Oʻzbekiston Respublikasi Prezidentining “Umumtaʼlim maktablari oʻqituvchilarining mehnatini ragʻbatlantirishga oid tadbirlar toʻgʻrisida” 1994-yil 28-sentabrdagi Farmonini bajarish va xalq taʼlimi xodimlari mehnatiga haq toʻlashni tartibga solish maqsadida Vazirlar Mahkamasi qaror qiladi:

1.1994-yilning 1-oktabridan boshlab umumtaʼlim maktablari oʻqituvchilari va rahbarlari uchun mehnatga haq toʻlashning yagona tarif setkasi boʻyicha hozir amalda boʻlganga nisbatan bir razryadga oshirilgan lavozim maoshlarining yangi miqdorlari joriy qilinsin.

2. 1994-yilning 1-oktabridan boshlab xalq taʼlimi xodimlari uchun hozir amalda boʻlgan ustamalar va qoʻshimcha haqlarning ish haqiga nisbatan foiz ifodasida tabaqalashtirilgan yangi miqdorlari belgilansin. Shu maqsadda:

xalq taʼlimi xodimlari lavozimlari, qoʻshimcha haqlar turlari va miqdorlarining roʻyxati 1—3-ilovalarga muvofiq;

oʻquv mashgʻulotlari oʻtkazish uchun mehnatga haq toʻlashning soatbay stavkalari 4-ilovaga muvofiq tasdiqlansin

3. Tasarrufida oʻquv yurtlari boʻlgan vazirliklar va idoralar ish haqining oshirilgan miqdorlarining shu jumladan ustamalar va qoʻshimcha haqlarning oʻz vaqtida toʻlanishini taʼminlasinlar.

4. Oʻzbekiston Respublikasi Moliya vazirligi koʻrsatilgan maqsadlar uchun budjetdan zarur mablagʻlar ajratsin.

5. Mazkur qarorning bajarilishini nazorat qilish Bosh vazir oʻrinbosarlari S. S. Saidqosimov va B. S. Hamidovlar zimmasiga yuklansin.

Qoʻshimcha haq quyidagicha belgilanadi:

4. Sinflardagi (sinf-komplektlardagi) oʻquvchilar soni 15 nafargacha boʻlgan kam komplektlangan maktablarda sinf rahbarligi va daftar tekshirganlik uchun Vazirlar Mahkamasining “Umumtaʼlim maktablari oʻqituvchilarining mehnatini ragʻbatlantirishga doir qoʻshimcha chora-tadbirlar toʻgʻrisida” 2004-yil 2-iyuldagi 310-son qarori 1-bandining uchinchi va toʻrtinchi xatboshida nazarda tutilgan tegishli qoʻshimcha haqning 50 foizi miqdorida haq toʻlanadi.

5. Umumtaʼlim maktablarining, maktab-internatlarning oʻqituvchilariga, hunar-texnika oʻquv yurtlarining umumtaʼlim predmetlari oʻqituvchilariga oʻquv kabinetlari mudirligi uchun eng kam oylik ish haqining 10 foizi miqdorida;

informatika va hisoblash texnikasi kabinetlariga mudirlik qilish yuklatilgan oʻqituvchiga oʻquv-hisoblash texnikasining har bir ishlaydigan komplekti uchun eng kam oylik ish haqining 5 foizi miqdorida qoʻshimcha haq toʻlanadi.

6. Oʻrta maxsus va hunar-texnika oʻquv yurtlari oʻqituvchilariga (hunar-texnika oʻquv yurtlarining umumtaʼlim predmetlari oʻqituvchilaridan tashqari) oʻquv kabinetlari va laboratoriyalariga mudirligi, sikl, predmet va uslubiy komissiyalarga rahbarligi uchun eng kam oylik ish haqining 15 foizi miqdorida;

oʻquv-kurs kabinetlari (oʻquv punktlari), kurslar oʻqituvchilariga — eng kam oylik ish haqining 15 foizi miqdorida.

