НАМУНА

«ТАСДИҚЛАНДИ»
‎Буюртмачи номи:
‎______________________
‎Ф.И.О.

_______________________________________________________________________________________________________

(объект номи)

ТАНЛОВ ҲУЖЖАТИ

ТАНЛОВ ҲУЖЖАТИНИ ИШЛАБ ЧИҚДИ

___________________________

(ташкилот номи)

2020 йил

МУНДАРИЖА

НАШРДА ЧОП ЭТИЛАДИГАН ЭЪЛОН МАТНИ
‎(Танлов иштирокчиларига тақдим этилмайди)

‎‎ТАНЛОВ ҲУЖЖАТЛАРИ

‎‎УМУМИЙ ҚИСМ

‎‎ТАНЛОВДА ИШТИРОК ЭТИШ УЧУН ТАКЛИФНОМА
‎ТАНЛОВ ИШТИРОКЧИЛАРИ УЧУН ЙЎРИҚНОМА
‎ТАНЛОВ ТАКЛИФЛАРИНИ ТЕХНИК БАҲОЛАШ МЕЗОНЛАРИ
‎ТАНЛОВ КОМИССИЯСИ ТАРКИБИ
‎ПУДРАТ ТАШКИЛОТЛАРИНИ АНИҚЛАШ
‎СХЕМАСИ
‎
‎ТЕХНИК ҚИСМ

‎‎БАЖАРИЛАДИГАН ИШ ҲАЖМЛАРИ РЎЙХАТИ
‎
‎ТИЖОРАТ ҚИСМ
‎БУЮРТМАЧИНИНГ БОШЛАНҒИЧ НАРХИ
‎ҚУРИЛИШНИ ЯКУНЛАШ МУДДАТИ
‎МОЛИЯЛАШТИРИШ МАНБАСИ
‎МОЛИЯЛАШТИРИШ ШАРТЛАРИ
‎ШАРТНОМА ВАЛЮТАСИ
‎ШАРТНОМА ЛОЙИҲАСИ

НАМУНА

БАРЧА ҚУРИЛИШ ТАШКИЛОТЛАРИ ДИҚҚАТИГА !!!

_______________________________________________________________________________________________________

(Буюртмачи ташкилот номи)

ТАНЛОВ ЭЛОН ҚИЛАДИ

_______________________________________________________________________________________________________

• Танлов иштирокчилари қуйидаги талабларга лойиқ бўлишлари лозим: иш (хизмат)ларни бажариш учун зарур бўлган меҳнат ресурслари ва мутахассисларнинг мавжудлиги, мутахассисларнинг етарли касбий ва техникавий малакага, молиявий имкониятларга, шартнома тузиш юзасидан фуқаролик-муомала лаёқати ваколатларига эга ва тажрибали бўлишлари шарт.
‎• Маҳаллий ва хорижий қурилиш ташкилотлари танловда қатнашганда, танлов таклифларини баҳолашда маҳаллий танлов иштирокчиларга қуйидаги нарх кўрсаткичлари ҳисобга олинади:
‎• Таклифларни баҳолашда иштирокчиларнинг танлов таклифлари қонун ҳужжатларига мувофиқ қўшилган қиймат солиғидан озод қилинган импорт қилувчиларнинг товар (иш, хизмат)лари қўшилган қиймат солиғи суммаси қўшимча равишда ҳисобга олинади.
‎• Танлов иштирокчилари танловда қатнашиш тўғрисидаги таклифлари ва танлов ҳужжатлари бўйича сўровномалар билан танлов ташкилотчиси ______________________ га қуйидаги манзил бўйича мурожаат этишлари мумкин:
‎• _______________ шаҳар ____________ кўча, _____-уй, тел. (998 ___)__________.
‎• Тасдиқланган танлов ҳужжатлари буюртмачи томонидан жойлаштириладиган давлат харидлари бўйича махсус ахборот порталидан юклаб олишлари мумкин.
‎• Таклифлар танлов ташкилотчиси томонидан юқоридаги манзилда танлов эълонида чоп этилган куни ва вақтига қадар қабул қилинади.

Эълон _______________________________________ да берилган.

Буюртмачи ташкилот раҳбари:

____________________________________

ТАНЛОВДА ИШТИРОК ЭТИШ УЧУН ТАКЛИФНОМА

________________________________________________________________ номидан танловда иштирок этишга танлов иштирокчиларини таклиф этамиз ва қуйидаги объект бўйича танлов таклифини тақдим этилишини сўраймиз.
‎Объект номи: _______________________________________________________________________________________
‎Объектнинг бошланғич нархи (ҚҚС билан) — _______________ сўм.
‎Ишларни тугаллаш муддати — ______ кун.

Буюртмачи: ______________________________________________________________
‎манзил:__________________________________________________________________

Лойиҳани молиялаштириш манбаси: ______________________________________________________________________.
‎Таклиф этилган шартлар бўйича танловда мурожаат билан маҳаллий ва хорижий қурилиш ташкилотлари иштирок этишлари мумкин.
‎Танловда иштирок этиши учун иштирокчиларга қуйидаги талаблар қўйилади:
‎фуқаролик-муомала лаёқати ва шартнома тузиш ваколати;
‎доимий ходимлари, жумладан муҳандис-техник ходимларига эга бўлиши;
‎ишлаб турган асосий воситалари, шу жумладан ишлаб чиқариш базаси, машина ва механизмлар, кичик механизация воситаларига эга бўлиши;
‎ўз айланма маблағлари билан таъминланганлиги (кўрсаткич 0,2 коэффициентдан кам бўлмаган);
‎тўловга қодирлиги (кўрсаткич 1,25 коэффициентдан кам бўлмаган);
‎танлов объектига ўхшаш объектларда ишлаганлик тажрибаси мавжудлиги;
‎бажарилган ишлар, шу жумладан ўз кучи билан олдин бажарилган ишлар ҳажми ҳақидаги маълумотларни тақдим этиш;
‎‎устав фонди миқдори тўғрисидаги маълумотлар.
‎Агар танлов предмети бўлган иш (хизмат)ларни бажариш билан боғлиқ фаолият қонун ҳужжатларига мувофиқ лицензияланиши зарур бўлса, танловда иштирок этиш учун белгиланган тартибга асосан тегишли лицензияга эга бўлган танлов иштирокчиларга рухсат этилади.
‎Қуйидаги танлов иштирокчиларига танлов жараёнларида иштирок этишга рухсат берилмайди:
‎қайта ташкил этилиш (бўлиниш, қўшилиш), тугатиш ёки банкротлик арафасида турганлар;
‎мол-мулки мусодарага олинганлар ҳамда муассислик келишув, молиявий иштирок, холдинг ва бошқа шаклда ифодаланган бевосита ташкилий-ҳуқуқий ёки бир-бирига молиявий қарамлиги мавжуд ташкилотлар.
‎Танлов таклифини тайёрлаш ва тақдим этиш учун керакли барча ҳужжатлар танлов иштирокчилари учун йўриқномада акс эттирилган.
‎Танлов иштирокчилари танишиб чиқиш ва танлов таклифини тузиш мақсадида танлов предметининг лойиҳа ҳужжатлари, хусусан, лойиҳанинг график қисми (чизмалари)ни тақдим этилиши ҳақида танлов ташкилотчисига мурожаат қилишга ҳақлидир.
‎Буюртмачи ёки танлов ташкилотчиси объектнинг лойиҳа ҳужжатларини, шунингдек унинг график қисмини (чизмаларнинг нусхаси ёки электрон варианти)ни танлов иштирокчиларига уларнинг биринчи талабиданоқ тақдим этишга мажбур.
‎Танлов иштирокчилари таклифлари ташкилотчи томонидан юқоридаги манзилда иш кунлари соат 9-00 дан 18-00 гача қабул қилинади.
‎Танлов ташкилотчисига таклифларни тақдим этишнинг охирги муддати — таклифларни очиш куни ва вақтигача қуйидаги манзилда:_____________________________________________________________________________________
‎______________________________________________________________________________________________________.
‎Таклифларни топшириш танлов иштирокчисининг танлов ҳужжатларига қўйилган талабларни ўргангани ва унда кўрсатилган ишларни бажариш, ишларнинг физик ҳажмлари, материал ва конструкциялар ҳажмлари ҳамда бошқа шартларга нисбатан лойиҳани тугаллашга таъсир этиши мумкин бўлган саволлар йўқлигига далолат ҳисобланади.
‎Таклифларни очиш танлов эълон қилинган санадан бошлаб 10 (ўн) кундан кейин 20___ йил «_____» _____________ куни соат «_____» да бўлиб ўтади.

