Ўзбекистон Республикаси Президентининг «Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида» 2017 йил 21 июндаги ПҚ-3077-сон, «Ташқи савдо фаолиятини янада эркинлаштириш ва тадбиркорлик субъектларини қўллаб-қувватлаш чора-тадбирлари тўғрисида» 2017 йил 3 ноябрдаги ПҚ-3351-сон ва «Мева-сабзавот маҳсулотлари, узум, полиз, дуккакли экинлар, шунингдек, қуритилган сабзавот ва меваларни маҳаллий экспорт қилувчиларни қўллаб-қувватлаш бўйича қўшимча чора-тадбирлар тўғрисида» 2017 йил 6 ноябрдаги ПҚ-3377-сон қарорлари ижросини таъминлаш мақсадида Вазирлар Маҳкамаси қарор қилади:

1. Янги узилган, қуритилган ва қайта ишланган мева-сабзавот маҳсулотларини экспорт қилиш тартиби тўғрисидаги низом 1-иловага мувофиқ тасдиқлансин.

2. Ўзбекистон Республикаси Ҳукуматининг айрим қарорларига 2-иловага мувофиқ ўзгартириш ва қўшимчалар киритилсин.

3. Ўзбекистон Республикаси Ҳукуматининг айрим қарорлари 3-иловага мувофиқ ўз кучини йўқотган деб ҳисоблансин.

4. Вазирликлар ва идоралар бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — «Ўзагротехсаноатхолдинг» АЖ бошқаруви раиси Н.С. Отажонов зиммасига юклансин.

1. Ушбу қарор Ўзбекистон Республикаси Президентининг «Мева-сабзавот, узум ва полиз маҳсулотларини экспорт қилишни рағбатлантиришга доир қўшимча чора-тадбирлар тўғрисида» 2016 йил 19 сентябрдаги ПҚ-2603-сон, «Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида» 2017 йил 21 июндаги ПҚ-3077-сон ва «Мева-сабзавот маҳсулотлари, узум, полиз, дуккакли экинлар, шунингдек, қуритилган сабзавот ва меваларни маҳаллий экспорт қилувчиларни қўллаб-қувватлаш бўйича қўшимча чора-тадбирлар тўғрисида» 2017 йил 6 ноябрдаги ПҚ-3377-сон қарорларига мувофиқ янги, қуритилган ҳамда қайта ишланган мева-сабзавот маҳсулотларини экспорт қилиш тартибини белгилайди.

2. Ушбу Низомда қуйидаги асосий тушунчалардан фойдаланилади:

мева-сабзавот маҳсулотлари — сабзавотлар, мевалар, дуккакли, узум ва полиз экинлари, қуритилган сабзавот ва мевалар (ТИФ ТН бўйича товар коди 07,08,1202);

янги узилган мева-сабзавот маҳсулотлари — сабзавотлар, мевалар, дуккакли, узум ва полиз экинлари, қуритилган сабзавот ва мевалар ушбу Низомга 1-иловага* мувофиқ рўйхат бўйича;

қуритилган ва қайта ишланган мева-сабзавот маҳсулотлари — ушбу Низомга 1-иловага* мувофиқ янги узилган мева-сабзавот маҳсулотлари рўйхатига киритилмаган сабзавотлар, мевалар, дуккакли, узум ва полиз экинлари;

экспорт қилувчилар — Ўзбекистон Республикаси норезидентлари билан экспорт контрактлари (шартномалари) тузган ёки экспорт контрактисиз (шартномасисиз) инвойс асосида экспорт қилувчи тадбиркорлик субъектлари — Ўзбекистон Республикаси резидентлари;

инвойс — мева-сабзавот маҳсулотларини экспорт қилиш учун ҳисоб-фактура;

экспорт контракти — экспорт қилувчи ва Ўзбекистон Республикаси норезиденти ўртасида мева-сабзавот маҳсулотларини экспорт қилиш учун тузилган хўжалик шартномаси.