7. Oʻrta maxsus oʻquv yurtlari oʻqituvchilariga kechki, sirtqi boʻlimlarga, mutaxassislik (bitta yoki bir necha turdosh) boʻyicha boʻlimga mudirligi uchun boʻlimda:

100 dan 125 nafargacha oʻquvchi boʻlganda — eng kam oylik ish haqining 20 foizi;

126 dan 150 nafargacha oʻquvchi boʻlganda — 25 foizi;

151 dan 200 gacha oʻquvchi boʻlganda — 30 foizi miqdorida;

8. Sanʼat xodimlari tayyorlash boʻyicha oʻrta maxsus oʻquv yurtlarining hamda pedagogika bilim yurtlarining musiqa boʻlimlari oʻqituvchilariga — boʻlimga mudirligi uchun — boʻlimda:

50 dan 100 nafargacha oʻquvchi boʻlganda — eng kam oylik ish haqining 20 foizi;

100 nafardan ortiq oʻquvchi boʻlganda — 30 foizi miqdorida.

9. Umumtaʼlim maktablarining oʻqituvchilariga — oʻquv — tajriba uchastkalariga mudirligi uchun:

toʻqqiz yillik maktablarda — eng kam oylik ish haqining 15 foizi;

oʻrta umumtaʼlim maktablarida — 20 foizi;

maktab-internatlarda va alohida tarbiya sharoitlariga muhtoj boʻlgan bolalar uchun maxsus maktablarda — 30 foizi miqdorida.

Qoʻshimcha haq oʻquvchilar tomonidan ushbu uchastkalarda qishloq xoʻjaligi ishlari bajarilgan davrda, teplitsa yoki parnik xoʻjaliklarida esa butun yil davomida toʻlanadi. Mudirlik qilganlik uchun qoʻshimcha haq toʻlanadigan oʻquv-tajriba uchastkalarining eng kichik hajmi normalari tegishli hokimlik tomonidan belgilanadi. Agronom shtati mavjud boʻlganda qoʻshimcha haq toʻlanmaydi.

10. Mehnat taʼlimi oʻqituvchilariga maktablarda maktab-internatlarda oʻquv ustaxonalari ustasi vazifasini bajarganlik uchun sinflar ( sinf — komplektlar):

10 tagacha boʻlganda — har bir ustaxona uchun eng kam oylik haqining 15 foizi;

10 dan 20 tagacha boʻlganda — 20 foizi;

21 ta va undan koʻp boʻlganda — 25 foizi miqdorida qoʻshimcha haq toʻlanadi;

kombinatsiyalashgan ustaxona mavjud boʻlganda eng kam ish haqining tegishli ravishda 25, 30, 40 foizi miqdorida qoʻshimcha haq toʻlanadi.

11. Umumtaʼlim maktablarining va barcha turdagi va nomdagi maktab — internatlarning smetalarida oʻquvchilarni jismoniy tarbiyalash boʻyicha sinfdan tashqari ishlarni oʻtkazganlik uchun pedagog xodimlar mehnatiga quyidagicha miqdorda haq toʻlash uchun mablagʻlar nazarda tutiladi:

10 dan 19 tagacha sinf — komplektlar boʻlganda — umuman maktab, maktab-internat uchun eng kam oylik ish haqining 25 foizi;

20 dan 29 tagacha boʻlganda — 50 foizi;

30 ta va undan koʻp boʻlganda — 100 foizi miqdorida.

Yetim bolalar hamda ota-ona qarovisiz qolgan bolalar uchun maktab-internatlarga, maktabgacha yoshdagi bolalar uchun bolalar uylarida va aralash turdagi bolalar uylarida qoʻshimcha haq, sinflar (guruhlar) sonidan qatʼi nazar, eng kam oylik ish haqining 60 foizi miqdorida belgilanadi qoʻshimcha haq bir xodim hisobiga ham bir necha xodimga boʻlib berilishi ham mumkin.

12. Yotoqxonalari boʻlgan oʻrta maxsus va hunar-texnika oʻquv yurtlarining direktorlariga hamda tarbiya (oʻquv-tarbiya) ishlari boʻyicha direktor oʻrinbosarlariga qoʻshimcha haq ularda:

200 gacha oʻquvchi yashaganda — eng kam oylik ish haqining 15 foizi;

200 dan — 400 gacha oʻquvchi yashaganda – 20 foizi;

400 dan koʻp oʻquvchi yashaganda — 80 foizi miqdorida toʻlanadi.

