давлат қўмитаси 1997 йилги адресли дастурни шакллантиришда 1-иловага* мувофиқ ҳарбий дўконлар, зобитлар ошхоналари ва аскарлар чойхоналари қурилишига капитал маблағлар лимитини назарда тутсин.
5. Жойлардаги ҳарбий савдо органларига улар томонидан ноозиқ-овқат товарларини Ўзбекистон Республикаси Мудофаа вазирлиги, Миллий хавфсизлик хизмати ва Ички ишлар вазирлиги қисмлари, муассасалари, корхоналари ва ташкилотларидаги ҳарбий дўконлар тармоғи орқали нақд пулсиз ҳисоб-китоб бўйича сотишга рухсат берилсин.
6. Андижон, Самарқанд, Тошкент вилоятлари ҳокимликлари бир ой муддатда 2-иловага* мувофиқ ҳарбий савдо объектларини балансдан Ўзбекистон Республикаси Мудофаа вазирлиги балансига текин берсинлар.
Берилаётган иншоотлар жойлашган ер участкаларидан фойдаланиш ҳуқуқига оид тегишли давлат далолатномалари белгиланган тартибда расмийлаштирилсин ва Ўзбекистон Республикаси Мудофаа вазирлигига берилсин.