3. Янги узилган мева-сабзавот маҳсулотлари жўнатиладиган маҳсулот қийматининг олдиндан хорижий валютадаги 100 фоиз тўлови экспорт қилувчилар томонидан олинганда тўғридан-тўғри шартномалар бўйича экспорт қилинади.

Бунда «Ўзагроэкспорт» АЖга янги узилган мева-сабзавот маҳсулотларини қуйидаги шартларда экспорт қилишга рухсат этилади:

жўнатиладиган мева-сабзавот маҳсулотлари қийматининг олдиндан камида 30 фоизи тўланганда, қолган қисми учун эса тасдиқланган банк аккредитиви очилганда ёки биринчи тоифали хорижий банк кафолати расмийлаштирилганда;

«Ўзагроэкспорт» АЖнинг хорижда очилган савдо уйлари, шунингдек, ишончли ва узоқ муддатли шериклар ҳисобланган етакчи хорижий импорт қилувчи ташкилотларга Ўзбекистон Республикаси Вазирлар Маҳкамаси қарори билан тасдиқланадиган рўйхат бўйича олдиндан тўловсиз, тасдиқланган банк аккредитивини очмасдан ёки биринчи тоифали хорижий банк кафолатини расмийлаштирмасдан.

Экспорт қилувчилар ташқи бозорларга янги узилган мева-сабзавот маҳсулотларини комиссиянинг «Ўзагроэкспорт» АЖ билан тузиладиган шартномаси асосида ушбу банднинг учинчи ва тўртинчи хатбошиларида қайд этилган шартлар бўйича етказиб бериши мумкин.

4. Экспорт қилувчилар, шу жумладан «Ўзагроэкспорт» АЖ қуритилган ва қайта ишланган мева-сабзавот маҳсулотларини олдиндан тўловсиз, тасдиқланган банк аккредитивини очмасдан, банк кафолатини расмийлаштирмасдан ва экспорт контрактларини сиёсий ҳамда тижорат таваккалчиликларидан суғурталаш полисисиз хорижий валютада экспорт қилиши мумкин.

5. Экспорт қилувчининг илгари экспортга етказиб бериш бўйича муддати ўтган дебиторлик қарздорлиги бўлса, товарларни фақат муддати ўтган дебиторлик қарздорлиги мавжуд бўлган хорижий харидор учун олиб чиқишига рухсат этилмайди.

Ташқи савдо операциялари бўйича муддати ўтган дебиторлик қарздорлик пайдо бўлиши учун бевосита тадбиркорлик субъектлари жавобгар бўлади.

6. Экспорт қилувчилар экспорт контракти (шартномаси) тузмасдан қуйидаги шартларга риоя қилган ҳолда инвойс асосида мева-сабзавот маҳсулотларини экспорт қилиш ҳуқуқига эга:

етказиб бериш суммаси экспорт божхона юк декларациясини расмийлаштириш кунида Ўзбекистон Республикаси Марказий банки курси бўйича 20 минг АҚШ доллари эквивалентидан ошмаслиги;

Ўзбекистон Республикасининг ваколатли тижорат банкларидаги ҳисобварақларга Ўзбекистон Республикаси норезидентларидан хорижий валютада, шу жумладан банк ўтказмалари, халқаро банк карталари орқали тўловлар, шунингдек, тижорат банкларининг айирбошлаш шохобчаларида сотиб олинган миллий валютадаги нақд пул маблағларини киритиш шаклида 100 фоиз олдиндан тўлов олиш.

7. Юридик шахслар мева-сабзавот маҳсулотларини кейинчалик экспорт қилиш учун жисмоний шахслардан сотиб олганда, жисмоний шахслардан олинадиган даромад солиғи бўйича имтиёзлар жисмоний шахслар томонидан сотилган маҳсулотлар уларга ёки уларнинг оила аъзоларига ажратилган ер участкаларида етиштирилганини тасдиқловчи ҳужжатни тақдим этилмасдан қўлланилади.