13. Direktorlarga va oʻquv ishlari boʻyicha direktor oʻrinbosarlariga maktabda kuni uzaytirilgan ikki yoki undan guruhlar mavjud boʻlganda qoʻshimcha haq eng kam oylik ish haqining 10 foizi, kuni uzaytirilgan maktablarda esa 15 foizi miqdorida toʻlanadi.

Bunda qoʻshimcha haq kuni uzaytirilgan guruhlar ishlariga rahbarlik qilish zimmasiga yuklatilgan oʻquv ishlari boʻyicha direktor oʻrinbosarlarining faqat bittasiga toʻlanadi.

Eng kam oylik ish haqining 10 va 15 foizi miqdoridagi koʻrsatib oʻtilgan qoʻshimcha haq, direktorlarning oʻrinbosarlariga ularning toʻliq yoki yarim stavka boʻyicha ishlayotganligidan qatʼi nazar, toʻlanadi.

Direktor lavozimi nazarda tutilmagan boshlangʻich maktablarda maktabda ikki yoki undan koʻp kuni uzaytirilgan guruhlar mavjud boʻlganda maktabga rahbarlik qilish yuklatilgan oʻqituvchiga ularga rahbarlik qilganlik uchun qoʻshimcha haq eng kam oylik ish haqining 10 foizi miqdorida toʻlanadi.

14. Umumtaʼlim maktablarining va maktab-internatlarning zimmasiga mehnat taʼlimi, oʻquvchilarni kasbga, ijtimoiy foydali, unumli mehnatga yoʻnaltirishni tashkil etish yuklatilgan pedagog xodimlaridan bittasiga quyidagi normativlardan kelib chiqqan holda:

6 — 12 ta sinf mavjud boʻlgan maktablarda eng kam oylik ish haqining 15 foizi;

13—29 ta sinf mavjud boʻlganda — 25 foizi;

30 ta va undan koʻp sinf mavjud boʻlganda — 40 foizi miqdorida qoʻshimcha haq toʻlanadi.

15. Direktor lavozimi nazarda tutilmaydigan, 80 nafargacha shaharlarda va ishchi shaharchalarida 100 nafargacha) oʻquvchi boʻlgan kechki (navbatli) oʻrta umumtaʼlim maktablarida, yetti yillik musiqa maktablarida hamda badiiy maktablarda, boshlangʻich maktablarda maktabga (sinflarga) rahbarlik uchun, kunduzgi umumtaʼlim maktablari huzuridagi oʻqitishning kunduzgi-sirtqi shakllaridagi sinflarga rahbarlik uchun oʻqituvchilardan bittasiga qoʻshimcha haq:

boshlangʻich maktablarda oʻquvchilar:

160 nafargacha boʻlganda eng kam oylik ish haqining 15 foizi miqdorida;

161 dan 240 nafargacha boʻlganda — 20 foizi miqdorida;

kechki (navbatli) oʻrta umumtaʼlim maktablarida va kunduzgi umumiy taʼlim maktablari huzuridagi oʻqish kunduzgi-sirtqi shaklda boʻlgan sinflarda oʻquvchilar soni:

60 nafargacha boʻlsa — eng kam oylik ish haqining 15 foizi;

61 dan 80 nafargacha (shaharlarda va ishchilar shaharchalarida 100 gacha) boʻlsa — eng kam oylik ish haqining 20 foizi;

oʻquvchilar soni 50 nafargacha boʻlgan yetti yillik musiqa maktablarida va badiiy maktablarda — eng kam oylik ish haqining 15 foizi miqdorida toʻlanadi.

16. Oʻquvchilar soni 150 dan 200 nafargacha boʻlgan hamda oʻquv ishlari boʻyicha direktor oʻrinbosari lavozimi belgilanmaydigan yetti yillik musiqa maktablari va badiiy maktablarda oʻquv ishlariga rahbarlik qiluvchi oʻqituvchiga eng kam oylik ish haqining 15 foizi miqdoricha qoʻshimcha haq toʻlanadi.

