“Radiochastota spektri toʻgʻrisida”gi Oʻzbekiston Respublikasi Qonuni, Maʼmuriy javobgarlik toʻgʻrisidagi Oʻzbekiston Respublikasi kodeksi, Oʻzbekiston Respublikasi Vazirlar Mahkamasining 1998-yil 10-iyuldagi 293-son “Chastota spektridan foydalanish, teleradiodasturlarni shakllantirish va tarqatish hamda maʼlumotlarni uzatish samaradorligini oshirish yuzasidan qoʻshimcha chora-tadbirlar toʻgʻrisida”gi va 2004-yil 7-maydagi 215-son “Oʻzbekiston aloqa va axborotlashtirish agentligi faoliyatini takomillashtirish chora-tadbirlari toʻgʻrisida”gi qarorlariga muvofiq qaror qilamiz:

1. Radioelektron vositalar va yuqori chastotali qurilmalarni Oʻzbekiston Respublikasi hududida olish (berish), loyihalash, qurish (oʻrnatish), ishlatish hamda chet ellardan olib kirish tartibiga rioya qilinishi ustidan nazoratni tashkil etishda vazirlik va idoralarning oʻzaro hamkorligi toʻgʻrisidagi nizom ilovaga* muvofiq tasdiqlansin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

3. Mazkur qaror kuchga kiritilgan kundan boshlab Oʻzbekiston Respublikasi hududida radioelektron vositalar va yuqori chastotali qurilmalarni ekspluatatsiya qilish, olish, ishlab chiqarish va sotish tartibiga rioya qilinishi boʻyicha ishlarni tashkil etish toʻgʻrisidagi nizom (1999-yil 27-iyul, roʻyxat raqami 781) oʻz kuchini yoʻqotgan deb hisoblansin.