Respublikaning ilmiy salohiyatini saqlash va mustahkamlash, ilmiy faoliyatni rag‘batlantirish, yuqori malakali ilmiy xodimlar tayyorlash sifatini oshirish hamda olimlar, doktorantlar va aspirantlarni ijtimoiy himoya qilishni ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Fanlar akademiyasi va O‘zbekiston Qishloq xo‘jaligi fanlari akademiyasining haqiqiy a’zosi va muxbir a’zosi unvoni uchun oylik gonorarlar, doktorantlar va aspirantlarning stipendiyalari miqdori shu yilning 1-dekabridan boshlab ilovaga muvofiq belgilansin.
Belgilab qo‘yilsinki, unvonlar uchun gonorarlar va stipendiyalar to‘lash bilan bog‘liq xarajatlar budjet mablag‘lari hisobidan amalga oshiriladi.
2. O‘zbekiston Respublikasi Moliya vazirligi ko‘rsatib o‘tilgan maqsadlar uchun zarur mablag‘lar ajratsin.
3. Vazirlar Mahkamasining 1992-yil 20-iyuldagi 332-son va 1993-yil 7-iyundagi 274-son qarorlarning O‘zbekiston Respublikasi Fanlar akademiyasining va tarmoq akademiyalarining haqiqiy a’zolari va muxbir a’zolari unvonlari uchun gonorarlar miqdoriga oid qismi o‘z kuchini yo‘qotgan deb hisoblansin.
Oldingi tahrirga qarang.
Oldingi tahrirga qarang.
Bir oylik gonorar miqdori | |
1. Fanlar akademiyasining haqiqiy a’zosi (akademik) | Respublikada belgilangan mehnatga haq to‘lashning eng kam miqdorining 3,52 baravari miqdorida |
2. Sobiq O‘zbekiston Qishloq xo‘jaligi fanlari akademiyasining haqiqiy a’zosi | Respublikada belgilangan mehnatga haq to‘lashning eng kam miqdorining 3,52 baravari miqdorida |
3. Sobiq O‘zbekiston Qishloq xo‘jaligi fanlari akademiyasining muxbir a’zosi | Respublikada belgilangan mehnatga haq to‘lashning eng kam miqdorining 2,46 baravari miqdorida |
(ilova O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)