17. Umumtaʼlim maktabi direktorining (direktor lavozimi nazarda tutilmagan boshlangʻich sinflar oʻqituvchisining) lavozim maoshiga maktab huzuridagi internatga mudirlik qilganligi uchun tarbiyalanuvchilar soniga qarab:

tarbiyalanuvchilar 20 nafargacha boʻlsa — eng kam oylik ish haqining — 10 foizi miqdorida;

21 dan 40 nafargacha boʻlsa — 15 foizi miqdorida;

41 dan 75 nafargacha boʻlsa — 20 foizi miqdorida;

76 dan 120 nafargacha boʻlsa — 25 foizi miqdorida qoʻshimcha haq belgilanadi.

18. Maktablarning sirtqi boʻlimlarining, sirtqi maktablarning, oʻqitish kunduzgi-sirtqi shaklda olib boriladigan kechki (navbatli) oʻrta umumiy taʼlim maktablarining oʻquv-maslahat punktlariga mudirlik qilganlik uchun oʻquv-maslahat punktlarida sirtdan oʻquvchilar soni:

30 dan 60 nafargacha boʻlsa — eng kam oylik ish haqining 10 foizi miqdorda (qoʻshimcha haq faqat qishloq joylardagi punktlarda beriladi);

61 dan 100 nafargacha boʻlsa — 15 foizi miqdorida;

101 dan 200 nafargacha boʻlsa (faqat sirtqi boʻlimlar va sirtqi maktablar punktlarida) — 20 foizi miqdorida qoʻshimcha haq beriladi;

koʻr va yaxshi koʻrmaydigan, kar va yaxshi eshitmaydigan oʻquvchilar uchun — oʻquv — maslahat punktlarida sirtdan oʻquvchilar 15 dan 60 nafargacha boʻlsa — eng kam oylik ish haqining 10 foizi miqdorida;

sirtdan oʻquvchilar 61 dan 100 nafargacha boʻlsa — 15 foizi miqdorida qoʻshimcha haq toʻlanadi.

19. Boʻlimga rahbarlik qiluvchi (boʻlimning ixtiyorida bir ixtisoslikdagi kamida 10 ta toʻgarak mavjud boʻlsa) maktabdan tashqari muassasaning toʻgarak rahbariga eng kam oylik ish haqining 30 foizi miqdorida haq toʻlanadi. Boʻlimda mudir lavozimi mavjud boʻlgan taqdirda koʻrsatib oʻtilgan qoʻshimcha haq toʻlanmaydi.

20. Oʻqituvchilarga va boshqa xodimlarga ish yuritishni va buxgalteriya hisobini olib borganliklari uchun:

umumtaʼlim maktablarida, shu jumladan kechki (navbatli) umumtaʼlim maktablarida sinf-komplektlar soni:

5 dan 9 tagacha boʻlganda — eng kam oylik ish haqining 20 foizi miqdorida;

10 dan 13 tagacha boʻlganda — 25 foizi miqdorida (shtatda xoʻjalik mudiri yoki xoʻjalik ishlari boʻyicha direktor oʻrinbosari lavozimi (mavjud boʻlganda koʻrsatib oʻtilgan qoʻshimcha haq toʻlanmaydi);

oʻrta umumtaʼlim maktablarining sirtqi boʻlimlarida sirtdan oʻquvchilar soni:

200 nafargacha boʻlsa — 10 foizi miqdorida;

200 nafarda koʻp boʻlsa — 15 foizi miqdorida;

umumtaʼlim maktablari huzuridagi internatlarda va badiiy maktablarda tarbiyalanuvchilar soni:

20 dan 75 nafargacha boʻlsa — 5 foizi miqdorida;

76 dan 120 nafargacha boʻlsa — 10 foizi miqdorida;

120 nafardan koʻp boʻlsa — 15 foizi miqdorida;

mahsulotni sotishdan daromad oluvchi maktab va maktablararo oʻquv-ishlab chiqarish ustaxonalarida — 15 foizi miqdorida qoʻshimcha haq toʻlanadi.

Buxgalteriya hisobi markazlashtirilgan buxgalteriya tomonidan yuritilgan hollarda ham ushbu bandda nazarda tutilgan miqdorlarda qoʻshimcha haq beriladi. Yordamchi qishloq xoʻjaligi boʻyicha buxgalteriya hisobini yuritganlik uchun maktab-internatlar va bolalar uylarining bosh buxgalterlariga (buxgalterlariga) qoʻshimcha haq quyidagi miqdorlarda toʻlanadi:

qishloq xoʻjaligi ekin maydonlari 15 gektardan 25 gektargacha boʻlsa — eng kam oylik ish haqining 15 foizi miqdorida;

ekin maydonlari 25 gektardan koʻp boʻlsa — 20 foizi miqdorida.