Буюртмачи ташкилот раҳбари

____________________________________

Изоҳ: Дастлабки манзилли рўйхат тасдиқланиб тақдим этилгандан сўнг, танлов ўтказилиши тўғрисидаги эълон давлат харидлари бўйича махсус ахборот порталига жойлаштирилади.

ТАНЛОВ ИШТИРОКЧИЛАРИГА ЙЎРИҚНОМА

I. ИШЛАРНИНГ ҚИСҚАЧА ТАЪРИФИ

1.1. Буюртмачи — танлов ахборот жадвалида (кейинги ўринларда ТАЖ деб аталади) кўрсатилган объект бўйича ишларни олиб боришни мўлжаллаб, танлов ташкилотчиси номидан иш юритиб, ТАЖда кўрсатилган объект бўйича танлов эълон қилади.
‎1.2. Танловнинг тури — очиқ танлов, агар ТАЖда бошқача айтиб ўтилмаган бўлса.
‎1.3. Ишлар танлов ҳужжатларининг тижорат қисмида жойлашган намунавий пудрат шартномаси талабларига биноан бажарилиши лозим.
‎1.4. Қурилиш ишлари, Ўзбекистон Республикаси ҳудудида амал қилувчи шаҳарсозлик нормалари ва қоидаларига тўла мос келишини таъминлаш мақсадида, талаб қилинадиган барча ишчи кучлари, қурилиш материаллари, ёнилғи, жиҳозлар, умумий ва алоҳида характердаги иш турлари, барча зарур бўлган йўлдош ва ёрдамчи иш ва материаллар, танлов иштирокчилари фаолиятини мувофиқлаштиришни назарда тутади.

II. ТАНЛОВ ҲУЖЖАТЛАРИНИНГ МУНДАРИЖАСИ

2.1. Ушбу танлов ҳужжатлари «Давлат харидлари тўғрисида»ги Ўзбекистон Республикасининг Қонуни ва Ўзбекистон Республикаси Вазирлар Маҳкамасининг «Капитал қурилишда танлов савдолари тизимини такомиллаштириш чора-тадбирлари тўғрисида» 2003 йил 3 июлдаги 302-сон қарорининг талабларига биноан ишлаб чиқилган ва умумий, техник ва тижорат қисмларидан иборат.
‎2.2. Умумий қисм танлов иштирокчиларига таклиф, шартноманинг умумий талаблари ва мазкур йўриқномани, шакл ва иловалар қўшилган ҳолда, ўз ичига олади.
‎2.2.1. Шакллар рўйхати:
‎1-шакл. Танлов буюртмасини таъминлаш кафолати.
‎2-шакл. Танлов иштирокчиси ҳақида умумий маълумотлар.
‎3-шакл. Танлов иштирокчисининг молиявий кўрсаткичлари.
‎4-шакл. Танлов иштирокчисининг иш ҳақи жамғармаси ва ҳодимлар ўртача сони бўйича кўрсаткичлари.
‎5-шакл. Банк кафиллиги.
‎6-шакл. Танловдаги объектга ўхшаш объектларда охирги уч йиллик иш тажрибаси.
‎7-шакл. Танлов иштирокчисининг ишларни бажаришда фойдаланадиган машина ва механизмлари рўйхати.
‎8-шакл. Танлов иштирокчисининг жорий даврдаги бошқа (пудрат шартномалари) объектлари.
‎9-шакл. Қурилиш майдончасини кўздан кечирганлиги тўғрисида маълумотнома.
‎2.2.2. Иловалар рўйхати:
‎1-илова. Лойиҳани бажариш буюртманомаси.
‎2-илова. Объектнинг қурилиш ишларини бажариш графиги.
‎3-илова. Объект қурилишини молиялаштириш графиги.
‎4-илова. Объектнинг жамланма жадвали, объектда бажариладиган иш ҳажмлари рўйхати, объект қурилишининг шартномавий нархини белгилашда ишлатилган асосий нарх шакллантирувчи компонентларнинг нархлари.
‎2.3. Техник қисм:
‎буюртмачи томонидан тасдиқланган қиймати киритилмаган физик иш ҳажмлари рўйхати;
‎(4-илова асосида)
‎жиҳозлар, материал ва конструкциялар буюртмасининг тўлиқ рўйхатидан иборат.
‎Изоҳ: Лойиҳанинг хусусиятига қараб техникавий қисм таркибига ТАЖга биноан бошқа ҳужжатлар ҳам киритилиши мумкин.
‎2.4. Тижорат қисми:
‎қурилишнинг бошланғич нархи;
‎қурилишнинг муддати;
‎молиялаштириш манбаси, шартлари ҳамда шартнома лойиҳасидан иборат.

III. ИШТИРОКЧИЛАРИНИНГ ТАНЛОВДА ИШТИРОК ЭТИШ ШАРТЛАРИ

3.1. Мазкур лойиҳа бўйича танловда таклиф этилган шартлар бўйича иштирок этиш мақсадида мурожаат этган маҳаллий ва хорижий қурилиш ташкилотлари танлов иштирокчиси бўлиши мумкин.
‎3.2. Танлов иштирокчиси танловда иштирок этиш учун танлов ташкилотчисига мурожаат этиши, мазкур йўриқноманинг VII боби талабларига биноан танлов таклифини тақдим этиши лозим.
‎3.3. Танлов иштирокчиси ўзининг танлов таклифларини тайёрлаш ва тақдим этиш билан боғлиқ барча харажатларни ўз зиммасига олиши керак. Бунда буюртмачи, танлов ташкилотчиси ва танлов комиссияси танлов натижаларидан қатъий назар мазкур харажатлар учун жавобгар бўлмайди.
‎3.4. Танлов иштирокчилар томонидан тақдим этиладиган ҳужжатлар (таклифлар) танлов ҳужжатларида кўрсатилган талабларга жавоб бериши керак.