8. Экспорт контрактлари бўйича экспорт қилинган мева-сабзавот маҳсулотларини белгиланган жойгача транспортда ташиш пайтида ушбу Низомга 2-иловага* мувофиқ фактура қийматига тузатишлар киритиш учун қўлланиладиган Экспорт қилинган янги узилган мева-сабзавот маҳсулотлари, узум ва полиз экинларининг табиий йўқотишлари нормативлари доирасида табиий йўқотишлар бўлган ҳолларда, экспорт қилувчи бу ҳақида Ташқи савдо операцияларининг ягона электрон ахборот тизимига (ТСОЯЭА) ахборот киритади.

Экспорт қилинган мева-сабзавот маҳсулотларининг табиий йўқотишлари мавжуд бўлганда, йўқотиш суммаси дебиторлик қарздорлик сифатида ҳисобга олинмайди, балки экспорт қилувчи балансининг харажат қисмида ҳисобга олинади. Йўқотиш суммаси олдиндан тўлов сифатида эътироф этилганда, табиий йўқотишлар суммасига тенг товарлар экспорт қилувчи томонидан ТСОЯЭАга киритилган маълумотлар асосида юклаб жўнатилади.

Табиий йўқотишлар суммаси етказиб бериладиган маҳсулот учун фақат олдиндан тўлов сифатида олинган маблағлардан қайтарилиши мумкин. Табиий йўқотишлар суммаси банк томонидан экспорт қилувчи табиий йўқотишлар суммаси тўғрисида ТСОЯЭАга киритган маълумотлар асосида қайтарилади.

Янги узилган мева-сабзавот маҳсулотлари олдиндан тўлов асосида экспорт қилинганда, етказиб бериш натижасида юзага келган йўқотиш суммаси хорижий шерикка қайтарилиши лозим ёки кейинги етказиб беришлар учун олдиндан тўлов деб ҳисобланиши мумкин.

Бунда экспорт божхона юк декларациясида қайд этилган янги узилган мева-сабзавот маҳсулотларининг фактура қийматига тузатишлар киритилмайди.

9. Экспорт контрактлари ва уларни бажаришга нисбатан ушбу Низомда назарда тутилмаган талаблар бўйича Ўзбекистон Республикаси Вазирлар Маҳкамасининг 2003 йил 30 сентябрдаги 416-сон қарори билан тасдиқланган Ташқи савдо операциялари устидан мониторинг олиб бориш тартиби тўғрисидаги низом ва бошқа қонун ҳужжатлари талаблари қўлланилади.

10. Экспорт контрактлари Халқаро мева-сабзавот ярмаркасининг, мунтазам фаолият кўрсатадиган мева-сабзавот майдони ярмарка савдолари якунлари бўйича юзага келадиган ўртача нархлар ҳисобга олинган ҳолда ҳамда жаҳон бозорларидаги нархлар конъюнктурасидан келиб чиқиб, талаб ва таклифлар асосида шаклланадиган бозор нархлари бўйича тузилади.

11. «Ўзагроэкспорт» АЖ ҳар ҳафта мева-сабзавот маҳсулотлари учун экспорт нархлар даражаси тўғрисидаги ахборотни оммавий ахборот воситалари ва ўзининг расмий веб-сайтида эълон қилади.

12. Экспорт қилинадиган мева-сабзавот маҳсулотлари божхонада қонун ҳужжатларида белгиланган тартибда экспорт контрактларида қайд этилган нархлардан паст бўлмаган нархларда ва ушбу Низомнинг 3 — 5-бандлари талабларига мувофиқ расмийлаштирилади.

Экспорт божхона юк декларациясида товарнинг фактура қиймати валюта инвойсида кўрсатилади. Тижорат банклари томонидан ТСОЯЭАТга миллий валютадаги нақд маблағлар тўғрисида маълумотлар киритилган тақдирда, товарларнинг миллий валюта эквивалентидаги умумий фактура қиймати божхона юк декларацияси қабул қилинган кунда Марказий банк курси бўйича ТСОЯЭАТда божхона расмийлаштируви учун қайд этилган суммадан ошмаслиги зарур.

