LexUZ шарҳи
Мазкур Фармон Ўзбекистон Республикаси Президентининг 2020 йил 27 сентябрдаги ПФ-6075-сонли «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида»ги Фармонига асосан ўз кучини йўқотган.
Тайёр маҳсулот (хизматлар)нинг ташқи бозорларга кириб боришига кўмаклашиш, шунингдек экспортга маҳсулот ишлаб чиқарувчи корхоналарга кредит бериш механизмини яратиш мақсадида:
1. 1996 йил 1 апрелдан бошлаб товарларга уларнинг товар ишлаб чиқарувчилар томонидан чуқур ишланишига боғлиқ равишда бож пошлиналарининг табақалаштирилган ставкалари белгилансин.
Олдинги таҳрирга қаранг.
(2-банд Ўзбекистон Республикаси Президентининг 1997 йил 10 октябрдаги ПФ-1871-сонли Фармонига мувофиқ ўз кучини йўқотган)
Олдинги таҳрирга қаранг.
(3-банд Ўзбекистон Республикаси Президентининг 2000 йил 2 августдаги ПФ-2677-сонли Фармонига мувофиқ ўз кучини йўқотган — Олий Мажлисининг Ахборотномаси, 2000 й., 7-8-сон, 241-модда)
Олдинги таҳрирга қаранг.
(4-банд Ўзбекистон Республикаси Президентининг 2001 йил 14 майдаги ПФ-2841-сонли Фармонига мувофиқ ўз кучини йўқотган — Олий Мажлис Ахборотномаси, 2001 й., 5-сон, 105-модда)
5. Экспорт қилинадиган маҳсулотлар ишлаб чиқарувчи корхоналарни қўллаб-қувватлаш учун зарур техник-иқтисодий асослашлар мавжуд бўлган тақдирда уч йил муддатга махсус фоизсиз заёмлар бериш тавсия этилсин.
6. Ўзбекистон Республикаси Молия вазирлиги Марказий банк билан биргаликда экспорт қилинадиган маҳсулотлар ишлаб чиқариш учун махсус фоизсиз заёмлар манбалари ҳақида таклиф киритсин.
7. Мазкур Фармоннинг 2, 3, 4, 5-бандларида назарда тутилган имтиёзлар воситачи ташкилотларга, шунингдек экспорт қилинадиган хом ашё: пахта толаси, линт, нефть, нефть маҳсулотлари, электр энергияси, газ конденсати, табиий газ, қимматбаҳо, рангли ва қора металлар, ип-калава ишлаб чиқарувчи корхоналарга татбиқ этилмайди.
8. Ўзбекистон Республикаси Президентининг 1994 йил 17 июндаги ПФ–872-сон Фармонининг 2, 3, 4, 5, 6-бандлари ўз кучини йўқотган деб ҳисоблансин.
икки ҳафта муддатда Ўзбекистон Республикаси қонун ҳужжатларига мазкур Фармондан келиб чиқувчи ўзгартириш ва қўшимчалар киритиш ҳақидаги таклифларни тайёрласин.