IV. ТАНЛОВ ҲУЖЖАТЛАРИГА ЎЗГАРТИРИШ КИРИТИШ

4.1. Буюртмачи танловда иштирок этиш учун таклифлар бериш муддати тугайдиган санадан камида уч кун олдин танлов ҳужжатларига ўзгартиришлар киритиш тўғрисида қарор қабул қилишга ҳақли. Иш ҳажмларни (хизматларни) ўзгартиришга йўл қўйилмайди. Бунда ушбу танловда таклифлар бериш тугайдиган муддат танлов ҳужжатларига ўзгартиришлар киритилган санадан эътиборан камида ўн кунга узайтирилиши керак.
‎Шу билан бир вақтда, танлов ташкилотчиси киритилган ўзгартиришлар ҳақида танловда иштирок этиш истагини билдирган танлов иштирокчиларига билдиришномалар юборади.
‎4.2. ТАЖда кўрсатилган муддат доирасида танлов иштирокчиси ёзма равишда танлов ташкилотчисига танлов ҳужжатлари бўйича тушунтириш ва аниқлик киритиш мақсадида мурожаат қилишга ҳақли.
‎4.3. Танлов ташкилотчиси танлов иштирокчисининг сўрови бўйича танлов ҳужжатларига оид маълумот ва материалларга тушунча бериш билан боғлиқ сўровлар моҳияти бўйича таклифларни топширишнинг ТАЖда кўрсатилган муддатдан кечикмасдан ёзма равишда жавоб беришга, сўров манбасини кўрсатмаган ҳолда танловда иштирок этиш истагини билдирган танлов иштирокчиларига жавобларни жўнатишга мажбур.
‎4.4. Танлов ҳужжатларига ўзгартиришлар ва қўшимчалар киритиш улар буюртмачи, танлов ташкилотчисининг шахсий ташаббуси билан ёки танлов иштирокчисининг сўровига жавобан амалга оширилганлигидан қатъий назар «Танлов иштирокчиларига хабарнома» кўринишда расмийлаштирилади ва танлов ҳужжатларига қўшимча бўлиб қолади. Шу кўринишда расмийлаштирилмаган ўзгартиришлар ва кўшимчалар кучга эга бўлмайди. Буюртмачи ёки танлов ташкилотчиси танлов иштирокчилари ноқонуний киритган ўзгартириш ва қўшимча учун жавобгар бўлмайдилар.
‎4.5. Танлов иштирокчилари хабарномани олгач унинг илова қилинган нусхасига имзо чекиб, дарҳол уни ташкилотчига қайтаришлари керак.
‎4.6. Танлов иштирокчилари учун хабарнома тузишдан олдин оғзаки шаклда қилинган йўриқномалар эътироз учун асос бўла олмайди.
‎4.7. Танлов иштирокчиларига ўз таклифларига ўзгартиришлар киритиш учун зарур вақт тақдим этиш мақсадида ташкилотчи танлов комиссияси билан келишилган ҳолда мазкур йўриқноманинг ХIII бобига мувофиқ таклифлар тақдим этиш муддатини узайтириши мумкин. Бунда танлов иштирокчиларига жўнатиладиган хабарномада таклифлар тақдим этиш муддатини янги охирги санаси белгиланади.

V. ҲУЖЖАТЛАРНИ ЎРГАНИШ

5.1. Танлов иштирокчилари танлов ва лойиҳа ҳужжатларини ўрганиб чиқишлари керак, танлов иштирокчилари танишиб чиқиш мақсадида танлов предметининг лойиҳа ҳужжатлари, хусусан, лойиҳанинг график қисми (чизмалари)ни буюртмачи ёки танлов ташкилотчиси томонидан тақдим этилиши ҳақида мурожаат килишга ҳақлидирлар.
‎Шунингдек, буюртмачи ёки танлов ташкилотчиси лойиҳа ҳужжатларини (чизмаларнинг асли нусхаси ёки электрон варианти)ни танлов иштирокчиларига уларнинг биринчи талабиданоқ тақдим этишга мажбур.
‎5.2. Танлов иштирокчилари ишлар олиб бориладиган ер участкасини, мавжуд бино ва иншоотларни бориб кўришлари, жойнинг ўзида лойиҳа-смета ҳужжатларини ўрганиш натижасида, талаб этилган ишларни олиб бориш учун ҳал этилиши лозим бўлган муаммоларнинг мазмун ва моҳияти билан танишишлари, шунингдек иш муддати ва унинг қийматига таъсир этиши мумкин бўлган бошқа масалаларни ўрганишлари зарур.
‎5.3. Таклифларни топшириш танлов иштирокчисининг юқоридагиларни ўргангани ва унда бажариладиган иш ҳажмларига, материал ва конструкциялар ҳажмига, бошқа шартларга нисбатан, лойиҳани тугаллашга таъсир этиши мумкин бўлган савол йўқлигига далолат ҳисобланади.

VI. ТАНЛОВ ТАКЛИФИНИ ТАЙЁРЛАШ

6.1. Танлов иштирокчилари томонидан тайёрланган таклиф, танловга оид барча хабарномалар ва ҳужжатлар, танлов иштирокчилари билан буюртмачи ва ташкилотчи ўртасидаги маълумот алмашувлар ТАЖда кўрсатилган тилда олиб борилиши лозим.
‎6.2. Танлов иштирокчиси томонидан тайёрланган танлов таклифида, унга оид барча хабарномалар ва ҳужжатларда метр системаси ўлчовидан фойдаланилади.
‎6.3. Танлов иштирокчиси танлов таклифини мазкур танлов ҳужжатлари асосида тайёрлайди. ТАЖда ва танлов ҳужжатларининг бошқа қисмларида кўрсатилган маълумотларда тафовут бўлганида, танлов иштирокчиси танлов таклифини тайёрлашда ТАЖ маълумотларини ҳисобга олиши лозим.
‎6.4. Танлов иштирокчиси ўз танлов таклифининг таркибида фақат тўғри маълумотларни тақдим этиши шарт ва маълумотларнинг тўғрилигига жавобгардир.

VII. ТАНЛОВ ТАКЛИФИ ТАРКИБИДАГИ ҲУЖЖАТЛАР

7.1. Танлов таклифлари, 7.7-бандда кўрсатилган ҳоллардан ташқари, иккита — биринчи ва иккинчи йиғма жилддан иборат. Биринчи йиғма жилдга кирувчи ҳужжатларда танлов таклифи қийматига оид ҳеч қандай ахборотлар бўлмаслиги керак. Таклифни ташкил этувчи барча нархлар, тарифлар ва якуний суммалар фақат иккинчи йиғма жилд ҳужжатларида бўлиши керак.