13. Экспорт контрактларига тижорат банклари қонун ҳужжатларида белгиланган тартибда хизмат кўрсатади.

Тижорат банки томонидан 1 кун давомида:

экспорт қилувчи зарур ҳужжатларни қонун ҳужжатларида белгиланган тартибда тақдим этган пайтдан унга хорижий валютада талаб қилиб олинадиган депозит ҳисоб-рақами очилади;

тегишли ахборот олинган пайтдан ТСОЯЭАга олдиндан тўлов, тасдиқланган аккредитив очилгани ёки биринчи тоифали хорижий банк кафолати тўғрисида ахборот киритилади.

Маблағлар келиб тушгани тўғрисидаги маълумотлар тижорат банклари томонидан тўлов валютасида киритилади.

14. Тадбиркорлик субъектлари янги узилган, қуритилган ва қайта ишланган мева-сабзавот маҳсулотларини ушбу Низомга 3-иловага* мувофиқ экспорт қилади.

15. Экспорт қилувчилар, тижорат банклари ва давлат божхона хизмати органлари ТСОЯЭАга тегишли ахборотнинг ўз вақтида киритилиши ва ишончлилиги учун жавоб беради.

16. Ушбу Низом қоидалари бузилишида айбдор шахслар қонун ҳужжатларида белгиланган тартибда жавоб беради.

1. Вазирлар Маҳкамасининг «Биржадан ташқари валюта бозорини янада ривожлантириш ва мустаҳкамлаш чора-тадбирлари тўғрисида» 2000 йил 29 июндаги 245-сон қарорининг 4-банди (Ўзбекистон Республикаси ҚТ, 2000 й., 6-сон, 33-модда) қуйидаги таҳрирда баён қилинсин:

«4. Шундай тартиб ўрнатилсинки, унга мувофиқ:

а) экспорт операциялари бўйича тушум тушиши ёки товарларни қайта олиб кириш муддати:

муассислар — Ўзбекистон Республикаси резидентлари томонидан чет элдаги ташкилотларга (савдо уйлари, савдо ваколатхоналари, шуъба корхоналар, фирма дўконлар, дилерлик шохобчалари ва консигнация омборлари), шунингдек — Ўзбекистон Республикаси Савдо-саноат палатаси аъзолари — хўжалик юритувчи субъектлар томонидан Палатанинг савдо-инвестиция уйлари номига олиб чиқилаётган товарлар амалда экспорт қилинган кундан бошлаб 180 кундан;

қолган экспорт қилувчилар учун товарлар, ишлар ва хизматлар амалда экспорт қилинган кундан бошлаб 120 кундан ошиб кетмаслиги керак;

б) енгиб бўлмайдиган куч (форс-мажор) таъсири юзага келган ҳолатда хорижий валютадаги тушумнинг тушиши муддати ушбу таъсир юз берган давлатнинг ваколатли органи томонидан тасдиқланган, енгиб бўлмайдиган кучнинг амал қилиши даврига узайтирилади;

в) чет элдан хорижий валютадаги тушум тушиши кечиктирилишига йўл қўйган экспорт қилувчилар, шунингдек, «эркин муомала учун чиқариш» режимида товарларни республикага олиб кириш ва расмийлаштиришни, ишларни бажариш ва хизматлар кўрсатишни 30 банк кунидан ортиқ таъминламаган импорт қилувчилар (кичик бизнес ва хусусий тадбиркорлик субъектлари учун — 60 банк куни) белгиланган муддатлар тамом бўлгандан кейин:

белгиланган муддатлардан 180 кунгача кечикканда — тушмаган валюта маблағлари ёки «эркин муомала учун чиқариш» режимида расмийлаштирилмаган товарлар (бажарилмаган ишлар, кўрсатилмаган хизматлар) суммасининг 10 фоизига тенг миқдорда;

