Ўзбекистон Республикаси Президентининг «Буюк ипак йўлини қайта тиклашда Ўзбекистон Республикасининг иштирокини авж олдириш ва республикада халқаро туризмни ривожлантириш борасидаги чора-тадбирлар тўғрисида»ги Фармонини бажариш юзасидан Вазирлар Маҳкамаси қарор қилади:

1. Вазирлар Маҳкамаси ҳузуридаги Туризмни ривожлантириш бўйича идоралараро Кенгаш таркиби ҳамда Кенгаш тўғрисидаги Низом 1*, 2-иловаларга мувофиқ тасдиқлансин.

2. Идоралараро кенгаш бир ой муддатда халқаро туризм бўйича махсус очиқ иқтисодий минтақалар тўғрисидаги Низомни ишлаб чиқсин ва тасдиқлаш учун Вазирлар Маҳкамасига киритсин.

3. «Ўзбекистон ҳаво йўллари» миллий авиакомпанияси, «Ўзбекистон темир йўллари» давлат-акционерлик компанияси, Давлат солиқ қўмитаси «Ўзбектуризм» миллий компанияси ҳамда бошқа манфаатдор вазирликлар ва идоралар билан биргаликда:

бир ой муддатда туристларни авиа ва темир йўл транспорти орқали ташишда имтиёзлар бериш, шунингдек республика ичидаги ҳамда халқаро линияларда туристик гуруҳларнинг юришлари қийматидан чегирмалар тартибини ишлаб чиқсинлар ва тасдиқласинлар;

уч ой муддатда Тошкент, Бухоро, Самарқанд ва Урганч шаҳарларидаги аэропортларда, темир йўл вокзалларида, шунингдек чегарадаги темир йўл станцияларида туристларга хизмат кўрсатувчи махсус божхона зоналари ташкил этсинлар, уларни замонавий назорат техникаси билан жиҳозласинлар.

5. Пул-кредит сиёсати бўйича Республика комиссиясига «Ўзбектуризм» миллий компаниясининг, фаолиятининг асосий тури туризм бўлган чет эл компанияларининг Ўзбекистон республика валюта биржасида сўмларни эркин муомаладаги валютага биринчи навбатда алмаштиришларини таъминлаш тавсия этилсин.

6. «Ўзавтойўл» давлат концерни, «Ўзавтотранс» давлат корпорацияси, «Ўзбектуризм» миллий компанияси, «Ўзбексавдо» давлат уюшмаси, Ўзбекбирлашув, Ўзбекистон Республикаси Алоқа вазирлиги, Соғлиқни сақлаш вазирлиги, «Ўздавнефтмаҳсулот» давлат-акционерлик бирлашмаси, вилоятлар ва Тошкент шаҳар ҳокимликлари бир ой муддатда туристларга хизмат кўрсатиш учун Тошкент—Самарқанд—Бухоро—Урганч—Хива автомобиль йўналишида йўлларни ободонлаштириш, улардан сифатли фойдаланиш ҳамда сервис хизматлари ташкил этиш бўйича 1995 — 1998 йилларга мўлжалланган комплекс дастурни ишлаб чиқсинлар.

7. Ўзбекистон Республикаси Молия вазирлиги, Энергетика ва электрлаштириш вазирлиги шаҳар коммуникацияларидан ташқарида жойлашган туристик меҳмонхоналар, базалар ва кемпинглар учун иссиқлиқ ва электр энергияси бўйича имтиёзли тарифларни белгиласинлар.

8. Давлат мулки қўмитаси, «Ўзбектуризм» миллий компанияси ҳокимликлар билан биргаликда меҳмонхона мажмуилари ва бошқа туристик объектлар қурилиши бўйича халқаро тендерлар ўтказсинлар.

Вилоятлар ва Тошкент шаҳар ҳокимликлари туристик объектлар қурилиши учун инфраструктура ўз вақтида тайёрланишини таъминласинлар.

9. «Маҳаллий саноат» давлат корпорацияси, «Ўзбексавдо» давлат уюшмаси, Ўзбекбирлашув, Маданият ишлари вазирлиги, вилоятлар ва Тошкент шаҳар ҳокимликлари «Ўзбектуризм» миллий компанияси билан биргаликда туристлар бўладиган жойларда амалий ва тасвирий санъат, халқ ижодкорлиги буюмларини, реклама маҳсулотларини тайёрлаш ҳамда сотиш бўйича корхоналар ва ихтисослаштирилган марказлар шохобчаларини ташкил этсинлар.

10. Соғлиқни сайлаш вазирлиги:

«Ўзбектуризм» миллий компанияси билан биргаликда шартнома асосида туристларга юқори малакали тиббий ёрдам кўрсатилишини таъминласин;

Молия вазирлиги ва «Ўзбектуризм» миллий компанияси билан биргаликда бир ой муддатда мамлакатимиз туристларини ва хорижий туристларни тиббий суғурта қилиш бўйича таклиф киритсин.

11. Жаҳон иқтисодиёти ва дипломатия университети «Ўзбек-туризм» миллий компанияси билан биргаликда шартнома асосида халқаро туризм соҳасида юқори малакали кадрлар тайёрлаш учун «Халқаро туризм» ўқув-ишлаб чиқариш маркази очсин.

12. «Ўзбектуризм» миллий компанияси Ўзбекистон Республикаси тўғридан-тўғри ҳаво йўлларига эга бўлган мамлакатларда туристик ваколатхоналар очсин.