7.2.1. ТАЖда кўрсатилган суммага банк кафолатини (1-шакл) ёки ушбу суммани буюртмачининг махсус ҳисоб рақамига ўтказиш топшириқномасининг нусхасини тақдим қилиш йўли билан танловда иштирок этиш буюртманомасини таъминлаш амалга оширилади. Танлов буюртмасини таъминлаш кафолати объект бошланғич нархининг 0,5 фоизидан ошмаслиги зарур. Танлов буюртмасини таъминлаш кафолатининг амал қилиш муддати ТАЖда кўрсатилган.
‎7.2.2. Танлов иштирокчиси ҳақида умумий маълумотлар (2-шакл). Шаклни тўлдиришда мутахассислар рўйхати ва ишчилар сони танлов иштирокчиси томонидан мустақил кўрсатилади. Кўрсатилган ходимларнинг ҳақиқатда мавжудлиги, уларни иш стажи ва малакасини тасдиқловчи ҳужжатлар нусхасини тақдим этишга мажбур.
‎7.2.3. Танлов иштирокчисиининг охирги уч йилдаги молиявий аҳволи (3-шакл). Шаклга Танлов иштирокчиси аудитор компаниясининг хулосаси ёки молиявий натижалар ҳақидаги ҳисоботлар (баланс ҳисоботлар)нинг нусхаларини илова қилишга мажбур. Агар ТАЖда бошқача кўрсатилмаган бўлса, 4-шаклдаги маълумотлар минг сўмда келтирилади.
‎Объектнинг буюртмачи белгиланган бошланғич нархининг 20 %гача миқдоридаги айланма маблағлар мавжудлиги (хизмат қилувчи банк томонидан тасдиқланган айланма маблағлари мавжудлиги тўғрисидаги маълумотнома асосида баҳоланади.)
‎7.2.4. Тендер иштирокчисининг иш ҳақи жамғармаси ва ҳодимлар ўртача сони бўйича кўрсаткичлари (4-шакл). Шакл ташкилотнинг охирги ҳисобот даври асосида молиявий кўрсатгичлари тўлдирилиб тегишли солиқ органлари томонидан тасдиқланади.
‎7.2.5. Танлов предметига ўхшаш объектларда охирги 3 йиллик иш тажрибаси (5-шакл). Ушбу жадвалда танлов иштирокчиси танлов предметига ўхшаш ишларнинг асосий турларини кўрсатиб ўтиши (кенгайтирилган ҳолда ҳам мумкин) ва ушбу ишларнинг бажарилган суммасини кўрсатиши керак. Шаклда кўрсатилган маълумотларни тасдиғи сифатида давлат қабул комиссияларининг далолатномалари (агар танлов иштирокчиси ёрдамчи пудратчи сифатида бўлган бўлса ҳисоб-фактура маълумотномалари) илова қилинади.
‎7.2.6. Танлов иштирокчиси ишларни бажаришда фойдаланадиган машина ва механизмлари рўйхати (6-шакл). Агар ТАЖда бошқа ҳолат кўрсатилмаган бўлса, ижара ва лизинг асосидаги машина ва механизмлардан фойдаланишга рухсат этилади. Бунда танлов иштирокчиси лойиҳани бажариш даврида ҳақиқий бўлган лизинг ёки ижара шарномасининг нусхасини илова қилиши керак.
‎7.2.7. Талабгорнинг танлов ўтказилаётган даврдаги жорий пудрат шартномалари (объектлари) �ўйича маълумот. ‎(7-шакл).
‎7.2.8. Қурилиш майдонини кўздан кечирганлик тўғрисида маълумотнома (8-шакл).
‎7.2.9. Танлов иштирокчисиига берилган, ҳужжатларга имзо чекиш ва танловда қатнашиш ҳуқуқини берувчи ишончнома (9-шакл). Танлов иштирокчисининг биринчи шахси (раҳбари) ҳозир бўлганда ушбу шакл тўлдирилмайди.
‎7.2.10. Иштирокчининг давлат рўйхатидан ўтганлиги тўғрисидаги ҳужжатларининг нусхалари.
‎7.2.11. Лицензиялар ёки рухсатномалар нусхаси, субпудратчининг лицензияси ва бошқа ҳужжатлари (айрим ҳолларда), рухсатномалари нусхалари билан бирга, агар ТАЖда бошқа ҳолат кўрсатилмаган бўлса. Лицензиялар ва рухсатномалар номи ҳам ТАЖда кўрсатилган.
‎7.2.12. Юқорида сўралган шакллар ва ҳужжатларга танлов иштирокчиси ТАЖда кўрсатилган тасдиқловчи ҳужжатларни илова қилиши керак.
‎7.3. 2-йиғма жилд таркибидаги ҳужжатлар:
‎7.3.1. Лойиҳани бажаришга буюртма (1-илова).
‎7.3.2. Объектнинг қурилиш ишларини бажариш графиги (2-илова).
‎7.3.3. Объект қурилишини молиялаштириш графиги (3-илова).
‎7.3.4. Объект қурилишининг шартномавий нархини белгилашда қўлланилган:
‎— жамланма жадвал;
‎— объектда бажариладиган иш ҳажмлари жадвали;
‎— бъектда ишлатиладиган қурилиш материаллари (материаллар таснифи ва миқдори билан) рўйхатлари жадвали (4-илова).
‎Бажариладиган ишлар ҳажми жадвалини танлов иштирокчиси ўз таклифида ҳар бир иш тури бўйича бир бирлик иш ҳажмлари нархини ресурсларни акс эттирмасдан тақдим қилади.
‎Қурилиш материаллари бўйича жадвални тўлдириш юзасидан 8.2 бандга қаранг.
‎7.4. Буюртмачи танловда қатнашиш буюртмаси таъминотини қуйидаги ҳолатларда қайтаради:
‎7.4.1. Танлов ғолибига — шартнома (контракт) имзолангандан кейин;
‎7.4.2. Бошқа иштирокчиларга — танлов ғолиби билан шартнома (контракт) тузилгандан сўнг, аммо офертанинг амал қилиш муддатидан кечикмай;
‎7.4.3. Таклифни тақдим этишнинг охирги куни ва вақти тугагунга қадар таклифларини қайтариб олган иштирокчиларга.
‎7.5. Буюртма таъминотини қайтариш, банк амалиётларининг харажатларидан ташқари, қайтариш асоси вужудга келган вақтдан эътиборан 10 (ўн) кун муддат мобайнида амалга оширилади.
‎7.6. Танловда иштирок этишга буюртма таъминоти қуйидаги ҳолатларда қайтарилмайди:
‎7.6.1. Таклифни тақдим этишнинг охирги куни ва вақти тугагандан кейин, унга ўзгартириш киритган, тендер таклифининг амал қилиш муддати ва 7.4.2 бандда кўрсатилган муддатдан олдин қайтариб олган оферентга;
‎7.6.2. Танлов ғолиби унинг таклифи амал қилиш даврида ўз таклифини қайтариб олганда ёки танлов ҳужжатларида белгиланган талабларда шартнома тузишдан бош тортганда.
‎7.7. Дастлабки малака танлови орқали танлов ўтказилганда биринчи йиғма жилд ҳужжатлари малакавий ҳужжатлар деб, иккинчи йиғма жилд ҳужжатлари эса танлов таклифи деб ҳисобланади.

VIII. ТАНЛОВ ТАКЛИФИ НАРХИ

8.1. Ишларнинг қиймати 4-иловада кўрсатилган объектда бажариладиган иш ҳажмлари рўйхатига биноан тақдим этилиши керак. Объектда бажариладиган иш ҳажмлари рўйхатида ҳар қайси ўрин бўйича бўш жойлар танлов иштирокчиси таклиф этаётган баҳо кўрсатилган ҳолда аниқ тўлдирилган бўлиши лозим. Танлов иштирокчиси таклифининг умумий нархини аниқлашда оралиқ суммалар жамланади. Танлов иштирокчилар пудрат ишлари танловда иштирок этаётганда объектнинг таклиф этилаётган қийматини, қурилиш-монтаж ишларининг шартномавий баҳолардаги тўғридан тўғри қиймати сифатида бошқа харажатлар ва қўшимча қиймат солиғи (ҚҚС)ни ҳисобга олган ҳолда белгилашлари керак. Қурилиш-монтаж ишларининг тўғридан тўғри қийматига доимий коэффицент сифатида қўлланиладиган бошқа харажатлар қийматини танлов иштирокчиси мустақил равишда белгилайди ва ишлар қийматига киритади. Бунда, танлов иштирокчиси ташкилотлар таклиф этаётган нархни ҳисоблашда 1 ва 4-иловалар талабларига амал қилиши шарт.
‎8.2. Танлов иштирокчиси объект қурилиши (реконструкция қилиш, капитал таъмирлаш)нинг шартномавий нархини белгилашда қўлланилган қурилиш материалларининг нархлар ва компонентлар жадвалини тўлдиради. Бунда қурилиш материаллари турини танлов ҳужжатларида Ф-5 шаклидаги (локаль ресурс қайдномаси) рўйхатдан олади ва пудратчи томонидан мустақил танлов предметининг техник жиҳатларидан келиб чиқиб тўлдиради.
‎Ҳар бир аниқ объект асосий қурилиш материаллари номенклатураси (расмий рўйхати) объект қийматининг 100 % ини (лойиҳада кўзда тутилган) ташкил этувчи қурилиш материалларини ҳисобга олган ҳолда тўлдирилади.
‎8.3. Танлов иштирокчиси объектда бажариладиган иш ҳажмларининг баҳоланган рўйхатини ва асосий нарх шакллантирувчи компонентларнинг нархлар жадвалини босма кўринишда, хат доғларисиз ва тузатишларсиз тақдим этиши керак.
‎8.4. Сўз билан ёзилган нарх ва рақам билан кўрсатилган нарх орасида тафовут бўлса, сўз билан кўрсатилган нарх қабул қилинади.
‎8.5. Ҳажм бирлигининг қиймати ва ишнинг умумий ҳажми суммаси орасида тафовут бўлса ҳажм бирлигига белгиланган нарх қабул қилинади.
‎8.6. Танловда белгиланган қурилишнинг нархи ва муддати ўзгартирилмайди, қонунчилик билан белгиланган ҳолатлар (буюртмачи томонидан ишлар ҳажмини ўзгартирилиши, енгилмас куч таъсири, қурилишнинг бир йилдан ортиқ давомийлиги) бундан мустасно.
‎8.7. Шартнома нархини иккинчи ва кейинги йилларга мувофиқлаштириш асосий нарх шакллантирувчи компонентларнинг нархлари ўзгарганда қонунчиликда белгиланган тартибда олиб борилади.

IX. ТАНЛОВ ТАКЛИФИНИНГ АМАЛ ҚИЛИШ ДАВРИ

9.1. Танлов таклифининг амал қилиш даври танлов таклифлари очилган кундан бошлаб 30 кундан кам бўлмаслиги керак, агарда ТАЖда бошқа ҳолат кўрсатилмаган бўлса.
‎9.2. Алоҳида ҳолларда таклифнинг бирламчи амал қилиш даври тугаш вақтигача танлов ташкилотчиси танлов иштирокчилари билан таклифнинг амал қилиш муддатини узайтириш ҳақида келишиши мумкин, келишув ёзма шаклда расмийлаштирилган ҳолда.