белгиланган муддатлардан 180 кундан 365 кунгача кечикканда — тушмаган валюта маблағлари суммасининг ёки «эркин муомала учун чиқариш» режимида расмийлаштирилмаган товарлар (бажарилмаган ишлар, кўрсатилмаган хизматлар) суммасининг 20 фоизига тенг миқдорда қўшимча;

белгиланган муддатлардан 365 кундан ортиқ кечикканда — тушмаган валюта маблағлари суммасининг ёки «эркин муомала учун чиқариш» режимида расмийлаштирилмаган товарлар (бажарилмаган ишлар, кўрсатилмаган хизматлар) суммасининг 70 фоизига тенг миқдорда республика бюджети даромадига қўшимча жарима тўлайдилар.

Ушбу қарорда белгиланган жарималар қўлланилган тақдирда, ташқи савдо операциялари бўйича муддати ўтказиб юборилган дебитор қарздорлик ундирилиши муддатларидан қатъи назар, айни бир предмет бўйича қарздорлик ва товарлар (ишлар, хизматлар)нинг амалдаги экспорти ҳажми бўйича тадбиркорлик субъектларига такрорий санкциялар қўлланилмайди;

г) ташқи савдо контрактининг суғурта полиси бўйича суғурта қопламаси суммаси (миллий ва (ёки) хорижий валюталарда) тадбиркорлик субъектлари ҳисоб рақамига тушганда ушбу ташқи савдо контракти бўйича дебитор қарздорлик суммаси молиявий санкцияларни қўллаш мақсадлари учун тушган суғурта қопламаси суммасига камайтирилади».

2. Вазирлар Маҳкамасининг 2003 йил 30 сентябрдаги 416-сон қарори (Ўзбекистон Республикаси ҚТ, 2003 й., 9-сон, 92-модда) билан тасдиқланган Ташқи савдо операциялари устидан мониторинг олиб бориш тартиби тўғрисидаги Низомда:

а) 2-бандга қуйидаги мазмундаги хатбоши қўшилсин:

«инвойс — товарлар (ишлар ва хизматлар) экспортига счёт-фактура;

б) II бобнинг номига «Ташқи савдо контрактларига» сўзларидан кейин «ва инвойс» сўзлари қўшилсин;

в) қуйидаги мазмундаги 4¹ банд қўшилсин:

«4¹. Божхона расмийлаштируви мақсадлари учун инвойсларда қуйидаги асосий маълумотлар бўлиши керак:

экспорт қилувчининг (импорт қилувчининг) номи ва унинг реквизитлари;

инвойс суммаси;

экспорт қилувчининг идентификация рақами (СТИР);

товарлар (ишлар, хизматлар) номи;

товарлар (ишлар, хизматлар)нинг ўлчов бирлиги;

товарлар (ишлар, хизматлар) миқдори;

товарлар (ишлар, хизматлар) нархи;

товарлар (ишлар, хизматлар)ни етказиб бериш қиймати;

ИНКОТЕРМС бўйича етказиб бериш шартлари;

ташиш тури.

Инвойслар экспорт қилувчининг (мавжуд бўлганда) имзоси ва муҳри билан тасдиқланиши керак;

г) 8-банднинг учинчи хатбошига қуйидаги мазмундаги жумла қўшилсин:

«Бунда маълумотнома фақат Ўзбекистон Республикаси Президентининг «Ташқи савдо фаолиятини янада эркинлаштириш ва тадбиркорлик субъектларини қўллаб-қувватлаш чора-тадбирлари тўғрисида» 2017 йил 3 ноябрдаги ПҚ-3351-сон қарорига иловада кўрсатилган янги узилган мева-сабзавот маҳсулотлари ва хом ашё товарларини экспорт қилишда (кейинги ўринларда хом ашё товарлари деб аталади) ва инвойс асосида экспорт қилишда расмийлаштирилади»;

д) 10-бандга қуйидаги мазмундаги хатбоши қўшилсин:

