Oʻzbekiston Respublikasi Hukumati bilan Pokiston Islom Respublikasi Hukumati, keyingi oʻrinlarda “Tomonlar” deb ataluvchilar,

Tomonlar davlatlari oʻrtasida ikki tomonlama doʻstona munosabatlarni mustahkamlash maqsadida,

Tomonlar davlatlarining amaldagi diplomatik pasportga ega fuqarolarining kirish va chiqish, shuningdek, oʻzaro safar qilishlarini osonlashtirish maqsadida intilib,

quyidagilar toʻgʻrisida kelishib oldilar:

Har bir Tomon davlatining amaldagi diplomatik pasportiga ega fuqarolari boshqa Tomon davlati hududiga kirgan sanadan boshlab bir yuz sakson (180) kun ichida oʻttiz (30) kundan oshmagan muddatda vizalar rasmiylashtirmagan holda ushbu Tomon davlati hududiga kirish, chiqish, tranzit oʻtish hamda vaqtinchalik boʻlib turish huquqiga ega.

Har bir Tomon davlatining amaldagi diplomatik pasporti egalari, boshqa Tomon davlati hududida boʻlib turganlarida, mazkur Tomon davlatining milliy qonunchiligiga, shu jumladan roʻyxatdan oʻtish, boʻlib turish, harakat qilish va tranzit oʻtishda chet el fuqarolari uchun belgilangan qoidalariga rioya qiladilar.

1. Boshqa Tomon davlati hududida akkreditatsiya qilingan diplomatik vakolatxonalar va konsullik muassasalari, xalqaro tashkilotlarning xodimlari boʻlgan har bir Tomon davlatining amaldagi diplomatik pasporti egalari, basharti ularning rasmiy maqomini tasdiqlovchi hujjatlar mavjud boʻlsa, butun akkreditatsiya davri davomida ushbu boshqa Tomon davlati hududiga vizasiz kirish, chiqish va boʻlib turish huquqiga egadirlar. Yuboruvchi Tomon bunday xodimlarning tayinlanishi haqida boshqa Tomonni diplomatik kanallar orqali oldindan xabardor qiladi.

2. Mazkur moddaning 1-bandida koʻrsatilgan qoidalar bir Tomon davlati hududida akkreditatsiya qilingan diplomatik vakolatxonalar, konsullik muassasalari yoki xalqaro tashkilotlar xodimining turmush oʻrtogʻi, voyaga yetmagan farzandlari, qaramogʻida boʻlgan ota-onalari va 18 yoshga toʻlmagan nabiralariga ham, basharti ular boshqa Tomon davlatining amaldagi diplomatik pasport yoki rasmiy pasporti egalari hisoblansalar, tatbiq qilinadi.

3. Yuboruvchi Tomon boshqa Tomonni diplomatik kanallar orqali tayinlangan xodimlarga hamrohlik qiluvchi oila aʼzolari toʻgʻrisida oldindan xabardor qiladi.

1. Har bir Tomon hech qanday sabablar koʻrsatmagan holda oʻz davlatining hududiga kirishni rad etish yoki boshqa Tomon davlatining amaldagi diplomatik pasportlari egalarining boʻlib turish muddatini cheklash huquqini oʻzida saqlab qoladi.

2. Har bir Tomon milliy xavfsizlik, jamoat tartibi yoki oʻz davlati fuqarolarining sogʻligʻiga tahdid sababli mazkur Bitimning amal qilishini vaqtincha, toʻliq yoki qisman toʻxtatib turishi mumkin. Vaqtinchalik toʻxtatib turish boshqa Tomon hududida boʻlib turgan Tomon davlatining amaldagi diplomatik pasporti egalariga taʼsir etmaydi.

3. Tomonlar bir-birlarini mazkur moddaning 1 va 2-bandlarida koʻrsatilgan choralar koʻrilganligi toʻgʻrisida 72 soatdan kechiktirmasdan diplomatik kanallar orqali xabardor qiladilar.

1. Tomonlar mazkur Bitim imzolangan kundan boshlab 30 kun ichida diplomatik kanallar orqali, amaldagi diplomatik pasportlarning namunalari, shu jumladan, bunday hujjatlarning batafsil tavsifini diplomatik kanallar almashadilar.

2. Basharti Tomonlardan biri mazkur Bitimning amal qilishi davomida diplomatik pasportlarini almashtirsa yoki ularga oʻzgartirishlar kiritsa, ushbu Tomon boshqa Tomonni oʻttiz (30) kun avval diplomatik kanallar orqali xabardor qiladi hamda yangi pasportlar namunalarini, shu jumladan, bunday hujjatlarning batafsil tavsifini taqdim qiladi.

1. Har bir Tomon davlatining amaldagi diplomatik pasporti egalari boshqa Tomon davlati hududida harakatlanish hujjatlari yoʻqolgan yoki shikastlagan taqdirda, oʻz davlatining diplomatik vakolatxonasi yoki konsullik muassasasini zudlik bilan xabardor qiladilar, ular esa oʻz navbatida qabul qiluvchi davlatning Tashqi ishlar vazirligini tegishli choralar koʻrish uchun xabardor qiladilar.

2. Pasportlar yoʻqolgan yoki shikastlangan taqdirda tegishli Tomon davlatining diplomatik vakolatxonasi yoki konsullik muassasasi yangi pasport yoki boshqa harakatlanish hujjati yoxud shikastlangan pasportning oʻrnini vaqtinchalik bosuvchi boshqa safar hujjatini taqdim etadi.

Qabul qiluvchi Tomon davlatining hududidan joʻnab ketish mazkur Bitim qoidalariga va qabul qiluvchi Tomon davlati qonunchiligiga muvofiq amalga oshiriladi.

Mazkur Bitimning qoidalarini amalga oshirish va talqin qilish boʻyicha nizolar yoki kelishmovchiliklar yuzaga kelgan taqdirda, Tomonlar ularni diplomatik kanallar orqali muzokaralar va maslahatlashuvlar yoʻli bilan hal qiladilar.

Mazkur Bitim Tomonlarning oʻzaro roziligi bilan uning ajralmas qismi hisoblanadigan hamda mazkur Bitimning 9-moddasida belgilangan tartibda kuchga kiradigan alohida bayonnomalar orqali oʻzgartirish yoki qoʻshimchalar kiritilishi mumkin.

1. Mazkur Bitim nomuayyan muddatga tuziladi va Tomonlar uning kuchga kirishi uchun zarur boʻlgan davlat ichki protseduralarni yakunlaganliklari toʻgʻrisida oxirgi yozma xabarnoma olingan sanadan kuchga kiradi.

2. Har bir Tomon mazkur Bitimni boshqa Tomonga diplomatik kanallar orqali yozma xabarnoma yuborish orqali tugatishi mumkin.

Mazkur Bitim boshqa Tomon bunday xabarnomani olgan sanadan boshlab toʻqson (90) kundan soʻng tugatiladi.

Toshkent shahrida 2025-yil 26-fevralida ikki (2) asl nusxada, har biri oʻzbek va ingliz tillarida tuzildi, bunda barcha matnlar teng autentikdir.

Mazkur Bitim qoidalarini talqin qilishda tafovut yuzaga kelgan taqdirda, ingliz tilidagi matn ustuvor hisoblanadi.