O‘zbekiston Respublikasi Saylov kodeksi hamda O‘zbekiston Respublikasi Prezidentining 2018-yil 6-noyabrdagi “O‘zbekiston Respublikasi Markaziy saylov komissiyasi faoliyatini takomillashtirish bo‘yicha tashkiliy chora-tadbirlar to‘g‘risida”gi PQ-4004-son qaroriga muvofiq, shuningdek, hududiy saylov komissiyalarining mustaqilligini yanada kuchaytirish hamda samarali faoliyat ko‘rsatishi uchun qo‘shimcha shart-sharoitlar yaratish maqsadida qaror qilaman:

1. O‘zbekiston Respublikasi Prezidentining 2018-yil 6-noyabrdagi “O‘zbekiston Respublikasi Markaziy saylov komissiyasi faoliyatini takomillashtirish bo‘yicha tashkiliy chora-tadbirlar to‘g‘risida”gi PQ-4004-son qaroriga 3-ilovada:

(a) “Komissiya kotibi” pozitsiyasining “Ish haqi razryadlari” ustunidagi “9” raqami “12” raqami bilan almashtirilsin;

(b) izoh qismining ikkinchi xatboshisi chiqarib tashlansin.

2. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.