LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Зарафшон дарёси ҳавзасида сув хўжалиги ва экология жиҳатидан кескин вазият вужудга келганлиги муносабати билан хамда Самарқанд, Навоий ва Бухоро вилоятларида санитария-эпидемиологик ҳолат ёмонлашишининг олдини олиш мақсадида Вазирлар Маҳкамаси қарор қилади:
1. Зарафшон дарёси ҳавзасида экологик ва санитария-эпидемиологик вазиятни яхшилаш, хавфли юкларни Ўзбекистон Республикаси ҳудуди орқали транспортда ташишда бўлиши мумкин бўлган фавқулодда вазиятларнинг олдини олиш ва бартараф этиш бўйича чора-тадбирлар иловага* мувофиқ тасдиқлансин.
* Илова рус тилидаги матнда берилган.
2. Вазирлар Маҳкамасининг 2001 йил 3 майдаги фармойиши билан ташкил этилган Зарафшон дарёси ҳавзасида экологик ва санитария-эпидемиологик вазиятни яхшилаш бўйича идоралараро ишчи комиссия:
вазирликлар, идоралар, хўжалик бирлашмалари, Самарқанд, Навоий ва Бухоро вилоятлари ҳокимликлари раҳбарларининг мўлжалланган чора-тадбирларнинг амалга оширилиши тўғрисидаги ҳисоботларини мунтазам равишда эшитиб борсин;
тасдиқланган чора-тадбирларнинг бажарилиши юзасидан ҳар бир ярим йиллик якунлари бўйича Вазирлар Маҳкамасига ахборот берсин.