«Бунда экспортга божхона расмийлаштируви, инвойс асосида экспорт қилинадиган хом ашё товарлари ва товарлардан ташқари, ТСОЯЭАга ҳисоб-китоблар тўғрисидаги маълумотномаларсиз амалга оширилади»;

е) қуйидаги мазмундаги 12²-банд қўшилсин:

«Экспорт қилувчилар товарлар (хом ашё товарлари бундан мустасно), ишлар ва хизматлар) экспортини тўлиқ тўлов уларнинг Ўзбекистон Республикаси тижорат банкларидаги ҳисоб рақамига тушгандан ва ушбу ахборот ТСОЯЭАТга киритилгандан кейин экспорт контрактисиз инвойс асосида амалга ошириш ҳуқуқига эга бўладилар.

Бунда янги узилган мева-сабзавот маҳсулотлари, узум, полиз маҳсулотлари, дуккакликлар, шунингдек, қуритилган сабзавотлар ва меваларни экспорт қилиш экспорт божхона декларацияси расмийлаштирилган кунда Ўзбекистон Республикаси Марказий банкининг курси бўйича 20 минг АҚШ долларига тенг бўлган миқдордан ортиқ бўлмаган суммага амалга оширилади»;

ж) 14-банд қуйидаги таҳрирда баён қилинсин:

«14.Экспорт операциялари бўйича тушум тушиши ёки товарларни қайта олиб кириш муддати:

муассислар — Ўзбекистон Республикаси резидентлари томонидан чет элдаги ташкилотларга (савдо уйлари, савдо ваколатхоналари, шуъба корхоналар, фирма дўконлар, дилерлик шохобчалари ва консигнация омборлари), шунингдек — Ўзбекистон Республикаси Савдо-саноат палатаси аъзолари — хўжалик юритувчи субъектлар томонидан Палатанинг савдо-инвестиция уйлари номига олиб чиқилаётган товарлар амалда экспорт қилинган кундан бошлаб 180 кундан;

қолган экспорт қилувчилар учун товарлар, ишлар ва хизматлар амалда экспорт қилинган кундан бошлаб 120 кундан ошиб кетмаслиги керак.

Бунда енгиб бўлмайдиган куч (форс-мажор) таъсири юзага келган ҳолатда хорижий валютадаги тушумнинг тушиши муддати ушбу таъсир юз берган давлатнинг ваколатли органи томонидан тасдиқланган, енгиб бўлмайдиган кучнинг амал қилиши даврига узайтирилади».

з) 17-банд қуйидаги таҳрирда баён қилинсин:

«17. Чет элдан хорижий валютадаги тушум тушиши кечиктирилишига йўл қўйган экспорт қилувчилар, шунингдек, «эркин муомала учун чиқариш» режимида товарларни республикага олиб кириш ва расмийлаштиришни, ишларни бажариш ва хизматлар кўрсатишни 30 банк кунидан ортиқ таъминламаган импорт қилувчилар (кичик бизнес ва хусусий тадбиркорлик субъектлари учун — 60 банк куни) белгиланган муддатлар тамом бўлгандан кейин:

белгиланган муддатлардан 180 кунгача кечикканда — тушмаган валюта маблағлари ёки «эркин муомала учун чиқариш» режимида расмийлаштирилмаган товарлар (бажарилмаган ишлар, кўрсатилмаган хизматлар) суммасининг 10 фоизига тенг миқдорда;

белгиланган муддатлардан 180 кундан 365 кунгача кечикканда — тушмаган валюта маблағлари ёки «эркин муомала учун чиқариш» режимида расмийлаштирилмаган товарлар (бажарилмаган ишлар, кўрсатилмаган хизматлар) суммасининг 20 фоизига тенг миқдорда қўшимча;

белгиланган муддатлардан 365 кундан ортиқ кечикканда — тушмаган валюта маблағлари ёки «эркин муомала учун чиқариш» режимида расмийлаштирилмаган товарлар (бажарилмаган ишлар, кўрсатилмаган хизматлар) суммасининг 70 фоизига тенг миқдорда республика бюджети даромадига қўшимча жарима тўлайдилар.

