O‘zbekiston Respublikasi Vazirlar Mahkamasining 2025-yil 13-sentabrdagi 578-son “Oliy ta’lim tashkilotlariga o‘qishga qabul qilish jarayonlarini tartibga soluvchi normativ-huquqiy hujjatlarni tasdiqlash to‘g‘risida”gi qaroriga muvofiq O‘zbekiston Respublikasi Mudofaa vazirligi hamda Oliy ta’lim, fan va innovatsiyalar vazirligi qaror qiladi:

1. O‘zbekiston Respublikasi Mudofaa vazirligi hamda Oliy va o‘rta maxsus ta’lim vazirligining 2017-yil 5-dekabrdagi 34 va 27-2017-son qarori (ro‘yxat raqami 2995, 2018-yil 5-aprel) (Qonun hujjatlari ma’lumotlari milliy bazasi, 06.04.2018-y., 10/18/2995/1020-son) bilan tasdiqlangan O‘zbekiston Respublikasi oliy ta’lim muassasalariga “Chaqiriqqacha harbiy ta’lim” yo‘nalishi bo‘yicha qabul qilishda kasbiy (ijodiy) imtihon o‘tkazish tartibi to‘g‘risidagi nizomga ilovaga muvofiq o‘zgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

1. 6-banddagi “davlat test sinovlari o‘tkazilishiga qadar 11-iyuldan 25-iyulgacha” degan so‘zlar “har yili abituriyentlarni ro‘yxatdan o‘tkazish yakunlangandan boshlab 20-iyulga qadar (20-iyul kuni ham)” degan so‘zlar bilan almashtirilsin.

2. 17-banddagi “30” raqami “25” raqami bilan almashtirilsin.

3. 19-banddagi “72” raqami “24” raqami bilan almashtirilsin.

4. 21-banddagi “48 soat” degan so‘zlar “uch kun muddat” degan so‘zlar bilan almashtirilsin.