Х. ТАКЛИФЛАРНИ БЕРИШ ШАКЛИ

10.1. Танлов иштирокчиси таклифни ташкил этувчи барча ҳужжатларнинг аслини ва битта нусхасини уларга «асли» ва «нусха» деб аниқ белги қўйиб, тақдим этиши керак. Улар орасида фарқи бўлган тақдирда «асли»га устунлик берилади.
‎10.2. Таклифнинг асли ва нусхаси босма ёзувда бўлиши керак. 2,3,4,5,6,7,8-шаклларнинг ва 1,2,3,4-иловаларнинг ҳар бир бети танлов иштирокчиси раҳбари ёки ваколат берилган шахс томонидан имзо чекилган ва танлов иштирокчисининг муҳри билан тасдиқланган бўлиши керак. 8-шакл танлов иштирокчисининг раҳбари томонидан имзоланган ва унинг муҳри билан тасдиқланган бўлиши керак.
‎10.3. «Танлов иштирокчиларига хабарнома»га мувофиқ зарур ёзувлар ёки тузатишлар киритилган таклифнинг барча бетлари танлов таклифи остига ўз имзосини қўйган шахс томонидан тасдиқланиши керак.
‎10.4. Таклифда ўзгартиришлар, сатрлар орасига киритмалар ва ўчиришлар бўлмаслиги керак. Танлов ташкилотчиси хабарномасига мувофиқ киритилган ёки танлов иштирокчиси йўл қўйган хатоларни тузатиш учун зарур бўлган ўзгартиришлар бундан мустасно. Мазкур тузатишлар таклиф остига ўз имзосини чеккан шахс томонидан имзоланиб, тасдиқланган бўлиши керак.
‎10.5. Танлов комиссияси ҳар қандай ўзгартиришлар, четга чиқишлар ёки муқобил таклифларни қабул қилиш ёки рад этиш ҳуқуқини ўзида сақлаб қолади. Танлов ҳужжатлари талабларини оширувчи ўзгартиришлар, четга чиқишлар, муқобил таклифлар ва бошқа омиллар танлов таклифларини баҳолашда эътиборга олинмайди.

XI. ТАКЛИФНИ КОНВЕРТГА ЖОЙЛАШТИРИШ ВА БЕЛГИ ҚЎЙИШ

11.1. Танлов иштирокчисини имзо ва муҳр билан тасдиқланган таклифи, иккита бир-бирига солинган конвертларга муҳрланган ва мазкур йўриқноманинг 11.2, 11.3, 11.4-бандларига мувофиқ белги қўйилган ҳолда савдо ташкилотчисига тақдим этилади (11.8-бандда кўрсатилган ҳолатлардан ташқари).
‎11.2. Ташқи конвертда 1-йиғма жилдга тегишли ҳужжатлар ва ички конверт жойлашади. Ички конвертда эса 2-йиғма жилдга тегишли ҳужжатлар жойлашади.
‎11.3. Ташқи конверт қуйидагича белгиланади:
‎— таклифни қабул қилиш манзили кўрсатилади;
‎— танлов иштирокчиси номи;
‎— танлов предметининг номи;
‎— таклифни топшириш санаси.
‎11.4. Ички конверт қуйидагича белгиланади:
‎— танлов иштирокчиси номи;
‎— танлов предметининг номи;
‎— «молиявий таклиф» ёзуви.
‎11.5. Танлов таклифини ўзгартириш ёки уни ҳисобдан чиқариш ҳақидаги хабарнома конвертда муҳрланган, танлов иштирокчисининг имзоси ва муҳри билан тасдиқланган ҳолда савдо ташкилотчисига тақдим этилади.
‎11.6. Ўзгартиришлар киритилган конвертлар 11.3 ва 11.4-бандларга мувофиқ «Ўзгартиришлар» ёзуви билан белгиланади.
‎11.7. Таклифни ҳисобдан чиқариш ҳақидаги хабарнома конвертида қуйидагилар кўрсатилади:
‎— танлов иштирокчиси номи;
‎— танлов предметининг номи;
‎— «танлов таклифини ҳисобдан чиқариш ҳақида хабарнома» ёзуви.
‎— танлов таклифини ҳисобдан чиқариш ҳақидаги хабарномани бериш санаси.
‎11.8. Дастлабки малака танлови оркали танлов ўтказилганда биринчи ва иккинчи йиғма жилд ҳужжатлари алоҳида топширилади.

XII. ТАНЛОВ ТАКЛИФИНИ БЕРИШ

12.1. Таклифлар танлов ташкилотчисига ТАЖда кўрсатилган тартибда, ўз муддатида ва манзил бўйича тақдим этилиши керак.
‎12.2. Дастлабки малака танлови оркали танлов ўтказилганда (мазкур йўриқноманинг 1.2-бандига ва ТАЖга қаранг) дастлабки малакани ўтказиш санаси тайинланади (ТАЖга қаранг).
‎12.3. Буюртмачи танлов комиссияси билан келишган ҳолда таклиф бериш муддатини узайтириши мумкин. Бу ҳакда танлов ташкилотчиси танлов иштирокчиларига хабарномалар орқали билдиради.
‎12.4. Таклиф танлов ташкилотчисига тақдим этилгандан сўнг, у таклиф қабул қилинганлигини алоҳида қайд этиш китобида рўйхатга олади.
‎12.5. Буюртмачи томонидан лойиҳа ҳужжатлари танлов иштирокчисига мазкур йўриқноманинг 5.3-банди талабларига асосан тақдим этилмаган ёки рад қилинган ҳолларда танлов иштирокчиси танлов таклифини топшириш муддатини узайтириш ҳақида танлов ташкилотчисига мурожаат қилиши мумкин.
‎12.6. Юқоридаги бандда қайд этилган ҳолат рўй берган ҳолларда танлов ташкилотчиси, буюртмачи билан келишган ҳолда, танлов иштирокчиси буюртмачидан лойиҳа ҳужжатларини олганлиги ҳақидаги далолатномани қабул қилган кундан бошлаб, энг камида 3 кун муддатга танлов таклифини топшириш муддатини узайтириши мумкин.

XIII. ТАНЛОВ ТАКЛИФИНИ ЎЗГАРТИРИШ ЁКИ ҲИСОБДАН ЧИҚАРИШ

13.1. Таклиф берилганидан кейин танлов иштирокчиси танлов таклифига ўзгартиришлар киритиши ёки уни ҳисобдан чиқариши мумкин, шу шарт биланки, ушбу ўзгартиришлар ёки таклифни ҳисобдан чиқариш хабари таклифларни бериш муддати ичида ёзма равишда танлов ташкилотчисига тақдим этилган бўлса.
‎13.2. Танлов иштирокчиси киритаётган ўзгартиришлар ёки таклифни ҳисобдан чиқариш ҳақидаги хабарнома мазкур йўриқноманинг 11.5, 11.6, ва 11.7-бандларига биноан тайёрланган, муҳрланган ва белги қўйилган бўлиши ҳамда 12.1-бандда кўрсатилган танлов таклифларини бериш муддати тугамасдан олдин етказиб берилиши керак.
‎13.3. Таклифлар бериш муддати тугагандан кейин таклифларга ўзгартиришлар киритишга йўл қўйилмайди.