Ушбу Низомда белгиланган жарима санкциялари қўлланилган тақдирда, ташқи савдо операциялари бўйича муддати ўтказиб юборилган дебитор қарздорлик ундирилиши муддатларидан қатъи назар, айни бир қарздорлик предмети ва товарлар (ишлар, хизматлар)нинг амалдаги экспорти ҳажми бўйича экспорт қилувчига такрорий санкциялар қўлланилмайди.

Экспорт контрактининг суғурта полиси бўйича суғурта қопламаси суммаси (миллий ва (ёки) хорижий валюталарда) экспорт қилувчининг ҳисоб рақамига тушганда, ушбу экспорт контракти бўйича дебитор қарздорлик суммаси молиявий санкцияларни қўллаш мақсадлари учун тушган суғурта қопламаси суммасига камайтирилади»;

и) 2-иловага қуйидаги мазмундаги «г» банд қўшилсин:

«г) инвойс бўйича умумий маълумот *:

экспорт қилувчининг (импорт қилувчининг) номи ва унинг реквизитлари;

инвойс суммаси;

экспорт қилувчининг идентификация рақами (СТИР);

товарлар (ишлар, хизматлар) номи;

товарлар (ишлар, хизматлар)нинг ўлчов бирлиги;

товарлар (ишлар, хизматлар) миқдори;

товарлар (ишлар, хизматлар) нархи;

товарлар (ишлар, хизматлар)ни етказиб бериш қиймати;

ИНКОТЕРМС бўйича етказиб бериш шартлари;

ташиш тури».

3. Вазирлар Маҳкамасининг 2005 йил 9 августдаги 189-сон қарори (Ўзбекистон Республикаси ҚТ, 2005 й., 8-сон, 40-модда) билан тасдиқланган Ўзбекистон Республикасининг хўжалик юритувчи субъектлари томонидан хорижий мамлакатлардаги улар ташкил этган савдо уйлари, ваколатхоналар, корхоналар орқали, шунингдек Ўзбекистон Республикаси савдо-саноат палатасининг хорижий мамлакатлардаги савдо-инвестиция уйлари орқали олиб чиқилаётган товарларни божхонада расмийлаштириш тартиби тўғрисидаги Низомнинг 5-банди қуйидаги таҳрирда баён қилинсин:

«5. Божхона расмийлаштируви кунидан бошлаб 180 кун мобайнида экспорт қилувчи у томонидан шартномалар (контрактлар) асосида чет элдаги корхоналар манзилига олиб чиқиб кетилган товарлар бўйича валюта тушуми тушишини таъминлаши, ёхуд ушбу товарларни Ўзбекистон Республикаси ҳудудига қайтариши керак.

Бунда енгиб бўлмайдиган куч (форс-мажор) таъсири юзага келган ҳолатда хорижий валютадаги тушумнинг тушиши муддати ушбу таъсир юз берган давлатнинг ваколатли органи томонидан тасдиқланган, енгиб бўлмайдиган кучнинг амал қилиши даврига узайтирилади;

Чет элдан хорижий валютадаги тушум тушиши 30 банк кунидан ортиқ (кичик бизнес ва хусусий тадбиркорлик субъектлари учун — 60 банк куни) кечиктирилишига йўл қўйган экспорт қилувчига белгиланган муддатлар тамом бўлгандан кейин солиқ органлари томонидан:

валюта тушуми тушиши белгиланган муддатлардан 180 кунгача кечикканда — тушмаган валюта маблағлари суммасининг 10 фоизига тенг миқдорда;

валюта тушуми тушиши белгиланган муддатлардан 180 кундан 365 кунгача кечикканда — тушмаган валюта маблағлари суммасининг 20 фоизига тенг миқдорда қўшимча;

валюта тушуми тушиши белгиланган муддатлардан 365 кундан ортиқ кечикканда -тушмаган валюта маблағлари суммасининг 70 фоизига тенг миқдорда қўшимча санкциялар қўлланилади.