21. Kechki (navbatli) oʻrta umumtaʼlim maktablarida va maktablar huzuridagi internatlarda (ularda xoʻjalik mudiri lavozimi nazarda tutilmagan hollarda) xoʻjalik ishlari boʻlimi boʻyicha direktorlarning yordamchilariga yoki xoʻjalik mudirlariga va (shtatda bu lavozimlar mavjud boʻlmaganda) umumtaʼlim maktablarining boshqa xodimlariga xoʻjalikni yuritganliklari uchun kechki (navbatli) oʻrta umumtaʼlim maktablarida sinflar soni:

10 dan 20 tagacha boʻlsa — eng kam oylik ish haqining 20 foizi miqdorida;

20 dan koʻp boʻlsa — 30 foizi miqdorida;

umumtaʼlim maktablari huzuridagi maktablarda, oʻrta musiqa va badiiy maktablarda tarbiyalanuvchilar soni:

40 dan 120 nafargacha boʻlsa — 15 foizi miqdorida;

120 nafardan koʻp boʻlganda — 20 foizi miqdorida qoʻshimcha beriladi.

22. Kutubxonachi (kutubxona mudiri) lavozimi nazarda tutilmagan umumtaʼlim maktablarida 1000 kitobdan kam boʻlmagan kitob fondi mavjud boʻlgan taqdirda kutubxona ishini yuritganliklari uchun oʻqituvchilarga va maktablarning pedagog xodimlariga toifaga ega boʻlmagan kutubxonachi lavozim maoshining 40 foizi miqdorida qoʻshimcha haq toʻlanadi.

23. Maktablar, barcha tur va nomdagi maktab-internatlar, oʻrta maxsus va hunar — texnika oʻquv yurtlari kutubxonachilariga yoki boshqa xodimlarga darsliklarning kutubxona fondi bilan shugʻullanganliklari uchun eng kam oylik ish haqining 10 foizi miqdorida qoʻshimcha haq toʻlanadi.

Keyingi har bir 1500 nusxa darsliklar uchun 5 foiz, biroq eng kam oylik ish haqining 30 foizidan miqdorda koʻp boʻlmagan qoʻshimcha haq toʻlanadi.

24. Yordamchi xoʻjalikka ega boʻlgan barcha tur va nomdagi maktab-internatlar va bolalar uylari direktorlariga hamda direktorlarning yordamchilariga, (oʻrinbosarlariga) (xoʻjalik mudirlariga) shuningdek, oʻquv xoʻjaligiga ega boʻlgan hunar-texnika oʻquv yurtlarining direktorlariga, oʻquv-ishlab chiqarish ishi boʻyicha direktorlarning oʻrinbosarlariga, katta masterlarga yordamchi (oʻquv) xoʻjaligiga rahbarlik qilganliklari uchun yuqori tashkilotlarining qarori bilan yordamchi (oʻquv) xoʻjaliklari oʻz faoliyatlaridan oladigan mablagʻlar hisobidan qoʻshimcha haq belgilanadi.

25. Kunduzgi oʻrta maktablarning ayni bir vaqtda kechki (navbatli) umumtaʼlim maktablarining fizika va kimyo kabinetlari laboranti vazifasini bajaruvchi laborantlariga, agar kechki (navbatli) oʻrta umumtaʼlim maktablarida 10 va undan ortiq sinf mavjud boʻlishi hamda shtatda laborant lavozimi nazarda tutilgan boʻlishi sharti bilan har bir kabinet uchun har oyda eng kam oylik ish haqining 10 foizi miqdorida qoʻshimcha haq toʻlanadi.

26. “Xizmat koʻrsatgan sport ustasi” faxriy unvoniga ega boʻlgan shaxslarga Oʻzbekiston Respublikasida belgilangan eng kam oylik ish haqining 20 foizi miqdorida qoʻshimcha haq toʻlanadi.