13. Давлат матбуот қўмитаси «Ўзбектуризм» миллий компанияси билан биргаликда бюджетдан ташқари маблағлар ҳисобига «Ипак йўли» халқаро туристик-реклама-ахборот нашри чоп этилишини ташкил этсин.

14. Мазкур қарорнинг бажарилишини назорат қилиш Ўзбекистон Республикасининг Бош вазири А. Муталов зиммасига юклансин.

1. Ўзбекистон Республикаси Вазирлар Маҳкамаси ҳузуридаги Туризмни ривожлантириш бўйича идоралараро кенгаш республиканинг туристик ташкилотлари фаолиятини мувофиқлаштириш ва туризм соҳасида услубий раҳбарликни яхшилаш учун ташкил этилган.

2. Кенгаш таркиби фаолияти туризмни ривожлантириш, туристларга хизмат кўрсатишни ташкил этиш билан боғлиқ бўлган туристик ташкилотлар, муассасалар, вазирликлар ва идораларнинг вакилларидан шакллантирилади. Кенгаш таркиби Ўзбекистон Республикаси Вазирлар Маҳкамаси томонидан тасдиқланади.

Кенгаш мажлислари бир йилда камида икки марта ўтказилади. Кенгаш Ўзбекистон Республикаси Вазирлар Маҳкамаси томонидан тасдиқланадиган режа бўйича ишлайди.

Ўзбекистон Республикаси Бош вазирининг биринчи ўринбосари Идоралараро кенгаш раиси ҳисобланади.

Идоралараро кенгаш, зарур ҳолларда, ўз аъзоларидан, шунингдек бошқа ташкилотларнинг вакилларидан туризмни ривожлантиришнинг энг долзарб муаммолари бўйича комиссиялар ташкил этиши мумкин.

3. Туризмни ривожлантириш бўйича идоралараро Кенгаш:

вазирликлар ва идораларнинг, касаба уюшмалари ва туристик ташкилотларнинг республикада туристик-экскурсия ишларини янада ривожлантириш, туристларга хизмат кўрсатиш ҳажмларини кўпайтириш ва даражасини ошириш, кўрсатиладиган хизматларнинг турлари ва шаклларини такомиллаштириш, туристик-экскурсия ташкилотлари тармоқларини кенгайтиришга оид таклифларини кўриб чиқади ва умумлаштиради;

туризмнинг моддий-техника базасини кенгайтириш, туристик муассасалар учун кадрлар тайёрлаш, туристик саёҳатларни транспорт воситалари билан таъминлаш, туристик мақсаддаги товарларни, эсдалик совғаларни ишлаб чиқариш ҳажмини кўпайтириш, уларнинг сифатини яхшилаш, шунингдек туристик объектларда савдо ва умумий овқатланишни яхшилашга алоқадор масалалар юзасидан таклифлар тайёрлайди ва Вазирлар Маҳкамасига киритади;

истиқболни туристик мажмуалар ва мехмонхоналар лойиҳаларини ишлаб чиқиш тўғрисида топшириқ беради, туристик объектлар қурилишини назорат қилади ва зарур бўлганда Вазирлар Маҳкамасига ўз таклифларини киритади;

республикада туризмни ривожлантиришнинг асосий йўналишларига оид таклифларни ишлаб чиқади ва тайёрлайди;

туризм соҳасидаги истиқболни, илмий-тадқиқотларни мувофиқлаштиради, илмий-техника ютуқлари ва илғор тажриба натижаларининг амалиётга жорий қилинишига кўмаклашади, идоралараро йирик лойиҳаларни ҳамда илмий-техника дастурларини кўриб чиқади;

аҳолини меҳнат тарбияси, маънавий ва ватанпарварлик руҳида тарбиялаш мақсадида туризмдан самарали фойдаланишга оид таклифларни ишлаб чиқади ва уларни иш амалиётига татбиқ қилиш учун тавсия қилади;

манфаатдор вазирликлар, идоралар ва ташкилотлар билан биргаликда туризмга оид илмий-оммабоп, услубий, маълумотнома адабиётлар, плакатлар, йўл кўрсаткичлар, реклама буклетлари нашр этишга ва кинофильмлар ишлаб чиқаришни кўпайтиришга, шунингдек телевидение, радио ва матбуот орқали туристик-экскурсия ишларини тарғиб қилишга оид таклифларни ишлаб чиқади;

зарур ҳолларда айрим масалаларни тайёрлаш ва кўриб чиқиш учун манфаатдор вазирликлар ва идоралар, касаба уюшмаси ва туристик ташкилотларнинг вакилларини жалб қилади ҳамда Ўзбекистон Республикаси Вазирлар Маҳкамасининг истиқболни белгилаш ва статистика давлат қўмитаси, вазирликлар, идоралар ва туристик ташкилотлардан туризмга оид статистика маълумотларини сўраб олади.

4. Туризмни ривожлантириш бўйича идоралараро Кенгаш республика вазирликлари, идоралари, жамоат ва туристик ташкилотлар билан яқин алоқада бўлади ҳамда туризм соҳасида улар олдига қўйилган вазифаларнинг бажарилишига кўмаклашади.

5. Туризмни ривожлантириш бўйича идоралараро кенгаш ўз фаолияти юзасидан Ўзбекистон Республикаси Ҳукуматига ахборот бериб туради.