Ўзбекистон Республикаси Президентининг 2009 йил 28 январдаги ПҚ-1050-сон «Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисида»ги қарорига мувофиқ Ўзбекистон Республикаси Молия вазирлиги, Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Давлат солиқ қўмитаси ва Давлат божхона қўмитаси қарор қилади:

1. Ўзбекистон Республикаси Молия вазирлиги, Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Давлат солиқ қўмитаси, Давлат божхона қўмитасининг 2009 йил 10 мартдаги 32, 69, ЭГ-01/10-1559, 2009-16 ва 01-02/8-5-сонли қарори (рўйхат рақами 1932, 2009 йил 31 март) (Ўзбекистон Республикаси қонун ҳужжатлари тўплами, 2009 й., 14-сон, 167-модда) билан тасдиқланган Ноозиқ-овқат истеъмол товарларини ишлаб чиқаришга ихтисослашган корхоналар томонидан солиқ ва божхона имтиёзларини қўллаш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

1. 1-банднинг биринчи хатбошиси қуйидаги таҳрирда баён этилсин:

«Ўзбекистон Республикаси Президентининг 2009 йил 28 январдаги ПҚ-1050-сон «Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисида»ги қарорига мувофиқ, ушбу Низомнинг 1-иловасида келтирилган ноозиқ-овқат истеъмол товарларини ишлаб чиқаришга ихтисослашган корхоналар жумласига сотув умумий ҳажмида ушбу товарларни ишлаб чиқаришдан тушум улуши ҳисобот даври якунлари бўйича камида 60 фоизни ташкил этадиган корхоналар киради. Ушбу корхоналарга қуйидаги кўринишдаги солиқ ва божхона имтиёзлари ва преференциялар берилади:».

2. 2-банднинг биринчи хатбошиси «Ушбу Низомнинг 1-банди «а» кичик бандида кўрсатилган имтиёзлар» деган сўзлардан кейин «(божхона тўловлари бўйича имтиёзлардан ташқари)» деган сўзлар билан тўлдирилсин.

3. 5-банднинг иккинчи хатбошиси чиқариб ташлансин.

4. 1-иловада:

а) V боб қуйидаги таҳрирда баён этилсин:

б) VIII боб қуйидаги таҳрирда баён этилсин:

в) XI бобдан «Чарм кийимлар» сатри чиқариб ташлансин.

г) XII бобда:

«Санитария-гигиена ювиш воситалари» сатри «(идишлар ва ойна ювиш учун воситалар, ванна хоналар (кафель, ванна, унитаз) учун тозалаш воситалари, кир ювиш кукуни, оқартириш воситалари, хўжалик совуни)» деган сўзлар билан тўлдирилсин;

«Нам салфеткалар» сатри билан тўлдирилсин.