27. Mazkur ilova bilan oʻrta umumiy taʼlim maktablarining oʻqituvchilari uchun nazarda tutilgan qoʻshimcha haq gimnaziyalar va litseylarning oʻqituvchilariga joriy etiladi, oʻrta maxsus va hunar-texnika oʻquv yurtlarining oʻqituvchilari uchun nazarda tutilgan qoʻshimcha haq esa kollejlar, hunar litseylari, oliy hunar va texnika oʻquv yurtlari oʻqituvchilariga joriy etiladi.

I. Taʼlim-tarbiya jarayoni bilan bevosita shugʻullanuvchi rahbar xodimlar, pedagogik xodimlar, ruhshunoslar, ishlab chiqarish taʼlimi ustalari, mehnat taʼlimi instruktorlari va tarbiyachilarning yordamchilari stavkalari hamda lavozim maoshlariga quyidagi miqdorlarda qoʻshimcha toʻlovlar belgilanadi:

a) umumiy turdagi maktab-internatlarda — oyiga 15 foiz;

b) iqtidorli bolalar gimnaziyalari, kollejlari, maktab-internatlari (sinflari, guruhlari)da (bunday sinflar kamida 50 foizni tashkil qilsa, rahbar xodimlar uchun) — oyiga 20 foiz;

v) litseylar (sinflar, guruhlar)da — umumtaʼlim maktablari va hunar-texnika oʻquv yurtlaridagi xuddi shunday xodimlarga nisbatan 20 foiz, litsey-internatlar va yotoqxonasi boʻlgan litseylarda shu toifadagi maktab-internatlar va hunar oʻrgatuvchi litseylar xodimlariga nisbatan (bunday sinflar, guruhlar kamida 50 foizni tashkil qilsa, rahbar xodimlar uchun) — 50 foiz;

g) jismoniy va aqliy rivojlanishida nuqsonlari boʻlgan, alohida tarbiya sharoitlariga yoki uzoq muddat davolanishga muhtoj boʻlgan bolalar va oʻsmirlar ruhiy rivojlanishda orqada qolgan bolalar (shu jumladan, bunday bolalarni yakka tartibda oʻqitganda) maktablari, maktab-internatlari, maktabgacha muassasalari, oʻrta maxsus hamda hunar-texnika oʻquv yurtlarida; balogʻatga yetmaganlarni qabul qilish-taqsimlash joylari va mehnat-tarbiya koloniyalarida; axloq tuzatish-mehnat muassasalari huzuridagi maktablarda, maktabgacha muassasalarda; maxsus hunar-texnika bilim yurtlari, bolalar uylari, uy-internatlar, musiqa taʼlimi beruvchi maktablar (maktab-internatlar), yetim bolalar va ota-ona qarovisiz qolgan bolalar maktab-internatlarida; militsiya bolalar xonalari tomonidan yuboriladigan tarbiyasi qiyin bolalar uchun tashkil etiladigan maktabdan tashqari muassasalarda; bolalar uylarida; maxsus sogʻliqni saqlash muassasalaridagi pedagog xodimlarga; bolalar kasalxonalari (boʻlinmalari) sanatoriylari va shu kabilarda — oyiga 50 foiz.

Izohlar:

Maxsus maqsadli (alohida rejimli) sinflari va guruhlari boʻlgan Umumiy maqsaddagi muassasalarda ish haqi stavkasi (lavozim maoshi)ga qoʻshimcha toʻlov faqat ana shunday sinflar (guruhlar)da ishlangan vaqt uchungina, rahbar xodimlarga esa — koʻrsatilgan sinflar yoki guruhlar muassasada kamida 50 — foizni tashkil qilgandagina toʻlanadi.

Sil kasalligining yengil shakli bilan kasallangan bolalarga moʻljallangan guruhlari boʻlgan umumiy maqsaddagi maktabga muassasalarda (bunday guruhlar sonidan qatʼi nazar) qoʻshimcha toʻlovlar shu guruhlarda ishlamaydigan tarbiyachilar, musiqa rahbarlari, tarbiyachilar yordamchilari (tungi enagalar) dan tashqari barcha xodimlarga toʻlanadi. Yetim bolalar, ota-onalar qarovisiz qolgan bolalar uchun alohida guruhlar (sinflar) tashkil etilgan umumiy turdagi yoki maxsus maqsadli maktablar va maktab-internatlar xodimlariga koʻrsatilgan toʻlovlar toʻlanmaydi.

d) jismoniy yoki aqliy rivojlanishida nuqsonlari boʻlgan, uzoq muddatli davolanishga muhtoj boʻlgan; ruhiy rivojlanishda orqada qolgan bolalar kontingent boʻlgan bolalar uylarida, bolalar uy-internatlarida, yetim bolalar va ota-onalar qarovisiz qolgan bolalar maktab-internatlarida, bolalar uylari (sinflari guruhlari) da — oyiga 60 foiz.