XIV. ТАНЛОВ ТАКЛИФЛАРИНИ ОЧИШ ВА БАҲОЛАШ

14.1. Танлов буюртмачининг манзилида ўтказилади, агарда ТАЖда бошқа ҳолат кўрсатилмаган бўлса.
‎14.2. Таклифлар (1 ва 2-йиғма жилдлар) солинган конвертларни очиш қатнашиш истагини билдирган танлов иштирокчисилар ёки уларнинг ваколатли вакиллари ҳозирлигида ТАЖда кўрсатилган манзилда, эълон/таклифнома ёки хабарномада кўрсатилган кун ва соатда ўтказилади.
‎14.3. Танлов иштирокчиларни ҳозир бўлган ваколатли вакиллари ўзларининг иштироки ҳақида гувоҳлик белгиси сифатида реестрга ўз имзоларини қўйишлари керак.
‎14.4. Танлов комиссияси таклифларини ҳисобдан чиқариш ҳақида хабарнома йўллаган танлов иштирокчиларини эълон қилади (агар бўлса).
‎14.5. Таклифни ҳисобдан чиқариш ҳақидаги хабарномалар берилган таклифлар очилмайди. Танлов ҳужжатларида белгиланган муддатдан кейин тушган таклифлар кўриб чиқилмайди. Таклифларни тақдим этиш санаси танлов ташкилотчисининг таклифларни олинганлиги ҳақидаги почта хабарномасидаги белги бўйича ёки танлов ташкилотчисининг таклифларни иштирокчиларга берилган санаси ҳақидаги хабарнома санаси бўйича (таклифларни қўлда етказиб берган ҳолларда) аниқланади.
‎14.6. Йиғма жилдлар таркибини ўрганиш ва баҳолаш, шунингдек танлов ғолибини аниқлаш ёпиқ йиғилишларда амалга оширилади. Танлов таклифларини ўрганиш ва баҳолашга оид ахборот ошкор қилинмайди, қонунчиликда назарда тутилган ҳоллар бундан мустасно.
‎14.7. Тақдим этилган таклифларнинг очилгунга қадар бутлиги учун жавобгарлик танлов ташкилотчиси зиммасида бўлади.
‎14.8. Агар ТАЖда бошқа ҳолат кўрсатилмаган бўлса, таклифларни баҳолаш даври танлов таклифлари очилган кундан эътиборан узоғи билан 3 кунни ташкил этади.
‎14.9. Танлов комиссияси ташқи конвертни (1-йиғма жилд ҳужжатларини) очади, таклифларни тўғри тўлдирилганлиги, имзоланганлиги ва умумий ҳолати юзасидан ўрганади, танлов иштирокчилар малакасини баҳолашни амалга оширади.
‎14.10. Малака баҳоланганидан сўнг малакадан ўтган ва 2 йиғма жилдни очилишига рухсат олган танлов иштирокчилари эълон қилинади. Танлов комиссияси 1-йиғма жилдлар таркибини ўрганиш ва баҳолаш натижалари эълон қилинмасдан олдин танлов иштирокчиларнинг 2-йиғма жилдларини очишга хаққи йўқ.
‎14.11. Танлов комиссияси ички конвертни (2-йиғма жилд ҳужжатларини) очади, уларни ўрганади, баҳолашни ўтказади, ғолибни аниқлайди ёки бошқа қарорларни қабул қилади.
‎14.12. Танлов комиссиясининг барча қарорлари кўпчилик овоз билан қабул қилинади, овозлар тенг бўлганда комиссия раисининг овози ҳал этувчи ҳисобланади.
‎14.13. Малакани баҳолаш ва якуний баҳолаш танлов комиссияси тасдиқлаган ва ушбу йўриқноманинг иловаларида кўрсатилган баҳолаш мезонларига биноан амалга оширилади.
‎14.14. Танлов комиссияси томонидан танлов иштирокчилар тақдим этган маълумотлар нотўғрилиги аниқланган ҳолда, танлов комиссияси ушбу танлов таклифини рад қилишга ҳақли.
‎14.15. Танлов комиссияси танлов ҳужжатлари талабларидан таклифдаги аҳамиятсиз фарқларни эътиборга олмасликка ҳақли, агарда улар бошқа қатнашчилар рейтингига таъсир қилмаса.
‎14.16. Марказлаштирилган манбалар ҳисобидан молиялаштириладиган объектларни баҳолаш Ўзбекистон Республикаси «Давлат харидлари тўғрисида»ги Қонунига биноан ва ТАЖда кўрсатилган ҳолда амалга оширилади.
‎14.17. Танлов комиссиясининг ҳар бир йиғилишида баённома юритилади.
‎14.18. Танловга киритилмаган ёки рад қилинган (дисквалификация қилинган) таклифлар баённомаларда қайд этилиб, уларни рад қилиш ёки дисквалификация қилиш сабаблари кўрсатилади.
‎14.19. Танлов комиссияси танлов таклифларини батафсил ўрганиш ва баҳолаш учун баҳолаш гуруҳларини тузиши мумкин. Баҳолаш гуруҳларининг таркибига танлов комиссияси аъзолари билан биргаликда жалб қилинган эксперт ва консультантлар (танлов комиссиясининг қарори бўйича) киритилиши мумкин. Баҳолаш гуруҳларининг аъзолари танлов комиссияси аъзолари каби танловни ташкиллаштириш ва ўтказишга доир қонунчиликка ва мазкур танлов ҳужжатлари талабларига риоя этиш масъулиятини ўз зиммаларига оладилар.

XV. ТАКЛИФЛАРНИ ТУШУНТИРИШ

15.1. Танлов комиссияси таклифларни баҳолаш ва таққослаш учун таклифни танлов комиссияси мажлисида кўриб чиқиш вақтида танлов иштирокчиларидан таклифлар мазмунига тушунчалар беришни сўраши мумкин. Бунда таклифнинг мазмунини, шу жумладан нархи ёки бажариш муддатини ўзгартирувчи тушунтиришлар берилишига йўл қўйилмайди.

XVI. ТАНЛОВ ИШТИРОКЧИЛАРИНИНГ МАЛАКАСИНИ БАҲОЛАШ (ТЕХНИК БАҲОЛАШ)

16.1. Танлов иштирокчисини талаб қилинадиган малакага мос келишини ҳал этиш учун тўлдирилган шакллар ва уларга илова қилинган, унинг таклифида тақдим этилган тасдиқловчи ҳужжатлар ўрганилади.
‎16.2. Танлов иштирокчилари таклифларини баҳолаш уларни техник жиҳатдан амалга ошириш юзасидан ТАЖда кўрсатилган танлов таклифларини баҳолаш мезонларига биноан баҳоланади. Ўрганиш натижалари бўйича баҳолаш гуруҳи аъзолари танлов таклифларининг баҳолаш варақларини тўлдиришади (техник баҳолаш варағи ТАЖда алоҳида иловаларда намунавий жадвалда тақдим этилади).
‎16.3. Агар ТАЖда бошқа ҳолат кўрсатилмаган бўлса, баҳолаш варағи қуйидаги шаклда тўлдирилади:

ТАНЛОВ ТАКЛИФЛАРИНИ БАҲОЛАШ ВАРАҒИ
‎(ТЕХНИК БАҲОЛАШ)

Т/р

Параметрлар номи

Шакл

Максимал
‎балл

Танлов иштирокчилари

1‎

2

3

4

5‎

6‎

7

1.

Танлов буюртмасини таъминлаш кафолати

1-шакл

Изоҳга қаранг

‎

‎

2‎.

Танлов иштирокчиси ҳақида умумий маълумотлар

2-шакл‎‎

19

3‎.

Охирги уч йилдаги молиявий аҳволи ҳақидаги ҳужжатлар, аудитор компаниясининг хулосаси ёки молиявий натижалар ҳақидаги ҳисоботлар (баланс ҳисоботлар)нинг нусхаси билан)
‎Танлов иштирокчисининг салохияти (жумладан, тўловга қодирлиги ва айланма маблағлар билан таъминланганлиги) тўғрисида маълумот

3-шакл

34

4‎.

Объектнинг буюртмачи белгиланган бошланғич нархининг 20 % гача миқдоридаги айланма маблағлар мавжудлиги

Банк маълумотномаси

‎

‎

‎

5.‎

Тендер иштирокчисининг иш ҳақи жамғармаси ва ҳодимлар ўртача сони бўйича кўрсаткичлар

‎‎4-шакл

6‎.

Танловдаги объектга ўхшаш объектларда охирги 3 йиллик иш тажрибаси

5-шакл

25

7‎.

