LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Вазирлар Маҳкамаси қайд этадики, Марказий банк, Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, тижорат банклари, солиқ органлари ҳамда пулли хизматлар кўрсатувчи бошқа вазирликлар ва идоралар томонидан Ўзбекистон Республикаси Вазирлар Маҳкамасининг «Нақд пул маблағлари эмиссиясини қисқартириш чора-тадбирлари тўғрисида» 1996 йил 2 июлдаги 230-сон қарори билан белгиланган параметрларни бажаришга оид изчил чора-тадбирлар амалга оширилди. Умуман республика ва Тошкент шаҳри бўйича нақд пул маблағлари эмиссияси даражасини пасайтиришнинг прогноз кўрсаткичларини бажаришга эришилди.
Шу билан бирга, Қорақалпоғистон Республикаси ва кўпгина вилоятлар ҳокимликлари нақд пул маблағлари эмиссияси даражасини пасайтиришга доир белгиланган прогнозларнинг бажарилишини таъминлай олмадилар.
Кўрсатиб ўтилган қарорнинг 4-бандига ва «Республика минтақаларида нақд пул маблағлари эмиссияси даражасини пасайтириш прогнозлари ва касса режалари бажарилиши учун раҳбарлар ва мансабдор шахсларнинг жавобгарлигини ошириш ва уларни рағбатлантириш тартиби тўғрисида Низом»га мувофиқ касса прогнозларининг 1996 йил июль ойидаги бажарилиш натижалари юзасидан Вазирлар Маҳкамаси қарор қилади:
1. Ўзбекистон Республикаси Марказий банки, тижорат банклари ва Давлат солиқ қўмитасининг ўз минтақавий бўлинмалари мансабдор шахсларига нисбатан кўрсатиб ўтилган Низомга мувофиқ тегишли чоралар кўриш тўғрисидаги қарорлари маълумот учун қабул қилинсин.
2. Тошкент шаҳар ҳокими К.Н. Тўлаганов, унинг ўринбосарлари — Р.Ф. Файзуллаев ва Р.М. Шоабдураҳмонов 1996 йилнинг июль ойидаги касса режаси ҳамда нақд пул эмиссияси даражасини пасайтириш прогнозларини ошириб бажарганликлари учун ойлик лавозим маошининг 30 фоизи миқдорида мукофотлансинлар.
3. Қорақалпоғистон Республикаси Вазирлар Кенгашининг Раиси ва унинг ўринбосарларига, шунингдек вилоятларнинг ҳокимлари ва уларнинг ўринбосарларига нақд пул маблағлари эмиссияси даражасининг ҳамда касса режаларининг белгиланган прогнозларини бажармаганликлари учун ойлик лавозим маошига нисбатан иловага мувофиқ миқдорларда жарима солинсин.
4. Қорақалпоғистон Республикаси Вазирлар Кенгаши Раисининг, вилоятлар, шаҳарлар ва туманлар ҳокимларининг, шунингдек «Ўзбексавдо», «Ўзмаишийхизмат», Ўзбекбирлашув уюшмалари, «Ўзавтотранс» корпорацияси, Алоқа вазирлиги, Коммунал хизмат кўрсатиш вазирлиги, «Тошшаҳарйўловчитранс» уюшмаси ҳамда Ўзбекистон Республикаси бошқа вазирликлари ва идоралари раҳбарларининг эътибори жойлардаги истеъмол бозорини кундалик эҳтиёж товарлари билан тўлдириш, пулли хизматлар кўрсатиш соҳасини кенгайтириш ва нақд пулларнинг айланишини жадаллаштириш ҳисобига аҳолига жорий тўловларни таъминлаш бўйича ишларнинг қониқарсизлигига қаратилсин.
5. Пул-кредит сиёсати бўйича республика комиссияси (Ф.М. Муллажонов) ва Давлат солиқ қўмитаси (Ш.К. Гатаулин) вилоятлар, шаҳарлар ва туманларда эмиссия даражасини пасайтириш прогнозларининг изчил бажарилиши устидан назоратни кучайтирсинлар. Нақд пулларнинг банкдан ташқари муомалада бўлишини кескин камайтириш, хўжалик юритувчи субъектларга тушумларни тўлиқ ва ўз вақтида инкассация қилиш бўйича қўшимча рағбатлар яратиш юзасидан аниқ чора-тадбирларни ўн кун муддатда ишлаб чиқсинлар.
6. Мазкур қарорнинг бажарилишини назорат қилиш Ўзбекистон Республикаси Президентининг Давлат маслаҳатчиси Т.А. Алимов зиммасига юклансин.
Вилоятлар номи | Вазирлар Кенгашининг раиси ва ҳокимлар | Ҳокимларнинг иқтисодий масалалар бўйича ўринбосарлари | Ҳокимларнинг халқ истеъмол товарлари, савдо ва пулли хизматлар бўйича ўринбосарлари | Жарима миқдори, иш ҳақига нисбатан фоизларда |
Қорақалпоғистон Республикаси | Авезматов С.Й. | Қошқарбоев Д. | Бектурдиев Б. | 10 |
Андижон | Обидов К.Ғ. | Иброҳимов Ш.Ғ. | Қаюмов М.К. | 20 |
Бухоро | Рахмонов М.Р. | Тўхтаев Ф.Н. | Жданов В.В. | 20 |
Жиззах | Тошкенбоев А.Х. | Ҳакимов З.Х. | Узоқов Б.У. | 20 |
Қашқадарё | Пармонов О.Д. | Насимов Р.Н. | Лихин А.Л. | 20 |
Навоий | Ғаффоров Ҳ.Р. | Ҳалимов А.Р. | Бердиев Э.Ш. | 20 |
Наманган | Рапиғалиев Б. | Нажмиддинов И.Ҳ. | Маматқулов Э.Р. | 20 |
Самарқанд | Мардиев А.М. | Умаров А.У. | Умаров Ш.Х. | 20 |
Сирдарё | Ҳасанов Ғ.Б. | Кровнов А.Н. | Раҳимов Т.А. | 20 |
Сурхондарё | Норалиев Ж. | Аҳмедов А.А. | Аҳмедов Н.Х. | 20 |
Тошкент | Рўзиев Э.М. | Ҳосилов Б.А. | Асадов Ҳ. | 20 |
Фарғона | Исломов М.Й. | Ҳайдаров Ҳ.Ў. | Эргашев Б.М. | 20 |
Хоразм | Юсупов И. | Султонов Ж.С. | Раҳимов Қ. | 20 |