II. I-bandning “g” kichik bandida koʻrsatilgan muassasalar (yetim bolalar va ota-onalar qarovisiz qolgan bolalar muassasalaridan tashqari) oʻzlarining shu xususiyatlari boʻyicha ushbu muassasalarning oʻquvchilari yoki tarbiyalanuvchilari bilan bevosita muloqotda boʻladigan boshqa xodimlariga qoʻshimcha haqlar lavozim maoshining 35-50 foizi miqdorida belgilanadi.

Lavozim maoshining 35-50 foizi miqdorida qoʻshimcha haq belgilanishi mumkin boʻlgan xodimlarning aniq roʻyxati va ushbu qoʻshimcha haqlarining miqdorlari, kasaba uyushmalari bilan kelishgan holda jismoniy yoki aqliy rivojlanishida kamchiligi boʻlgan, uzoq muddat davolanishga yoki alohida sharoitlarda tarbiyalanishga muhtoj boʻlgan oʻquvchilar (tarbiyalanuvchilar) bilan munosabatda boʻlish darajasi va davom etishiga qarab muassasalarning rahbarlari tomonidan belgilanadi.

III. I-bandda sanab oʻtilmagan yetim bolalar va ota-onalar qarovisiz qolgan bolalar uylari va maktab-internatlarning xodimlariga qoʻshimcha haq 50 foiz miqdorida belgilanadi, ota-onalar qarovisiz qolgan, jismoniy yoki aqliy rivojlanishida kamchiligi boʻlgan, uzoq vaqt davolanishga muhtoj boʻlgan, ruhiy rivojlanishda orqada qolgan bolalari boʻlgan bolalar uylarida, yetim bolalar maktab-internatlarida esa — oyiga 60 foiz miqdorida belgilanadi.

IV. Xalq taʼlimi muassasalarining fan doktori va fan nomzodi darajasiga ega boʻlgan pedagog va rahbar xodimlariga qoʻshimcha haq eng nam oylik ish haqining tegishli ravishda 70 va 45 foizi miqdorida belgilanadi

Izohlar:

1. Jismoniy rivojlanishida nuqsoni boʻlgan bolalar va oʻsmirlar uchun moʻljallangan taʼlim-tarbiya muassasalariga:

eshitish qobiliyati yomonlashgan (kar-soqov), zaif eshituvchi, koʻr, (koʻr-kar), zaif koʻruvchi, gʻilay va ambliopiya, nutqi zaif; tayanch-harakat aʼzosida nuqsoni boʻlgan, paralich va boshqa kasalliklar bilan ogʻrigan tarbiyalanuvchi oʻquvchilar uchun maktablar, maktab — internatlar, bolalar uylari, maktabgacha tarbiya muassasalari, hunar-texnika oʻquv yurtlari (sinflar, guruhlar); Mehnat va aholini ijtimoiy muhofaza qilish vazirligi tizimidagi nogiron bolalar uchun logopedik boʻlimlar, muassasalar kiradi.

2. Aqliy rivojlanishda nuqsoni boʻlgan bolalar uchun moʻljallangan taʼlim - tarbiya muassasalariga: aqlan zaif, koʻr va aqlan zaif, ruhiy rivojlanishda orqada qolgan, tafakkurida nuqsoni boʻlganlar uchun moʻljallangan maktablar, maktab-internatlar, bolalar uylari, maktabgacha tarbiya bolalar muassasalari (sinflar, guruhlar); respublika Mehnat va aholini ijtimoiy muhofaza qilish vazirligi tizimidagi shunday bolalar muassasalari kiradi.