Ишларни бажаришда фойдаланиладиган танлов иштирокчисининг машина ва механизмлари рўйхати

6-шакл

15

‎

‎

‎

8.‎

Танлов иштирокчиси танлов вақтида иштирок этаётган ва мазкур танловнинг предмети бўлмиш объектни қуриш (реконструкциялаш, таъмирлаш) даврида иштирок этадиган шартномалар (объектлар) ҳақида маълумот

7-шакл

Изоҳга қаранг

‎

‎

‎

9‎.

Қурилиш майдонини кўрганлик тўғрисидаги маълумотнома

8-шакл

7

Жами баллар

100

Изоҳлар:
‎Танлов иштирокчиси баҳолаш якунларига кўра 60 баллдан кам балл тўпласа (келгусида — ўтиш баллари), танлов комиссияси аъзоларининг овози қарши ҳисобланиб, техник жиҳатдан малакаси етарли эмас деб ҳисобланади, агар ТАЖда бошқача тартиб белгиланмаган бўлса.
‎Таклиф қуйидаги ҳолларда кўриб чиқилмайди ва ҳужжатларнинг 2-йиғма жилди очилмасдан танлов иштирокчисига қайтарилади:

— агар таклиф танлов комиссиясининг овоз бериш натижаларига кўра техник малакаси етарли эмас деб топилса;
‎— 1, 3, 4, 5 ва 8 шакллар мавжуд бўлмаса ёки белгиланган тартибда расмийлаштирилмаган бўлса.
‎Агар шартномани тузиш мўлжалланаётган сана вақтига баҳолаш мезонларига биноан лойиҳани амалга ошириш учун керакли барча машина ва механизмлар бошқа объектларда ишга жалб қилинадиган ҳолларда 7-шакл баҳоси 0 га тенглаштирилади. Бошқа ҳолларда баҳолаш интерполяция йўли билан амалга оширилади.
‎2, 3, 6 ва 7-шакллар мавжуд бўлмаса ёки белгиланган тартибда расмийлаштирилмаган бўлса, уларни баҳоси 0 га тенглаштирилади.
‎Танлов иштирокчиси ташкилотнинг раҳбари бўлмаган ёки 9-шаклда келтирилган шакл бўйича ишончномага эга бўлмаган танлов иштирокчиси вакили танловда ҳозир бўлишга ва танлов таклифини (офертани) имзолашга ҳақли эмас.
‎9-шакл мавжуд бўлмаса танлов таклифи ва келгусида буюртмачи ва танлов ғолиби ўртасидаги пудрат шартномасини фақат танлов иштирокчиси ташкилотнинг раҳбари имзолаш ҳуқуқига эга.

Баҳолаш гуруҳи аъзолари:

________

_________________________________________

____________

(имзоси)

(Ф.И.О.)

(санаси)

16.4. Танлов комиссияси танлов иштирокчисидан уни малака талабларига жавоб беришини тасдиқловчи далилларни расмий шаклда тақдим этишни талаб қилишга ҳақли.
‎16.5. Зарур бўлганда танлов комиссияси 1-йиғма жилд ҳужжатларида келтирилган маълумотларни батафсил ўрганиш ва тўғрилигини текшириш учун комиссия таркиби ва жалб этилган мутахассислардан иборат баҳолаш гуруҳини тузишга ва кейинчалик комиссияга тегишли хулосани киритишга ҳақли.
‎16.6. Баҳолаш гуруҳи тузилган ҳолатда танлов комиссияси аъзоси баҳолаш гуруҳининг тавсиялари асосида қарор қабул қилишга ёки танлов таклифлари баҳолаш варағини мустақил тўлдиришга ҳақли.
‎16.7. Танлов комиссияси танлов иштирокчисининг интеллектуал мулкига ва тижорат сирига тажовуз қилишга хаққи йўқ.

XVII. МОЛИЯВИЙ ТАКЛИФЛАРНИ КЎРИБ ЧИҚИШ, ЯКУНИЙ БАҲОЛАШ, ТАНЛОВ ҒОЛИБИНИ АНИҚЛАШ

17.1. Молиявий таклифларни очиш ва баҳолаш танлов комиссияси томонидан танлов таклифларининг биринчи йиғма жилдларини тасдиқлаш ва уларни кўриб чиқиш натижалари эълон қилинганидан сўнг амалга оширилади.
‎17.2. Иккинчи йиғма жилдларни очилишига малака танловидан муваффақиятли ўтган танлов иштирокчиларига рухсат этилади.
‎17.3. Иккинчи йиғма жилдларни очилиши мазкур танлов иштирокчилари йўриқномасининг XIV боби талабларига асосан амалга оширилади.
‎17.4. Танлов комиссияси таклифларни бутлигини текширади, 2-йиғма жилд ҳужжатларини тўғри тўлдирилганлиги, имзолангани ва умумий ҳолати юзасидан ўрганади.
‎‎17.5. Агар танлов комиссияси томонидан 2-йиғма жилддаги таклиф ҳужжатларининг бирортасини танлов ҳужжатлари талабларига жавоб бермаслиги аниқланган тақдирда танлов иштирокчисининг таклифи рад этилиб, унинг мазмуни эълон қилинмасдан танловдан четлатилади.
‎17.6. Танлов комиссияси таклифлари 17.5-банднинг талабларига зид бўлмаган танлов иштирокчиларининг 1-иловада кўрсатиб ўтилган нархи ва ишларни якунлаш муддатларини ўқиб эшиттиради.
‎17.7. Сўнгра таклифлар арифметик текширувдан ўтказилиб, таклиф таркибида келтирилган объектда бажариладиган иш ҳажмлари билан танлов ҳужжатлари таркибида келтирилган иш ҳажмларини солиштириш амалга оширилади ва танлов таклифларига молиявий баҳо берилади.
‎17.8. Арифметик хатолар мазкур танлов иштирокчилари йўриқномасининг 8.4 ва 8.5-бандларига биноан тузатилади.
‎17.9. Зарур бўлганда, танлов комиссияси 2-йиғма жилд ҳужжатларида келтирилган маълумотларни, хусусан ҳисоб-китобларнинг иқтисодий асосланганлиги, иш ҳажмлари танлов ҳужжатларига жавоб бериши ва бошқа ҳолларни батафсил ўрганиш учун комиссия аъзолари ва жалб этилган мутахассислардан иборат баҳолаш гуруҳи тузиш ҳуқуқига эга.
‎17.10. Агар ТАЖда бошқача кўрсатилмаган бўлса, барча молиявий таклифлар Ўзбекистон Республикаси миллий валютасида баҳоланади (ўтказилади).
‎17.11. Агар ТАЖда бошқача кўрсатилмаган бўлса, танлов иштирокчиларининг таклифлари қуйида кўрсатилган танлов таклифларининг молиявий баҳолаш мезонларига биноан баҳоланади:

ТАНЛОВ ТАКЛИФЛАРИ МОЛИЯВИЙ ҚИСМИНИ БАҲОЛАШ МЕЗОНЛАРИ

Т/р

Иловаларни баҳолаш параметрларининг номи

Баллар миқдори

Танлов иштирокчисилар

I. Таклиф этилаётган нарх. 1-илова (35 балл)

1‎.

Буюртмачининг бошланғич нархи — 10 балл, таклиф этилган энг паст нархи — 35 балл.
‎Таклифлар бўйича бошланғич ва энг паст нархлар ўртасидаги баллар формула ёрдамида интерполяция билан аниқланади* (изоҳга қаранг). Танлов иштирокчиларининг буюртмачи бошланғич нархидан юқори таклифлари рад этилади.

10 — 35

II. Қурилишни якунлашни таклиф этилаётган муддати. 1-илова (5 балл)

1‎.

Ижро муддати танлов ҳужжатларида белгиланганга мос ёки кам.

5

‎

‎

‎

2‎.

Танлов ҳужжатларида белгиланган ижро муддатидан ортган ҳар 10 кун учун 1 балл олиб ташланади, лекин 5 баллдан ортиқ эмас.