Чет элдан хорижий валютадаги тушум тушиши 30 банк кунидан ортиқ (кичик бизнес ва хусусий тадбиркорлик субъектлари учун — 60 банк куни) кечиктирилишига йўл қўйган экспорт қилувчига белгиланган муддатлар тамом бўлгандан кейин солиқ органлари томонидан:

Кўрсатиб ўтилган ҳужжатлар шартномани (контрактни) божхона органида ҳисобдан чиқариш учун асос ҳисобланади. Бунда экспорт қилувчига молиявий санкциялар қўлланилмайди.

Экспорт контрактининг суғурта полиси бўйича суғурта қопламаси суммаси (миллий ва (ёки) хорижий валюталарда) экспорт қилувчининг ҳисоб рақамига тушганда ушбу экспорт контракти бўйича дебитор қарздорлик суммаси молиявий санкцияларни қўллаш мақсадлари учун тушган суғурта қопламаси суммасига камайтирилади».

4. Вазирлар Маҳкамасининг «Ўзбекистон Республикасида ташқи савдо операциялари мониторингини такомиллаштиришга доир қўшимча чора-тадбирлар тўғрисида» 2014 йил 21 июлдаги 199-сон қарорининг 2-банди иккинчи хатбошига «ташқи савдо контрактлари» сўзларидан кейин «ва инвойс» сўзлари қўшилсин.

1. Вазирлар Маҳкамасининг «Тадбиркорлик субъектлари — импортёрлар томонидан Ўзбекистон Республикасининг божхона ҳудудига бож тўловлари бўйича имтиёзлар қўлланган ҳолда олиб кириладиган товарларнинг божхона қийматини тасдиқлаш тартиби тўғрисидаги низомни тасдиқлаш ҳақида» 2013 йил 22 майдаги 139-сон қарори (Ўзбекистон Республикаси ҚТ, 2013 й., 5-сон, 31-модда).

2. Вазирлар Маҳкамасининг 2015 йил 20 июлдаги 197-сон қарори (Ўзбекистон Республикаси ҚТ, 2015 й., 7-сон, 61-модда) билан тасдиқланган Экспорт-импорт операцияларини амалга оширишда давлат божхона хизмати органларига тақдим этиладиган ҳужжатлар рўйхати II бўлимининг 2-банди.

3. Вазирлар Маҳкамасининг «Янги ва қайта ишланган мева-сабзавот маҳсулотларини экспорт қилиш тартиби тўғрисидаги низомни тасдиқлаш ҳақида» 2016 йил 15 июндаги 207-сон қарорининг 1-моддаси (Ўзбекистон Республикаси ҚТ, 2016 й., 6-сон, 56-модда) ва қарорга 1-илова.

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикасининг «Ўзбекистон Республикасининг Божхона кодексини тасдиқлаш тўғрисида» 2016 йил 20 январдаги ЎРҚ-400-сон ҳамда «Ўзбекистон Республикасининг Божхона кодекси қабул қилиниши муносабати билан Ўзбекистон Республикасининг айрим қонун ҳужжатларига ўзгартишлар киритиш, шунингдек баъзиларини ўз кучини йўқотган деб топиш тўғрисида» 2016 йил 20 январдаги ЎРҚ-401-сон қонунлари)» 2016 йил 20 июндаги 211-сон қарорига (Ўзбекистон Республикаси ҚТ, 2016 й., 6-сон, 59-модда) 1-илованинг 20-банди.

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Мева-сабзавот, узум ва полиз маҳсулотларини экспорт қилишни рағбатлантиришга доир қўшимча чора-тадбирлар тўғрисида» 2016 йил 19 сентябрдаги ПҚ-2603-сон қарори)» 2016 йил 14 ноябрдаги 385-сон қарорига (Ўзбекистон Республикаси ҚТ, 2016 й., 11-сон, 102-модда) илованинг 3-банди.