3. Uzoq muddat davolanishga muhtoj boʻlgan bolalar oʻquv-tarbiya muassasalariga: ruhiy asab kasalliklariga (psixonevrotika), sil kasalligi va uning shakllariga, yurak-tomir tizimi kasalliklari, markaziy asab tizimining buzilishiga, ruhiy nuqsoni boʻlgan; yuqumli gepatit bilan ogʻrigan oʻquvchilar (tarbiyalanuvchilar) uchun; skolioz kasalligiga chalingan bolalar uchun moʻljallangan hunar-texnika oʻquv yurtlari, maktablar, maktab-internatlar, bolalar uylari, maktabgacha tarbiya bolalar muassasalari (sinflar, guruhlar); sogʻliqni saqlash muassasalari; ixtisoslashtirilgan bolalar uylari, bolalar kasalxonalari (boʻlimlari), sanatoriylar va boshqalar kiradi.

4. Uyda quyidagi surunkali kasalliklarga chalingan bolalar yakka tartibda oʻqitiladi: suyak sili, poliomiyelit, serebral spatik paralich, Littil kasalligi, psixopat, tutqanoq va boshqa kasalliklar kasal boʻlgan bolalar, faqat tegishli tibbiyot xulosasi mavjud boʻlgan taqdirda; bolalar kasalxonalari (klinikalari) da va kasalxonalarning bolalar boʻlimida uzoq muddat davolanishda boʻlgan bolalar uchun yakka tartibdagi yoki guruhli oʻqitish.

Qoʻshimcha toʻlovlar quyidagilarga belgilanadi:

1.Oliy oʻquv yurtlarining quyidagi vazifalarni bajaruvchi professor-oʻqituvchilariga:

dekanlarga — eng kam oylik ish haqining 120 foizi miqdorida va dekanlarning oʻrinbosarlariga — eng kam oylik ish haqining 90 foizi miqdorida.

2. Tibbiyot oliy oʻquv yurtlari, shifokorlar malakasini oshirish institutlari va tibbiyot fakultetlarining professor-oʻqituvchilariga sogʻliqni saqlash idoralarining klinikalari va klinik baza boʻlgan boshqa muassasalarida davolash-tashxis ishlarini bajarganliklari uchun quyidagi miqdorlarda qoʻshimcha haq toʻlanadi:

kafedra mudirlari, professorlar va dotsentlarga — lavozim maoshining 20 foizi miqdorida;

assistentlarga — lavozim maoshining 25 foizi miqdorida.

Shu toifadagi xodimlarga — bemorlarni operatsiya qiluvchi jarrohlarga, operativ faoliyatni, reanimatsiya tadbirlarini va jadal terapiya usullarini qoʻllovchi anesteziolog va reanimatologlarga, davolash tadbirlarini amalga oshiruvchi endoskopchilarga qoʻshimcha toʻlovlar ularning lavozim maoshining 25 va 30 foizi miqdorida belgilanadi.

3. Oliy va oʻrta maxsus oʻquv yurtlarining professor-oʻqituvchilariga chet tillarni bilganliklari va xorijiy mamlakatlar uchun mutaxassislar tayyorlashda ularni amalda qoʻllaganliklari uchun lavozim maoshining quyidagi miqdorida qoʻshimcha haq toʻlanadi:

Yevropa chet tillaridan bittasini bilganlik uchun — 7 foiz miqdorida;

Yevropa chet tillarida bir nechtasini bilganlik uchun — 10 foiz miqdorida;

sharq tillarini va kam qoʻllaniladigan chet tillarni bilganlik uchun — 15 foiz miqdorida.

Eslatmalar:

1. Soatbay mehnat haqi stavkalari taʼtil uchun kiritilgan.

2. Oʻzbekiston Respublikasi Fanlar akademiyasi, Qishloq xoʻjaligi fanlari akademiyasi akademiklari va muxbir aʼzolarining soatbay mehnat haqi stavkalari 15 foizga oshiriladi.

3. Tanlovlar va koʻriklar hakamlari aʼzolarining, shuningdek tanlov ishlari taqrizchilari mehnat haqlari talabalar bilan oʻquv mashgʻulotlari olib borish nazarda tutilgan shaxslarga toʻlanadigan soatbay mehnat haqi stavkalari boʻyicha toʻlanadi.