LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
LexUZ шарҳи
Мазкур қарорнинг шоли экиладиган майдонларга оид қисми Ўзбекистон Республикаси Вазирлар Маҳкамасининг 1998 йил 15 январдаги 25-сонли «1998 йилда шоли экиладиган майдонлар тўғрисида»ги қарорига мувофиқ ўз кучини йўқотган.
Алмашлаб экиш схемаларини яхшилаш, ерлардан самарали фойдаланиш ва қишлоқ хўжалиги корхоналари ишидаги самарадорликни ошириш мақсадида Вазирлар Маҳкамаси қарор қилади:
1. Қорақалпоғистон Республикаси Вазирлар Кенгаши, вилоятлар ҳокимликлари, Қишлоқ ва сув хўжалиги вазирлиги, Ўзбекистон Қишлоқ хўжалиги илмий-ишлаб чиқариш марказининг 1998—2000 йилларда Қорақалпоғистон Республикаси ва вилоятлар бўйича иловага мувофиқ пахта майдонлари — 1500 минг гектар, суғориладиган ерларда бошоқли дон экинлари майдонларини — 1000 минг гектар, лалми ерларда — 310 минг гектар, шоли майдонларини — 170 минг гектар ва картошка майдонларини — 27 минг гектар этиб сақлаб қолиш мақсадга мувофиқлиги ҳақидаги таклифига розилик берилсин.
Хўжаликларга ва маҳаллий бошқарув органларига бошқа қишлоқ хўжалиги экинлари экиш майдонларини мустақил белгилаш ҳуқуқи берилсин. Янги ерларни ўзлаштириш ҳисобига кўпайган майдонлардан асосан озуқа экинлари экишни кенгайтириш учун фойдаланилсин.
2. Ўзбекистон Республикаси Макроиқтисодиёт ва статистика вазирлиги ҳамда Қишлоқ ва сув хўжалиги вазирлиги 1998—2000 йилларда қишлоқ хўжалигини ривожлантиришнинг прогноз кўрсаткичларини ишлаб чиқишда ушбу қарорга амал қилсинлар.
3. Суғориладиган ерлардан юқори самарали фойдаланишини ташкил этиш, қишлоқ хўжалиги экинларидан юқори ҳосил олиш ва шу асосда қишлоқ хўжалиги маҳсулотлари ҳажмларини амалда кўпайтириш Қишлоқ ва сув хўжалиги вазирлиги, Ўзбекистон Қишлоқ хўжалиги илмий-ишлаб чиқариш маркази, «Ўзмевасабзавотузумсаноат» уюшмаси, «Ўзқишлоқхўжаликтаъминоттузатиш» давлат-кооператив қўмитаси, Қорақалпоғистон Республикаси Вазирлар Кенгаши, вилоятлар ва туманлар ҳокимликларининг биринчи даражали вазифалари деб ҳисоблансин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Муҳитдинов зиммасига юклансин.
Пахта | Бошоқли дон экинлари | Шоли | Картошка | |||
жами | шу жумладан | |||||
суғориладиган ерларда | лалми ерларда | |||||
Қорақалпоғистон Республикаси | 145 | 28 | 28 | 99 | 0,3 | |
вилоятлар: | ||||||
Андижон | 110 | 70 | 70 | 1 | 2 | |
Бухоро | 129 | 60 | 60 | 0,2 | 0,5 | |
Жиззах | 111 | 201 | 101 | 100 | 0,3 | 1,3 |
Қашқадарё | 173 | 244 | 152 | 92 | 0,1 | 1,8 |
Навоий | 44 | 37 | 35 | 2 | 0,2 | 0,4 |
Наманган | 95 | 70 | 70 | 3,2 | 2,8 | |
Самарқанд | 97 | 167 | 93 | 74 | 1 | 5,2 |
Сурхондарё | 120 | 111 | 96 | 15 | 5,6 | 0,7 |
Сирдарё | 141 | 99 | 89 | 10 | 7 | 0,3 |
Тошкент | 108 | 115 | 98 | 17 | 11,4 | 7 |
Фарғона | 127 | 92 | 92 | 1 | 3,2 | |
Хоразм | 100 | 16 | 16 | 40 | 1,5 | |
Жами | 1500 | 1310 | 1000 | 310 | 170 | 27 |