Bosqichlarlar

Subyektlar

Tadbirlar

Bajarish muddatlari

1-bosqich

Litsenziya talabgori — yuridik shaxs

1. Litsenziya olish uchun zarur hujjatlarni Geodeziya va kartografiya faoliyatini litsenziyalash to‘g‘risidagi nizomda nazarda tutilgan ro‘yxatga muvofiq tayyorlaydi.

litsenziya talabgorining xohishiga ko‘ra

2. “Yergeodezkadastr” davlat qo‘mitasi hujjatlarni bevosita yoxud ularning olingani to‘g‘risidagi bildirishnoma bilan birga pochta aloqasi vositasi orqali yoki axborot-kommunikatsiya texnologiyalarini qo‘llagan holda elektron shaklda taqdim etadi.

3. “Yergeodezkadastr” davlat qo‘mitasi litsenziya talabgorining arizasi olingandan keyin 20 kun muddatda litsenziya berish yoki litsenziya berishni rad etish to‘g‘risida qaror qabul qilmagan hollarda, belgilangan muddat tugagandan so‘ng litsenziya talabgori “Yergeodezkadastr” davlat qo‘mitasini yozma ravishda xabardor qilgan holda geodeziya (kartografiya) faoliyatini amalga oshirish huquqiga egadir.

2-bosqich

“Yergeodezkadastr” davlat qo‘mitasi

1. Litsenziya olish uchun taqdim etilgan hujjatlar “Yergeodezkadastr” davlat qo‘mitasining mas’ul xodimi tomonidan ro‘yxat bo‘yicha qabul qilinadi, ro‘yxatning nusxasi hujjatlarni qabul qilish sanasi ko‘rsatilgan holda ariza beruvchiga yuboriladi (topshiriladi).

1) hujjatlar qabul qilingan kunda

2. Ekspert xulosasini tayyorlaydi va unga asosan Komissiya qarorining tegishli protokoli bilan litsenziya berish yoki litsenziya berishni rad etish to‘g‘risida qaror qabul qiladi.

Agar, litsenziya talabgorining arizasi olingandan keyin 20 kun muddatda litsenziya berish yoki litsenziya berishni rad etish to‘g‘risida qaror qabul qilmasa, belgilangan muddat tugagandan so‘ng litsenziya talabgorining yozma bildirishnomasini olgandan so‘ng besh ish kunida unga litsenziya berishga majbur.

2) ariza qabul kundan boshlab 20 kundan oshmaydigan muddatda

3. Litsenziya berishni rad etish uchun asos bo‘lgan sabablar bartaraf etilgandan so‘ng litsenziya talabgorlari tomonidan hujjatlar qayta taqdim etilgan holatda, ekspert xulosasini tayyorlaydi va uning asosida Komissiya qarorining tegishli protokoli bilan litsenziya berish yoki litsenziya berishni rad etish to‘g‘risida qaror qabul qiladi.

3) hujjatlar qayta taqdim etilgandan so‘ng 10 kun davomida

3-bosqich

“Yergeodezkadastr” davlat qo‘mitasi

1. Litsenziya talabgorini qabul qilingan qaror to‘g‘risida yozma ravishda xabardor qiladi. Litsenziya berish to‘g‘risida qaror qabul qilingani haqidagi bildirishnoma bilan bir vaqtda litsenziya talabgoriga imzolash uchun litsenziya bitimi yuboriladi.

— tegishli qaror qabul qilgandan so‘ng 3 kun muddatda

2. Litsenziya berishni rad etish to‘g‘risida qaror qabul qilingan taqdirda litsenziya talabgoriga rad etishning aniq sabablari va litsenziya talabgori ko‘rsatilgan kamchiliklarni bartaraf etib, hujjatlarni qayta ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma bildirishnoma yuboriladi (topshiriladi).

Litsenziat

“Yergeodezkadastr” davlat qo‘mitasiga litsenziya berilganligi uchun davlat boji to‘langanligini tasdiqlovchi hujjatni taqdim etadi va litsenziya bitimini imzolaydi. Ushbu shartlar bajarilmagan taqdirda, Komissiya litsenziyani bekor qilish to‘g‘risida qaror qabul qilishga haqlidir.

— litsenziya talabgoriga litsenziya berish to‘g‘risida qaror qabul qilingani haqidagi bildirishnoma yuborilgan vaqtdan boshlab uch oydan kechikmay

4-bosqich

Litsenziya talabgori

1. Litsenziya berishni rad etish uchun asos bo‘lgan sabablar bartaraf etilgan taqdirda hujjatlarni qayta taqdim etish huquqiga ega.

2. Litsenziya talabgorining arizasi qayta ko‘rib chiqilganligi uchun yig‘im undirilmaydi.

3. Litsenziya berish rad etilgani to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.

— litsenziya berish rad etilganligi to‘g‘risidagi bildirishnomada ko‘rsatilgan muddatda

5-bosqich

“Yergeodezkadastr” davlat qo‘mitasi

1. Litsenziat tomonidan litsenziya berilganligi uchun davlat boji to‘langanini tasdiqlovchi hujjat taqdim etilgan hamda litsenziya bitimi imzolangan taqdirda tegishli litsenziya blankalarini rasmiylashtiradi.

2. Litsenziatga rasmiylashtirilgan litsenziyani beradi.

— 1 kun davomida