Qurilishda muhandislik qidiruvlari, geoaxborot va shaharsozlik kadastri sohasida yagona texnika siyosatini ta’minlash, tarmoq geofondini yuritish hamda iqtisodiyot tarmoqlari obyektlarini loyihalash, qurish va ulardan foydalanish ma’lumotlari davlat bazasini yaratish maqsadida Vazirlar Mahkamasi qaror qiladi:
1. O‘zbekiston Respublikasi Davlat arxitektura va qurilish qo‘mitasi, Davlat mulki qo‘mitasi hamda “O‘zbekiston muhandislik-texnik qidiruvlar bosh instituti” ochiq aksiyadorlik jamiyatining O‘zbekiston Respublikasi Davlat arxitektura va qurilish qo‘mitasi huzurida “O‘zbekiston muhandislik-texnik qidiruvlar bosh instituti” ochiq aksiyadorlik jamiyati va “Toshkenttadqiqot” Toshkent davlat muhandislik-texnik qidiruvlar institutini birlashtirish yo‘li bilan, davlat unitar korxonasi shaklida Qurilishda muhandislik qidiruvlari, geoaxborot va shaharsozlik kadastri davlat institutini tashkil etish to‘g‘risidagi taklifi qabul qilinsin.
Oldingi tahrirga qarang.
(2-band birinchi xatboshi O‘zbekiston Respublikasi Vazirlar Mahkamasining 2010-yil 13-maydagi 90-sonli qarori tahririda — O‘R QHT, 2010-y., 18-19-son, 141-modda)
muhandislik-texnik qidiruvlar, geoaxborot va davlat shaharsozlik kadastri sohasida yagona ilmiy va texnika siyosatini yuritish bo‘yicha bosh tashkilot funksiyalarini amalga oshirish;
tegishli hududlarni shaharsozlik jihatidan rivojlantirish bo‘yicha qarorlar qabul qilish uchun davlat hokimiyati va boshqaruvi organlarini shaharsozlik geoaxborotlari bilan ta’minlash;
iqtisodiyot tarmoqlari obyektlarini loyihalash, qurish va ulardan foydalanishni ta’minlash uchun muhandislik qidiruvlari bajarilishi monitoringini yuritish;
ilgari turli tashkilotlar tomonidan bajarilgan muhandislik-texnik qidiruvlar materiallarini kelgusida ulardan samarali foydalanish uchun jamlash, turkumlash va arxivga joylash;
O‘zbekiston Respublikasining muhandislik-texnik qidiruvlar elektron geofondini tashkil etish va yuritish;
yuridik va jismoniy shaxslarning buyurtmalari bo‘yicha, shartnoma asosida O‘zbekiston Respublikasi hududida binolar va inshootlardan foydalanishning ishonchliligi bo‘yicha muhandislik-texnik qidiruvlar, tadqiqotlar o‘tkazish.
Oldingi tahrirga qarang.
(3-band O‘zbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan o‘z kuchini yo‘qotgan — O‘R QHT, 2010-y., 18-19-son, 141-modda)
4. O‘zbekiston Respublikasi Davlat arxitektura va qurilish qo‘mitasining Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasining markaziy apparati va sho‘ba korxonalarini, shuningdek uning hududiy bo‘linmalarini ilgari egallab turgan binolariga joylashtirish to‘g‘risidagi taklifiga rozilik berilsin.
Oldingi tahrirga qarang.
“O‘zGAShKLITI” DUK davlat unitar korxonasi “O‘zbekiston muhandislik-texnik qidiruvlar bosh instituti” ochiq aksiyadorlik jamiyati va “Toshkenttadqiqot” Toshkent davlat muhandislik-texnik qidiruvlar institutining huquqiy vorisi hisoblanadi;
(5-band ikkinchi xatboshi O‘zbekiston Respublikasi Vazirlar Mahkamasining 2010-yil 13-maydagi 90-sonli qarori tahririda — O‘R QHT, 2010-y., 18-19-son, 141-modda)
Oldingi tahrirga qarang.
“O‘zGAShKLITI” DUK davlat unitar korxonasi tomonidan qonunchilikda belgilangan tartibda O‘zbekiston Respublikasi muhandislik-texnik qidiruvlar elektron geofondini hamda davlat shaharsozlik kadastrini tashkil etish va yuritish bo‘yicha bajariladigan ishlar O‘zbekiston Respublikasi Qurilish vazirligi hisob-kitoblariga binoan, Moliya vazirligi bilan kelishgan holda davlat budjeti mablag‘lari hisobiga moliyalashtiriladi.
(5-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
6. O‘zbekiston Respublikasi Davlat mulki qo‘mitasi bir oy muddatda yuridik va jismoniy shaxslardan “O‘zbekiston muhandislik-texnik qidiruvlar bosh instituti” ochiq aksiyadorlik jamiyati aksiyalarini, davlat tasarrufidan chiqarish va xususiylashtirishdan tushadigan umumiy mablag‘lar hisobiga, bozor narxi bo‘yicha sotib olishni ta’minlasin.
7. Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasini tashkil qilish bilan bog‘liq masalalarni hal etish uchun 5-ilovaga muvofiq tarkibda komissiya tuzilsin.
Komissiya ikki oy muddatda, qonun hujjatlarida belgilangan tartibda Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasi faoliyatini tashkil etish tadbirlarini amalga oshirishni, shu jumladan:
“O‘zbekiston muhandislik-texnik qidiruvlar bosh instituti” ochiq aksiyadorlik jamiyati va “Toshkenttadqiqot” Toshkent davlat muhandislik-texnik qidiruvlar instituti asosiy fondlarini Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasi balansiga berishni;
Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasi ustavini ishlab chiqish va tasdiqlashni;
Qurilishda muhandislik qidiruvlari, geoaxborot va shaharsozlik kadastri davlat instituti davlat unitar korxonasini davlat ro‘yxatidan o‘tkazishni ta’minlasin.
8. O‘zbekiston Respublikasi Davlat arxitektura va qurilish qo‘mitasi manfaatdor vazirliklar va idoralar bilan birgalikda ikki oy muddatda O‘zbekiston Respublikasida muhandislik-texnik qidiruvlar elektron geofondini yuritish tartibi to‘g‘risidagi hamda muhandislik-texnik qidiruvlarni bajarish sifati ustidan texnik nazorat xizmati to‘g‘risidagi nizomlarni belgilangan tartibda ishlab chiqsin va tasdiqlasin.
Oldingi tahrirga qarang.
(9-band O‘zbekiston Respublikasi Vazirlar Mahkamasining 2022-yil 21-iyuldagi 396-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 22.07.2022-y., 09/22/396/0656-son)
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari N.M. Xanov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan o‘z kuchini yo‘qotgan — O‘R QHT, 2010-y., 18-19-son, 141-modda)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan o‘z kuchini yo‘qotgan — O‘R QHT, 2010-y., 18-19-son, 141-modda)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan o‘z kuchini yo‘qotgan — O‘R QHT, 2010-y., 18-19-son, 141-modda)
Oldingi tahrirga qarang.
(4-ilova O‘zbekiston Respublikasi Vazirlar Mahkamasining 2010-yil 13-maydagi 90-sonli qaroriga asosan o‘z kuchini yo‘qotgan — O‘R QHT, 2010-y., 18-19-son, 141-modda)
Oldingi tahrirga qarang.
Xanov N.M. | — | O‘zbekiston Respublikasi Bosh vazirining o‘rinbosari, komissiya raisi |
Zakirov B.E. | — | Qurilish vazirining birinchi o‘rinbosari, komissiya raisining o‘rinbosari |
Yakovlev I. G. | — | Davlat mulki qo‘mitasi raisining birinchi o‘rinbosari, komissiya raisining o‘rinbosari |
Alixo‘jayev O.S | — | Vazirlar Mahkamasining Kommunal soha, transport, kapital qurilish va qurilish industriyasi masalalari axborot-taxlil departamenti bosh mutaxassisi |
Rozuqulov U. U. | — | Iqtisodiyot vazirining birinchi o‘rinbosari |
Abduraxmanov M. S. | — | Moliya vazirining o‘rinbosari |
Kanyazov E. S. | — | Adliya vazirining o‘rinbosari |
Alimuxamedov B. B. | — | Mehnat va aholini ijtimoiy muhofaza qilish vazirining o‘rinbosari |
Abduazizov A. A. | — | Yer resurslari, geodeziya, kartografiya va davlat kadastri davlat qo‘mitasi raisi |
Usmonov R. J. | — | Toshkent shahar hokimining birinchi o‘rinbosari |
Axmedov I. S. | — | “O‘zbekiston muxandislik-texnik qidiruvlar bosh instituti” ochiq aksiyadorlik jamiyati boshqaruvi raisi |
Magrupov Y. D. | — | “Toshkenttadqiqot” instituti direktori |
Shonazarov Sh. T. | — | “Davarxitektqurilish” qo‘mitasining Arxitektura va shaharsozlik boshqarmasi boshlig‘i, komissiya kotibi |
(5-ilova O‘zbekiston Respublikasi Vazirlar Mahkamasining 2019-yil 14-iyundagi 498-sonli qarori tahririda — Qonun hujjatlari ma’lumotlari milliy bazasi, 20.06.2019-y., 09/19/498/3310-son)
Oldingi tahrirga qarang.
(6-ilova O‘zbekiston Respublikasi Vazirlar Mahkamasining 2022-yil 21-iyuldagi 396-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 22.07.2022-y., 09/22/396/0656-son)