Ўзбекистон Республикаси Вазирлар Маҳкамасининг «2013 — 2018 йилларда замонавий маданият ва аҳоли дам олиш марказларини ташкил этиш чора-тадбирлари тўғрисида» 2013 йил 25 июндаги 178-сон қарорига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартиришлар ва қўшимча киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.

2. Вазирлар Маҳкамасининг 2008 йил 19 январдаги 10-сон қарори (Ўзбекистон Республикаси ҚТ, 2008 й., 1-сон, 2-модда) билан тасдиқланган Асарлар оммавий ижро этилганлиги учун муаллифлик ҳақининг энг кам ставкалари тўғрисидаги низомда:

а) I бўлимнинг 23-бандидаги «клублар» сўзи «маданият ва аҳоли дам олиш марказлари» сўзлари билан алмаштирилсин;

б) III бўлимнинг 1-бандидаги «клублар, маданият уйлари ва саройлари» сўзлари «маданият ва аҳоли дам олиш марказлари» сўзлари билан алмаштирилсин.

4. Вазирлар Маҳкамасининг 2009 йил 24 июндаги 177-сон қарори (Ўзбекистон Республикаси ҚТ, 2009 й., 6-сон, 51-модда) билан тасдиқланган Иш берувчининг фуқаролик жавобгарлигини мажбурий суғурта қилиш қоидаларига 9-иловадаги Иш берувчининг фаолияти турлари хавфлилиги даражалари таснифи ва иш берувчининг фуқаролик жавобгарлигини мажбурий суғурта қилиш бўйича суғурта тарифлари коэффициентларининг 29-бандидаги «Маданият саройлари ва уйлари, доимий ва кўчма клублар (автоклублар, клуб-вагонлар, сузувчи маданий базалар ва бошқалар)» сўзлари «Маданият ва аҳоли дам олиш марказлари» сўзлари билан алмаштирилсин.

5. Вазирлар Маҳкамасининг «Давлат мулки объектларидан келгусида самарали фойдаланиш ва уларни тасарруф этиш бўйича қўшимча чора-тадбирлар тўғрисида» 2012 йил 31 майдаги 154-сон қарорида:

а) 1-илованинг 139 ва 260-қаторлари ўз кучини йўқотган деб ҳисоблансин;

б) 2-илованинг 18, 140, 141, 154, 364, 369 ва 380-қаторлари ўз кучини йўқотган деб ҳисоблансин.