1 — 5

III. Биринчи йиғма жилдни баҳолашдаги баллар миқдори.
‎Танлов таклифларининг баҳолаш варағи (техник баҳолаш). (60 балл)

1.

Танлов таклифларини техник баҳолаш якунига кўра энг кўп балл тўплаган танлов иштирокчисига — 60 балл;
‎2-йиғма жилдларни очилишигача киритилган ва танлов таклифларини техник баҳолаш якунига кўра ўтиш бали билан тенг тўплаган танлов иштирокчисига — 45 балл;
‎қолган таклифлар бўйича баллар интерполяция билан аниқланади.

45 — 60

Изоҳлар:
‎а) танлов иштирокчиси таклифи қуйидаги холларда рад этилади (дисквалификация қилинади):
‎— 1, 2, 3, 4 сон иловалардан биронтаси, шунингдек 4-иловадаги жамланма жадвал мавжуд бўлмаса ёки белгиланган тартибда расмийлаштирилмаган бўлса, таклиф рад этилади ва ҳужжатларнинг 2-йиғма жилди мазмуни эълон қилинмасдан қайтарилади;
‎— таклифда кўрсатилган ишлар ҳажми танлов ҳужжатларида кўрсатилган ишлар ҳажмига тўғри келмаса;
‎б) малакали деб топилган ва преференцияларни қўшган ҳолда энг кўп балл тўплаган танлов иштирокчисининг таклифи ғолиб деб ҳисобланади;
‎в) баллар тенглигида таклиф этилган энг кам нархли таклиф танланади.
‎* Таклифлар бўйича бошланғич ва энг паст нархлар ўртасидаги балларни аниқлаш интерполяция формуласи:
‎А= 10+((СЦЗ-ЦП)*25)/(СЦЗ-НПЦ)), бу ерда
‎А — молиявий таклиф учун баллар миқдори;
‎10 — танлов иштирокчиси нархи учун берилган, буюртмачининг бошланғич нархига тенг бўлган, баллар миқдори;
‎СЦЗ — (ББН) буюртмачининг бошланғич нархи;
‎ЦП — (ТН) танлов иштирокчиси нархи;
‎25 — молиявий таклиф учун берилган энг кўп ва энг кам (35 — 10) баллар миқдорининг фарқи;
‎НПЦ — (ЭТН) энг кам таклиф этилган нарх.
‎** Биринчи йиғма жилд таклифларининг якуний баҳолари бўйича балларни аниқлаш интерполяция формуласи:
‎Б= 45+((КБ1�-ПБ)*15)/(НБКБ1П-ПБ)), бу ерда
‎Б — биринчи йиғма жилд якуний баҳоси бўйича баллар миқдори;
‎45 — ўтиш баллига тенглаштирилган биринчи йиғма жилд баллари;
‎КБ1П — (1ПБМ) танлов иштирокчисининг биринчи йиғма жилд бўйича тўплаган баллар миқдори;
‎ПБ — (ЎБ) биринчи йиғма жилд бўйича ўтиш бали;
‎15 — энг кўп ва энг кам (60 — 45) баллар якуни баҳоси бўйича фарқи;
‎НБКБ1П — (1ПЮБМ) танлов иштирокчисининг биринчи йиғма жилд бўйича тўплаган юқори баллар миқдори.

17.12. Агар ТАЖда бошқа маълумотлар келтирилмаган бўлса, ўрганиш натижаларига кўра, баҳолаш гуруҳи аъзолари танлов таклифларининг қуйидаги баҳолаш якуний жадвалини тўлдиришади:

ТАНЛОВ ТАКЛИФЛАРИНИ БАҲОЛАШНИНГ ЯКУНИЙ ЖАДВАЛИ

Т/р

‏Параметр номи

‏Иловалар

Максимал баллар

Танлов иштирокчисилар

1‎.

Таклиф этилаётган нарх (нарх преференцияларини ҳисобга олган ҳолда)

1-илова

35

2‎.

Қурилишни якунлашни таклиф этилаётган муддати

1-илова

5

3‎.

1-йиғма жилдни баҳолаш бўйича баллар миқдори

Танлов таклифларини баҳолаш варағи (техник баҳолаш)

60

Жами баллар

100

________

____________________________________________

_____________

(имзоси)

(Ф.И.О.)

(санаси)

1-ИЛОВА

(буюртмачининг номи)

ЛОЙИҲАНИ БАЖАРИШ БУЮРТМАНОМАСИ

_______________________________________________________________________________________________________

(объект номи)

1. Биз, қуйида имзо чекувчилар, юқорида айтилган ишларни бажариш майдончасини кўздан кечириб, умумий, техник ва тижорат қисмларидан иборат танлов ҳужжатларини ўрганиб, юқорида кўрсатилган ҳужжатларга мувофиқ

__________________________________________________________________________________________

(рақамда ва ёзув билан сумма, қўшилган қиймат солиғи билан)

сўмга айтилган барча ишларни (қурилиш ишларининг камида 50 %ини ўз кучимиз билан) бажариш ва якунлашни ҳамда улардаги топилган дефектларни белгиланган муддатда тузатишни таклиф этамиз.
‎2. Бизнинг таклифимиз қабул қилинган ҳолда, буюртмачидан ишга киришиш ҳақидаги ёзма хабарномани олган кундан бошлаб 10 (ўн) кун ичида ишларни бажаришга киришиш ва ишларни бажаришни бошланишидан эътиборан ___________________________ кун мобайнида уларни якунлаш мажбуриятини оламиз.
‎3. Бизнинг таклифимиз танлов таклифлари очилган кундан бошлаб ____________________________________

(рақам ва ёзув билан)

4. Шартнома тузилгунга қадар мазкур танлов таклифи унинг қабул қилинганлиги ҳақидаги ёзма хабарнома билан бирга орамиздаги юридик мажбурият ҳисобланади.
‎5. Таклиф қабул қилинганлиги тўғрисидаги Биз олган хабарнома, Бизни Сиз билан расмий шартнома тузишга мажбурият юклашини ва Биз унинг ижросини таъминлашимизни тасдиқлаймиз.
‎6. Буюртмачи ва танлов комиссияси тақдим этилган таклифлардан энг паст нарх таклифини қабул қилишга мажбур эмаслигига розилик билдирамиз.
‎7. Танлов Танлов иштирокчисиларига жўнатилган ______ сон хабарномалар Биз томондан ҳисобга олинган.
‎8. Қурилиш жараёнида жалб қилинган ишчи ходимларни белгиланган тартибда расмийлаштириб, ижтимоий химояси ва техник хавфсизлигини таъминлаймиз.
‎9. Буюртмачи билан ўзаро ҳисоб-китобларни танлов комиссиясининг мажлислари баённомалари билан тасдиқланган ва келгусида ўзгартирилмайдиган шартномавий нархда амалга ошириш мажбуриятини оламиз.
‎10. Шартнома мажбуриятларини бажарилиши ҳақидаги мониторинг маълумотларини Қурилиш вазирлигининг вилоят танлов савдоларини ўтказиш консалтинг марказига, белгиланган шаклда, ҳар ойнинг 2 санасига қадар, қурилишни олиб боришни бутун даври давомида тақдим этиб бориш кафолатини берамиз.

2-ИЛОВА

ОБЪЕКТНИНГ ҚУРИЛИШ ИШЛАРИНИ БАЖАРИШ ГРАФИГИ
‎ __________________________________________________________________
‎(объект номи)

Т/р‎

Ишлар номланиши

Ишларни бошлаш санаси

Ишларни тугатиш санаси

1.‎

2.‎

3.‎

4.‎

‎

Изоҳ: Жадвалда ишларни умумий дастури (объектнинг хусусиятлари ҳисобга олинган ҳолда) ва уларни бажариш муддатлари кўрсатилади. Қурилишнинг умумий жадвали пудратчининг ишларни ва маълум участкаларни белгиланган муддатда якунлаш ва қурилаётган объектда хавфсиз ва узлуксиз ишлар олиб бориш мажбуриятига таъсир кўрсатмаслиги керак.